မြန်မာနိုင်ငံ စာစစ်အဖွဲ့၏ ၂၀၁၁-၂၀၁၂ ပညာသင်နှစ် တက္ကသိုလ်ဝင်စာမေးပွဲ အောင်စာရင်း ထုတ်ပြန်ချက်အရ မွန်ပြည်နယ်သည် အောင်ချက်ရာခိုင်နှုန်း အများဆုံးထပ်မံ ရရှိပြန်သဖြင့် လေးနှစ်ဆက်တိုက် အောင်ချက်အကောင်းဆုံးဂုဏ်ကို ထိန်းထားနိုင်လျက်ရှိကြောင်း မြန်မာနိုင်ငံ စာစစ်အဖွဲ့ တာဝန်ရှိသူတစ်ဦးထံမှ စုံစမ်းသိရှိရသည်။ "၂၀၁၁-၂၀၁၂ ပညာသင်နှစ်မှ မွန်ပြည်နယ်က အောင်ချက်အကောင်းဆုံး ပြည်နယ်တစ်ခုဖြစ်တာ မဟုတ်ပါဘူး။ ဒီနှစ်ပါ အပါအဝင် လေးနှစ်ရှိပါပြီ။ မြန်မာနိုင်ငံမှာ ဘဝတစ်ဆစ်ချိုး စာမေးပွဲကြီးလို့ လူတိုင်းသိထားကြတဲ့ တက္ကသိုလ်ဝင်စာမေးပွဲကြီးကို အောင်ချက်ရာခိုင်နှုန်း အကောင်းဆုံးနဲ့ အောင်မြင်ခဲ့တာ ၂၀၀၈-၂၀၀၉ ပညာသင်နှစ်ကစပြီး ၂၀၁၁-၂၀၁၂ ပညာသင်နှစ်အထိ မွန်ပြည်နယ်ပါ" ဟု မြန်မာနိုင်ငံ စာစစ်အဖွဲ့မှ တာဝန်ရှိသူဆရာမကြီးတစ်ဦးက ပြောကြားသွားခဲ့ပါသည်။ ဇွန် ၉ ရက်၌ မြန်မာနိုင်ငံ၏ ပြည်နယ်နှင့် တိုင်းဒေသကြီး အသီးသီးတို့၌ ၂၀၁၁-၂၀၁၂ ပညာသင်နှစ် တက္ကသိုလ်ဝင်စာမေးပွဲ အောင်စာရင်းများအား သက်ဆိုင်ရာ စာစစ်ဌာနများအလိုက် ထုတ်ပြန်ကြေညာခဲ့ရာတွင် မွန်ပြည်နယ်မှ ဖြေဆိုသူ ၁၃ ဒသမ ၇၉၆ ဦးရှိသည့်အနက် ၇၂၀၂ ဦး အောင်မြင်ခဲ့ပြီး အောင်ချက်ရာခိုင်နှုန်း သတ်မှတ်ချက်အရ ၅၂ ဒသမ ၂ ရာခိုင်နှုန်းဖြင့် တစ်နိုင်ငံလုံး အတိုင်းအတာ၌ ပထမရရှိခဲ့သည်။ မွန်ပြည်နယ် ပညာရေးမှူးရုံးသို့ ဆက်သွယ်မေးမြန်းချက်အရ ဂုဏ်ထူးဖြင့် အောင်မြင်သူများမှာ မွန်ပြည်နယ်၌ ၆ ဘာသာဂုဏ်ထူးရှင် ၁၃ ဦး၊ ငါးဘာသာဂုဏ်ထူးရှင် ၂၆ ဦး၊ လေးဘာသာဂုဏ်ထူးရှင် ၁၇၉ ဦး၊ သုံးဘာသာဂုဏ်ထူးရှင် ၂၆၈ ဦး၊ နှစ်ဘာသာဂုဏ်ထူးရှင် ၃၀၈ ဦးနှင့် တစ်ဘာသာဂုဏ်ထူးရှင် ၁၃၈၁ ဦး ရှိကြောင်း စုံစမ်းသိရှိရသည်။ မွန်ပြည်နယ်သည် မြန်မာတစ်နိုင်ငံလုံး၌ လေးနှစ်ဆက်တိုက် တက္ကသိုလ်ဝင်စာမေးပွဲ အောင်မြင်မှုရလာဒ်များအရ ၂၀၀၈-၂၀၀၉ ပညာသင်နှစ်၌ အောင်ချက် ၄၂ ဒသမ ၅၀ ရာခိုင်နှုန်းနှင့် ၂၀၀၉-၂၀၁၀ ပညာသင်နှစ်၌ အောင်ချက် ၄၂ ဒသမ ၈ ရာခိုင်နှုန်း၊ ၂၀၁၀-၂၀၁၁ ပညာသင်နှစ်၌ အောင်ချက် ၄၃ ဒသမ ၃၃ ရာခိုင်နှုန်းနှင့် ၂၀၁၁-၂၀၁၂ ပညာသင်နှစ်အတွက် အောင်ချက်ရာခိုင်နှုန်း ၅၂ ဒသမ ၂ ရာခိုင်နှုန်းထိ အောင်ချက်ကောင်းခဲ့ပြီး မြန်မာတစ်ပြည်လုံး၏ အောင်ချက်အကောင်းဆုံး ပထမအား ရခဲ့ခြင်းဖြစ်သည်။ "ဒီကကျောင်းသား/သူတွေကို ကျောင်းထဲမှာကတည်းကိုက သက်ဆိုင်ရာ ဘာသာတွေရဲ့ အခန်းတစ်ခန်းချင်းဆီကို ကျွမ်းကျင်ကြေညက်မှုရှိ၊ မရှိ သေသေချာချာ ဂရုစိုက်ပြီး မကျွမ်းကျင်သေးတဲ့ ကလေးတွေ၊ စာမလိုက်နိုင်တဲ့ ကလေးတွေကိုလည်း ဖေးဖေးမမနဲ့ စာနားလည်အောင် ကူညီပေးပါတယ်။ ပြီးတော့ စာမေးပွဲကြီးရဲ့ မေးခွန်းပုံစံနဲ့ သူတို့တွေ ရင်းနှီးကျွမ်းဝင်မှု ရှိအောင်လည်း မကြာခဏဆိုသလို မေးခွန်းဟောင်းတွေနဲ့လည်း လေ့ကျင့်ပေးပါတယ်။ ပြီးတော့ ကျောင်းစာသင်ချိန် ပြင်ပအချိန်ပိုတွေ၊ ညကျောင်းတွေ ခေါ်ပြီးတော့လည်း လေ့ကျင့်သင်ကြားပေးတာတွေကို လုပ်ပေးပါတယ်။ ဒီလိုမျိုး ကျွန်မတို့က တတ်နိုင်သလောက် ကူညီသင်ကြားပေးတာ လေ့ကျင့်ပေးတာတွေအပေါ် ကျောင်းသား/သူတွေ အနေနဲ့လည်း မခိုမကပ်နဲ့ ဇွဲရှိရှိကြိုးစားသင်ယူခဲ့လို့ ကျွန်မတို့ပြည်နယ်ဟာ လေးနှစ်ဆက်တိုက် အောင်ချက်အကောင်းဆုံး ဖြစ်နေရတာပါ" ဟု မွန်ပြည်နယ် အမှတ်(၉) အခြေခံပညာ အထက်တန်းကျောင်းမှ အထက်တန်းပြ ဆရာမတစ်ဦးက မွန်ပြည်နယ်၏ အောင်ချက်မြင့်မားရခြင်းအပေါ် သုံးသပ်ပြောကြားသွားခဲ့ကြောင်း ၂၀၁၂ ခုနှစ် ဇွန်လ ၂၆ ရက်နေ့ထုတ် News Watch Weekly ဂျာနယ်တွင် ဖော်ပြထားပါသည်။ "
--
Posted By Richard Aung to Richard Aung at 6/22/2012 11:01:00 PM --
မှော်ဆရာအဖွဲ့ မှ နေ့ စဉ်မေးလ်များ ရယူလိုပါက http://groups.google.com/group/mrsorcerer/subscribe?hl=en ကို နှိပ်ပြီး မန်ဘာဝင်နိုင်ပါသည် ။
မန်ဘာဝင်များ မိမိတို.သိထားသည်များကို မျှဝေလိုပါက mrsorcerer@googlegroups.com သို. မေးလ်ပို.နိုင်ပါသည် ။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး မေးလ်ပို.ပါ ။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en ကို သွားပါ ။
မှော်ဆရာ အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
