သျှမ်းသံတော်ဆင့်

သျှမ်းသံတော်ဆင့်

ဆက်သွယ်ရေးမှ တာဝန်ရှိလူကြီးမင်းများ စုံစမ်းဖြေရှင်းပေးစေလို

Posted: 11 Sep 2012 08:54 AM PDT

သို့- သျှမ်းသံတော်ဆင့်

လင်းခေးဆက်သွယ်ရေးမှ ခရိုင်တာဝန်ခံ ဦးစိုင်းလှဖေနှင့်ဇနီး စာတိုက်မှူး ဒေါ်နု တို့သည် ယခု ထုတ်ပေး လျှက်ရှိသော CDMA 450 MHz sim card များအား ၄င်းတို့ စက်သွယ်ရေးရုံးဌာနတွင် ထုတ်ဝေပေးခြင်း မရှိပဲ ၄င်းတို့နေအိမ်တွင်ပင် လျှောက်လွှာများခေါ်ယူပြီး ကဒ်များထုတ်ဝေပေးနေ ပါသည်။ ထို့ပြင် ၄င်းဖုန်းကဒ်များအား အစိုးရရောင်းဈေး ကျပ် ၂၀၀၀၀၀ အပြင် အပိုငွေများတောင်းယူ နေပါ သည်။ ထို့အပြင် ထိုဖုန်းဒ်များသည် လင်းခေးမြိုကသူမြို့သားများအတွက် ထုတ်ပေးခြင်းဖြစ် သော်လည်း ၄င်းတို့ လင်မယားနှစ်ယောက်မှာ မိုင်းပန်မြို့သို့ ကျပ် ၂၅၀၀၀၀ ဖြင့်သွားရောက်ရောင်းချနေပါသည်။ ဖုန်းကဒ်များထုတ်ပေးရာတွင်လည်း ၄င်းတို့နေအိမ်တွင်သာ ထုတ်ပေးနေပါသည်။

တချို့ မြို့သူမြို့သားများမှာ ဖုန်းကဒ်များ ရောင်းချပေးနေသည်ကိုပင်မသိကြပါ။ အော်တိုဖုန်းများ ဖုန်းဘီလ်ဆောင်ရာတွင်လဲ ၄င်းတို့နေအိမ်တွင်သာ ဖုန်းဘီလ်သွားဆောင်ရပါသည်။ ရုံးချိန်တွင်လဲ အိမ် တွင်သာပေးဆောင်ရပါသည်။ ဖုန်းသွားလျှောက်လျှင်လဲ form ပြည့်ပြီဟုသာ ပြောပါသည်။ ဖုန်းလျှောက် လွှာများအားလည်း တရားဝင်ခေါ်ဆိုခြင်းမရှိပဲ နီးစပ်ရာသူများကိုသာ ရောင်းချပေး နေပါသည်။ လင်းခေးပြည်သူများအား ဖုန်းအလုံး ၆၇၀ ကျော်ထုတ်ပေးသည်ဟု သတင်းထွက်နေသော်လည်း လင်းခေးမြို့သူမြို့သားများလက်ထဲတွင် ဖုန်းအလုံး ၅၀၀ ပင်မပြည့်ပါ။ ယခုကိစ္စ အား ဆက်သွယ်ရေးမှ တာဝန်ရှိလူကြီးမင်းများ စုံစမ်းဖြေရှင်းပေးစေလိုပါသည်။

လင်းခေးမြို့စောင့်နတ်မင်း

ရေဦးမြို့ လူထုကိုဒုက္ခပေးနေသော သွေးစုပ်ဖုတ်ကောင်ကိုရှင်းပေးစေလို

Posted: 11 Sep 2012 08:54 AM PDT

သို့- သျှမ်းသံတော်ဆင့်

စစ်ကိုင်းတိုင်းဒေသကြီး ၊ ရေဦးမြို့မှာ ၀န်ကြီးချုပ်ဦးသာအေး ရဲ့တပည့်ဟု ကြွေးကြော် ထားသော ဇော်ဦးဆိုသူမှာရဲမြို့နယ်မှုး ချစ်သိန်းနှင့်ပေါင်းကာ တမြို့လုံးတနယ်လုံးကို ဆပ်ကြေးကောက် ၊ ငွေတောင်းစား ဒုက္ခပေးလျှက်ရှိပါသည် ။

စားစရာမရှိလို့ အရက်ပုန်းလေးရောင်းမိပြန်ရင် လည်း ဇော်ဦးက ရန်လုပ် ငွေတောင်းပါသည် ။ ရဲစခန်းမှူး ၊ မြို့နယ်မှူးအိမ် သွပ်မိုးရန်ဆိုပြီး အသုပ်ဆိုင် လေးများကိုတောင်မချန် ငွေတောင်းသဖြင့်
လစဉ်ငွေပေးနေရပါသည် ။

ကျောင်းဆရာမလေးများ အပြောင်းအရွှေ့လုပ်ချင်ရင် ဦးသာအေးဆီကို ပြောပေးမည်ဟုဆိုကာ ငွေ ၅ သိန်း တောင်းပါသည်။ ငွေသာကုန်သွားပါသည်ဘယ်မှ ပြောင်းမရပါ ။

အရက်ဆိုင်များကိုလည်း မိုက်ကြေးခွဲ ငွေတောင်းပါသည် ။ငွေမပေးသော အရက်ဆိုင် ဆိုလျှင် ရဲ ကို ဖမ်းခိုင်းပါသည် ။ ဒုရဲအုပ်က ဖမ်းလာသောအခါ ဇော်ဦးက ငွေတောင်းပြီး ပြန်လွှတ်ခိုင်းပါသည် ။ ငွေမပေးနိုင်လျှင် တရားရုံးတင်ပါသည် ။ တရားရုံးမှ ဒဏ်ငွေရိုက်လျှင်ဇော်ဦးကတရားသူကြီး လာဘ်စား တာ ဟုဆိုကာ တိုင်စာပစ်စာ လုပ်ပါသေးသည်။ တရားရုံးကလဲ ဇော်ဦးကို ကြောက်နေရပါသည်။ ထိုသို့ ၀န်ကြီးချုပ် နှင့် ခြိမ်းခြောက်နေသဖြင့် ကျောင်းဆရာ/မ များ ၊ ရဲများ ၊ ပညာရေးမှူး ၊
မြို့နယ် အုပ် ချုပ် ရေး မှူး ၊ စားသောက်ဆိုင်များ ၊ ဆင်းရဲသားများ ကြောက်ပြီး ဇော်ဦး ကိုငွေပေးနေရ ပါသည် ။ ငွေမပေးနိုင်သော ၀န်ထမ်းများ ၊ ဈေးဆိုင်များသည် ဇော်ဦး ၏ တိုင်စာကြောင့် ဒုက္ခ ရောက်ရပါသည်။

တန့်ဆည်မှ သစ်မှောင်ခိုကားမိရာ ဗိုလ်ချုပ်သာအေးကို သွားကန်တော့ရန်ဟုဆိုကာ ဇော်ဦးက သိန်း ၁၀၀ ဖိုးတောင်းယူခဲ့သည်။ သို့သော် သစ်မှောင်ခိုပိုင်ရှင်မှာ ထောင်ကျ ရပါသည်။ ငွေလဲ ဆုံးပါသည် ။ ရေဦးမှကားတိုက်မှုတွင်လည်း သိန်း၂၀၀ တောင်းကာ ဦးသာအေး သို့အမှုပွဲစားလုပ် လာဘ်ထိုးသဖြင့် တရားခံအမှုမှလွတ်သွားပါသည် ။ ရေဦးမြို့မှ သစ်မှောင်ခို သမား ဦးမင်းအောင် ၏ သစ်သားများကို လေးထပ်ကြီးဘုန်းကြီးကျောင်းတွင် သွားထားကာ ကျောင်းဆောက်မည့် သစ်ဟု လိမ်လည်ကာ သစ် မှောင်ခိုရောင်းစားနေပါသည် ။

ဇော်ဦးသည် ရဲမြို့နယ်မှူးနှင့်ပေါင်း၍ ရေဦးမြို့နယ်တွင် ရွှေကျင်စားသည့် ဆင်းရဲသားရွာတရွာ သို့ဝင် ရောက်ကာ အဘသာအေးအတွက် ရန်ပုံငွေဟုဆိုကာ ဆက်ကြေးငွေ သိန်းပေါင်းများစွာ တောင်းစား နေပါ သည်။ ယခုအခါ အဘသာအေးကဖမ်းခိုင်းသည်ဟုဆိုကာ ထိုရွာမှရွာသား တစ်ရာခန့်ကို ဖမ်းဆီး ပြီး ရေဦးတရားရုံး ပို့ထားပါသည်။ ထိုအခါ ထောင်မကျအောင် အဘသာအေးထံ ပြောပေးမည်ဟု ဆိုပြန်ကာ ရွှေတွင်းတရားခံများ ထံ ငွေသိန်းပေါင်းများစွာတောင်းယူနေပြန်ပါသည်။

ဇော်ဦးသည် အရက်ရောင်းပါသည်။ သူ့ဆိုင်မှ ယူသော ဖောက်သည်များကို ရဲမှ ဖမ်း
လျှင် ရဲကိုရန်လုပ်ကာ ပြန်လွှတ်ခိုင်းပါသည် ။ ဒီချုပ် ရန်ပုံငွေပွဲတွင်လည်း ဇော်ဦးမှ ဆိုင်ကယ်ပိတ်ရပ် ရန်လုပ် သဖြင့် ဈေးရောင်းပွဲ ပျက်ခဲ့ ရပါသေးသည် ။ ဘယ်ရဲမှမဖမ်းရဲပါ ။ ဇော်ဦးသည် သူတောင်းသည့်ငွေပေးလျှင်ပေးမပေးလျှင် ဦးသာအေးလက်မှတ်ထိုးပေးထားသော သတင်းပေးကဒ်ကို ထုတ်ပြကာ ဒုက္ခပေးပါသည်။ ဇော်ဦးမှ တိုင်စာပစ်စာလုပ်ပြီး ငွေတောင်းခံရသူများမှာ-ကျောင်းအုပ်ကြီး ပညာရေးမှူး ၊ မြို့နယ်အုပ်ချုပ်ရေးမှူး ၊တရားသူကြီး ၊ ရဲများ ၊ စားသောက်ဆိုင်များ ၊ ဈေးဆိုင်များ စသည်တို့ဖြစ်သည်။ ရေဦး တန့်ဆည် ဒီပဲယင်း ခင်ဦး မြို့နယ်များမှ ၀န်ထမ်းများအား ခေါ်ယူ စစ်ဆေး ကြည့်ပါက ဇော်ဦးမတရား ငွေတောင်းခံနေမှုများပေါ်ပေါက်လာ ပါမည် ။ ထိုငွေများကိုဗိုလ်ချုပ် သာအေးအား ပေးရကြောင်း ဇော်ဦးက သတင်းဖြန့်ပါသည် ။

အဘသာအေးနဲ့ဖားကန့်မှာ ပေါင်းသင်းလာခဲ့တာဆိုပြီး ဇော်ဦးကပြောပါသည်။
(မှတ်ချက် - ငွေလိမ်တောင်းခံရသောဆရာမများမှာ)
(၁) ဒေါ်ခင်လေးသန့်
(၂) မငြိမ်းငြိမ်းဆွေ (တင်းတိန်ရံ အုပ်စု မိတ္တီလာကျေးရွှာ )
(၃) ရွှေပြည်စိုး စားသောက်ဆိုင်မှ ဆရာမတစ်ဦး
(၄) ချမ်းသာဦး ဘုန်းကြီးကျောင်း မျက်နှာချင်းဆိုင် လက်ဘက်ရည်ဆိုင်မှ ဆရာမလေးတစ်ဦး
(၅) ဆရာမ ပင်စင်စား ဒေါ်ခင်ထွေးမြင့်၏ သမီးဆရာမလေးတစ်ဦး
(၆) အခြား ဆရာ/မ များစွာ

ထိုဆရာမလေးများကို ဘယ်ကျောင်းကိုမှ ပြောင်းရွှေ့ မပေးနိုင်ပါ ။ ဗိုလ်ချုပ်သာအေးကိုပေးရမည်ဆို၍ ငွေတိုးနှင့်ယူပြီး အတိုး တရာလျှင် ၂၀ ကျပ်နှုန်းနှင့် ယူပြီး ငါးသိန်းကျပ် ၁၀သိန်းကျပ် ဇော်ဦးထံပေးရပါသည်။ ဇော်ဦးထံ ပြန်တောင်းသောအခါ မပေးနိုင်ကြောင်း အဘသာအေး ထံ ပေးပြီးဖြစ်ကြောင်း၊ ငွေပြန်တောင်းပါက အလုပ်ဖြုတ်ထောင်ချမည်ဖြစ်ကြောင်း ဇော်ဦးက ကြိမ်းသဖြင့် ဆရာမများ ကြောက်နေကြပါသည် ။

ရေဦးမြို့မှ ဒုက္ခသည်များ ကိုယ်စား
INFO NET ဝိုင်းတော်သားများ

ကုမ္မဏီထံမှရသည့်လျော်ကြေးအပေါ် မြို့နယ်ထွေအုပ်ကဖြတ်ယူ လယ်သမားများအခက်တွေ့

Posted: 11 Sep 2012 08:53 AM PDT

သျှမ်းပြည်အရှေ့ပိုင်းတာလေမြို့နယ်ခွဲတွင် သတ္တု၊ ရွှေတူးဖော်ရေးကုမ္မဏီက လယ်သမားများထံပေးလျော်ငွေများအပေါ် မြို့နယ်ထွေအုပ်ရုံးက ဖြတ်ယူလိုက်သည်ဟု တာချီလိတ်ရောက်လယ်သမား များက စွပ်စွဲလိုက်ပါသည်။

"ကျနော်တို့ဆီမှာ ရွှေတူးနေတဲ့ ဆိုင်တစ်ကုမ္မဏီနဲ့ လွယ်ခမ်းလုံ ကုမ္မဏီတို့ကနေ လျော်ကြေးပေးတာ။ ဩဂတ်စ်လ ၂၁ ရက် ကလျော်ကြေးပေးလာတယ်။ ၂၄ ရက်နေ့မှာ ကျနော်တို့ရဲ့အုပ်စုဥက္ကဌ လုံးဆိုင်လီကိုခေါ်ပြီးတော့ ရတဲ့ငွေထဲက ဘတ်ငွေ ၄ သောင်း တောင်းတယ်။ ရုံးရံပုံငွေအတွက်တဲ့။ ကျနော်တို့ဒုက္ခရောက် နေတာကို ခေါင်းပုံဖြတ်စားရက်တယ်ဗျာ" ဟု တာလေ မြို့နယ်ခွဲမှ ဒေသခံလုံးခမ်းကသျှမ်းသံတော်ဆင့်အား ပြောသည်။

အဆိုပါဒေသ၌ သတ္တုနှင့် ရွှေတူးဖော်ရေးမှ ရေညစ်များ လူထု၏လယ်ယာခြံမြေများထဲသို့ စီးဝင်သဖြင့် လုပ်ကိုင်စား သောက် နိုင်ခြင်းမရှိ။ သုံးရေခက်၊ စပါးခင်းပျက်ကာ ၀မ်းရေးအတွက်ပါ အခက်အခဲဖြစ်နေသဖြင့် မြို့နယ်အာဏာပိုင်များနှင့် တာချီလိတ်ရှိ ကျားဖြူပါတီရုံးသို့ ကူညီဆောင်ရွက်ပေးရန် ဒေသခံများက တောင်းဆိုထားသည်ဟုဆို၏။ မြို့နယ်ခွဲတခုလုံး ဆုံးရှုံးသည့်လယ်ယာမြေဧကပေါင်းအတိအကျ မသိရသော်လည်း မိုင်းလင်းအနောက်အုပ်စုရှိ နားဟိုင်းလုံရွာ၏ လယ်မြေ ဧက ပေါင်း ၆၉.၅ ဧကကိုကုမ္မဏီက ပေးလျော်ရာမှ မြို့နယ်ခွဲထွေအုပ်ရုံးက တောင်းယူခဲ့ခြင်းဖြစ်ကြောင်း ၎င်းကပြောသည်။

လျော်ကြေးပေးပုံမှာ လယ်တဧကအတွက် စပါးအထမ်းပေါင်း ၅၀ ပေးကြောင်း၊ အဆိုပါ ၅၀ ထမ်းအား တထမ်းလျှင် အလေး ချိန် ၂၀ ကီလိုဂရမ်သတ်မှတ်၍ ထိုင်းဘတ်ငွေ ၁၀ ဘတ်ဈေးဖြင့်တွက်၍ပေးလျော်ရာ လယ်တဧကအတွက်ဘတ်ငွေ ၁၀,၀၀၀ (တစ်သောင်း) ရရှိကြောင်း၊ နားဟိုင်းလုံရွာက လယ်မြေဧက ၆၉.၅ အတွက် ထိုင်းဘတ်ငွေ ၆၉၅,၀၀၀ ရရှိကြောင်း၊ တာလေမြို့နယ်ခွဲထွေအုပ်ရုံးက ထိုအနက် ဘတ်ငွေ ၄၀၀၀၀ (လေးသောင်း)ကို ချိုးယူထားလိုက်ကြောင်း နားဟိုင်းလုံ ရွာသား တဦးကလည်းပြောသည်။

" ဒါ့အပြင် သူ့ကိုယ်သူ ကျားဖြူပါတီဝင်ဆိုပြီးတော့ လဲချားကနေ ဒီနားဟိုင်းလုံမှာအိမ်ထောင်ကျတဲ့ စိုင်းခမ်း ဆိုတဲ့လူကလဲ နောက်ထပ် ဘတ်ငွေ ၁ သောင်း ၅ ထောင်ထပ်ချိုးယူလိုက်သေးတယ်။ ကျနော်တို့ အကူအညီ တောင်းတုန်းကတော့ တာချီ လိတ်က ကျားဖြူရုံးကိုအကူအညီတောင်းတာမှန်ပေမယ့် စိုင်းခမ်းဆိုတဲ့လူက ပိုက်ဆံ ဖြတ်ယူတော့ တာချီလိတ်ကျားဖြူရုံးက ဘာပြေစာ ဘာတောင်းခံစာ လက်မှတ် အမိန့်မှ မပါလာဘူး။ ဆီဖိုး ဆိုပြီးတောင်းသွားတယ်။ အဲတာတကယ်ဘဲ ရုံးကတောင်း ခိုင်းတာလား သို့မဟုတ် သူ့ဟာသူ လာတောင်း တာလားဆိုတာလဲ မသိရဘူး" ဟု ၎င်းက ဆက်လက်ပြောပြသည်။

တာချီလိတ်မြို့နယ်၌ ယခုနှစ်အတွင်း ရွှေဖြူတူးဖော်ရေး ကုမ္မဏီ ၁၅ ခု ရှိပြီဖြစ်ကြောင်း ရွှေဖြူ ရွှေဝါ သတ္တုတွင်းကြောင့် မုံးကိုးကျေးရွာအုပ်စုအပြင် တာလေမြို့ နယ်ခွဲအတွင်းရှိ နားဟိုင်းလုံရွာ၊ နားဟိုင်းနွဲ့ရွာ၊ မိုင်းလင်းကျေးရွာအုပ်စုဝင် နမ့်ခင်းရွာ၊ ပါလျောင်း၊ ကျိန်းလပ်၊ ဒေသခံများ လယ်ယာ စိုက်ပျိုးရေးအတွက် အခက်အခဲကြုံတွေ့နေရ ကြောင်း ဒေသခံများပြောပြချက်အရသိရပါသည်။

ပင်လုံအတိုင်းသွားမည်ဟု ၆၉ နှစ်မြောက်မွေးနေ့၌ ခွန်ထွန်းဦးပြော

Posted: 11 Sep 2012 08:52 AM PDT

စက်တင်္ဘာ ၁၁ ရက် ယနေ့၌ ကျရောက်သော ၆၉ နှစ်မြောက် မွေးနေ့၌ တိုင်းရင်းသားတန်းတူရေး အတွက် ဆက်လက်ကြိုးပမ်းသွားမည်ဟု သျှမ်းတိုင်းရင်းသားများဒီမိုကရေစီအဖွဲ့ချုပ် ဉက္ကဌ ခွန်ထွန်းဦး က ပြောကြားလိုက်ပါသည်။

KTO_and_Nootသျှမ်းတိုင်းရင်းသားများဒီမိုကရေစီအဖွဲ့ချုပ် ဉက္ကဌ ခွန်ထွန်းဦးနှင့် အထွေထွေအတွင်းရေးမှူး စိုင်းညွန့်လွင်( ကော့လီမီဒီယာ)

"အကောင်းဆုံးဖြစ်အောင်ကြိုးစားလုပ်သွားမယ်။ ပြည်ထောင်စုစစ်ကို ကျနော်တို့ကလိုချင်တယ်။ တရား မျှတမှု၊ ကိုယ့်ကြမ္မာ ကိုယ်ဖန်တီးခွင့် ရအောင်လုပ်ဆောင်မယ်။ ပင်လုံစာချုပ် ပါအတိုင်းဆက်လုပ် သွား မယ်။ ကျနော်တို့အပေါ် အစိုးရက ယုံကြည်ဖို့လိုတယ်။ ဒါက နိုင်ငံရေးလေ ကိုယ်ကျိုးအတွက် လုပ်ဒါမှ မဟုတ်တာ၊ ထောင်လဲကျခဲ့ပြီးပြီ၊ ထောင်ကနေထွက်လာဒါ ၅-၆ လ လောက်ဘဲရှိတယ်၊ အလုပ်ပြန်ပေး နေပြီ။ တူတဲ့ဟာတွဲလုပ်မယ်၊ သဘောထားမတူရင်တော့လမ်းခွဲလုပ်ရမှာဘဲ။" - ဟု ခွန်ထွန်းဦးက သျှမ်းသံတော်ဆင့်သို့ပြောပါသည်။

စက်တင်ဘာလ ၉ ရက်နေ့၌ ခွန်ထွန်းဦးကိုယ်တိုင်က- ဆွေမျိုးသားချင်းများ၊ လုပ်ဖော်ကိုင်ဖက်များ၊ မိတ်ဆွေများအားဖိတ်ခေါ်၍ စားသောက်ဆိုင်တခု၌ဧည့်ခံကျွေးမွေးကြောင်း၊ မနက်ပိုင်းတွင်မူ ထောက်ကြံ့ရှိ သျှမ်းဘုန်းကြီးကျောင်း၌ သံဃာတော် အပါး ၁၅၀ နှင့် အာရုဏ် နေ့ဆွမ်းဆက်ကပ် လှူဒါန်းခဲ့ကြောင်း၊ ညနေပိုင်းတွင် စားသောက် ဆိုင်၌ ကံစမ်းမဲပေါင်း ၁၀၀ ကျော်ဖောက်ပေးခဲ့ကြောင်း အဆိုပါလူငယ်က ပြောသည်။

"ဒီနေ့က စက်တင်ဘာ ၁၁ အမေရိကန်နိုင်ငံ World Trade Center အမွှာတိုက် အတိုက်ခံရတဲ့ ၁၁ နှစ်မြောက်နေ့လေ။ ဝမ်းနည်းကြေကွဲစရာနဲ့ကြုံတဲ့နေ့မို့လို့ ဒီနေ့မလုပ်ဘဲနဲ့ ပြီးခဲ့တဲ့ တနင်္ဂနွေနေ့ တုန်းက လုပ်လိုက်တယ်။ ပါတီအနေနဲ့တော့မလုပ်ဘူး။ မွေးနေ့ရှင်အနေနဲ့ ဘဲလုပ်တယ်" - ဟု ဗဟိုရုံးရှိ ပါတီဝင်လူငယ်တဦးက သျှမ်းသံတော်ဆင့်အားပြောပြသည်။

ကံစမ်းမဲဖောက်ရာတွင် ပထမဆုအား မြန်မာ-ဘန်ကောက် one trip ခရီးစဉ်က အမြင့်ဆုံးကံထူးရှင် ဖြစ်ကြောင်း၊ လျှပ်စစ်ရေနွေးအိုး၊ ထမင်းပေါင်းအိုး၊ ကော်ဖီခွက် စသဖြင့် လက်ဆောင်များပါဝင်ကြောင်း မွေးနေ့ရှင်အပါအဝင် တက်ရောက်သူတိုင်းပျော်ရွှင်ကြကြောင်း ပြောပါသည်။

SNLD ဥက္ကဌ စဝ်ခွန်ထွန်းဦးသည် ၁၉၄၃ ခုနှစ် စက်တင်ဘာလ ၁၁ ရက်နေ့သိန္နီမြို့၌မွေးဖွားခဲ့သည်။ ဖခင်စဝ်ကြာဇုံသည် သီပေါစော်ဘွား စဝ်ကြာဆိုင်၏ အစ်ကိုဖြစ်သည်။ တောင်ကြီးမြို့ ကမ္ဘောဇကျောင်းမှ တက္ကသိုလ်ဝင်တန်း ကို ၁၉၆၄ တွင် အောင်မြင်ခဲ့ ပါသည်။ ၁၉၆၅ ရန်ကုန်တက္ကသိုလ်တွင် ဥပဒေဘာ သာရပ်ကို ဒုတိယနှစ်အထိ တက်ရောက်ခဲ့သည်။ ၁၉၆၇မှ ၁၆၇၇ အထိ အင်ဒိုနီးရှားသံရုံးစစ်သံမှူး၏ ကိုယ်ရေးအရာရှိ အဖြစ်တာဝန်ထမ်းဆောင်ခဲ့သည်။ ထို့နောက် ဂျပန်နိုင်ငံမှ OCS ကုမ္ပဏီ၏ မြန်မာနိုင်ငံ ကိုယ်စားလှယ်အဖြစ် တာဝန်ထမ်းဆောင်ခဲ့သည်။

၁၉၈၈ စတင်ဖွဲ့စည်းတည်ထောင်ခဲ့သော သျှမ်းတိုင်းရင်းသားများ ဒီမိုကရေစီအဖွဲ့ချုပ်တွင် အထွေထွေ အတွင်းရေးမှူး အဖြစ် တာဝန် ယူခဲ့ပြီး ၁၉၈၉ တွင် အဖွဲ့ချုပ်ဥက္ကဌအဖြစ် တာဝန်ထမ်းဆောင်ခဲ့သည်။ ၁၉၉၀ ပြည့်မေလ ၂၇ တွင် ကျင်းပခဲ့ သော ပါတီစုံဒီမိုကရေစီ အထွေထွေရွေးကောက်ပွဲတွင် သျှမ်းတိုင်း ရင်းသားများ ဒီမိုကရေစီ အဖွဲ့ချုပ်ကိုဦးဆောင် ၍ သျှမ်းတိုင်းရင်းသားများနေထိုင်သော ဒေသအသီး သီးမှ ၀င်ရောက်ယှဉ်ပြိုင်ခဲ့ပါသည်။ SNLD သည်ပါတီစုံဒီမိုကရေစီ အထွေထွေရွေးကောက်ပွဲတွင် SNLD ပြီးလျှင် တပြည်လုံးတွင် နေရာအများဆုံး အနိုင်ရခဲ့သည်။

ဦးခွန်ထွန်းဦးကိုယ်တိုင် သီပေါမဲဆန္ဒနယ်အမှတ် ၁ တွင် ၀င်ရောက်အရွေးခံခဲ့ရာ ပြည်သူ့လွှတ်တော် ကိုယ်စားလှယ် အဖြစ်ရွေးချယ် တင်မြောက်ခြင်းခံခဲ့ရပါသည်။

၁၉၉၃ နအဖစစ်အစိုးရ၏ အမျိုးသားညီလာခံတွင် တိုင်းရင်းသား ရ ပြည်နယ်အတွက် အခြေခံရပိုင်ခွင့် များ တင်ပြတောင်း ဆို သော်လည်း လစ်လျူရှုပယ်ချခြင်းခံခဲ့ရ၏။ အမျိုးသားညီလာခံလုပ်ထုံး လုပ်နည်း များ တရားမျှ တမှုမရှိကြောင်း နိုင်ငံခြား အသံလွှင့် ဌာနများအား ရဲရဲဝံ့ဝံ့ထုတ်ဖော်ပြောဆို၏။ နအဖ စစ်အစိုးရချမှတ်ခဲ့သော ဦးတည်ချက် ၆ ရပ် အခြေခံမူ ၁၀၄ ချက်နှင့် လမ်းပြမြေပုံ ရ ဆင့်တို့ကို ဦးခွန်ထွန်းဦး လက်မခံဘဲ အမျိုးသားညီ လာခံမှဦးဆောင်နှုတ်ထွက် ခဲ့သည်။

ထို့ကြောင့် သျှမ်းပြည်မျိုးဆက်သစ်ခေါင်းဆောင်များ ဦးဆောင်ကျင်းပသည့် ၂၀၀၅ ဖေဖေါ်ဝါရီ ၇ ရက် သျှမ်းပြည် နယ်နေ့ ညစာ စားပွဲအပြီး ဖေဖေါ်ဝါရီလ ၈ ရက်နှင့် ၉ ရက်နေ့များ၌ ဥက္ကဌ စဝ်ခွန်ထွန်းဦး နှင့် အတွင်းရေးမှူး ဦးစိုင်းညွန့်လွင်တို့အား ရန်ကုန်မြို့ နေအိမ်၌ ဖမ်းဆီးထိန်းသိမ်းခဲ့သည်။ သျှမ်းပြည် အတိုင် ပင်ခံကောင်စီ ဖွဲ့ စည်းမှုစွပ်စွဲချက်အပြင် အခြားအမှုပေါင်း များစွာရှာကြံ၍ ထောင်ဒဏ် ၉၃ နှစ်စီရင်ချက်ချကာ ဥက္ကဌကြီးအား ရာသီဥတုဆိုးဝါးလှသောကချင်ပြည် ပူတာအိုထောင်သို့ ပို့ဆောင် ချုပ်နှောင်လိုက်သည်။ ပုဂ္ဂိုလ်ရေးရာ စီးပွါး ရေးပိုင်ဆိုင်မှုများကိုလည်း စစ်အစိုးရကသိမ်းယူ ချိတ်ပိတ်ခဲ့ သည်။

၂၀၀၅ ခုနှစ်မှ ၂၀၁၂ ဇန္နီဝါရီ ၁၃ ရက်နေ့ အထိ အင်းစိန်ထောင်၊ ပူတာအိုထောင်၊ မန္တလေးအိုးဘို ထောင်၊ တောင်ငူထောင်တို့၌ အကျဉ်းကျခံခဲ့ရသည်။ ဦးသိန်းစိန်အစိုးရ၏ လွှတ်ငြိမ်းချမ်းသာခွင့်ဖြင့် အဆိုပါသျှမ်းခေါင်းဆောင်များပြန်လည်လွှတ်မြောက် လာပြီး နိုင်ငံရေးလောက အတွင်းတရား ဝင်လှုပ်ရှားနိုင်ရန် SNLD ပါတီ ပြန်လည်မှတ်ပုံတင်ခဲ့ခြင်းဖြစ်သည်။

မြန်မာအစိုးရအရာရှိအားSSPP/SSA လွှတ်ပေးပြီး၊ ဒေသခံလူထုအားအစိုးရတပ်လွှတ်မပေး ၁၇-၁ ဖြင့်တရားစွဲ

Posted: 11 Sep 2012 08:50 AM PDT

ပြန်ပေးဆွဲထားရသည့် မြန်မာအစိုးရအရာရှိအား တနင်္လာနေ့က SSPP/SSA ကလွှတ်ပေးပြီးဖြစ်သော်လည်း အစိုးရစစ်တပ် ထိန်းသိမ်းထားသည့် ဒေသခံရွာသားများကိုမူ ပြန်လွှတ်မပေး သည့်အပြင် လေးယောက်အနက် တချို့အား လားရှိုးပို့၍ ပုဒ်မ ၁၇-၁ ဖြင့်ထပ်မံအမှုဖွင့်ထားကြောင်း ဒေသတွင်းသတင်းရပ်ကွက်ကဆိုပါသည်။

" ကျန်တဲ့ လေးယောက် ပြန်လွှတ်ပြီလို့ သူတို့သတင်းလွှင့်နေပေမယ့်တကယ်တမ်းကျတော့ ပြန်မလွှတ်သေးဘူး။ တချို့ကလဲ ခမရ ၃၂၄ ထဲမှာရှိတယ်။ တချို့ကလဲ နမ္မတူရဲစခန်းမှာရှိတယ်။ စိုင်းကျော်အေးကတော့ အခု လားရှိုး ရဲစခန်းရောက်နေတယ်။ သူ့ကို မြန်မာစစ်တပ်က အမှုဖွင့်အရေးယူထားတယ်။ ၁၇-၁ နဲ့" ဟု နမ္မတူဒေသခံ စိုင်းခမ်းကပြောသည်။

ဩဂတ်စ်လ ၂၃ ရက်က သျှမ်းပြည်မြောက်ပိုင်း နမ္မတူမြို့၌ စတင်အဖမ်းခံရသော စိုင်းကျော်အေး၏ လက်ကိုင် ဖုန်းထဲ၌ သျှမ်းပြည်တပ်မတော်မှ အရာရှိတချို့၏ ဖုန်းနံပတ်ပါနေသဖြင့် မတရားအသင်း၊ သူပုန်နှင့်ဆက်သွယ် ထောက်ပံ့သူဟု မြန်မာစစ်တပ်က ဖမ်းဆီးစွပ်စွဲကာ ယခုချိန်အထိ ပြန်မလွှတ်ပေးဘဲ လားရှိုးမြို့ ခလရ ၄၁ သို့ ပို့ဆောင်ချုပ်နှောင်၍ အမှတ် ၁ ရဲစခန်း၌ အမှုဖွင့်တရားစွဲထားသည်ဟု မိသားစုဝင်များကပြောသည်။

နမ္မတူမြို့နယ် မန်စံအုပ်စုဒေသ၌ အဖမ်းခံရသည့်ရွာသား ၁၀ ဦးအနက် ပိန်းထောန်ရွာသား စိုင်းကျော်အေး၊ နောင်အော့ရွာသားစိုင်းကမ်၊ ပိန်းလုံရွာသား စိုင်းလ၊ နားကေးရွာ သားစိုင်းအိုက်တင်း တို့လေးယောက် ဆက်လက် အဖမ်းခံနေရဆဲဖြစ်ကာ စိုင်းလ နှင့် စိုင်းအိုက်တင်းမှာမူ ဩဂတ်စ်လ ၃၁ ရက်ကတည်းက သေဆုံးဖွယ်ရှိကြောင်း၊ သို့သော် မိသားစုဝင်အနေဖြင့်လည်း မည်သည့်သတင်းမျှထပ်မံမကြားသိရကြောင်း နားကေးရွာ ဒေသခံတဦး ကလည်း သျှမ်းသံတော်ဆင့်အားပြောပြသည်။

ထို့အပြင် ယခုလဆန်းပိုင်းကလည်း မန်စံအုပ်စု နားဟုတ်ရွာသူကြီးအားဖမ်းဆီးရိုက်ခဲ့သေး၏။ ကြက်မွေးမြူ ရေး ခြံမှ ကြက်များသေရာ ရွာခံအချို့နှင့်ကလေးအချို့ အဆိုပါကြက်သေများအား တယောက် ၂ ကောင် ၃ ကောင် ဆွဲလာသည်ကိုမြင်သည့် မြန်မာစစ်ကြောင်းက သူပုန်များအား ထောက်ပံ့ ကျွေးမွေးရန်အတွက်ဟု စွပ်စွဲကာ နားဟုတ်ရွာသူကြီးကို ခေါ်ယူဖမ်းချုပ်၍ ဘုန်းကြီးကျောင်း ဇရပ်၌ ညလုံးပေါက် ရိုက်နက်၏။ မိုးလင်းသော် မိုးထဲ လေထဲပစ်ထား ထဲ့ပြီး နိုင်ငံရေးပါတီများအား တိုင်ကြားလျှင် လာရောက်ပစ်သတ်မည်ဟုလည်း ခြိမ်းခြောက်ခဲ့ သေး ကြောင်း မန်စံဒေသခံတဦးက ပြောသည်။

"ရွာသူကြီးကို ရွာရဲ့ဇရပ်မှာ တညလုံးရိုက်နှက်စစ်ဆေးတယ်။ ပူကျယ်က မဟုတ်ပါဘူး လို့ပြောတာကို ဝန်မခံချင် ဦး ဆိုပြီး မြန်မာစစ်သားတွေက တညလုံးရိုက်တာလေ။ ပြီးတော့ မနက်ရောက်တော့ ပူကျယ်ကို မိုးရွာ ထဲမှာ ပစ်ထားတယ်။ ပိုက်ဆံ တစ်သောင်းကျပ် ပစ်ထားပေးပြီး ၁- နမ္မတူက ကျားဖြူအမတ် နန်းခမ်းအေး ကိုသွား မတိုင်ရဘူး။ ၂- ဆေးရုံမှာ ဆေးသွားမကုရဘူး- လို့အမိန့်ပေး ခြိမ်းခြောက်ထားတယ်တဲ့။ ဆေးရုံတော့သွားမတင် ရဲဘူး" ဟု အဆိုပါ မန်စံဒေသခံ လူငယ်ကဆက်လက်ပြောပြသည်။
အဖမ်းခံရသော ရွာသားများနှင့်လဲလှယ်ရန် ယခုလဩဂတ်စ်လ ၃၁ ရက်နေ့က မြန်မာစစ်တပ်၏ ခမရ ၃၂၂ က ဗိုလ်ကြီးသက်စိုးနှင့်နောက်လိုက်တပည့်တဦးအား သျှမ်းပြည်တပ်မတော် SSPP/SSA ကဖမ်းဆီးရာ ယမန်နေ့က ပြန်လည်လွှတ်ပေးလိုက်ပြီဖြစ်ကြောင်း SSPP/SSA အရာရှိတဦးကပြောသည်။ သို့သော် မြန်မာစစ်တပ် က ဒေသခံရွာသားများအား ယခုတိုင် ပြန်မလွှတ်ပေးသည့်အပြင် ၁၇-၁ ဖြင့်ပင်အမှုဖွင့်အရေးယူနေခြင်း ဖြစ်သည်။

တိုင်းရင်းသားလက်နက်ကိုင်တပ်ဖွဲ့များက မြန်မာအစိုးရ၏ ငြိမ်းချမ်းရေးဖော်ဆောင်ရေးကိုယုံကြည်ကာ ပြည် ထောင်စုအဆင့်အထိ တွေ့ဆုံဆွေးနွေးကာ အပစ်ရပ်ရေးလက်မှတ်ရေးထိုးခဲ့ကြသည်အထိရှိသော်လည်း မြန်မာ အစိုးရ၏ စစ်တပ်မှာ အဆိုပါငြိမ်းချမ်းရေးကို အလေးမထားဘဲ တိုင်းရင်းသားတပ်ဖွဲ့များအပေါ် သူပုန်ဟု သတ် မှတ်နေသေးသည်ကို ၁၇-၁ အမှုဖွင့်အရေးယူပုံဖြင့် သိနိုင်ကြောင်း နိုင်ငံရေးပါတီဝင် သျှမ်းအမတ်များကပြောဆို သုံးသပ်ပါသည်။

သျှမ်းပြည်တပ်မတော် ၇၀၁ တပ်ရင်း မူးယစ်ဆေးဝါးတားဆီးနှိမ်နှင်းရေး သင်တန်းပေး

Posted: 11 Sep 2012 08:49 AM PDT

သျှမ်းပြည် (မြောက်ပိုင်း) မူစယ်ခရိုင် မန့်ဟျိုးမြို့နယ်ခွဲအတွင်း အခြေစိုက် လှုပ်ရှားနေသော သျှမ်းပြည်တပ်မတော် (တောင် ပိုင်း)၏ လက်အောက်ခံတပ်ဖွဲ့ တစ်ခုဖြစ်သည့် အမှတ် ၇၀၁ တပ်ရင်းမှ နမ့်ခမ်းမြို့နယ်အတွင်းရှိ လူငယ်များအား မူးယစ် ဆေးဝါးတားဆီးတိုက်ဖျက်ရေး သင်တန်းပေးနေ ကြောင်း သိရသည် ။

မကြာသေးခင်ရက်ပိုင်းကမှ အဆိုပါသင်တန်းစတင် ဖွင့်လှစ်ခဲ့ခြင်း ဖြစ်ပြီး သင်တန်းသို့ ဒေသတွင်းရှိ ကျေးရွာများမှ သျှမ်း လူငယ်ရာနှင့်ချီ တက်ရောက်နေကြောင်း ဒေသခံသျှမ်းလူငယ်တစ်ဦးက သျှမ်းသံတော်ဆင့်သို့ ပြောသည် ။

"လူငယ်တွေကို မူးယစ်ဆေးဝါးဘယ်လိုတာဆီးကာကွယ်ရမယ် ဆိုတာနဲ့ပတ်သက်လို့ သင်တန်းပေးနေတာပေါ့။ သင်တန်း စတာ ရက်ပိုင်းပဲရှိသေးတယ်။ သင်တန်းက နမ့်ခမ်းမြို့နယ်ထဲမှာပဲ နှစ်နေရာမှာ ပေးနေတယ်။ လူဦးရေရာကျော်တက်နေ တယ်။ မူးယစ်ဆေးဝါးအရမ်းပေါတဲ့ဒေသမှာ အခုလိုလုပ်လိုက်တော့ ဒေသခံတွေက အားပေးကူညီလာကြတာပေါ့။ သူတို့ ကိုယ်တိုင်လည်း တက်တက်ကြွကြွနဲ့ ဒီသင်တန်းမှာ ပါဝင်လာကြတယ် " ဟု ၄င်းက ဆိုသည် ။

သျှမ်းပြည် (မြောက်ပိုင်း) နမ့်ခမ်းမြို့နယ်နှင့် ကချင်ပြည်နယ် နယ်စပ်အနီးရှိ ကျေးရွာများမှ ဒေသခံများ အဆိုပါသင်တန်းသို့ တက်ရောက်ခြင်း ဖြစ်ပြီး ဒေသခံများ တက်ကြွစွာပူးပေါင်းပါဝင်ကြကြောင်း သိရ သည် ။