7Day News Journal: ဒီမိုကရက်တစ်အလေ့အထများ ကွယ်ပျောက်နေခဲ့သည့် မြန်မာနိုင်ငံအတွက် ပြုပြင်ပြောင်းလဲမှုများက စိန်ခေါ်မှုကြီးဖြစ်ဟု သမ္မတပြောကြား ဆီရမ်ရိ ကမ္ဘောဒီယား-ဇူလိုင်-၁၃ ဒီမိုကရက်တစ် အလေ့အထများ ကွယ်ပျောက်နေခဲ့သည့် မြန်မာနိုင်ငံအတွက် လက်ရှိပြုပြင်ပြောင်းလဲမှုများကစိန်ခေါ်မှုကြီးဖြစ်နေကြောင်း ပြည်ထောင်စုသမ္မတ မြန်မာနိုင်ငံတော် သမ္မတဦသိန်းစိန်က ကမ္ဘောဒီးယားနိုင်ငံ ဆီရမ်ရိတွင် ပြုလုပ်သည့် အမေရိကန်-အာဆီယံ စီးပွားရေးဖိုရမ်တွင် ပြောကြားသည့် မိန့်ခွန်းတွင်ထည့်သွင်းပြောကြားသွားသည်။ အစိုးရသစ် တက်ပြီးချိန်တွင် ပြုပြင်ပြောင်းလဲမှု သုံးရပ်ကို တစ်ပြိုင်တည်းဖော်ဆောင်လျက်ရှိကြောင်း၊ပထမ အပြောင်းလဲမှုအနေဖြင့် ရာစုနှစ်ဝက်ခန့် ကျင်သုံးခဲ့သည့် ဗဟိုဦးစီးအုပ်ချုပ်မှု စနစ်အောက်ကရုန်းထွက်ကာ ရင့်ကျက်ခိုင်မာသည့် ဒီမိုကရေစီစနစ်ကို ကူးပြောင်းနေခြင်းဖြစ်ကြောင်း သမ္မတက ပြောကြားခဲ့သည်။ အခြေခံအဆောက်အဦများ အားနည်းခဲ့သည့် မြန်မာနိုင်ငံတွင် ဖွဲ့စည်းပုံအခြေခံဥပဒေအသစ်၊ လွှတ်တော်အသစ်အပြင် တရားစီရင်ရေးကဏ္ဍကိုပါ ပြုပြင်ပြောင်းလဲရန် လိုအပ်နေဦးမည်ဖြစ်ပြီး ခေတ်သစ်၊ စနစ်သစ်နှင့် ကိုက်ညီခြင်းမရှိတော့သည့် ဥပဒေများအားလည်း ဖျက်သိမ်းခြင်း၊ ပြင်ဆင်ပြဋ္ဌာန်းခြင်းများကိုလည်း ဆောင်ရွက်လျက်ရှိကြောင်း သမ္မတဦးသိန်းစ်ိန်က ပြောကြားခဲ့သည်။ ထို့အပြင် နှစ်ပေါင်းများစွာ ခေါက်ရိုးကျိုးနေသည့် ဗျူရိုကရေစီစနစ်နှင့် အစိုးရ၀န်ထမ်းများ၏ စိတ်ထားများကိုလည်း ပြုပြင်ပြောင်းလဲရမည်ဖြစ်ကြောင်း ပြောကြားသွားသည်။ အင်န်အယ်လ်ဒီ ခေါင်းဆောင်ဒေါ်အောင်ဆန်းစုကြည်ကိုလည်း ရင်းနှီးပွင့်လင်းစွာ တွေ့ဆုံခဲ့ပြီး မတူညီမှုများဘေးဖယ်ကာ တူညီမှုများကိုလက်တွဲလုပ်ကိုင်ရန် ဖိတ်ခေါ်ခဲ့သဖြင့် ဒေါ်အောင်ဆန်းစုကြည်လည်း လွှတ်တော်တွင်း ရောက်ရှိနေပြီဖြစ်ကြောင်း တိုင်းရင်းသား ခေါင်းဆောင်များ၊ နိုင်ငံရေးပါတီခေါင်းဆောင်များ၊ စီးပွားရေးလုပ်ငန်းရှင်များ၊ အရပ်ဘက် လူ့အဖွဲ့အစည်းများမှ ခေါင်းဆောင်များ၊ ပြည်တွင်း ပြည်ပ ပညာရှင်များ၊ စာပေ၊ စာနယ်ဇင်းသမားများ၊ ကဏ္ဍမျိုးစုံမှ လူပေါင်းများစွာနှင့် တွေ့ဆုံညှိနှိုင်းမှုများ ပြုလုပ်ကာ လက်တွဲခေါ်ဆောင်ခဲ့ကြောင်း သမ္မတက ပြောကြားသွားသည်။ နိုင်ငံရေး အကျဉ်းသားများ လွှတ်ပေးခြင်း၊ သတင်းဆက်သွယ်ရေး နည်းပညာများ ပွင့်လင်းစွာ အသုံးပြုနိုင်ရန် ဆောင်ရွက်ပေးခြင်း၊ ထိန်းချုပ်ကန့်သတ်မှုများကို ပယ်ဖျက်ပေးခြင်း၊ ပြည်ပရောက်နိုင်ငံသားများ ပြန်လာနိုင်ရန် ဖိတ်ခေါ်ပေးခြင်း၊ စာပေထုတ်ဝေရေး လုပ်ငန်းစဉ်များ အဆင့်ဆင့် လျှော့ချပေးခြင်းများ ဆောင်ရွက်ပေးခဲ့ပြီး မကြာခင်ကာလတွင်လည်း လွတ်လပ်ပွင့်လင်းသည့် မီဒီယာဖြစ်လာစေရန် ဥပဒေနှင့်အညီ လုပ်ဆောင်ပေးရန် ကတိက၀တ် ပြုထားပြီးဖြစ်ကြောင်းလည်း သမ္မတက ပြောကြားခဲ့သည်။ ထို့အပြင် ဆယ်စုနှစ်ပေါင်းများစွာ ခွင့်ပြုခြင်း မရှိခဲ့သည့် အလုပ်သမားအစည်းအရုံး၊ လူမှုရေးအဖွဲ့အစည်းများ၊ နိုင်ငံရေးပါတီများ ဖွဲ့စည်းခွင့်နှင့် လွတ်လပ်စွာစုဝေးခွင့်၊ ငြိမ်းချမ်းစွာ ဆန္ဒဖော်ထုတ်ခွင့်များအတွက် ဥပဒေများကိုလည်း ပြဋ္ဌာန်းပေးခဲ့ပြီးဖြစ်သည်ဟု ပြောကြားသွားသည်။ ဒုတိယပြုပြင်ပြောင်းလဲမှုအနေဖြင့် နှစ်ပေါင်း ၆၀ ကျော်ကြာမြင့်ခဲ့သည့် တိုင်းရင်းသား လက်နက်ကိုင် ပဋိပက္ခများကိုလည်း ပြီးခဲ့သည့် တစ်နှစ်အတွင်း ပုံစံသစ်၊ ဒိုင်ယာလော့အစစ်အမှန်ဖြင့် စေ့စပ်ညှိနှိုင်းခဲ့သဖြင့် တိုင်းရင်းသား လက်နက်ကိုင် ၁၀ ဖွဲ့နှင့် အပစ်အခတ်ရပ်စဲရေး သဘောတူညီမှုရရှိခဲ့ပြီး၊ အေအိုင်အို၊ ကေအိုင်အေနှင့်လည်း မကြာမီကာလတွင် ငြိမ်းချမ်းရေးအောင်မြင်မည်ဟု မျှော်လင့်ကြောင်း သမ္မတက ပြောကြားခဲ့သည်။ တတိယအနေဖြင့် စီးပွားရေးပြုပြင်ပြောင်းလဲမှုများစွာကိုလည်း ပြုလုပ်လျက်ရှိပြီး ထိုသို့ပြုပြင်ပြောင်းလဲမှုများ ဆောင်ရွက်နေချိန်တွင် စိန်ခေါ်မှုများ များစွာရင်ဆိုင်ရပြီး အောင်မြင်မှုရရှိရန် အထူးကြိုးစားရကြောင်း ပြောကြားသွားခဲ့သည်။ ယခုကဲ့သို့ ဒီမိုကရေစီ နိုင်ငံသစ်ကို တည်ဆောက်နေချိန်တွင် ပိတ်ဆို့အရေးယူမှုများက ကန့်သတ်ထားဆဲဖြစ်သဖြင့် အခက်အခဲများစွာ ကြုံတွေ့ရကြောင်း ပြောကြားခဲ့သည်။ သမ္မတ၏ မိန့်ခွန်းနိဂုံးချုပ်တွင် မြန်မာနိုင်ငံသည် နှစ်ပေါင်း ၆၀ ကျော် အထီးကျန်ပြီး ဖွံ့ဖြိုးမှုနောက်ကျခဲ့ရကြောင်းနှင့် အာရှတွင် မိတ်ဆွေနိုင်ငံများက အလေးထား အသိအမှတ်ပြုခံရမည့် ဖွံ့ဖြိုးတိုးတက်သည့် ဒီမိုကရေစီနိုင်ငံဖြစ်ရန် အစွမ်းကုန် ကြိုးစားသွားမည်ဖြစ်ကြောင်း ကတိပေးပြောကြားသွားခဲ့သည်။ (Sent via Seesmic http://www.seesmic.com)
--
Posted By Richard Aung to Richard Aung at 7/14/2012 02:04:00 PM --
ဤ Email (သို့မဟုတ်) ဤ Post သည် Myanmar Daily Mail Group မှ ဖြစ်သည်။ Myanmar Daily Mail ၏ Group စာမျက်နှာမှာ http://groups.google.com/group/mayanmardailymail ဖြစ်ပြီး Blog စာမျက်နှာမှာ http://myanmardailymail.blogspot.com/ ဖြစ်သည်။ ယင်းစာမျက်နှာများသည် အများပိုင် စာမျက်နှာများဖြစ်ပြီး mayanmardailymail@googlegroups.com သို့ လိပ်မူ၍ Email ပို့လိုက်သည်နှင့် Group စာမျက်နှာနှင့် Blog စာမျက်နှာ နှစ်ခုလုံးတွင် တပြိုင်နက်တည်း Post တင်ပြီးသားဖြစ်အောင် စီမံထားသည်။
ထို့ကြောင့် Post တင်ရာတွင် (သို့မဟုတ်) Email ပို့ရတွင် မလိုအပ်သည့် စာသားများ၊ မလိုအပ်သည့် Email များနှင့် တစ်ဦးချင်းဖြင့်သာ သက်ဆိုင်သည့် ဆွေးနွေးချင်းများကို ရှောင်ရှားဖယ်ထုတ်ပြီးမှ ပို့စေလိုပါသည်။
Myanmar Daily Mail Group တွင် Member ဝင်လိုပါက mayanmardailymail+subscribe@googlegroups.com သို့ Email ပို့ကာ အသင်းဝင်နိုင်ပြီး Member အဖြစ်မှ နုတ်ထွက်လိုပါက mayanmardailymail+unsubscribe@googlegroups.com သို့ Email ပို့၍နှုတ်ထွက်နိုင်သည်။
