မြန်မာ-ဘင်္ဂလားဒေ့ရှ် နယ်စပ်ခြံစည်းရိုး သံဆူးကြိုးများ အခိုးခံရ
By featured, အောင်သန်း on March 23, 2012 2:42 pm in သတင်း / 2 comments, Hits: 1,194
ဘင်္ဂလားဒေ့ရှ်-မြန်မာ နယ်စပ် ခြံစည်းရိုး ကာရံထားသည်ကို တွေ့မြင်ရစဉ် (ဓာတ်ပုံ - Star)
"ကောက်စ် ဘဇားမြို့အတွင်းမှာ သံဖြူ၊ ဘိလပ်မြေ တချို့အရောင်းဆိုင်တွေမှာ ရခိုင်ပြည် ခြံစည်းရိုးတွေ ချရောင်းနေတာ မျက်မြင် ကို တွေ့နေရပါတယ်"ဟု ကောက်စ် ဘဇားမြို့ ဘာဇာဂါးဒါရှိ အရောင်းဆိုင်တဆိုင်မှ အကြီးအကဲဖြစ်သူ ဖော်ရိဒ် အာလောင်မ်က ပြောပြသည်။
ယင်း ခြံစည်းရိုးကာသည့် သံဆူးကြိုးများသည် မိုးရေထိခံရန် ဆီလူးထားသော သံဆူးကြိုးများ ဖြစ်၍ သံချေး လွယ်ကူစွာ မတက်ကြောင်း၊ သံဆူးကြိုး တကိုက်လျှင် ၇၈ တာကာဖြင့် ပြန်လည်ရောင်းချနေသော်လည်း ၀ယ်ဈေးမှာ ၃၀ – ၃၅ တာကာ သာရှိကြောင်း လည်း ၎င်းက ပြောသည်။ လက်ရှိ တာကာ ၁၀၀ လျှင် မြန်မာငွေ ၉၃၀ ကျပ်ခန့် ငွေလဲနှုန်း ရှိသည်။
"သူခိုးတွေဆီက ၀ယ်ဈေးတော့ ပုံမှန်မရှိပါဘူး၊ မျက်နှာအခြေအနေကိုကြည့်ပြီး တာကာ ၃၀-၃၅ ပေါ့ဗျာ၊ တခါတလေဆို စုဆောင်းပြီး ကားပေါ်တင် အဆက်အသွယ်ဖြင့် လာရောင်းကြတာပါ"ဟု ဖော်ရိဒ် အာလောင်မ်က ဆက်ပြောသည်။
အဆိုပါ ခြံစည်းရိုးကို၂၀၀၇ ခုနှစ်က ရခိုင်ပြည်နယ် မောင်တောမြို့နယ် နယ်စပ်မှတ်တိုင် အမှတ်(၁)မှ စတင်၍ စနစ်တကျကာရံခြင်း ဖြစ်သော်လည်း သူခိုးများလက်တွင် အလွယ်တကူ အခိုးခံရခြင်းဖြစ်ကြောင်း တောင်ပြိုရွာမှ ကျောင်းဆရာတဦးကလည်း ပြော သည်။
"ခြံစည်းရိုးကာရံဖို့ တိုင်စိုက်တာက ခွင်ခြေထောက်ပုံစံ သုံးခွဖြစ်ပါတယ်၊ ပြီးမှ အာမခံဖြစ်အောင် အလယ်ကနေပြီး ဘားဝါယာ (သံဆူးကြိုး) ကို စနစ်တကျထားပြီး ကာရံတာဖြစ်ပါတယ်၊ ဒါပေမယ့် သူခိုးတွေရဲ့ လုံခြုံရေးကို မခံနိုင်ဘူးဆိုတာ သက်သေပြတာပါ၊ နစက (နယ်စပ်ဒေသ ကွပ်ကဲရေးဌာချုပ်)တွေက ခြံစည်းရိုးကို စောင့်တာမှ မဟုတ်တာ၊ ခြံစည်းရိုးက နစက တွေကိုစောင့်တော့ နစက တွေ အခိုးမခံရတာတောင် ကံကောင်းတယ်လို့ ပြောလို့ရပါတယ်"ဟု ၎င်းက ဆိုသည်။
နယ်စပ်လုံခြုံရေးအတွက် ကာရံနေသည့် ယင်းခြံစည်းရိုးမှာ ပြီးလုနီပါးဖြစ်နေကြောင်း၊ အိန္ဒိယနယ်စပ် တြိဂံ နယ်မြေအထိ ကာရံမည်ဖြစ်ကြောင်းနှင့် ကီလိုမီတာ ၃၀၀ ၀န်းကျင်အထိ အရှည်ရှိမည်ဖြစ်ကြောင်း နစက နှင့် နီးစပ်သူများက ပြောသည်။
ဘင်္ဂလားဒေ့ရ်ှနိုင်ငံသား ဘင်္ဂါလီများအနေဖြင့် ရခိုင်ပြည် ရေပြင်နှင့် မြေပြင်ပိုင်နက်များတွင် အခါအားလျော်စွာ ငါး၊ သစ်၊ ၀ါး၊ အုပ်ချပ် နှင့် တခြားသယံဇာတများကို မကြာခဏ ခိုးယူမှုများ ပြုလုပ်နေကြောင်း နစက သတင်းများအရ သိရသည်။
နစက များအနေဖြင့်လည်း ဘင်္ဂလားဒေ့ရ်ှနိုင်ငံသားများကို လာဘ်ငွေယူ၍ ရခိုင်ပြည်နယ်အတွင်း ၀င်ခွင့်ပေးခြင်းများလည်းရှိကြောင်း သတင်းများက ဖော်ပြသည်။
ဘင်္ဂလားဒေ့ရှ် နိုင်ငံက ယခု ကာရံနေသည့် ခြံစည်းရိုးသည် တချို့နေရာများတွင် ၎င်းတို့ဘက်သို့ ပိုက်နက်ကျူးကျော်ကာရံနေခြင်းဖြစ်သည်ဟု ပြောဆိုမှုများ ရှိနေကြောင်း ဘင်္ဂလားဒေ့ရှ် သတင်းများက ဆိုသည်။
ဘင်္ဂလားဒေ့ရ်ှနှင့် မြန်မာနိုင်ငံသည် ၂၀၀၈ ခုနှစ်က စတင်၍ ရေပိုင်နက် အငြင်းပွားမှု ဖြစ်ပွားခဲ့သည်။ ထိုအငြင်းပွားမှုကို၂၀၀၉ ခုနှစ် တွင် အပြည်ပြည်ဆိုင်ရာတရားရုံး International Tribunal for Law of the Sea (ITLOS)မှ ဖြေရှင်းပေးရန်တင်ပြခဲ့ရာ ပြီးခဲ့သည့် မတ်လ ၁၄ ရက်က တရားရုံး ဆုံးဖြတ်ချက် ချခဲ့သည်။
ထားသင့်တဲ့ဝါဒ
အတွဲ ၂၉ ၊ အမှတ် ၅၆၂ (၂၃ - ၂၉ ၊ ၃၊ ၂၀၁၂)
စာရေးသူ မိတ်ဆွေတစ်ယောက်က စကားဝိုင်းတစ်ခုမှာ နှစ် ၃၀ က ဖြစ်ရပ် လေးတွေ ပြောပြသွားတယ်။ အဲဒီအချိန် က သူဟာ မြစ်ကြီးနားနဲ့ တနိုင်း တပ်ရိက္ခာ စုပုံရေးယာဉ်တွေအတွက် အကြီးစား ပြုပြင်ရေးတာဝန်နဲ့ မြစ်ကြီးနားမှာ လေတပ်စခန်းအ၀င် နန့်ပေါင်မှာ နေခဲ့ ပါတယ်။
နယ်မြေခံတပ်မှာ လက်တစ်ဖက် တံတောင်ဆစ်ကပြတ်နေတဲ့ တပ်ကြပ် ကိုတွေ့လို့ အကျိုးအကြောင်း မေးကြည့် တော့ နန်းကွေ့ ချောင်းမှာ ငါးမိုင်းခွဲစဉ် က လက်ထဲမှာတင် မိုင်းဗုံးကကွဲပြီး လက် ပြတ်သွားတဲလေ။
ဒါနဲ့ပဲ မိတ်ဆွေက အဲဒီဆရာကို မိုင်းတစ်လုံးပြင်ထားပေးပါ။ ဒီတနင်္ဂနွေမှာ ငါးသွားရှာတာပေါ့ လို့ ပြောတော့ လက်တစ်ဖက်ပြတ် ဆရာက အပြုံးမပျက် ဟုတ်ကဲ့တဲ့လေ။
ဒါနဲ့ အဲဒီ နေ့မှာ နန်းကွေ့ချောင်းရဲ့ ချောင်းကွေ့ လေးမှာ မိုင်းခွဲတယ်။
မြစ်ကြီးနားရဲ့ ဒီဇင်ဘာ ဆောင်းကြောင့် နေ့ခင်း ၂ နာရီလောက်မှာ ခွဲလိုက်တာ။
ခွဲတဲ့သူက လက်တစ်ဖက် မိုင်းဆရာပဲတဲ့။
မိုင်းခွဲအပြီး မိုင်းဆရာက သူ့လက်တုကို ချွတ်၊ ဗုံးကွဲမှုကြောင့် ရေပေါ်ပေါ် လာတဲ့ ငါးတွေကို ဆင်းဖမ်းတော့တာ ပဲ။
ကျန်တဲ့ရဲဘော်တွေကတော့ ဆင်းဖမ်းသူ ဖမ်း၊ မိုင်းကွဲသံကြောင့် မူးပြီး မျောနေတဲ့ ငါးတွေကို လှေငယ်လေးတစ်စင်းပေါ်က နေ ဂေါ်နဲ့ဆယ်တင်သူကတင်နဲ့ ပျော် စရာကြီးပါ။
ရေက မေခ-မလိခရဲ့ ရေခဲရေတွေ ဆိုတော့ ခိုက်ခိုက်တုန်ချမ်းပေမယ့် လှေ ပေါ်တင်ထားတဲ့ ကချင်မီးတောက် အရက် တစ်ကြိုက်သောက်၊ ရေအောက် ကြမ်းပြင်မှာ မူးပြီး လဲနေတဲ့ ငါးကြီးတွေ ကို ဆင်းငုတ်ရှာကြပေါ့။
မူးနေတဲ့ငါး တွေက ပက်လက်ဖြစ်နေတော့ ဖြူဖြူ တွေ့ရင် ကောက်ကိုင်လိုက်၊ ငါးပဲ။ ရေက လည်း ကြည်လင်နေတာကိုး။
အဲ အမြည်းတော့ ပေါလောမျောရာက လှေပေါ်မှာ ဂေါ်နဲ့ခပ်တင် ဆယ်ထား တဲ့ ငါးငယ်တွေကို အရက်တစ်ကြိုက် ငါးငယ်တစ်ကိုက်နဲ့ အစိမ်းစားတာပေါ့။
ဒါပြီးတော့ ငါးချင်းတောင်းကိုသယ် ပြီး တပ်ကိုအပ်ြန် မော်ဖောင်းဆိုတဲ့ ကချင်ရွာကို ဖြတ်ဝင်တယ်။
ဒေသခံ ကချင်ရိုးရာအရက်ဆိုင်မှာ ခဏ၀င်ရင်း ရွာက ဒူးဝါး(ရွာလူကြီး)အိမ် ညွှန်ခိုင်း တယ်။ နေရာသိတော့ သွားပြီး ငါး ချင်းတောင်း ကိုချပြီး နှုတ်ဆက်စကား ပြောတယ်။
သူ့စကားက ဒူးဝါးကြီးရေ ရွာ အထွက်ဘက်က ချောင်းကွေ့မှာ ကျွန်တော်တို့ အပျော်သဘောနဲ့ မိုင်းခွဲ ဆယ်လာတဲ့ ငါးတွေပါ။
တကယ်တော့ ဒူးဝါးတို့ ငါးတွေပါ။
ကျွန်တော့တပ်စိတ် အတွက် ညနေစာ နည်းနည်းယူသွားပါ တယ်။
ကျန်တာ ဒူးဝါးတို့ရွာအတွက် ထားခဲ့တယ်။
မျှဝေပေးပါလို့ ပြောပြီး ငါးတွေ ထားခဲ့တယ်။
နောက်တစ်ပတ်မှာ ရွာအပြင်က ပတ်သွားရင်း ဆက်သားတစ်ယောက်နဲ့ မိုင်းခွဲတယ်ဆိုတာ ပြောခိုင်းလိုက်တယ်။
ရွာခံတွေရောက်လာတော့ မိုင်းခွဲတယ်။
ရေထဲက ပေါ်လာတဲ့ငါးတွေ ၀ိုင်းဆယ် ကြတာ ပျော်စရာပါပဲတဲ့။
ဒီတစ်ခါမှာ လည်း တစ်ညစာပဲ ယူပြီး ကျန်တာကို ရွာကလူတွေအတွက် ထားခဲ့တယ်။
နောက်တစ်ပတ်လည်း ဒီအတိုင်းပဲ။
ဒါပေမယ့် နောက်ထပ်တစ်ပတ်က ခရစ္စမတ်ဖြစ်တော့ နေ့လည်မဟုတ်ဘဲ မနက် ၉ နာရီ ချမ်းချမ်းစီးစီးမှာ သူတို့ကို အကြောင်း မကြားဘဲ မိုင်း နှစ်နေရာ ခွဲတယ်။
ရဲဘော်တွေအားနဲ့ပဲ ငါးဆယ် တယ်။
၁၁ နာရီလောက်မှာ ပြီးသွား တယ်။
နောက်တော့ ရွာထဲဖြတ်ဝင် အသင့်ယူလာတဲ့ငါးတွေကို ရမ်သုံးလုံးနဲ့ အတူ ဆလန်ဝါနဲ့ ဒူးဝါးတို့ကို ခရစ္စမတ် လက်ဆောင်ပါလို့ ပြောပြီး ပေးလိုက် တယ်။
အံ့ဩကြပြီး ပြုံးလို့၊ ကျေးကျူး ကမ္ဘာ (ကျေးဇူးတင်ပါတယ်)ချင်း ထပ်နေ ပါတယ်။
ခရစ်ယာန်ရွာကိုး။
ပြန်လှည့် ထွက်ဖို့လှည့်ရင်း နောက်ပြန်လှည့်ပြီး ဒီညမှာ ကျွန်တော်တို့လည်း လာမယ် နော်လို့ ပြောတော့ ဆလန်ဝါနဲ့ ဒူးဝါး တစ်သိုက် ဖျက်ခနဲ တစ်ယောက်ကို တစ်ယောက်ကြည့်ပြီး ဒူးဝါးက စောစော တော့ လနော်တဲ့။
မိတ်ဆွေရဲ့တပ်စိတ် က ရိက္ခာစုံပုံရေးယာဉ်တွေကို အခြေချ တပ်က လာပြင်တာဆိုတော့ သက်ဆိုင် ရာ နယ်မြေလုံခြုံရေးတာဝန် ယူစရာ မလိုဘူး။
ညနေပိုင်းမှာ သူ့လူတွေနဲ့ တပ်ထဲမှာ ကြက်ကြော်တွေကြော်ပြီး ရွာကိုသွားကြတယ်။ ရဲဘော်တစ် ယောက်ကတော့ စစ်စောင်ကြားကြီးခြုံ ပြီး ပါလာတယ်။
ချမ်းနေတဲ့ကာလမှာ ကိုး။
ရွာရောက်တော့ ဒူးဝါးကြီး စီစဉ် ထားတဲ့နေရာမှာ ထိုင်ကြတယ်။
အဲဒီမှာ Army Rum သုံးလုံးကထောင်လျက်။
တစ်ယောက်က ရမ်ပုလင်းက ချိပ်တွေကို ထုခွာတယ်။
မိတ်ဆွေက ဘယ်သူ သောက်မှာလဲဆိုတော့ နင်တို့အတွက် တဲ့။
အဲဒီပြည်နယ်မှာ ဒူဝါးခေါ်ရင်ခေါ်၊ ဗိုလ်ကြီးခေါ် ရင်ခေါ်မယ်၊ ပြောရင်တော့ နင်နဲ့ငါ ပြောတာများတယ်။
အစတုန်းက တော့ တစ်မျိုးဖြစ်ပေမယ့် ဘာသာစကား ခြားနားမှုအရ လေသံမှာ ရိုင်းစိုင်းတဲ့ အသံ မဟုတ်တော့ နားယဉ်သွားတာပါ ပဲ။
အဲဒီမှာတင် အသင့်ဝယ်လာတဲ့ ကချင် မီးတောက်အရက်တွေထုတ်ပြီး ဒီအရက် ပဲ ကြိုက်တယ်။
ရမ်ကို ရွာကလူတွေပဲ သောက်ပါလို့ပြောလိုက်ပြီး အရက်ဝိုင်း လေး စဖြစ်တယ်ပေါ့။
ငါးကင်၊ ငါးမီးဖုတ်၊ ကြက်ကြော်တွေနဲ့ နည်းနည်းအရှိန်ရလာ တော့ ဆလန်ဝါ (ရွာလူကြီး)တစ်ယောက် က ရီဝေေ၀နဲ့ ပြောတယ်။
ဒူးဝါး မင်း ရောက်စ မိုင်းလာခွဲတုန်းက ပြောသွား တာ ငါတို့ ၀မ်းသာတယ်။ ငါတို့ ဒီနယ် က ငါးတွေ ငါတို့ပိုင်တယ်ဆိုတဲ့စကားကို ငါတို့ အရမ်းသဘောကျတယ်။ ခု ငါတို့ပွဲ ကို ကူညီပေးတာကိုလည်း ကျေးကျူး ကမ္ဘာဆိုင်လို့ ပြောပါတယ်တဲ့။
ဒီလိုနဲ့ပဲ ည ၈ နာရီလောက်ရောက်တော့ ရွာ လူကြီးကို လူတစ်ယောက်က တစ်ခုခု ကချင်လိုပြောလိုက်တယ်။
အဲဒီမှာ ရွာ လူကြီး အေးအေးပဲ။
ဒူးဝါး ဧည့်သည် အသစ်လာမယ်၊ လက်စသုတ်ရအောင် လို့ ပြောပါတယ်တဲ့။
မိတ်ဆွေက သူ့ရဲ့ စစ်စောင်ကြားခြုံ ထားတဲ့ ရဲဘော်ကို အမှတ်တမဲ့ လှမ်း ကြည့်တယ်။ သူ့မှာက ကျည်အပြည့်နဲ့ G-3 သေနတ် ပါတာကိုး။
လုံခြုံရေးအရ ယူလာခဲ့တာ။
နောက်တော့ မိတ်ဆွေက အရက်ပုလင်းယူပြီး အရက်ခွက်တွေထဲ တစ်ဝက်ကျော်လောက်စီ ထည့်လိုက်တယ်။
နောက်တော့ အရက်ခွက်မြှော က် ပြီး Merry Christmas ကန်ပိန့်ဆိုပြီး အရက်တွေကို တစ်ပြိုင်တည်း မော့ သောက်ပြီး ပြန်ဖို့ ထလိုက်တယ်။
ဆလန်ဝါတစ်ယောက်က အတူလိုက် လာတယ်။
အပြန်လမ်းမှာ သူက ဒူးဝါး ရယ် ငါတို့က မင်းတို့နှစ်ဖက်ကြားက မြေစာပင်ဖြစ်သလို မင်းတို့နှစ်ဘက်ရဲ့ မိသားစုတွေဟာလဲ မြေစာပင်တွေပါ။
အခု ဒူးဝါး ဒီမှာရှိနေစဉ်မှာ ဒူးဝါးရဲ့ မိသားစုလည်း စိတ်ပူနေကြမှာပါ။
မင်းတို့ စစ်ဗိုလ်ချုပ်တွေနဲ့ ငါတို့စစ်ဘုရင်တွေ ကြားမှာ မင်းတို့နှစ်ဖက်က အသက်တွေ ရင်းနေရတယ်။ ငါတို့နဲ့ မင်းတို့နှစ်ဖက် မိသားစုတွေအားလုံးဟာ မြေဇာပင်တွေ ချည်းပါလို့ ၀မ်းနည်းစွာပြောကာ ထည့် ထားတဲ့ ငှက်ပျောရွက် ထမင်းထုပ်တွေ ပေးပြီး တပ်ရောက်မှစားဖို့ပါ။
ငါတို့ ဧည့်သည်သစ်ကို ဧည့်ခံဖို့ပြန်ပါမယ်။ Happey Christmas ဆိုပြီး ကျောခိုင်း ပြီး ပြန်သွားပါတယ်တဲ့။
သူလိုက်ပို့တာက သူ့ရင်ထဲကစကား ကို ပြောချင်လို့ဖြစ်သလို လိုက်စောင့် ရှောက်တဲ့သဘောလည်း ပါပါတယ်။
နောက်တော့ အဲဒီအချိန်က ပူတာအို လွင်ပြင်ရဲ့ တစ်ခုတည်းသော ခြေလျင် တပ်ဖြစ်ခဲ့တဲ့ တပ်မှာသုံးတဲ့ စစ်ကားတွေ ပြင်ပေးဖို့ သွားခဲ့ရတယ်။
ဇန်န၀ါရီလ ၄ ရက်ရောက်တော့ တပ်မတော်ရဲ့ စစ်ရေး စစ်ရာမှာ ထူးထူးချွန်ချွန် ထမ်းဆောင်ခဲ့ သူတွေအတွက် ဘွဲ့ထူးဂုဏ်ထူးတွေ ကြေညာတဲ့အခါမှာ တပ်ရင်းမှူးရဲ့ ထောက်လှမ်းရးအရာရှိ (I.O) နဲ့ သူ့ တပ်စုဟာ သတင်းအရ လက်နက်ကိုင် အဖွဲ့တစ်ခု အခြေပြု တာကို ခရီးရှည် ထိုးဖောက်စစ်ဆင်ရေး (Long range penetration) စစ်ဗျူဟာနဲ့ တစ်ဖက် လက်နက်ကိုင်အဖွဲ့ကို လက်နက်ငယ် အားလုံးနဲ့ အသေရမိခဲ့လို့ တပ်မတော်ရဲ့ ထုံးတမ်းစဉ်လာအရ စစ်ရေးစွမ်းဆောင် မှုအတွက် ချီးမြှင့်တဲ့ သူရဘွဲ့တွေ တစ်သီ ကြီးရပြီး ပျော်ပွဲဆင်နေတာမြင်တော့ ရက်အနည်းငယ်အတွင်းက ခရစ္စမတ်ည မှာ မြစ်ကြီးနားက ကချင် မော်ဖောင်းရွာ လူကြီးပြောခဲတဲ့ ညကို အမှတ်ရလိုက်မိပါ တယ်တဲ့။
ကချင်ပြည်နယ်မှာ လွန်ခဲ့တဲ့နှစ် အတွင်းက တစ်ကြော့ပြန် စစ်မီးတောက် ပြန်တော့ မြေဇာပင်ပေါင်းများစွာ အတိ ဒုက္ခရောက် နေကြရပြီး နှစ်ဖက် လက်နက်ကိုင်အဖွဲ့ရဲ့ အရာရှိငယ်တွေနဲ့ ရဲဘော်တွေထဲက ဒဏ်ရာရသူ၊ သေဆုံး သူတွေရဲ့ မိသားစုတွေလည်း မြေဇာပင် တွေ ဖြစ်ကြရပြန်တယ်။
နှစ်ဖက် တန်းတူရည်တူ ညှိနှိုင်းနိုင် ရင် ပစ်ခတ်တိုက်ခိုက်မှုတွေ လျော့ပါး သွားမှာ မှန်ပေမယ့် မြေဇာပင်တွေရဲ့ ဘ၀အသီးသီးမှာ အခြေအနေတွေ ပျက်ယွင်းခဲ့ရပြီပဲ။
စစ်သဘောကတော့ ဒီပြည်နယ်မျိုးမှာ ပြည်မတပ်က အနိုင် တိုက်နိုင်ရင်လည်း မပြီးပါဘူး။
မျိုးဆက် သစ် လက်နက်ကိုင်အဖွဲ့တွေ ပေါ်လာ ဦးမှာပါပဲ။
တန်းတူရည်တူ သာတူညီမျှ ညှိနှိုင်းနိုင်ရင် အဆင်ပြေသွားမှာပါ။
ဆက်ပြီး အဆင်ပြေ ငြိမ်းချမ်းသာယာ ဖို့အတွက် ကျင့်သုံးရမယ့် လမ်းစဉ်က တော့ တန်းမတူ ရည်မတူ မူဝါဒပါပဲ။
မြန်မာနိုင်ငံရဲ့ နိုင်ငံခြားငွေအရဆုံး သဘာဝဓာတ်ငွေ့ထွက်တဲ့ ရခိုင်ကမ်း မြောင်ဒေသနဲ့ တနင်္သာရီကမ်းမြောင် ဒေသ၊ ဒုတိယအရဆုံး ကျောက်စိမ်း ထွက်ရာဒေသ ကချင်ပြည်နယ်တွေဟာ ဖောင်စီးရင်း ရေငတ်နေသူတွေ ဘ၀မျိုး ပါ။
မိမိပြည်နယ်က ရှာဖွေပေးလိုက်တဲ့ တနင့်တပိုး ၀င်ငွေအတွက် တကယ် ဖြစ်သင့်တာက ဖွံ့ဖြိုးမှုတွေ တစ်ပြေးညီ အမှီ ဖြစ်လာရေးမှာ တန်းမတူ ရည်မတူ ၀ါဒထားကာ အဲဒီဒေသတွေကို အထူး ဦးစားပေးပြီး စနစ်ကျတဲ့ မြို့ပြမြေယာ တွေ ဖော်၊ တစ်နှစ်ခံမဟုတ်တဲ့ လမ်းတွေ တည်ဆောက်ပေးရပါမယ်။
ရုရှားပြည်ကြီး ပြုပြင်ပြောင်းလဲရေး လမ်းစဉ် လုပ်ဆောင်တဲ့ကာလမှာ အစိုးရ လုပ်ငန်းတွေနဲ့နွယ်ပြီး ငွေတွေ ဘီလျံနဲ့ ချီပြီး ချမ်းသာလာတဲ့သူဌေးတွေကို ဘန်းစကားနဲ့ ခေတ်ပျက်သူဌေးလို့ သုံးနှုန်းဖော်ပြခဲ့ပါတယ်။
ယခင်အစိုးရ တုန်းက ကချင်ပြည်နယ်မှာ ကျောက်စိမ်း တူးဖော်ခွင့်နဲ့ ကျွန်းသစ်တွေ ခုတ်ထွင် ထုတ်ဖော်ခွင့်ရပြီး ကျိကျိတက် ချမ်းသာ လာတဲ့ မြန်မာပြည်ရဲ့ ခါတော်မှီသူဌေး ကြီးများဟာ ဒီဒေသဖွံ့ဖြိုးတိုးတက်ရေး မှာ တာဝန်ရှိပါတယ်။
သူ့ပြည်နယ်က သယံဇာတတွေထုတ်၊ ထုတ်ဖို့အတွက် သူ့လမ်းတွေကို ဖွတ်ဖွတ်ကြေအသုံးခံ လိုက်ရနဲ့ ကချင်ဒေသခံတွေဟာ မိအေး နှစ်ခါနာကိန်းမျိုး ဆိုက်ခဲ့ရပါတယ်။
မိမိတို့စီးပွားရေး ဖြစ်ထွန်းခဲ့ရတာတွေ အတွက် ပြန်လည်ပေးဆပ်ဖို့ သဘော ပြည့်ဝစွာနဲ့ အထက်တန်းအဆင့်သာသာ တက္ကသိုလ် တွေအစား အရည် အချင်းပြည့်ဝတဲ့ ဆရာ ဆရာမတွေနဲ့ သင်ကြားနိုင်တဲ့တက္ကသိုလ်တွေ ဖြစ် အောင် လုပ်ပေးရပါမယ်။
ဒီပြည်နယ် တွေက ပညာရေး၊ ကျန်းမာရေးနဲ့ ၀န်ဆောင်မှုပေးနေတဲ့ ၀န်ထမ်းတွေ အတွက် အထူးထောက်ပံ့ငွေ ပေးသင့်ပါ တယ်။
နယ်မြေမအေးချမ်းရခြင်း အကြောင်းတရားတွေမှာ အခြေခံ လိုအပ်မှုတွေ မပြည့်စုံလို့ဆိုတာလည်း ပါပါတယ်။
နိုင်ငံတော်အတွက် ငွေအမြောက် အမြား ရှာလို့ရတဲ့ အထက်ဖော်ပြပါ တိုင်းနဲ့ ပြည်နယ်တွေကို အထူးဦးစားပေး စဉ်းစားပေး သင့်ကြောင်းပါခင်ဗျာ။
စာရေးသူရဲ့မိတ်ဆွေ ကချင်ရွာက ရွာလူကြီးကို လွန်ခဲ့တဲ့ နှစ် ၃၀ က ပြောတဲ့စကားလေး အမှတ်ရလို့ ရေးမိတာပါ။
| WEDNESDAY, 21 MARCH 2012 22:44 | ||
  မီဒီယာဖွံ့ဖြိုးတိုးတက်စေချင်တယ်၊ စတုတ္ထမဏ္ဍိုင် ကြံ့ခိုင်စေချင်တယ်ဆိုရင်၊ မီဒီယာဖွံ့ဖြိုးတိုးတက်အောင်၊ လုပ်ကိုင်နိုင်တဲ့ အခြေအနေကို ဖန်တီးပေးဖို့ပဲ ဖြစ်တယ်။ မီဒီယာတွေကို ထပ်ပြီးတော့ ချုပ်ကိုင်ဖို့ မလုပ်သင့်ဘူး ပြန်ကြားရေးဝန်ကြီးဌာနနှင့် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ (UNESCO) တို့ ပူးပေါင်းပြီး Conference on Media Development in Myanmar အလုပ်ရုံ ဆွေးနွေးပွဲကို မတ်လ ၁၉ရက်နှင့် ၂၀ရက်နေ့တွင် ရန်ကုန်မြို့ရှိ ချာထရီယမ် ဟိုတယ်၌ ပြုလုပ်ခဲ့ပါသည်။ အဆိုပါ အလုပ်ရုံ ဆွေးနွေးပွဲအပေါ် အမြင်များနှင့် အစိုးရမှ ရေးဆွဲပြဋ္ဌာန်းရန် ပြင်ဆင်နေသော ပုံနှိပ်မီဒီယာဥပဒေနှင့် ပတ်သက်ပြီး ၀ါရင့် သတင်းစာဆရာ လူထုဦးစိန်ဝင်းအား မေးမြန်းထားခဲ့သည်များကို ဖော်ပြလိုက်ပါသည်။ မေး - မတ်လ ၁၉၊ ၂၀ မှာ Conference on Media Development in Myanmar အလုပ်ရုံဆွေးနွေးပွဲကို ရန်ကုန်မှာ လုပ်ခဲ့ပါတယ်။ လုပ်တဲ့အခါမှာ ပြည်တွင်းက လူတစ်ချို့ကို ခေါ်တယ်။ ပြည်ပက လူတစ်ချို့ကို ခေါ်တယ်။ ပြန်ကြားရေး ၀န်ကြီးဌာနနဲ့ UNESCO တို့ ပူးပေါင်းပြီး လုပ်ခဲ့တယ်။ နိုင်ငံတကာ မီဒီယာ ထောက်ပံ့ရေးအဖွဲ့(IMS) လည်း ပါတယ်လို့ သိရပါတယ်။ တပ်ထားတဲ့ ခေါင်းစဉ်ကတော့ Media Development in Myanmar လို့ ဆိုပါတယ်။ သတင်းတော်တော်များများမှာ ဖော်ပြခဲ့တာကတော့ ဆွေးနွေးပွဲက ရလာတဲ့ အကြံပြုချက်တွေကို ပုံနှိပ်မီဒီယာ ဥပဒေအတွက် ဒုတိယမူကြမ်း ရေးဆွဲတဲ့နေရာမှာ ထည့်သွင်းမယ်လို့ ဖော်ပြထားကြပါတယ်။ အခု ပုံနှိပ်မီဒီယာ ဥပဒေအတွက် ဒုတိယမူကြမ်း ရေးဆွဲတဲ့အခါမှာ ပိုပြီးပြည့်စုံအောင် ပြည်တွင်း၊ ပြည်ပကလူတွေကို ဖိတ်ခေါ်ပြီး အခုလိုမျိုး Conference လုပ်တာ ဖြစ်တယ်လို့ ပြန်ကြားရေးဝန်ကြီးက မဇ္ဈိမသတင်းဌာန အင်တာဗျူးမှာ ဖြေထားတာ ဖတ်ရပါတယ်။ ဆရာ့ အမြင်ကရော ဘယ်လိုရှိပါသလဲ။ ဖြေ - ဆရာလည်း ဒီဟာကို ဖတ်ကြည့်လိုက်တယ်။ ဖတ်ကြည့်လိုက်တော့ Conference ခေါင်းစဉ်က ဘာလဲဆိုတော့ Media Development in Myanmar ၊ မြန်မာ မီဒီယာလောက ဖွံ့ဖြိုးတိုးတက်ရေး ဆိုတဲ့ခေါင်းစဉ်နဲ့ လုပ်တာဖြစ်တယ်။ လာပြီး တော့ ဖတ်ကြားတဲ့ ပြည်ပက ပုဂ္ဂိုလ်တွေကလည်း မီဒီယာဖွံ့ဖြိုး တိုးတက်ရေးအတွက်ပဲ ပြောသွားကြပါတယ်။ Media Law ဆိုတာက အစိုးရဘက်က ဖတ်တဲ့ စာတမ်းတွေမှာပဲ သွားပါတယ်။ အဲဒီတော့ ဒီ Conference ဟာ ရောင်တော်ပြန်နဲ့ ရောတဲ့ Conference လို့ပဲ ဆရာက သတ်မှတ်တယ်။ မီဒီယာ ဥပဒေတွေ၊ ဥပဒေအမျိုးမျိုးနဲ့ သူတို့က ထိန်းချုပ်ဖို့ လုပ်ကိုင်ကြတယ်။ ဥပဒေဆိုတဲ့ သဘောကိုက ထိန်းချုပ်ဖို့ပဲ။ ပြည်သူတွေရဲ့ လွတ်လပ်ခွင့်တွေ၊ ထိန်းချုပ်ဖို့အတွက် တည်ဆဲအစိုးရ တည်တည်ငြိမ်ငြိမ်နဲ့ ရှိဖို့၊ သူတို့ အာဏာတည်မြဲဖို့အတွက် နောက် ပြည် သူလူထုကို ချုပ်ကိုင်ထားဖို့ ဖိနှိပ်ထားဖို့ ပြန်ကြားရေး ၀န်ကြီးဌာနအနေနဲ့က သူတို့ပြောသလို မီဒီယာ ဖွံ့ဖြိုးတိုးတက်စေချင်တယ်။ စတုထ္ထမဏ္ဍိုင် ကြံ့ခိုင်စေချင်တယ်ဆိုရင် မီဒီယာဖွံ့ဖြိုးတိုးတက်အောင် လုပ်နိုင်ကိုင်နိုင်တဲ့ အခြေအနေကို ၀န်ကြီးဌာနအနေနဲ့က ဖန်တီးပေးဖို့ပဲ ဖြစ်တယ်။ မီဒီယာတွေကို ထပ်ပြီးတော့ ချုပ်ကိုင်ဖို့ မလုပ်သင့်ဘူး။ ဘာကြောင့် မလုပ်သင့်လဲဆိုတော့ ရှိတဲ့ ဥပဒေတွေကိုက သိပ်များနေပါပြီ။ အသရေဖျက်မှု၊ အစိုးရကို အကြည်ညိုပျက်စေမှု ၊ ဆူပူအောင် လှုံ့ဆော် စည်းရုံးမှု၊ အီလက်ထရောနစ် အက် ဥပဒေ၊ ရုံးတော်ကို အကြည်ညို ပျက်စေမှု စသည်အားဖြင့် ဥပဒေတွေက အများကြီး ရှိပါတယ်။ အဲဒီ ဥပဒေတွေကို လိုချင်သလို ဆွဲဆန့်လို့လည်း ရတယ်။ ကြိုက်သလို ကျယ်အောင် ပုံကြီးချဲ့လို့လည်း ရတယ်။ အဲဒီလို လုပ်ခဲ့ကြလို့လည်းပဲ ရှေးခေတ်အဆက်ဆက်ကလည်းပဲ သတင်းစာတွေ အသရေဖျက်မှုနဲ့ တရားစွဲခံရတာတွေ၊ ပုဒ်မ ၅နဲ့ ချိတ်ပိတ်ခံရတာတွေ၊ အဖမ်းခံရတာတွေ အများကြီး ရှိခဲ့တယ်။ တကယ်တန်း သတင်းလွတ်လပ်ခွင့်ရှိမှ စတုထ္ထမဏ္ဍိုင်ဟာ ကြံ့ခိုင်မယ်။ သတင်းလွတ်လပ်ခွင့် မရှိဘူး၊ အမှန်တရားကို ဖော်ထုတ်လို့ မရဘူးဆိုရင် စတုထ္ထမဏ္ဍိုင် ဆိုတာလည်းပဲ အပြောပဲ ရှိမယ်။ လက်တွေ့ ဘာမှ မရှိဘူး။ လူတိုင်း လွတ်လပ်စွာ ပြောကြားခွင့်၊ လွတ်လပ်စွာ ရေးသားခွင့်၊ မိမိယုံကြည်ချက်ကို လွတ်လပ်စွာ ကိုင်စွဲထားခွင့်၊ လွတ်လပ်စွာ စည်းရုံးလှုံ့ဆော်ခွင့်ဆိုတာတွေကို အခြေခံဥပဒေကနေ အာမခံချက် ပေးထားပြီးသား။ လူသားတိုင်း ခံစားရမယ့် အခြေခံ လူ့အခွင့်အရေးဖြစ်တယ်။ အခု မီဒီယာဥပဒေတွေ လုပ်ခြင်းဟာ ဒီအခြေခံဥပဒေကို ဆန့်ကျင်ရာလည်း ကျတယ်။ အခြေခံဥပဒေက ပေးထားတဲ့ အခွင့်အရေးကို တခြားဘယ်သူကမှ ပိတ်ပင်တားဆီးလို့ မရဘူး။ အခြေခံဥပဒေဟာ တိုင်းပြည်မှာ အာဏာအရှိဆုံး ဖြစ်တယ်။ အခြေခံဥပဒေက ပေးထားတဲ့ဟာကို ပိတ်ပင် တားဆီးလုပ်လို့ရှိရင် ပိတ်ပင်တားဆီး ခံရသူတွေက တရားစွဲလို့ရတယ်။ ဒါ အခြေခံဥပဒေကို မလေးစား မလိုက်နာမှု နိုင်ငံသားတွေရဲ့အခွင့်အရေးကို ချိုးဖောက်ရန် ကြံစည်မှုနဲ့ တရားစွဲလို့ရတယ်။
မေး- ပြန်ကြားရေးဝန်ကြီး ပြောသွားတဲ့ အထဲမှာတော့ အသစ် ပြန်လည်ရေးဆွဲနေတဲ့ ပုံနှိပ်မီဒီယာဥပဒေဟာ စာနယ်ဇင်းလွတ်လပ်ခွင့်ကို ပိတ်ပင်တားဆီးဖို့ မဟုတ်ဘူး၊ စာနယ်ဇင်း လွတ်လပ်ခွင့်ကို မှန်မှန်ကန်ကန် သုံးနိုင်ဖို့ လုပ်နေတာလို့ ပြောပါတယ်။ နောက်ပြီး မီဒီယာဥပဒေကို စတင် ကန့်ကွက်စဉ်က မီဒီယာဥပဒေသမားတွေ ပြောခဲ့ကြတဲ့ နိုင်ငံတကာ လူ့အခွင့်အရေး ကြေညာစာတမ်း Article 19 ပါ အခွင့်အရေးတွေအတိုင်း လုပ်ဖို့ ပြောခဲ့တာတွေကိုလည်း ပြန်လည် ချေပခဲ့တာ ဖတ်ရပါတယ်။ ဥပမာ Article 19 ကို သုံးတဲ့အခါ Article 29 မှာ ဖော်ပြထားတဲ့ အချက်ကို သတိထားဖို့ ဆိုပြီး ပြောလာပါတယ်။ ဒီလိုပြောလာတဲ့ အပေါ်မှာရော ဆရာ့အမြင်က ဘယ်လိုရှိပါသလဲ။ ဖြေ - လွတ်လပ်စွာ ထုတ်ဖော် ပြောကြားခွင့် ဆိုကတည်းက စကားလုံးက ရှင်းနေပြီလေ။ ဒါ လွတ်လပ်ခွင့် ပဲ။ အဲဒီ လွတ်လပ်စွာ ပြောကြားခွင့်ကို ထိန်းချုပ်တယ် ဆိုကတည်းကိုက ဒီထိန်းချုပ်တဲ့ ဥပဒေဟာ မှားနေပြီ။ ဖွဲ့စည်းအုပ်ချုပ်ပုံ အခြေခံဥပဒေကို ချိုးဖောက်ရာ ကျတယ်။ မလေးစားရာ ကျတယ်။ လက်တစ်လုံးခြား လုပ်ပြီးတော့ ကိုယ်လိုချင်ရာ ဆွဲတဲ့သဘော ရောက်တယ်။ ဆရာ့အနေနဲ့ကတော့ ဒါကို လုံးဝလက်မခံဘူး။ ဒါဟာ လုံးဝဖွဲ့စည်းပုံ အခြေခံဥပဒေကို ကျူးကျော် စော်ကားမှုလို့ပဲ သတ်မှတ်တယ်။ မီဒီယာသမား တစ်ယောက်အနေနဲ့ကတော့ မီဒီယာကို ချုပ်ကိုင်ဖို့လုပ်တဲ့ စည်းကမ်းဥပဒေ မှန်သမျှကို ဆန့်ကျင်ရမှာပဲ။ ဒီလို ဆန့်ကျင်တာ ဘာကြောင့်လဲဆိုရင် စတုထ္ထမဏ္ဍိုင် ပီသစေချင်လို့။ စတု ထ္ထမဏ္ဍိုင် ပီပီသသ ထွန်းကားမှ အဲဒီတိုင်းပြည်ဟာလည်းပဲ အေးအေးချမ်းချမ်း သာသာယာယာနဲ့ ထွန်းကား တိုးတက်လာနိုင်တယ်။ အဲဒီတော့ သတင်းမီဒီယာတွေကို မချုပ်ကိုင်ရဘူးလားလို့ မေးစရာ ရှိတယ်။ မဟုတ်ပါဘူး။ ချုပ်ကိုင်ရမယ်။ စစ်သားတွေမှာလည်း စစ်သားတွေ လိုက်နာဖို့ စည်းကမ်း ဥပဒေတွေနဲ့ ချုပ်ကိုင်တယ်။ ဆရာဝန်တွေမှာလည်း ဆရာဝန်တွေ လိုက်နာဖို့ စည်းကမ်း ကျင့်ဝတ်တွေ ရှိတယ်။ အလားတူပဲ ကျောင်းဆရာတွေမှာလည်း ကျောင်းဆရာ ကျင့်ဝတ်တွေနဲ့ ချုပ်ကိုင်တယ်။ သတင်း မီဒီယာသမားကိုလည်း သတင်းမီဒီယာ ကျင့်ဝတ်တွေ အများကြီးရှိပါတယ်။ နိုင်ငံအသီးသီးမှာ ကိုယ့်နိုင်ငံနဲ့ လိုက်လျောညီထွေဖြစ်တဲ့ သတင်းစာဆရာ ကျင့်ဝတ် ဥပဒေတွေ၊ နိုင်ငံတိုင်း နိုင်ငံတိုင်းမှာ ရှိတယ်။ အဲဒီကျင့်ဝတ်တွေက သတင်းမီဒီယာတွေကို ထိန်းချုပ်ပါတယ်။ မလုပ်သင့်တာတွေ မလုပ်ဖို့၊ မမှန်မကန်တာတွေ မလုပ်ဖို့၊ အကျင့် စာရိတ္တတွေ မဖောက်ပြားဖို့၊ ဒါတွေကို ထိန်းချုပ်ပါတယ်။ အဲဒီ ထိန်းချုပ်တဲ့ ကျင့်ဝတ်၊ စည်းကမ်းတွေကို သတင်းမီဒီယာသမားတွေက သာလျှင် ရေးဆွဲရပါတယ်။ ဆရာဝန်တွေရဲ့ ကျင့်ဝတ်ကို မြန်မာနိုင်ငံ ဆရာဝန်အသင်းကပဲ ရေးဆွဲတယ်။ ပြည်ထဲရေး ၀န်ကြီးဌာနက ၀င်ဆွဲလို့ မရဘူး။ ဥပဒေဌာနက ၀င်ဆွဲလို့ မရဘူး။ ဆရာဝန်တွေရဲ့ သဘောသဘာဝကို ဆရာဝန်တွေမှ သိတယ်။ ဒါကြောင့်မို့ ဆရာဝန်တွေအတွက် ကျင့်ဝတ် စည်းကမ်းတွေကို ဆရာဝန်တွေကပဲ ချမှတ်ရတယ်။ အလားတူပဲ သတင်းမီဒီယာသမားတွေရဲ့ သဘောသဘာဝကို ရှေ့နေချုပ်ရုံးက ဘာမှ နားမလည်ဘူး။ ပြည်ထဲရေး ၀န်ကြီးဌာနဆိုရင် နကန်းတစ်လုံး မသိဘူး။ ပြန်ကြားရေးဝန်ကြီးဌာနလည်း မသိပါဘူး။ ပြန်ကြားရေး ၀န်ကြီးဌာနသိတာက သတင်းတွေကို ဘယ်လို ချုပ်ကိုင်ရမလဲ ဆိုတာပဲ သိတယ်။ သတင်းမီဒီယာ ဖွံ့ဖြိုးအောင် ဘာလုပ်ရမလဲဆိုတာ သူတို့မသိဘူး။ ဒါက သတင်း မီဒီယာသမားမှ သိမယ်။ သတင်း မီဒီယာသမားကသာလျှင် ဒီကျင့်ဝတ်တွေ၊ စည်းမျဉ်းတွေကို ရေးဆွဲရမယ်။ ဒီဟာကို ပြင်ပကလူတွေ လာရေးဆွဲတာကို လုံးဝ လက်မခံဘူး။ ဒီလိုအဖွဲ့အစည်းမှာ ပြင်ပ ပုဂ္ဂိုလ်တွေပါလည်း လက်မခံဘူး။ သတင်းမီဒီယာဟာ လွတ်လပ်တဲ့ သတင်းမီဒီယာသမားတွေပဲ ဖြစ်ရမယ်။ အစိုးရ သတင်းစာ ဆရာတွေ ပါလာတာ လက်မခံဘူး။ မေး- Conference ဖွင့်ပွဲနေ့မှာပဲ ပြန်ကြားရေးဝန်ကြီးက ပြောခဲ့ပါတယ်။ မီဒီယာ ပြုပြင်ပြောင်းလဲမှုတွေအတွက် အဆင့်သုံးဆင့် ခွဲပြီး လုပ်နေတယ်။ ပထမအဆင့်က ဖြေလျော့ပေးမယ်။ ဒုတိယ အဆင့်က ၁၉၆၂ ပုံနှိပ်ထုတ်ဝေ ဥပဒေကို ဖျက်သိမ်းပြီး ပုံနှိပ်မီဒီယာ ဥပဒေရေး ဆွဲမယ်။ တတိယအချက်က ပုံနှိပ်မီဒီယာ ဥပဒေ ပြဋ္ဌာန်းပြီး စာနယ်ဇင်းတွေ လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ ဆင်ခြင်တုံတရား ဟန်ချက်ညီအောင် ပြန်ကြားရေးဝန်ကြီးဌာနက ကူညီပံ့ပိုး ဆောင်ရွက်ပေးမယ်ဆိုတော့ သူပြောခဲ့တာအပေါ် ဆရာ့အနေနဲ့ရော ဘယ်လို မှတ်ချက်ပေးချင်ပါလဲ။ ဖြေ - ခုနက ပြောသလိုပဲ။ ဒါဟာ ထိန်းချုပ်မှုပဲ။ ထိန်းချုပ်မှု မှန်သမျှကို ဆန့်ကျင်တယ်။ ဘယ် သတင်းမီဒီယာသမား စစ်စစ်၊ ဘယ် Professional မဆို ကိုယ့်လည်ပင်းကို စွပ်မယ့် ကြိုးကွင်းကို ဘယ်သူမှ ၀င်ပြီးတော့ ကျစ်မပေးဘူး။ အဲလိုဆိုရင် အဲဒီလူဟာ Professional သတင်းသမား စစ်စစ် မဟုတ်တော့ဘူး။ ဒါကို ၀င်ပြီးတော့ ကြိုးကျစ်တဲ့အထဲမှာ ၀င်ပါတဲ့သူတွေဟာ ခေတ်ပျက်ဂျာနယ်လစ်တွေ၊ သူတို့ အခွင့်အရေးကို မျှော်ကိုးပြီးတော့၊ သူတို့ အကျိုးစီးပွားတစ်ခု အတွက် ဒီထဲမှာ ရောယိမ်းလိုက် ဘသားယိမ်းလိုက် ၀င်ယိမ်းကြတာဟာ ခေတ်ပျက် ဂျာနယ်လစ်တွေပဲ ဖြစ်တယ်။ Professional ဂျာနယ်လစ်တွေ မဟုတ်ဘူး။ မေး - ဒါပေမယ့် အဲဒီ Conference မှာ ပြည်ပအခြေစိုက် မီဒီယာ (exile media) တွေလည်း ပါဝင် ဆွေးနွေးခဲ့ကြပါတယ်။ သူတို့ ပြန်ရေးကြတဲ့ သတင်းတွေအရ Conference အပေါ် အကောင်းမြင် ရှုထောင့်က ရေးခဲ့တာ ဖတ်ရပါတယ်။ မတ်လ ၁၉ ရက်နေ့တုန်းက DVB၊ ဧရာဝတီအပါအ၀င် ပြည်ပအခြေစိုက် မီဒီယာ ၁၁ ခုက အစိုးရ ရေးဆွဲနေတဲ့ မီဒီယာ ဥပဒေနဲ့ သတင်းမီဒီယာ လွတ်လပ်ခွင့်အတွက် တင်းကြပ်တဲ့ ဥပဒေတွေ ဖျက်သိမ်းပေးဖို့ ကြေညာချက်တစ်ခု ထုတ်ခဲ့ပါတယ်။ ဆရာလည်း သူတို့ ၀က်ဘ်ဆိုက်တွေကို မပြတ်ဖတ်နေတဲ့သူဆိုတော့ ဒီအပေါ်မှာ ဘယ်လို သုံးသပ်ချင်ပါသလဲ။ ဖြေ - တချို့တွေက ဆရာနဲ့ တွေ့တဲ့အချိန်မှာ ပြောတဲ့ စကားက တစ်မျိုးပဲ။ သူတို့ ၀က်ဘ်ဆိုက်မှာ ပြန်ရေးတဲ့ အခါကျတော့ တစ်မျိုးပဲ။ သူတို့ ဆရာနဲ့ တွေ့တဲ့ အချိန်ကျတော့ ဆရာတို့နဲ့ တစ်သဘောတည်း ကိုက်ညီနေတာပဲ။ ပြန်ရေးတဲ့အခါကျမှ အစိုးရက ပွင့်လင်းလာပါပြီ။ ဒီမိုကရေစီ လမ်းစကိုတော့ ခြေလှမ်းနင်းနေပါပြီ။ လျှောက်လှမ်းနေတာ ကျွန်တော်တို့ တွေ့နေရပါပြီ။ ဒါတွေ ပြောတာပဲ။ ဆရာတို့နဲ့ တွေ့တဲ့အခါကျတော့ ဒါတွေ သူတို့ လုံးဝမယုံဘူးတဲ့။ အပြောင်းအလဲတွေ လုံးဝမယုံ ပါဘူး။ ဒီမိုကရေစီ လမ်းစ မြင်တယ်ဆိုတာလည်း လုံးဝသူတို့ မမြင်ပါဘူးလို့ သူတို့ ပြောတာပဲ။ ဒါဟာ သူတို့ ဒီမှာလာပြီးတော့ လုပ်ခွင့်သာဖို့အတွက် အခွင့်အရေး မျှော်ကိုးပြီးတော့ လာပြီးတော့ ရောယောင်နေကြတာပဲ။ ဂျာနယ်လစ် စစ်စစ်တွေ မဟုတ်ပါဘူး။ မေး- တစ်ချို့ exile media တွေကို သူတို့ အခြေစိုက်ထားတဲ့ နိုင်ငံက အဲဒီနိုင်ငံထဲမှာ မနေစေချင်တော့ပဲ မြန်မာပြည်ကို ပြန်ဖို့ တွန်းအားပေးတာတွေ ရှိတယ်လို့ သိရပါတယ်။ ဒါ့အပြင် တစ်ချို့တွေဆိုရင်လည်း ထောက်ပံ့ထားတဲ့ အဖွဲ့အစည်းတွေက အထောက်အပံ့ပေးတာတွေ ရပ်ဆိုင်းလိုက်တယ်။ ထပ်ပြီး ရပ်ဆိုင်းခံရမယ့် အခြေအနေတွေ ရှိနေတယ်လို့လည်း သိနေရပါတယ်။ နောက်ပြီး အခုလုပ်ခဲ့တဲ့ Conference ကို နော်ဝေအစိုးရက ထောက်ပံ့ ကူညီပေးတယ်ဆိုတဲ့ အသံတွေလည်း အပြင်မှာ ကြားရပါတယ်။ ဘယ်လိုပဲဖြစ်ဖြစ် ဒီလပိုင်းတွေမှာ မြန်မာနိုင်ငံထဲ ပြန်ဝင်ဖို့ လုပ်လာတဲ့ exile media တွေနဲ့ပတ်သက်ပြီး သုံးသပ်မှုတွေကတော့ လှုပ်လှုပ်ခတ်ခတ် ရှိခဲ့ပါတယ်။ exile media တွေနဲ့ နှစ်ပေါင်းများစွာ ထိတွေ့ ပြောဆိုမှုတွေ ရှိနေခဲ့တဲ့ ဆရာ့ဆီမှာရော ဘယ်လိုအမြင်မျိုး ရှိနေမလဲ။ ဖြေ - ဒီလူတွေက ဒီမှာ အစိုးရ၊ အခု ပြန်ကြားရေး ၀န်ကြီးဌာနနဲ့ပေါင်း၊ ပြန်ကြားရေးဝန်ကြီး ဌာနရဲ့ ခွင့်ပြုချက်နဲ့ သတင်းဌာနတွေ ထူထောင်မယ်၊ သတင်းစာတွေ ထုတ်ခွင့်တောင်းမယ်ဆိုခဲ့ရင် ဒါဟာ သူတို့ကလည်း အခွင့်အရေး မျှော်ကိုးပြီးလုပ်တဲ့ သတင်းသမားလို့ပဲ သတ်မှတ်ရမှာပေါ့။ ပြည်တွင်းမှာတောင်မှ ဘယ်သူမှ လွတ်လွတ်လပ်လပ် သတင်းစာတွေ ထုတ်ခွင့်မပေး၊ ဂျာနယ်တွေ ထုတ်ခွင့်မပေးတာကို သူတို့က ဒီအခွင့်အရေးကို ရအောင်ယူ ချင်တယ်ဆိုတာကိုက ဒါဟာ မမှန်ကန်တဲ့ လုပ်ရပ်ပဲ။ သိက္ခာရှိ သတင်းသမားဆိုရင် ဒါမျိုးဘယ်တော့မှ မလုပ်ဘူး။ ကောင်းတဲ့ ဂျာနယ်လစ်တွေရှိ ပါတယ်။ ကောင်းတဲ့ နိုင်ငံရေးသမားတွေလည်း ရှိပါတယ်။ သတင်းသမား ပီသအောင် ကြိုးစားနေတဲ့ လူငယ်တွေလည်း ရှိပါတယ်။ မရှိဘူးလို့ မဟုတ်ဘူး။
မေး - DVB မှာ ဖော်ပြခဲ့တဲ့ အင်တာဗျူးမှာတော့ မြန်မာနိုင်ငံထဲကို ပြည်ပမီဒီယာတွေ လာခွင့်ပေးပြီး အခုလုပ်နေတဲ့ လုပ်ငန်းစဉ်တွေမှာ ပါတနာအနေနဲ့ ပါလာတာဟာ တိုးတက်မှုတစ်ခု ဖြစ်တယ်။ ဒီပါတနာဆိုတဲ့ ကိစ္စရပ်ကို ပြန်ကြားရေး ၀န်ကြီးဌာန ညွှန်ကြားရေးမှူးချုပ် ဦးရဲထွဋ်က သူပြောတဲ့အထဲမှာ ထည့်ပြောသွားတယ်လို့ ဖော်ပြခဲ့ပါတယ်။ ဆရာကရော တိုးတက်မှုလို့ ယူဆပါသလား။ ဖြေ - တိုးတက်မှုလို့ မယူဆပါဘူး။ တစ်ဖက်က ဒီမိုကရေစီနိုင်ငံ တည်ဆောက်နေပြီလို့ ပြောလာခဲ့တာ တစ်နှစ်ရှိပြီ။ ဒီမိုကရေစီနိုင်ငံ တည်ဆောက်နေတယ်ဆိုရင် လူတွေ လွတ်လပ်စွာ ၀င်ထွက်သွားလာ လုပ်ကိုင်နေခြင်းဟာ အဆန်းမဟုတ်ပါဘူး။ ဘာတိုးတက်မှုမှ မဟုတ်ပါဘူး။ မေး - နှစ်ငါးဆယ်လုံးလုံး အလွန်အကျွံ ဖြစ်ခဲ့မှုတွေကို ရှောင်ကြဉ်လိုကြောင်း ဦးရဲထွဋ်က Conference မှာပြောခဲ့တယ်လို့ မဇ္ဈိမသတင်းမှာ ရေးထားပါတယ်။ လက်ရှိဖြစ်နေတဲ့ အနေအထားတွေအရ နှစ်ငါးဆယ်လုံး အလွန်အကျွံ ဖြစ်ခဲ့တာတွေကို ပြန်ကြားရေး ၀န်ကြီးဌာနက ရှောင်ကြဉ်သွားမယ်ဆိုတာ ဖြစ်နိုင်ပါ့မလား။ ဖြေ - လုံးဝ မဖြစ်နိုင်ပါဘူး။ နှစ် ၅၀ အတွေ့အကြုံ၊ နှစ် ၅၀ အတွေ့အကြုံအရ လုံးဝ မဖြစ်နိုင်ပါဘူး။ မေး - ဘာ့ကြောင့်လို့ ဆရာထင်သလဲ။ ဖြေ - ဘာကြောင့်လဲဆိုရင် ဦးရဲထွဋ်က ဘယ်သူလဲ။ စစ်ဗိုလ်က လာတဲ့လူ၊ ပြန်ကြားရေးဝန်ကြီးက ခိုင်းလို့ဆိုရင် ခိုင်းတဲ့အတိုင်း လုပ်မှာပဲ။ ပြန်ကြားရေးဝန်ကြီးက ဘယ်သူလဲ။ ခိုင်းရင် ခိုင်းတဲ့အတိုင်း လုပ်မှာပဲ။ သူယုံတာ လုပ်လို့ မရဘူး။ သူယုံကြည်ရာ ပြောလို့ မရဘူး။ ဒီသဘာဝတရားကြီးက ပျောက်မသွားပါဘူး။ အခု လက်ရှိအတိုင်းလည်း ရှိနေတာပဲ။ ရှိနေတဲ့အတွက် ဒီအစိုးရ ဒီပုံစံအောက်မှာ လုံးဝ မဖြစ်နိုင်ဘူး။ အမေရိကန်နိုင်ငံတို့၊ အင်္ဂလန်နိုင်ငံတို့ ဒီမိုကရေစီ နိုင်ငံကြီးတွေမှာ ပြန်ကြားရေး ၀န်ကြီးဌာနဆိုတာ လုံးဝ မရှိဘူး။ မီဒီယာ ဥပဒေဆိုတာ မပြောနဲ့တော့။ ပြန်ကြားရေး ၀န်ကြီးဌာနဆိုတာကို မရှိဘူး။ စင်ကာပူလို နိုင်ငံမှာ ထိုင်ဝမ်လို နိုင်ငံမှာတော့ ရှိမှာပေါ့။ စင်ကာပူလို နိုင်ငံက ဒီမိုကရေစီနိုင်ငံမှ မဟုတ်တာပဲ။ ဒီမိုကရေစီ နိုင်ငံစစ်စစ်တွေမှာ ပြန်ကြားရေး ၀န်ကြီးတောင် မရှိပါဘူး။ မီဒီယာ ဥပဒေရှိဖို့ဆိုတာ ထားတော့။ ရုပ်ရှင်ဆင်ဆာဆိုတာ ရုပ်ရှင်သမားတွေက သူတို့ဖာသာသူတို့ ဖွဲ့ထားတဲ့ အဖွဲ့အစည်းကနေပြီးတော့ rating သတ်မှတ်ပြီးတော့ ပေးတာပဲ ရှိတယ်။ ဆင်ဆာလုပ်တယ်ဆိုတာ မရှိဘူး။ မေး - အီလက်ထရောနစ် ဥပဒေဟာ မီဒီယာသမားတွေအတွက် အန္တရာယ်အရှိဆုံး ဥပဒေ ဖြစ်နေပါတယ်။ ဒီနေ့ခေတ်မှာ အိုင်တီနဲ့ ကင်းနိုင်တဲ့သူလည်း မရှိပါဘူး။ ဒီလို ဥပဒေကို မဖျက်ပဲ မီဒီယာ ဥပဒေပါ ထပ်လုပ်လာတော့ ပိုပြီးကြပ်ဖို့ဆိုတဲ့ အမြင်တွေ ရှိပါတယ်။ အီလက်ထရောနစ် ဥပဒေအပေါ်မှာ ဆရာ ဘယ်လိုမြင်လဲ။ ဖြေ - ဆရာလုပ်ခဲ့ဖူးတော့ ဆရာ့တပည့်တွေက ကမ္ဘာအနှံ့ ရှိတယ်။ ရှိနေတော့ တပည့်တွေနဲ့ ဆရာနဲ့က အီးမေးလ်နဲ့ စကားပြောကြတာ ရှိတယ်။ အီးမေးလ် ပို့ကြတယ်။ တစ်ယောက်နဲ့တစ်ယောက် အပြန်အလှန်၊ သူတို့ ဖတ်စေချင်တဲ့ ဆောင်းပါးတစ်ပုဒ်တွေ့ရင် အဲဒီဆောင်းပါးကို အီးမေးလ်က ပို့ပေးလိုက်တယ်။ သူတို့ကလည်း သူတို့ဖတ်စေချင်တဲ့ ဆောင်းပါးလေးတွေ ဆရာဖတ်ဖို့ဆို ပြီး ပို့ပေးတယ်။ ဒါတွေကိုပဲ အီလက်ထရောနစ် ဥပဒေနဲ့ အရေးယူလို့ ရတယ်။ လက်ရှိ တည်ဆဲ ဥပဒေအရ၊ ရှေ့မှာလည်း ဒါတွေနဲ့ အရေးယူ ခံခဲ့ရသူတွေ ရှိတယ်။ အဲတာကြောင့် ဒီဥပဒေ မှန်သမျှကို ဆရာက ဆန့်ကျင်တယ်။ ဥပဒေဆိုတာ ဘယ်ဥပဒေမှကို မကောင်းဘူး။ ကောင်းတဲ့ ဥပဒေဆိုတာ ရှိကို မရှိဘူး။ ပြည်သူလူထုကို တိုင်းသူ ပြည်သားကို ချုပ်ကိုင်ဖို့ပဲ။ သို့သော်လည်း မရှိမဖြစ်တဲ့အတွက် မရှိမဖြစ်တာတွေကိုတော့ ထားရမယ်။ ဒါဟာ ထားရမယ်။ ပြည်သူလူထုကို ကာကွယ်စောင့်ရှောက်ဖို့ ထားတာပဲ ဖြစ်ရမယ်။ ပြည်သူလူထုကို ဖိနှိပ်ချုပ်ချယ်ဖို့ ထားတာ မဖြစ်စေရဘူး။ အခုရှိနေတဲ့ မီဒီယာဥပဒေ အပါအ၀င် အီလက်ထရောနစ် ဥပဒေတို့ ဘာတို့ အစိုးရကို အကြည်ညိုပျက်စေတဲ့တို့ စတဲ့ ဥပဒေတွေ အားလုံးကတော့ ပြည်သူတွေကို ဖိနှိပ်ချုပ်ချယ်တဲ့ ဥပဒေတွေ ဖြစ်တယ်။ ဒါကြောင့် လုံးဝကို ကန့်ကွက်တယ်။ တကယ်တန်း ဒီမိုကရေစီနိုင်ငံ ဖြစ်ချင်လို့ဆိုရင် ပြန်ကြားရေး ၀န်ကြီးဌာနပါ ဖျက်ပစ်လိုက်ပါ။ ဒါမှ ဒီမိုကရေစီ နိုင်ငံစစ်စစ် ဖြစ်မယ်။ ပြန်ကြားရေး ၀န်ကြီးဌာနဆိုတာ ရှိနေသရွေ့ကို ဒီမိုကရေစီနိုင်ငံလို့ မခေါ်နိုင်ဘူး။ မေး - ပြီးခဲ့တဲ့ နှစ်ရက်မှာ ပြုလုပ်ခဲ့တဲ့ Conference နဲ့ ပတ်သက်လို့ ဘာများဖြည့်စွက် ပြောချင်ပါသေးလဲ ဆရာ။ ဖြေ - ဒီပေါ်မှာတော့ အသေးစိတ်တွေတော့ မသိရဘူးပေါ့။ ဒီအစည်းအဝေးလည်း မတက်ရဘူး။ ဘာတွေ ဆွေးနွေးတယ်ဆိုတာကိုလည်း အသေးစိတ် မကြားရဘူး၊ မသိရဘူး။ အသေးစိတ်တွေတော့ မပြောချင်ဘူး။ သို့သော် ယေဘူယျ ခြုံပြောရ မယ်ဆိုလို့ရှိရင် ဒီ Conference မှာ ပြည်ပကနေလာပြီး စာတမ်းဖတ်တဲ့ နိုင်ငံခြားသားတွေနဲ့ တွေ့ရတာ လည်းရှိပါတယ်။ ခြုံပြီးတော့ ပြောမယ်ဆိုရင်တော့ ခေါင်းစဉ်က Media Development in Myanmar၊ စာတမ်းဖတ်သွားတဲ့ ပုဂ္ဂိုလ်တွေကလည်း Media Development in Myanmar ဆိုတဲ့ အကြောင်းပဲ ဖတ်သွားကြတာပဲ။ အဲဒီတော့ ဒီမီဒီယာ ဥပဒေဆိုတဲ့ဟာက ပြန်ကြားရေး ၀န်ကြီးဌာနက နောက်ဖေးပေါက်က ဆွဲသွင်းလာတဲ့ဟာပဲ။ ပြောရလို့ရှိရင်တော့ ၀က်ခေါင်းချိတ်ပြီး ခွေးသား ရောင်းတဲ့ ပုံမျိုးဖြစ်နေတယ်။ ဒါကြောင့် ဒါဝက်ခေါင်းမှန်း၊ ခွေးသားမှန်း သိတဲ့အတွက် ဒီခွေးသားကို တစ်ခွန်းပဲ ပြောချင်တယ်လေ။ မီဒီယာ ဖွံ့ဖြိုးတိုးတက်စေချင်တဲ့ စေတနာ ပြန်ကြားရေးဝန်ကြီးမှာ အမှန်တကယ် ရှိလို့ဆိုရင် ရှိနေတဲ့ ဥပဒေတွေကိုပဲ ရုတ်သိမ်းပေးလိုက်ပါ။ နောက်ထပ် မလုပ်ပါနဲ့တော့။ ဒီထက်ပိုပြီးတော့ ဒီမိုကရေစီ နိုင်ငံစစ် စစ်အဖြစ်နဲ့ အခေါ်ခံချင်လို့ရှိရင် ပြန်ကြားရေးဝန်ကြီးဌာနပါ ဖျက်သိမ်းပစ်လိုက်ပါ။ ဒါ နောက်ဆုံးပေးချင်တဲ့ အကြံဉာဏ်ပါ။ |
၂၀၁၂ မန္တလေးသင်္ကြန်တွင် မန္တလေးလူရွှင်တော်များစုပေါင်း၍ သံချပ်အလှပြယာဉ် ထွက်မည်...။
သတင်းနှင့် ဓာတ်ပုံ - ရဲဘော်သူရိန်
(မတ်-၂၂၊ ကြာသပတေး)
မန္တလေးလူရွှင်တော်များစုပေါင်း၍ ၂၀၁၂ မန္တလေးသင်္ကြန်တွင် နှစ်ပေါင်း အတော်ကြာ ပိတ်ပင်ခံထားရသော သံချပ်များထိုးခြင်းဖြင့် မန္တလေးပြည်သူများကို လှည့်လည်ဖျော်ဖြေမည်ဖြစ်ကြောင်း လူရွှင်တော် ပါပါလေးမှ CJ Myanmar သို့ ပြောကြားလိုက်သည်။ သံချပ်အလှပြယာဉ်ဒီဇိုင်းကို မန္တလေးကာတွန်းဆရာများမှ ပါဝင်ဖျော်ဖြေမည့် လူရွှင်တော်များ၏ ကယ်ရီကေးချားရုပ်ပုံများဖြင့် အလှဆင်ပေးမည်ဖြစ်ကြောင်းလည်း ၎င်းက ပြောကြားသည်။ တိမ်မြုပ်ပျောက်ကွယ်လုဖြစ်နေသော မြန်မာ့ရိုးရာသံချပ်ကို ပြန်လည်ဖော်ထုတ်ရန် ရည်ရွယ်ချက်ဖြင့် သင်္ကြန်အကြိုနေ့ မတိုင်မီ ၃ရက် အလိုလောက်မှ စတင်လှည့်လည်ဖျော်ဖြေမည်ဖြစ်ပြီး ရရှိလာမည့် အလှူငွေများပေါ်မူတည်၍ သင်္ကြန် (၅) ရက်အတွင်း ဆက်လက်ဖျော်ဖြေနိုင်မည်ဖြစ်သည်။ မန္တလေးလူရွှင်တော်များသံချပ်အဖွဲ့အတွက် အလှူငွေများ ထည့်ဝင်လိုပါက ၃၉လမ်း၊ ၈၀x၈၁ကြားရှိ ပါပါလေးအငြိမ့်အိမ်တွင် လာရောက်ထည့်ဝင်နိုင်ကြောင်းလည်း သိရှိရသည်။ မန္တလေးလူရွှင်တော်များ သံချပ်အဖွဲ့သည် မတ်လ (၃)ရက်နေ့ အန်တီစု မန္တလေးစည်းရုံးရေးခရီးစဉ်မတိုင်မီကလည်း မြို့တွင်းသို့လှည့်လည်ကာ လှုံ့ဆော်ရေးသံချပ်များဖြင့် ပြည်သူလူထုကို ဖျော်ဖြေခဲ့ကြသေးသည်။ ယခုနှစ် မြန်မာ့ရိုးရာယဉ်ကျေးမှုသင်္ကြန်တွင် နှစ်ပေါင်းအတော်ကြာ ပျောက်ကွယ်နေပြီဖြစ်သော သံချပ်အဖွဲ့များ ရန်ကုန်၊ မန္တလေးမြို့များတွင် ပြန်လည်ဖော်ထုတ် ဖျော်ဖြေကြရန် ပြင်ဆင်နေကြကြောင်းလည်း CJ Myanmar မှ သိရှိရပါသည်။
လူရွှင်တော် ပါပါလေးနှင့် အဖွဲ့
အန်တီစု၏ မန္တလေးစည်းရုံးရေးခရီးစဉ် မတိုင်မီ မြို့တွင်းသို့ လှည့်လည်ဖျော်ဖြေနေကြသော မန္တလေးလူရွှင်တော်များ သံချပ်အဖွဲ့
မန်းလူရွှင်တော်များ သင်္ကြန်ပွဲတော်တွင် သံချပ်ထိုးမည်
အတွဲ ၂၉ ၊ အမှတ် ၅၆၂ (၂၃ - ၂၉ ၊ ၃၊ ၂၀၁၂)
လူရွှင်တော် ပါပါလေးတို့အဖွဲ့အကြောင်း ဆောင်းပါးကို
ခရီးသွားများ စိတ်ဝင်တစား ဖတ်ရှုစဉ်။
ဓာတ်ပုံ - ရတနာထွန်း
မန္တလေးမြို့ပေါ်ရှိ လူရွှင်တော်များ စုစည်းကာ လာမည့်သင်္ကြန်၌ အလှဆင် ကားဖြင့် သံချပ်နှင့်ပြက်လုံးများကို မြို့တွင်းတွင် လှည့်လည်အသုံးတော်ခံ သွားမည်ဟု စီစဉ်နေသူတစ်ဦးဖြစ်သည့် လူရွှင်တော် ပါပါလေးကပြောသည်။
"လူရွှင်တော်တွေစုပြီးတော့ ပြည်သူတွေ လိုလားတောင့်တနေတဲ့ သံချပ် ထွက်ဖို့ စီစဉ်တိုင်ပင်နေပါတယ်။ အရပ် သားမပါဘဲ အနုပညာ သမားတွေချည်းပဲ လုပ်ရတာဆိုတော့ သင်္ကြန်ရက်အကုန် လုံးတော့ ထွက်နိုင်မှာ မဟုတ်ပါဘူး။ အနုပညာရှင်တွေမှာကလည်း သူတို့ရဲ့ စားဝတ်နေရေးအတွက် ပွဲလမ်းသဘင် တွေ ကလည်းရှိသေးတာကိုး။ သူတို့ရဲ့ စီးပွားရေးကို ငဲ့ကွက်တဲ့အနေနဲ့ အနည်း ဆုံး တစ်ရက်၊ နှစ်ရက်လောက်တော့ ထွက်မှာပါ"ဟု ၎င်းက ပြောသည်။
မြို့၏ အထင်ကရ လူရွှင်တော်များ ဖြစ်သည့် ဦးချစ်စရာ၊ ဦးထင်ပေါ်၊ သပြေ ကြာအေး၊ ဦးမြတ်သာ၊ ဦးပေါစိန်၊ ကိုဒီပါ၊ မုံရွာတက်တိုး၊ ကိုမိတ်ဆက်၊ ပါပါလေး၊ ဦးလူမော်နှင့် အခြား လူရွှင်တော်များ စုစည်းကာ သင်္ကြန်ရက်များအတွင်း သံချပ်ထိုးခြင်း၊ ပျက်လုံးပျက်ခြင်း များကို နှစ်များစွာကြာမှ ပြန်လည်ပြုလုပ်ခြင်း ဖြစ်သည်ဟု ပါပါလေးက ပြောသည်။
မန္တလေးမြို့တွင် ဆယ်စုနှစ်နှစ်စုကျော် ကြာမြင့်ပြီးမှ ပထမဆုံးအကြိမ်အဖြစ် သံချပ်ထိုးခြင်းကို ပြုလုပ်ရသည့် ရည် ရွယ်ချက်ကိုလည်း "ဒီနှစ်မှာမှ ပြန် လုပ်ဖြစ်တာက လုပ်ချင်တဲ့စိတ် ပြင်းပြ လာတာရယ်။ သမ္မတ ကြီးကိုယ်တိုင်က လည်း အနုပညာကို နားလည်ပေးမယ် လို့ ထင်တယ်။ အနုပညာရှင်တွေကလည်း စိတ်အား ထက်သန်ပြီး သံချပ်ထိုးချင် ကြတာ။ မန္တလေးမြို့က ထွက်တဲ့သံချပ် က သူများ နဲ့မတူဘူး။ ပရိသတ်ကလည်း စိတ်ဝင်စားကြတာကိုး"ဟု ပါပါလေးက မြန်မာတိုင်း(မ်)ကို ပြောသည်။
လူရွှင်တော်များ သံချပ်ထိုးရာတွင် စီးနင်းမည့်ကားကို လူရွှင်တော်များ၏ ရုပ်ပုံများဖြင့် အလှဆင်သွားမည်ဟု ၎င်းက ဆက်လက် ပြောပြသည်။
မှော်ဆရာအဖွဲ့ မှ နေ့ စဉ်မေးလ်များ ရယူလိုပါက http://groups.google.com/group/mrsorcerer/subscribe?hl=en ကို နှိပ်ပြီး မန်ဘာဝင်နိုင်ပါသည် ။
မန်ဘာဝင်များ မိမိတို.သိထားသည်များကို မျှဝေလိုပါက mrsorcerer@googlegroups.com သို. မေးလ်ပို.နိုင်ပါသည် ။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး မေးလ်ပို.ပါ ။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en ကို သွားပါ ။
မှော်ဆရာ အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
