၈၈မျိုးဆက် ကိုဌေးကြွယ် အမေရိကန်ရောက်ပြီ
မိုးမခဓာတ်ပုံသတင်း၊ မတ် ၁၅၊ ၂၀၁၃
ယမန်နေ့ မတ်လ ၁၄ (အမေရိကန်အချိန် မတ် ၁၃) က ဥရောပခရီးစဉ်မှ ထွက်ခွာလာသူ ၈၈ မျိုးဆက် ကိုဌေးကြွယ် အမေရိကန်ခရီးစဉ်စတင်ရန် နယူးယောက် JFK လေဆိပ်သို့ ရောက်ရှိလာပြီ ဖြစ်သည်။ ၎င်း၏ မိတ်ဆွေဟောင်းများက သွားရောက်ကြိုဆိုပြီး ၀ါရှင်တန်ဒီစီသို့ ပို့ဆောင်ပေးခဲ့ကြသည်ဟု သိရသည်။
မတ်လ ၁၆ ရက်နေ့တွင် မေရီလင်းမြို့နယ်၊ မင်္ဂလာရာမကျောင်းတိုက်တွင် ၂၅ နှစ်မြောက် တံတားနီနေ့ အထိမ်းအမှတ် စုပေါင်းဆွမ်းကျွေးပွဲဖြင့် ကုသိုလ်ပြု တွေ့ဆုံကြမည်ဟု ဆိုသည်။ ၎င်းနောက် ညနေခင်းတွင် မြန်မာကွန်မြူနီတီနှင့် တွေ့ဆုံကြမည်ဖြစ်သည်။ မတ် ၂၂၊ ၂၃ တွင် နယူးယောက်ပြည်နယ် မြန်မာမိသားစုများနှင့် တွေ့ဆုံပွဲများ ရှိပြီး မတ်လ ၂၉ တွင် ဆန်ဖရန်ဘေးဧရိယာ မြန်မာများနှင့် မိတ်ဆုံ ဆွေးနွေးပွဲ စီစဉ်ထားသည်ဟု သိရသည်။
THURSDAY, MARCH 14, 2013
U Ohn Kyaw - Bogyoke and Thar Du
နယူးယောက်ပြတိုက်ထဲက ဗိုလ်ချုပ်နဲ့ သာဓု
ဦးအုန်းကျော်၊ မတ် ၁၅၊ ၂၀၁၃
အမေရိကန်၊ နယူးယောက်က Guggnheim (ဂူဂင်းဟိုင်းပြတိုက်) Museum ကြီးဟာ နိုင်ငံပေါင်းစုံက ပန်းချီအနုပညာသမားတွေရဲ့ အိပ်မက်ကို အမြဲစုိုးမိုးနေတာပေါ့။ ပီကာဆို၊ မိုနေး၊ ဂေါ်ဂင်တို့ အပါအ၀င် ကမ္ဘာကျော် ပန်းချီဂုရုကြီးတွေရဲ့ လက်ရာမြောက်ပြီး တန်ဖိုးကြီးတဲ့ ပန်းချီကားတွေ ၀ယ်ယူပြသတဲ့ ပြတိုက်ကြီး၊ အမေရိကန်ပိသုကာ အကျော်အမော် ဖရင့်လွိုက်ရိုက် (Frank Lloyd Wright) ရဲ့ ဒီဇိုင်းလက်ရာနဲ့ လက်စွမ်းပြဆောက်လုပ်ခဲ့တဲ့ ပြတိုက်ကြီးပေါ့။
ပုံ (၁)၊
ပုံ(၂)
အဲဒီပြတိုက်ကြီးက no country ဆိုတဲ့ ခေါင်းစဉ်နဲ့ အစီအစဉ်တခု တင်ဆက်နေတယ်။ နိုင်ငံပေါင်းစုံက အနုပညာဖန်တီးမှု အမျိုးမျိုးကို ပြသတဲ့ အဲဒီအစီအစဉ်မှာ အခု ပထမအသုတ်အဖြစ် (မြန်မာနိုင်ငံအပါအ၀င်) အရှေ့တောင်အာရှ ၁၀နိုင်ငံက ၂၂ ဦးရဲ့ ဖန်တီးမှုလက်ရာတွေကို ပြသလုို့ ထားတယ်။ (ဖေဖော်ဝါရီ ၂၂ ကနေ မေလ ၂၂ အထိ၊ ၃ လ)
အဲသည်မှာ မြန်မာပြည်က အနုပညာရှင် ၃ ဦးရဲ့ လက်ရာတွေကို ဂုဏ်ယူဖွယ်ရာ တွေ့ခဲ့ရတယ်။ အဲဒီ ၃ ဦးကတော့
ပန်းချီ ဆရာမ ၀ါနု နဲ့ ထွန်းဝင်းအောင် (ဇနီးမောင်နှံ) နဲ့ (ဦး) အောင်မြင့် တို့ဖြစ်တယ်။
ဦးအောင်မြင့်က ၁၉ ၄၆ ဖွား၊ နိုင်ငံတကာပြပွဲတွေမှာ အကြိမ်ကြိမ်များစွာ ပြဖူးသူ၊ ဆုတွေ ရဖူးသူ။ ၀ါနု (၁၉ ၇၇ ဖွား၊ ရန်ကုန်ဇာတိ) က ကွယ်လွန်သူ အကယ်ဒမီဆုရှင်၊ ဒါရိုက်တာ၊ စာရေးဆရာကြီး မောင်ဝဏ္ဏရဲ့ အကြီးဆုံးသမီးဖြစ်ပြီး ခင်ပွန်းဖြစ်သူ ထွန်းဝင်းအောင် (၁၉ ၇၅ ဖွား၊ ရွာလွတ်ဇာတိ) နဲ့ တွဲဖက်လို့ နိုင်ငံတကာပြပွဲတော်တော်များများ မှာ လက်စွမ်းပြ နွှဲလာခဲ့ကြသူတွေ။ ယခု သူတို့ဇနီးမောင်နှံရဲ့ လက်ရာ ၄ ခုနဲ့ ဦးအောင်မြင့်ရဲ့ ပန်းချီကားတချပ်ကို Guggenheim Museum ကြီးက ရွေးချယ်ပြသထားလေပြီး
ဦးအောင်မြင့်ရဲ့ ပန်းချီကားအမည်က (White Stupa Does not need gold) တဲ့။ ၆၀ x ၄၀ လက်မအရွယ် Acrylic on canvas ပန်းချီကား
ပုံ (၃) White stupa does not need gold
ပုံ (၃ a) ၂၀၀၂ နယူးယောက်ပြပွဲမှ ဦးအေးမြင့်
ဝါနုနဲ့ ထွန်းဝင်းအောင်တို့ရဲ့ လက်ရာ ၄ ခုကတော့ 4 pieces (of white) လို့ အမည်ပေါင်းပြီး ပေးထားတာ တွေ့ရပြီး အားလုံးဟာ အင်္ဂလိပ်ကိုလိုနီခတ် မြန်မာနိုင်ငံရေးကြိုးပမ်းမှုဖြစ်စဉ်တွေနဲ့ ဆက်စပ်နေတော့တယ်။
ပုံ (၄)
ပုံ (၅)
ပဌမလက်ရာက ဗိုလ်ချုပ်အောင်ဆန်း စစ်ဝတ်စစ်စားနဲ့ မတ်တပ်ရပ်နေတဲ့ပုံ၊ သိပ်ပြီး ခန့်ညားလှတဲ့ အဲဒီပုံဟာ ဟိုးအရင်တုန်းက မဂ္ဂဇင်းစာစောင်တခုရဲ့ အဖုံးမှာ ပါခဲ့ဖူးတဲ့ ပုံပဲ။ ဘယ်နှစ်တုန်းက ဘယ်စာစောင်ထဲမှာလဲ ဆိုတာကိုသာ အပ်ချမတ်ချ မပြောနိုင်တာ၊ အတော်ကို မြင်ဖူးနေကျပုံပဲ။ Forbidden Hero လို့လည်း နာမည်ပေးထားတယ်။ (ဘယ်သူတွေ မှိန်အောင်လုပ်ပေမယ့် "ဒို့ဗိုလ်ချုပ်မှန်း လူတိုင်းသိတယ်" ဆိုတဲ့ အတွေးကို ၀ါနုနဲ့ ထွန်းဝင်းအောင်က ပေးချင်တယ် ထင်ပါရဲ့)
ဒုတိယလက်ရာက ဗိုလ်ချုပ်ရဲ့ ကိုယ်တပိုင်း၊ အဖြူရောင် ပလာစတာရုပ်တွေကို ပြထားတာ။ အရုပ် ၄၀ ကို (တတန်းမှာ ၅ ခု၊ အတန်း ၈ တန်း) တင်ပြီး ပြထားတာ။ ခေါင်းရဲ့ နောက်ကပဲ မြင်ရတာ၊ ရှေ့မျက်နှာကို မမြင်ရဘူး။ အဲဒီအတန်းဘောင်ကြီးကိုလည်း အဖြူဆွတ်ဆွတ် ချယ်ထားတာ။ ပြီးတော့ light box အလင်းဖျော့ဖျော့ ဖြူဖြူခံပြီး ပြထားလိုက်သေးတယ်။ Intallation လို့ ဆိုရမှာပေါ့။ ထွန်းလင်းတောက်ပတဲ့ လောကသစ်ဆီသို့ "ဗိုလ်ချုပ်နောက်က" လိုက်ခွင့်မရခဲ့ရှာတဲ့ မြန်မာပြည်သူလူထုတွေကို ၀ါနုနဲ့ ထွန်းဝင်းအောင်က ရည်စူးလေသလား။
တတိယလက်ရာကတော့ ဗိုလ်ချုပ်မိန့်ခွန်းပြောနေတဲ့ ဗီဒီယိုကလစ်၊ မူရင်းအသံအတိုင်း ပြတိုက်ထဲမှာ တိုးတိုးလေး ဖွင့်ထားတယ်။ အောက်က အင်္ဂလိပ်စာတမ်းထိုးပြီးတော့၊ ဒီဂျစ်တယ်နည်းပညာနဲ့ အပြာရောင်များများ ဖြစ်အောင် လုပ်ထားလိုက်သေးတယ်။
စတုတ္ထလက်ရာကတော့ ၀ါနုတို့ ဆွေမျိုးတွေအတွက် သတိရစရာ၊ အဖိုးတန် video clip လေး တခုပါပဲ။ ၀ါနုတို့ရဲ့ အဖိုး (ဒါရိုက်တာမောင်ဝဏ္ဏရဲ့ ဖခင်) တချိန်က လျမ်းလျမ်းတောက် နာမည်ကျော်၊ အကယ်ဒမီတွေ၊ စာပေဆုတွေ ရခဲ့တဲ့ စာရေးဆရာကြီး၊ ဒါရိုက်တာကြီး ဦးသာဓု ပါဝင်တဲ့ အဖြူအမည်းခေတ်က ရုပ်ရှင်ကလစ်ကလေး။ ဒါကို ဒီဂျစ်တယ်နည်းပညာနဲ့ ပြန်ပြီး ဖန်တီးထားတာ။ ဗိုလ်ချုပ်မိန့်ခွန်းပြောတဲ့ video clip နဲ့အရောင်တူ၊ အပြာရောင်တွေ ဖြည့်ထားတာ)။
ဒါပေမယ့် အဲဒီမူရင်းရုပ်ရှင်က ဆရာကြီးဦးသာဓု ရိုက်ခဲ့တာ မဟုတ်ဘူး။ မြန်မာပြည် အင်္ဂလိပ်လက်အောက်မှာ ရောက်နေတုန်း ရေနံမြေသပိတ်ကြီး ပေါ်ပေါက်ပါရောလား။ အဲဒီတုန်းက ဆရာကြီး ဦးသာဓုက (ရုပ်ရှင်မရိုက်သေးဘူး၊ ဒါရုိုက်တာ မဖြစ်သေးဘူး) မျိုးချစ်သခင် တယောက်ပေါ့။ သခင်ဖေသန်း တဲ့။ (မူရင်းနာမည်ပါ)။ သူက အဲဒီသပိတ်တိုက်ပွဲမှာ သခင်တယောက်အနေနဲ့ တက်တက်ကြွကြွ ပါတယ်။ ချီတက်တယ်။ အဲဒီ မှတ်တမ်းသတင်းမှာ သူ့ပုံပါလာတယ်။ ဖျတ်ကနဲပါပဲ။
အဲဒီ ဟောင်းနွမ်းပြီး တုန်ခြင်း၊ မှုန်ခြင်း အပြည့်နဲ့ မှတ်တမ်းကလေးထဲက သခင်ဖေသန်းရဲ့ ရုပ်ပုံကို သူရဲ့ မြေးမလေး ၀ါနုက ပြန်ပြီး အသက်သွင်းတင်ဆက်လိုက်တာပေါ့။ ဖြိုးကနဲ ဖြတ်ကနဲ မျက်တောင် ၃ ခတ်စာလောက် ပါတာကို အခု ဒီဂျစ်တယ်နည်းနဲ့ မနေမနား တသွားတည်း သွား နေရတဲ့ ပုံမျိုး ဖြစ်အောင် လုပ်လိုက်တယ်။
"Thakhin Pe Than's long march" လို့လည်း အမည်ပေးထားတယ်။ အဘုိုး "သာဓု"ဟာ မြေး "၀ါနု" ကြောင့် တမလွန်ဘ၀ကနေ ပြန်ပြီး အသက်ဝင်လာတယ်။ နောက်ပြီး "အကြင်တို့ လင်မယား" ထဲမှာ ကြည့်ရာတာထက် ပိုပြီး နုပျိူနေတော့တယ်။
ဗိုလ်ချုပ်နဲ့ သာဓု၊ တော်လှန်ရေးကာလအတွင်းက ဆုံခဲ့ကြဖူးတယ် ဆိုတာကို ဖတ်ထားမိတယ်။
ဘယ်နေရာမှာ ဆုံခဲ့ကြသလဲ။ ဘာတွေပြောခဲ့ကြသလဲ ဆိုတာတွ ပြန်စဉ်းစားကြည့်တော့ ခေါင်းထဲ ပေါ်မလားတော့ဘူး။
ပေါ်မလာလည်း ရှိပါစေတော့လေ။
အခု သူတုို့ ၂ ယောက် ဒီပြတိုက်ထဲမှာ ဆုံနေကြပြီပဲ။
Saung Win Latt settling in USA
မြန်မာပြည်က ၀တ္ထုရေးတဲ့ စာရေးဆရာ ဆောင်းဝင်းလတ် အမေရိကန်ရောက်ပြီ
မိုးမခအထောက်တော် ၀၀၂၊ မတ် ၁၅၊ ၂၀၁၃
မြန်မာပြည်တွင် ၀တ္ထုတိုစာရေးဆရာတဦးအဖြစ် ထင်ရှားသူ စာရေးဆရာ ဆောင်းဝင်းလတ်နှင့် ဇနီးသည်တို့သည် သားသမီးများနှင့်အတူ နေထိုင်ရန်အတွက် အမေရိကန်ပြည်သို့ ပြောင်းရွှေ့လာပြီ ဖြစ်သည်။ မိနီဆိုးတားပြည်နယ်တွင် နေထိုင်ရန် မတ်လပထမပတ်ခန့်ကို ရောက်ရှိလာသည်ဟု သိရသည်။ အမေရိကန်ပြည်၊ မီချီကန်ပြည်နယ်တွင် နေထိုင်သည့် ကဗျာဆရာ အောင်ဝေးက ဆောင်း ရောက်ပြီဟု သူ့ဖေစ်ဘွတ်ကနေ ထုတ်ပြန်ပြီး မိတ်ဆွစာရေးဆရာကို ကြိုဆိုလိုက်သည်။
ဆရာဆောင်းဝင်းလတ်က မုိုးမခသို့ ပြောကြားရာတွင် မိမိ၏ စာရေးသားခြင်းကို ဆက်လက်ပြုလုပ်သွားမည် ဖြစ်ကြောင်း ပြောကြားသည်။ မဂ္ဂဇင်းအချို့နှင့် အပတ်စဉ်ဂျာနယ်များတွင် အဆက်မပြတ်ရေးသားဆဲဖြစ်သည်ဟု သိရသည်။ ၁၉ ၇၃ ခုနှစ်ကတည်းက ယခုအထိ စာရေးသားခြင်းဖြင့် အသက်မွေးခဲ့သည့် စာရေးဆရာဖြစ်သည်။ ၁၉ ၉ ၀ - ၉ ၄ ခုနှစ်အတွင်း မဟေသီမဂ္ဂဇင်းတွင် အယ်ဒီတာအဖြစ် ဆောင်ရွက်ခဲ့သည်။ မြန်မာပြည်တွင် အစုိုးရပေးသည့် စာပေဆုများသာမက စာဖတ်သူများ၊ စာပေချစ်သူများက ပေးသော စာပေဆုများစွာဖြင့်လည်း ဂုဏ်ပြုခံရသော စာရေးဆရာဖြစ်သည်။ ၁၉၈၀ ခုနှစ်များအတွင်း ရှုမ၀မဂ္ဂဇင်းများတွင် ဖော်ပြခဲ့သော ဆောင်းဝင်းလတ်၏ ဘ၀သရုပ်ဖော်ဝတ္ထုများမှာ အထူးထင်ရှားသည်။
ထင်ရှားသောစာမူများမှာ - ရေစက် (၉၀ခုနှစ်၊ ပေဖူးလွှာ)၊ သူတို့ခေါ်တော့ ဒုံးပျံပေါ့ (၁၉ ၈၆၊ ရှုမ၀)၊ ဘာကိုရွေးမလဲ ရွာကလေးရယ် (၁၉ ၈၄၊ ရှုမ၀)၊ လွမ်းလောက်ပေသည် (၂၀၀၁၊ အမျိုးသားစာပေဆု)၊ နံနက် ၃ နာရီ (၂၀၀၃ အမျိုးသားစာပေဆု) တို့မှာ ထင်ရှားသော စာမူများဖြစ်သည်။ လုံးချင်းဝတ္ထုနှင့် စာအုပ် ၁၀ အုပ်ကျော် ထုတ်ဝေခဲ့သည်။
မြန်မာပြည်ပြင်ပတွင် တင်ဆက်နေသော မြန်မာဝက်ဆိုက်များကိုလည်း ဖတ်ရှုမည် ဖြစ်ကြောင်း၊ မြန်မာပြည်တွင်းမှာတော့ ပြည်ပက မြန်မာသတင်းတင်ဆက်သည့် ၀က်ဆိုက်များကိုပဲ ကြည့်ရှုဖြစ်ကြောင်း ဆရာဆောင်းဝင်းလတ်က မိုးမခကို ပြောသည်။ ဆရာအောင်ဝေးတိုက်တွန်းလို့ မိုးမခလည်း ဖတ်ကြည့်ဦးမည်ဟု ဆရာဆောင်းဝင်းလတ်က မှတ်ချက်ပြုလိုက်သည်။ (email to writer @ winterlatt@gmail.com )
(Photo – Myanmar Times)
Junior WIn - My Life will go on goes Amazon e-book
My Life Will Go On – Junior Win အီးဘွတ် အမေဇုံမှာ တင်ပြီ
မိုးမခစာအုပ်စင်၊ မတ် ၁၅၊ ၂၀၁၃
စာဖတ်သူများသို့
JuniorWin၏ ဒုတိယမြောက်လက်ရာ အင်္ဂလိပ်လိုရေးသားထားသော ဒစ်ဂျစ်တယ်စာအုပ်ဖြစ်ပါသည်။ "တွေးမိသော အတွေးများ" ကနေ "ဘ၀စာမျက်နှာများ" ကိုဖတ်ဖူးထားသော ကျွန်မ၏ စာဖတ်ပရိသတ်များကတော့ ဒီစာအုပ်ထဲ ဘာတွေပါသလဲ ဆိုတာ မှန်းလို့ရမည်ဖြစ်ပါသည်။
အထူးတလည်တော့ ဘာမှပြောစရာမရှိပါ။ ဘဘကြီး ဦးခင်မောင်လတ်နဲ့ မေမေကြီးဒေါ်ခင်မျိူးချစ်တို့သည်လည်း ကျွန်မ၏ ကြိုးစားပြီး ရေးသားတင်ပြထားသမျှကို တွေ့မြင်ကာ ၀မ်းမြောက်ဝမ်းသာဖြင့် ကြည်နူးနေမည်ဟု စိတ်ဖြင့် မှန်းလျက် ပျော်ရွှင်နေရပါသည်။
စာအုပ်အဖြစ် ရောက်ရှိဖို့ အစအဆုံး ကူညီလုပ်ဆောင်ပေးသာ မိုးမခမီဒီယာအဖွဲ့ ကိုလည်း ကျေးဇူးတင်ကြောင်း မှတ်တမ်းတင်လိုက်ပါရစေ။ (ဂျုနီယာဝင်း)
သည်နေရာမှာ ရယူပါ။
Myanwaddy Bridge Traffic Jam a Mess
မြ၀တီက ချစ်ကြည်ရေးတံတား ယာဉ်ပိတ်ဆို့မှု ဖြေရှင်းပေးစေလို
မောင်လှမျိုး (တံတားထိပ်)၊ မတ် ၁၅၊ ၂၀၁၃
ကျွန်တော်တို့ ထိုင်း-မြန်မာ နယ်စပ်က နာမည်ကြီး မြ၀တီမြို့တော်ဟာဖြင့် နေ့စဉ် ဆိုသလို ချစ်ကြည်ရေးတံတား ပတ်လမ်းပေါ် စည်းကမ်းမဲ့ ရပ်နေသော ယာဉ်များကစလို့ ဧရာဝတီဘဏ်၊ KBZ ဘဏ်ရှေ့မှာ ပရမ်းပတာ ယာဉ်ပိတ်နေတာပါ။
ဘယ်သူကမှ တာဝန်ယူဖြေရှင်းတာမျိုး မရှိပါဘူး။ ကျွန်တော်တို့လည်းအင်တာနက် စာမျက်နာကနေ အော်ရတာ အကြိမ်လည်း များနေပါပြီ။ မြ၀တီ ယာဉ်ထိန်းရဲများဟာဖြင့် ပြည်သူရဲ့အသံကို နားထောင်ပုံ မရတာဘဲလားတော့ မပြောတတ်ပါဘူး။
ဒါမှမဟုတ် ပြည်သူအတွက်မဟုတ်ဘဲ နိုင်ငံတော်လူကြီးလာမှ လမ်းရှင်းတာဆိုတော့၊ လူကြီးအတွက်ပဲ အလုပ်လုပ်တာလား ဆိုတာကို တွေးစရာဖြစ်လာနေပါတယ်။ လစာကတော့ ပြည်သူတွေဆီက ယူနေတာပေါ့နော်။ ဒီမနက် တံတာထိပ်မှ လမ်းတွေပိတ်နေလိုက်ပုံများ ရှုပ်နေလိုက်ပုံများ ဘယ်ယာဉ်ထိန်းမှ လာပြီး မထိန်းပါဘူး။ လူကြီးလာတာမှ မဟုတ်တာလေ … … ။
Maung Paris - Learning Frnech # 6
ပြင်သစ် ဘာသာ လေ့လာစရာ (အပိုင်း ၆)
Lesson 6 ( Leçon 6 )
ပါရီမောင်၊ မတ် ၁၅၊ ၂၀၁၃
Lesson 6 ( Leçon 6 )
Les salutations နှုတ်ဆက် ပြောဆိုခြင်းများ
Conjugaison Verbe Groupe (1) ကြိယာအုပ်စု (၁) ချိန်ညှိခြင်း
ပြီးခဲ့တဲ့ သင်ခန်းစာမှာ ကြိယာအုပ်စု (၁) မှာပါဝင်တဲ့ အလွယ်ဆုံးဖြစ်တဲ့ ကြိယာ တွေကို ကတ္တားပုဒ်နဲ့ ချိန်ညှိပုံ Conjugaison လုပ်နည်း ဖေါ်မြူလာ ပေးခဲ့ပါတယ်။ ကျန်တဲ့ သင်ခန်းစာတွေဖြစ်တဲ့ Adjectif , Préposition , Adverbe တွေနဲ့ ကြိယာအုပ်စု (၂) နဲ့ (၃) တွေ ကို မဆက်ခင်မှာ အခြေခံ စကားပြောဖြစ်တဲ့ နှုတ်ဆက် ပုံလေးတွေ ကို ဒီတပါတ်မှာ ပေးချင်ပါတယ်။
ကြိယာအုပ်စု (၁) ဟာ Conjugaison လုပ်ရန် အလွယ်ကူဆုံး ဆိုပေမဲ့လည်းချွင်းချက်လေးတွေတချို့ ရှိနေပါသေးတယ်။
Syllabe ဆီလားဗ်လ် ဆိုတာဟာ စာလုံးတခုရဲ့ အသံထွက်တဲ့ အကြိမ် အရေအတွက်ကို ပြောတာပါ။
ဥပမာ -- Conjugaison ဆိုတဲ့ စာလုံး ကိုကြည့်ရင် ကွန် - ဂျူ - ဂေး - ဇွန်း ဆိုပြီး အသံ ၄သံထွက်တဲ့ အတွက် Syllabe ၄ ခု ရှိပါတယ်။ ဒါကြောင့် စကားပဲပြောပြော၊ စာပဲ ဖတ်ဖတ် စာလုံးတိုင်းကို သူ့ရဲ့ Syllabe အကုန် ထွက်ရပါမယ်။ regarder ရ ဂါ ဒေ ကြည့်သည်ဆိုတဲ့ ကြိယာမှာ Syllabe ၃ ခုပေါ့။
ကောင်းပြီ ၊ ကြိယာ အုပ်စု (၁) မှာပါဝင်တဲ့ "... er " နဲ့ အဆုံးသတ်တဲ့ ကြိယာထဲက တချို့ကိုကြည့်ပါ။
၁။ " ... cer " ဖြင့် ဆုံးသောစာလုံးများ။ ဥပမာ -- placer ပလာစေ ၊ အုပ်စု (၁) တွင်ပါဝင်သည်။ ထားသိုသည်၊ နေရာချထားသည်ဟု အဓိပါယ်ရပါသည်။ Conjugaison လုပ်သော အခါတွင် အုပ်စု (၁) ဖြစ်သောကြောင့် Je place ကျနော် နေရာချထားသည်, Tu places ခင်ဗျား နေရာချထားသည် , il place သူ နေရာ ချထား သည် , elle place သူမနေရာချထား သည် ဟု အဓိပါယ်ရပါသည်။
သို့သော် ကျနော်တို့ နေရာချထား သည် ဟုပြောရန် Nous placons ဟုသုံး၍ မရတော့ပါ။ Nous plaçons နူ ပ လာ စွန် ဖြစ်ရပါမည်။ စာလုံး " c " မဟုတ်တော့ပါ။ အောက်တွင် ပါသော အတက်ကလေးကို cédille ဟုခေါ်ပြီး စာလုံး "a" "o" "u" စာလုံးများ ၏ရှေ့တွင် " c " ကို " ç " ပြောင်း ပေးရပါမည်။ အသံအနေနှင့် " ç " စ သံထွက်ပါမည်။
၂။ " ... yer " ဖြင့် အဆုံးသတ်သော ကြိယာများတွင် Conjugaison လုပ်သောအခါ " y " မှနေ
" i " သို့ပြောင်းပါမည်။ ဥပမာ -- nettoyer နေ တွား ရေး သုတ်သည် ဆိုသော ကြိယာကို ကြည့်ပါ။
ကျနော် သုတ်သည်( ဖုံသုတ်သည်။ အဝတ်ဖြင့်စားပွဲကို သုတ်သည်) လို့ ပြောရန် Je nettoye la table
ရ နေ တွား လာ တားဘ် လ် ကျနော် စားပွဲကို သုတ်သည်။ စာကြောင်းတွင် nettoieဆိုမှမှန်ပေမည်။
" e " ၏ရှေ့တွင် ကျရောက်ပါက " y " သည် " i " သို့ ပြောင်းသွားမည်။
Je nettoie ရနေတွား ကျနော် သုတ်သည် , il nettoie အီလ်နေတွား သူ သုတ်သည် , nous nettoyons နူ နေတွားယွန် ကျနော်တို့ သုတ်သည်("e" ဖြင့် မဆုံးတဲ့အတွက် ပုံမှန် )
" ... ayer " နဲ့ဆုံး တဲ့ကြိယာဆိုရင်တော့ " y " မှ " i " သို့ ပြောင်းရင်လဲမှန်တယ်၊မပြောင်းရင်လဲ မှန်တယ်။ ဥပမာ - payer ပေး ရေး ငွေပေးသည်။ ( donner ဆိုရင်တော့ ပစ္စည်း တခုခု ပေးတာပါ)
Je paye ( paie ) ရ ပေး ကျနော်ငွေပေးသည် , elle paye ( paie ) အယ်လ် ပေး သူမ ငွေပေးသည်
၃။ " ... eler " အဆုံးသတ်ဖြစ်နေပြီး နောက် ဆုံးက အသံမထွက်တဲ့ " e " နဲ့ အဆုံးသတ်ရင်တော့
Conjugaison လုပ်တဲ့အခါမှာ " l " က ၂လုံးထပ်သွားရပါမယ်။ ဥပမာ - appeler အာ ပ လေ ခေါ်သည် ။ ( တစ်စုံ တစ်ယောက်ကို ခေါ်သည်။ အမည်ခေါ်သည်ကို သုံးလို့မရပါ )
J'appelle ... ရာ ပဲလ် ကျနော် ... ကို ခေါ်သည် , il appelle... အီ လ ပဲလ် သူ ... ကိုခေါ်သည် , elle appelle... အယ်လ် လာ ပဲလ် သူမ ... ကိုခေါ်သည်, nous appelons.... နူ ဇာ ပလွန် ကျနော်တို့ ... ကိုခေါ်သည် ( "e" ဖြင့် အဆုံးမသတ်တာဖြစ်လို့ ပုံမှန် အနေနဲ့ ပြန်ဖြစ်သွားတယ်)
သို့သော် ချွင်းချက်အနေနဲ့ ဒီစာလုံးတွေကိုမှတ်ထားပါ။ သီးခြား ဖြစ်ပါတယ် ။
celer, ciseler, déceler, démenteler, écateler, geler, marteler, modeler, peler,
ဥပမာ - peler ပလေ အခွံနွှာသည်
Je pèle ရ ပဲလ် ကျနော် အခွံနွှာသည် , il pèle အီလ် ပဲလ် အခွံနွှာသည်, elle pèle အယ်လ် ပဲလ် သူမအခွံနွှာသည်, nous pelons နူ ပ လွန် ကျနော်တို့ အခွံနွှာသည် (ပုံမှန် အတိုင်းပြန်ရေးသည်) " e " စာလုံးပေါ်မှာ ဗမာလို နောက်ပစ်လို ထဲ့ ရပါတယ်။ Accent Grave လို့ခေါ်ပါတယ်။ " è "
၎။ အလားတူစွာပဲ " ... eter " အဆုံးသတ်ဖြစ်နေရင် " ... eler " အတိုင်းပဲ " t " က၂လုံးထပ်သွားရပါမယ်။ ဥပမာ - jeter ရက်တေ လွှင့်ပစ်လိုက်သည်
Je jette ရ ရက်ထ် ကျနော်ပစ်သည် , tu jettes ကျူ ရက်ထ် မင်း၊ခင်ဗျား ပစ်သည်, il jette အီလ် ရက်ထ် သူ ပစ်သည် , elle jette အယ်လ် ရက်ထ် သူမ ပစ်သည်, nous jetons နူ ရက်တွန် ကျနော်တို့ပစ်သည်။( ပုံမှန်)
သို့သော် ချွင်းချက်အနေနဲ့ ဒီစာလုံးတွေကိုမှတ်ထားပါ။ မပါဝင်ပါ။
acheter, corseter,crocheter,fureter,haleter,racheter
ဥပမာ - acheter အာ ရှက် တေ ဝယ်သည်
j'achète ကျနော်ဝယ်သည် , tu achètes မင်း၊ခင်ဗျားဝယ်သည်, Nous achetons ကျနော်တို့ဝယ်သည် ။( ပုံမှန် ) အသံထွက် မရေးပေးတာက အောက်မှာ လင့်ပေးထားလို့ပါ။
j'achète une pomme. ကျနော် ပန်းသီး တလုံးဝယ်သည်။
Nous achetons une voiture. ကျနော်တို့ ကားတစီးဝယ်သည်။
Elle achète une maison. သူမ အိမ်တလုံး ဝယ်သည်။
( အခု သိထားသမျှ နာမ်တွေ ၊ ကြိယာတွေနဲ့ စာကြောင်း တော်တော်များများလုပ်နိုင်နေပြီ )
Verbe Conjugaison နဲ့ပါတ်သက်လို့နဲနဲပြောချင်ပါတယ်။ အခုခေတ်မှာ Youtube ထဲကိုConjugaison acheter လို့ ရိုက်ထဲ့လိုက်တာနဲ့ အပေါ်ကလင့်အတိုင်းတန်းထွက်လာ တာပဲ။ သိချင်တဲ့စာလုံးကို ရိုက်ထဲ့လိုက်ရင်ပြင်သစ်ဆရာပေါင်းများစွာထွက်လာမယ်( ကောင်းတဲ့အသံထွက် ကိုတော့ရွေးတတ်ဖို့လိုပါမယ်) ဥာဏ်ရှိသလို သုံးနိုင်ရင် အခုခေတ်မှာ အကုန်လွယ်သွားပြီ။ ပါရီမောင် တို့ခေတ်တုံးက Conjugaison စာအုပ်လေးတအုပ် သူငယ်ချင်းတယောက်က ရှားရှားပါးပါးရလာတာကို စာကူးစက် နဲ့ လှည့်ထုတ်ပီး အတန်းထဲမှာ လက်သိပ်ထိုးရောင်းပြီး Conjugaison ဒုက္ခကို ရှင်းရတယ်။ ဟိုတုံးကတော့ ကွန်ပြူတာစာစီစာရိုက် ခေတ်မဟုတ်သေးဘူးလေ။ အခုတော့ မူရင်းစာအုပ်လေးကိုကိုင်နိုင်နေပြီပေါ့ဗျာ။
အခုအချိန်ထိ ကြိယာအုပ်စု (၁) မှာပဲရှိနေသေးတယ်ဆိုတာ မမေ့ပါနဲ့ဦး။ အထက်က ရှင်းလင်းချက်တွေက ကြိယာနဲ့ သက်ဆိုင်တဲ့ အခန်းမှာ ပြည့်စုံအောင် ထဲ့ထားရတာဆိုတော့ အကုန်လုံးကို အသေးစိတ် သိဖို့ မလိုသေးပါဘူး။ ဘာကြောင့်ဖြစ်လာရသလဲ ဆိုတာကို တချိန်မှာ ပြန်ပြီးကိုးကားရအောင်ပါ။ အကြမ်းအာဖြင့်
" ... er " နဲ့အဆုံးသတ်ရင် ကြိယာအုပ်စု (၁) ဆိုတာကိုမှတ်ရင်ရပါတယ် ။ (အခြေခံ နဲနဲရှိပြီး မရှင်းလင်းသူတွေ အတွက် အသုံးဝင်နိုင်ပါတယ်။ )
အပြန်အလှန် စကားပြောတာလေးတွေ ပေးသွားရင်းမှာပဲ ပါဝင်တဲ့ စာလုံးတွေကို ရှင်းပြသွား မယ်။ ဒီတော့ ကျနော်တို့ သင်ခန်းစာ ကို သဒ္ဒါ အပိုင်းနဲ့ စကားပြော အပိုင်းလို့ ခွဲလို့ ရတာပေါ့ ။
အောက်မှာပေးထားတဲ့ လင့်ကို နားထောင်ပါ၊ အသံ တထပ်တည်းရအောင်လေ့ကျင့်ပါ။ ဘယ်အခါတွေမှာ ပြောရမယ်ဆိုတာရယ် ၊ အဓိပါယ်နဲ့ သဒ္ဒါကို ရှင်းပါမယ် ။
Les salutations နှုတ်ဆက် ပြောဆိုခြင်းများ
1.Bonjour (ဗမာလို မင်္ဂလာပါ နဲ့ နှိုင်းယှဉ်ချင်ပါတယ်၊ ညနေအချိန်လောက်အထိ ပြောနိုင်ပါတယ်၊ သူ့အတိုင်းပဲ ပြန်ပြော ရင်ရပါတယ် ) bon - ကောင်းသော , jour - နေ့
ဥပမာ - Bon Anniversaire ဘွန်း နာနီ ဗက်စယ် ဆိုရင် Happy Birthday လို့ ဆုတောင်းပေးတာပါ
2.Bonsoir ( ညနေပိုင်းမှာ နှုတ်ဆက်တာပါ ၊ကောင်းသောညနေ ပေါ့နော်။ သူ့အတိုင်းပဲ ပြန်ပြော ရင်ရပါတယ်) bon - ကောင်းသော ,soir- ညနေ" bon "ဆိုတာ ကောင်းသောလို့ အဓိပါယ်ရတဲ့ adjectif
3.Salut အင်္ဂလိပ်လို Hi ပေါ့၊ ( ရင်းနှီး သူချင်း နှုတ်ဆက်တာပါ ၊ သူ့အတိုင်းပဲ ပြန်ပြော ရင်ရပါတယ်)
4.Comment allez -vous? (ကိုယ့်ထက်ကြီး သူ၊ ဂါရဝ ထားရမဲ့ သူတွေကို နေကောင်းပါရဲ့လား လို့မေးတာပါ။ ပြန်ဖြေရင် Je vais bien, Nous allons bien, Très bien ( Merci ) စသဖြင့်ဖြေပါတယ်
5.Comment vas-tu? ရင်းနှီးသူချင်း၊ မိသားစုချင်းမေးရင် သုံးတာပါ။ တယောက်ထဲကိုမေးတာပါ
Je vais bien,Très bien ( Merci ) စသဖြင့်ဖြေပါတယ်။( အဓိပါယ်ကိုစာလုံးအတိုင်း အတိအကျ ပြန်ရင် မင်း၊ခင်ဗျား ဘယ်လိုသွားလဲ လို့ ဖြစ်ပါတယ်။ ဒီနေရာမှာ နေကောင်းလား လို့မေးတာပါ)
6.Comment ça va? ဘယ်လိုလဲ ၊ ok ရဲ့လား ၊ အဆင်ပြေရဲ့လား ပေါ့။ ça vaအဆင်ပြေပါတယ်။ ça (ne) va pas. အဆင်မပြေဘူး။ စသဖြင့်ဖြေရန်။
7.Quoi de neuf ? အပေါ်ကလိုပါပဲ ။ ဘာထူးလဲ လို့ အဓိပ္ပါယ် ရပါတယ်။
8.Bien ကောင်းပါတယ်
9. Très bien အရမ်းကောင်းပါတယ်။ Très ဆိုတာကြိယာဝိသေသန၊ အင်္ဂလိပ်လို Adverb၊ အရမ်း လို့ အဓိပ္ပါယ်ရပါတယ်။ Très belle,Très jolie အရမ်းလှတယ်(လူ၊ အရာဝထ္တု)Très beau.အရမ်းသာယာတယ်
10. Pas mal မဆိုးပါဘူး
11. Mal ဆိုးတယ် ၊
12.Bien, et vous? ကောင်းပါတယ် ၊ မင်းရော ( ခင်ဗျားရော) ( လူကြီး များအတွက်)
13. Bien , et toi? ကောင်းပါတယ် ၊ မင်းရော ( ခင်ဗျားရော) ( သူငယ်ချင်း၊ မိသားစုဝင် တယောက်ယောက်နှင့်ပြောရန် အတွက်)
14. Pas grand chose အထွေအထူးမရှိပါဘူး ၊ အကြောင်းမထူးပါဘူး
15. Au revoir နှုတ်ဆက်ပါတယ် good bye(ပြန်ပါဦးမယ်၊ မကြာခင်ပြန်တွေ့မယ် ဆိုတာတွေရှိပါတယ်)
16. Salut အင်္ဂလိပ်လို Hi ပေါ့၊ ရငိးနှီးသူချင်းသုံးရန်အတွက်ပါ
17. A bientôt. (စာလုံး အကြီးနဲ့ ရေးရင် သင်္ကေတတွေ မထဲ့ရပါဘူး။ပုံမှန်ရေးရင်တော့ " à ") မကြာခင်တွေ့မယ် ၊
18. A plus tard နောက်မှတွေ့မယ် ၊ A ဆိုတာကတော့ Preposition ဖြစ်တဲ့ "à" ကို ပြောတာပါ၊
19. A demain နက်ဖြန်တွေ့မယ် ၊ à samedi ဆိုရင်တော့ စနေနေ့မှာတွေ့မယ်ပေါ့၊ Preposition ထဲ့ပြောရပါတယ်၊ à demain soir နက်ဖြန်ညနေတွေ့မယ် , à samedi matin စနေနေ့ မနက်တွေ့မယ်
20. A la prochaine (fois ) နောက်တခါပေါ့
21. Bonne journée ကောင်းသော တနေ့တာဖြစ်ပါစေ(တနေ့တာပါ)
22. Bon après-midi ကောင်းသော နေ့လည်ခင်းပါ
23. Bonne soirée ကောင်းသော ညနေခင်းပါ
24. Bonne nuit ကောင်းသော ညပါ (တနေ့တာ အတွက် နောက်ဆုံးနှုတ်ဆက်ရန်သာ)
25. Adieu good bye
Au revoir မကြာခင် ပြန်ဆုံမယ်
Kamarpale - Poem
အနာတရ ... ပိတောက်
ကမာပုလဲ
မတ်လ ၁၄၊ ၂၀၁၃
ပိတောက်တွေဟာ ရင်တထိတ်ထိတ်နဲ့
ဖူးရမလား ... ပွင့်ရမလား ... ငုံရမလား
ကြွေရမလား ...
သူစိမ်းပြင်ပြင် စိမ်းကားလိုက်ရမလား ...။
တချို့ ပိတောက်ပင်တွေ ဖူးနေတယ်ဆိုပဲ ...။
အဲဒီ ပိတောက်ဖူးတွေမှာ ...
လတ်လတ်ဆတ်ဆတ် ယမ်းခိုးယမ်းငွေ့ရနံ့တွေ
၈၈၈၈ နဲ့ အရေးတော်ပုံ ကြွေးကြော်သံတွေ
စိုးနိုင် ... ဖုန်းမော် ... ၀င်းမော်ဦးတို့ရဲ့
အပြစ်မဲ့ သွေးညှီနံ့တွေ
တံတားနီက မကျွတ်မလွတ်နိုင်သေးတဲ့ ၀ိညာဉ်တွေ
အကျဉ်းထောင်တွေထဲက ကျဆုံး အာဇာနည်တွေ
၁၉၉၁ မြစ်ဝကျွန်းပေါ်က လူမျိုးတုန်း လူသတ်ပွဲကြီး
ဒီပဲရင်း လူအစုအလိုက်အပြုံလိုက်လူသတ်ပွဲရဲ့ အသံ
နာဂစ် သားသတ်သမားရဲ့ အခြေခံဥပဒေ
ရှစ်စိပ်မက ကွဲကြေနေတဲ့ ... အရိုက်ခံအနှက်ခံ
၂၀၀၇ စက်တင်ဘာ သံဃာတွေရဲ့ ဦးပြည်းစိမ်းများ ...။
အဲဒီ ပိတောက်ဖူးတွေမှာ
ဧရာဝတီမြစ်ဆုံ ရနံ့
လက်ပံတောင်း မီးသင့်သံဃာ ရနံ့
ကချင်စစ်ပွဲ ရနံ့
လိုတဲ့အချိန် ထတိုက်နေတဲ့ စစ်ပွဲတွေရဲ့ ရနံ့
သားသတ်သမားနဲ့မှ အညံ့ခံစေ့စပ်သွားတဲ့ရနံ့
ယုန်တောင်ပြေး ခွေးမြောက်လိုက်နေတဲ့ ရနံ့
ယုန်နဲ့ အတူပြေးပြီး ခွေးနဲ့ အတူ အမဲလိုက် ရနံ့
ကမ္ဘာမီးလောင်နေတာကို
သခွတ်ပင်က သူ့အချစ်နဲ့ မီးကို ငြှိမ်းသတ်ပေးမယ်ဆိုတဲ့ လိမ်စဉ် ရနံ့ ...။
အဲဒီပိတောက်ဖူးတွေဟာ ရင်တထိတ်ထိတ်နဲ့
ငုံရမလား ... ပွင့်ရမလား ... ကြွေရမလား
ခြေရာဖျောက် သူစိမ်းဆန်နေတော့မလား
ရင်တထိတ်ထိတ်နဲ့
အဲဒီ ပိတောက်ဖူးတွေခမျာ
ဒီနှစ်ကူးအတွက် သွေးပျက် အေးခဲနေခဲ့တယ် ...။ ။
U Nandawuntha - Articles
ကုသိုလ်ကံ မဆက်လိုက်မိတော့
ဦးနန္ဒဝံသ (ကာရိုလိုင်းနား)
မတ်လ ၁၄၊ ၂၀၁၃
ကျောင်းတိုက်ရဲ့ ထမင်းနှဲပွဲတော်နေ့  နံနက်စောစော မြန်မာစားစရာ ရွှေချည်မုန့့်နဲ့  ဆနွင်းမကင်းမုန့်  များကို လာလှူရင်း ငိုမဲ့မဲ့နဲ့  စောနဘန်းတစ်ယောက် မော်တော်ကား မတော်တဆတိမ်းမှောက်ကာ ကွယ်လွန် သွားကြောင်း စောနဘန်းရဲ့ မိတ်ဆွေ မိချိုအုံး သတင်းပေးလိုက်တဲ့ အချိန်မှာတော့ လွန်ခဲ့တဲ့သုံးနှစ်ကျော်က စိတ်ထဲမှာ ဝင်လာသော အတွေးစလေးကို ပြန်တွေးပြီး သတိရမိသွားသည်။ ပစ္စုပ္ပန်ကောင်းကံတွေနဲ့  ဆက်မိ လိုက်လေမှ ဘဝဟာ ဒုက္ခနည်းမယ်ဆိုတဲ့ အတွေးစ။ စောနဘန်းကြီးတော့ ကုသိုလ်ကံ မဆက်မိရှာဘူးဟု စိတ်ထဲတွင် ကရုဏာပါသော မှတ်ချက်ကလေး ချမိခဲ့သည်။ စောနဘန်းရဲ့ ကျန်ရစ်သူဇနီး နန်းရွှေဝါနှင့် သားသ္မီး (၁၁နှစ်၊ဂနှစ်၊ ၆နှစ်)သုံးယောက်တို့  အမေရိကန်နိုင်ငံမှာ ဆက်ရမည့် ဘဝရှေ့ ရေးက သိပ်တော့မလွယ်လှတော့။
လွန်ခဲ့သော ၃နှစ်ကျော်က ထိုင်းနိုင်ငံ ဒုက္ခသည်စခန်းတစ်ခုမှ အမေရိကန်နိုင်ငံ၊ ဂျူးဘာသာရေးအဖွဲ့  အစည်းတစ်ခု စပွန်စာဖြင့် မိမိနေထိုင်ရာ နော့သ်ကာရိုလိုင်းနား၊ မြန်မာဗုဒ္ဓဘာသာကျောင်းတိုက်အနီး (Greensboro)မြို့ တွင် စောနဘန်းတို့ မိသားစု အပါအဝင် မြန်မာနိုင်ငံတိုင်းရင်းသား ဒုက္ခသည် ၈-စု ရောက်ရှိလာခဲ့ကြသည်။ ဘာသာဝင်အနေနဲ့ တွက်ရင် ဗုဒ္ဓဘာသာမိသားစု ၅စု၊ မူဆလင်မိသားစု ၂စု၊ ခရစ်ယာန် မိသားစု ၁စု။ စပွန်ဆာပေးတဲ့ အဖွဲ့ ကသေးတော့ ဝန်းထမ်းနည်း၍ မြန်မာမိသားစု ၈-စုလုံး ရောက်ရောက်ခြင်း စားစရာ ဝတ်စရာ အချိန်မှီ မရရှိဘဲ ဒုက္ခရောက်နေကြောင်း သတင်းရသူ တစ်ဦးက မိမိထံ အကြောင်းကြားတော့ သွားတွေ့ ကာ လိုအပ်တာတွေ အကူအညီ ပေးခဲ့သည်။ မိမိဘာသာဝင် မဟုတ်ကြသူများကိုလဲ နိုင်ငံသား စိတ်ဓာတ်အနေနဲ့  မခွဲမခြားစိတ်ထားကာ ကူညီခဲ့သည်။
နောက် ၄လလောက်ကြာသည်ထိ အလုပ်များ မရကြ၍ မိသားစုတွေ ဒုက္ခပိုမိုကြီးလာသည်။ အိမ်လခတွေ ကိုယ်တိုင်ပေးရတော့မည်ဆိုတာ သိလာရတော့ ပိုပူပင်လာကြသည်။ မိမိထံဖုန်းဆက်ပြီး သူတို့  အပူများကို ပြောပြကြသည်။ သံသရာဝဋ်ဒုက္ခက အမြန်လွတ်မြောက်လို၏လို့ ဆုတွေတောင်းလာသူ မိမိအဖို့  သံသရာ၌ နစ်မွန်းနေသော သတ္တဝါတွေကို ကယ်တင်ရလို၏ ဆိုတဲ့ ဘုရားအလောင်းဆုကို ပြန်တောင်းရမလို။ သူတို့ အပူတွေက မိမိကို ကူးစက်လာခဲ့သည်။ အဲဒီအပူများထဲတွင် သူတို့ တွေ အဆင်မပြေကြလို့ ငါ့ဆီများ ငွေချေးခဲ့ရင်ဆိုတဲ့ အပူကတစ်ခု။ အဲဒီအပူမကပ်အောင် တတ်နိုင်သမျှ အလုပ်ရဖို့ ရှာပေးရသည်၊၊ အလုပ်မရခဲ့ ကြပါ။ မကြာမီဘဲ အပူက မိမိကိုကူးလာခဲ့သည်။ အလုပ်ပေါသော သူတို့ ငယ်ချင်းများရှိရာသို့  ပြောင်းချင် ကြောင်း၊ ခေတ္တ လမ်းစရိတ်စိုက်ပေးစေလိုကြောင်းများ ကိုယ့်ဘာသာဝင်အချို့့က အပူကပ်လာကြသည်။ သူတို့  ဘိုးဘွားမိဘတွေ ညွန်ပြမှုကြောင့် ဒီနေ့ ထိ ဒုက္ခတွေကြားက ကိုယ့်ဘာသာတရားကို မမေ့ကြသေးတာပါ လားဆိုတဲ့ ကျေးဇူးအတွေးကို တွေးမိပြီး သွားလိုတဲ့နေရာကို ပို့ ပေးခဲ့သည်။ သူတို့ အပူကို ကိုယ့်ပေးထား ခဲ့သည်ကို သတိမှ ထားမိကြပါလေစပေါ့။ လေဆိပ်နဲ့  ကားဂိတ်တွေမှာ ကလေးငယ်များရဲ့  ရှိခိုးပြီး နှုတ်ဆက် သွားကြတာကို ကြည့်ရင်း စိတ်တွင်ကြည်နူးကာ သတိရကျန်ခဲ့သည်။ ကိုယ့်နိုင်သားတွေ ဘယ်မှာမေ့နိုင်ပ။
စောနဘန်း နဲ့ နန်းရွှေဝါတို့ မိသားစု ကလေးသုံးယောက်နှင့် နော့သ်ကာရိုလိုင်းနားမှာ ဆက်နေကြ သည်။ မှတ်မိနေသည်။ တနေ့  ဘဏ်တစ်ခုကို သူတို့ ရဲ့ ရှိစုမဲ့စု ဒေါ်လာလေးတွေ သွားပြီးတော့ စာရင်းဖွင့်တော့ လက်မှတ်ထိုးရာမှာ နန်းရွှေဝါက သူ့ လက်မှတ်ကို ဝလုံး ပိန်ပိန်လေး ထိုးပေးလိုက်သည်။ စောနဘန်းကတော့ တစ်မီးနှစ်လောက်အချိန်ယူကာ အင်္ဂလိပ်လို သူ့ နာမည်ရေးပြီး လက်မှတ်ထိုးပေးလိုက်သည်။ အင်္ဂလိပ်လိုသူ့  နာမည်လေး ရေးပေးလိုက်သော ခင်ပွန်းသည်စောနဘန်းကို နန်းရွှေဝါက ပြုံးလျှက် ဂုဏ်ယူစွာကြည့်နေခဲ့သည်။ ဘဏ်ဝန်ထမ်းက မိမိကို သူတို့ ဘဝအကြောင်းလေး မေးခိုင်းသည်။ အဲဒီတော့မှ စောနဘန်းက မြန်မာပြည်မှာ ၂တန်းအောင်ခဲ့ပြီး နန်းရွှေဝါက တစ်တန်းမှ မအောင်ခဲ့တာကိုသိခဲ့ရသည်။ ဘဏ်ဝန်ထမ်းက မြန်မာပြည်မှာ ဘာတွေလုပ်ခဲ့သလဲမေးတော့ နန်းရွှေဝါက ၁၁နှစ်သမီးထဲက လယ်ထဲမှာ မိဘများနှင့်အတူ စပါးစိုက်လိုက် ကြောင်းပြောတော့ ရိုက်စ်တက္ကသိုလ်(Rice University)မှာ ပညာသင်ခဲ့တာပေါ့လို့  ရယ်စရာ စလိုက်သည်။ စောနဘန်းတစ်ယောက် ကြက်သားစက်ရုံမှာ အလုပ်လုပ်ရင်း မိသားစုတာဝန်ကို ကျေပွန်ခဲ့သည်၊၊ နှစ်ကြာလာတော့ ဝင်ငွေပိုလေးတွေရှိလာကာ အပေါင်းအသင်းများနှင့် ယစ်ရေလေးချ ငါးကလေးတွေမျှားကာ ဘာသာရေးနဲ့ ဝေးလာသည်။ ၁နှစ် ၆ကြိမ်မျှသာ ကျင်းပပြုလုပ်သည့် မိမိကျောင်းဘာသာရေးပွဲများတောင်မှ ကားလွှတ် ခေါ်သော်လည်း မလိုက်ဖြစ်တော့။ နန်းရွှေဝါကတော့ သားသ္မီးတွေနှင့် ကျောင်းပွဲရှိလျှင် အရောက် လာတတ်သည်။ တတ်နိုင်သမျှ ကုသိုလ်လုပ်ရှာသည်။ ကလေးတွေက ဘုရားနဲ့ ဘုန်းကြီး ဦးချရာမှာ စနစ်တကျ လေးချတတ်၍ မိခင်က သင်ပေးထားသားဘဲလို့  မှတ်ချက်ချမိခဲ့သည်။ သူတို့ ဦးချတိုင်း ကျန်းမာချမ်းသာစေဗျား ဆိုတဲ့ ဆုကိုတော့ မိမိက အမြဲပေးခဲ့မြဲ။
စောနဘန်းဆုံးပြီဆိုတာကြားတော့ ကုသိုလ်လေးတွေ အတိတ်ကပါလာလို့  လူဖြစ်ရ၊ လူဖြစ်တော့လဲ အမေရိကလို နိုင်ငံမျိုးမှာ ပြောင်းရွှေ နေထိုင်ခွင့်ရပေမဲ့ ကံကောင်းလို့ ဆိုတဲ့ အသိ၊ မကောင်းတာတွေလုပ်နေတဲ့ အချိန်တွေကို ကောင်းတာလုပ်ချိန်တွေနဲ့ အစားထိုးရမယ်ဆိုတဲ့ အသိက မဝင်မိလေတော့ ရှိနေသည့် ကောင်းကံလေးတွေ နောက်ထပ် ကောင်းကံတွေနဲ့  ဂဟေမဆက်မိရှာ။ မိသားစုနှင့်အတူ အပျင်းပြေခရီး ထွက်ရင်း အပြန်မှာ ကားမှောက်ကာ နေရာတွင်ပင် ပအို့ ကရင် ဗုဒ္ဓဘာသာဝင် စောနဘန်းကြီး ဆုံးသွားခဲ့သည်။ ကရင်ဗုဒ္ဓဘာသာဝင် နန်းရွှေဝါနဲ့  သားသ္မီးတွေကတော့ အတိတ်က ကောင်းကံတွေကို ပစ္စုပ္ပန်ကောင်းကံတွေနဲ့  ဂဟေဆက်ထားလို့  ထင်ရဲ့ အနည်းငယ် ဒဏ်ရာကလွဲရင် အသက်အန္တရာယ် မစိုးရိမ်ရ။
စောနဘန်းနဲ့ မိရွှေဝါတို့ ရဲ့ မိမိကားပေါ်မှာ လိုက်ပါလာတိုင်း ပြောစကားများနဲ့  အမူအရာများကို ငယ်ငယ်ကပါလာခဲ့တဲ့ ကဗျာဉာဏ်လေး တွေနှင့် လွန်ခဲ့တဲ့ ၃ နှစ်က ကဗျာတစ်ပုဒ်ဖွဲ့ ဖြစ်ခဲ့သည်။ စောနဘန်းကို အမှတ်ရ၍ စိတ်ထဲမှာ ရွတ်ကြည့်နေမိသည်။ ကဗျာခေါင်းစဉ်က "မင်းကြောင့်"တဲ့။
ငါဒီရောက်တော့မှ
မင်းတို့ အစိုးရ မကောင်းတာတွေ ကုန်စင်အောင် သိတော့တယ်။
အစစ ဘာမှကို အဆင်မပြေဘူး
အင်တာဗြူး မျက်လုံးကိုပြူးလို့ 
အလုပ် အဟုတ်ကို ရှာရခက်တာ
ရပြန်တော့လည်း ခဏခဏပြုတ်
ဆန်ပြုပ်တော့ မင်းတို့ ဆီမှာလို မသောက်ရသေး။
စားစရာဖုစတန့် ကဒ်လေး သူတို့ ကပေးလို့ 
တော်သေးတယ်နော်လို့  တိုးတိုးကပ်ပြော
ဝနှစ်လုံးပူး ထဆင်ထူးတောင် မသိတဲ့ချစ်သူကို
ဖြေသိမ့်ရတာကလည်း အမော။
သူ့ အထက်က ၂တန်းကြီးတောင်
မင်းတို့ ဆီက ပညာရေးနဲ့ ဆို
အရမ်းအရမ်းကို သာနေလို့ 
သူကလဲ ခွင့်လွှတ်နေပုံ ပေါ်ရဲ့ ။
ဒီ၂တန်းတောင်၂ မိုင်ကျော် ခြေလျင်လျှောက်
၃ နှစ်လောက် ကြိုးစားခဲ့ရတာကို သူသာအသိဆုံးမို့ 
တန်ဖိုးတော့ ထားရမှာပေါ့။
အပိုအဆာလေး
ကွပ်ပျစ်ပေါ်မှာ မွေးခဲ့တဲ့ ၃ယောက်
အင်္ဂလိပ်စကားလေး ပေါက်တော့မှ
အားကိုးရတော့မှာဘဲလို့  ငြီးပြော ပြောနေတုန်း
တယ်လီဖုန်းလာတယ်
အလုပ်အတွက် အင်တာဗြူးရအောင် ကားလွှတ်လိုက်ပြီ်တဲ့။
အဆင်ပြေမှာပါအကို အကိုရဲ့ အရည်အချင်းနဲဆို
အထင်ကြီးတဲ့စကားလားတော့ မသိ
ကြီး၏တော့ ရှိသည့်ထင်ပါရဲ့။
ကမ့်ပ် (camp)ထဲမှာ သင်ခဲ့တဲ့ ဂွတ်ဒမောနင်း
တို့  အားတင်းပြောနေရတာ မင်းလေး မသိရှာဘူး။
အိုကေကွာ ငါသွားတော့မယ် ။
အဆင်ပြေရမယ်ဟေ့ တစ်နေ့  ဟစ်ကြွေးလို့ အော်။
ထဆင်ထူး သိသူနဲ့  မသိသူ
အပူတွေ ဆူနေတဲ့ အမေရိကက တို့ ဘဝ
ဒါတွေဟာ မင်းတို့ ကြောင့် မဟုတ်ရင် ဘယ်သူ့ ကြောင့်။
မိမိရဲ့ ကဗျာတွေထဲက ဇာတ်ဆောင်တစ်ယောက် မျက်မှောက် ၀၃၊ ၀၉ ၊ ၂၀၁၃ နေ့ က ပျောက်သွားခဲ့ပြီ။ စောနဘန်းကြီးရာ မင့်မိသားစုနဲ့ တို့ တွေ (03/16/2013)နေ့ မှာ ဝိုင်းစုပြုမည့် ကုသိုလ်တွေကို သာဓုခေါ်ပြီး ကောင်းရာသုဂတိ ရောက်စေကွာလို့ သာ ပြောလိုက်ပါတယ်။
(ကွယ်လွန်သူ စောနဘန်း (NC) သို့ အမှတ်တရ)
သရုပ်ဖော်ပန်းချီအား ဤနေရာမှ ကူးယူပါသည်။
Send email to - editors@moemaka.com to contact and contribute with MoEmAKa
MoeMaKa on Facebook Page from here (For Burma / Myanmar User)
MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives
