သျှမ်းသံတော်ဆင့်

အပစ်ရပ်အပေါ်ပြန်သုံးသပ်ပေးရန် ငြိမ်းချမ်းရေးကော်မတီထံ RCSS စာရေး
တရုတ်ထောင်၌ မြန်မာတသောင်းခန့် ထောင်ကျနေ
ထိုင်းရဲများဖမ်းမိသည့်လက်နက် မိမိတို့နှင့်မသက်ဆိုင်ဟု RCSS/SSA ခေါင်းဆောင်ပြော

အပစ်ရပ်အပေါ်ပြန်သုံးသပ်ပေးရန် ငြိမ်းချမ်းရေးကော်မတီထံ RCSS စာရေး

Posted: 29 Jun 2012 02:33 AM PDT

ငြိမ်းချမ်းရေးယူထားသော်လည်း အစိုးရတပ်မှ ပစ်ခတ်တိုက်ခိုက်မှု လက်တွေ့မလုပ်သေးသောကြောင့် ပြန်လည် သုံးသပ် စိစစ်ပေးရန် သျှမ်းပြည်တပ်မတော်မှ ပြည်ထောင်စုငြိမ်းချမ်းရေးလုပ်ငန်းဖေါ်ဆောင်ရေးကော်မတီ ဒုဉက္ကဌ ဗိုလ်ချုပ်ကြီးစိုးဝင်းထံ စာရေးကြောင်း ကြားသိရပါသည်။

မြန်မာအစိုးရကိုယ်စားလှယ် ဦးအောင်မင်းနှင့် ပထမဆုံးအကြိမ် တွေ့ဆုံစဉ်ကတွေ့ရသော ဒု- ဗိုလ်ချုပ်ကြီးယွက်စစ်၊ ဗိုလ်မှူးချုပ် စိုင်းလူးတို့အဖွဲ့

"ကျနော်တို့နဲ့ အစိုးရတပ်အကြား တိုက်ခိုက်မှုမလုပ်ဘဲ အပစ်အခတ် ရပ်ထားဖို့ သဘောတူထားတယ်။ မေ ၁၉ ကျိုင်းတုံမှာ ပြည်ထောင်စုအဆင့် ဒုတိယအကြိမ်ထပ်မံတွေ့ဆုံ လက်မှတ်ရေးထိုးပြီးနောက်ပိုင်းမှာတောင် တိုက်ပွဲက အကြိမ်ကြိမ် ဖြစ်ပွားတယ်။ အဲဒီတိုက်ပွဲတွေအားလုံးက အစိုးရတပ်ကနေဘဲ အရင်ပစ်ခတ်တိုက်ခိုက်တယ်" - ဟု ဗိုလ်မှူးချုပ်စိုင်းလူး က ပြောပါသည်။

ဂျွန် ၂၈ ရက် ရက်စွဲဖြင့် သျှမ်းပြည်ပြန်လည်ထူထောင်ရေးကောင်စီ/သျှမ်းပြည်တပ်မတော် RCSS/SSA ငြိမ်းချမ်းရေး ကိုယ်စားလှယ်အဖွဲ့ဝင် ဗိုလ်မှူးချုပ်စိုင်းလူးက ပြည်ထောင်စုငြိမ်းချမ်းရေးလုပ်ငန်းဖေါ်ဆောင်ရေးကော်မတီ ဒုဉက္ကဌ(၃)၊ ဒုကာကွယ်ရေးဦးစီးချုပ်၊ ကာကွယ်ရေးဦးစီးချုပ်ကြီး ဗိုလ်ချုပ်ကြီးစိုးဝင်းထံ စာရေးခြင်းဖြစ်ကြောင်း၊ အဆိုပါစာတွင် သျှမ်းပြည်တပ်မတော် RCSS/SSA သည် အစိုးရနှင့်အပစ်ရပ်ပြီး ငြိမ်းချမ်းရေးတည်ဆောက်ထားသော်လည်း အစိုးရ တပ်မှ ရန်ရှာပစ်ခတ်တိုက်ခိုက်မှု မရပ်နားသေးသည့်ကိစ္စ၊ အပစ်ရပ်ချင်းတူသော်လည်း တခြားအဖွဲ့အစည်းများကဲ့သို့ လွတ်လပ်စွာ သွားလာခွင့်မရသေးသည့်ကိစ္စရပ်များကြောင့် ပြန်လည်သုံးသပ်ပေးရန် ဖြစ်ကြောင်း - ကြားသိရပါသည်။

"လောလောလပ်လပ် ၂၇ ရက်နေ့တုန်းက ခလရ ၆၄ လိုင်းခ(လဲချား) တပ်က ဝမ့်ယိန်းရွာမှာရှိတဲ့ ကျနော်တို့ တပ်စခန်း ကို တက်တိုက်တယ်။ ဒီကိစ္စတွေဟာ ယုံကြည်မှု ခိုင်မြဲ အောင်တည်ဆောက်ဖို့ အရမ်းကိုထိခိုက်စေပါတယ်။ နောက် တခု ကျနော်တို့ကို ဌာနချုပ်အဖြစ်ပေးထားတဲ့ မုန်းထား ဘက်မှာတောင်မှ ကျနော်တို့တပ်ဖွဲ့ဟာ တခြားတပ်ဖွဲ့တွေလို လွတ်လွတ်လပ်လပ်သွားလာလို့မရသေးဘူး၊ အဲဒါကို ကြည့်ရင် ကျနော်တို့တပ်ဖွဲ့ကို တခြားတပ်ဖွဲ့လို မထားသေးဘူး၊ ခွဲခြားဆက်ဆံနေသေးတယ်ဆိုတာ ထင်ရှားနေတယ်" - ဟု ဗိုလ်မှူးချုပ်စိုင်းလူးက ပြောပါသည်။

သျှမ်းပြည်တပ်မတော် RCSS/SSA နှင့် မြန်မာအစိုးရ တို့ ဒီဇင်ဘာ ၂၀၁၁ ပဏာမအဆင့် ငြိမ်းချမ်းရေးသဘောတူညီမှု လက်မှတ်ရေးထိုးပြီးနောက်ပိုင်း ယနေ့အထိ တိုက်ပွဲ ၂၄ ကြိမ် ထက်မနည်း ဖြစ်ပွားခဲ့သည်။

တဘက်ကလည်း ထာဝရ ငြိမ်းချမ်းရေးတည်ဆောက်နိုင်ရေးအတွက် ဂျွန်လဆန်းကတည်းက သျှမ်းပြည်တပ်မတော်မှ ဗိုလ်မှူးချုပ်ပေါင်ခေး ဦးဆောင်သည့်အဖွဲ့က ( ၃ ဖွဲ့ခွဲ၍ သျှမ်းပြည် မြောက်ပိုင်း၊ တောင်ပိုင်းနှင့် အရှေ့ပိုင်းသို့ ) လူထုဆန္ဒသဘောထားကောက်ယူရန်ကွင်းဆင်းလျက်ရှိရာ ဌာနချုပ်သို့ ပြန်လည်ရောက်ရှိခြင်းမရှိသေးပေ။

တရုတ်ထောင်၌ မြန်မာတသောင်းခန့် ထောင်ကျနေ

Posted: 29 Jun 2012 02:31 AM PDT

တရုတ် - မြန်မာ နယ်စပ် ရွှေလီမြို့ အလွန် တရုတ်အကျဉ်းထောင်တခု၌ မြန်မာနိုင်ငံသား တစ်သောင်း ထက်မနည်းအကျဉ်းကျနေကြောင်း - အဆိုပါထောင်မှ လွတ်မြောက်လာသူတဦးက ပြောပါသည်။

"အဲဒီမှာ ထောင်ကျနေတာ မြန်မာပြည်က လူမျိုးပေါင်းစုံဘဲ၊ တစ်သောင်းလောက်ရှိမယ်။ ဗန်းမော်၊ မိုးညှင်း၊ မိုးကောင်း၊ မန္တလေး၊ မိတ္ထီလာ၊ သီပေါ၊ ကျောက်မဲ၊ မန်တုံ၊ မူစယ်၊ နမ့်ခမ်း ဘက်ကကောဘဲ၊ ကျယ်ဂေါင်၊ ရွှေလီ က ဖမ်းမိတဲ့သူတွေ အဲဒီအထဲမှာဘဲ" - ဟု ထောင်ကျခဲ့တူ အေဘီးက ပြောပါသည်။

ဂျွန်လအတွင်း ကျယ်ဂေါင်၊ ရွှေလီ၊ စန့်ဟောင်၊ မန်စီဘက် သွားလာရောင်းဝယ် အလုပ်လုပ်သည့် မြန်မာ အလုပ်သမားများ အား တရုတ်အာဏာပိုင်များ ဆက်တိုက်ဖမ်းဆီးပြီး အကျဉ်းချထားကြောင်း၊ တနာရီ အတွင်း အာမခံမည့်လူမရှိက အကျဉ်းထောင်သို့ ပို့ဆောင်ကြောင်း၊ ယခုလအတွင်းဖမ်းမိသူ မြန်မာနိုင်ငံသား တစ်သောင်းခန့် ရှိကြောင်း၊ တရုတ်လူမျိုးရာဇဝတ်အကျဉ်သားများနှင့် သီးခြားစီထားရှိကြောင်းလွတ်မြောက် လာသူများက ပြောပါသည်။

" ကျနော် ပြန်လွတ်လာရတာက ရွှေလီကအမျိုးတွေ ပိုက်ဆံစုပြီး ယွမ်တစ်သောင်း(၁ ယွမ် = ၁၃၃ ကျပ်)နဲ့ သွားရွေးခဲ့လို့၊ ဒါတောင် လမ်းကြောင်းနဲ့ ဝိတ်မရှိရင်တော့သွားပြီ။ ဂျူလိုင်လဆန်းဆို ခွန်းမင်ဘက်ပို့ပြီး မြန်မာ - ကူမင်း အမြန်ရထား လမ်းဖေါက်ဖို့ အကျဉ်းသားတွေကို အကုန်ပို့မှာတဲ့" - ဟု ဂျွန် ၂၈ ရက်နေ့ စန့်ဟောင်ထောင်မှ လွတ်မြောက် လာသည့် အိုက်ယွမ်ကပြောပါသည်။

သီးခြားအတည်မပြုနိုင်သေးသည့် သတင်းအရ အဆိုပါ အကျဉ်းသားများအင်အားဖြင့် ဖေါက်လုပ်မည့် ရထားလမ်းသည် အာဆီယံနိုင်ငံများအတွင်း ပြေးဆွဲမည့် အမြန်ရထားလမ်းဖြစ်ကြောင်း ပြောဆိုကြပါသည်။

တရုတ်အာဏာပိုင်များ အဖမ်းဆီးထူသောကြောင့် လက်ရှိတွင် မြန်မာနိုင်ငံသားများ တရုတ်ဘက်ခြမ်း၌ ဝမ်း ရေးအတွက် အလုပ်သွားလုပ်ရန်မဝံ့မရဲဖြစ်နေကြာင်း၊ သျှမ်းသီချင်းများ၊ တရားတော်များ ဗီစီဒီခွေသွားရောင်း သည့် အိုက်ယွမ်ပင်လျှင် အမျိုးများ ပိုက်ဆံစိုက်ပြီး ထောင်မှရွေးထုတ်သည့် အကြွေး ပြန်ဆပ်ရမည့် အရေး အခက်အခဲဖြစ်နေကြောင်း ကြားသိရပါသည်။

မြန်မာနိုင်ငံသားများသည် စီးပွားရေးအခက်အခဲအတွက်သော်လည်းကောင်း၊ မူးယစ်ဆေးဝါးမှ ရှောင်တိမ်းရန် အတွက်သော်လည်းကောင်း၊ စီးပွားရှာလွယ်သည့် တရုတ်နယ်စပ်ဘက် ပြောင်းရွှေ့အလုပ် လုပ်ကိုင်ကြခြင်း ဖြစ်ပါသည်။

ထိုင်းရဲများဖမ်းမိသည့်လက်နက် မိမိတို့နှင့်မသက်ဆိုင်ဟု RCSS/SSA ခေါင်းဆောင်ပြော

Posted: 29 Jun 2012 02:27 AM PDT

မြန်မာဘက်ကမ်းကိုပို့မည်ဟု ယူဆရသော ထိုင်းအာဏာပိုင်များမှ ဖမ်းဆီးမိလက်နက်များမှာ မိမိတို့နှင့်မသက်ဆိုင် ကြောင်း သျှမ်းပြည်တပ်မတော်ခေါင်းဆောင် က ငြင်းဆိုခဲ့ပါသည်။

ချင်းရိုင်း၌ ထိုင်းအာဏာပိုင်များဖမ်းမိသော လက်နက်ပစ္စည်းများ

" အဲဒီလက်နက်တွေဟာ ကျနော်တို့အတွက်မဟုတ်ဘူး။ ကျနော်တို့နဲ့မဆိုင်ဘူး။ အဲဒီကုန်သည်နဲ့လည်း ကျနော်မသိဘူး" ဟု သျှမ်းပြည်တပ်မတော်ခေါင်းဆောင် ဒု-ဗိုလ်ချုပ်ကြီးယွက်စစ်က သျှမ်းသံတော်ဆင့်အားပြောပြသည်။

ဂျွန်လ ၂၅ ရက် ညနေ ၅ နာရီခွဲ က ထိုင်းနိုင်ငံမယ်ဆိုင်မြို့ ပုံဖာရပ်ကွက်နေ မစ္စတာဆဝမ်ကျိုင်ကယောက်၏ နေအိမ်၌ မယ်ဆိုင် မှုခင်းနှိမ်နင်းရေးတပ်ဖွဲ့ ကဝင်ရောက်ရှာဖွေရာ အာပီဂျီ လောင်ချာ (၁၂) လက်၊ အေကေ (၄၇) မောင်းပြန်ရိုင် ဖယ်(၁၇) လက်၊ အမ် (၇၉) လောင်ချာ (၁၂) လက်၊ အမ် ၁၆ မောင်းပြန် ရိုင်ဖယ် (၆) လက်၊ အာပီဂျီ ဗုံးသီး (၉)လုံး သိမ်းဆည်းရမိ ခဲ့သည်။ အဆိုပါ လက်နက်များကို မြန်မာဖက်ခြမ်းပို့ပေးရန်ဖြစ်ကြောင်း ဆဝမ် ကပြောကြားခဲ့သဖြင့် ထိုင်းမီဒီယာတချို့က သျှမ်းပြည်တပ်မတော်ထံပို့မည့်လက်နက်များဖြစ်ကြောင်း ရေးသားခဲ့သည့်အပေါ် ဒု-ဗိုလ်ချုပ်ကြီး ယွက်စစ်က တုန့်ပြန်ဖြေရှင်းခြင်းဖြစ်ပါသည်။

ဆဝမ်အိမ်၌ရဲများဝင်ရောက်ရှာဖွေပြီးနောက်ပိုင်း ၎င်းနှင့်စပ်ဆိုင်သည့် စိုင်းခမ်း ခေါ် မစ္စတာပရတ်ယား ခွန်ခမ်းအိမ်သို့ ထပ်မံ ဝင်ရောက်ရှာဖွေရာတွင် စိုင်းခမ်းနှင့် ဒု-ဗိုလ်ချုပ်ကြီး ယွက်စစ်တို့ တွဲရိုက်ထားသော ဓါတ်ပုံကိုတွေ့ရှိသဖြင့် ၎င်းတို့ ရင်းနှီး သည့်မိတ်ဆွေများဖြစ်နိုင်ကြောင်း၊ ထို့ကြောင့်လက်နက်များမှာ သျှမ်းပြည်တပ်မတော်သို့ ပို့မည့် လက်နက်များ ဖြစ်ကြောင်း ရေးသားပြောဆိုခဲ့ကြသည်။

" ဥက္ကဌကြီး ယွက်စစ်က သျှမ်းပြည်လူထုအတွက် တိုက်ပွဲဝင်နေတဲ့ ခေါင်းဆောင်တဦး ဆိုတော့ ဘယ်သူမဆို သူနဲ့ဓါတ်ပုံ တွဲရိုက်ကြမှာ ဘဲ။ ဓါတ်ပုံတွဲရိုက်တိုင်း ရင်းနှီးတဲ့မိတ်ဆွေလို့လဲ မဆိုနိုင်ဘူးလေ။ ကျနော်တောင်မှ ထိုင်းဝန်ကြီးချုပ် ယင့်လတ် နဲ့ဓါတ်ပုံတွဲ ရိုက်ထားတာဘဲ။ ကျနော်တို့လဲ ရင်နှီးတဲ့လူတွေမှမဟုတ်တာ။ သူ အခုနေများ ကျနော့်ကိုတွေ့ရင် မှတ်မိချင်မှမှတ်မိမယ် လေ။ အဲလိုမျိုးပေါ့" ဟု နီးစပ်သည့် ပုဂ္ဂိုလ်တဦးကလည်းပြောသည်။

တရားခံ ဆဝမ်၏ ပြောစကားအရ အဆိုပါလက်နက်များကို မယ်ဆိုင်- တာချီလိတ်အရှေ့ဘက်ခြမ်းရှိ နမ့်ဆိုင်ချောင်းကူးဆိပ် မှ မြန်မာဘက်ခြမ်းသို့ ပို့မည်ဟုဆိုသော်လည်း သျှမ်းပြည်တပ်မတော် RCSS/SSA ၏ တပ်များသည် ထိုအပိုင်းသို့ သွားရောက်လှုပ်ရှားခြင်းမရှိ။ တာချီလိတ်- မယ်ဆိုင် အနောက်ဘက်ခြမ်း မယ်ဖှာ့လုံ နှင့်မျက်နှာချင်းဆိုင်၌သာ သျှမ်းတပ် များလှုပ်ရှားကြောင်း အဆိုပါအရာရှိက ဆက်လက်ပြောပြသည်။

"ဒီလက်နက်တွေ သျှမ်းတပ်အတွက်တော့ မဖြစ်နိုင်ဘူး။ ဘာလို့လဲဆိုတော့ ဒီလို အသေးစားကုန်သည်တွေဟာ သျှမ်းတပ် ကိုသိပ်မကြိုက်ကြဘူး။ သျှမ်းတပ်ကမှာရင်ပစ္စည်းများတယ်။ ဒီလောက်လေးမဟုတ်ဘူး။ ပစ္စည်းမှာရင်ဈေးအရမ်းဆစ်တယ်။ အခုဖမ်းမိလက်နက်တွေဟာ တာချီလိတ်အရှေ့ခြမ်းမှာလှုပ်ရှားတဲ့ ပြည်သူ့စစ်တပ်ဖွဲ့ကိုပို့ဖို့ဖြစ်နိုင်တယ်။ ဒီကုန်သည်တွေ ဟာ ပြည်သူ့စစ်တပ်ဖွဲ့ကိုပိုပြီးကြိုက်တယ်။ ပြည်သူ့စစ်တွေက ပစ္စည်းမှာရင်ဈေးမဆစ်ဘူး။ ငွေကိုဖေါဖေါသီသီသုံးနိုင်တယ်" ဟုလည်း သျှမ်းပြည်အရှေ့ပိုင်းမှ ကုန်သည်တဦးကလည်း ပြောပြသည်။

အသက်( ၄၈ )နှစ်ရှိ ဆဝမ် ကျိုင်ကယောက်ထံမှ ဖမ်းဆီးရမိသော အဆိုပါလက်နက်များတန်ဖိုးမှာ ဘတ်ငွေ ( ၅ ) သန်းခန့် ရှိသည်ဟု ထိုင်းရဲများကပြောသည်။ မြန်မာနယ်စပ် မယ်ဆိုင်မြို့ရှိ ပြောင်းဖူးခြံသို့သယ်ယူရန် မိမိနေအိမ်အတွင်း သိမ်း ဆည်းထားရာတွင် သယ်ဆောင်ခ တစ်ခေါက်လျှင်ဘတ် ၁၀,၀၀၀ ရရှိကြောင်းနှင့် တစ်ခေါက်သာသယ်ယူဖူးကြောင်း ဆဝမ် ကပြောသည်ဟု ထိုင်းရဲများက ပြောပါသည်။