ထားပါတယ်။ယနေ့ခေတ်တွင်လည်း လူမှုရေးအသင်းအဖွဲ့များပါ မဲစနစ်
ကျင့်သုံးလာကျတဲ့အတွက် ယခင်ခေတ်နှင့် နှိုင်းယှဉ်
ချိန်ဆနိုင်စေလိုခြင်းနှင့် ယနေ့ခေတ်လူငယ်သတင်းရေးဆရာများ ယခင်ခေတ်
သတင်းရေးဟန်ကို လေ့လာစေလိုသော ရည်ရွယ်ချက်ဖြင့် စုစည်းတင်ပြထားပါသည်။
ယခင်ခေတ်က မဲတစ်မဲကို ရရန် ကြိုးစားခဲ့သူတစ်ယောက် အကြောင်းလေးကို
ကျွန်တော် ပြောပြချင်တာပါ။ လူတစ်ယောက်ဆီက မဲရရန် ဘယ်လောက်
အရေးကြီးကြောင်းနဲ့ မဲဆန္ဒရှင်တစ်ဦးရဲ့ မဲတန်ဖိုးကို ကျွန်တော်
စာဖတ်သူတွေကို သိစေချင်လို့ ကျွန်တော် ပြန်လည်ကူးယူ တင်ဆက်လိုက်ပါတယ်။
မဲရှင်ကို ရှိခိုးတဲ့ မြူလူကြီးဟောင်း
ပုသိမ်မြို့ မာတရပ်ကွက်၊ တလုပ်ကုန်းအထွက် မြူနီစီပါယ်လူကြီး
တစ်နေရာကို ၁၄-၅-၅၁ နေ့က ရွေးကောက်ပွဲပြုလုပ်ရာ ဗဟိုလ် ဖဆပလကို
ထောက်ခံသော တစ်သီးပုဂ္ဂလပါလီမန်အမတ် ဦးဘကျန်းနှင့် ပုသိမ်ဖဆပလမှ
ကိုထွန်းလှိုင်၊ ၎င်းပြင် သီးခြားတစ်သီးပုဂ္ဂလအဖြစ်နှင့် မဲပုံးအဖြူရောင်တွင်
မီးတုတ်တံဆိပ်ဖြင့် အရွေးခံသော ဦးပဒန်တို့ ဖြစ်ကြ၏။
ရှုံးခဲ့သူနှစ်ဦး
တစ်သီးပုဂ္ဂလ ဗဟိုဖဆပလကို ထောက်ခံသော ပါလီမန်အမတ် ဦးဘကျန်းမှာ
လွန်ခဲ့သောလ မြူနီစီပါယ် ရွေးကောက်ပွဲကြီးတွင် တစ်သီးပုဂ္ဂလကို
ရှုံးလာခဲ့သူဖြစ်သည်။
တစ်သီးပုဂ္ဂလလူကြီးလောင်း ဦးပဒန်ကက ဘယ်သူရှုံးရှုံးနိုင်နိုင် ငါ
မဲပုံးထဲမှာ မဲတစ်ပြားတည်းရရင် ငါတော်ပြီ။ ငါ့ကို မဲပေးလိုသူရှိလျင်
အဲဒီ့မဲကို ရေစက်ချ။ ငါ့မဲရှင်ကို ရှိခိုးကန်တော့မယ်ဆိူ၍ မဲရှင်တစ်ဦးက
"အဟုတ်လား၊ လာ ဒါဖြင့် ငါမဲမထည့်ရသေးဘူး။ မင်း လာရှိခိုးရင် ငါ့မဲ
မင်းကိုပေးမယ်" ပြော၍ မဲဆန္ဒရှင်တစ်ဦးကို မြူနီစီပါယ် လူကြီလောင်း
ဦးပဒန်က ရေနွေးကရား ရေပူနှင့် ရေစက်ချ နေစဉ် ဗမာ့ခေတ် အထောက်တော်က
ဓာတ်ပုံရအောင်ရိုင်ပြီး တင်ဆက်လိုက်ပါကြောင်း။
၁၅-၅-၅၁ နေ့ အရေးပိုင်ရုံးတွင် မဲပုံးဖွင့်၍ မဲရေတွက်သောအခါ
တစ်သီးပုဂ္ဂလ ဦးဘကျန်း မဲ ၅၅၀ ရ၍ ဖဆပလ ဦးထွန်းလှိုင်က မဲ ၅၄၇မဲ၊
ဦးပဒန်က ၁၉မဲ၊ ဖဆပလ ဦးထွန်းလှိုင်ကို တစ်သီးပုဂ္ဂလ ဦးဘကျန်းက
၃မဲတည်းနှင့် နိုင်သွားသည်ကို တွေ့ရကြောင်း။
၁၇-၅-၅၁ထုတ် ဗမာ့ခေတ် မှာပါတဲ့ သတင်းတစ်ပုဒ်ပါ။ ဓာတ်ပုံက ကျွန်တော်ဖတ်တဲ့
ဗိုလ်လိပ်ပု စာအုပ်ထဲမှာ ဖော်ပြမထားတဲ့အတွက် တင်ခွင့်မရတော့ပါဘူး။
ဒီလောက်ဆိုရင် ကိုယ့်မဲက ဘယ်လောက်တန်ဖိုးရှိလဲ ဆိုတာ သိလောက်ပြီ
ထင်ပါတယ်။ ဒီလိုပဲ ကားလေးနဲ့ လိုက်ပြီး ဟောပြောနေရတာကိုပဲ မဲဆွယ်ရတာ
ခက်ခဲတယ်လို့ ထင်ကြသူတွေ အတွက် အတုယူစရာ ဖြစ်ပါတယ်။ နောက်ထပ်တစ်ခုကတော့
ရွေးကောက်ပွဲမှာ အမှားမကင်းတတ်တာကို ဖော်ပြပေးထားတဲ့ သတင်းလေးတစ်ပုဒ်ပါ။
သာယာဝတီဦးဘသင် မဲပုံးလဲ အပေါက်မပါ
၁၂-၆-၆၁ ရက်နေ့တွင် သာယာဝတီမြို့နယ် ပါလီမန်အမတ် ရွေးကောက်ပွဲ
ကျင်းပပြုလုပ်ရာ သဲဖြူကျေးရွာ၌ ထားသည့် မဲပုံးများအနက် ဝတ်လုံတော်ရ
ဦးဘသင်၏ မဲပုံးတွင် မဲထည့်ရန် အပေါက်မပါခြင်းကို မဲထည့်သူတစ်ယောက်က
ပြောကြားကြောင်း။
မဲရုံမှုးသည် သွားရောက်ပြီး ဦးဘသင်၏ မဲပုံးကို ကြည့်ရာ အကယ်ပင်
မဲထည့်ပေါက် မရှိသဖြင့် ချက်ချင်း လက်သမားတစ်ယောက် ခေါ်စေပြီး မဲထည့်ပေါက်
ဖောက်လုပ်ပေးရတော့သည်ဟု ကြားရကြောင်း။
သာယာဝတီအပိုင် ရှမ်းသပြေကုန်းရွာ မဲရုံသို့ မဲများလာရောက်ထည့် ကြစဉ်
မဲထည့်ရန်လာရောက်ကြသော မိန်းမနှစ်ယောက်သည် တစ်ယောက်က "ညည်း ဘယ်သူ့ကို
မဲထည့်မလဲ" ဟု မေးမြန်းသဖြင့် တစ်ယောက်က "ကျုပ်ကတော့ လင်ကြီးကိုပဲ
မထည့်မယ်အေ့။ လင်ငယ်ကို မဲထည့်ရင် ပိုပြီးအရိုက်ခံရမှာ စိုးတယ်တော့ဟု
ပြောပြောဆိုဆို မဲပြားများယူကြပြီး မဲထည့်ကြကာ ပြန်ကြသည့်သတင်းကို
ကြားရတော့ကြောင်း။
၁၇-၉-၅၁ ထုတ် ဗမာ့ခေတ်မှ ကူးယူထားသည်။ ဟိုဟာဖြစ်နေသည် ဟိုဟာမှားနေသည်
စသည်ဖြင့် ရွေးကောက်ပွဲ ကော်မရှင်ကိုချည်းပဲ အပြစ်တင်နေသူများတွေ့
ကြမည်ထင်သည်။ ဒီမိုကရေစီသက်တမ်းသည် ၁နှစ်သာရှိသေးသည့်
ကျွန်တော်တို့နိုင်ငံသည် အခြားဒီမိုကရေစီဘိုးတော်နိုင်ငံများနှင့်
ယှဉ်လျှင် အစစ အရာရာ၌ အားနည်းနေဦးမည်ကို နားလည်ပေးနိုင်ဖို့ လိုပါသည်။
အချိန်ကာလ ကြာမြင့်လာသည် နှင့်အမျှ အမှားနည်းလာမည်ဟု ကျွန်တော်ကတော့
ရိုးရှင်းစွာ မြင်ပါသည်။
နောက်တစ်တစ်ပုဒ်ကတော့ အမတ်တွေကို ဗြောင်ကျကျဝေဖန်ကြသည့် မဲဆန္ဒရှင်တွေရဲ့
လုပ်ရပ်လေးတစ်ခုကို ဖော်ပြပေးချင်ပါတယ်။ အပြင်ကနေ လွှတ်တော် အမတ်တွေကို
ဝေဖန်နေကြတဲ့ ဘေးထိုင် အချောင်သမားများ ဖတ်ဖို့ဖြစ်ပါတယ်။
သင်းတို့လုပ်ပုံ အသုံးမကျ
မဲပုံးထဲမှ ဖဆပလမဲစာတမ်း
ရန်ကုန်မြို့ ဗိုလ်တထောင်မြောက်ပိုင်း မဲများကို ဇွန်လ ၁၉ ရက်နေ့
ကော်လိုက်တာရုံး၌ ဆက်လက်ဖွင့်လှစ်ရာ မဲရုံအမှတ်-၅ ဦးကျော်မြင့်လေး
မဲပုံးထဲမှ အောက်ပါစာ ၂-စာ ရရှိသည်။
အမတ်လောင်း ခင်ဗျား-
ကျွန်ုပ်တို့မဲပြားသည် လွန်စွာတန်ဖိုးရှိပါသည်။ ထို့ကြောင့်
တိုင်းပြည်နှင့် လူထုအတွက် သစ္စာရှိစွာဖြင့် အသက်စွန့်ကြိုးပမ်း
ဆောင်ရွက်ကြပါ။ လွပ်လပ်ရေး တည်မြဲပါစေ။ တိုင်းပြည်ငြိမ်ဝပ်ပိပြား
သာယာဝပြောပါစေ။
မဲဆန္ဒရှင်
မှတ်ချက်။ ။ တောတောင်သာယာမှ မြို့ပြစည်ပင်ဝပြောမည်ကို သတိပြုစေလိုပါသည်။
နောက်တစ်စောင်
မိတ်ဆွေကျော်မြင့်သို့-
မိတ်ဆွေကျော်မြင့်သည် ငါ ၏ မိတ်ဆွေဖြစ်သည်ကား မှန်၏။ သို့ရာတွင်
သင်ဝင်နေသော ဖဆပလ၏ လုပ်ပုံကိုင်ပုံများ နည်းနည်းမှ မသုံး မကျဘဲ လူတစ်စု
ကောင်းစားရေးသာ ဖြစ်၍ ငါ၏ တန်ဖိုးရှိလှသော မဲပြားသည် သင်တို့
ကောင်းစားရေးအတွက် မဲမပေးနိုင်။ အကယ်၍ သင် သည် ဖဆပလ မဟုတ်ခဲ့လျှင် ငါ ၏
မဲပြားသည် သင့်အတွက် ဖြစ်ရမည်။ သင်တို့သည် အကယ်၍ မဲမရ၍ အစိုးရ
မဖွဲနိုင်သည့်တိုင် ဖဆပလ လူစုတို့သည် ထမင်းမငတ်နိုင်။ လက်ဝါးအုပ်၍
ဝါးစေထားသော ငွေရင်းများဖြင့် တည်ဆောက်ထားသော ရဲဘော်ဝါကုမ္ပဏီများမှာ
ရန်ကုန်မြေပေါ်၌ အနှံအပြား ဖြစ်နေလေပြီ။
သင့်မိတ်ဆွေ
၂၁-၆-၅၁ ထုတ် အိုးဝေမဂ္ဂဇင်းမှ ကူးယူထားခြင်းဖြစ်သည်။ အရေမရ အွန်လိုင်းမှ
တစ်ဆင့် နိုင်ငံခေါင်းဆောင်များ နိုင်ငံရေး ခေါင်းဆောင်များကို
ဆဲဆိုနေကြသော သူများ အား ယခင်ခေတ်က ပြည်သူတွေသည် သူတို့၏
ကိုယ်စားလှယ်များကို ပြောင်ပြောင်တင်းတင်း မည်သို့ ထိရောက်အောင်
ဝေဖန်ခဲ့ကြသည်ကို အတုယူဖွယ် ဖြစ်အောင် တင်ဆက်လိုက်သည်။
ကျွန်တော့်ရဲ့ ဗိုလ်လိပ်ပု စာအုပ်ကို သူငယ်ချင်း တစ်ယောက်က ငှားပြီး
ခရီးထွက်သွားတာ လေးလလောက် ကြာသွားတယ် ဒါနဲ့ပဲ ဒီစာလေးတွေကို
ပြန်လည်ကူးယူဖော်ပြဖို့ နောက်ကျသွားတယ်။ စာအုပ်လေးက ဖတ်လို့လဲ ကောင်းသလို
ဗဟုသုတလဲရတယ် နောက်ပြီး ရီလဲ ရီရပါတယ်။ တခါတခါ ခေါင်းစဉ်တွေ ဖတ်ရုံနဲ့
ရီနေရတယ်။ စာဖတ်လိုက်မှသာ နားလည်သွားတော့တယ် ခေါင်းစဉ်လေးတွေ
အစမ်းဖော်ပြပေးလိုက်ဦးမယ်
"ဖဲပြင်တဲ့ ပြည်ထောင်စုလူငယ်" " ခွေးမသားတွေကို တိုက်ဖို့ တပ်မတော်ကြီး
ချီလာပြီ" နှင့် "ဟေ့ တို့အလံကို မခိုးပါနဲ့ကွ" ဖတ်လိုက်ရင်တော့
တမျိုးကြီးပဲဗျနော့။ နောက် စာရိုက်ဖို့ အားတဲ့နေ့ ကျွန်တော်
စာစီပြီးတင်ပေးလိုက်ပါမယ်။
--
Your lovingly Fri
Ya Wai (Paing Soe Thu)
https://twitter.com/#!/mcyawai
http://www.facebook.com/ya.wai1
http://www.facebook.com/pages/The-People-who-Like-Our-President
မှန်တာကို ပြောသူသည် ဒီမိုကရေစီ ဘက်တော်သားဆိုလျှင် ကျွန်တော် ဒီမိုကရေစီ
ဘက်တော်သားဖြစ်သည်။ အကယ်၍ မှန်တာကို ပြောသူသည် စစ်ခွေးဟု ဆိုပါက
ကျွန်တော်သည် စစ်ခွေးတစ်ကောင် မျှသာ ဖြစ်ပေလိမ့်မည်။
--
group chat လုပ်လိုပါက gtalk တွင် aurorageneration@jaconda.im ကို add ပါ။
Computer နည်းပညာများ
http://groups.google.com/group/auroracomputerservice?hl=en_US
ဂြိုဟ်တုနှင့်အာကာသ
http://sites.google.com/site/9spacestudy/
Aurorageneration အတွက် facebook link ပါ။
http://www.facebook.com/groups/186830348042417
--
သင်သည် aurorageneration group ဧ။် member တစ်ယောက်ဖြစ်သောကြောင့် ယခု mail ရရှိခြင်းဖြစ်သည်။group ဧ။်အသေးစိတ်ကိုhttp://groups.google.com/group/aurorageneration/topics?start=10&sa=N မှာကြည့်နိုင်ပါသည်။ သင်ဧ။် mail များကိုဖြန့်ဝေချင်ပါကaurorageneration@googlegroups.comသို့ပို့နိုင်ပါသည်။ group ကိုဝင်ချင်ပါက aurorageneration+subscribe@googlegroups.com သို့ mail ပို့ ခြင်းဖြင့် ၀င်နိုင်ပါတယ်။ group မှထွက်ချင်ပါက aurorageneration+unsubscribe@googlegroups.com ဖြင့်ထွက်နိုင်ပါတယ်။
group နှင့်ပတ်သက်ပြီး အကြံဥာဏ်များပေးလိုပါက aurorageneration+owner@googlegroups.com သို့ မေးလ်ပို့နိုင်ပါသည်။
