မှတဆင်. ထပ်ဆင်.ပြီး စာရေးသူလို.တွေးနိင်ချင်လှပါ၏။ ။
2012/5/5 Lu Bo <lubo601@gmail.com>
---------- Forwarded message ----------
From: Blogger <no-reply@blogger.com>
Date: 2012/5/4
Subject: [လူဗိုလ်ဟူသည် ...] "လူငယ်တစ်ယောက်ရဲ့ ထပ်ဆင့်အတွေးများ (၂)"
To: lubo601@gmail.com
by Yin Nint Aung on Friday, May 4, 2012 at 8:40am
ကျွန်တော်နဲ့ ပို့စ်မော်ဒန်(က)တစ်ခါက ရဲအရာရှိအသိတစ်ယောက်ပြောဖူတဲ့ ဟာသတစ်ခု ရှိပါသေးတယ်။ လူတစ်ယောက်ဟာ နယ်စပ်ဂိတ်ကနေ ကားတစ်စီးမဟုတ် တစ်စီးနဲ့ အမြဲဖြတ်လေ့ရှိပါတယ်။ သူ့ကို ရဲတွေကလည်း မသင်္ကာကြဘူး။ ဒီတော့ ထုံးစံအတိုင်း စစ်ကြဆေးကြတာပေါ့။"မင်းဘာတွေ သယ်လာတာလဲ""အ၀တ်အစား ဆယ်ထည်လောက်ပါ"သူပြောတဲ့ အတိုင်းလည်း တကယ် အ၀တ်အစား ဆယ်ထည်ပဲပါတယ်။ ကျန်တာလည်း မသင်္ကာစရာမတွေ့တော့ လွတ်ပေးလိုက်တယ်။ တစ်ခေါက်ကနေ နှစ်ခေါက်။ နှစ်ခေါက်ကနေ သုံးခေါက်၊ လေးခေါက်ဖြစ်လာတော့။ ရဲတွေက သေချာ စစ်ကြတော့တာပေါ့။"မင်းဘာတွေ သယ်လာတာလဲ""အ၀တ်အစား ဆယ်ထည်လောက်ပါ"ခါတိုင်းလိုပဲ သူက ပြောတယ်။ ဒီတစ်ခါတော့ သူယူလာတဲ့ အင်္ကျီ အိတ်ကပ်တွေပါမကျန် အကုန်စစ်ကြတယ်။ဘာမှ မတွေ့ဘူး။ နောက်ဆုံး ကားဘီးတာယာတွေပါ ခွဲကြည့်တဲ့အထိ။ ဘာဆို ဘာမှကို မတွေ့ဘူး။ နောက်ဆုံး လက်လျှော့လိုက်ရတယ်။
နောက်နှစ်ပေါင်းများစွာကြာမှ ရဲအရာရှိနဲ့ အဲဒီလူ ပြန်ဆုံကြတယ်။ ရဲကလည်း အခဲမကြေသေးဘူး။ ထပ်မေးတယ်။"မင်းအမှန်တိုင်းပြောစမ်း ..ငါအခု ပင်စင်လည်း ယူလိုက်ပြီ .. မင်းကိုလည်း မဖမ်းတော့ဘူး …မင်း အဲတုန်းက မဟုတ်တာတစ်ခုခုတော့ လုပ်နေခဲ့တာ မဟုတ်လားကွ"အဲဒီတော့မှ ထိုလူကလည်း ၀န်ခံလိုက်တယ်။"ဟုတ်ပါတယ် ..အဲဒီတုန်းက ..ကျွန်တော်ဟာ ကားမှောင်ခို ကူးနေတာပါ" တဲ့။(ခ)ကျွန်တော်ဟာ ငယ်ငယ် ဆယ်နှစ်ကျော်ကတည်းက ကဗျာရေးတာ စာရေးတာကို ဘယ်သူကမှ ရှေ့ဆောင်လမ်းပြ မလုပ်ပေးခဲ့ဘဲ ၀ါသနာကြီးခဲ့သူပါ။ နည်းနည်းလေး ကိုးတန်း၊ ဆယ်တန်း အရွယ်ရောက်လာတော့ မော်ဒန်ဆိုတဲ့ စာပေအရသာကို ခံစားတတ်လာတယ်။ ဖတ်တယ်။ ဖတ်တယ်။ ခံစားတယ်။ ဒါပေမယ့် နားမလည်ခဲ့ဘူး။ ဘာလဲ။ ဘာတွေ ရေးထားတာလဲ။ ခံစားလို့တော့ ရတယ်။ နားမလည်ဘူး။ (အဲဒီ နှစ်ခုကြားမှာလည်း နားမလည်ဘဲ ဘယ်လို ခံစားလဲဆိုတဲ့ မေးခွန်းတွေ ရှိကောင်းရှိပါလိမ့်မယ်။)မော်ဒန်ကနေမှ ပို့စ်မော်ဒန်ကို ထပ်တက်လာပြန်တော့ ကျွန်တော် သွက်သွက်ခါသွားတယ်။ ဖတ်လို့လည်း ကောင်းနေတယ်။ နားလည်း မလည်ဘူး။ ဘာလဲဟ။ ကျွန်တော် မကျေနပ်ခဲ့ဘူး။ ကိုယ်တိုင်လည်း သူတို့လို ရေးကြည့်တယ်။ ကျွန်တော် နားမလည်သလို လူတွေ နားမလည်အောင် ရေးကြည့်တယ်။"ဟဟ .. ငါပို့စ်မော်ဒန်ရေးနိုင်ပြီလို့ …"ဒါပေမယ့် တစ်နေ့တော့ သူငယ်ချင်းတစ်ယောက်က လာမေးတယ်။"ရင်နင့်အောင် .. မင်းရေးတာတွေက ဖတ်လို့တော့ ကောင်းတယ် ..နားမလည်ဘူး .. မင်းဘာကို ဆိုလိုချင်တာလဲ .. ရှင်းပြပါလား …" တဲ့။ခက်ချေပြီ။ ကျွန်တော်ကိုယ်တိုင်လည်း နားမှ မလည်တာ။ကျွန်တော် ခုပြန်စဉ်းစားကြည့်တော့ အဲဒီတုန်းက ကျွန်တော်ဟာ ပို့စ်မော်ဒန်ဆိုတဲ့ စာပေကို အသည်းအသန်နားလည်ဖို့ ကြိုးစားနေခဲ့ပေမယ့် ပို့စ်မော်ဒန်ရဲ့ လှည့်စားမှုနဲ့ ဗဟိုချက်ကင်းမဲ့မှုဆိုတဲ့ သဘောတရားများကို နားမှ မလည်ခဲ့ဘဲလေ။ရယ်စရာတစ်ခုကတော့ ကားမှောင်ခိုသွင်းနေတဲ့ ကားပေါ်မှာမှ ကားတစ်စင်းလုံးကို မသင်္ကာစရာ ပတ်ရှာနေတဲ့ရဲတွေလို ဖြစ်နေခဲ့သလား။ သင်တို့ကိုယ်တိုင်လည်း ပို့စ်မော်ဒန်စာတစ်ပုဒ်ကို မင်္သကာလို့ လေ့လာချင်တယ်ဆိုရင် ကားတစ်စင်းလုံးကို ပတ်ရှာဖွေမနေဘဲ အဲဒီကားကို အရင်ကြည့်ကြပါဦးလို့ ပြောလိုက်ပါရစေ။ ကျွန်တော်ကိုယ်တိုင်လည်း ပြန်ဆင်ခြင်သုံးသပ်ရပါဦးမယ်။ကျွန်တော်နဲ့ စကားပြောသူများ(က)ဟာသလေးတစ်ခုပါ။ မီးသတ်တပ်ဖွဲ့တစ်ခုကို အရေးကြီး ဖုန်းဝင်လာပါတယ်။ ရဲအရာရှိက ဖုန်းကိုင်လိုက်တယ်။"ဟုတ်ကဲ့ .. အမိန့်ရှိပါ""မီးသတ်ကလား မသိဘူး""ဟုတ်ပါတယ် မီးသတ်ကပါခင်မျာ""ကန်တော်ကြီး တိုက်ခန်းဘက်သိလား""သိပါတယ်""စစ်ကိုင်းလမ်းက ကွေ့လိုက်ရင် တံတားလေးကို ကျော်ရမှာလေ""ဟုတ်ကဲ့ သိပါတယ်""ဘယ်ကွေ့လိုက်တာနဲ့ မြောင်းလေးရှိတယ်မြောင်းဘေးလေးမှာ ကျုပ်စိုက်ထားတဲ့ ချဉ်ပေါင်ပင်လေးရှိတယ်ချဉ်ပေါင်ပင်လေးတွေ ဘေးမှာ နံနံပင်လည်း ရှိတယ်ခရမ်းချဉ်သီးပင်ကတော့ မနေ့ကမှ စစိုက်ကြည့်တာ""ဒီမယ် .. မှားနေပြီနဲ့တူတယ် .. ခင်ဗျား စိုက်ပျိုးရေးကို ဖုန်းဆက်ရမှာဒါက မီးသတ်ဆီရောက်နေတယ်ဗျ""မမှားပါဘူးကွာကျုပ်သိပါတယ် .. ကျုပ်ရဲ့ စိုက်ခင်းလေးအကြောင်း ပြောပြချင်လို့ပါချဉ်ပေါင်ပင်တွေက မြေသြဇာကောင်းတော့ သိပ်ဖြစ်တာပဲကွခရမ်းချဉ်သီးတွေပါ သီးလာရင်တော့ အိမ်မှာ စကိုင်းနက်ပါတပ်မလားလို့ကွ""ဒီမယ်ဗျ .. ချဉ်ပေါင်ပင်တွေ ခရမ်းချဉ်သီးတွေက ပွဲရုံကို သွားရောင်းရမှာဒါက မီးသတ်ပါ… မ၀ယ်ပါဘူးအရေးပေါ်သုံးတဲ့ ဖုန်းဖြစ်လို့ မဆိုင်တာတွေ ပြောလို့မရပါဘူးဖုန်းချလိုက်တော့မယ် ခင်ဗျ""နေ .. နေပါဦးကွာကန်တော်ကြီးတိုက်ခန်းမှာ မီးလောင်နေတာ ပြောမလို့ပါကွာအဲဒါ .. မင်းတို့လာရင် .. ငါ့စိုက်ခင်းလေးတွေ နင်းမိမှာစိုးလို့ ကြိုပြောတာမြန်မြန်သာလာတော့ မီးတော်တော်လောင်နေပြီ"(ခ)လူဟာ အချို့ နှစ်နှစ်၊ အချို့ သုံးနှစ်အရွယ်ကတည်းက စကားစပြောတတ်ကြပါတယ်။ အဲဒီနောက် လူဖြစ်လာလေလေ စကားတွေ ပြောရလေလေပါ။ ကျွန်တော်စဉ်းစားကြည့်ပါတယ်။ စကားကို ဘယ်လိုပြောခဲ့သလဲလို့။ စကားပဲ ပါးစပ်ကပြောမှာပေါ့လို့ သင်က ဆိုချင်ဆိုပါလိမ့်မည်။ အမှန်တော့ ကျွန်တော်ဆိုလိုတာက ငယ်တုန်း စကားတတ်ခါစ ပြောခဲ့တာနဲ့ လူကြီးတစ်ယောက်ဖြစ်လာတော့ ပြောခဲ့ကြတဲ့ စကားကွဲပြားသွားတာလေးကိုပါ။- ကလေးတွေဟာ စကားတတ်ပြီဆိုတာနဲ့ စကားပြောကြတယ်။ သူတို့ ပြောသမျှဟာ အကြောင်းအရာများတယ်။ အကြောင်းအရာတစ်ခုနဲ့ တစ်ခု အဆက်အစပ်မရှိလှ။ ခုတင် ငှက်တွေ ဘာလို့ ပျံလဲ ပြောရင်းက ခုတင် ချိုချဉ်စားချင်တယ် ပြောချင် ပြောတာမျိုး။ သူတို့စကားတွေဟာ နိဒါန်းမရှိ၊ နိဂုံးမရှိ။ အဖြောင့်အတိုင်းပင် ဖြစ်တယ်။- လူကြီးတွေ စကားပြောတာကတော့ မတူတော့။ အကြောင်းအရာနည်းလာတယ်။ ကိုယ်သိတဲ့၊ ကိုယ်တတ်တဲ့၊ ကိုယ်ဝါသနာပါတဲ့ အကြောင်းအရာအနည်းငယ်အချို့ကိုပဲ ပြောတယ်။ စကားတစ်ခုနဲ့ တစ်ခုက လည်း အဆက်အစပ်ရှိလာတယ်။ စကားများတွင် နိဒါန်းရှိလာတယ်။ နိဂုံးရှိလာတယ်။ ကောင်းတဲ့ စေတနာပဲ ဖြစ်ဖြစ် ဆိုးတဲ့ စေတနာပဲ ဖြစ်ဖြစ်ရှိလာတယ်။ ကိုယ့်အတွက်ဆိုတဲ့ အတ္တရှိလာတယ်။ စိတ်မ၀င်စားတာကို သည်းခံပြီး မပြောချင်ကြတော့ဘူး။လူဟာ စကားမပြောချင်လည်း ပြောနေရတာပဲ။ မိုးလင်းကနေ မိုးချုပ် ကျွန်တော်ကိုယ်တိုင်လည်း စကားတွေပြောရပါတယ်။ "ဒီကိစ္စနဲ့ ပက်သတ်လို့ ကျွန်တော်ထင်တာက ပေါ့လေ" လို့ စကားနိဒါန်းပျိုးရတယ်။ မဟုတ်တာ၊ မကြိုက်တာတစ်ခုကို ငြင်းချင်ရင်တောင်မှ "ခင်ဗျားပြောတာလည်း မှန်ကောင်းမှန်မှာပါဗျာ" လို့ နိဂုံးချုပ်ပေးရတယ်။ ကိုယ်ပြောတာ ဘောင်ဝင်ဖို့ ဥပမာတွေ၊ သာဓကတွေလည်း ထည့်ပြောရတယ်။ ကိုယ်ပြောတာ လက်ခံဖို့ ဦးတည်မေးခွန်း (Leading Question) တွေလည်း မေးရတယ်။ ပါဝါတစ်ခုအတွက်ဆိုရင် ထိုးကျွေးတဲ့ စကားနဲ့ အစချီ၊ ကိုယ်ရည်သွေးတဲ့စကားကို ပါးပါးချင်းစီ စာကိုယ်ထည့်။ သြော်။ စကား၊ စကား။ဒါပေမယ့် ခုချိန်ထိတိုင် ကျွန်တော်က စကားမပြောတတ်သေးတဲ့ ကလေးတစ်ယောက်လိုပဲ။ အမြဲတမ်း စကားမှားတတ်လွန်းလို့ စိတ်ညစ်ခဲ့ရတာလည်း များပြီ။ သင်တို့ကိုယ်တိုင်လည်း တခြားလူတွေရဲ့ သေရေးရှင်ရေး ဒုက္ခကို အရင်မပြောဘဲ ကိုယ့်စိုက်ခင်းကို မနင်းဖို့ နိဒါန်းပျိုးခဲ့ဖူးပါသလား။ကျွန်တော်နဲ့ အနိုင်အရှုံးများ(က)သူငယ်ချင်းတစ်ယောက်က အိမ်ထောင်ကျပြီးတဲ့နောက် လင်မယားရန်ဖြစ်တဲ့ ပြဿနာတွေ ပြောပြဖူးတယ်။ ပြောရင်း သူတို့ လင်မယားနှစ်ယောက်ကြားက ဟာသလေးကို ပြောပြသွားတယ်။"ငါတို့ လင်မယားရန်ဖြစ်တိုင်းငါကပဲ နိုင်တယ်ကွ""ဟုတ်ရဲ့လားကွာ … ကြွားမနေနဲ့""အတည်ပါကွာ ..ငါပဲ နိုင်တယ်ကွရန်ဖြစ်တိုင်း ငါ့မိန်းမက ငါ့ရှေ့ ဒူးထောက်ပြီး ပြောရတယ်""ဟ.. ဟုတ်လား .. ဘာပြောတာလဲ""ရှင် ခုချက်ခြင်း ကုတင်အောက်က ထွက်ခဲ့စမ်းတဲ့"(ခ)အရှုံးအနိုင်ဆိုတာလေးကို ကျွန်တော် စဉ်းစားကြည့်မိပါတယ်။ ကျွန်တော်ငယ်ငယ်က အဖေနဲ့ အမေလည်း ရန်ဖြစ်ဖူးပါတယ်။ အဖေက ရန်ဖြစ်ရင် ကြမ်းတမ်းတဲ့ စကားလုံးတွေနဲ့ ဆဲပါတယ်။ အမေက ရန်ပွဲနဲ့ မဆိုင်တဲ့၊ စကားနိုင်လုသလို နိုင်ရင်ပြီးရော စကားတွေနဲ့ ပြန်ပြောပါတယ်။ တစ်ယောက်တစ်ခွန်းကနေ အဖေက ဒေါသထွက်လာရင် အိမ်က ပစ္စည်းအချို့ကို ပေါက်ခွဲတတ်ပါတယ်။ ခုပြန်စဉ်းစားကြည့်တော့ ဘယ်သူနိုင်သွားလဲ။ ဘယ်သူ ရှုံးသွားလဲ။ ကျွန်တော်က မကွဲပြားသေး။မိန်းမချင်း ရန်ပွဲတွေကို သင်တို့လည်း ကြုံဖူးမှာပါ။ အများစုက စကားနိုင်လုသလို စကားများရန်ဖြစ်ကြတာပါ။ ဖြစ်တဲ့ ပြဿနာကို ရှင်းဖို့ ဦးတည်ကြတာမဟုတ်ဘူး။"ညည်းဘယ်တုန်းက ဘယ်သူနဲ့ ဘာဖြစ်တယ်မလား""အမလေး .. သူက ပြောတယ်ရှိသေး .. ညည်းညီမလို လင်ကောင်မပေါ်ဘဲ ဟိုဟာ ဖြစ်တာမဟုတ်ဘူး"(အမှန်တော့ ရန်ဖြစ်တာက သူ့ညီမနဲ့ မဟုတ်ပါ)အဲလို ပြဿနာထက် စကားကို အနိုင်လုပြီး ပြောဖို့ဖြစ်သွားကြပါတယ်။ဘောလုံးပွဲတစ်ပွဲက အနိုင် အရှုံးများ၊ စစ်တုရင်ပွဲက အနိုင် အရှုံးများ၊ စစ်ပွဲတစ်ပွဲက အနိုင်အရှုံးများ။ စီးပွားရေးလောကက အနိုင် အရှုံးများ။ ဘယ်သူနိုင်သလဲ။ ဘယ်သူရှုံးသလဲ။ နိုင်တစ်ခါ ရှုံးတစ်လှည့်သာ။ ကျွန်တော်ကတော့ တစ်ခါတစ်ခါ ကိုယ့်ကို ဒူးထောက်အောင်လို့ ကုတင်အောက်ဝင်ပြီး အရှုံးပေးလိုက်ဖို့လည်း စဉ်းစားနေခဲ့သူပါ။ကျွန်တော်နဲ့ ပစားပေးသူများ(က)တစ်ခါက ပညာရှိအဘိုးကြီးတစ်ယောက်ဆီကို လူငယ်တစ်ယောက်က စကားလာပြောတယ်။"အဘိုး .. အဘိုးက ပညာရှိကြီးဆို""အေးပေါ့ကွ""အဘိုးနဲ့ ကျွန်တော်မေးခွန်းပြိုင်မေးကြမယ်ဗျာဘယ်လိုလဲ""ဟဟ … မင်းက .. ငါ့ကို ဘယ်လိုလုပ်နိုင်မှာလဲကွ""ရတယ်ဗျာ .. ကျွန်တော်က အလောင်းအစားလုပ်ပြီး ပြိုင်ကြည့်ချင်တယ်ပြန်မဖြေနိုင်လို့ ရှုံးတဲ့သူက တစ်ထောင်ပေးကြေး""အမ် .. မင်းငါ့ကို မနိုင်ပါဘူးကွာ .. မင်းပြိုင်ချင်သပါ့ဆိုလည်းဒီလိုလုပ် ငါမဖြေနိုင်ရင် မင်းကို ငါးထောင်ပေးမယ်မင်းမဖြေနိုင်ရင် တစ်ထောင်ပဲ ပေးပါ .. အကျောပေးတယ်""ဟုတ် ကြိုက်တယ်ဗျာ .. ပြိုင်ပွဲစမယ် … အဘိုးအရင်မေး"ပညာရှိ အဘိုးကြီးက စမေးလိုက်တယ်။"ယူရေနီယံ သတ္ထုမှာ သုံးတဲ့ အိတ်ခ်ျတူးအက်စ်အိုဖိုး အက်ဆစ်ကို ဘယ်လိုထုတ်လဲကွ"လူငယ် မသိပါ။ တစ်ထောင်တန်တစ်ရွက် ထုတ်ပေးလိုက်တယ်။ အဘိုးကြီးက မိန့်မိန့်ကြီး ပြုံးလို့။ ပြီးတော့ လူငယ်က သူမေးအလှည့်ရောက်တော့ မေးလိုက်တယ်။"တောင်ပေါ်တက်တုန်းက ခြေထောက်နှစ်ချောင်းတောင်ပေါ်ရောက်တော့ ခြေထောက်သုံးချောင်းတောင်အောက်ပြန်ဆင်းတော့ ခြေထောက်လေးချောင်းအဲဒါ ဘာသတ္တ၀ါလဲ"အဘိုးကြီး စဉ်းစားတယ်။ သူဖတ်ဖူးတဲ့ စာထဲမှာလည်း မပါဘူး ဖြစ်နေတယ်။ ဘာများလဲ။ ဘာများလဲ။ သူမသိတော့။ အရှုံးပေးကာ ငါးထောင်တန်တရွက် ထုတ်ပေးလိုက်ရတယ်။လူငယ်က"ကျေးဇူးပဲ အဘိုး သွားတော့မယ်နော်" တဲ့။"ဟေ့ .. ဟေ့ …မင်းပြောတဲ့ အကောင်က ဘာအကောင်လဲကွ"လူငယ်က"ကျွန်တော်လည်း မသိဘူးဗျ" ဆိုပြီး တစ်ထောင်တန်တစ်ရွက် ပြန်ထုတ်ပေးလိုက်တယ်။(ခ)တစ်ခါတလေမှာ လူအချို့ကို ကျွန်တော်က ပစားပေးထားခဲ့တယ်။ ပစားပေးတယ်ဆိုတာ အကျောပေးတာပါ။ ကျွန်တော်နဲ့ ကျွန်တော့်ညီငယ် ကျားကစားကြလျှင် ကျွန်တော်က ကျားနှစ်ကောင်ကျ ပေးကစားပြီး သူ့ကို အကျောပေးတယ်။ ဘောလုံးကန်ကြလျှင် ကျွန်တော်က သုံးဂိုးကျောပေးပြီး ကစားတယ်။ ဒါပေမယ့် အလုပ်ထဲရောက်လာတဲ့အခါ ကျွန်တော့်ကို ပြန်ပြီး ပစားပေးလာတဲ့ လူအချို့နဲ့ ပြန်ကြုံရပြန်ပါတယ်။ သူတို့က ကျွန်တော့်ထက် ပိုတော်ကြောင်း ပစားပေးပြီး ပြသလာခြင်းလို့ ကျွန်တော်က မြင်လာတယ်။လောင်းကစားနည်းတစ်ခုဖြစ်တဲ့ ဘောလုံးပွဲလောင်းတဲ့အခါ ပိုကောင်းတဲ့ အသင်းက ညံ့တဲ့ အသင်းကို ဂိုးကျောပေးပြီး လောင်းကြတယ်။ မန်ယူနှင့် ဆန်းဒါးလန်းပွဲတွင် မန်ယူက တစ်ဂိုးအရှုံးဖြင့် လောင်းကြေးဖွင့်တယ်။ သင်က ပစားပေးတဲ့ အသင်းကို လောင်းမလား။ ပစားအပေးခံရတဲ့ အသင်းကို လောင်းမလား။ ဒါပေမယ့် တကယ်တမ်းတွင် ပစားပေးတဲ့သူက ပြန်ရှုံးသွားကြတာလည်း အများအပြား။ လောကဟာ အဲလို ရှုပ်ထွေးလှပါတယ်။ပါဝါ လေးဆယ့်ရှစ် စာအုပ်တွင် ထိုးကျွေးခြင်းဆိုတဲ့ နည်းဗျူဟာကို ကျွန်တော်ဖတ်လိုက်ရတယ်။ သူတပါးကို အနိုင်ယူဖို့နည်းက သူဟာ ကိုယ့်ကို နိုင်နိုင်ချေရှိတယ်လို့ ထင်ရအောင် အရင်လုပ်ရမယ်တဲ့။ သူလုံးဝမနိုင်ဘူးလို့ထင်ရင် သူဟာ ကိုယ်နဲ့ ပြိုင်တော့မှာ မဟုတ်ဘူးတဲ့။ ထိုအဆိုကို သင်လက်ခံပါသလား။ ကျွန်တော်က လက်မခံပါ။ ရိုးရှင်းတဲ့ဘ၀မှာ ရိုးရှင်းစွာပဲ လူတွေကို ဆက်ဆံချင်ပါတယ်။ ဒါပေမယ့် ခုချိန်ထိတိုင် ကျွန်တော်ဟာ ကိုယ်တိုင်လည်း ပစားပေးနေရတုန်း။ ကိုယ့်ကိုလည်း ပစားပေးခံနေရတုန်းပါ။ကျွန်တော်နဲ့ အိမ်ပြန်ချိန်(က)အရက်သမားတစ်ယောက်ဟာ လမ်းပေါ်မှာ ယိုင်ထိုးယိုင်ထိုးနဲ့ လမ်းလျှောက်လာပြီး လူတစ်ယောက်ကို တွေ့တော့ သူခေါင်းကို ပြပြီး မေးပါတယ်။"အစ်ကို … ကျွန်တော့် ခေါင်းမှာ အဖု ဘယ်နှစ်ဖုရှိလဲ"ထိုလူက အရက်သမားရဲ့ခေါင်းက အဖုကို ရေတွက်ပြီး ပြန်ဖြေလိုက်တယ်။"သုံးဖုရှိတယ် ညီ"အရက်သမားက အဖြေကို ကြားတော့ ဆက်ပြီး ယိုင်ထိုးယိုင်ထိုးနဲ့ ဆက်လျှောက်သွားပါတယ်။ အဲလို ယိုင်ထိုးယိုင်ထိုးနဲ့ လျှောက်ရင်းက ဓါတ်တိုင်ကို ၀င်တိုက်တယ်။ ၀င်တိုက်ပြီးတော့ အဲဒီ ဓါတ်တိုင်နားက လူကို အရက်သမားက မေးပြန်တယ်။"အစ်ကို .. ကျွန်တော့် ခေါင်းမှာ အဖုဘယ်နှစ်ဖု ရှိလဲ"ထိုလူက ခေါင်းကို ကြည့်ပြီး ပြန်ဖြေတယ်။"ခြောက်ဖုကွ""ခြောက်ဖု .. ဟုတ်လား ..ခြောက်ဖု .. ခြောက်ဖုဆိုရင် အိမ်ရောက်ပြီ .. ဒါကျွန်တော့်အိမ်ပဲ" ဆိုပြီး အိမ်ထဲ ၀င်သွားပါလေရော။(ခ)အရက်သမားရဲ့ အိမ်မှတ်တဲ့ အမှတ်အသားကို ဖတ်ကြည့်ပြီး ကျွန်တော် ရယ်မောမိရင်းက ပြန်လည် ၀မ်းနည်းမိသွားတယ်။ ဒါဟာသတဲ့လား။ ဒါဟာသမှ မဟုတ်ဘဲလို့ အကြိမ်ကြိမ် တွေးတောမိခဲ့တယ်။ ကျွန်တော်ဟာ မိဘနှစ်ပါးရဲ့ ရင်ခွင်ထဲ၊ အိမ်ထဲမှာ ပေါ့ပေါ့ပါးပါးကြီး အပူအပင်မဲ့နေလာခဲ့ပါတယ်။ အဖေပေးတဲ့ မုန့်ဖိုး၊ အမေကျွေးတဲ့ ထမင်းကို စားပြီး ကျောင်းကို သွား၊ ကစား၊ အိမ်စာလုပ်၊ အဖေပြောပြတဲ့ တန်ခိုးရှိတဲ့ စားပွဲခင်း ပုံပြင်လေးကို နားထောင်။ အချိန်တန်ရင် အိပ်၊ အချိန်တန်ရင် စား။ ဘာမှမလိုဘူး။ဒါပေမယ့် အသက်လေးအရွယ်ရောက်၊ လောကမှာ ကိုယ်ပေါက်လာတဲ့ အတောင်ပံလေးကို ကိုယ်တိုင် အသုံးချချင်လာတယ်။ ကိုယ်သိလာပြီ၊ ကိုယ်တတ်လာပြီဆိုတာနဲ့ အမျှ မိဘနဲ့ သဘောထားမတူ၊ ကလန်ကဆန်ပြန်လုပ်၊ အိမ်ပေါ်က ဆင်း။ အဲဒီ နွေးထွေးတဲ့ အိမ်ကို ကျွန်တော်က မေ့ဖို့ကြိုးစားမိခဲ့တယ်။ ဘာကိုမှ မစဉ်းစား၊ မပြင်ဆင်ဘဲ အိမ်ထောင်လေးကျခဲ့။ တစ်လ ထမင်းစားရိတ်ဘယ်မှာလဲက တစ်ဖု၊ နေဖို့ အိမ်က ဘယ်မှာလဲက တစ်ဖု၊ ရေကြေးလား၊ မီးကြေးလား၊ အပိုသုံးလား၊ ကျန်းမာရေးအတွက်လား၊ ဒါတွေက တစ်ဖု၊ မလောက်တော့ဘူး၊ ချေးဦးဟ၊ ငှားဦးဟတွေက တစ်ဖု၊ အဲဒီ အတိုးတွေ အကြွေးတွေက တစ်ဖု၊ မဖြစ်တော့ဘူး၊ ရန်ကုန်မှာ ငါ့ပညာနဲ့ လခပိုရမယ်ဆိုပြီး ဇနီးနဲ့ ခွဲ၊ သမီးနဲ့ ခွဲ၊ တစ်ယောက်တည်း အိပ်မရတဲ့ ညတွေမှာ လွမ်းရတာက တစ်ဖု၊ ကဲ ..ကျွန်တော့်ခေါင်းမှာ ဓါတ်တိုင်နဲ့ တိုက်မိတဲ့ အဖုတွေ ဘယ်လောက်များမှ အိမ်ကို ပြန်ရောက်နိုင်မှာလဲ။တစ်ဆိတ်လောက်၊ သင်က ကျွန်တော့်ခေါင်းမှာ အဖုခြောက်ခု ပြည့်ပြီလား ကြည့်ပေးပါ။ ကျွန်တော် အိမ်ပြန်ရောက်ပြီလား ဆိုတာ သိချင်လို့။ကျွန်တော်နဲ့ စိုးရိမ်ပူပန်ခြင်းများ(က)ဆရာကံချွန်ရေးခဲ့ဖူးတဲ့ ဟာသလေးတစ်ခုရှိပါတယ်။ တစ်ခါက ရထားပေါ်မှာ လူငယ်တစ်ယောက်က အဘိုးကြီးတစ်ယောက်ကို အချိန်သိချင်လို့ မေးပါတယ်။"အဘိုးရေ .. ဘယ်အချိန်ရှိပြီလဲဟင် …ကျွန်တော်နာရီကို အချိန်ပြန်တိုက်ချင်လို့ပါ"အဘိုးကြီးက လူငယ်ကို တစ်ချက်ကြည့်ပြီး ဖြေပါတယ်။"ဘာလို့ ပြောရမှာလဲကွ .. မပြောနိုင်ဘူး""ဟာ .. အဘိုးကလည်း .. အချိန်လေးပြောရမှာတောင် တွန့်တိုနေသလားဗျာ""အေး .. တွန့်တယ် တိုတယ်ဟေ့ .. မပြောနိုင်ဘူးငါက ပြောပြလိုက်ရင် … မင်းက ကျေးဇူးပဲလို့ ပြောပြီး ပြုံးပြမယ်ပြီးရင် .. မသိမသာ ခင်သွားမယ် … ဒါပြီးရင် .. မင်းက မင်းဖတ်နေတဲ့ စာအုပ်နဲ့ငါဖတ်နေတဲ့ စာအုပ် လဲဖတ်ဖို့ ပြောမယ် .. ငါကလည်း အားနာလို့ လဲဖတ်လိုက်မယ် ..ရှေ့က ဘူတာမှာ ရပ်လို့ .. လက်ဖက်ရည်ဆင်းသောက်ရင် ..လူမှုရေးအရ … မင်းကို သောက်ပါဦးလား လုပ်ရမယ် … မင်းက ၀င်သောက်မယ် ..၀င်သောက်တော့ .. နောက်ဘူတာကျ ထမင်းစားရင်မင်းက ငါ့ကို ပြန်ကျွေးမယ် .. ထမင်းစားရင်း .. မင်းက ဘယ်မှာ နေတယ်.. ဘာလုပ်တယ် ပြောမယ် …ငါကလည်း ဘယ်မှာနေတယ် … ဘာလုပ်တယ် … ပြောရမယ် ..ငါ့လိပ်စာကို သိတော့ … မင်းက ငါ့အိမ်လာလည်မယ် ..လာလည်ရင် … မင်းက ငါ့သမီးနဲ့ တွေ့မယ် … ပြီးရင် .. ငါ့သမီးကို ကြိုက်မယ် ..ပြီးတော့ …. ငါ့သမီးကို လက်ထပ်ချင်ကြောင်း လာတောင်းမယ် …မင်းလို .. အချိန်မှန်တဲ့ နာရီလေးတစ်လုံးတောင် မရှိတဲ့ ကောင်ကိုငါ့သမီးနဲ့ သဘောမတူနိုင်ဘူးဟေ့ …ဒါကြောင့် .. အချိန်ကို မပြောနိုင်ဘူး .. နားလည်လားကွ .."(ခ)ကျွန်တော်တို့ ပတ်ဝန်းကျင်တွင် အသေးအဖွဲကိစ္စများမှ ကြီးကျယ်တဲ့ ကိစ္စများအထိ စိုးရိမ်ပူပန်နေကြသူတွေကို သင်တို့ကော တွေ့ဖူးကြပါသလား။ ဒါမှ မဟုတ် သင်ကိုယ်တိုင်ကော အမြဲလို ကိစ္စတစ်ခုခုတိုင်းအတွက် ကြိုတင် စိုးရိမ်ပူပန်နေသူလား။အချို့ကိစ္စများသည် ကြိုတင်ပြင်ဆင်ခြင်းဆိုတာကို ကျွန်တော်က လက်ခံပေမယ့် အချို့ကိစ္စများအတွက် ကြိုတင်ပြင်ဆင်ခြင်းကို ကျွန်တော်က လက်မခံချင်ပါ။ ဥပမာ- သင်ဒီနေ့ စားချင်တာအတွက် မစားမီ သင်စားချင်တာကို ဈေးသို့သွားဝယ်ခြင်းကို ကျွန်တော်က လက်ခံပါတယ်။ ဒါပေမယ့် နောက်တစ်လလောက်တွင် သင်စားချင်တဲ့ အရာတွေကို ခုကတည်းက ကြိုတင်ကာ ၀ယ်ထားခြင်းကို ကျွန်တော်က လက်မခံချင်ပါ။ သင်ဝယ်ထားပေမယ့် ပုပ်သိုးနိုင်တဲ့ ပစ္စည်းဆိုရင် အလကား ပုပ်သိုးကုန်မှာသာ ဖြစ်ပါတယ်။သင်ကိုယ်တိုင် ပြုပြင်ပြောင်းလဲလို့ရမယ့် အရာတွေကို သင်က ကြိုတင်ပြင်ဆင်ထားနိုင်တယ်။ ဒါပေမယ့် သင်ပြုပြင်ပြောင်းလဲနိုင်စွမ်း မရှိတာတွေအတွက် သင်တို့ကော ကျွန်တော်ပါ အနည်းနဲ့ အများ စိုးရိမ်နေကြပါတယ်။ ရောက်လာဖို့ အလှမ်းဝေးလွန်းတဲ့ ပြဿနာတွေကို စိုးရိမ်ပူပန်နေမယ့် အစား ကျွန်တော်ကတော့ အနီးဆုံးက ပြဿနာများကိုသာ အရင်ဖြေရှင်းချင်သူပါ။အဲလို .. မရောက်သေးတဲ့ ပြဿနာတွေကို သင်ကိုယ်တိုင်ကော ကြိုတင် စိုးရိမ်နေသူဖြစ်နေပါသလား။ကျွန်တော်က အဲလိုလူတွေကို မချေးရသေးတဲ့ အကြွေးကို ကြိုတင် အတိုးပေးနေကြသူုများလို့ နာမည်ပေးလိုက်ချင်ပါတယ်။ကျွန်တော်နဲ့ ရူးချင်ယောင်ဆောင်ခဲ့သူများ(က)ကျွန်တော်တို့ သူငယ်ချင်းတွေကြားမှာ အပျော်အပျက်စနောက်ခဲ့ကြတာတွေ များလှပါတယ်။ တစ်ယောက်နဲ့ တစ်ယောက် ချောင်ပိတ်မေးခွန်းများနဲ့ မေးပြီး အနေရအထိုင်ရခက်သွားတော့ အားလုံးက ၀ိုင်းရယ်မောကာ လှောင်ပြောင်ခဲ့တာတွေက လူငယ်ဘ၀မှာ ပျော်စရာကောင်းလှပါတယ်။ အဲဒီထဲက ကျွန်တော့်ကို သူငယ်ချင်းတစ်ယောက်က ပိုက်ဆံပြတ်လို့ လာချေးငှားလျှင် ကျွန်တော် ပြန်ပြောခဲ့တာလေးကို တင်ပြချင်ပါတယ်။သူငယ်ချင်း။ ။ ရင်နင့်အောင် ပိုက်ဆံချေးစမ်းပါကွာ .. ငါပြတ်နေလို့ကျွန်တော်။ ။ ဘယ်လောက်ချေးမှာလဲကွသူငယ်ချင်း။ ။ မများပါဘူးကွာ .. တစ်သောင်းလောက်ပါ ..ကျွန်တော်။ ။ ဘာ.. တစ်သောင်းဟုတ်လားသူငယ်ချင်း။ ။ အေးလေ.. တစ်သောင်းတည်းပါဟကျွန်တော်။ ။ မင်းအဆင့်အတန်းနဲ့ကွာ .. ပိုက်ဆံချေးစရာလား … လာမနောက်စမ်းပါနဲ့သူငယ်ချင်း။ ။ ငါတကယ်လိုတာကွ .. မနောက်ဘူး …ကျွန်တော်။ ။ မင်းက ရယ်စရာတော်တော်ပြောတဲ့ကောင်ပဲ .. မင်းလိုကောင်က .. ငါ့ဆီက ချေးမလားသူငယ်ချင်း။ ။ ဟာ .. အတည်ပြောနေတာ … တစ်သောင်းလောက်ချေးစမ်းပါ ..ကျွန်တော်။ ။ မင်းအတည်ဆိုရင် ချေးပါတယ်ကွာ… လာနောက်မနေနဲ့ ..သူငယ်ချင်း။ ။ မနောက်ပါဘူးဆိုမှကျွန်တော်။ ။ မင်းရုပ်တည်ကြီးနဲ့ နောက်နေတာ ငါသိပါတယ်.. မင်းလိုကောင်က ချေးမှာ မဟုတ်ဘူးသူငယ်ချင်း။ ။ ဟာ … ငါက အတည်ဆိုမှကွာ …ကျွန်တော်။ ။ အေးလေ.. တကယ်ဆိုလည်း ချေးမလို့ပါ .. မင်းက လာနောက်နေတာကိုးကွသူငယ်ချင်း။ ။ (ဆဲဆိုသံ)(ခ)ကျွန်တော် ပြန်စဉ်းကြည့်မိပါတယ်။ လောကမှာ လူတွေဆီကဖြစ်စေ၊ လောကဓံကဖြစ်စေ၊ ဘယ်အကြောင်းကြောင့်မဆို ဒုက္ခပေါင်းစုံကို တစ်မျိုးပြီး တစ်မျိုး လာပေးနေကြသူများ ဘယ်လောက်တောင် များလှပြီလဲ။ ကိုယ့်ကို ဒုက္ခလာပေးသူများ၊ ကိုယ့်အတင်းကို ပြောနေကြသူများကြောင့် ကျွန်တော် စိတ်အနှောက်အယှက်ဖြစ်ပေါင်းလည်း များလှပြီ။ သင်ကိုယ်တိုင်လည်း အဲလိုလူမျိုးများစွာ ကြုံဖူးပါလိမ့်မယ်။ ငယ်ငယ်တုန်းက သူငယ်ချင်းတွေကြားက အမှတ်တရ စခဲ့တာတွေကို ခု ပြန်တွေးကြည့်တော့မှ ဒါဟာ ရယ်စရာ သက်သက်မဟုတ်ဘူးလို့ ကျွန်တော်က ရိပ်စားမိလာတယ်။ ဟုတ်တယ်။ ဒါဟာ တကယ်တော့ ရယ်စရာတစ်ခု မဟုတ်ဘဲ ဘ၀မှာ တန်ဖိုးရှိတဲ့ တုန့်ပြန်မှုလို့ ကျွန်တော်က ယူဆလိုက်တယ်။ ခုချိန်မှာ ကျွန်တော့်ကို တနည်းနည်းနဲ့ လောကဓံက ဒုက္ခပေးဖို့လာရင် ကျွန်တော်က ဒီလို ရူးချင်ယောင်ဆောင်လိုက်မယ်လို့။လောကဓံ။ ။ မင်းကို ဒုက္ခကောင်းကောင်းပေးမယ်ကျွန်တော်။ ။ မဆိုးပါဘူးကွာ .. ဒုက္ခတောင် အကောင်းစားပေးမယ်ဆိုတော့ မိုက်သားပဲလောကဓံ။ ။ ဘာကွ .. မင်းကို ဒုက္ခဆိုးဆိုးပေးမယ် .. သိလားကျွန်တော်။ ။ မင်းလားကွာ .. ငါ့ကို ဒုက္ခပေးမှာ .. လာနောက်မနေနဲ့ …လောကဓံ။ ။ ခွေးသား .. ငါက တကယ်ပေးမှာ ..ကျွန်တော်။ ။ အေးပါကွာ .. မင်းနောက်နေတာ .. ငါသိပါတယ် …လောကဓံ။ ။ အေး… တကယ်ပေးမှ .. ငိုမနေနဲ့ …ကျွန်တော်။ ။ ရယ်ရတယ်ကွာ … မင်းက ရယ်စရာတော်တော် ပြောတဲ့ ကောင်ပဲ …လောကဓံ။ ။ (ဆဲဆိုသံ)ကျွန်တော်နဲ့ လောကဇာတ်ကောင်များ(က)အလုပ်ကိစ္စ အီးမေးလ်တွေ စစ်ရင်းက သူငယ်ချင်းတစ်ယောက်ပို့ထားတဲ့ ဟာသလေးကို ဖတ်မိသွားပြီး ကျွန်တော် ပြုံးရယ်မိပါတယ်။ ဟာသလေးက တိုတိုလေးပါ။"မနေ့ညက စာအုပ်တစ်အုပ်ဖတ်ရင်း ငါ မျက်ရည်ကျခဲ့ရတယ်ကွာ" "ဟုတ်လား၊ တော်တော်ကောင်းတဲ့ စာအုပ်ပေါ့ စာရေးဆရာ ဘယ်သူရေးတာလဲ သူငယ်ချင်း" "ငါ့ရဲ့ ဘဏ်စာအုပ်ပါကွာ"(ခ)ကျွန်တော်စဉ်းစားကြည့်မိပါတယ်။ စာပေမှာ ရသနဲ့ သုတလို့ အခြေခံအားဖြင့် ခွဲထားပါတယ်။ ဒါပေမယ့် အဲဒီနှစ်ခုလုံးဟာ ကင်းရှင်းတယ်လို့ မရှိပါဘူး။ ရသများတဲ့ စာပေနဲ့ သုတများတဲ့ စာပေရယ်လို့သာ ကွဲပြားမယ်လို့ ထင်မိပါတယ်။ သမိုင်းဆိုတဲ့ သုတစာအုပ်တွေ ဖတ်ရင်းက ဒေါသထွက်ရတဲ့ အထိ ဖြစ်ခဲ့ရတာ ရသပါနေလို့ပါ။ ရသစာပေတွေ ဖတ်ရင်းလည်း ကိုယ်မသိသေးတာတွေ ပါလာတော့ သုတ ပါနေလို့ပါ။ ကိုယ့်အကြွေးတွေကို ကိန်းဂဏန်းအဖြစ် ဖေါ်ပြထားတဲ့ ဘဏ်စာအုပ်လေးတစ်အုပ်မှာ သူ့ကို အသိပေးနေတဲက သုတစာပေလို့ ကျွန်တော်က မြင်မိပေမယ့် ပုံပြင်ထဲက ဖတ်မိသူက မျက်ရည်ကျခဲ့ရပါတယ်တဲ့။ သေသေချာချာတွေးမိပြန်တော့ ကျွန်တော်တို့ဟာ ရသစာပေပဲ ဖတ်ဖတ် သုတစာပေပဲ ဖတ်ဖတ် ဇာတ်အိမ်ထဲက ဇာတ်ကောင်တစ်ကောင်ဘက်က ဘက်လိုက်ဖတ်ကြတာများတယ်လို့ ထင်မိတယ်။ ကျွန်တော်ဆိုရင် အချို့ ဇာတ်ကောင်ကို ကိုယ်ကိုယ်တိုင်လို့ ခံစားဖတ်ခဲ့ဖူးပါတယ်။ စာရွက်ပေါ်က ဇာတ်ကောင်တွေ ခံစားရတိုင်း ကျွန်တော်တို့ ဘာလို့ ခံစားကြတာလဲ။ တခါတလေကျတော့လည်း အဲဒါနဲ့ ပြောင်းပြန် ကျွန်တော်တို့ ဘာလို့ မခံစားကြတာလဲ။ သမိုင်းစာအုပ်တွေကို ဖတ်တိုင်းမှာ ဟစ်တလာကို ဘာလို့ မုန်းခဲ့ကြတာလဲ။ အနုမြူဗုံးကို ဘာလို့ မုန်းခဲ့ကြတာလဲ။ ကဒါဖီကို ဘာလို့ မုန်းခဲ့ကြတာလဲ။ ကင်ဂျုံအီကို ဘာကြောင့်မုန်းခဲ့ကြတာလဲ။ သင်က ဖြေပါလိမ့်မည်။ သူတို့ရဲ့ လုပ်ရပ်တွေက ရက်စက်လို့၊ ကြမ်းတမ်းလို့။ ကျွန်တော်ကတော့ အဲဒီလိုမျိုး မဖြေချင်ပါ။ အဲဒီလူတွေနေရာမှာ ကိုယ်လို့ မခံစားလို့။ ကိုယ့်အတ္တနဲ့ မယှဉ်ကြည့်လို့။ ဒါမှမဟုတ် ကိုယ် ဘဏ်စာအုပ်လို မဖတ်ဖြစ်လို့။ သင်လက်ခံချင်မှသာ လက်ခံလိုက်ပါ။ကျွန်တော်နဲ့ အဖေ(က)အဲဒီနေ့က အဖေဟာ ကျွန်တော်နဲ့ အတူ ခြံဝင်းထောင့်က ထိုင်ခုံလေးမှာ ထိုင်နေခဲ့ပါတယ်။ သားအဖနှစ်ယောက် အဲလို ထိုင်နေတုန်းမှာ အိပ်တန်းတက်မယ့် ကျီးကန်းတစ်ကောင်ဟာ အိမ်ခေါင်မိုးရဲ့ တစ်နေရာမှာ လာနားပါတယ်။"သား .. အဲဒါ ဘာငှက်လဲ"အဖေက မေးပါတယ်။"အဖေ .. အဲဒါ ကျီးကန်းလေ"ကျွန်တော်က အဖေ့မေးခွန်းကို ဖြေပြီးတော့ အဖေက ဒုတိယအကြိမ်ထပ်မေးပါတယ်။"သား .. အဲဒါ ဘာငှက်လဲ""အဖေ .. အဲဒါ ကျီးကန်းပါ"ကျွန်တော်ဖြေပြီး နည်းနည်းကြာတော့ အဖေက နောက်တစ်ခါ ထပ်မေးပါတယ်။"သား .. အဲဒါ ဘာငှက်လဲ""အာ .. အဖေကို ပြောပြီးပြီလေ .. ကျီးကန်းပါလို့ဆို"အဲလို ကျွန်တော် စိတ်မရှည်စွာ ဖြေအပြီးမှာတော့ အဖေက ခဏငြိမ်ကျသွားပါတယ်။ အဖေဘာတွေ တွေးနေခဲ့သလဲ မသိ။ ကျွန်တော်ကတော့ အဖေမျက်လုံးတင်မဟုတ် နားပါ မကောင်းတော့တာလားလို့ စဉ်းစားနေမိပါတယ်။ ခဏနေတော့ အဖေ့ဆီက စကားသံ ထွက်လာပြန်တယ်။ ဒီတစ်ခါလည်း သူမေးတာက အတူတူပါ။"သား .. အဲဒါ ဘာငှက်လဲ"ကျွန်တော် စိတ်မရှည်တော့။ ဒီလောက်ပြောနေတာကို အဖေ ဘာလို့ များ ထပ်ခါထပ်ခါမေးနေရလဲလို့။"ကျီးကန်း၊ ကျီးကန်း၊ ကျီးကန်း ….မှတ်ထားနော် .. အဲဒါ ကျီးကန်းဗျ"ကျွန်တော့်စကားဆုံးတော့ အဖေဟာ ကျွန်တော်တို့ ထိုင်နေတဲ့ ထိုင်ခုံလေးက ထပြီး တုန်တုန်ရီရီနဲ့ အိမ်ထဲဝင်သွားပါတယ်။ ခဏကြာတော့ အဖေဟာ ဒိုင်ယာရီစာအုပ်လေးတစ်အုပ်ကို ကိုင်ပြီး ကျွန်တော့်ဆီ ပြန်ရောက်လာပါတယ်။ ဒိုင်ယာရီ စာအုပ်ရဲ့ သူလှန်ထားတဲ့ စာမျက်နှာကို ကျွန်တော့်ကို ပေးပြီး ဖတ်ခိုင်းပါတယ်။အဲဒီစာမျက်နှာ အဟောင်းလေးမှာ အဖေလက်ရေးနဲ့ ရေးထားတာလေးကို ကျွန်တော် ဖတ်ကြည့်လိုက်တော့။"ဒီနေ့စကားတတ်ခါစ ကျုပ်သားလေးနဲ့အတူတူ ခြံထောင့်က ထိုင်ခုံလေးမှာ ထိုင်နေတုန်းကျီးကန်းတစ်ကောင်ကို မြင်တော့အဲဒါဘာငှက်လဲလို့ နှစ်ဆယ့်ငါးကြိမ်တိတိ မေးခဲ့ပါတယ်နှစ်ဆယ့်ငါးကြိမ်လုံးလုံး ကျီးကန်းလို့ ကျုပ် ဖြေခဲ့တယ် ..သားကို စိတ်မတိုပါဘူး ..သားဟာ ကျုပ်အတွက်တော့ သိပ်ချစ်ဖို့ကောင်းတဲ့ကလေးတစ်ယောက်ဖြစ်ခဲ့ပါတယ်"(ခ)ကျွန်တော်ဘာသာပြန်ခဲ့ဖူးတဲ့ ခံစားမှုရသပုံပြင်လေး တစ်ပုဒ် ဖြစ်ပါတယ်။ စဉ်းစားကြည့်မိပြန်တော့ ကျွန်တော့်အဖေဟာလည်း ကျွန်တော်ငယ်ငယ်တုန်းက ကျွန်တော် မေးသမျှ စိတ်ရှည်ရှည်ဖြေပေးခဲ့သူပါ။ ကျွန်တော့်အဖေဟာ ဘွဲ့ရပညာတတ်မဟုတ်ခဲ့လေတော့ သူတတ်တဲ့ ကားမောင်းခြင်း၊ ကားပြင်ခြင်း လုပ်ငန်းနဲ့အတူ အသက်မွေးဝမ်းကျောင်းရင်း ကျွန်တော်တို့ မိသားစုကို လူတစ်လုံး၊ သူတစ်လုံး ပညာတတ်တွေ ဖြစ်တဲ့ အထိ သင်ပေးခဲ့ပါတယ်။ အဖေခရီးက ပြန်ရောက်ပြီဆိုတာနဲ့ အဖေဟာ ကျွန်တော်တို့ကို ပုံပြင်ပြောပြပါတယ်။ ညဘက်ဆို ကျွန်တော်တို့ မောင်နှမတွေ အဖေအနားမှာ ၀ိုင်းပြီး အဖေပြောတဲ့ ပုံပြင်တွေကို နားထောင်ခဲ့ကြတယ်။ ကျွန်တော်မေးသမျှ အဖေဟာ သူသိတာရော၊ မသိတာပါ အကုန်ဖြေပေးခဲ့တာချည်း။အသက်လေးအရွယ်ရောက်ပြီး ကျွန်တော် ကွန်ပျူတာတက္ကသိုလ်တက်တော့ မှတ်မိပါသေးတယ်။ အဖေဟာ ခေတ်နဲ့အညီပြောင်းလဲလာတဲ့ ကွန်ပျူတာနည်းပညာတွေကို သိချင်၊ စူးစမ်းချင်တယ်နဲ့ တူပါတယ်။"ငါ့သား .. တီဗွီလိုဟာကြီးက ဘယ်လိုခေါ်တာလဲ""အဖေ .. အဲဒါ မော်နီတာ လို့ ခေါ်တယ်""ငါ့သား … အင်တာနက်နဲ့ အီးမေးလ်က ဘာကွာတာလဲကွ""မဆိုင်ဘူးလေ အဖေ.. အင်တာနက်ရှိမှ အီးမေးလ်သုံးလို့ရတာတီဗွီက အင်တာနာ ရှိရင် မြ၀တီကော၊ မြန်မာ့ အသံပါ ကြည့်လို့ ရသလိုပေါ့"အဖေမေးတာကို ကျွန်တော်ဖြေပေးခဲ့ပေမယ့် နောက်တစ်ခါလည်း အဖေဟာ ကြုံရင် ကြုံသလို ပြန်မေးတတ်ပါတယ်။"ငါ့သား … အင်တာနက်နဲ့ အီးမေးလ်က ဘာကွာတာလဲကွ""အဖေကလည်း မတူပါဘူးဆိုမှ ဗျာ""အေး .. ဘယ်လို မတူတာလဲ""……………………"ကျွန်တော် စိတ်မရှည်ဘဲ ထထွက်လာခဲ့မိပါတယ်။ခုနေ ပြန်စဉ်းစားကြည့်တော့ အဖေ့ကို ကျွန်တော် အားနာလိုက်တာ။ သူအပ်ကြောင်းထပ်အောင် ပြောခဲ့ဖူးတဲ့ တန်ခိုးရှိတဲ့ စားပွဲခင်းပုံပြင်လေးအစား၊ ကားတစ်စင်းကို ဘယ်လို မောင်းတယ်ဆိုတာတွေ အစား၊ အင်ဂျင်တစ်လုံးဘယ်လို အလုပ်လုပ်တယ်ဆိုတာတွေ အစား၊ အင်တာနက်နဲ့ အီးမေးလ်ဘယ်လိုကွာသလဲ အဖေနားလည်အောင် ရှင်းပြဖို့ ကျွန်တော် ကြိုးစားရပါဦးမယ်။ရင်နင့်အောင်
--
Posted By Blogger to လူဗိုလ်ဟူသည် ... at 5/04/2012 11:15:00 PM
--
မှော်ဆရာအဖွဲ့ မှ နေ့ စဉ်မေးလ်များ ရယူလိုပါက http://groups.google.com/group/mrsorcerer/subscribe?hl=en ကို နှိပ်ပြီး မန်ဘာဝင်နိုင်ပါသည် ။
မန်ဘာဝင်များ မိမိတို.သိထားသည်များကို မျှဝေလိုပါက mrsorcerer@googlegroups.com သို. မေးလ်ပို.နိုင်ပါသည် ။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး မေးလ်ပို.ပါ ။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en ကို သွားပါ ။
မှော်ဆရာ အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
--
မှော်ဆရာအဖွဲ့ မှ နေ့ စဉ်မေးလ်များ ရယူလိုပါက http://groups.google.com/group/mrsorcerer/subscribe?hl=en ကို နှိပ်ပြီး မန်ဘာဝင်နိုင်ပါသည် ။
မန်ဘာဝင်များ မိမိတို.သိထားသည်များကို မျှဝေလိုပါက mrsorcerer@googlegroups.com သို. မေးလ်ပို.နိုင်ပါသည် ။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး မေးလ်ပို.ပါ ။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en ကို သွားပါ ။
မှော်ဆရာ အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
