---------- Forwarded message ----------
From: Blogger <no-reply@blogger.com>
Date: 2012/10/10
Subject: [လူဗိုလ်ဟူသည် ...] အညွန့်ကျိုး၍ အဖူးကြွေ ...။ ( ဇာတ်သိမ်း)
To: lubo601@gmail.com
![]()
သမီးပေါက်စလေးကို ရင်မှာ ချီပြီး ခေါင်းရွက် ဖျက်ထိုးအစ ၊ ရာသီကုန်တွေ ရောင်းရင်း ကမ်းနားဈေးမှာ အခြေချခဲ့သည် ။ သည့်နောက် ကမ်းနားကနေ ကျူးကျော်တွေ ရွေ့ရတော့ မြို့သစ်မှာ မြေကွက်လေးရသည်။ မိုးမှာလှေလှော် ၊ နွေမှာ မြက်တောဖြတ်ပြီး ခြင်ပေါတဲ့ညတွေက လုံခြုံမှု ရှိစွာနေရလို့ စိတ်ချမ်းသာခဲ့ပါတယ်။ ဒီလိုနဲ့ မြို့သစ်ဈေးထဲ မနက်ဈေးရောင်း ပြီးတာနဲ့ လိုင်းကားစီးပြီး ဧရာဝတီတာရိုး ဘေး မှာ ဝါးကပ်လွှာတဲ့ အလုပ်ကို လုပ်ပါတယ်။ ဒီမှာပဲ ကိုသံခဲ တို့ နဲ့ ဆုံတာပါပဲ..။ သစ်ပွဲစား ဝါးပွဲစား လိုလိုနဲ့ ကမ်းနား တစ်လျှောက်မှာတော့ မင်းသားပါပဲ...။ ပိုက်ဆံ လိုရင် လိုသလို သူ့ဆီက လှည့်သုံးကြပါတယ် ။ အကြွေးမကင်းလေတော့ သူတွေ့ ရင် မျက်နှာချိုသွေးရတာပါပဲ...။ တခါတလေ ကျတော့ စားစရာတွေ ဝယ်လာတယ်။ တခါတလေ လက်ဆောင်တွေ ဝယ်တယ်။ နောက် နှစ်လုံးထီ အချီကြီးပေါက်လို့ ဆိုပြီး ပတ်ဝန်းကျင်ကို ဒံပေါက်ထုပ်တွေ ဝေပါတယ်။ အဲ ဒံပေါက်စားပြီးနောက်မှာပဲ ကမ်းနားလမ်းက အများစု ဟာ နှစ်လုံးထီ ထိုးဖြစ်တော့တာပါပဲ။
--
Posted By Blogger to လူဗိုလ်ဟူသည် ... at 10/11/2012 05:35:00 AM
From: Blogger <no-reply@blogger.com>
Date: 2012/10/10
Subject: [လူဗိုလ်ဟူသည် ...] အညွန့်ကျိုး၍ အဖူးကြွေ ...။ ( ဇာတ်သိမ်း)
To: lubo601@gmail.com
by ကိုဝိုင် ဝိုင်ကေ on Tuesday, October 9, 2012 at 3:16pm
(၁၄)
ကျွန်မရင်ထဲ ပူနေသည်.. မိမိမိုက်သော အရာတွေလားလို့ တွေးနေရင်း အဆင်မပြေသော ဘဝတွေကို မျက်ရည်ကျခဲ့မိသည်။ လောကဓံကို ဖြေရှင်းရင်း ကြုံရတဲ့ မလွန်ဆန်နိုင်တဲ့ အကြောင်းများစွာ ကြောင့် သမီးတစ်ယောက် သားတစ်ယောက် ရခဲ့သည် ..။ သမီလေးကို မွေးပြီး နောက်ပိုင်း မှာ အားကိုးရသော ခင်ပွန်းက အဝေးပြေးကားမောင်းရင်း မတော်မဆ တခုကြောင့် လောကကြီးထဲက ထွက်သွားခဲ့သည် ။
(၁၅)
ကမ်းနား တစ်လျှောက် ဆိုတာ ဟိုး...မြောက်ဘက် အိုးဘို ညောင်ကွဲ စတဲ့ ဘက်ကနေ တောင်ဘက် ရှမ်းလေးကျွန်းကျော်ပြီးနောက် ရွှေကြက်ယက် သစ်ဆိပ်ထိ ဟိုတစ်စု ဒီတစု ပေါ့ တဲအိမ်ငယ်လေးတွေ နဲ့ နေကြတဲ့ သူတွေ များပါတယ်။ အလွယ်ခေါ်လို့သာ ကမ်းနားဆိုပေမယ့် အချို့နေရာတွေက မြစ်ကျိုးအင်းတွေပါ။ မန္တလေး မြို့ကြီး ကို မြစ်ရေ မဝင်အောင် ကာစည်း ထားတဲ တာဘောင်ရိုး တစ်လျှောက်မှာ နေ့စဉ်မြင်တွေ့ နေကြ ရုန်းကန် လှုပ်ရှားနေကြသူတိုင်း ဒီဘဝ က အမြဲလွတ်မြောက်ချင်တဲ့သူရှိသလို တဒင်္ဂ လွတ်မြောက်ချင်သူတွေလည်း ရှိပါတယ်။
တာဘောင်ရိုးးကြီးဟာ သူအပေါ်နေ့စဉ်နင်းဖြတ်နေတဲ့ အရာတွေ ကို ငြီးငြူလေ့မရှိပါဘူး ၊ သစ်တင်ကားတွေ ကြောင့် သူကျောမှာ ကန့်လန့်စင်းကြီးဖြစ်နေတာလဲ မမှုပါဘူး ကြည်ဖြူနေလျက်ပါ။ ဘေးလူအမြင်ကတော့ ဘယ်နေ့ ရေကြီးလို့ ဘယ်ကား တက်လမ်းက တာ ပွင့်မလဲ စိုးရိမ်စရာပါပဲ။
ကျွန်မတို့ ကမ်းနားက သူတွေကတော့ တာဘောင်ပေါ်နေတာ ကြာခဲ့လို့လား မသိပါဘူး ။ တာဘောင်ကြီးလို့ပဲ ကျောချနေတာတောင် အပြုံးမပျက် နေ့စဉ် အသက်တွေ ဆက်ဖို့ ငိုတခါ ရယ်တလှည့် ဖြတ်သန်းနေရတာပါပဲ ။
(၁၆)
ကိုသံခဲ ကျွေးလိုက်တဲ့ ဒံပေါက်ဟာ နတ်သဒ္ဓါတမျှ အရသာ မရှိပေမယ့် အားလုံးစွဲလမ်းကုန်တော့တာပဲ. ..။ သူတို့ အတွေးကတော့ ငါအလှည့်ကျ နေ့ရော ညရော ကျွေးမယ် ဆိုတဲ့ မျှော်လင့်ချက် အကြိးကြီး နဲ့ နေပူ ရေပူထဲမှာ ကျောမဲအောင် လက်ကွဲအောင် ရှာထားတဲ့ ခြင်္သေ့ အကြီးတွေရော အသေးတွေ ရော ကို ရက်ရက်ရောရော ပဲ ပုံအပ်နေကြတယ်။ လတ်တလောပြန်ရတာက လက်တစ်ဝါးမရှိတဲ့ ငွေလက်ငင်းဖြတ်ပိုင်း လေးသာ လက်ထဲ အရင်ရပါတယ်။ အထိမခံ တဲ့ ဒီစာရွက်ပါးပါးလေးဟာ သူတို့ အိပ်မက်တွေ မျှော်လင့်ချက် အပြည့် ပေးနေတာကတော့ ညနေတိုင်းထိပါပဲ....အဲဒီထဲမှာ ကျွန်မလည်း အပါအဝင်ပါပဲ...။ အခွင့်အရေး ပြောရမလား ၊ ကံကြမ္မာက မျက်နှာသာ တစ်ချက် ကြီးကြီး ပေးလိုက်တာကို တသက်လုံး အစွဲမကျွတ်တော့ပဲ ရွှေထီးကို ဆောင်းချင်ခဲ့တဲ့ ကျွန်မ ဟာ မိုက်မဲနေတယ် ဆိုတဲ့ အတွေးတောင် မရှိ နစ်မွန်းနေခဲ့ပါတယ်။ ဒါပေမယ့် မိုးချန်းသံ အလား နားထဲမှာ ပြင်းထန်စွာ ဝင်လာတဲ့ စကားလုံးတွေကြောင့် ကျွန်မ အသိ ဝင်လာပါတယ်..။ သို့ပေမယ့် ဧရာဝတီ ကို တုပြိုင်တဲ့ မျက်ရည်တွေ ဖြစ်ကောင်း ဖြစ်သွားမယ် ကျွန်မနောင်တတွေ ရင်ကွဲမတတ် ဖြစ်ကောင်း ဖြစ်သွားမယ် .. သေချာတာကတော့ ရင်ထဲ က အသဲစိုင်ကို ပေးလိုက်ရတော့တာပါပဲ ။
ကျွန်မ မသိသာ မသိလိုက်နဲ့ တင်နေတဲ့ အကြွေးဟာ အဲသည်လောက်များနေမယ် မထင်ခဲ့သလို ၊ အချို့ ငွေ တွေဟာ သူ ပိုင်တာ မဟုတ်ဘူး အခြားက လှည့်ပေးရတာလို့ ကိုသံခဲ စကား က ကျွန်မကို ခြောက်လှန့်နေတာလည်းပါ ပါတယ်။ ကိုသံခဲ ဆိုရင် ကျွန်မထံ လာတဲ့ ညတစ်ညမှာ စီကာပတ်ကုံးလေး ချွဲလိုက်လို့ ရကောင်းရဲ့လေ...။ ကိုသံခဲကတော့ ကျွန်မကို နည်းနည်းမှ မျက်နှာ မပူတဲ့ လေသံနဲ့ သွေးအေးအေးပြောသွားတာ ကျွန်မ မအံ့သြတော့ပါဘူး။ ဒီကိစ္စကလည်း ဟောဒီ ဧရာဝတီကမ်းနား တစ်လျှောက်မှာ ခုမှ ကြားဘူးတဲ့ ပုံပြင် မဟုတ်ဘူးလေ...။
( ကဲ ... ငါ ဘယ်လို အကြောင်းပြန်ရမလဲပြောဦး... နင်... စိတ်ကူး မလွဲပါနဲ့ဟာ ... မဟုတ်လည်း တစ်နေ့ နင့်သမီး အိမ်ထောင်ပြုမှာပဲကို...၊ ဒါကလည်း အဲဒီကျပြောပလောက်တဲ့ အဖြစ် မဟုတ်ပါဘူး ၊ ဒီအဆင့်အတန်း ဒီဘဝတွေ မှာ အရေးမကြီးပါဘူးဟာ ..။ နင်သာ တစ်ခုခု ဖြစ်ပြီး ထောင်တန်းကျရင် ကလေးတွေ ဒုက္ခရောက်မှာ ထည့်စဉ်းစား )
( ဟုတ်ပါတယ် .. ဒါပေမယ့် ကျွန်မနေရာက ရှင် ဝင်ကြည့်ပါဦး အမေရှင့် အမေ ....)
( ကဲ .. ည မှ ငါ ပြန်လာမယ် .. ဧည့်သည်တွေ ရှေ့ ရုပ်မပျက်စေနဲ့ ... ပိုက်ဆံတွေ သေချာ သိမ်းဦး ..)
ကိုသံခဲက အပိုင်တွက်ထားတဲ့ သူဆိုတော့ သူ့ သဘောနဲ့ သူ ယူလာတဲ့ စရံငွေကို ကျွန်မရှေ့ ချထားခဲ့ပြီး ပြန်ထွက်သွားပါတယ်။ ကျွန်မ မျက်ရည်တွေဟာ ၅၀၀၀ ကျပ်တန်ပေါ်ကို ကျသွားတဲ့ အခါ....။
(၁၇)
အဲဒီနေ့က ကျွန်မရဲ့ရင် မှာ ဘယ်လောက် ဘလောင်ဆူနေမလဲ ကျွန်မပဲ သိပါတယ်။ ဘာမှ မသိတဲ့ သမီးလေးကတော့ ရောက်နေတဲ့ မမ က သိပ်ချောတာပဲ ဆိုတဲ့ မိန်းမသဘာဝ နဲ့ အလှအပ ကိုပဲ အားကျနေရှာတယ်။ သမီးကို ပြောပြလိုက်ရင် ဘယ်လိုမှ မဖြစ်ဘူးဆိုတာ ကျွန်မရော ကိုသံခဲပါ သိတယ်။ သမီးလေးသိတဲ့ အဲဒီအလှအပတွေ ကပဲ သမီးဘဝကို လှောင်မြှိုက်စေတော့မယ် သမီးရယ်လို့ ရင်ထဲ ကပြောနေမိတယ်။
မေမေ သမီး ဒီ မမ တို့ နဲ့ လိုက်ရမှာ တကယ်လား တဲ့ ၊ အင်းပေါ့ ဆိုတော့ အမေကို ဝမ်းသာအားရ နဲ့ ဖက်နမ်းနေတဲ့ သမီးကို ကျွန်မ နှစ်နှစ်ကာကာ နှမ်းလိုက်ပါတယ်။ တသက်လုံးမှာ ဒီ အနမ်းဟာ အဖိုး အကြီးဆုံးဆိုတာ ကျွန်မကလွဲရင် သမီးတောင် သိမှာ မဟုတ်ပါဘူး။ သမီးလိုက်သွားတဲ့ ကားသစ်ကြီး ထွက်သွားတဲ့ အခါ ကျွန်မ ခြေတွေ မရပ်နိုင်လောက်အောင် ယိုင်နဲ့သွားပါတယ်။ ကိုသံခဲကို မှီလိုက်တဲ့ ကျွန်မကို သမီးလေးက ကြည့်ဖြစ်အောင် ကြည့်ပြီး နုတ်ခမ်းလေး ဆူပြသွားပါတယ် ... အမေက သမီးရှေ့တောင် ဟန်မဆောင်တော့ဘူးလား လို့ ပြောချင်နေတာလား သမီးရယ်.. တကယ်တော့ အရုပ်ကြိုးပြတ် တမျှ ဆိုတာ.... သမီးလေး မကြာခင် သိမှာပါ။
(၁၈)
ညရောက်တော့ သံပြား ပြန်လာတော့ ခြေဗလာနဲ့ သားလေးကို ကြည့်ရင်း လူတစ်ကာ ကို လက်ဖြန့်ပြီး အရွယ်နဲ့ မမျှ ခိုင်းစားခံနေရတဲ့ သားလေးကို ရင်ထဲ မချိတာ ကြာပြီမို့ ဒီနေ့တော့ သူ့ ပိုက်ဆံ သူ သုံးပါစေတော့ ဆိုပြီး ခွင့်ပြုလိုက်တော့ သားလေးတော်တော် ပျော်သွားရှာတယ်။ ကိုသံခဲက ကျွန်မကို တချက်ကြည့်ရင်း ခေါင်းငုံသွားတယ်။ ဒီစနက်တွေ ဟာ တကယ်တော့ ကိုသံခဲ တို့ အကွက်ကျကျ ဖော်လာခဲ့တဲ့ ဇာတ်ညွန်းတွေပါ။ ဆင်းရဲတွင်းထဲ ကို မလှုပ်သာအောင် ဆွဲချပြီးမှ ခေါင်းပုံဖြတ်လုပ်စားနေတဲ့ သူတို့ကို ကျွန်မတို့ နောင်တ ဘယ်လောက်ရရ မလွန်ဆန်နိုင်တော့ တာ သေချာပါတယ်။
( ဟဲ့ ည အတွက် အချိန်ရှိတုန်း နင့်သားကို ဝယ်ခိုင်းထားဦး ခုတောင် ၁၀ နာရီ ထိုးတော့မယ်...) ကိုသံခဲ အသံကြောင့် ကျွန်မ အတွေးစ ပြတ်သွားပါတယ်။
" သံပြားရေ.... သံပြား "
" ဗျာ.. လာပြီ အမေ ဘာခိုင်းမလို့လဲ "
" ရော့ ... ပိုက်ဆံ"
၅၀၀၀ တန် တစ်ရွက်ကို အမေ ထုတ်ပေးသည်.. သံပြား အံ့သြသွားသည်.. တသက်နှင့် တကိုယ် သံပြား မမြင်ဘူးသည့် ပိုက်ဆံ...။
အထူးအဆန်းဖြင့် သံပြား လှမ်းယူလိုက်သည် ။
" လ္ဘက်သုပ် ၂ ပွဲရယ် ၊ ဆေးလိပ်တစ်ဗူးရယ် ၊ ငါ့ အတွက် လ္ဘက်ရည် ဝယ်ခဲ့ .."
" ဟုတ် "" အမေ.. ဆေးလိပ်က အစည်းမဟုတ်ဘူးလား.."
" ခါတိုင်းလို ငွေနဂါး မဟုတ်ဘူးလား.."
" မဟုတ်ဘူးဟေ့.. စီးကရက်..စီးကရက်.."
" ဗီးဂစ် ဆိုလား ဘာလား အဲတာ.. မမှားစေနဲ့.."
" ဗီးဂက်စ် ပါ အမေရာ..ဟီးဟီး အမေကြမှ ဂစ်တဲ့ ..."
" အေး အေး.. လျှာမရှည်နဲ့ မြန်မြန်သွား...."
" ဟုတ် ဟုတ် "
သားလေး အပြောကြောင့် ကြေကွဲနေတဲ့ ကျွန်မတောင် ပြုံးမိပါတယ်...။ သားလေးရေ ... မေမေတို့ ရဲ့ ဝဋ် မကုန်သရွေ့ပေါ့ သားရယ် ။
(၁၉)
ဟိုကောင်လေး သံပြားကလည်း ပေါ်မလာဘူး ။ ဒီကြားထဲ ကိုသံခဲ ရဲ့ မကျေနပ်သံက တမျိုး ....၊
( မင်းသား အချိုးတွေက မဟုတ်တော့ဘူး မကိုင်ဘူးတဲ့ ၅၀၀၀ တန်ကိုင်ပြီး ဘယ်လောင်းကစား ဝိုင်းရောက်နေပြီခဲ မသိဘူး အရွယ်ကဖြင့် လက်တောက်လောက်ရှိသေးတယ်....ဟူး...)
( မဖြစ်နိုင်ပါဘူးရှင်... ကျွန်မတော့ စိတ်ပူနေပြီ တစ်ယောက်ယောက်က အနိုင်ကျင့်ပြီး ပိုက်ဆံ ယူသွားလို့ ပြန်မလာရဲတာလားရှင် စုံစမ်းပါဦး)
( ဘာမှ စုံစမ်းမနေ နဲ့ အချိန်တန် ပြန်လာလိမ့်မယ်.. မင့် သားပါတဲ့ အ နေပါဦးမယ်.. တကတည်း ...)
(ကဲ ... ကိုယ့် ဆရာ တို့ ဒီနေ့ ဝိုင်းက ဆက် ကစားဦးမှာလား )
ကိုသံခဲ မိတ်ဆွေက ကျွန်မ ကို ကြာကြည့် ကြည့်ရင်း ဝင်ပြောတော့မှ ကိုသံခဲက ဖဲထုတ်ကို ကုလားဖန် ထိုးလိုက်သည်...။ ဒီလူတွေက ကိုသံခဲ ကို အကြောင်းပြုပြီး ဒီတစ်ကြောမှာ စားနေကျ ကြောင်ဖားကြိးတွေ လေ...။ သူတို့ အတွေ့အကြုံ အရ ကျွန်မတို့ကို ပြည့်တန်ဆာ နာမည် မတပ်ရုံ တမယ် ငွေကြေးကို အကြောင်းပြုပြီး ဘဝတွေကို ဝါးမြိုဘူးထားတော့ လေးစားမှု မရှိချင်ဘူး ... လွယ်တဲ့ မိန်းမတွေ လို့ အောင့်မေ့ထားကြတယ်လေ...။
ဖဲချပ်လေးများ ဟိုတစ်လွှာ ဒီတစ်လွှာ ဖြစ်သွားတာ ကြည့်ရင်း ကျွန်မတို့ မိသားစုလေးလည်း ဒီလိုပဲ ကိုသံခဲရဲ့ လှည့်ကွက်ထဲက ဘယ်တော့ ရုန်းထွက်နိုင်မလဲ...။
(၂၀)
ကျွန်မတို့ မိသားစုလေး ဒီနေ့ ဘုရားကိုသွားကြတယ်။ သံပြားကတော့ သူ့ကိုယ်သူ ငုံကြည့်လိုက် ပြုံးလိုက်နဲ့ပေါ့။ တသက်နဲ့ တကိုယ် မဝတ်ရတဲ့ အဝတ်အစား အသစ်ကို ဘဝနဲ့ရင်း ဝတ်နေရတာကို နားမလည်ပေမယ့် ကလေး သဘာဝ မက်မက်မောမော ရှိရှာမှာပေါ့။ သမီးလေး မျက်နှာမှာလည်း ပြန်လည် လန်းဆန်းမှုတွေ နဲ့ အတူ အမေ့ကို ပြုံးကြည့်နေတယ်။ တကယ်တော့ ဘုရား က အဝေးကြီး မဟုတ်ပါဘူး ။ ကျွန်မတို့ နေတဲ့ နေရာကနေ နာရီ ဝက်လောက် လမ်းလျောက်ရင် ရောက်ပါတယ်။ ဒါပေမယ့်လည်း ဘဝ အမောတွေ ဒုက္ခတွေကြောင့်သာ ဘုရားကို နီးရဲ့နဲ့ ဝေးနေကြတဲ့ ဘဝ တွေ ပါ။ ငြိမ်းချမ်းမှု ကို လိုချင်တဲ့ ကျွန်မတို့ ပူလောင်ခြင်းတွေ ထဲက ရုန်းထွက်နိုင်ဖို့ ခက်တယ် ထင်ခဲ့ဘူးတာ တကယ်တော့ အခု ဘုရားသွားရ သလိုပါပဲ နီးရဲ့နဲ့ ဝေးနေကြတာပါ။ မရောင့်ရဲနိုင်တဲ့ ဆန္ဒတွေ နောက်ကို လိုက်ရင်း သောကခြေရာတွေ ထပ်တလည်းလည်းနဲ့ ခြေဦးသစ်မလှည့်ခဲ့ကြလို့ပါ။ ကြေသွားပြီး အကြွေးဟောင်း အပြီးမှာ နောင်အကြွေးသစ် မတင်အောင် နေတတ်ဖို့ ရလိုက်တဲ့ သင်္ခန်းစာတွေ တပွေ့တပိုက်နဲ့ ကျွန်မတို့ မိသားစု ဒီနေ့ ဘုရားမှာ ငြိမ်းချမ်းမှု အတွက် အလင်းတိုင်တွေ ပူဇော်ရင်း ၊ အနာဂါတ်ကို အသစ်လင်းကြဖို့ ............။
ကိုဝိုင်ဝိုင်ကေ
၁၀-၁၀-၁၂
နံနက်(၄း၁၀)
(အချို့ အပိုင်းလေးတွေကို ကာယကံရှင် တို့၏ ဂုဏ်သိက္ခာ အတွက် ချန်လှပ်ထားလိုက်ပါတယ်။ ရေးခွင့်ရတိုင်း မရေးရက်လို့ပါ ။ သီးခံ ဖတ်ပေးတာလည်း ကျေးဇူးတင်ပါတယ် ။ သံပြားလေးတို့ မောင်နှမ တက်နေတဲ့ ကျောင်းလေး ဘက်ကို ရောက်ရင် ဒီစာတွေ ကို သတိတရ မှတ်မိနေဦးမှာ သေချာပါတယ်။ )
--
Posted By Blogger to လူဗိုလ်ဟူသည် ... at 10/11/2012 05:35:00 AM
--
မှော်ဆရာအဖွဲ့ မှ နေ့ စဉ်မေးလ်များ ရယူလိုပါက http://groups.google.com/group/mrsorcerer/subscribe?hl=en ကို နှိပ်ပြီး မန်ဘာဝင်နိုင်ပါသည် ။
မန်ဘာဝင်များ မိမိတို.သိထားသည်များကို မျှဝေလိုပါက mrsorcerer@googlegroups.com သို. မေးလ်ပို.နိုင်ပါသည် ။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး မေးလ်ပို.ပါ ။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en ကို သွားပါ ။
မှော်ဆရာ အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
