သျှမ်းသံတော်ဆင့်

တိုင်းပြည်ငြိမ်းချမ်းရေးအတွက် သျှမ်းလူငယ်များ စစ်တမ်းကောက်

Posted: 15 Nov 2012 01:16 AM PST

စစ်မှန်သောငြိမ်းချမ်းရေးရဖို့ သျှမ်းညီလာခံ၌တင်ပြဆွေးနွေးနိုင်ရန် သျှမ်းပြည်နယ်၊ ကချင်ပြည်နယ်၊ စစ်ကိုင်းတိုင်း၊ မန္တလေး၊ ပဲခူး နှင့် ရန်ကုန်တိုင်းဒေသကြီးအပြင် ထိုင်းနိုင်ငံချင်းမိုင် နှင့် ဘန်ကောက်ရောက် သျှမ်းလူမျိုးများကြား သျှမ်းလူငယ်များက စစ်တမ်း ကောက်ယူနေသည်ဟု ကြားသိရပါသည်။

"အခုလုပ်မည့်အစည်းအဝေးက သျှမ်းတွေကြီးဘဲ ဆိုတော့ အခုကောက်မဲ့ စစ်တမ်းကလဲ သျှမ်းလူမျိုးတွေကြားထဲမှာဘဲ ကောက်ယူ မှာ။ ဒီလ ၁၈ ရက်နေ့ နောက်ဆုံးထားပြီး စုစည်းမယ်လို့စီစဉ်ထားတယ်။ ပြီးရင်ရလာတဲ့အချက် အလက်တွေကို အစည်းအဝေးမှာ တင်ပြ မယ်။ လူကြီး တွေအတွက် ဆွေးနွေးဆုံးဖြတ်ဖို့ အထောက်အကူ ဖြစ်ဖို့လေ" - ဟု မန္တလေးရောက် လူငယ်စိုင်းဇင့်က ပြောပါသည်။

စစ်တမ်းကောက်ရာမှာ နိုင်ငံရေးကဏ္ဍ၊ သျှမ်းပြည်အတွင်း လက်နက်ကိုင် တပ်ဖွဲ့ကဏ္ဍ၊ လူဦးရေ နှင့် အမျိုးသားမှတ်ပုံတင် ကဏ္ဍ၊ ပညာရေးကဏ္ဍ၊ မူးယစ်ဆေးဝါးကဏ္ဍ၊ သျှမ်းစကားမပြောတတ်တဲ့ သျှမ်းအမျိုးသားများ ကဏ္ဍ၊ စီးပွားရေး ကဏ္ဍ၊ ဘာသာရေး ဆိုင်ရာ ကဏ္ဍအပါအဝင် မေးခွန်းပေါင်း ၄၇ ခု ပါဝင်မေးမြန်းနေသည်ဟုသိရပါသည်။

"အဓိက ကတော့ ကျနော်တို့ တွေ တစ်သံတည်းထွက်နိုင်ရင် တခြားတိုင်းရင်းသားတွေနဲ့လဲ စည်းလုံးမှုရနိုင်မယ်။ အဲဒါကြောင့် ရန်ကုန်မှာ ကျင်းပမယ့်အစည်း အဝေးမှာ အချိန်မကုန်ဘဲ ရှုဒေါင့်ပေါင်းစုံ ဆွေးနွေးနိုင်အောင် ကျနော် တို့ ပြည်တွင်း ပြည်ပလူငယ်မခွဲခြားဘဲ တမျိုးသားလုံးအတွက် အလုပ်လုပ်နေတာဘဲဖြစ်တယ်။ ကျနော်တို့လဲ အစည်းအဝေး ခေါ်မယ်။ ရှိတဲ့အချက်တွေချပြမယ် ဆွေးနွေးမယ်။ ရန်ကုန်အစည်းအဝေးသွားဖို့ ပြင်ဆင်မယ်"- ဟု ချင်းမိုင်ရောက် လူငယ် တဦးဖြစ်သည့် စိုင်းဆိုင်က ပြောပါသည်။

နိုဝင်ဘာ ၂၆ ရက် နေ့မှစ၍ သုံးရက်ကြာကျင်းပမည့် အဆိုပါ သျှမ်းညီလာခံမှာ သျှမ်းအမျိုးသား ဒုတိယသမ္မတ ဒေါက်တာ စိုင်းမောက်ခမ်း၊ နိုင်ငံတော် သမ္မတရုံးက၀န်ကြီးများဖြစ်သော ဦးအောင်မင်း၊ ဦးစိုးသိန်း တို့ တက်ရောက်မည် ဟုကြားသိရပါ သည်။

သျှမ်းအသိုင်းအဝိုင်းမှ ကျားဖြူပါတီ ခေါ် သျှမ်းတိုင်းရင်း သားများ ဒီမိုကရက် တစ်ပါတီ SNDP မှ စဝ်ဆိုင်မိဏ်း၊ ကျားခေါင်း ခေါ် သျှမ်းတိုင်း ရင်းသား များ ဒီမိုကရေစီအဖွဲ့ချုပ် SNLD မှ ခွန်ထွန်းဦး၊ သျှမ်းပြည်တပ်မတော် မြောက်ပိုင်းတပ်ဖွဲ့ဟု လူသိ များသည့် SSPP/SSA နာယက ဗိုလ်ချုပ်ဆေထဲန်၊ သျှမ်းပြည်တပ်မတော် တောင်ပိုင်းဟု လူသိများသည့် RCSS/SSA မှ ငြိမ်းချမ်း ရေးကော်မတီ ခေါင်းဆောင် ဗိုလ်မှူးချုပ်ပေါင်ခေး၊ သျှမ်းနီအမျိုးသား တိုးတက် ရေးပါတီ (TNDP) မှ ကိုယ်စားလှယ်၊ ပြည်ပက သျှမ်းခေါင်းဆောင်များ၊ မြိုနယ်အဆင့်က ကိုယ်စားလှယ်များ၊ တသီးပုဂ္ဂလပါဝင်မည့်ပုဂ္ဂိုလ်များ၊ လူမှုအသိုင်းအဝိုင်းမှ ကိုယ်စား လှယ်များ တဖွဲ့လျှင်အနည်းဆုံး နှစ်ယောက် တက်ရောက်မည်ဟု ကြားသိရပါသည်။

http://www.burmese.panglong.org/news/85-2008-08-01-03-14-40/3653-2012-11-15-09-08-33.html

သီတဂူစက္ခုဒါန မျက်စိအထူးကုဆေးရုံ နမ့်ခမ်းမြို့တွင် ဖွင့်လှစ်

Posted: 15 Nov 2012 01:15 AM PST

သီတဂူ ကမ္ဘာ့ဗုဒ္ဓတက္ကသိုလ် အဓိပတိ ဒေါက်တာ ဉာဏိဿရ (D.litt,PH.D) သီတဂူဆရာတော်ကြီး၏ လမ်းညွန်မှုဖြင့် သျှမ်းပြည် (မြောက်ပိုင်း) နမ့်ခမ်းမြို့၌ လှူဒါန်း ဆောက်လုပ်ထားသော သီတဂူစက္ခုဒါန မျက်စိအထူးကုဆေးရုံကို ယနေ့ နံ နက် ၈ နာရီခွဲက ဖွင့်လှစ်လိုက်ကြောင်း သိရသည် ။

သီတဂူစက္ခုဒါန မျက်စိအထူးကုဆေးရုံ ဖွင့်ပွဲ

အဆိုပါ ဆေးရုံဖွင့်ပွဲအခမ်းအနားသို့ သျှမ်းပြည် (မြောက်ပိုင်း) အတွင်းရှိ မူစယ် ၊ နမ့်ခမ်း ၊ ကွတ်ခိုင် နှင့် သိန်းနီနယ် တစ်ဝိုက်မှ ဒေသခံ ၂၀၀၀ ကျော်ခန့် တက်ရောက်ခဲ့ကြောင်း ကိုယ်တိုင် တက်ရောက်ခဲ့သူ နမ့်ခမ်း မြို့မိမြို့ဖတစ်ဦးက သျှမ်းသံတော်ဆင့်သို့ ပြောသည် ။

"ဇေယျသုခကျောင်းထိုင်ဆရာတော် မွေးနေ့ရယ် ဘုံကထိန်ရယ် ဆေးရုံဖွင့်ပွဲရယ် ပေါင်းပြီးကျင်းပတာပေါ့နော်။ ဆေးရုံဖွင့်ပွဲ က ဒီမနက် ၈ နာ ရီခွဲမှာလုပ်တယ်။ ၁၀ နာရီမှာ အဆောက်အဦသစ် ပဋက်ချတယ် နေ့လည် ၁ နာရီမှာ ၅ သိန်း အထက် လှူတဲ့သူတွေကို ဂုဏ်ပြုမှတ်တမ်းလွာပေးမယ် " ဟု သူက ပြောသည် ။

အဆိုပါ ဆေးရုံ ဖြစ်မြှောက်ရေးအတွက် နမ့်ခမ်းမြို့နယ်အတွင်းရှိ သံဃာတော်များ ၊ မြို့မိမြို့ဖများနှင့် ပြည်သူများ စုပေါင်း လှုဒါန်းခဲ့ခြင်း ဖြစ်ပြီး နမ့်ခမ်းမြို့ မိုခမ်းရပ်ကွက်အတွင်းရှိ ဇေယျသုခဘုန်းတော်ကြီးပညာသင်ကျောင်း၌ လွန်ခဲ့သည့် နှစ်နှစ် ခန့်က စတင် ဆောက်လုပ်ခဲ့ကြောင်း သိရသည် ။

"သီတဂူ ဆရာတော်က မတည်ပေးတာပေါ့နော်။ ပြီးတော့မှ မြို့နယ်ကနေပြီးတည်ဆောက်ရေး ကော်မတီတွေဖွဲ့ပြီး ဆောက် လုပ်တာပေါ့။ အားလုံးစုပေါင်းပါဝင်လှူဒါန်းတာပေါ့နော်။ ဆောက်မဲ့အစီအစဉ်က ကြာပြီ။ ဟိုနေရာရွေ့ ဒီနေရာရွေ့နဲ့ မ ဆောက်ဖြစ်ဘူး။ နောက်ဆုံးမှ ဇေယျသုခ ကျောင်းမှာ အတည်ဖြစ်သွားတာ " ဟု သူက ဆိုသည် ။

၎င်းဆေးရုံဖွင့်ပွဲမတိုင်မီ ယခုလ ၁၁ ရက်နေ့မှ စ၍ ဒေသတွင်းရှိ မျက်စိဝေဒနာသည်များအား အခမဲ့ စမ်းသပ်ခွဲစိပ် ကုသ ပေးခဲ့ရာ ယနေ့အထိ လူနာ ၁၀၀၀ ကျော်ကို စမ်းသပ်ပေးခဲ့ပြီး ၁၀၀ ကျော်ကို ခွဲစိပ်ကုသပေးနိုင်ခဲ့ကြောင်း သိရသည် ။

"တစ်ခါတည်းလူနာတွေကို အခမဲ့စမ်းသပ်ပေးတယ်။ ထမင်းကျွေးတယ်။ လိုအပ်လို့ရှိရင်ခွဲစိပ်ပေးတယ် ။ သီတဂူဆရာတော်ရဲ့ စစ်ကိုင်းမှာရှိတဲ့ မျက်စိအထူးကုအဖွဲ့ပေါ့နော်။ နိုင်ငံခြားဆရာဝန်ကြီးတွေပါတယ် ။ အထူးကုဆရာဝန်ကြီးတွေ အငြိမ်းစားယူ သွားတဲ့ ဆရာဝန်ကြီး တွေပါတယ်" ဟု သူက ဆက်ပြောသည် ။

ယခုအခါ သီတဂူဆရာတော်ကိုယ်တိုင် နမ့်ခမ်းမြို့၌ ရောက်ရှိသီတင်းသုံးနေကာ သီတဂူဓမ္မပွဲသဘင် ကျင်းပလျှက်ရှိပြီး လာမည့် ၁၅ ရက်နှင့် ၁၆ ရက်နေ့များတွင်လည်း တရုတ်နိုင်ငံ ကျယ်ဂေါင်နှင့် ရွေလီမြို့များ၌ ဆရာတော်မှ မြန်မာများအား တရားဟောကြားမည် ဖြစ်ကြောင်း သိရသည် ။