theZOMI: [moemakadaily@moemaka.biz] 22nd April 2012

ကျွန်ုပ်၏ မြန်မာနိုင်ငံ (သို့) မြန်မာ့တရားစီရင်ရေးကောက်ကြောင်း

သန်းစိုးလှိုင်
ဧပြီ ၂၂၊ ၂၀၁၂

• ဘာသာပြန်ဆိုသူ - စိန်ဝင်းစိန်
• ထုတ်ဝေသည့်ခုနှစ် - ပထမအကြိမ်၊ ဇွန်လ ၂၀၁၀ ခုနှစ်
• ထုတ်ဝေသည့်တိုက် - လောကသစ်စာပေ
• တန်ဖိုး - ၃၀၀၀ ကျပ်
• စာမျက်နှာ - ၃၅၄ မျက်နှာ

........ ...... .....

၁၉၅၀ ခုနှစ်ကျော်ကာလက သမ္မတဖြစ်သူ ဦးဘဦးက ၎င်း၏ကိုယ်ရေးအထ္ထုပ္ပတ္တိစာအုပ်ကို ထိုစဉ်ကတည်းက အင်္ဂလိပ်ဘာသာဖြင့် ရေး သားခဲ့သည်။ လွန်ခဲ့သည့်တနှစ်ကျော်ကမှ ယင်းစာအုပ်ကို ကျွန်ုပ်၏မြန်မာနိုင်ငံဆိုသည့်အမည်ဖြင့် မြန်မာဘာသာသို့ ပြန်ဆိုထုတ်ဝေလိုက် ခြင်းဖြစ်သည်။

ဦးဘဦးမှာ မြန်မာနိုင်ငံရဲ့ ပထမဆုံး ရွေးကောက်ခံသမ္မတဖြစ်သည်။ ဦးဘဦး၏အကြောင်းကိုဖတ်ရှုရင်း သူဖြတ်သန်းခဲ့သည့် ကိုလိုနီခေတ် တလျှောက် တရားစီရင်ပုံများ၊ အင်္ဂလိပ်ဆုတ်ခွာသည့်ကာလ၊ ဂျပန်ခေတ်နှင့် လွတ်လပ်ရေးရပြီးနောက် ဖဆပလခေတ် တရားစီရင်ရေး နောက်ခံပုံရိပ်များစွာကို သိရှိခွင့်ရသည့်စာအုပ်တအုပ်ဖြစ်သည်။

ကိုလိုနီခေတ်နှင့် ပတ်သက်သည့် နိုင်ငံရေးအတွေ့အကြုံ၊ ကိုယ်ရေးမှတ်တမ်း၊ သမိုင်းစာအုပ်စသဖြင့် မရှားလှသော်လည်း တရားစီရင်ရေးနှင့် ပတ်သက်၍ ရေးသားဖော်ပြထားသည့်စာအုပ်ကား သိပ်မတွေ့ရပေ။

မြန်မာနိုင်ငံ ကိုလိုနီခေတ် သမိုင်းများ၊ အထ္ထုပ္ပတ္တိစာအုပ် အများအပြားဖတ်ရသည့်အခါ နိုင်ငံရေးလှုပ်ရှားမှုများကို ဖတ်ရှုရလေ့ရှိသော်လည်း ယခုစာအုပ်ကဲ့သို့ တရားစီရင်ရေးနှင့်သက်ဆိုင်သည့်ကိစ္စရပ်များ ဖတ်ရှုရခဲသည်။

ယခုစာအုပ်တွင် ကိုလိုနီခေတ်လယ်နှင့် နှောင်းပိုင်း မြန်မာနိုင်ငံ၏တရားစီရင်ရေးစနစ်ကို ရှားရှားပါးပါး ဖတ်ရှုခွင့်ရသည့် စာအုပ်တအုပ်ဖြစ် သည်။

ကိုလိုနီခေတ် တရားစီရင်ရေးနှင့်ပတ်သက်ပြီး မောရစ်ကောလစ်၏ မြန်မာပြည်မှ မှုခင်းများ (Trials in Burma) စာအုပ်တွင် ဖတ်ရှုခဲ့ရဖူးသည်။ မောရစ်ကောလစ်က အရေးပိုင်ဘ၀ဖြင့် တရားစီရင်ခဲ့ရသည့် အတွေ့အကြုံများကို ရေးခြယ်ထားခြင်းဖြစ်သည်။ ယင်းစာအုပ်မှာလည်း စိတ် ၀င်စားစရာ စာအုပ်တအုပ်ဖြစ်သည်။

လူထုဒေါ်အမာက အစောပိုင်းတွင် ဘာသာပြန်ထုတ်ဝေခဲ့သလို နောက်ပိုင်းတွင် စာရေးဆရာ ကျော်အောင်ကလည်း မြန်မာပြည်မှ မှုခင်းများ ခေါင်းစဉ်ဖြင့် ဘာသာပြန်ဆို ထုတ်ဝေခဲ့ဖူးသည်။ အင်္ဂလိပ်မျက်နှာဖြူတဦးအနေဖြင့် တရားစီရင်ရာတွင် ဘက်မလိုက်ပဲ မျှတအောင် စီရင်ခဲ့ သည့်အဖြစ်များကို မောရစ်ကောလစ်၏ စာအုပ်တွင် ဖတ်ရှုခဲ့ရသကဲ့သို့ ယခု "ကျွန်ုပ်၏ မြန်မာနိုင်ငံ" ထဲတွင် အင်္ဂလိပ်လူမျိုး အုပ်ချုပ်သူများ လက်အောက်တွင်လုပ်ကိုင်ရာတွင် လူမျိုးခွဲခြားမှုများ၊ တရားမျှတမှုကိုသာ ဦးစားပေးသည့် အင်္ဂလိပ်တရားသူကြီးများလည်း ရှိပုံ စသည့် အတွေ့အကြုံများက စာဖတ်သူစိတ်ဝင်စားစေသည်။

ခရိုင်တရားသူကြီးဘ၀တွင် ၁၉၃၀ ခုနှစ် တောင်သူလယ်သမားအရေးတော်ပုံနှင့် ကြုံတွေ့ရသည့် အတွေ့အကြုံသည်လည်း စိတ်ဝင်စား ဖွယ်ရာ ဖတ်ရှုရသည်။ ဖျာပုံခရိုင်တွင် လက်နက်ကိုင် ပုန်ကန်သူများအား အင်္ဂလိပ်အစိုးရက သေဒဏ်ပေးဖို့ ကြိုးစားရာတွင် ဒေါက်တာဘဦး အနေဖြင့် လူသတ်မှု၊ ဓါးပြမှု၊ မုဒိမ်းမှုများနှင့်မပတ်သက်ပါက သေဒဏ်မချမှတ်ရန် ကြိုးစားခဲ့ပုံကို ဖတ်ရှုရသည်။

ထိုအခန်းတွင် ရေးသားထားသည်မှာ "အင်္ဂလိပ်လူမျိုးအချို့က ပုန်ကန်မှုပေါ်ပေါက်ရသည်မှာ သူတို့၏ဂုဏ်သိက္ခာကို ထိခိုက်စေသည်ဟု ယူဆပြီး ဥပဒေကခွင့်ပြုထားသော အမြင့်ဆုံးပြစ်ဒဏ်ကိုချမှတ်ပေးရန် တောင်းဆိုခြင်းဖြစ်သည်။ ဤအမှုတွင် ရင်တွင်းခံစားချက်နှင့် တာဝန် သိစိတ်၏ ပဋိပက္ခဖြစ်ပါသည်။ တရားဥပဒေရှုထောင့်မှကြည့်လျှင် တရားခံများသည် သူပုန်များ၊ သို့သော် လူထုအမြင်တွင် တရားခံများသည် မျိုးချစ်ပုဂ္ဂိုလ် အာဇာနည်များဖြစ်နေကြသည်။ ကျွန်ုပ်၏ တာဝန်သိစိတ်က အခြေခံအားဖြင့် ကျွန်ုပ်အား လွှမ်းမိုးလျှက်ရှိသည်။ သို့သော် ခေါင်းဆောင် အစစ်အမှန်များနှင့် လူသတ်မှု၊ မုဒိမ်းမှုကျူးလွန်ခဲ့သူများမှအပ မည်သည့်တရားခံကိုမျှ သေဒဏ်မပေးရန် ကျွန်ုပ်သံဓိဋ္ဌာန်ချထား လိုက၏" ဟုရေးသားဖေါ်ပြထားသည်။

ဆရာစံ တောင်သူလယ်သမား သူပုန်ထပြီး လအနည်းငယ်အကြာတွင် သူပုန်များအား စစ်ဆေးရန် ခုံရုံးဖွဲ့သည့်အခါ ဟိုက်ကုတ်တရားသူကြီး ဂျေ-ကန်းလစ်ဖ် က ခုံရုံးဥက္ကဋ္ဌ၊ အေ-ဂျေ-ဒါဝတ်နှင့် ဦးဘဦးက ခုံရုံးအဖွဲ့ဝင်များ အဖြစ်ဆောင်ရွက်ခဲ့ကြသည်။ ယင်းခုံရုံးမှ တောင်သူလယ်သမား သူပုန်ခေါင်းဆောင် ဆရာစံကိုလည်း စီရင်ချက်ချခဲ့ရသည်။

ဦးဘဦးသည် အင်္ဂလိပ် အစိုးရလက်အောက်တွင် ၀တ်လုံ၊ တရားသူကြီး၊ ခရိုင်တရားသူကြီး၊ ဟိုက်ကုတ်တရားသူကြီး စသဖြင့် အဆင့်ဆင့် တာဝန်ထမ်းဆောင်ခဲ့သော်လည်း ကိုလိုနီစနစ်ကို လက်ခံခဲ့သူတဦးမဟုတ်ကြောင်း၊ အမျိုးသားရေးစိတ်ဓါတ်ရှိပုံကိုလည်း သူလုပ်ဆောင်ခဲ့ သည့်အဖြစ်အပျက်များဖြင့် ဖေါ်ပြရေးသားထားသည်။

အင်္ဂလိပ်လူမျိုး ဟိုက်ကုတ်တရားသူကြီး ကန်းလစ်ဖ်က ဒီမိုကရေစီစနစ်နှင့်တရားစီရင်ရေးအကြောင်းပြောရာတွင် "တရားစီရင်ရေးဟာ ဒီမိုကရေစီနိုင်ငံတိုင်းမှာ အဓိကကျောထောက်နောက်ခံဖြစ်ပါတယ်။ အဆုံးစွန်သုံးသပ်ကြည့်လိုက်တဲ့အခါ ဒီမိုကရေစီစံနစ်ကို သင့်တင့် လျောက်ပတ်စွာလည်ပတ်စေနိုင်ဖို့ တရားစီရင်ရေးက ထောက်ကူပေးတယ်ဆိုတာတွေ့လာရတယ်။ ဒါကြောင့် ခင်ဗျားတို့ဟာ တရားသူကြီး တွေအနေနဲ့ အချင်းချင်းဘယ်လိုပဲ သဘောထားကွဲကြသည်ဖြစ်စေ လူထုကို မသိစေသင့်ပါဘူး။ လူထုနဲ့ဆက်ဆံရာမှာဖြစ်ဖြစ် အုပ်ချုပ်ရေး ပိုင်းနဲ့ ဆက်ဆံရာမှာဖြစ်ဖြစ် ခင်ဗျားတို့ဟာ အပြင်ပန်းအားဖြင့် စည်းစည်းလုံးလုံးဖြစ်နေသင့်တယ်။ အသံထွက်ရင်လည်း တစ်သံတည်းပဲဖြစ် သင့်တယ်။ အချင်းချင်း သွားပုပ်လေလွင့် စကားတွေပြောပြီး လူထုကိုဒုက္ခမပေးသင့်ပါဘူး။ အုပ်ချုပ်ရေးပိုင်းကို မျက်နှာလိုမျက်နှာရ မလုပ် သင့်ပါဘူး" ဟု ပြောဆိုခဲ့သည်ဟု စာအုပ်တွင်ဖေါ်ပြထားသည်။

ကိုလိုနီခေတ်တွင် အင်္ဂလိပ်အစိုးရဖွဲ့ထားပေးသည့် မြန်မာအမျိုးသားဝန်ကြီးများအကြား နိုင်ငံရေး အုပ်ချုပ်ရေးနှင့်ပတ်သက်သည့်အတွေ့ အကြုံတို့မှာ အခြားသောသမိုင်းစာပေများနှင့် ရှုထောင့်မတူပဲ ဖတ်ရှုရသည်မှာ စိတ်ဝင်စားစရာတမျိုးကောင်းသည်။

ဒုတိယကမ္ဘာစစ်ဖြစ်ပွားလာသည့်နောက်တွင် အင်္ဂလိပ်အစိုးရဆုတ်ခွာသည့်နောက် ကသာအထိ တိမ်းရှောင်သွားခဲ့ပြီး ဂျပန်အုပ်စိုးစကာလ ကသာတွင် နေထိုင်ရသည့် အတွေ့အကြုံ၊ ၎င်းနောက် မန္တလေးသို့ ပြန်ဆင်းလာပြီးနောက် ရန်ကုန်သို့ ပြန်လာသည့်နောက်တွင် ဒေါက်တာ ဘမော် ဂျပန်ဝင်လာသည့် အခါ ဂျပန်စစ်သေနာပတိက ရှာဖွေခေါ်ယူပုံ၊ ဒေါက်တာဘမော်နှင့် ပတ်သက်သည့် ကိုယ်တွေ့ အတွေ့အကြုံများကို ရေးခြယ်ထားသည်မှာလည်း စိတ်ဝင်စားစရာပင်။

ဂဠုန်ဦးစောနှင့်ပတ်သက်၍ ဖေါ်ပြထားရာတွင် " ဦးပုနေရာသို့ နန်းရင်းဝန်အဖြစ် အစားဝင်ရောက်လာသော ဦးစောကား အလွန်လျင်သော နိုင်ငံရေးသမားတယောက်ဖြစ်သည်။ သူတို့၏ အမျိုးသားရေးရည်မှန်းချက်မပြည့်ဝပါက မြန်မာများ၊ အထူးသဖြင့် မြန်မာလူငယ်များသည် သည်အတိုင်းငြိမ်နေလိမ့်မည်မဟုတ်ကြောင်းကို သူသိသည်။ ထို့ကြောင့် စစ်ကြီးအပြီးတွင် မြန်မာနိုင်ငံအား ဒိုမီနီယန်အဆင့်ပေးရန် တောင်း ဆိုခြင်းဖြင့် ပုံကြီးချဲ့ပြောဆိုလေသည်။ သို့သော် သခင်များအား နှိပ်ကွပ်ရာတွင် သူအမှားကြီးမှားသွားသည်။ သခင်အများစုမှာ လူငယ်များနှင့် ကျောင်းသားများဖြစ်ကြပြီး သူတို့၏ နိုင်ငံရေးခံယူချက်မှာ မြန်မာ့လွတ်လပ်ရေးဖြစ်သည်။ ဗြိတိသျှ အုပ်ချုပ်သူများနှင့် အဆင့်အတန်းတူ ညီကြောင်းပြသရန်အလို့ငှာ သူတို့ကိုယ်သူတို့ သခင်များဟုခေါ်ကြသည်။ သခင်လှုပ်ရှားမှုကို မချေမှုန်းနိုင်လျှင် နိုင်ငံရေးခေါင်းဆောင် အ ဖြစ် သူ့အနေအထား ပျောက်ကွယ်သွားနိုင်သည်ကို ဦးစောသဘောပေါက်ထား၏။ သို့ဖြင့်သူသည် ငဠုန်တပ်အမည်ရှိ နိုင်ငံရေး တပ်ဖွဲ့တခုကို ထူထောင်လိုက်သည်တွင် ဂဠုန်တပ်နှင့် သခင်တို့ ထိပ်တိုက်တွေ့ကြတော့သည်" ဟု ရေးသားထားသည်။

ခြုံ၍ပြောရလျှင် ဦးဘဦး၏ ကိုယ်ရေးအထ္ထုပ္ပတ္တိသည် ယင်းစာအုပ်ကိုကို ဖတ်ရှုရင်း ကိုလိုနီခေတ်လယ်၊ ခေတ်နှောင်းပိုင်း တရားဥပဒေ ၀န် ထမ်းဘ၀အတွေ့အကြုံများ၊ အင်္ဂလိပ်ဆုတ်ခွာပြီး ဂျပန်တို့က တရားစီရင်ရေးစံနစ်ကို မည်ကဲ့သို့ဖေါ်ဆောင်ခဲ့ပုံ၊ လွတ်လပ်ရေးရသည့်ခေတ် တွင် တရားရေးစံနစ်ကို ပြန်လည်တည်ဆောက်မှု တစိတ်တပိုင်းတို့ကို သူ့ဘ၀အကြောင်း ဖတ်ရှုရင်း သိရှိနိုင်သည့် စာအုပ် တအုပ်ဖြစ်ပေသည်။

အင်္ဂလိပ်ဘာသာဖြင့်ရေးသားသည့်စာအုပ်ဖြစ်သည့်အားလျှော်စွာ အချို့သောအရေးအသားများမှာ မြန်မာဝါကျကဲ့သို့ တိုတိုရှင်းရှင်း ဖြစ်ချင် မှဖြစ်ပေလိမ့်မည်။ သို့ရာတွင် အကြောင်းအရာနှင့်အတွေ့အကြုံက စိတ်ဝင်စားဖွယ်ရာဖြစ်သဖြင့် အသေးအဖွဲ အားနည်းချက်များမှာ သတိ သိပ်မပြုမိလောက်ဟု ထင်မြင်မိပါသည်။

Ku Mojo - Cartoon

သုံးစား မရရင်တော့ ....

ကာတွန်း - ကူမိုးကြိုး
ဧပြီ ၂၂၊ ၂၀၁၂

Saung Yun La - Poem

ဘဝမှာ…

ဆောင်းယွန်းလ
ဧပြီ ၂၂၊ ၂၀၁၂

ဘဝမှာ …
အထိမ်းအမှတ်တွေကို ခပ်များများသိမ်းမထားချင်သလို
အမှတ်တရတွေကိုလည်း ခပ်ပါးပါးပဲထားချင်တယ်….

ဘဝမှာ..
လူထူထူအရပ်ထဲ စကားပူပူတွေ နားဆူအောင် မပြောချင်ဘူး
တကိုယ်ရည်ရူးသွပ်မှုသံစဉ်ခပ်ပါးပါနဲ့ပဲ နားအေးချင်တယ်….

ဘဝမှာ..
တစုံတရာကိ်ု ဦးညွှတ်ချင်တဲ့အခါတိုင်း သမိုင်းစာအုပ်ကိုပြန်လှန်ဖတ်ပြီး
အတိတ်လှေခါးထစ်တွေကို တဆစ်ဆစ်အိပ်မက်မက်ချင်တယ်…

ဘဝမှာ..
အတိတ်ခေတ်ရဲ့ အမျိုးသားတယောက်ကို လေးစားချစ် ချစ်ခဲ့ရပြီး
လက်ရှိခေတ်ရဲ့ အမျိုးသမီးတယောက်ကို အလေးထားချစ် ချစ်နေမိတယ်…

ဘဝမှာ…
မကြာမကြာရစ်တတ်တယ်လို့ ပြောတတ်သူတယောက်အကြောင်းကို
တခါတရံပေါင်းများစွာ အထပ်ထပ်ပြန်တွေးနေချင်မိတယ်…

ဘဝမှာ..
သတိတရလှုပ်နှိုးတတ်တဲ့ ကိုယ့်ရဲ့အသံသီချင်းနဲ့
တယောက်သောသူရဲ့ အိပ်ပျော်နေတဲ့နံနက်ခင်းတွေကို လင်းစေချင်တယ်…

ဘဝမှာ…
တစုံတယောက်ကို သတိရမိတဲ့ ညနေခင်းတွေတိုင်း
သက်မဲ့ဓာတ်ပုံတချို့ထဲက အလှအပြုံးတွေထဲမှာ ကဗျာစပ်ချင်တယ်….

ဘဝမှာ
ကိုယ့်ကိုကိုယ် သတိရမိတဲ့အခါတိုင်း
စိတ်ဒဏ်ရာတွေကို ကော်ဖီတခွက်ထဲမှာ ထည့်သိပ်ပြီး
အရိပ်ဆိုးတွေထဲက လက်ရှိဘဝကို တိတ်တခိုး မီးမှိတ်ချင်တယ်..

ဘဝမှာ…
အလျော်အစားမရှိတဲ့ နားလည်မှုစားပွဲဝိုင်းတခုမှာ ထိုင်ရင်း
အရုဏ်ရဲ့ဂီတကို ညီညီမျှမျှ စည်းချက်လိုက်ချင်တယ်…

ဘဝမှာ..
အပေးအယူမရှိတဲ့ ဖေးကူမှုစားပွဲဝိုင်းတခုမှာထိုင်ရင်း
ဆည်းဆာရဲ့ ဂီတကို ပီပီသသဆိုပြီး ကြည်ကြည်မြမြတီးခတ်ချင်တယ်…

ဘဝမှာ….
လွဲမှားစွာကွဲပြားနေတဲ့ အစွဲများစွာကို ကြယ်သီးတပ်ပြီး
ရင်ဘတ်ချင်းအတူတူထပ် တရားဒေသနာရှုမှတ်ချင်တယ်….

ဘဝမှာ..
အဝေးဆုံးဝေးခဲ့ရတဲ့ တိုင်းပြည်နဲ့ အနီးဆုံးနီးချင်ပြီး
မပြီးဆုံးသေးတဲ့ ပန်းချီကားတချပ်ကို ငြိမ်းချမ်းစွာလက်စသပ်ချင်နေမိတယ်…

ဘဝမှာ ... ဘဝမှာ ... ဘဝမှာ ... ။ ။

illustration - Vincent Van Gogh's A Pair of Shoes, 1886

citizen of burma

၂၀၁၂ မှာ ပြည်သူ့ဂုဏ်ရည်ဆု ဘယ်သူရမလဲ

http://www.citizenofburma.org/

ဧပြီ ၂၂၊ ၂၀၁၂

မြန်မာပြည်တွင်း၌ စေတနာ့ဝန်ထမ်း လူမှုလုပ်ငန်းများကို ကိုယ်ကျိုးစွန့် ဆောင်ရွက်နေသူများအား ၎င်းတို့၏လုပ်ရပ်များအတွက် ကျေးဇူးတင်ဝမ်းမြောက် ဂုဏ်ယူပါကြောင်း ဂုဏ်ပြုမည့် တတိယအကြိမ် ပြည်သူ့ဂုဏ်ရည်ဆု (Citizen of Burma Award) အတွက် လူပုဂ္ဂိုလ် အဖွဲ့အစည်းတို့၏ အမည်စာရင်းများတင်သွင်းခြင်းကို မတ်လ ၃၁ ရက်နေ့အထိ လက်ခံခဲ့ရာ အဖွဲ့အစည်းနှင့် လူပုဂ္ဂိုလ် ၃၃ ဦး အဆိုပြုခဲ့ပါသည်။ ယင်းတို့အနက် အောက်ဖော်ပြပါ ၂၀ ဦးကို ဂုဏ်ပြုပွဲအခမ်းအနားများ ကျင်းပရေး ဗဟိုလုပ်ငန်းကော်မတီက ပဏာမ ရွေးချယ်ခဲ့ပါသည်။

မှတ်ချက် ။ ။ အမည်များကို မြန်မာအက္ခရာစဉ်အတိုင်း စီထားပါသည်။

READ MORE - အပြည့်အစုံသို့ ဖတ်ရန် >>

citizen of burma

ပြည်သူ့ဂုဏ်ရည်အသင်း ဖလော်ရီဒါ ဌာနခွဲ ဖွဲ့စည်း
http://www.citizenofburma.org
ဧပြီ ၂၂၊ ၂၀၁၂

ပြည်သူ့ဂုဏ်ရည်အသင်း၏ ရည်ရွယ်ချက်၊ လုပ်ငန်းစဉ်နှင့် ဖွဲ့စည်းပုံတို့ကို သဘောတူနှစ်သက်သဖြင့် အမေရိကန်ပြည်ထောင်စု ဖလော်ရီဒါပြည်နယ်အတွင်းရှိ မိတ်ဆွေများက 'ဖလော်ရီဒါ ဌာနခွဲ'ကို ဖွဲ့စည်းလိုက်ပြီဖြစ်သည်။

ဧပြီလ ၂၀ ရက်နေ့တွင် ဖွဲ့စည်းလိုက်သည့် အဆိုပါဌာနခွဲကို ပြည်သူ့ဂုဏ်ရည်အသင်း၏ ဖွဲ့စည်းပုံအတိုင်း ကော်မတီ ၄ ရပ်ဖြင့် ဖွဲ့စည်းခဲ့ခြင်းဖြစ်သည်။

ဖလော်ရီဒါ ဌာနခွဲတာဝန်ခံအဖြစ် ကိုသန်းနိုင် ကို ရွေးချယ်ခဲ့ကြပြီး ဗဟိုအလုပ်အမှုဆောင်အဖွဲ့တွင် ၀င်ရောက် တာဝန်ထမ်းဆောင်နိုင်ရန် ကိုဂျိမ်းလင်းထွန်း ကို ရွေးချယ်ခဲ့ကြသည်။

ဌာနခွဲ အလုပ်အမှုဆောင်အဖွဲ့ဝင်များမှာ အောက်ပါအတိုင်း ဖြစ်ပါသည်။

ဘဏ္ဍာရေးကော်မတီ
ကိုသန်းနိုင်

စာရင်းစစ်ကော်မတီ
ကိုတယ်ရီမောင်ဝင်း

ပြန်ကြားရေးကော်မတီ
ကိုသက်လွင်

စည်းရုံးရေးကော်မတီ
ကိုဂျိမ်းလင်းထွန်း
ကိုနေ၀င်းထွန်း

talk with Win Htein

"ဒီပြဿနာဟာ မကြာခင်မှာ ကျော်လွှားနိုင်လိမ့်မယ်"
အင်တာဗျူး
ဧပြီ ၂၁၊ ၂၀၁၂

Prominent leaders and stalwarts of the NLD, U Win Htein and U Win Tin

Copyright:Copyright © James Mackay / enigmaimages.net

NLD အမတ် အငြိမ်းစားဗိုလ်ကြီးဦးဝင်းထိန်၏ လွှတ်တော်တက်ရေး မတက်ရေး သဘောထားနှင့် မြန်မာနိုင်ငံအနာဂတ်ကာကွယ်ရေး မဟာဗျူဟာအမြင်

ပြီးခဲ့တဲ့ ၂၀၁၂ ဧပြီ (၁) ရက်နေ့က ကြားဖြတ်ရွေးကောက်ပွဲမှာအနိုင်ရရှိခဲ့တဲ့ မိတ္ထီလာမြို့နယ်မဲဆန္ဒနယ် အမျိုးသား ဒီမိုကရေစီ အဖွဲ့ချုပ်ရဲ့ ပြည်သူ့ လွှတ်တော် ကိုယ်စားလှယ် အငြိမ်းစားဗိုလ်ကြီး ဦးဝင်းထိန်ရဲ့ လွှတ်တော်တက်ရေး ပြင် ဆင်မှု၊ အနာဂတ် ကာကွယ်ရေးမဟာဗျူဟာ အမြင်နဲ့ ကျမ်းသစ္စာ စကားလုံး အသုံးအနှုံး သဘောထားတွေကို ဆက်သွယ်မေးမြန်းပြီး၊ ဒီသီတင်းပတ် "တပ်မှူးတပ်သား ပြောစကား "ကဏ္ဍမှာ၊ ဦးရော်နီညိမ်း က တင်ဆက်ထားပါတယ်။

READ MORE - အပြည့်အစုံသို့ ဖတ်ရန် >>

Students' Union magazine received a warning letter from censorship board

အိုးဝေမဂ္ဂဇင်း ဆင်ဆာတင်ရန် သတိပေးခံရ
ဓာတ်ပုံသတင်း
ဧပြီ ၂၂၊ ၂၀၁၂

ဆင်ဆာဌာနက အိုးဝေမဂ္ဂဇင်းအား ထုတ်ဝေခွင့်လိုင်စင် လျှောက်ရန်၊ စာမူများကို ဆင်ဆာအဖြတ်ခံပြီးမှ ပုံနှိပ်ထုတ်ဝေရန် သတိပေးသော အကြောင်းကြားစာသည် Facebook စာမျက်နှာသို့ ယနေ့ ရောက်ရှိလာသည်။

အကြောင်းကြားစာ - https://blogger.googleusercontent.com/img/b/R29vZ2xl/AVvXsEgyefrP12wgLSnQAjLHHwfoTiwx2PE-w1Xtipdgeu8pHsdE2ygwTy33Me_UddTOb1Efez0dZD4YrAwwVL6V7PqOv0ZovYeUEsMY4swk6rpqSNR7a4O-LjekBjRKAK3ZnYFRk_uc-jepk-E/s1600/021.jpg

Kyaw Thu - FFSS Yangon Activity,

သာဓု .. သာဓု .. သာဓုပါဗျာ

ကျော်သူ (နာရေးကူညီမှုအသင်း - ရန်ကုန်)
ဧပြီ ၂၁၊ ၂၀၁၂

ယခုနှစ်သင်္ကြန်တွင် ကုသိုလ်၊ ဗေလုဝ၊ မေတ္တာစသည့် သင်္ကြန်မင်းသားများသည် ရန်ကုန်မြို့ရှိ မြို့နယ်အသီးသီးတို့တွင် "သာဓုပါဗျာ" သံချပ်အဖွဲ့ဖွဲ့စည်း၍ လိုက်လံဖျော်ဖြေတင်ဆက်ခဲ့ရာ အလှူငွေများရရှိခဲ့ပြီးသည့်နောက် နှစ်သစ်ကူးအချိန်ကာလတွင် လူမှုရေးအသင်းအဖွဲ့ များသို့ မိမိတို့ ဖျော်ဖြေရေးမှရရှိသောအလှူငွေများထဲမှ အချိုးကျ တစ်ဆင့်လှူဒါန်းမှုများကို ပြုလုပ်ခဲ့ကြသည်။

၂၁.၄.၂၀၁၂ ရက်နေ့ နံနက် (၁၀း၀၀) နာရီအချိန်တွင် နာရေးကူညီမှုအသင်း (ရန်ကုန်) သို့ "သာဓု ပါဗျာ" သံချပ်အဖွဲ့ (ကုသိုလ်၊ ဗေလုဝ၊ မေတ္တာ၊ အရိုင်း) တို့မှ အလှူငွေကျပ် (၅) သိန်းနှင့် မေတ္တာ + လွင်မီမီကို (မိသားစု) မှ (၁)သိန်းကျပ်၊ မေတ္တာမြင့်မြတ်ဟိန်းနှင့် (၇) ရက်သား သမီးမှ (၃) သောင်းကျပ်၊ ငြိမ်းချမ်းနိုင်+မဇင်မာအေးနှင့် သမီးတို့မှ (၁) သောင်းကျပ်၊ မောင်ဇေယျာမင်း+မစောမြတ်မွန် ၉ခ) မအိမွန်တို့၏ မင်္ဂလာဦးအလှူအဖြစ် (၅) သောင်းကျပ်တို့အား အသီးသီးလှူဒါန်းခဲ့ကြသည်။ "သာဓုပါဗျာ" အဖွဲ့သားများအား နာရေးကူညီမှုအသင်း (ရန်ကုန်) ၏ လုပ်ဆောင်ချက်များအား လိုက်လံရှင်းလင်း ပြသခဲ့ကာ မှတ်တမ်းဓါတ်ပုံများ ရိုက်ကူးခဲ့ကြသည်။ ယင်းအလှူဒါနပွဲသို့ ပြည်တွင်း သတင်းမီဒီယာများမှလည်း လာရောက်၍ မှတ်တမ်းတင်ခဲ့ကြသည်။

မြန်မာနိုင်ငံတွင် သင်္ကြန်အချိန်ကာလအတွင်း သံချပ်တည်းဟူသောစကားလုံးကို မကြားမမြင်ခဲ့ရသည်မှာ နှစ်ပေါင်းသုံးဆယ်နီးပါးခန့် ရှိ ခဲ့ပြီဖြစ်ရာ ယခု ၂၀၁၂ ခုနှစ် မဟာသင်္ကြန်ပွဲတော်တွင် ပြန်လည်၍ သံချပ်အဖွဲ့များဟူ၍ ရှင်သန်လာမှုသည် ပြည်သူ/သားများအတွက် များ စွာဝမ်းသာပီတိဖြစ်ခဲ့ရပါသည်။ သံချပ်ဟူသောစကားသည် အများပြည်သူလူထုတို့၏ ဟစ်တိုင်ဆိုလျှင်လည်း မမှားချေ။ မြန်မာပြည်တွင်းရှိ ပြည်သူလူထုတို့ တွေ့ကြုံခံစားနေရသည့် အခက်အခဲ၊ အကြောင်းအရာများအား ဟစ်တိုင်သဖွယ် တီးလုံးသံစဉ်တို့ဖြင့် ပြည်သူလူထုကိုယ်စား ဖျော်ဖြေတင်ဆက်ရသော တင်ဆက်ပြသမှုတစ်ရပ်ပင်ဖြစ်သည်။

ထို့ကြောင့် ပြည်သူလူထုကိုယ်စား ဟစ်တိုင်သဖွယ် တောင်းဆိုမှုများကို ၂၀၁၂ ခုနှစ်တွင် ပြန်လည် ၍ ထိုးဖောက်ကာ သံချပ်သမိုင်းကို ပြန် လည်ကာ ရဲရဲဝံ့ဝံ့ဦးဆောင်ဖော်ထုတ်ခဲ့သောအဖွဲ့များအနက် ယခု "သာဓုပါဗျာ" အဖွဲ့အား လှူဒါန်းမှုအစုစုနှင့် ဖျော်ဖြေမှုအစုစုတို့အား နာ ရေးကူညီမှုအသင်း (ရန်ကုန်) ဥက္ကဌ ဦးကျော်သူမှ သာဓု .. သာဓု .. သာဓု ဟုခေါ်ဆိုလိုက်ပါတော့သည်။

Ashin Wiyathu - Articles

အညတရ အလှူဒါန

အရှင် ၀ီရသူ
ဧပြီ ၂၁၊ ၂၀၁၂

စာရေးသူ မန္တလေးသို့ရောက်ခါစ (၁၃၅၃၊ ၁၉၉၁) ခုနှစ်က ဖြစ်သည်။ ထိုအချိန်က ရဟန်းသိက္ခာလေးဝါရ သကျသီဟ စာသင်တန်း ဖြေ ဆိုမည့်စာသင်သားတစ်ပါး ဖြစ်ခဲ့ပေသည်။

မစိုးရိမ်တိုက်သစ်၏မူဝါဒကား စာသင်သားမှန်သမျှကို "နေရာပေးသည်၊ ပညာပေးသည်၊ အလိမ္မာပေးသည်"ဟူသည့် ဆောင်ပုဒ်အတိုင်းပင် ဖြစ်လေသည်။ ထို့ကြောင့် စာသင်သံဃာများမှာ ကိုယ့်ဒူးကိုယ်ချွန်၊ ကိုယ့်ဝမ်းကိုယ်ကျောင်းရရှာပေသည်။ စာမေးပွဲဝေးချိန်၊ ကျန်းမာရေး ကောင်းနေချိန်များတွင် ကိုယ့်ဆွမ်းကိုယ်ခံစားခြင်းသည် ကျန်းမာရေး၊ ၀မ်းစာရေး၊ ကုသိုလ်ရေး၊ ပညာရေး အရေးအားလုံးနှင့် ညီညွတ်သော် လည်း ကျန်းမာရေးမကောင်းခဲ့လျှင်ကား အရေးအားလုံးဆုံးရှုံးးရလေသည်။ အထူးသဖြင့် စာမေးပွဲတွင်းကာလများ၌ ၀မ်းရေးအခက်ခဲဆုံး ဖြစ်လေ၏။

အစိုးရထောက်ပံ့ငွေ (မြို့လူထုထံကောက်ခံငွေ) ၁၀၀ ကျပ်သည်လည်း ထိုအချိန်က လ္ဘက်ရည်တစ်ခွက်ဖိုးသာရှိလေရာ စာသင်သံဃာများမှာ ဆွမ်းမခံလျှင်လည်း ဆွမ်းစားစရာမရှိ။ ဆွမ်းခံလျှင်လည်း စာကျက်ချိန်မရှိသဖြင့် များစွာကြောင့်ကျခဲ့ကြရပေသည်။

မိမိမှာလည်း စာသင်သားတစ်ပါးသာဖြစ်ရာ စာဖြေသံဃာများအား ကောင်းမွန်ပြည့်စုံစွာ မလှူဒါန်းနိုင်ဖြစ်ခဲ့ရလေသည်။ အလှူလည်းမခံ တတ်၊ အလှူလည်းမခံဝံ့သူဖြစ်လေသောကြောင့် စာသင်သားအချင်းချင်း ကိုယ်ချင်းစာသော်လည်း လုံးဝမတတ်နိုင်ခဲ့ပေ။ ကြည့်လည်း မ ကြည့်ရက်၊ တတ်လည်းမတတ်နိုင်ဖြစ်ကာ လက်မှိုင်ချရမည့်အရေး၌ အတွေးတစ်ခု အလင်းရလာခဲ့ပေသည်။

"မိမိမှာ ရဟန်းဒကာ/ဒကာမများထောက်ပံ့ထားသော ဆန်ရှိသည်။ ဆီရှိသည်။ ငါးပိကြော်-ပါလချောင်ကြော်ရှိသည်။ ဘယာကြော် ပဲချပ် ကြော်အပါအ၀င် အကြော်စုံများ ၀ယ်ခြမ်းလှူဒါန်းလျှင် အနည်းဆုံး အဆာပြေတော့စားနိုင်လောက်သည်။ ဟင်းကောင်း ဟင်းမွန်များ မဟုတ်သောကြောင့် မစားလျှင်လည်း တစ်နပ်စာသာ အလဟဿဖြစ်မည်။ ထို့ကြောင့် စမ်းသပ်ဆက်ကပ်ကြည့်မည်" ဟူသော အတွေးဖြစ်ပါသည်။

ဤသို့ဖြင့် မနက် ၄:၀၀ နာရီဆွမ်းချက်သည်။ ဆွမ်းစားပွဲများ ကိုယ်တိုင်ပြင်သည်။ ကိုရင်များကို အကြော်ဝယ်ခိုင်းသည်။ ဆွမ်းပွဲများပြင်ပြီး သည့်အခါ စာကျက်နေသောသံဃာများကို ပင့်ဖိတ်သည်။ အချိန်ကာလက လွန်စွာအရေးကြီးနေ၍ လ္ဘက်ရည်ဆိုင်မသွားနိုင်သောကြောင့် လည်းကောင်း၊ မနက်အစော စာထကျက်ထားရ၍ ဗိုက်ဆာနေသောကြောင့်လည်းကောင်း၊ သံဃာများမှာ ခေါင်းပင်မဖော်ကြပေ။ မြိန်ရေ ရှက်ရည် ဘုဉ်းပေးနေကြလေ၏။ သူတို့ကိုကြည့်၍ ပီတိများစွာဖြင့် ကြည်နူးမှုအတိ ဖြစ်ခဲ့ရပေသည်။

ကျေးဇူးစကားဆိုသူကဆို။ မေတ္တာပို့သူကပို့။ ဆုပေးသူကပေးနှင့် မိမိနေထိုင်ရာ သိမ်ကျောင်းဆောင်ကလေးသည် ကျက်သရေမင်္ဂလာများ နှင့် ပြည့်လျှံသွားခဲ့ပေသည်။

သိမ်ကျောင်းဆောင်၌ (၂၃) ပါးသာရှိရာ ဆွမ်းပွဲလေးပွဲ-ဆွမ်းဇလုံးကြီးလေးလုံး တည်ခင်းကပ်လှူရုံဖြင့် ကိစ္စပြီးခဲ့လေသည်။ အချို့မှာ အဆာ ပြေစားရုံတင်မဟုတ်ဘဲ နေ့ဆွမ်းလွတ်အောင် အ၀စားကြလေ၏။

ဤသို့ဖြင့် န၀ကမ္မများ၊ ထောက်ပံ့ဆန်ဆီများစုဆောင်း၍ နှစ်စဉ်နှစ်တိုင်း ဆွမ်းကပ်ဖြစ်အောင် စီစဉ်နိုင်ခဲ့ပေသည်။ သိမ်ကျောင်းမှ ယာန ကျောင်းသို့ ပြောင်းရွေ့နေထိုင်သည့်အခါ၌လည်း ဆွမ်းဝတ်မပျက်ခဲ့ပေ။ ကျောင်းဆောင်ကြီး၍ သံဃာဦးရေများပြားလာသည်နှင့်အမျှ စာချ ဘုန်းကြီးဖြစ်လာ၍ လာဘ်လာဘလည်း အထိုက်အလျောက်ရရှိလာခဲ့သည်ဖြစ်ရာ အကြော်အလှော်များဖြင့် ကပ်ရုံတင်မဟုတ်တော့ဘဲ ဟင်းကောင်းဟင်းမွန်များဖြင့်ပင် ကပ်လှူနိုင်ခဲ့ပေသည်။ အမှန်တကယ်လိုအပ်နေချိန်၌ အမှန်တကယ်လိုအပ်နေသည့် လှူဖွယ်ဝတ္ထုကို စေတနာသန့်စွာလှူဒါန်းရခြင်း၏ကျေးဇူးတရားကား ယခုချိန်ထိ အကျိုးပြုနေဆဲဖြစ်ပါ၏။

၁၃၆၁ (၁၉၉၉) ခုနှစ်၌ မိမိ သကျသီဟ စာမေးပွဲအောင်ခဲ့လေ၏။ အဘိဝံသ (မျိုးဆက်သစ်) ဘွဲ့ရရှိခဲ့၏။ အရှင်ဝိစိတ္တမှ အရှင်ဝိစိတ္တာဘိဝံ သ၊ ဘဒ္ဒန္တ၀ိစိတ္တမှ ဘဒ္ဒန္တ၀ိစိတ္တာဘိဝံသဖြစ်ကာ ရဟန်းဘွဲ့နောက်မှာ အမြှီးပေါက်လာခဲ့ပေတော့၏။ စာချဘုန်းကြီးဘ၀မှ ကျောင်းထိုင်နာယက အဆင့်သို့ပင် ရောက်ရှိလာခဲ့ပေသည်။ ထိုအချိန်က မစိုးရိမ်တိုက်သစ်၌ နာယကဆရာတော် (၁၄) ပါးအုပ်ချုပ်လျက်ရှိရာ မိမိမှာ (၁၀)ပါး မြောက် နာယကတစ်ပါးဖြစ်ခဲ့လေသည်။

စာမေးပွဲကာလရောက်သည့်အခါ နီးစပ်ရာ ဒကာ/ဒကာမများခေါ်ကာ ဆွမ်းချက်ခိုင်းရ၏။ ဖွယ်ဖွယ်ရာရာပင်ပြင်ဆင်၍ ကပ်နိုင်လာပေသည်။ စာသင်သားဘ၀မှာစုဆောင်းထားခဲ့သော သင်္ကန်းများကိုရောင်းချကာ ဆွမ်းဟင်းအတွက်အသုံးပြုခဲ့ခြင်းဖြစ်သောကြောင့် ပိုမိုကပ်လှူနိုင် ခဲ့ခြင်း ဖြစ်လေသည်။

၁၃၆၂ (၂၀၀၀) ခုနှစ်တွင် "ထေရ၀ါဒတိုက်ပွဲ" စာအုပ်ထွက်ရှိလာသည့်အခါ ရဟန်ုးဘွဲ့အမည်မထင်ရှားတော့ဘဲ ကလောင်အမည် "၀ီရသူ (မစိုးရိမ်)" သာ ထင်ရှားလာခဲ့တော့၏။ အောင်မြင်လာသည်နှင့်အမျှ ဘုန်းကံလည်းကြီးမားလာရာ စာမေးပွဲကာလ၌ မိမိကျောင်းဆောင်နေ သံဃာများကိုသာ ကပ်လှူရုံတင်မဟုတ်တော့ဘဲ မိမိစာသင်သားဘ၀နေထိုင်ခဲ့ရာ သိမ်ကျောင်း၊ ယာနကျောင်းရှိ သံဃာများကိုပါ ကပ်လှူ နိုင်ခဲ့ပေတော့၏။

၁၃၆၅ (၂၀၀၃) ခုနှစ် အိုးဘိုတောရသို့ ပြောင်းရွှေ့နေထိုင်ရသည့်အခါ၌ကား တပည့်များအတွက် ဘာမျှလုပ်မပေးနိုင်ခဲ့တော့ပေ။ စာဖြေ ကာလရောက်လျှင် သတိတရရှိနေတတ်ရုံမှလွဲ၍ ဘာမျှမတတ်နိုင်ခဲ့တော့ပေ။

၁၃၇၃ (၂၀၁၂) ခုနှစ် မဲဇာလွန်တောရမှ ၀တ်ဆောက်တည်၍ ပြန်လာပြီးသည့်အခါ၌ကား မိခင်မစိုးရိမ်တိုက်သစ် များစွာပြောင်းလဲနေပေ တော့၏။ စာဖြေသံဃာအားလုံးကို တိုက်မှတာဝန်ယူကပ်လှူခြင်းဖြစ်လေသည်။

တာဝန်ယူကပ်လှူခြင်း၌ အကြောင်းတရားများစွာ ရှိပေသည်။ မြို့လူထုထံမှ ကောက်ခံရငွေဖြင့် ထောက်ပံ့ပေးနေသော လ္ဘက်ရည်တစ်ခွက် စာ ဆွမ်းစရိတ်ကိုပင် ပထမပြန်စာဖြေသံဃာ (အငယ်တန်း၊ အလတ်တန်း၊ အကြီးတန်၊) တို့အား မကပ်လှူနိုင်ကြတောပေ။ မစိုးရိမ်တိုက် သစ် မဟာနာယကချုပ်ဆရာတော်ကြီး ဘဒ္ဒန္တရာဇဓမ္မာဘိဝံသ၏ ကျေးဇူးတော်၊ ဓမ္မသမ္ပတ္တိကျောင်း ဒကာမကြီး ကိုရီးယားအမျိုးသမီးကြီးနှင့် ရှိုင်းဟုပ်ကုမ္ပဏီမှ သာသနဒါယိကာမကြီး ဒေါ်ခင်ခင်ရီတို့၏ ပစ္စယာနုဂ္ဂဟတို့သည်လည်း ဆွမ်းကပ်လှူဖြစ်ခြင်း၏ အဓိကအရင်းခံအကြောင်း တရားများ ဖြစ်နေပေသည်။

ရှိုင်းဟုပ်ကုမ္ပဏီမှ ငွေကျပ်သိန်း (၁၅၀) မတည်လှူသည်။ ကိုးရီးယားကျောင်းအစ်မကြီးက US ဒေါ်လာ (၄၅၀၀) မတည် လှူသည်။

၁၃၆၅ (၂၀၀၃) ခုနှစ်မှ စတင်၍ မစိုးရိမ်တိုက်သစ် တစ်တိုက်လုံးရှိ စာဖြေသံဃာအားလုံးကို ကပ်လှူနိုင်ခဲ့ပေသည်။ စာမေးပွဲကာလမှာ ပထမပြန်ရော ဓမ္မာစရိယပါဆိုလျှင် (၁၃) ရက်ကြာမြင့်ပေသည်။ တစ်ရက်ကုန်ကျငွေမှာ ငွေကျပ် လေးသိန်းမှ ငါးသိန်းအထိရှိပေသည်။ တစ်ရက်လျှင် သံဃာအပါး (၈၀၀) မှ (၂၀၀၀) အထိ ကပ်လှူရပေသည်။

ကိုးရီးယားကျောင်းအစ်မကြီးနှင့် ရှိုင်းဟုပ်သာသနဒါယိကာမကြီး ဒေါ်ခင်ခင်ရီတို့၏ မတည်ငွေနှင့်အတူ ဆွမ်းပဒေသာပင် စိုက်ထူလှူဒါန်း သူများလည်း ရှိလာပေသည်။

မစိုးရိမ်တိုက်သစ် စာဖြေသံဃာတော်များ ၀မ်းစာအရေးကြောင့် ပညာရေးမထိခိုက်တော့ဘဲ အပူပင်ကင်းစွာ စာဖြေခွင့်ရရှိကြပေတော့၏။

ယခင်နှစ်များနည်းတူ ယခုနှစ်တွင်လည်း ၂၆-၃-၂၀၁၂ မှ ၂-၄-၂၀၁၂ အထိ ပထမပြန်စာဖြေသံဃာများအားလည်းကောင်း၊ ၂-၄-၂၀၁၂ မှ ၇-၄-၂၀၁၂ အထိ ဓမ္မာစရိယ စာဖြေသံဃာများအားလည်းကောင်း ကပ်လှူနိုင်ခဲ့ပေသည်။

ထိုသို့ နေ့ဆွမ်းကို တိုက်မှတာဝန်ယူကပ်လှူသောကြောင့် စာဖြေသံဃာများမှာ နေ့ဆွမ်းအတွက် အခက်အခဲမရှိတော့သော်လည်း အရုဏ် ဆွမ်းအတွက်မူ အခက်တွေ့၍နေကြပြန်လေသည်။ မိမိသည်လည်း တရားပွဲများ ကြွရောက်ဟောကြားလျှက်ရှိရာ ထိုတရားပွဲများမှ ဓမ္မပူဇာ ဓမ္မဒါန န၀ကမ္မအလှူငွေများ လက်ခံရရှိခဲ့ပေသည်။ ထိုငွေများဖြင့် အရုဏ်အတွက် တစ်စုံတစ်ခု ဖန်တီးလိုသောကြောင့် နာယကမရှိသေးသော ကျောင်းဆောင်များရှိ စာဖြေသံဃာများအား လ္ဘက်ရည်နှင့် အီကြာကွေးတို့ဖြင့် အော်ဒါမှာယူပေးလှူနိုင်ခဲ့ပေသည်။

ပထမတွင် နာယကမရှိသေးသောကျောင်းများကိုသာပေးလှူခဲ့သော်လည်း နောက်ပိုင်းတွင်မူ နာယကရှိသောကျောင်းများကိုပါ ပေးလှူနိုင် ခဲ့လေတော့၏။ ထိုအခါ အရုဏ်ဆွမ်းကပ်လှူနိူင်သော ဓမ္မယာနကျောင်းနှင့် ဓမ္မသမိဒ္ဓိကျောင်းမှလွဲ၍ ကျန်သည့်ကျောင်းအားလုံးကို ပေးလှူ ခွင့်ရခဲ့ပေတော့၏။

ပထမပြန်ဖြေဆိုရက် (၇) ရက်၌ နေ့စဉ် စာဖြေသံဃာ (၈၈၁) ပါးအတွက် လ္ဘက်ရည်နှင့် အီကြာကွေးလှူငွေ ၂၅၇၈၅၀ (နှစ်သိန်းငါးသောင်းခုနှစ် ထောင်ရှစ်ရာ ငါးဆယ်ကျပ်) လှူနိုင်ခဲ့ပေသည်။

စာချတန်းဖြေဆိုကာလ (၆) ရက်အတွင်း၌ နေ့စဉ်သံဃာ ၅၃၃ ပါးမှ ၉၉၀ ပါးအတွက် လ္ဘက်ရည် အီကြာကွေးလှူဒါန်းငွေ ၁၀၂၄၆၀၀ (ဆယ်သိန်းနှစ်သောင်းလေးထောင်ခြောက်ရာကျပ်) နှစ်ရပ်ပေါင်းအလှူငွေ ၁၂၈၂၄၅၀ (တစ်ဆယ့်နှစ်သိန်းရှစ်သောင်း နှစ်ထောင်လေးရာ့ငါး ဆယ်ကျပ်) လှူဒါန်းနိုင်ခဲ့ပေသည်။

မိမိသည် အညတရဘ၀ဖြင့် ၉၉ လ နေထိုင်ခဲ့ရခိုက် ဆရာသမားများ၊တပည့်ဒကာ/ဒကာမများ၊သူငယ်ချင်းများ၏ ပေးစာကမ်းစာ ထောက်ပံ့ စာဖြင့်သာ ရပ်တည်ခဲ့ရပေသည်။ သာသနာပြုဆောင်ရွက်ချက်ဟူ၍ ဘာတစ်ခုမျှမရှိလေသော၊ ဘုရားသားတော်ပင်ဖြစ်သော်လည်း သင်္ကန်းဝတ်ဘ၀ဖြင့်ပင် နေထိုင်ခွင့်မရခဲ့သော၊ အမျိုးဘာသာသာသနာအတွက် အုတ်တစ်ချပ် သဲတစ်ပွင့်ပင် ဆောင်ရွက်ချက်မရှိသော စာရေးသူအား နှစ်ပေါင်းများစွာ ထောက်ပံ့လှူဒါန်း ပေးကမ်းစွန့်ကြဲသူ အားလုံး၏ သဒ္ဓါတရားကား ကြီးမားလှပါဘိ။ ကျေးဇူးတရားသည်လည်း ကြီးမားလှပါဘိ။ တပည့်များ၏ကျေးဇူးကိုပြန်လည် ဆပ်ခွင့်ရခဲ့၍လည်း များစွာကျေနပ်ခဲ့ရပေသည်။

အညတရအကျဉ်းသားလေးအပေါ် ကြင်နာတတ်သော အညတရစာသင်သားလေးများအား လှူဒါန်းသောငွေ အရေအတွက်သည်လည်း အညတရသာမညအဆင့်မှာသာရှိခဲ့မည်ကား အမှန်ပင်။ သို့သော် အညတရအချင်းချင်းမှာကား အညတရဘ၀ကို အလေးအနက်ပင် တန်ဖိုးထားလေးစားနေမည်သာဖြစ်ပေသည်။

ဦးပဉ္စင်း ၀ီရသူ(မစိုးရိမ်)
ဓမ္မသဟာယကျောင်းနာယက
မစိုးရိမ်တိုက်သစ်
မဟာအောင်မြေ၊ မန္တလေး
Email- wirathu2012@gmail.com
ဖုန်း - ၀၉ - ၂၀၀၄၀၁၃

MoeMaKa - Photo News

ရွှေတွံတေးဆရာတော် အရှင်ဝါယမနှင့် အကျိုးတော်ဆောင်များကြီးမှူးကျင်းပသော မဟာချိုင်မဟာသင်္ကြန်

မိုးမခ (ဓာတ်ပုံသတင်း)
ဧပြီ ၂၁၊ ၂၀၁၂

၂၀၁၂ ခုနှစ်၊ ဧပြီလ ၁၃ မှ ၂၁ ရက်နေ့ထိ မဟာချိုင်၊ ၀ပ်ခေါင်မဒေးရာကျောင်းတွင် (၁၀) ကြိမ်မြောက် ဒုလ္လဘ ရဟန်းခံ ရှင်ပြု သီလရှင် ၀တ်ပွဲနှင့် ၀ိပသနာတရားစခန်းပွဲကို ကျင်းပခဲ့ရာ နိုင်ငံသားတိုင်ရင်းသား ၂၀၀၀ ခန့်တက်ရောက်ခဲ့ပြီး ဒုလ္လဘ ၁၀၀ သီလရှင် ၅၀ နှင့် ယောဂီ ၃၀၀ ကျော် ကုသိုလ်ပြုခဲ့ကြသည်။ ထို့ပြင် မြန်မာ့ရိုးရာရှင်လောင်းလှည့်ပွဲနှင့်အတူ ထိုင်းယဉ်ကျေးမှု စုံကန်ရေသွန်းပွဲများကိုလည်း တပျော် တပါးဆင်နွှဲကျင်းပခဲ့ကြကြောင်း သိရပါသည်။

မှတ်တမ်းဓာတ်ပုံများ

--
Send email to - editors@moemaka.com to contact and contribute with MoEmAKa

MoeMaKa on Facebook Page from here (For Burma / Myanmar User)

MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives

[moemakadaily@moemaka.biz] 22nd April 2012 - MoeMaKa Daily