သျှမ်းသံတော်ဆင့်

ဝ တပ်ဖွဲ့လမ်းဖောက်လုပ်မှု တရုတ်ယွမ်ငွေဘီလီယံချီကုန်ကျ

Posted: 29 Aug 2012 02:39 AM PDT

သျှမ်းပြည်မြောက်ပိုင်း ဝ ပြည်သွေးစည်းရေးတပ်မတော်မှပြုပြင်ဖောက်လုပ်နေသော မြို့တော်ပန်ဆန်းမှ နမ့်တစ်၊ မိုင်းမော၊ မန်းဆိုင်လမ်း လာမည့် နှစ်ပွင့်လင်းရာသီအပြီးဖောက်လုပ်ရန်ရှိပြီး တရုတ်ယွမ်ငွေ သန်းပေါင်း ထောင်နှင့်ချီကုန်ကျ ထားပြီဖြစ် ကြောင်း အရာရှိများအသိုင်းအဝိုင်းကပြောသည်။

ဝ ပြည်သွေးစည်းရေးတပ်မတော်မှပြုပြင်ဖောက်လုပ်နေသောလမ်းပြမြေပုံ

" ကျနော်တို့ ဘက်က လုပ်နေတာ တရုတ်ယွမ်ငွေ သန်းပေါင်းထောင်ချီ ကုန်နေပြီ။ မြို့တော်ပန်ဆန်းကနေ နမ့်တစ် -မိုင်းမော- မန်းဆိုင် -ပန်ဆန်း၊ပန်ဆန်း -မိုင်းပေါက်-ဟိုတောင်း လမ်းတွေပေါ့။ တချို့နေရာလဲပြင်တယ်တချို့နေရာလဲ ဖောက်တယ်။ ဒီလလယ် ပိုင်းကရောက်လာတဲ့ အစိုးရရဲ့ နတလ ဝန်ကြီးနဲ့အဖွဲ့က ဒီလမ်းဖောက်လုပ်ရေးမှာ အနည်းအကျဉ်း ကူညီသွားတယ်။ ကျပ် သိန်း ၄၀၀၀ လောက်ပေါ့" ဟု ဝ ပြည်သွေးစည်းရေးတပ်မတော်မှ အရာရှိတဦးက သျှမ်းသံတော်ဆင့် အားပြောပြ သည်။

ယနေ့ငွေလဲနှုန်းအရ တရုတ်ယွမ်ငွေ သန်းပေါင်း တစ်ထောင်သည် အမေရိကန်ဒေါ်လာ သန်း ၁၅၇ နှင့်ကိုက်ညီသည်။ မြန်မာအစိုးရမှ လမ်းဖောက်လုပ်ရေးအတွက်ထောက်ပံ့သော ကျပ်သိန်းပေါင်း ၄၀၀၀ သည် အမေရိကန်ငွေ ဒေါ်လာ ၄ သန်း၊ တရုတ်ယွမ်ငွေ ၂၄ သန်းဝန်းကျင် နှင့်ညီမျှပါသည်။

၎င်းနှင့်ဆက်စပ်၍ ယခုလ ၂၈ ရက်ထုတ် မြန်မာ့အလင်းသတင်းစာပါ ဆုံဖူးရေအားလျှပ်စစ် ထုတ်လုပ်ရေးမှ လျှပ်စစ် ဓါတ်အားများကို ပန်ဆန်း-ဝိန်းကောဝ်-မန်းဆိုင်သို့ဖြန့်ဖြူးပေးသည်ဟူသည့် ကိစ္စကိုလည်း သျှမ်းသံတော်ဆင့် ကမေးမြန်း ရာတွင် အဆိုပါအရာရှိက- အော် ဒီရေအားလျှပ်စစ် ထုတ်လုပ်ရေးစက်ကလည်း ကျနော်တို့ ဝ တပ်ဖွဲ့လုပ်ထား တဲ့ဟာဘဲ။ အရင့်အရင်ကတည်းက လျှပ်စစ်ဓါတ်အားကို ဖြန့်ဝေပေးနေတာဘဲ ။ သူတို့လာလည်ရုံသက်သက်ပါ- ဟု ဆိုပါသည်။

အဆိုပါ သတင်းစာတွင် နတလ ဝန်ကြီးက ဝ အထူးဒေသ ၂ အတွက် ထောက်ပံ့ငွေ ကျပ်သိန်း ၃၀၀ နှင့် ဆန်ဖိုးအတွက် ကျပ်သိန်း ၆၆၀ ထပ်မံ ထောက်ပံ့ပေးသည်ဟုလည်းပါရှိ သည်။

ဂျွန်လကလည်း UWSA ဝ ပြည်သွေးစည်းညီညွတ်ရေးတပ်မတော် သည် မြောက်ကိုးရီးယားနိုင်ငံမှ သေနတ်မျိုးစုံ ကွန်တိန်နာ ၄၂ လုံးထက်မနည်းဝယ်ယူခဲ့သည်ဟုသတင်းများထွက်ပေါ်ခဲ့သည်။

လယ်ဆင်းချိန်၌ လယ်သမားများ တောရှင်းလုပ်အားပေးခိုင်းခံရ

Posted: 29 Aug 2012 02:38 AM PDT

သျှမ်းပြည်တောင်ပိုင်း လဲချားမြို့အခြေစိုက် ဝမ့်ပန်ဌာနေပြည်သူစစ်တပ်ဖွဲ့က ရွာသားများ လယ်ဆင်း ချိန်၌ လုပ်အားပေးခိုင်းစေနေသဖြင့် အခက်တွေ့နေကြောင်း ဒေသခံများကပြောသည်။

" လယ်ဆင်းချိန်ဗျာ။ ပေါင်းပင်တွေနှုတ်ချိန်တန်နေပြီ။ သူတို့လျှောက်မယ့်လမ်းကို အရင်ရှင်းပေးပါ။ ၅ ရက်အတွင်းလုပ်ပေးပါဆိုလို့ ကျနော်တို့လဲ လက်နက်ကိုင်တဲ့လူုကိုဘယ် တုန့်ပြန်ရဲမလဲဗျာ။ နှစ်တိုင်း ဒီလမ်းတလျှောက်ကို ရှင်းပေးရတယ်။ ဒီနှစ်တော့ အစိုးရသစ်လက်ထက်ဆို လွှတ်များလွှတ် မလားလို့" ဝမ့်ပန်ဒေသခံ တဦးကပြောသည်။

သျှမ်းပြည်တပ်မတော်မှခွဲထွက်ကာ ၂၀၀၆ က အစိုးရထံလက်နက်ချသည့် တပ်မဟာ ၇၅၈ သည် ဌာနပြည်သူ့စစ်အဖြစ်ပြောင်းလဲကာ လဲချားမြို့ ဝမ့်ပန်နှင့်နမ့်ဟူးဖရားထမ့်တို့တွင် စခန်းချလျက်ရှိ သည်။

" ကားလမ်းမကနေ သူတို့တပ်စခန်းအသွားလမ်းဘေးနှစ်ဘက်နှစ်ချက်မှာ ခြုံတွေရှင်းခိုင်းတယ်လေ။ တောပြုန်းတာဘဲအဖတ်တင်တယ်" ဟု ၎င်းကဆက်လက်ပြောပြသည်။

ဒေသခံလူထုအား နှစ်စဉ်နှစ်တိုင်း ခြုံနွယ်များရှင်းခိုင်းခြင်း၊ သဲတင်ခြင်း အစ ရှိလုပ်အားပေးများခိုင်းစေ လျက်ရှိသည်။

" ခြုံတော့ရှင်းပေးပြီးပြီး အခု သဲတွေတင်ပေးဖို့ထော်လာဂျီတွေကိုစရင်းကောက်နေတယ်။ လယ်ဆင်း ချိန် မဟုတ်ရင်တော့ ကျနော်တို့အတွက်ပြဿနာမရှိပါဘူး။ ခုဟာက လယ်ဆင်းချိန်ဖြစ်နေတော့ ကျနော်တို့ဝမ်းရေးအတွက် ဘယ်ချိန်အလုပ်လုပ်ရတော့မလဲဗျာ" ဟု လဲချားရောက် ဝမ့်ပန်ဒေသခံက ဆက်လက်ပြောပြသည်။

လုပ်အားပေးခိုင်းစေခြင်းခံနေရသော ရွာများမှာ ဝမ့်စယ့်အုပ်စု၊ ဝမ့်ဆန်းအုပ်စု၊ ဝမ့်ထီအုပ်စု၊ ဝမ့်ဟိုင့်အုပ်စု၊ ဝမ့်လေအုပ်စုနှင့် ကတ်မောက် အုပ်စုတို့ဖြစ်သည်ဟု ဆိုပါသည်။