[moemakadaily@moemaka.biz] 22nd March - MoeMaKa Daily

ကာတွန်း စောငို - မိတ္ထိလာကန်တော်အောက်က …
မတ် ၂၂၊ ၂၀၁၃

Maung Luu Yay - The face of the poorest weakest ...


ဆင်းရဲသား အားအနည်းဆုံးလူတွေရဲ့ မျက်နှာ
မောင်လူရေး၊ မတ် ၂၂၊ ၂၀၁၃
(လက်ပံတောင်းကို ဖတ်ရှုခြင်း အပိုင်း ၄)

ဆင်းရဲသားလယ်သမားယာသမားတွေအတွက် ရေရှည်တည်တံ့မဲ့အကျိုးအမြတ်ဘာမှမပါဘဲ သူတို့မှီတည် လုပ်ကိုင်စားသောက်နေထိုင်တဲ့မြေယာတွေကို နှစ် ၆၀ ငှားရမ်းလိုက်ကြတယ်။
အပေးအယူစာချုပ်တွေဟာ ဘာမှပွင့်လင်းမှုမရှိတဲ့အတွက် အိမ်ရှင်နိုင်ငံတော်နဲ့ ဒေသခံတွေဘဲ အများကြီး နစ်နာရတယ်။ မှောင်ရိပ်ခိုစာချုပ်တွေဆိုတော့ ဘယ်သူကမှလဲ မစောင့်ကြည့်နိုင်ဘူး။ အကျိုးအမြတ်တွေကို ဦးပိုင်နဲ့ ဝမ်ပေါင်က ယူသွားပြီး ဘေးထွက်ဆိုးကျိုးနဲ့ သယံဇာတဆုံးရှုံးမှု တွေကိုတော့ အိမ်ရှင်နိုင်ငံတော်နဲ့ ဒေသခံတွေကဘဲ ခံကြရတယ်။ နည်းပညာနဲ့ ဥပဒေမဲ့နေတော့ သယံဇာတပြုန်းတီးမှုဘဲ အဖတ်တင် ကျန်ရစ်ခဲ့တယ်။
နောက်ထပ်ဂုဏ်သိက္ခာပြုန်းတီးမှုရှိသေးတယ်။ ဒေသခံတွေကို နိုင်ငံတော်က အလေးအမြတ်မပြုတဲ့ အတွက် ဝမ်ဘောင်နဲ့ဦးပိုင်က လူစရင်းမသွင်းဘဲ ပြုမှုတာတွေ အများကြီးဖြစ်နေတယ်။ ဒေသခံတွေကို နှ်ိပ်ကွပ်ဖို့ နိုင်ငံတော်ရဲတွေကိုတောင် ကြေးစားတွေလို ပြုမှုဆက်ဆံကြတယ်။ နေ့တွက်ပေးပြီး လုံခြုံ ရေးငှားတယ်။ ဥပဒေနဲ့ညီညီ မညီညီလုပ်ခိုင်းတယ်။ ကိုယ့်ယုံကြည်ကိုးကွယ်ရာ သာသနိကအဆောက် အဦတွေ ဖျက်ရာမှာပါ ဘေးကနေ ရပ်ရွာက လူတွေမဟန့်တားနိုင်အောင် ဝန်းရံပိတ်ဆို့ခိုင်းထားတယ်။ နောက်ဆုံး ကိုယ်ကိုးကွယ်ရာသံဃာတော်တွေကိုတောင် မီးလောင်တိုက်သွင်းခိုင်းတယ်။ ဒါဟာ ရဲတွေကိုပါလုပ်တဲ့ စိတ်ပိုင်းဆိုင်ရာညှင်းပမ်းမှု၊ ဂုဏ်သိက္ခာညှိုးနွမ်းမှုတွေပါ။ အဲသလိုဆိုတော့ ဆင်းရဲသားပြည်သူတွေကလဲ ရဲတွေကို မုန်းတီးရွံရှာကြတယ။်
ကော်မရှင်ပုံဖေါ်ကြည့်ထားတဲ့လက်ပံတောင်းဒေသကို ကြည့်ကြရအောင်။
ကျန်းမာရေးစောင့်ရှောက်မှုမရှိ။ မြေယာသိမ်းခံရလို့ အလုပ်အကိုင်ရှားပါး၊ ဆုံးရှုံးသွားတဲ့သောက်သုံးရေနဲ့ ရေအရင်းအမြစ်ရှားပါးမှု၊ အက်စစ်ပန်းလို့ဖြစ်ပေါ်လာတဲ့ ကြောက်မက်ဖွယ်သဘာဝပတ်ဝန်းကျင်ကြီး၊ ရေဆိုးရေညစ်များ၊ စိမ့်ယိုနေတဲ့ဓာတုအဆိပ်များ၊ ရေဒီယိုသတ္တိကြွပစ္စည်းများ၊ အိမ်ဘေး ယာဘေးရောက်လာတဲ့ကျောက်ပုံကြီးများတဲ့။
ညှိုးငယ်နာကျင်မှု၊ အားကိုးရာမဲ့မှု၊ ဖိစီးမှု၊ ကြောက်ရွံထိတ်လန့်မှု၊ တုန်လှုပ်ချောက်ချားမှုတွေကလွဲရင် ဘာမှ ထွက်မလာနိုင်တော့တဲ့နေရာတွေပေါ့။
ပညာတတ်တွေထွက်ဖို့ဆိုတာတော့………… အင်း။
ကော်မရှင်က ဆက်ပြပါတယ်။
ဂေဟစနစ်။         ။ မြေအောက်ရေသည် သောက်သုံးရန်မသင့်လျော်။
လေထုညစ်ညမ်းမှုအခြေအနေ။                    ။ ဖုန်မှုန့်ပါဝင်မှုသည် ကမ္ဘာ့ကျန်းမာရေးအဖွဲ့ (WHO) စံချိန်စံညွန်းများထက် ပိုမို။
လူမှုပတ်ဝန်းကျင်ရှုထောင့်မှဆန်းစစ်ချက်။      ။ အိမ်များတည်ဆောက်ပေးရာတွင် အရည်အသွေး ညံ့သဖြင့် အိမ်အမျိုးအစားအလိုက် လျော်ကြေး ၄ သိန်းမှ ၁၀ သိန်းထပ်ပေး၊ မြေယာ သီးနှံလျော်ကြေးအဖြစ်တစ်ဧကလျှင် ၅၂၀,၀၀၀ ကျပ် မှ ၅၅၀,၀၀၀၊ ထန်းတပင်နှင့်သနပ်ခါးတပင်လျှင် ၁၀၀,၀၀ကျပ်၊ သရက်တစ်ပင် ၁၆,၀၀၀ကျပ် ဖြင့် လျော်။
စံပြကျေးရွာအဆင့်မီ တည်ဆောက်မထား။ လျော်ကြေးကိစ္စမှာ မပွင့်လင်း၊ မမြင်သာ။ ဒေသခံတွေကို စီမံကိန်းနှင့်ပတ်သက်၍ ဘာမှမရှင်းလင်း၊ အသိမပေး။ လျော်ကြေးပေးမည့်ဆင့်ခေါ်ကြော်ညာစာများတွင် မြေယာ/သီးနှံလျော်ကြေးများဟုရေးထားပြီး လျော်ကြေးရရှိကြောင်း လက်ဗွေ(သို့မဟုတ်)လက်မှတ်ထိုးရသော ဝန်ခံချက် စာရွက်တွင်မူ လျော်ကြေးငွေရရှိကြောင်းနှင့် မြေယာစွန့်လွတ်ကြောင်း ဝန်ခံချက်ဟုတွေ့။ မြေယာ/ သီးနှံလျော်ကြေး ပေးရာတွင် ယာမြေဖြင့် အသက်မွေးဝမ်းကျောင်းနေရသော ကျေးလက်နေ ရွာသူ/ရွာသားများအား ကာလတန်ဖိုး(Market Value)ဖြင့် လျော်ကြေးပေးမှုမရှိ။ စီမံကိန်းတွင် လူမှုရေးအကျိုးသက်ရောက်မှုအဆင့်မီအကဲဖြတ်ခြင်း SIA မရှိ။
ကြေးနီစီမံကိန်းအား သဘာဝပတ်ဝန်းကျင်ထိန်းသ်ိမ်းရေးအတွက် နိုင်ငံတကာပြဌာန်းချက်များ၊ ဆောင်ရွက်သင့်သည့် နည်းပညာများအသုံးပြု၍ စနစ်တကျဆောင်ရွက်ခြင်းရှိ/မရှိ။            ။ နိုင်ငံတကာ စံချိန်စံညွှန်းများနှင့်အညီ ရေးဆွဲပြုထားသော ပတ်ဝန်းကျင်ဆိုင်ရာ စီမံခန့်ခွဲမှုစနစ်နှင့် လုပ်ငန်းခွင် ကျန်းမာရေးနှင့် ဘေးအန္တရာယ်ကင်းရှင်းရေးဆိုင်ရာ စီမံခန့်ခွဲမှုစနစ်မရှိသေး။
ပတ်ဝန်းကျင်ဆိုင်ရာ အကျိုးသက်ရောက်မှုများကို ယေဘုယျအားဖြင့် ခန့်မှန်းထားပြီး ကျယ်ကျယ် ပြန့်ပြန့် အကဲဖြတ်ဆန်းစစ်ထားခြင်း မတွေ့၊ မည်သည့်နည်းစနစ်များကို အသုံးပြု၍ အကျိုးသက် ရောက်မှုများကို ခန့်မှန်းတွက်ချက်ထားသည်ကိုလည်း တိတိကျကျဖော်ပြထားခြင်း မရှိ၊ အကျိုးသက် ရောက်မှုတစ်ခုချင်းစီ၏ ဝိသေသလက္ခဏာ တိတိကျကျ ဖော်ပြထားခြင်းမရှိ၊
ကြေးနီစီမံကိန်း၏ အကြို ကာလ၊ တည်ဆောက်ရေးကာလ၊ လည်ပတ်ရေးကာလ၊ မိုင်းပိတ်သိမ်းရေး ကာလများအလိုက် အပိုင်း ခွဲခြားကာ သက်ရောက်မှုများကို ဆန်းစစ်ခြင်းပြုလုပ်ထားမှုမရှိ၊ လူမှုစီးပွားဆိုင်ရာသက်ရောက်မှု အကဲဖြတ်ဆန်းစစ်မှုကိုလည်း စာမျက်နှာ၂၆ မျက်နှာခန့်ဖြင့် ယေဘုယျသဘော ရေးသား ပြုစုထား သည်ကို တွေ့ရပြီး စနစ်တကျအချက်အလက်များကို ကောက်ယူကာ အကဲဖြတ်ဆန်းစစ်ထားခြင်းမျိုး မရှိ၊
ကြေးနီစီမံကိန်းကြောင့် ထိခိုက်နိုင်ဖွယ်ရှိသော ဒေသခံပြည်သူများ၊ အစိုးရမဟုတ်သော အဖွဲ့ အစည်းများ၊ စီမံကိန်းကို စိတ်ဝင်စားသူများထံသို့ ဖြန့်ဝေကာ တိုင်ပင်ဆွေးနွေးခြင်း၊ သဘောထား အမြင်များ တောင်းခံခြင်း၊ အကြံပြုချက်များ ရယူခြင်းတို့ကို ပြုလုပ်ခဲ့သည့် အထောက်အထားများ မတွေ့။
 မြန်မာ - အိုင်ဗင်ဟိုကြေးနီကုမ္ပဏီလီမိတတ် ( Myanmar Ivanhoe Copper Company Limited – MICCL ) လက်ထက်က ပြုခဲ့သော အစီရင်ခံစာများသည် ၁၉၉၆ ခုနှစ်တွင် ပြုစုခဲ့ခြင်းကြောင့် မျက်မှောက်ကာလတွင် လက်ပံတောင်းတောင်နှင့်အနီးပတ်ဝန်းကျင်ဒေသ တစ်ဝိုက်၏ လူမှုစီးပွားရေး နှင့် ပတ်ဝန်းကျင်ဆိုင်ရာ အခြေအနေများကိုထင်ဟပ်နိုင်းစွမ်းမရှိ၊
ကနဦးအစီရင်ခံစာဖြစ်သည့်အားလျော် စွာ  စီမံကိန်းတစ်ခုလုံး၏အစ၊ အလယ်နှင့်အဆုံး၍ ဖြစ်ပေါ်လာနိုင်သော ကောင်းကျိုးဆိုးကျိုးများကို အကဲဖြတ်ဆန်းစစ်မှုတွင် လိုအပ်ချက်များရှိ၊ လွန်ခဲ့သည့် ၁၆ နှစ်က ပြုစုခဲ့ခြင်းကြောင်း ကမ္ဘာဘဏ်၏ စံချိန်စံညွှန်းများနှင့်လည်းကောင်း လက်ရှိပတ်ဝန်းကျင်ဆိုင်ရာ နိုင်ငံတကာပြဋ္ဌာန်းချက်များ၊ စံချိန် စံညွှန်းများနှင့်လည်းကောင်း ကိုက်ညီမှုမရှိတော့။
လူမှုစီးပွားရေးဆိုင်ရာသက်ရောက်မှု အကဲဖြစ်ဆန်းစစ်ခြင်းနှင့် သက်ဆိုင်သော အခန်းကဏ္ဍမှာလည်း အားနည်းချက်များစွာရှိပြီး စစန်တကျ ကျယ်ကျယ်ပြန့်ပြန့် လေ့လာဆန်းစစ်အကဲဖြတ်ထားခြင်းမရှိ၊ ဘာသာရေးနှင့် ယဉ်းကျေးမှုအမွေနှစ်ဆိုင်ရာ အကဲဖြတ်မှုအပိုင်းကဏ္ဍကိုလည်း ပြည့်ပြည့်စုံစုံ လေ့လာ တင်ပြထားခြင်းမရှိ။
သဘာဝပတ်ဝန်းကျင်နှင့် လူမှုဝန်းကျင်ထိန်းသိမ်းခြင်းအတွက် နိုင်ငံတကာ ပြဋ္ဌာန်းချက်များ၊ ဆောင်ရွက်သင့်သည့် နည်းပညာများကို အသုံးပြု၍ စနစ်တကျဆောင်ရွက်ခြင်းမရှိကြောင်း သို့မဟုတ် လွန်စွာအားနည်းလျက်ရှိကြောင်း။ မြန်မာ-အိုင်းဗင်ဟိုကြေးနီကုမ္ပဏိမီလိတတ် လက်ထက်က စတင် ပြုစုခဲ့ပြီး မြန်မာ-ဝမ်ပေါင်ကုမ္ပဏီက ဆက်လက်အသုံးပြုနေသော ပတ်ဝန်းကျင်ဆိုင်ရာ သက်ရောက်မှု အကဲဖြတ်ဆန်းစစ်ချက်     အစီရင်ခံစာများသည် လက်ရှိ လက်ပံတောင်းတောင်ကြေးနီစီမံကိန်းတွင် အသုံးပြုရန် အားနည်းချက်များ ရှိနေပါသောကြောင့် ပိုမိုပြည့်စုံပြီး နိုင်ငံတကာပြဋ္ဌာန်းချက်များ စံချိန်စံညွှန်ုးများကို ထင်ဟပ်စေနိုင်သော သဘာဝပတ်ဝန်းကျင်နှင့် လူမှုစီးပွားဆိုင်ရာ သက်ရာက်မှု အကဲဖြတ် ဆန်းစစ်ခြင်းအစီရင်ခံစာ (and Social Impact Assessment – ESIA ) အသစ်ပြုစု ဆောင်ရွက်ရန်လို။
ပတ်ဝန်းကျင်ဆိုင်ရာ စီမံခန့်ခွဲမှုစနစ် (Environmental Management Plan – EMP ) နှင့် လုပ်ငန်းခွင် ကျန်းမာရေးနှင့် ဘေးအန္တရာယ်ကင်းရှင်းရေးဆိုင်ရာ စီမံခန့်ခွဲမှုစနစ် ( Occpupational Health and Safet Assessment System – OHSA) များကို နိုင်ငံတကာပြဋ္ဌာန်းချက်များ၊ စံချိန်းစံညွှန်းများနှင့် အညီ စနစ်တကျရေးဆွဲကာ စီမံကိန်းကို အကောင်အထည်ဖော်ဆောင်ရွက်ရာတွင် နိုင်ငံတကာအသိ အမှတ်ပြုလက်မှတ်များ ရရှိထားသော အတွေ့အကြုံရင့်ကျက်သည့် ပြည်တွင်းပြည်ပ အကြံပေးပညာ ရှင်များ၊ ကျွမ်းကျင်သူများကို ငှားရမ်းကာ ဆောင့်ရွက်သင့်တဲ့ … ဗျား။
ဒေသကလူတွေ ဘယ်လိုခံနေရမယ်ဆိုတာ မြင်ရလောက်ပါတယ်။
စုံစမ်းစစ်ဆေးရေးကော်မရှင်ကပညာရှင်တွေ အလွန်တာဝန်ကျေပါတယ်။ ဒီအပေါ်မှာ ဆုံးဖြတ်ချက် တွေလွှမ်းမိုးတာကတော့ သူတို့နဲ့ မဆိုင်လောက်ပါဘူး။
နိုင်ငံတော်အတွက်လို့ပြောပြီး ဒေသခံတွေမှာ လျှော်ကြေးလေးကာရာအိုကေတစ်ဝိုင်းစာလောက်၊ အလှစိုက်ပန်း တပင်ဖိုးလောက်နဲ့ ဘဝအရည်အသွေးတွေဟာ လုံလောက်နေပြီလား။
ကျန်းမာမှု၊ မိသားစုဘဝ၊ သင့်မျှတဲ့လူနေမှုဝန်းကျင်နဲ့ ရုပ်ဝတ္ထုပိုင်ဆိုင်မှု၊  တည်ငြိမ်မှုနဲ့ လုံခြုံမှု၊ ရာသီဥတုနဲ့ ပထဝီအနေအထား၊၊ အလုပ်အကိုင်အခွင့်အလမ်းများ၊ လွတ်လပ်မှုစတဲ့ ဘဝအရည်အသွေးတွေမရှိဘဲ လူစဉ်မှီပါအုံးမလား။
ကိုယ်နဲ့ဘာမှမဆိုင်တဲ့သူတွေ၊ ကိုယ်မမြင်ဘူးတဲ့သူတွေ၊ ကိုယ့်ဒေသနဲ့အဆက်အစပ်မရှိတဲ့သူတွေက ဖွံ့ဖြိုးရေးဆိုပြီး စီမံကိန်းတွေလုပ်ဆောင်ကြတာမှာ ရပ်ရွာရဲ့အေးချမ်းသိမ်မွေ့တဲ့၊ မေတ္တာလွှမ်းတဲ့၊ အပြန်အလှန်စောင့်ရှောက်တဲ့ နေ့စဉ်ဘဝရှင်သန်မှုပုံစံတွေ အပျက်ခံပေးသင့်ပါသလား။
ရှေးဘိုးဘေးဘီဘင်ထဲက ညင်ညင်သာသာစီးဆင်းလာတဲ့၊ လူ့အသိုက်အအုံကိုဖွဲ့စည်းပေးထားတဲ့ မြတ်နိုးဖွယ် ဓလေ့ထုံးတမ်းယဉ်ကျေးမှုတွေ ပျောက်ကွယ်သွားစေသင့်ပါသလား။
အားလုံးအမျိုးတွေချည်းဘဲဆိုပြီး သဟဇာတရှိနေကြတဲ့ အသိုက်အမြုံလေး ဖျက်သိမ်း ပေးလိုက်ရမလား။
အဲဒီအသိုက်အမြုံရဲ့တည်မှီရာ ရေမြေတောတောင်တွေ ဖြိုလှဲပေးလိုက်ရမှာလား။
ရပ်ရွာရဲ့ကျန်းမာသန်စွမ်းမှုနဲ့ သာယာပျော်ရွှင်မှုတွေကို ရုပ်သိမ်းပေးလိုက်ရမှာလား။
ရပ်သူရွာသားများရဲ့ မြေယာနဲ့ ပစ္စည်းဥစ္စာပိုင်ဆိုင်မှုခွင့်ကို စွန့်လွတ်လိုက်ရမှာလား။
ရပ်သူရွာသားများဟာ အနာဂတ်အိပ်မက်တွေမက်ခွင့်မရှိရတော့ဘူးလား။
မျှော်လင့်ချက်တွေကိုရော ချိုးခြေပစ်လိုက်ရတော့မှာလား။
အခုအချိန်မှာ ကြေးနီထွက်ဒေသတစ်ခုလုံးကဆင်းရဲသားတွေဟာ ပြည်သူသားအဖြစ်က လျောကျလာတဲ့အတွက် ယဉ်ကျေးမှုကျဆင်းတဲ့ဒဏ်ကိုပါ အကြီးအကျယ်ခံနေရပါပြီ။
ဂန္ဓီကြီးကတော့
" ကိုယ့်လုပ်ရပ်ကို သံသယရှိတဲ့အခါတိုင်းမှာ ဟောဒီစမ်းသပ်ချက်ကို လုပ်ပါလေ။ ပထမဆုံး ကိုယ့်လူ့အဖွဲ့အစည်းရဲ့  ဆင်းရဲသား အားအနည်းဆုံးလူတွေရဲ့ မျက်နှာကို မြင်ယောင်ပါ။ ပြီးတော့ သင်ရည်ရွယ်ထားတဲ့ လုပ်ငန်းဟာ ဒီလူတွေအတွက် အကျိုးဖြစ်ရဲ့လားလို့ ကိုယ့်ကိုယ်ကိုမေးပါ " တဲ့။
မောင်လူရေး

Ku Mo Jo - Inside Man and Outside People

ကာတွန်း ကူမိုးကြိုး - အတွင်းက လူ၊ အပြင်က လူ ...
မတ် ၂၂၊ ၂၀၁၃

ံHle Dan Sanitary Ground


 လုပ်ငန်းရှင်ဦးဇော်မိုးခိုင်က လှည်းတန်းလမ်းဆုံအိမ်ယာ၏ မိလ္လာကန်ကို ကျုးကျော်ရန် ကြံစည်
မိုးမခပေးစာ၊ မတ် ၂၁၊ ၂၀၁၃
၁၉၉၂ ခုနှစ်ကတည်းက ဆောက်လုပ်ခဲ့သော ကမာရွတ်လှည်းတန်းလမ်းဆုံရှိမြို့ပြစီမံကိန်း တိုက်(၁) နှင့် တိုက်(၂) နေ လူဦးေ၇ ၂၀၀၀ ကျော်အတွက် ရေလှောင်ကန် ၊ ရေစက်ခန်း၊ မိလ္လာကန်မကြီး၊ မိလ္လာကန်သေး (၁၀)ကန်၊  Transformer အဆောက်အဦး ကားပါကင်များပါဝင်သော  မြေနေရာကို AA Medical Product Co.Ltd မှ လူယုတ်မာ ဦးဇော်မိုးခိုင်က ၂၀၀၂ခုနှစ်က စီးပွားကူးသန်း ၀န်ကြီး ဌာနမှ ၄င်းဝယ်ယူထားသောမြေပေါ်တွင် ကျူးကျော်သည်ဟုဆိုကာ အဓမ္မရွှေ့ပြောင်းရန် လုပ်ဆောင်နေပါသည်။
အမှန်တကယ်ရောင်းချသော မြေနေရာမှာ ပြည်မြန်မာကုန်တိုက်အဆောက်အဦး (ပေ ၈၀ X ပေ ၁၂၀)သာ ဖြစ်ပြီး ယခု အဓမ္မရွှေပြောင်း ဇြိုဖျက်ရန်လုပ်ဆောင်နေသည့်မြေနေရာမှာ အများပြည်သူ မသိရှိလိုက်ပဲ စီးပွား ကူးသန်းဝန်ကြီးထံမှ ဦးဇော်မိုးခိုင်က လက်သိပ်ထိုးကာ နောက်ဆက်တွဲ ၀ယ်ယူသည်ဟု ပြောဆိုလာ သဖြင့် တိုက်နေပြည်သူလူထုမှ ၂၀၁၂ ဇန္န၀ါရီလ ကတည်းက ရန်ကုန်တိုင်းဒေသကြီး ၀န်ကြီးချူပ်၊ စီးပွားကူးသန်းဝန်ကြီး၊ မြန်မာနိုင်ငံလူ့အခွင့်အရေးကော်မရှင် တို့ထံ တိုက်နေပြည်သူလူထု မှ လက်မှတ်ထိုး ကန့်ကွက်စာများ တရားဝင်ပို့ခဲ့သော် လည်းထူးခြားမှုမရှိခဲ့ပါ။
၂၀၁၂ နိုဝင်ဘာ(၂၃)ရက်နေ့က မြို့နယ်အထွေထွေအုပ်ခုပ်ရေးမှူးရုံး အစည်းအဝေးတွင်လည်း ရေကန်နှင့် မိလ္လာကန်ပြောင်းရွှေ့ရန်စီစဉ်ခြင်းကို တိုက်ကော်မတီမှ တရားဝင်ကန့်ကွက် လက်မှတ်ထိုးထားပြီး ဖြစ်ပါသည် ၂၀၁၃ မတ်လ (၁၉)ရက်နေ့တွင် AA Medical Product မှ တိုက်နေပြည်သူများနှင့် ညှိနှိုင်းပြီးသယောင်  ရန်ကုန်တိုင်းဒေသကြီး အစိုးရအဖွဲ့ကို မျက်လှည့်ပြ၍ ခွင့်ပြုချက်ရယူပြီး လုပ်ငန်းများ စတင်ဆောင် ရွက် လာပါသဖြင့်တိုက်နေပြည်သူများမှ မတရားသဖြင့် အဓမ္မလုပ်ဆောင်မှုများကို ကန့်ကွက်ဆန္ဒဖေါ်ထုတ် သွားမည်ဖြစ်ပါကြောင်း တင်ပြအပ်ပါသည်။

 မေတ္တာရပ်ခံချက်

အခြားသော မီဒီယာများသို့လည်း ဆောလျင်စွာ လက်ဆင့်ကမ်းပေးပါရန်

ကျေးဇူးအထူးတင်ပါသည်


 









Death toll raises to 5 in violence in Meik Htila Town: official


မိတ္ထီလာမြို့ ရုန်းရင်းဆန်ခတ်မှုကြောင့် ၅ ဦး သေဆုံးကြောင်း အစိုးရ ကြေညာ
မိုးမခအထောက်တော် အမှတ် ဝဝ၁
မတ် ၂၁၊ ၂၀၁၃



မိတ္ထီလာမြို့ ရုန်းရင်းဆန်ခတ်မှု ဖြစ်ပွားပြီး ၂ ရက်မြောက် နေ့တွင် အစိုးရက ထိုဒေသအကြောင်း သတင်းထုတ်ပြန်ရာတွင် သေဆုံးသူ ၅ ဦး၊  ဒဏ်ရာရသူ ၃၉ ဦး ရှိကြောင်း ဖော်ပြထားသည်။

ယနေ့ မွန်းလွဲ  ၁ နာရီတွင် ရရှိသော သတင်းဖြစ်ကြောင်း၊ သေဆုံးသူများမှာ  သံဃာ ၁ ပါး၊ အမျိုးသား ၃ ဦး၊ အမျိုးသမီး ၁ ဦးတို့ ဖြစ်ကြောင်း၊  ဒဏ်ရာရသူတို့၏ အခြေအနေ မစိုးရိမ်ရကြောင်း ရေးသားထားပြီး ရုန်းရင်းဆန်ခတ် စတင် ဖြစ်ပွားပုံ၊ အဆောက်အအုံတို့ ပျက်စီးရပုံတို့ကို အသေးစိတ် ရေးထားသည်ကို တွေ့ရသည်။

ရုန်းရင်းဆန်ခတ်မှုဒေသမှ လာသည့် သတင်းများတွင်  သေဆုံးမှု အရေအတွက်မှာ တူညီခြင်း မရှိသော်လည်း ပဋိပက္ခမှတ်တမ်းဓာတ်ပုံများအရ အခြေအနေ လွန်စွာ ဆိုးဆိုးရွားရွား ဖြစ်ပေါ်ကြောင်း ထင်ရှားနေသည်။

 မိတ္ထီလာဖြစ်ရပ်နှင့်ပတ်သက်ပြီး မန္တလေးတိုင်းဒေသကြီးအစိုးရက စုံစမ်းရေးအဖွဲ့ ဖွဲ့စည်းလိုက်ကြောင်း ယနေ့ နေ့ခင်းပိုင်းတွင် သတင်း ထုတ်ပြန်သည်။

နေ့ခင်းပိုင်းတွင် ရုန်းရင်းဆန်ခတ်မှု ဖြစ်ပွားသည့်နေရာသို့ ထင်ရှားသည့် သံဃာများ၊ ၈၈ မျိုးဆက်ခေါင်းဆောင် မင်းကိုနိုင်တို့ သွားရောက်ပြီး အခြေအနေ တည်ငြိမ် အေးဆေးမှု ပြန်လည် ဖြစ်ပေါ်ရန် ကြိုးပမ်းနေကြသည့် မှတ်တမ်းဓာတ်ပုံများ အင်တာနက်စာမျက်နှာသို့ ရောက်လာသည်။

ညနေပိုင်းတွင် အိမ်များ၊ ဈေးဆိုင်များ  ဖျက်ဆီး မီးရှို့ခံရသည့် မှတ်တမ်းဓာတ်ပုံ အများအပြား အင်တာနက်စာမျက်နှာသို့ ရောက်လာသည်ကို တွေ့ရှိရသည်။







WEDNESDAY, MARCH 20, 2013

Tu Maung Nyo - Change 2008 in disciplined way


"၂၀၀၈အခြေခံဥပဒေပြင်ဆင်ရေးမြင်းရိုင်း"ကို ဇောင်းထဲသွင်း ဇက်ခွံ့လိုက်သည့် "အရေးကြီးအဆို"
တူမောင်ညို (၂၀၁၃ ခုနှစ်၊ မတ်လ ၂၀ ရက်)

ယခုအခါ ကြံ့ဖွံ့အမတ်များက "၂၀၀၈အခြေခံဥပဒေ" ပြင်ဆင်ရေးလှုပ်ရှားမှုကို ထားမြစ်ချုပ်ကိုင်နိုင်မည့် အဆိုတစ်ခုကို ပြည်သူ့ လွှတ်တော်တွင် တင်သွင်းအတည်ပြုခဲ့ပြီဖြစ်သည်။
မတ်လ ၁၅ ရက်နေ့က ပြည်သူ့လွှတ်တော်တွင် တင်သွင်းအတည်ပြုခဲ့သည့် သူရဦးအေးမြင့်၏ "အရေးကြီးအဆို" သည် "ဝင်- ပြင်"သမား (ဝင်-ပြင်သမား = ၂၀၀၈အခြေခံဥပဒေဘောင်ထဲဝင်ပြီး အခြေခံဥပဒေပြင်ဆင်မယ်လို့ ဆိုသူတွေ) တွေရဲ့ လှုပ်ရှားမှုမှန်သမျှ ကို တားမြစ်ချုပ်ကိုင်လိုက်ခြင်းဖြစ်သည်။
 ဦးဝင်းတင် စကားနဲ့ပြောရရင် "သော့ခလောက်ကြီးတန်းလန်းနဲ့ လွှတ်တော်ထဲဝင်သွားတဲ့ ဒီချုပ်အမတ်တွေ"ကို နောက်ထပ် သော့ခလောက်တစ်လုံးနဲ့ ထပ်ပြီးခတ်လိုက်ခြင်းပင်ဖြစ်သည်။
ထို့အပြင် "တစ်ဦးချင်း၊ တစ်ဖွဲ့ချင်း လိုရာဆွဲဆောင်ရွက်ခြင်းသည် နိုင်ငံတော်အတွက် အန္တရာယ်ကြီးမားသည်"ဟု ပြည်သူ့ လွှတ်တော် ၌ ပြောဆိုခဲ့သော သူရဦးအေးမြင့်၏ စကားသည် အဓိပ္ပါယ် ၂ ခု တစ်ပြိုင်ထဲ သက်ရောက်နေပါသည်။
ပထမအဓိပ္ပါယ်မှာ"၂၀၀၈ အခြေခံဥပဒေ" ပြင်ဆင်ရေးကြွေးကြော်နေသော ဒီချုပ် (NLD) ၊ရှမ်းတိုင်းရင်းသားများ ဒီမိုကရေစီ အဖွဲ့ချုပ်(SNLD) နှင့်"၂၀၀၈ အခြေခံဥပဒေ" ကို ဥပဒေအသစ်ဖြင့် အစားထိုးရန် ရေးသားဟောပြောနေသော ရှေ့နေဦးကိုနီတို့ကို  တိုက် ရိုက်ခြိမ်းချောက်ပိတ်ပင်၊ တားမြစ်လိုက်သည့်သဘောပင်ဖြစ်သည်။
ဒုတိယအဓိပ္ပါယ်မှာ ၂၀၀၈ အခြေခံဥပဒေ၊ပုဒ်မ၂၀(စ)အရ "အခြေခံဥပဒေကို ကာကွယ်စောင့်ရှောက်ရန်အဓိကတာဝန်ရှိသည်" ဟူသော ဗိုလ်မင်းအောင်လှိုင်နှင့် စစ်တပ်ကို မျက်စပစ်ပလိုက်ခြင်း လည်းဖြစ်သည်။
တင်သွင်းအတည်ပြုလိုက်သည့်အဆိုကိုဖတ်ကြည့်လျှင်ပင် သူတို့၏ ရည်ရွယ်ချက်က ထင်းကနဲပေါ်နေသည်။ ၂၀၀၈ အခြေခံ ဥပဒေတွင်မည်သည့်ပုဒ်မများ ပြင်ဆင်ရန်လိုအပ်/မလိုအပ်၊ မည်သည့်ပုဒ်မများပြင်ဆင်ရန်လိုအပ်သည်၊ မည်သို့ပြင်ဆင်မည်၊  မည်သည့် အချိန်အခါတွင် ပြင်ဆင်မည်ဆိုသည့်လုပ်ငန်းအားလုံးကို သူတို့ဖွဲ့စည်းပေးမည့် ကော်မရှင်/ကော်မတီတွင် လေ့လာသုံးသပ်မည်ဟုအဓိပ္ပါယ် ထွက်နေသည်။ ပြင်ဆင်ရမည့် အချက်အလက်ကိုရော ပြင်ဆင်မည့် အချိန်အခါကိုပါ လက်ဦးမှုယူပြီး ချုပ်ကိုင်လိုက်ခြင်းဖြစ်သည်။
ဤသို့ဖြင့် ပြင်ဆင်လိုသည့် ပါတီများနှင့် ပြင်ဆင်ရေးသားဟောပြောနေသော ပုဂ္ဂိုလ်များကို အဆိုပါ ကော်မရှင်/ကော်မတီတွင် ထည့်သွင်းဖွဲ့စည်းပေလိမ့်မည်။ သို့ဖြင့် "၂၀၀၈အခြေခံဥပဒေပြင်ဆင်ရေးမြင်းရိုင်း"ကို ဇောင်းထဲသွင်း၍ ဇက်ခွံ့လိုက်သည့် သဘောဖြစ် သွားပေတော့မည်။ သို့ဖြင့်ဖွဲ့စည်းပေးမည့် ကော်မရှင်/ကော်မတီသည် ကျောကုန်းပေါ်ခွထိုင်ပြီး ဇက်ကိုင်ထားသူ၏ စေရာခရီးသို့ ဒုန်းစိုင်း ဆိုလျှင်ဒုန်းစိုင်းရပြီး ၊ အသားကျပြေးဟုဆိုလျှင် အသားကျပြေး ရပေတော့မည်။
 (ဗိုလ်) ဦးသိန်းစိန် အစိုးရဖွဲ့ပေးသောကော်မရှင်/ ကော်မတီများ မည်သို့သော ကံကြမ္မာသို့ ဆိုက်ရောက်သွားတတ်သည်ကို သိရှိ လိုလျှင် လက်တွေ့ပူပူနွေးနွေး တွေ့ကြုံလိုက်ရသည့် "လက်ပံတောင်းစုံစမ်းရေးကော်မရှင်" ကိုသာ ကြည့်လျှင်သိပါလိမ့်မည်။
"၂၀၀၈အခြေခံဥပဒေ"ကို ဒီချုပ် (NLD) ၊ ရှမ်းဒီချုပ်(NLD)တို့ပြောဆိုနေသော ထိထိရောက်ရောက်ပြင်ဆင်ရေး၊ ဒီမိုကရေစီ နည်းကျသော အခြေခံဥပဒေဖြစ်အောင်ပြင်ဆင်ရေးနှင့် ရှေ့နေဦးကိုနီတို့ ဟောပြောရေးသားနေသော အခြေခံဥပဒေအသစ်ရေးပြီးအစားထိုး ရေးတို့သည် "၂၀၀၈အခြေခံဥပဒေ"ဘောင်ထဲတွင် မည်သို့မျှမဖြစ်နိုင်ချေ။
လွှတ်တော်ထဲတွင် အမတ်ဦးရေက အဆုံးအဖြတ်ဖြစ်သည်။ ထိုအဆုံးအဖြတ်သည် ကြံ့ဖွံ့ပါတီလက်ထဲမှာရှိသည်။ ဒီချုပ် ပါတီ ရရှိထားသော အမတ်အရေအတွက်သည် ကြံ့ဖွံ့ပါတီ၏အစွန်းထွက်မျှပင် မရှိချေ။ ယင်းသို့များသည့် အမတ်ဦးရေက ဆုံးဖြတ်ခြင်းကို ဒီမိုကရေစီနည်းကျသည်ဟုလည်း ပြောကြလိမ့်မည်။
သို့ဖြင့် ၂၀၀၈ ဖွဲ့စည်းပုံအခြေခံဥပဒေပြင်ဆင်လိုသူ/ အခြေခံဥပဒေသစ်တစ်ခု ထပ်မံရေးဆွဲပြီး အစားထိုးလိုသည့်လူပုဂ္ဂိုလ်များ၊ နိုင်ငံရေးပါတီများကို ကော်မရှင်သို့မဟုတ် ကော်မတီအောက်သို့ ဆွဲသွင်းပြီး ချုပ်ကိုင်တော့ပေမည်ဖြစ်သည်။
"ဝင်- ပြင်"သမားများ အတွက် "၂၀၀၈ ဖွဲ့စည်းပုံအခြေခံဥပဒေ" က သင်ခန်းစာများစွာ၊ အတွေ့အကြုံများစွာကို တမျိုးပြီး တမျိုး မရိုးရအောင်ပေးပါလိမ့်မည်။ တပြိုင်နက်တည်းတွင် "စည်းကမ်းပြည့်ဝသော ဒီမိုကရေစီ"၏အရသာကိုလည်း အသေအချာစားသုံးရပါလိမ့် မည်။
၂၀၀၈ အခြေခံဥပဒေကိုထိထိရောက်ရောက် မပြင်ဆင်နိုင်လျှင်/ အသစ်ရေးပြီးအစားမထိုးနိုင်လျှင် အနိမ့်ဆုံးအားဖြင့် "သမ္မတ ဖြစ်ရေး" မှသည် အမြင့်ဆုံးအားဖြင့် "စစ်မှန်သော ဒီမိုကရေစီအရေးနှင့် ပြည်ထောင်စုစစ်စစ်ပေါ်ထွန်းရေး" တို့သည် ဝေးနေမြဲဝေးနေဦး မည်သာဖြစ်သည်။ 
ဒီမိုကရေစီရှေ့ခရီးကို ရဲရဲချီတက်မယ်၊ "၂၀၀၈အခြေခံဥပဒေ"ကို ပယ်ဖျက်ပြီး ဒီမိုကရေစီနည်းကျတဲ့ အခြေခံဥပဒေသစ်တစ်ခု ရေးဆွဲပြီး အစားထိုးမယ်လို့ တကယ်တန်းရည်ရွယ်ထားတယ်ဆိုရင် လွှတ်တော်ပြင်ပလူထု၊ လမ်းမပေါ်က လူထုလှုပ်ရှားကို မျက်နှာမူကြရ ပါ လိမ့်မည်။
"နောက်ကြောင်းပြန်လှည့်သွားလိမ့်မယ်"ဆိုတဲ့ တစ္ဆေကို ကြောက်နေရင်တော့ ရှေ့ဆက်တိုးစရာမရှိဘဲ၊ သူတို့ခွင့်ပြုထားတဲ့ "စည်းကမ်းပြည့်ဝသည့် ဒီမိုကရေစီဘောင်"ထဲတွင် တဝဲဝဲတလည်လည်ဖြစ်နေကြရပါလိမ့်ဦးမည်။
(Photo – Popular News, Facebook, Thuya Aye Myint)

SAW Ngo - no where to go - Bayar Gyi

ကာတွန်း စောငို - ဘုံပျောက်တဲ့ ဘုရားကြီး
မတ် ၂၁၊ ၂၀၁၃

Maung Luu Yay - Letpadaung # 3



ပြည်သူ့အတွက် ရေရှည်အကျိုးစီးပွားတဲ့ဗျား
မောင်လူရေး၊ မတ် ၂၁၊ ၂၀၁၃
(လက်ပံတောင်းကို ဖတ်ရှုခြင်း အပိုင်း ၃)
လက်ပံတောင်းတောင်ကိစ္စမှာ နိုင်ငံတော် ဆိုတာ ဘယ်မှာလဲလို့ ရှာပုံတော်ဖွင့်မိတယ်။
သတ္ထုတွင်းနဲ့ ဦးပိုင်နဲ့ စာချုပ်တယ်၊ ပီးတော့ ဦးပိုင်နဲ့ ဝမ်ပေါင် စာချုပ်တယ်၊ အဲဒီထဲမှာ ဦးပိုင်က ၅၁၊ ဝမ်ပေါင်က ၄၉ ခွဲယူကြမယ်။ သတ္ထုတွင်းဝန်ကြီးဌာနဆိုတဲ့ နိုင်ငံတော်လားမသိဘူး၊ အဲဒါပျောက်သွားပြီ။ ဒီလိုဆို ဦးပိုင်က ကာကွယ်ရေးဝန်ကြီးဌာနအောက်ကဆိုတော့ ကာကွယ်ရေးက နိုင်ငံတော်လေလားပေါ့။ ဒါလဲ မဟုတ်ပြန်ဘူး၊ ကာကွယ်ရေးကငွေကို နိုင်ငံတော်က စာရင်းတောင်စစ်ခွင့်မရှိလို့ အခြေခံဥပဒေကဆိုထားတာကတကြောင်းရယ်၊ နောက်တခါ ကာကွယ်ရေးအသုံးစရိတ်ကို နိုင်ငံတော်ကတောင်းခံတာရယ်ဆိုတော့ ဒီနေရာမှာ ကာကွယ်ရေးကလဲ နိုင်ငံတော်မဟုတ်ပြန်ဘူး။
နိုင်ငံတော်အတွက်လို့တော့ ဒေါ်စုရော၊ ကော်မရှင်ရော၊ ဟိုလူရော၊ ဒီလူရော ပြောနေကြတာဘဲ။ ကျုပ်တော့ ပါဝါနဲလို့လား မသိဘူး၊ နိုင်ငံတော်ကို မမြင်မိဘူး။
စုံစမ်းစစ်ဆေးရေးကော်မရှင်ဆောင်ရွက်ရာတွင် အခြေခံသည့်မူများဆိုတဲ့ဟာထဲမှာ ပြည်သူ့အတွက် ရေရှည်အကျိုးစီးပွား ဆိုတာ ပါတယ်။
ကော်မရှင်ဟာ ဒေသခံတွေနဲ့တွေ့တဲ့အခါ အောက်ပါစကားများကို နာကြားခဲ့ရပါတယ်။
စီမံကိန်းရပ်စေလို၊ မိုင်းဒဏ်ခံရ၊ စားကျက်မြေရှား၊ ဘိုးဘွားပိုင်မြေမှာသာ လုပ်ကိုင်လို၊ တောင်မပျက်စေလို၊ လယ်ယာမြေတွေ မသိမ်းစေလို၊ နိုင်ငံတော်နဲ့ ဝမ်ပေါင်ဘာတွေသဘောတူထားသလဲ၊ သာသနိကအဆောက်အဦတွေ၊ အထိမ်းအမှတ်နေရာတွေ မပျောက်စေလို၊ အကြမ်းဖက်ဖြိုခွင်းမှုကို ဖေါ်ထုတ်ပေးစေလို၊ အက်စစ်ဖျန်းတဲ့မြေပုံတွေက ရွာနဲ့နီး၊ ရွာပျောက်မှာစိုးရိမ်၊ အက်စစ်ငွေ့ကြောင့် တိရစ္ဆာန်တွေအတွက် အစာရေစာရှားပါး၊ ကျန်းမာရေးထိခိုက်၊ မျက်စိစပ်၊ သွပ်ပေါက်၊ ရေမသန့်၊ ခွင့်ပြုချက်မရှိတဲ့အက်စစ်စက်ရုံ၊ စံမမီစက်ရုံမှ တနေ့ အက်စစ်တန်ငါးဆယ်ထွက်၊ အန္တရာယ်ရှိစသဖြင့်ပေါ့လေ။
နောက်ထပ် အများကြီး---ဒေသခံပညာရှင်ဒေါက်တာကျော်တင့်က သူ့ရဲ့ မုံရွာကြေးနီသိုက်များကို သိပ္ပံနည်းကျလေ့လာခြင်းထဲမှာ ပြောတာ နားထောင်ကြည့်ပါအုံး။
ပတ်ဝန်းကျင်ကကောမြတ်ရဲ့လားတဲ့ သူက မေးပြောလေးပြောထားတယ်။
            "ဟုတ်ကဲ့၊ပတ်ဝန်းကျင်ပျက်စီးမှုရှိမရှိကိုမေးတာမျိုးမဟုတ်လား။တောင်ဖြိုတော့လဲ ပတ်ဝန်းကျင်အနေအထားက အရင်လိုတော့ဘယ်ဟုတ်လိမ့်မလဲဗျာ။ ကျားကိုက် ခံရမှတော့ နာတာရှည်လား လာမေးသလိုဖြစ်နေပါပြီ။ ပစ် (pit) ဆိုတဲ့ကျင်းကြီး တွေလဲတူးကြတာဆိုတော့။ နောက်ပြီး ထွက်လာတဲ့မြေစာကျောက်တုံးကျောက်ခဲတွေ။ သတ္တုရိုင်းကို သန့်စင်ရလို့ စွန့်ပစ်ဓါတုပစ္စည်းတွေ။ အကွက်ချလေ့လာရမဲ့ဟာက လေးပိုင်းတောင်ရှိတာပဲ။
            အဲ- ဒါပေမဲ့ ဒေသခံညီနောင်ရင်းတွေ အလုပ်ရကြတော့ ကောင်းပေစွလို့တွေးနိုင် ဘူးလား။ တောင်ကြီးကို ဖြိုတာဆိုတော့ နယ်ခံအလုပ်သမားကတော့ အများကြီးလိုတာ ပေါ့။ အမြတ်ထွက်ဖို့ဆိုရင် ဒီအလုပ်သမားစရိတ်ကလဲ သေးဖို့ လိုတာပဲလေ။ မြန်မာပြည်က အလုပ်သမားစရိတ်က သိပ်မရှိတော့ လုပ်ပျော်သား။ ဘူဒိုဇာမောင်းသူ၊ ထရပ်ကား မောင်းသူတစ်ယောက်ကို ကနေဒါမှာဆိုတစ်လ ဒေါ်လာ ၃၅၀၀ အနိမ့်ဆုံးနဲ့ကျန်းမာရေး အာမခံအပြည့်၊ တရုပ်ပြည်မှာဆို ဒေါ်လာ ၁၅၀၀ ဆိုပါတော့။ မြန်မာပြည်မှာဆို ဘယ် လောက်ပေးရမလဲ သိကြမှာပေါ့။ မြန်မာအလုပ်သမားက ပေးရတာနည်းပြီး များများခိုင်း ရမယ်ဆိုရင် ပုံမှန်အမြတ် တကယ် မထွက်နိုင်တဲ့ လုပ်ငန်းကနေတောင် အမြတ်တွေ ဘာတွေမြင်လာနိုင်တာပေါ့။
"သည်မြန်မာအလုပ်သမားတွေရဲ့လက်နဲ့ သည်မြန်မာ တောင်ကြီးကိုဖြိုပြီး သည်နားကရွာတွေ၊ ယာတွေပေါ်များသွားပုံနိုင်ခဲ့လျှင် "  ဖက်စပ်လုပ်တဲ့ လုပ်ငန်းရှင်ကြီးတွေ ချမ်းသာနိုင်ကြမှာပါ။"
            "ကဲ - စပါယ်တောင်ကလေးတစ်လုံးတည်းနဲ့ မြေစာတန်ချိန်သန်းပေါင်း ၁၀၀ က လက်ဦးပထမနေရာသစ်သို့ ရောက်ခဲ့တာနော်။ အနီးဆုံးဖြစ်တဲ့ဒုံးတော၊ ဂုဏ်တော၊ ကံ ကုန်း၊ ရွာသာရွာတွေမှာ နေရာလပ်ရှိကြလား။ နေရာလပ်မရှိလဲ ဝေးဝေးပို့နိုင်တာမဟုတ် တော့ ရှိတဲ့နေရာမှာပဲ ပုံရတော့မှာပဲ။ ကြဲနေကျ ကုလားပဲတွေ စိုက်နေကျ ကြက်သွန် တွေမစိုက်ရလဲ ဒုတ္ထာနံ့သာ တဝရှုရင်း အိပ်ကြပေတော့။
အခုတောင် အနီးအနားမှာ လက်ညှိုးညွှန်ရာ မြေစာပုံဖြစ်နေပြီ။ ဒီအောက်ကဓါတ်ပုံမှာ ယမားချောင်းတောင်ဘက် ဘေးတလျှောက် ဒုံးတောကိုဖြတ်၊ ကံကုန်းကိုပတ်ပြီး အရှေ့အနောက်သွယ်တန်းနေတဲ့ အဖြူရောင်မြေစာကျောက်ပုံတွေဟာ လွန်ခဲ့တဲ့နှစ်သန်းပေါင်းများစွာကတည်းက အောက်မှာ ပုံးနေခဲ့တဲ့မြေစာတွေကို နိုင်ငံခြားကလူကြီးတွေ လာတူးထုတ်ပြီး လာပုံပေး သွားတဲ့ ဧရိယာပဲ။
စပါယ်တောင်သတ္တုသိုက်၃နေရာလေးကို ဖော်လိုက်တဲ့စီမံကိန်း ကြောင့် စုစုပေါင်းစတုရန်းမိုင် ၁၂မိုင်လောက် အပေါ်အကျိုးသက်ရောက်ခဲ့ပြီဆိုတော့ အကျယ်အဝန်းအားဖြင့် မုံရွာတစ်မြို့စာလောက်ရှိပြီပေါ့။ လုပ်သင့်လို့ ဆက်လုပ်မယ် ဆိုရင်လဲ ဒီထက်အဆများစွာ ပိုကျယ်လာအုံးမယ်ဆိုတာ၊ အထက်ကဇယားထဲမှာပါတဲ့ ကိန်းဂဏန်းတွေက ညွှန်ပြနေလေတယ်။
သတိထားရမှာက ဒီအရပ်ဟာလူနေတဲ့ အရပ်ပါ။ စပါယ်တောင်လုပ်ငန်းနဲ့အနီးကပ်ဆုံး ဒုံးတော၊ ဂုဏ်တော၊ ကံကုန်းစတဲ့ ထိစပ်နေတဲ့ရွာတွေကိုပေါင်းရင် အိမ်ခြေသုံးလေးလေးထောင်ထက် နည်းစရာမရှိပါဘူး။ သိတဲ့အတိုင်း ဒီအရပ်က လူတွေဟာတောင်သူလုပ်ငန်းနဲ့ အသက်မွေးကြတဲ့သူတွေ မဟုတ်လား။ ချောင်းကလဲရှိတော့ မြေသြဇာကလဲ ကောင်တဲ့အမျိုးအစားထဲမှာပါခဲ့လို့ပဲ၊ ဆေးရွက်ကြီး၊ ငရုပ်၊ ကြက်သွန်၊ ပြောင်းစတဲ့ အသီးအနှံထွက်တွေ ကောင်းခဲ့လွန်းတာမို့ သီးနှံပေါ်ချိန်ရောက်တိုင်း မုံရွာမန္တလေးက လာဝယ်သူကုန်သည်တွေ ခြေချင်းလိမ်နေခဲ့ ပါတယ်။
            ဒီအရပ်ကလူတွေဟာ မြေယာတွေမရှိတော့ရင် ဘာမှလုပ်မစားတတ်ရိုးအမှန်ပါ။ သူတို့မြေပေါ်မှာ စပါယ်တောင်ကမြေစာတွေမခေါ်ပဲရောက်လာတော့ လုပ်စားစရာ ပျောက်သွားလို့ မိုးရေနဲ့ပျော်ထွက်လာတဲ့ အပြာရောင်အရည်ကနေ ဒုတ္ထာတွေချက် ကြမယ်ဆိုပြီး အရှင်လတ်လတ် ဟင်းလင်းပြင်ဓါတ်ပေါင်းအိုးထဲဝင်ကာ စားစရာရလို ရငြား ရှာဖွေနေကြတာများ ဓါတ်ပုံထဲများ မြင်တော်မူကြတဲ့အတိုင်းပါပဲ။ မျက်စိတွေစပ်ပြီး အသားတွေယားခဲ့ရင်တောင်မှ ညဘက် အိမ်ပြန်တော့ ရေတွင်းကရေနဲ့ ချိုးလိုက်ရုံပဲ။ ရေတွင်းရေကဆပ်ပြာတိုက်လဲ အမြှုပ်ထွက်လာတာ မဟုတ်တော့ ဆပ်ပြာတောင်တိုက်စရာပဲ အသားယားတာ ပြေနိုင်မလား။"
"စပါယ်တောင်ဘေးစောင်းမှာ အပုံလိုက်ဖျော်တဲ့နည်းအတွက် ခင်းထားတဲ့ခုံ leas-hing pad အခင်းအကျယ်က ဧက ၃၅၀ကျော်နေတော့ အဲသည်ကစိမ့်ထွက်လာတဲ့ သတ္တု ဖျော်ရည် ပျင်းပျင်းနဲ့ပဲ ခရီးဆက်ကြတာပေါ့။ "
            "စိမ့်ထွက်လာတဲ့ ကော့ပါးဆာလ်ဖိတ်ရည်တွေက ဘေးကခံထားတဲ့ ကန်တွေ ထဲကို အလိုအလျှောက်စီးဝင်လာကြတယ်။ ကန်တွေဆောက်တုန်းက အရည်မစိမ့်နိုင် အောင် ကြမ်းခင်းတစ်မျိုးမျိုး ထူထူခံထားခဲ့ရင်တော့ မြေအောက်ရေထဲအထိ အဲသည်ဓါတုရည်တွေ မရောက်ဘူးပေါ့။ ဒီမိုင်းမှာ အဲသလိုကြိုတင်စဉ်းစားဆောက်ထား သလားတော့ အလွယ်တကူစစ်လို့ရနိုင်တာဖြစ်သလို ဘေးပတ်ဝန်းကျင်အဖြစ်အပျက် တွေကတစ်ဆင့်လည်း သိနိုင်တာပေါ့။
ဆရာနန်းတော်ရှေ့ရေးသလို 'နောက်တော့လည်းသိကောင်းပါရဲ့ရှင်' ပေါ့ လေ။"


            "မကြေးနီတစ်ပြားလေးထွက်လာဘို့ အိုးသတ္တုရိုင်း ၃၅တန် တောင်စောင်းမှာ           အညှစ်ခံရမယ်။ သုံးမရတဲ့ကျောက်တွေ မြေစာတွေ တန် ၁၀၀ လောက် ပတ်ဝန်းကျင်မှာ ရှောက်ပုံရမယ်။ နောက်ရေတွေ၊ ဓါတ်ငွေ့တွေ။ တန်ဘိုးကြီးလိုက်တာ။"
            "အခုစပါယ်တောင်က အက်ဆစ်ဂါလံပေါင်း ဘယ်လောက်သုံးပြီးပြီလဲ။ နောက် ဘယ်လောက်သုံးဦးမှာလဲ။ ဘယ်သူက ဘယ်လိုခွင့်ပြုတာလဲ။ အထူးသဖြင့် ဘေးနားက လူတွေကို အသိပေးခဲ့ရဲ့လား။ စည်းမရှိတဲ့မိုင်းတွေရဲ့ဘေးနားမှာ တွေ့ရတတ်တဲ့ အောက်ကဓါတ်ပုံကလို အက်ဆစ်အိုင်တွေတွေ့နေရပြီလား။ အခုမတွေ့သေးလဲ နောက်တော့ တွေ့မှာလား။
            နောက်တစ်ခု ပတ်ဝန်းကျင်လေထုထဲကို အတားအဆီးမရှိထွက်သွားမှာက စက် ရုံရဲ့အမြင့်ဆုံးခေါင်းတိုင်ကထွက်တဲ့ ဆာလ်ဖါဒိုင်အောက်ဆိုဒ်လို ကာဗွန်ဒိုင်အောက် ဆိုဒ်လို ဓါတ်ငွေ့တွေ။ အားလုံးက အက်ဆစ်မိုးရွာနိုင်တယ်။ မိုးပေါ်တက်သွားပြီးရင် အနီးတဝိုက်မှာလဲ ပြန်ကျနိုင်သလို၊ လေသင့်ရင် ခပ်ဝေးဝေးမန္တလေးတောင်အထိ မရောက်ဘူးလဲ မဆိုနိုင်ဘူး။ အဲ- အခုနည်းပညာသစ်ကိုသုံးနေလို့ အဆိပ်ဓါတ်ငွေ့ သိပ်မထွက်တော့ပါဘူးဆိုရင်လဲ အဝေးကလူတွေအသက်ရူချောင်ပေမဲ့ မပြတ်တမ်း သွန်းလောင်းနေတဲ့ အက်ဆစ်တွေကြောင့် အနီးကလူတွေမှာတော့ အသက်ရူကြပ် ရဦးမှာ။
            အဲလေ၊ ကြေးနီနဲ့ကပ်ပါသေးတဲ့ ရွှေ၊ငွေ၊မိုလီဘီဒ်နမ်၊ အသေးအဖွဲလေးတွေလဲ တန်တာမတန်တာ အပထား၊ စရိတ်ကာမိတာမကာမိတာအပထား၊ လိုချင်ပါသေးရဲ့ ဆိုရင် ခုနကတင်ပြခဲ့တဲ့ ဓါတုဆေးတွေအပြင် ဆိုင်ယင်နိုက်စတဲ့ သင့်တော်ရာဆေးတွေ ထပ်ထည့်ပြီး ခွဲယူရမှာ။ အဲသည်ဆေးတွေကြောင့် ဖြစ်လာမဲ့ စွန့်ပစ်ဓါတုပစ္စည်း စာရင်းက နောက်ထပ်ဆယ်ခုမက တိုးလာမယ်။ စည်းကမ်းရှိရှိ စွန့်တတ်ကြပါစေလို့ ဆုတောင်းပြည့်မဲ့ လေညှင်းတောင် ဘုရားပေါ်တက်ကာ ဆုတောင်းရုံပဲရှိတယ်။"
နာရတာ စိတ်ဆင်းရဲစရာကောင်းတဲ့ အမှန်တရားတွေပါ။
အဲသလို ဘေးအန္တရာယ်နဲ့ ညစ်ညမ်းမှုဒဏ်ခံရတဲ့ဒေသတွေဟာ ကော်မရှင်ပြောတဲ့၊ အမျိုးအမည်တိတိပပမသိရတဲ့ နိုင်ငံတော်အတွက်ပေါ့လေ၊ စွန့်လွတ်ပေးဆပ်ရတဲ့နေရာတွေ ဖြစ်နေပါပြီ။ သူတို့ကို ဘယ်စာနာမှုမျိုးနဲ့ ဘယ်လိုနှစ်သိမ့်ကြမှာလဲ။
တကယ်တော့ ဆုံးဖြတ်ချက်ချမှတ်သူတွေဟာ လုံခြုံရာဒေသကလူတွေပါ။ ရေသန့်သောက်၊ အဲယားကွန်းနဲ့နှပ်နေသူတွေပါ။ နေရောင်မခံ ပန်းပျံပင်ဆင့်တွေပါ။ မြေနှင့်ရန်ဖက်တွေပါ။ ခက်လက်စိမ်းမြ မိုးမခတွေပါ။
ဆုံးဖြတ်ချက်ချမှတ်နိုင်တဲ့အာဏာရှိသူတွေ၊ မူဝါဒအကြံပေးတွေဟာ သဘာဝပတ်ဝန်းကျင်ပျက်တဲ့ဘေးတွေ၊ ဒဏ်တွေကနေ လွတ်လွတ်ဝေးဝေးကင်းကင်း နေနိုင်သူတွေချည်းပါဘဲ။ တကယ့်ဒေသခံတွေရဲ့ ဘဝအခက်အခဲအကျပ်အတည်းတွေကို နားလည်ပေးနိုင်ကြသူတွေ မဟုတ်ပါဘူး။
သူတို့ဆီမှာ နိုင်ငံတော်အတွက်၊ အနာဂတ်အတွက်၊ ရေရှည်ကောင်းဖို့အတွက်၊ အပြောင်းအလဲအတွက် သတ္တိရှိပါစတဲ့စကားလုံးလှလှလေးတွေနဲ့ သူတို့ရဲ့မမျှတမှုကို ဖုံးကွယ်တဲ့ပြောဆိုချက်တွေ ထွက်လာပါတယ်။
တကယ်တော့ ဖွံ့ဖြိုးရေးဆိုတာ ဆင်းရဲသားတွေဆီအမြန်ဆုံးရောက်လာတဲ့ကပ်ဆိုးပါ။ ဖွံ့ဖြိုးရေးအတွက် သယံဇာတတွေထုတ်ယူလိုက်တဲ့အခါ သဘာဝပတ်ဝန်းကျင်ဟန်ချက်ပျက်ပြီး နဂိုဆင်းရဲလို့ ဆေးမကုနိုင်တာကနေ သဘာဝပတ်ဝန်းကျင်ညစ်ညမ်းလို့ ကင်ဆာ၊ ရင်ကြပ်ပန်းနာစတဲ့ ရောဂါစုံထူပြောမှုပါ ဆတိုးပေါ်လာပါတယ်။ နောက်ဆက်တွဲအနေနဲ့ နေပျော်တဲ့၊ နေသင့်တဲ့ပတ်ဝန်းကျင် ပျောက်ပြီး စိတ်စွမ်းရည်တွေပါ ရှာမရဖြစ်သွားကြရမှာပါ။ အဲဒီဒေသဟာ ဓာတုအဆိပ်တွေနဲ့ဘဲ ရိုးမြေကျပေါင်းဖက်သွားရတော့မှာပါ။ အဲဒီညစ်ညမ်းတဲ့သဘာဝပတ်ဝန်းကျင်ဟာ ဒေသခံတွေရဲ့ အသက်ရှင်ခွင့်ကို ခြိမ်းခြောက်နေပါပြီ။ ခင်ဗျားမသေချင်သလို ဘယ်သူမှ မသေချင်ပါဘူး။ ဒါ သေချာပါတယ်။ အသက်ရှင်နေဖို့အတွက် ဘေးကင်းကောင်းမွန်တဲ့သဘာဝပတ်ဝန်းကျင်ဟာ မရှိမဖြစ်လိုပါတယ်။ အဲဒီဝန်းကျင်နဲ့ အသက်ရှင်မှုကိုထိခိုက်နိုင်တဲ့ ဘယ်စီမံကိန်းမဆို ဒေသခံတွေက သဘောမတူရင် မလုပ်ကောင်းပါဘူး။
တကယ်တော့ ကြေးနီထုတ်ယူတာဟာ အဲဒီဒေသခံဆင်းရဲသားတွေကို ကာကွယ်ပေးနိုင်တာ ဘာတခုမှ မရှိပါဘူး။ တဖြည်းဖြည်းနဲ့ လူမှုရေးစည်းတွေပါကျိုးပေါက်ပြီး လူ့တန်ဖိုးတွေပါ ပျောက်ဆုံးသွားမှာပါ။
မောင်လူရေး

Nyein Chan Aye - Articles


"Moral Authority"၊ ဒေါ်အောင်ဆန်းစုကြည်နှင့် ဗမာ့နိုင်ငံရေး
ငြိမ်းချမ်းအေး
မတ်လ ၂၁၊ ၂၀၁၃



ဒေါ်အောင်ဆန်းစုကြည် ရဲ့ လက်ရှိ ရပ်တည်ချက်၊ ဗမာပြည်ရဲ့ ပြုပြင်ပြောင်းလဲမှု လမ်းကြောင်း၊ ဖွံ့ဖြိုးတက်မှု အလားအလာ စတဲ့ ဗမာ့အရေးကိစ္စတွေ ကို ပြီးခဲ့တဲ့ သီတင်းပတ်တုန်းက အောက်စဖို့ဒ် တက္ကသိုလ် အရှေ့တောင်အာရှရေးရာ ဆွေးနွေးပွဲ အစီအစဉ် အနေနဲ့ ပညာရှင်များက ဆွေးနွေးသုံးသပ်ခဲ့ကြရာမှာ "She had lost "moral authority" by failing to be more vocal on human rights abuses." ဆိုပြီးတော့ လူ့အခွင့်အရေး ချိုးဖောက်မှု တွေ အပေါ် ဒေါ်ဆောင်ဆန်းစုကြည် အနေနဲ့ အရင်လို ခပ်မာမာရပ် အသံမထွက်တော့တာကြောင့် သူ့ရဲ့ "Moral Authority" ဆုံးရှုံးခဲ့ရတယ် လို့ သုံးသပ်ထားတာ တခုပါခဲ့တယ်။  သတင်းဌာနတခုက အဆိုပါ ဆွေးနွေးပွဲ သတင်းကို ရေးသားရာမှာ "Moral Authority" ကို "စိတ်ပိုင်းဆိုင်ရာ သြဇာညောင်းမှု" လို့ ဘာသာပြန်ထားတာလည်း သတိထားလိုက်မိတယ်။ သတင်းအနေနဲ့ ဘာသာပြန်ရတာဖြစ်လို့ လိုတိုရှင်း ချုံ့ပြန်ရတဲ့အတွက် "Moral Authority" ရဲ့ အဓိပ္ပာယ် ကို ဘာသာပြန်ချက်က တစိတ်တပိုင်းသာ ဖောင်ဆောင်နိုင်ပါတယ်။ ဒါကြောင့် ဒီဆောင်းပါးမှာ "Moral Authority" အကြောင်း အကျယ်၊ ဒေါ်အောင်ဆန်းစုကြည်ရဲ့ ဖြစ်ပေါ်လာခဲ့တဲ့ နောက်ခံ၊ လက်ရှိ အခြေအနေ၊ အနာဂတ် နဲ့ ဗမာ့နိုင်ငံရေးဓလေ့ကို ဆွေးနွေးချင်ပါတယ်။


ပထမဦးဆုံး အနေနဲ့ "Moral Authority" ကို အတို ဘာသာပြန်ရရင် "ကျင့်ဝတ် ပိုင်းဆိုင်ရာ စံနမူနာပြု ဦးဆောင် လမ်းပြ၊ လွှမ်းမိုး ချုပ်ကိုင်၊ သြဇာညောင်းနိုင်မှု" လို့ စာရေးသူအနေနဲ့ ဆိုပါမယ်။  အဓိပ္ပာယ်ကို အကျယ် အနက်ဖွင့်ရင် ၀ိဇ္ဇာ (ပညာ) နဲ့ စာရဏ (အကျင့်) ကို ထပ်တူပြု သိမြင် ကျင့်ကြံ စံပြ လုပ်ဆောင်နိုင်မှုကနေ သီလ၊ သမာဓိ၊ စာရိတ္တ၊ ကျင့်ဝတ် ပိုင်းဆိုင်ရာ အတွေးအခေါ်တွေ ဖော်ထုတ်နိုင်၊ လူသားတွေအပေါ် ရှေ့ဆောင် လမ်းညွှန် သင်ပြနိုင်၊ လူသားတွေအတွက် စိတ္တ အာဟာရ ခွန်အားကို ဖြည့်စွက်နိုင်ကာ လူသားတွေက ပြန်လည် စံနမူနာပြု လိုက်လံ အတုယူ၊ ရိုသေ၊ မြတ်နိုး၊ ကိုးစားမှု ခံယူရခြင်းနဲ့အတူ လူသားတွေအပေါ် လွှမ်းမိုးနိုင်မှု သြဇာ ဖြစ်ပေါ်လာပါတယ်။


ဒါတွေ အားလုံးဟာ ကျင့်ဝတ်ပိုင်းဆိုင်ရာ "စံနှုန်း၊ သတ်မှတ်ချက် (Norm)" တွေ၊ "မူဝါဒ (Principle)" တွေ နဲ့ တန်ဖိုး (Value) တွေကို အခြေခံပြီး စံနမူပြု ရေရှည် ကျင့်ကြံ လုပ်ဆောင်ပြနိုင်မှု ရလဒ် ဖြစ်ပါတယ်။ တနည်းအားဖြင့် ဒီ ရလဒ်ဟာ အသိအမြင်၊ ဗဟုသုတ များပြားခြင်း၊ အကျင့် သီလ စင်ကြယ်ခြင်း၊ ကျိုးကြောင်း ဆင်ခြင် ပိုင်းဖြတ် နိုင်မှု ရှိခြင်း၊ ဦးဆောင် လမ်းညွှန် နိုင်စွမ်း ရှိခြင်း၊ မိမိအလုပ်ကို တစိုက်မတ်မတ် စူးနစ် စွဲမြဲ လုပ်ကိုင်မှု ရှိခြင်း၊ လူသား အကျိုး ဆောင်ရွက်နိုင်မှု ရှိခြင်း၊ လူသားတွေရဲ့ ဒုက္ခဆင်းရဲ ကို ကယ်တင် လွတ်မြောက် နိုင်စေတဲ့ စွမ်းပကား ရှိခြင်း၊ လူသားတွေကို ဉာဏ်ပညာ အလင်း ဖွင့်ပေး နိုင်စွမ်းရှိခြင်း စတဲ့ အသိ/အတတ် ပညာ တင်မကတဲ့ ဖြောင့်မတ် မှန်ကန် ဆင်ခြင်ဆုံးဖြတ်နိုင်မှု ဉာဏ်ပညာ၊ ကျင့်ဝတ် အလုပ် နဲ့ အထုံ ပါရမီ တို့ ပေါင်းစပ်ထားခြင်းလည်း ဖြစ်ပါတယ်။


ဆိုခဲ့တဲ့ ကျင့်ဝတ် "စံနှုန်း၊ သတ်မှတ်ချက် နဲ့ မူ" တွေဟာ လူလုပ် ဥပဒေ ဆိုတာတွေထက် ပိုလေးနက်ပြီး အခြေခံကျသလို လူသားတွေရဲ့ အတွင်း အဇ္ဈတ္တသန္တာန် (Inner Nature) ကို လွှမ်းမိုးနိုင်၊ ကာလကြာရှည် စွဲမြဲနိုင်စွမ်းလည်း ရှိပါတယ်။


အထက်မှာ ဆိုခဲ့တဲ့ ဖွင့်ဆိုချက် အရ လူသားတွေအပေါ် "Moral Authority" အရှိဆုံးကတော့ ကမ္ဘာမှာ ပွင့်တော်မူခဲ့တဲ့ ဘာသာတရား အသီးသီးရဲ့ ဘုရားတွေ ဖြစ်ပါတယ်။ ဗုဒ္ဓ ရဲ့ ဘုရားဂုဏ်တော် (၉) ပါး ဟာ ဘုရားရှင်ရဲ့ "Moral Authority" ရှိမှုကို ညွှန်းဆိုထားခြင်းလို့ ဆိုနိုင်ပါတယ်။ ခေတ်အဆက်ဆက် နဲ့ မျက်မှောက်ခေတ် ကမ္ဘာရဲ့ ထေကြီးဝါကြီး ရဟန်းသံဃာတော်တွေ၊ ဘာသာတရားအသီးသီးမှ ကြီးမြတ်တဲ့ ဘာသာရေး ခေါင်းဆောင်တွေ ဟာလည်း လူသားတွေအပေါ် "Moral Authority" သြဇာကြီးတယ်လို့ ဆိုနိုင်ပါတယ်။


ဒါ့အပြင် ကိုးကွယ်ယုံကြည်မှု ဘာသာတရားတွေ နဲ့ မသက်ဆိုင်တဲ့ အခြား လူသားအကျိုးပြု စွမ်းဆောင်နိုင်စွမ်း ရှိတဲ့ သာမန် လူသား ပုဂ္ဂိုလ်တွေမှာလည်း "Moral Authority" သြဇာ ရှိနိုင်ပါတယ်။ အကြောင်းက လုပ်ရပ်တခုခု၊ ဖြစ်စဉ်တခုခု၊ အကြောင်း ကိစ္စ တခုခု ကနေပြီး ကမ္ဘာ့ လူသား အကျိုးပြု နဲ့ လောကီ ရေးရာ လွတ်မြောက်၊ ငြိမ်းချမ်းရာ လုပ်ငန်းတွေ စွမ်းဆောင်ပေးနိုင်စွမ်းတဲ့ လူပုဂ္ဂိုလ်တွေမှာလည်း သူမတူ ထူးခြား၊ ရှားပါးတဲ့ "သီလ၊ သမာဓိ၊ ပညာ" ရှိနေလို့ဖြစ်ပါတယ်။ အဆိုပါ ပုဂ္ဂိုလ်မျိုးတွေဟာ မနှိုင်းအပ်ပေမယ့် ဘုရားဂုဏ်တော် (၉) ပါး နဲ့ မြင်သာအောင် ဆိုရရင် "သုဂတိ (သီလ၊ သမာဓိ၊ ပညာ ကို အခြေခံပြီး ကောင်းမြတ်သော စကား နဲ့ အလုပ်ကိုသာ ဆိုခြင်း၊ ပြုခြင်း၊ သွားခြင်း၊ လာခြင်း)" ဆိုတဲ့ ဂုဏ်နဲ့ ပြည့်စုံနေလို့ ဖြစ်ပါတယ်။ အတုမရှိတဲ့ ဘုရား လို "သတ္တ၊ သြကာသ၊ သင်္ခါရ" ဆိုတဲ့ လောကသုံးခွင်ကို အကုန်အစင် သိမြင်နိုင်မှု "လောကဝိဒူ" ဂုဏ်မြောက်၊ သစ္စာလေးပါး အမှန်တရားကို ပိုင်းခြား သိမြင်နိုင်မှု မရှိပေမယ့် အဆိုပါ လူသားအကျိုးပြု လူပုဂ္ဂိုလ်တွေမှာ လူသား အတိုင်းအတာအရ "သီလ၊ သမာဓိ၊ ပညာ" အလုပ်၊ "၀ိဇ္ဇာ စရဏ သမ္ပန္န" ဆိုတဲ့ အသိဉာဏ် ပညာ (၀ိဇ္ဇာ) နဲ့ အကျင့်တရား (စရဏ) ပြည့်စုံနေလို့ ဖြစ်ပါတယ်။


ဥဒါဟရုဏ် ပြုရရင် မဟတ္တမဂန္ဒီ (၁၈၆၉-၁၉၄၈) လို ကြီးမြတ်တဲ့ ပုဂ္ဂိုလ်ကြီးမျိုး၊ မာသာထရီဆာ (၁၉၁၀-၁၉၉၇) လို ကြီးမားတဲ့ ကရုဏာရှင်ကြီးမျိုး ကို "Moral Authority" သြဇာကြီးတဲ့ လူသား ပုဂ္ဂိုလ်တွေလို့ ဆိုနိုင်ပါတယ်။


ဂန္ဒီကြီး ရဲ့ အတွေးအခေါ်၊ အကျင့်အကြံ၊ လမ်းညွှန်မှု နဲ့ အကြမ်းမဖက်ရေး တရားတွေဟာ ကမ္ဘာအရပ်ရပ်က ခေတ်အဆက်ဆက် လွတ်မြောက်ရေး၊ လူ့အခွင့်အရေး၊ ပြည်သူ့ရေးရာ အခွင့်အရေး၊ တန်းတူညီမျှရေး၊ ဖိနှိပ်မှု ဆန့်ကျင်ရေး တိုက်ပွဲတွေကို ကြီးစွာသော လွှမ်းမိုးမှု၊ နမူနာပြုနိုင်မှု ဖြစ်ပေါ်စေခဲ့သလို ကမ္ဘာ့လူသားများစွာရဲ့ အကျိုးကို ဖြစ်ထွန်းစေခဲ့ပါတယ်။ ဒါ့အပြင် ဂန္ဒီကြီး နဲ့ သူ့ လမ်းစဉ်ရဲ့ ရှေ့ဆောင်မှုကနေ တဆင့် မင်ဒဲလား (၁၉၁၈-) လို၊ မာတင်လူသာကင်းဂျူနီယာ (၁၉၂၉-၁၉၆၈) လိုမျိုး "Moral Authority" ရှိ စံနမူနာပြုစရာ ပုဂ္ဂိုလ်မျိုးတွေ ကမ္ဘာ့သမိုင်းမှာ ထပ်မံ ပေါ်ထွန်းခဲ့ပြီး သူတို့ကြောင့် လူသားများစွာဟာ တရားမျှတမှု နဲ့ လွတ်မြောက် ငြိမ်းချမ်းရေး သုခ ချမ်းသာ ကို ခံစားနိုင်ခဲ့ပါတယ်။


အလားတူပဲ မာသာထရီဆာ ရဲ့ ကြီးမားတဲ့ မေတ္တာတရားနဲ့ ယှဉ်တဲ့ ဘာသာရေးအခြေပြု လူမှုရေးလုပ်ငန်းတွေဟာလည်း လူသားများစွာကို ဒုက္ခဆင်းရဲက လွတ်စေခဲ့ရုံသာမကဘဲ ကမ္ဘာအနှံ့က လူမှုရေး နဲ့ ဘာသာရေး လုပ်ငန်းတွေကိုပါ ရှေ့ဆောင်လမ်းပြ နိုင်ခဲ့ပါတယ်။


ကမ္ဘာ့ ငြိမ်းချမ်းရေး နိုဗယ်လ်ဆုရှင်တွေကို လေ့လာကြည့်ရင်လည်း နှစ်တချို့မှာ အငြင်းပွားဖွယ် ဆုရွေးချယ်မှု သမိုင်းဖြစ်စဉ်တွေ ရှိခဲ့ပြီး အင်အားကြီး ကမ္ဘာ့နိုင်ငံတချို့၊ အထူးသဖြင့် အနောက်အုပ်စုရဲ့ နိုင်ငံရေး ရည်မှန်းချက်တွေ တစိတ်တပိုင်း ပါဝင်ပတ်သက် လွှမ်းမိုးမှု ရှိခဲ့ပေမယ့် ယေဘုယျ သဘော အနေနဲ့ ငြိမ်းချမ်းရေး ဆုရှင်တွေဟာ ကမ္ဘာမှာ အထိုက်အလျောက် "Moral Authority" သြဇာကြီးသူတွေလို့ ဆိုနိုင်ပါတယ်။ သူတို့ဟာ ကမ္ဘာ့ ငြိမ်းချမ်းရေးကို ဖော်ဆောင်ပေးနိုင်ခြင်း၊ တရားမျှတမှုကို ကိုယ်စားပြုခြင်း၊ လူသား (အမျိုးသမီး/အမျိုးသား/လူမျိုး/ဘာသာ/ အသားအရောင် မခွဲ တန်းတူ) အခွင့်အရေး အပြည့်အဝ ရရှိအောင် ကြိုးစားဆောင်ရွက်ခြင်း၊ လူသား တန်ဖိုးကို မြှင့်တင်ပေးနိုင်ခြင်း၊ လူသားတွေရဲ့ လူမှုစီးပွား ဘဝ တိုးတက်အောင် ကြံဆောင်ခြင်း၊ သတ္တ၊ ရုက္ခ လောက၊ ကမ္ဘာ့ ပထဝီမြေကြီး နဲ့ သဘာဝ ပတ်ဝန်းကျင်ကို စည်ပင်ဝပြော ရှင်သန်အောင် လုပ်ဆောင်ခြင်းတို့ကြောင့် လူသား နဲ့ ကမ္ဘာမြေအပေါ် ကျေးဇူးပြုနိုင်ခြင်းနဲ့အတူ သူတို့ရဲ့ "Moral Authority" ဟာလည်း ကမ္ဘာ့ လူသားများအကြားမှာ ကြီးမားလှပါတယ်။


ဆိုခဲ့တဲ့ နောက်ခံအခြေအနေနဲ့ သဘောမှာ ငြိမ်းချမ်းရေး နိုဗယ်လ်ဆုရှင် တယောက်ဖြစ်တဲ့ ဒေါ်အောင်ဆန်းစုကြည်ဟာလည်း နိုင်ငံရေး ခေါင်းဆောင် ဆိုတာထက်ပိုတဲ့ ဗမာ့လူထု ကိုးစားပြု ခေါင်းဆောင် အနေအထား အပြင် လူ့အခွင့်အရေး တက်ကြွလှုပ်ရှားသူ၊ ဒီမိုကရေစီ ရဲ့ သင်္ကေတ ရှေ့ဆောင် လမ်းပြ ပုဂ္ဂိုလ်၊ အမှန်တရာ နဲ့ တရားမျှတမှုရဲ့ ပုံရိပ် အနေနဲ့ နိုင်ငံတကာမှာ၊ ကမ္ဘာ့ လူသားတွေ အပေါ်မှာ "Moral Authority" ရှိပါတယ်။ သူရေးတဲ့ စာတွေ၊ သူပြောတဲ့ မိန့်ခွန်းတွေ ကို ထင်ရှားတဲ့ အရှေ့၊ အနောက် ကမ္ဘာ့ခေါင်းဆောင်တွေ အပါအဝင် ကမ္ဘာ အနှံ့က လူသား အတော်များများဟာ ဂရုတစိုက် ဖတ်ရှု၊ ကြားနာကြသလို သူ့ရဲ့ လုပ်ရပ် နဲ့ ခံယူချက်၊ သဘာထားတွေကိုလည်း လေးစား အသိအမှတ်ပြု၊ စံနမူနာယူမှုတွေ ရှိပါတယ်။


ဒီလို အနေအထားမှာ ကမ္ဘာ့ အဖွဲ့အစည်းတွေ၊ တက္ကသိုလ်တွေ၊ ရုပ်သံ နဲ့ စာနယ်ဇင်း မီဒီယာတွေ၊ နိုင်ငံတကာက ခေါင်းဆောင်တွေ၊ သံတမန်နဲ့ ထင်ရှားကျော်ကြားသူတွေဟာ ဒေါ်အောင်ဆန်းစုကြည် နဲ့ တွေ့ဆုံခြင်း၊ ဆွေးနွေးခြင်း၊ သူ့ရဲ့ အမြင်၊ သဘောထား၊ ဟောပြောချက်တွေကို ရယူခြင်းတွေ လွန်ခဲ့တဲ့ ဆယ်စုနှစ် နှစ်ခု အတွင်း အမြောက်အမြား ပြုလုပ်ခဲ့ခြင်းနဲ့အတူ သူ့ရဲ့ သြဇာ၊ လွှမ်းမိုးနိုင်မှု နဲ့ "Moral Authority" ဟာလည်း ကြီးမား ခိုင်မာ လာပါတယ်။


သူဟာ ရုပ်ရည် ပြေပြစ်ခြင်း၊ ဘာသာစကား ကျွမ်းကျင်ခြင်း၊ သိက္ခာ၊ သမာဓိ၊ ပညာ ပြည့်စုံခြင်း၊ တကိုယ်ရေ အားဖြင့် အရည်အချင်း ကြွယ်ဝခြင်း၊ ပုဂ္ဂလိက မိသားစုဘဝ စွန့်လွှတ်အနစ်နာခံမှု တို့အပြင် လူအများကို သြဇာစူး၊ စွဲဆောင်နိုင်စွမ်းတဲ့ အထုံ ပါရမီ အရည်အသွေးများဖြစ်တဲ့ အလိုအလျောက် မျက်နှာပွင့်လန်း၊ ကျော်စောထင်ရှား အကြီးအမှူး ခေါင်းဆောင် နေရာရယူနိုင်ခြင်း ဖြစ်စေမှု မွေးရာပါ "Charisma" နဲ့လည်း ပြည့်စုံနေပြန်ပါတယ်။ ဖန်တီးတည်ဆောက် လုပ်ယူလို့မရတဲ့ သဘာဝ ခရစ်စမား အရည်အသွေး ရှိတဲ့ ခေါင်းဆောင် (Charismatic Leader) မျိုးရဲ့ သြဇာလွှမ်းမိုး သက်ရောက်မှုက လွတ်ကင်းအောင် နေနိုင်တဲ့ လူသာမန် ဆိုတာ အင်မတန် ရှားလှပါတယ်။


ဒါ့အပြင် ဒေါ်အောင်ဆန်းစုကြည်ဟာ ဗမာပြည်အနေနဲ့ဆိုပြန်ရင်လည်း ဗမာလူထု အကြွင်းမဲ့ အလုံးစုံ လေးစားချစ်ခင်မြတ်နိုးရတဲ့ လွတ်လပ်ရေးဖခင်ကြီး နဲ့ အာဇာနည် သူရဲကောင်း ဗိုလ်ချုပ်အောင်ဆန်းရဲ့ မျိုးဆက် ဖြစ်နေခြင်းဟာလည်း သူ့ရဲ ဗမာလူထုအပေါ် သြဇာသက်ရောက်မှုကို အထွပ်အထိပ် ဖြစ်စေပါတယ်။ ဗမာလူထုအနေနဲ့ မျိုးဆက် နှစ်ဆက်/သုံးဆက် ဒဏ္ဍာရီလာ သူရဲကောင်းလို လေးစားအားကျ၊ နှမြောတသ လွမ်းဆွတ်ရင်းနဲ့ ပုဂ္ဂိုလ်ရေး ကိုးကွယ်နေရတဲ့ ဗိုလ်ချုပ်အောင်ဆန်း အစား သူ့ရဲ့ မျိုးဆက်သစ် ဒေါ်အောင်ဆန်းစုကြည်ကို ဆက်လက်ပြီးတော့ လူပုဂ္ဂိုလ် အခြေပြု ကိုးကွယ်စရာ ဖြစ်လာခဲ့ပါတယ်။


ဒီလို နောက်ခံကားချပ် အနေအထားမှာ ဗမာလူထု အနေနဲ့ သူ့ကို ပုဂ္ဂိုလ်ရေး ကိုးကွယ်မှု၊ မဟာလူသား ဆန်ဆန် သာမန်ထက်ပိုတဲ့ အလေးထား၊ ဂုဏ်ပြုဆက်ဆံမှုတွေနဲ့အတူ ဘုရားတဆူ ဂူတလုံးသဖွယ် ပူဇော်ဆည်းကပ်၊ အမြတ်တနိုးထားကာ နတ်ဘုရားဆန်ဆန် ကိုးကွယ်မှု (Divine Worship) တွေလည်း ရှိလာပါတယ်။  ဒီလို ပုဂ္ဂိုလ်စွဲ ကိုးကွယ်မှု၊ ချဉ်းကပ်မှု နဲ့ ဝိုင်းဝန်းမှုမှာ အစစ်အမှန် ချစ်ခင်မြတ်နိုး၊ လေးစား တန်ဖိုးထားမှုကြောင့် ကိုးကွယ်နေသူ နောက်လိုက် (Followers) တွေ ရှိသလို လက်ရှိအခြေအနေ ဗမာ့နိုင်ငံရေး အခင်းအကျင်း အပြောင်းအလဲနဲ့အတူ ဒေါ်အောင်ဆန်းစုကြည်ရဲ့ နဂိုရှိရင်း သြဇာအပြင် အာဏာ ပါ တက်လာမှုကြောင့် သာပေါင်းညာစား ဖော်လံဖား အခွင့်အရေးသမား (Sycophants) တွေလည်း များပြားလာတာ သဘာဝပဲ ဖြစ်ပါတယ်။ (စကားချပ် - "Sycophants" တွေအကြောင်းက "Moral Authority" နဲ့ မသက်ဆိုင်တဲ့အတွက် ဒီဆောင်းပါးမှာ အကျယ် မဆွေးနွေးတော့ပါ။)


ဗမာလူထုရဲ့ ယေဘုယျ အခြေအနေကို တဘက်က ပြန်သုံးသပ်ကြည့်ပြန်ရင်လည်း ဆယ်စုနှစ်ပေါင်းများစွာ အာဏာရှင်စနစ်ဆိုးဒဏ် ခံခဲ့ရခြင်းကြောင့် ပညာရေး နိမ့်ကျ၊ လွတ်လပ်စွာ ကိုယ်ပိုင် တွေးခေါ်စဉ်းစာဆင်ခြင်နိုင်မှု အမျှော်အမြင်နည်းပါး၊ လွတ်လွတ်လပ်လပ် မေးခွန်းထုတ် ပြန်လည် ဆွေးနွေးမှုနိုင်မှု၊ အမြင်သစ်၊ အတွေးသစ်၊ အလုပ်သစ်ကို ကိုယ်ပိုင်စူးစမ်း ရှာဖွေလိုမှု ဓလေ့ ဆိတ်သုဉ်းခြင်းနဲ့အတူ အလုံးစုံ အမိန့်နာခံတတ်မှုဟာ နေရာ၊ ကိစ္စ တိုင်းလိုလိုမှာ အရည်အသွေးတခု (သို့) လိုအပ်မှု တခုလို ဖြစ်လာကာ သာမန်ထက် ထူးကဲတဲ့ စွမ်းရည်ရှိတဲ့၊ သြဇာရှိတဲ့၊ အာဏာရှိတဲ့ ခေါင်းဆောင်ရဲ့ စကားကိုသာ တသွေမတိမ်း နာခံလိုစိတ်ဟာ လူအများကြားမှာ ဓလေ့ထုံးတမ်း၊ ယဉ်ကျေးမှုတခုလို အမြစ်တွယ်လို့လာခဲ့ပါတယ်။


နဂို ရှိရင်းစွဲ ဗမာ့ဓလေ့ကို ကြည့်ပြန်ရင်လည်း အထက်လူကြီး၊ အကြီးအမှူး ကို မိဘ၊ ဆရာ နည်းတူ ရိုသေ ကိုးကွယ် ဆည်းကပ်ရလေ့ရှိတာကြောင့် အထက်လူကြီး (သို့) ခေါင်းဆောင်ရဲ့ ဆုံးဖြတ်ချက်၊ ရပ်တည်ချက် နဲ့ သဘောထားတွေကို ပြန်လည် ဝေဖန်ဆန်းစစ်လိုမှု အင်မတန် နည်းပါးလှပါတယ်။


ဗမာပြည် တည်ရာ အာရှတိုက်တခုလုံးရဲ့ ဓလေ့မှာလည်း အမိန့်နာခံမှု၊ ခေါင်းဆောင် နဲ့ လူပုဂ္ဂိုလ် ကိုးကွယ်မှုဟာ ကျယ်ကျယ်ပြန့်ပြန့် ရှင်သန်နေဆဲဖြစ်ပါတယ်။ ဒါ့အပြင် အာရှ လူ့အဖွဲ့အစည်းမှာ မျိုးရိုး မိသားစုနောက်ခံဟာ အင်မတန် အရေးပါပြီး ထင်ရှားကျော်ကြား၊ သြဇာစူးစေမှု နဲ့ ခေါင်းဆောင်ဖြစ်စေမှုကို ပြင်းပြင်းထန်ထန် တွန်းအားဖြစ် အကျိုးသက်ရောက်လေ့ ရှိပါတယ်။


မျိုးရိုးနောက်ခံကြောင့် သြဇာထက်မြက် ခေါင်းဆောင်နေရာယူနိုင်မှုအပြင် ပင်ကိုယ်အရည်အသွေးနဲ့ ကျင့်ဝတ်၊ ခံယူချက်၊ အလုပ်ကြောင့် ဗမာလူထု နဲ့ နိုင်ငံတကာအသိုင်းအဝန်းမှာပါ "Moral Authority" သြဇာရှိ အရာရောက်တဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးအတွက် အထက်မှာ ဆွေးနွေးခဲ့တဲ့ အခြေအနေအားလုံးဟာ အကြွင်းမဲ့ နာခံတော် နောက်လိုက် အများအပြားကို မွေးဖွားစေခဲ့ပါတယ်။


ဒီလို လူပုဂ္ဂိုလ်စွဲ ကိုးကွယ်ယုံကြည် နောက်လိုက်မှု၊ အကြွင်းမဲ့ ထောက်ခံမှု နဲ့ အလုံးစုံ အမိန့်နာခံမှု ရဲ့ သဘောဟာ အကိုးကွယ်ခံ ပုဂ္ဂိုလ်ရဲ့ "Moral Authority" သြဇာ အားပြည့်နေသမျှ၊ ကျင့်ဝတ်ပိုင်းဆိုင်ရာ ရပ်တည်ချက်၊ သဘောထား မပြောင်းလဲသမျှ လူ့အဖွဲ့အစည်းအတွက် စိုးရိမ်ဖွယ်ရာ အခြေအနေလို့ မဆိုနိုင်ဘူးလို့ ယူဆပါတယ်။


ဒါပေမယ့် ပြီးခဲ့တဲ့ နှစ်တွေကစလို့ ပြောင်းလဲလာတဲ့ နိုင်ငံရေးလမ်းကြောင်း သဘောအရ ပါတီနိုင်ငံရေး၊ ရွေးကောက်ပွဲ နဲ့ လူအများစု (သို့) တိုင်းပြည်မှာ အရေးပါ၊ အရာရောက်တဲ့ လူတန်းစားတစု ထောက်ခံမှုကို ပိုမိုအရေးပေးဖို့ အခြေအနေတွေက တောင်းဆိုလို့ လိုအပ်လာတဲ့ ဒေါ်အောင်ဆန်းစုကြည်ဟာ လက်ရှိအချိန်မှာ "Moral Authority" ရှိသူ၊ ဒီမိုကရေစီ၊ လူ့အခွင့်အရေး နဲ့ ငြိမ်းချမ်းရေး ရဲ့ သင်္ကေတ ပြယုဂ် အနေအထားကနေ ယုတ်လျော့လို့ လာနေပါပြီ။ ဒီသဘောကို စံနှုန်း၊ မူတွေ အလေးပေးရတဲ့ "Normative Approach" ကနေ မူဝါဒ၊ အတွေးအခေါ်၊ စံသတ်မှတ်ချက်တွေထက် လက်တွေ့ အလုပ်ဖြစ်ရေးကို ဦးစားပေး စဉ်းစားလုပ်ဆောင်ရတဲ့ "Pragmatic Approach" ကို ပြောင်းပြီး ပါတီ နဲ့ အာဏာ နိုင်ငံရေး လမ်းကြောင်းကို စတင်ခဲ့တဲ့ မနှစ်ကတည်းက နိုင်ငံတကာ ခေါင်းဆောင်တချို့ (ဥပမာ - ဟီလာရီ ကလင်တန်) ၊ ပညာရှင် နဲ့ လေ့လာသူ တချို့က သတိပေးပြောဆို၊ သုံးသပ်မှုတွေ ရှိခဲ့ပါတယ်။


ဒီအခြေအနေမှာ ဒေါ်အောင်ဆန်းစုကြည်ဟာ နိုင်ငံရေး ကစားမှုတွေ၊ နိုင်ငံရေးသဘောအရ အပေး-အယူ၊ အလျှော့-အတင်းပြုလုပ် ဈေးဆစ်ရမှုတွေ၊ ဈေးဆစ်ခံရမှုတွေ၊ ငဲ့ကွက်ရမှုတွေ မဖြစ်မနေ ကြုံလာ၊ လုပ်လာရပါတော့တယ်။ ဒီအနေအထား နဲ့ သဘောမှာ နိုင်ငံရေး သမား တယောက်ကို "ပုဂ္ဂိုလ်ကိုခင်လို့ တရားမင်" ဆိုသလို လူပုဂ္ဂိုလ်ဗဟိုပြု ထောက်ခံမှု နဲ့ နတ်ဘုရားဆန်ဆန်း ချီးပ ကိုးကွယ်မှုတွေဟာ ကောင်းမွန်ပြည့်စုံ၊ တော်တည့်မှန်ကန် တဲ့ အနာဂတ် တိုင်းပြည် နဲ့ နိုင်ငံရေးဓလေ့ ဖြစ်ဖို့အတွက် ကြီးမားတဲ့ ဟန့်တားမှု၊ အနှောင့်အယှက် ဖြစ်ပါတယ်။ ဒေါ်အောင်ဆန်းစုကြည် ဟာ တန်ခိုးရှင် မဟုတ်တဲ့ ပုထုဇဉ် လူသားတယောက်သာ ဖြစ်တဲ့အတွက် အားသာချက် ရှိသလို၊ အားနည်ချက်လည်း ရှိမှာ ဖြစ်ပါတယ်။  ဆုံးဖြတ်ချက် အမှားအယွင်း နဲ့ မူဝါဒ အလွဲတွေလည်း ချမှတ်နိုင်ပါတယ်။ ဒါကြောင့် လူကို မူတည်ပြီး နိုင်ငံရေးနဲ့ ပုဂ္ဂိုလ်ရေး ရောထွေးယှက်တင်ဖြစ်ကာ လူ နဲ့ နိုင်ငံရေး မကွဲရင် နိုင်ငံမှာ အကောင်းထက် အဆိုးဖြစ်ဖို့က ပိုများပါတယ်။ ဒီလို အခြေအနေမျိုးကို ဒီမိုကရေစီ အကျင့်၊ အလေ့အထ နဲ့ ဓလေ့ မရင့်သန်တဲ့ နိုင်ငံတွေမှာ များသောအားဖြင့် တွေ့ရတတ်ပါတယ်။ ဒီမိုကရေစီစနစ် အမြစ်တွယ်နေပြီဖြစ်တဲ့ အနောက် နိုင်ငံကြီးတွေမှာ နိုင်ငံရေးဟာ ပုဂ္ဂိုလ်ရေးနဲ့ တသီးတခြား ဖြစ်နေပြီး "လူ" ကို ကိုးကွယ်တဲ့ကိစ္စ မရှိသလောက် နည်းကာ "မူ" ကို သာကြည့် ဝေဖန်သုံးသပ်၊ ဝါဒ၊ လမ်းစဉ် နဲ့ ရပ်တည်ချက်ကိုသာ အလေးပေးစဉ်းစာတဲ့ နိုင်ငံရေးဓလေ့သာ ရှင်သန်ပါတယ်။ ဒါဟာ ပိုမိုကောင်းမွန် လွတ်လပ်၊ မျှတတဲ့ လူ့အဖွဲ့အစည်းဖြစ်ဖို့အတွက် မရှိမဖြစ်လိုအပ်တဲ့ အခြေအနေတခု ဖြစ်ပါတယ်။


လက်ရှိ ဖြစ်ပေါ်နေတဲ့ ဗမာ့ နိုင်ငံရေးလားရာကို သုံးသပ်ကြည့်ပြန်ရင်လည်း လက်နက်ကိုင် အဖွဲ့အစည်း၊ စစ်တပ်ဗဟိုပြု စစ်အုပ်စု တခုလုံးရဲ့ အကျိုးစီးပွားကို အကာအကွယ်ပေးရင်းနဲ့ ကျောထောက်နောက်ခံပြုထားတဲ့ လက်ရှိ အစိုးရမှာ လုပ်ပိုင်ခွင့် နဲ့ အာဏာ အပြည့်ရှိပါတယ်။ ဒါပေမယ့် ဒေါ်အောင်ဆန်းစုကြည်လို လူထု နဲ့ နိုင်ငံတကာ အပေါ် လွှမ်းမိုးနိုင်တဲ့ သြဇာ နဲ့ "Moral Authority" မျိုးတော့ မရှိပါဘူး။  ဒါကြောင့် လက်ရှိ အစိုးရ နဲ့ စစ်အုပ်စု အနေနဲ့ သူတို့ စိတ်ကြိုက် ဖန်တီးထားတဲ့ နိုင်ငံရေးအရွေ့ကို လူအများ နဲ့ နိုင်ငံတကာက ပိုမိုထောက်ခံ အသိအမှတ်ပြုလာဖို့ရာအတွက် လူထု နဲ့ ကမ္ဘာ အပေါ် သြဇာညောင်းတဲ့ ဒေါ်အောင်ဆန်းစုကြည် ရဲ့ ပူးပေါင်းမှုကို အလိုရှိပါတယ်။  ဒေါ်အောင်ဆန်းစုကြည် ဘက်ကလည်း ရွေးချယ်လိုက်တဲ့ နိုင်ငံရေးလမ်းကြောင်းအပေါ်မူတည်ပြီး အစိုးရ နဲ့ ပူးပေါင်းဆောင်ရွက်မှု လုပ်လာရပါတယ်။


ဒီအနေအထားမှာ ဒေါ်အောင်ဆန်းစုကြည်ဟာ သြဇာပိုင် အဖြစ်ကနေ အာဏာရှိသူ နဲ့ အခြေအနေအရ ပူးပေါင်းနေရတဲ့အတွက် အာဏာပိုင်အဖြစ်ကို ကူးပြောင်းသွားနေပါတယ်။ လက်ရှိ အာဏာရ အစိုးရရဲ့ လွှတ်တော်မှာလည်း လွှတ်တော်အမတ် နေရာ အပြင် အခြား ရာထူး နဲ့ တာဝန်တွေကိုပါ ပူးတွဲ တာဝန်ယူ လုပ်ဆောင်နေရတဲ့အတွက် သူဟာ အတိုက်အခံပါတီရဲ့ ခေါင်းဆောင်၊ လူထုခေါင်းဆောင် အနေအထားထက် အာဏာရ အစိုးရရဲ့ တစိတ်တပိုင်း အဖြစ် ပိုမို ရှုမြင်နိုင်စရာ ဖြစ်လာနေပါတယ်။


ဒါဟာ ဒေါ်အောင်ဆန်းစုကြည်ကို ဟိုအရင် အစဉ်တစိုက် ထောက်ခံလာခဲ့တဲ့ နောက်လိုက်တွေထဲက လူပုဂ္ဂိုလ်စွဲ ကိုးကွယ်သူတွေကလွဲလို့ လက်ရှိ မူဝါဒ၊ လုပ်ရပ် နဲ့ သဘာကိုသာ သုံးသပ်လေ့လာပြီး ထောက်ခံခဲ့တဲ့ ကျန် လူအများကြားမှာ သူ့ရဲ့ လက်ရှိ အနေအထား အပေါ် ပြန်လည် မေးခွန်းထုတ်မှု နဲ့ ဝေဖန်ပိုင်းခြားမှုတွေ တိုးလာပါတယ်။


"စံနှုန်း၊ သတ်မှတ်ချက် နဲ့ မူ"ကို အလျှော့-အတင်း၊ အပေး-အယူ လုပ်ရတဲ့ နိုင်ငံရေးသမားဘဝကို အခြေအနေ၊ အတိုင်းအတာတခုအထိ နားလည်လက်ခံပေးနိုင်စရာလည်း ရှိပါတယ်။ ဒါပေမယ့် မူဝါဒ နဲ့ စံနှုန်း သတ်မှတ်ချက် ခိုင်ခိုင်မာမာ မရှိတဲ့ နိုင်ငံရေး လမ်းစဉ်ဟာ လူ့အဖွဲ့အစည်းအတွက် အကျိုးကျေးဇူးမများနိုင်ပါ။  ဂန္ဒီကြီးရဲ့ လှုမှုအပြစ် (၇) ပါး အရ ဆိုရင်လည်း ဒါဟာ လူ့အဖွဲ့အစည်းအတွက် ကြီးမားတဲ့ အန္တရာယ်ဖြစ်စေတဲ့ အပြစ် ဖြစ်ပါတယ်။


အခုအချိန်ထိတော့ ဒေါ်အောင်ဆန်းစုကြည်ဟာ "စံနှုန်း၊ သတ်မှတ်ချက်၊ မူ (Principles)" တွေကို လုံးလုံး ပစ်ပယ် မျက်ကွယ်ပြုထားတယ်လို့ မဆိုနိုင်သေးပါဘူး။ ဒါပေမယ့် သူ့ရဲ့ မျက်မှောက် နဲ့ အနာဂတ် နိုင်ငံရေး မှာ အထက်မှာ ဆွေးနွေးခဲ့တဲ့ ပါတီ နဲ့ အာဏာ နိုင်ငံရေး သဘောကြောင့် ဟိုယခင် ဒီမိုကရေစီ နဲ့ လူ့အခွင့်အရေး ခေါင်းဆောင် ဘဝကလို မတရားမှု မှန်သမျှ ဆန့်ကျင်ပြောဆိုရဲတဲ့၊ တရားမှုကို ရဲရဲဝင့်ဝင့် ပုံဖော်နိုင်တဲ့၊ ကျင့်ဝတ် ပိုင်းဆိုင်ရာ ကို အလေးပေးတဲ့၊ ဒီမိုကရေစီ၊ လူ့အခွင့်အရေး နဲ့ တန်းတူညီမျှရေး၊ လူမှုတရားမျှတမှု ကို ဖော်ဆောင်တဲ့၊ မူဝါဒ ကို အထိအပါးမခံတဲ့ အနေအထားမျိုး၊ ရပ်တည်ချက်မျိုး နဲ့ သဘောထားမျိုးတော့ လျော့နည်းလာမှာ ဖြစ်ပါတယ်။ အလားတူပဲ တွဲလျက် သူ့ရဲ့ "Moral Authority" လည်း ကျဆင်းလာမှာ ဖြစ်ပါတယ်။


ဒီလိုအနေထားမှာ ဒေါ်အောင်ဆန်းစုကြည်ရဲ့ ခေါင်းဆောင်မှုကို ခံယူချင်တဲ့ သူ့ရဲ့ ပါတီဝင် နဲ့ နောက်လိုက် လူထုအနေနဲ့ လူပုဂ္ဂိုလ်ဗဟိုပြုမှု၊ မစဉ်းစား၊ မဆင်ခြင် မျက်စိမှိတ် ထောက်ခံမှု၊ နတ်ဘုရား နဲ့ မဟာလူသား ဆန်ဆန် ကိုးကွယ်ဆည်းကပ်မှုတွေကို လျှော့ချပစ်ဖို့ မဖြစ်မနေ လိုအပ်ပါတယ်။ ဒေါ်အောင်ဆန်းစုကြည်ရဲ့ ပါတီ အမျိုးသားဒီမိုကရေစီ အဖွဲ့ချုပ်အနေနဲ့လည်း မူဝါဒ၊ လုပ်ပိုင်ခွင့်နဲ့ ဆုံးဖြတ်ခွင့် ပိုင်းဆိုင်ရာကို ဗဟိုခေါင်းဆောင်ပိုင်းက အပြည့်အဝ ထိန်းချုပ်ထားမှုကို လျှော့ချဖို့ အရေးတကြီး လိုအပ်လှပါတယ်။


စစ်အုပ်စု ရဲ့ အကျိုးစီးပွားအတွက် အာဏာ ရေရှည်တည်တံ့ ခိုင်မြဲရေးကို ရှေးရှုကာ စိတ်ကြိုက် ဖန်တီးထားတဲ့ မျက်မှောက် နဲ့ အနာဂတ် ဗမာ့ နိုင်ငံရေး လမ်းခရီးမှာ အမျိုးမျိုးသော လှည့်ကွက်တွေ၊ ထောင်ခြောက်တွေ၊ ခါးအောင်ပိုင်း လက်သီးပုန်း ထိုးကွက်တွေနဲ့ ပြည့်နှက်နေပါတယ်။ ဒီအခြေအနေဟာ "ပြည်ထဲအရေး ပေါက်နှင့်ကျေး၊ ကြက်ဥအရောင် တိမ်တောင်သဖွယ် မင်းရေးကျယ်" ဆိုတာထက် ပိုမို ရှုပ်ထွေးမှာ သေချာလှပါတယ်။ ဒါကြောင့် ခေါင်းဆောင်ရဲ့ ဆုံးဖြတ်ချက် ကို ပြန်လည် မေးခွန်းထုတ်တတ်မှု၊ ဝေဖန်နိုင်မှု၊ သုံးသပ်နိုင်မှု ရှိဖို့ ဗမာ့နိုင်ငံရေး ဓလေ့ နဲ့ လူ့အဖွဲ့အစည်းမှာ လိုနေပါတယ်။ ခေါင်းဆောင်တယောက်တည်းရဲ့ သဘော၊ ဆန္ဒ၊ ဆုံးဖြတ်ချက် နဲ့ သွားနေရင် ဗမာပြည်ရဲ့ အနာဂတ် နဲ့ ဒီမိုကရေစီအရေးဟာ ပြည့်စုံကောင်းမွန် သန်စွမ်းတဲ့ အနေအထားမျိုး၊ အခြေအနေမျိုး ဘယ်လိုမှ ဖြစ်မလာနိုင်ပါ။


နိဂုံချုပ်ရရင် စာရေးသူ အနေနဲ့တော့ စိတ်ကူးယဉ်၊ လက်တွေ့မကျဘူးပဲဆိုဆို ပြစ်မျိုးမထင်၊ မူဝါဒ၊ ကျင့်ဝတ် ခိုင်မာ၊ "Moral Authority" အပြည့်ရှိတဲ့ လူထုခေါင်းဆောင် ဒေါ်အောင်ဆန်းစုကြည် ကိုပဲ မြင်ချင်ပါတယ်။ ဗမာ့ နိုင်ငံရေး အခင်းအကျင်းဟာ ဆိုခဲ့သလို မဖြစ်နိုင်ဘူးဆိုရင်တောင် အနည်းဆုံး နိုင်ငံရေးမှာ လူစွဲကင်း၊ ပုဂ္ဂိုလ်ရေး ကိုးကွယ်မှုကင်း၊ ဘက်ပေါင်းစုံက အမြင်ပေါင်းစုံ နဲ့ လူတိုင်း အသံကျယ်ကျယ်ထွက်၊ ခေါင်းဆောင်အပေါ် အကျိုး/အကြောင်း ထောက်ပြ၊ ခေါင်းဆောင်ကလည်း လက်ခံစဉ်းစား သုံးသပ် တဲ့ နိုင်ငံရေး အလေ့အကျင့်ကောင်း၊ ဓလေ့ကောင်းတွေ ရှင်သန်၊ ထွန်းကား၊ အမြစ်တွယ် စေချင်ပါတယ်။  ဝေဖန်ပိုင်းခြား၊ ကျိုးကြောင်း ဆင်ခြင်သုံးသပ်မှု "ဝိဘဇ္ဇ" သဘောဟာ ဘာသာတရားရဲ့ အဆုံးအမနဲ့လည်း ညီပါတယ်။  ကြိုးစားဖော်ဆောင် စေချင်ပါတယ်။

Dr. DamaPiya (ITBMU) - Articles


လူငယ်များပညာရေးနှင့် မီဒီယာများ၏အခန်းကဏ္ဍ
ဒေါက်တာဓမ္မပိယ (ITBMU)
မတ်လ ၂၁၊ ၂၀၁၃



မြန်မာနိုင်ငံတော်ကြီးကို ခေတ်မီဖွံ့ဖြိုးတိုးတက်နေသော နိုင်ငံများနှင့်အတူ ရင်ဘောင်တန်းနိုင်ဖို့  နိုင်ငံ့ခေါင်းဆောင်များ၊ ပြည်သူ၊ ပြည်သားများ အတူပူးပေါင်း၍ အားသွန်ခွန်စိုက် ဆောင်ရွက်နေချိန်ဝယ် … ။ လူငယ် လူရွယ်များနှင့် ပြည်သူ၊ ပြည်သားအများစုဟာ နိုင်ငံတော် တိုးတက်ရေးလုပ်ငန်းများ၌ ပါဝင်ပူးပေါင်း လာမှု အသိစိတ်ဓာတ်များ နည်းပါးနေသေးကြောင်း တွေ့မြင်နေရ၍ နိုင်ငံတော်အတွက် အားမလိုအားမရ ဖြစ်နေမိတယ်။ လူငယ်၊ လူရွယ်အများစုသည် ပန်းတိုင်ပျောက်ဆုံးနေသည့် ခရီးသွားပမာ ဘယ်ဆီကို လျှောက် လှမ်း၍ ဘယ်လမ်းကို လိုက်ကြမယ်ဆိုတာ သူတို့ကိုယ်တိုင် မရေမရာ မသေမချာ ဖြစ်နေကြဆဲပါ။

အကြောင်းကိုရှာကြည့်တဲ့အခါ လူငယ်လူရွယ်အများစုသည် ဘ၀တစ်ခုအတွက် စဉ်းစားဝေဖန်နိုင်တဲ့ ပညာရေး အသိဉာဏ်များ နည်းပါးနေသေးခြင်း၊ ခံယူချက်များ ပျောက်ဆုံးနေခြင်း၊ တိုင်းပြည်မှာ ကျင့်သုံးနေတဲ့ ဒီမိုကရေစီစနစ်ရဲ့ အနှစ်သာရကို နားမလည်နိုင်ကြသေးခြင်းစသော အကြောင်းများဟာ အဓိကအကြောင်း ရင်းများဖြစ်နေတယ်။ လမ်းပျောက်နေတဲ့ လူငယ်များပီပီ အပျော်မက်ခြင်း၊ အဖေါ်မက်ခြင်း၊ ခေတ်ပေါ်ပစ္စည်း များကို အားကျလွယ်ခြင်း၊ အတုယူ၍ မှားယွင်းစွာသုံးစွဲခြင်းစတဲ့ ဘောင်စည်းများကို မကျော်လွန်နိုင်အောင်ပဲ ရှိနေကြခြင်းပါ။ စနစ်တစ်ခုရဲ့ အပြောင်းအလဲကာလမှာ ဖြစ်လေ့ဖြစ်ထရှိတဲ့ သဘောတရားပဲလို့ ဆိုရလေ မလားမသိ။

ဒီလိုအခြေအနေများရှိနေတာကြောင့် တိုင်းပြည်အတွက် တိုးတက်ရေးလုပ်ငန်းများကို ဖေါ်ဆောင်ရာ၌ မီဒီယာများရဲ့အခန်းကဏ္ဍသည် မည်မျှအရေးကြီးကြောင်း သိသာထင်းရှားလှတယ်။ ထိုကြောင့် မီဒီယာများမှ တဆင့် လူငယ်များရဲ့စိတ်ဓာတ် မြှင့်တင်ရေးလုပ်ငန်းများကို ပြုလုပ်ပေးကြရန်ဖြစ်တယ်။ ထိုသို့ပြုလုပ် ပေးကြ၀ယ် ဦးစွာပထမ စဉ်းစားပေးသင့်တာက တိုင်းပြည်တိုးတက်ရေးအတွက် အထောက်အကူမဖြစ်လှတဲ့ TV ပရိုဂရမ် အစီအစဉ်များကို ဖြတ်တောက်နိုင်သမျှ ဖြတ်တောက်၊ လျှော့ချနိုင်သမျှ လျှော့ချပြီး၊ ထိုအစီ အစဉ်များ၏နေရာမှာ ပညာရေးဆွေးနွေးခန်း အစီအစဉ်များကို ပိုမို ထုတ်လွင့်ပေးရမှာဖြစ်တယ်။ ဥပမာ၊ ဖျော်ဖြေရေးသက်သက်ဖြစ်နေတဲ့ ကိုးရီးယားဇာတ်လမ်းတွဲများ၊ မော်ဒယ်အလှပြိုင်ပွဲများ၊ ဆိုကရေးတီး ပြိုင်ပွဲများ၊ အခြားအခြားသော ဖျော်ဖြေရေးအစီအစဉ်များကို လျှော့ချထုတ်လွှင့် ပေးရမှာဖြစ်တယ်။ ထိုအစီ အစဉ်များအစား ပညာရေးဆိုင်ရာ အစီအစဉ်များကို ထုတ်လွှင့်ပေးသင့်ခြင်းပါ။

တိုင်းပြုပြည်ပြုလုပ်ငန်းများ၌ အရေးကြီးလှသော ပညာရေးဆိုင်ရာ အစီအစဉ်များသည် အသွင်ကူး ပြောင်းဆဲ ကာလများ၌ မရှိမဖြစ် လိုအပ်နေတဲ့ အစီအစဉ်များဖြစ်တယ်။ ထိုအစီအစဉ်များမှာ - ပညာရေး ဆိုင်ရာ အစီအစဉ်များ၊ ကျန်းမာရေးဆိုင်ရာ အစီအစဉ်များ၊ လူငယ်များသိသင့် သိထိုက်တဲ့ ပြစ်မှုဆိုင်ရာ ဥပဒေ များနှင့် နိုင်ငံတော်နှင့် လူငယ်များရဲ့အခန်းကဏ္ဍတို့ဖြစ်တယ်။ ဥပမာ၊ ပညာရေးဆိုင်ရာ ဆွေးနွေးခန်းများ၊ ကျမ်းမာရေးဆိုင်ရာ ဆွေးနွေးခန်းများ၊ နိုင်ငံရေးဆိုင်ရာ ဆွေးနွေးခန်းများ၊ တိုင်းပြု ပြည်ပြုလုပ်ငန်းများအတွက် လူငယ်များပါဝင်နိုင်သော လူငယ်ဆွေးနွေးခန်းများ၊ လူ့အခွင့်ရေးဆိုင်ရာ ဆွေးနွေးခန်းများ၊ လူငယ်များအတွက် အားကျအတုယူနိုင်ရန် အင်္ဂလိပ်စာ၊ အင်္ဂလိပ်စကားဖြင့် ပြိုင်ပွဲဝင်နိုင်သော စကားရည်လုပွဲများ၊ ကျဘမ်းစကား ပြောပြိုင်ပွဲများ၊ ပညာရေးဆိုင်ရာ ဆီမီနာများစတဲ့ တိုင်းပြည်တိုးတက်ရေးလုပ်ငန်းများ၌ များစွာအထောက် အကူပြုနိုင်တဲ့ TV (ပရိုဂရမ်) အစီအစဉ်များကို အဓိကထား၍ ထုတ်လွှင့်ပေးနိုင်ရန် နိုင်ငံတော်မှ တိုက်တွန်း ပေးရမှာဖြစ်တယ်။

ဘာသာစကားတစ်ခုကို လေ့လာသင်ကြားရာမှာ ကြားပါများတော့ယဉ်၊ ယဉ်ပါများတော့ အတုယူ၊ (ကောင်းတာတွေကို) အတုယူတော့ ဘ၀တွေတိုးတက်၊ တိုးတက်တဲ့ဘ၀တွေနှင့် တိုင်းပြည်ကြီးကို အတူပေါင်း စည်းပြီး ထူထောင်ကြမည်ဆိုလျှင် တိုးတက်တဲ့နိုင်ငံတော်ကြီးဆိုတာ မလွဲမသွေ ဖြစ်လာနိုင်မှာပါ။ လူငယ်၊ လူရွယ်များ ကိုယ့်တိုင်းပြည်၊ ကိုယ့်လူမျိုးနှင့် ကိုယ့်ယဉ်ကျေးမှုကို မြတ်နိုးနိုင်ဖို့ဆိုတာ မြတ်နိုးနိုင်စရာ အကြောင်းတွေရှိထားမှ ဖြစ်နိုင်တဲ့အရာမျိုးပါ။ ပညာရေးကို စိတ်ဝင်စားတဲ့ လူငယ်များရဲ့အနာဂတ်ဟာ တိုး တက်တဲ့ တိုင်းပြည်တစ်ခုရဲ့ အနာဂတ်လို့ဆိုရမှာပါ။ တိုင်းပြည်ကြီးကို ဂုဏ်တက်စေဖို့၊ ပြည်သူတွေ သွေးစည်း၊ ညီညွတ်ကြဖို့ပါ။ လောကသဘာဝကို စံထားပြောရမယ်ဆိုရင် ကောင်းမြတ်တဲ့ အကြောင်းတရား တွေရှိမှ ကောင်းမွန်တဲ့ အကျိုးတရားတွေဆိုတာ ဖြစ်ပေါ်လာနိုင်မှာပါ။  

ထို့ကြောင့် တိုင်းပြည်တစ်ပြည်မှာ ကျင့်သုံးနေတဲ့စနစ်၊ ထိုစနစ်မှာ ပြည်သူပြည်သားတွေ ပါဝင်နိုင်တဲ့ အခွင့်အလမ်း၊ တိုင်းပြည်ကြီး တည်ငြိမ်အေးချမ်းစွာ တိုးတက်နိုင်ရေးအတွက် ပြည်သူပြည်သားတွေ စောင့်ထိန်း လိုက်နာရမဲ့ စည်းမျဉ်းဥပဒေ၊ မူနှင့်လူ၊ စည်းနှင့်ဘောင်၊ လုပ်ပိုင်ခွင့်နှင့် ရပိုင်ခွင့်၊ ပြုသင့်တာနှင့် မပြုသင့်တာ၊ တာဝန်နှင့်ဝတ္တရား၊ တိုင်းပြည်နှင့်လူမျိုး၊ အချိုးတကျ ဖြစ်လာနိုင်စေရန် မီဒီယာများရဲ့ အခန်းကဏ္ဍဟာ အလွန် အရေးပါတဲ့ အခန်းကဏ္ဍဆိုတာ လူတိုင်းနီးနီး သိထားပြီးဖြစ်မှာပါ။ တိုင်းပြည်ကို တည်ငြိမ်အေးချမ်းစွာ တိုးတက် အောင် အစိုးရနှင့်ပြည်သူ အတူပူးပေါင်း၍ ဆောက်ရွက်နေချိန်မှာ မီဒီယာများ၏ အခန်းကဏ္ဍနှင့် မီဒီယာများ၏ တာဝန်ကို ပီပြင်စွာ စေတနာနှင့် ဆောင်ရွက်နိုင်ကြဖို့ပါ။

တိုင်းပြည်မှ ပြည်သူ၊ ပြည်သားများသို့ ပေးပို့လိုသော မက်ဆေ့ခ်ျ (Message)လို့ခေါ်တဲ့ သတင်း စကားများကို မီဒီယာများမှတဆင့် မြို့ပြမှသည် ကျေးလက်တောရွာများဆီသို့ အရောက်ဖြန့်နိုင်ရန် မီဒီယာ များ၏ စွမ်းအားဖြင့် နိုင်ငံတာဝန်များကို ပူးပေါင်းဆောက်ရွက်ပေးရမည့် အချိန်အခါမျိုးပါ။

ထိုသို့ဖြန့်ချည်​ထုတ်လွှင့်ရာမှာလည်း ယဉ်ကျေးမှုကဏ္ဍ၊ ဝေဖန်ရေးကဏ္ဍ၊ ဘာသာရေးကဏ္ဍ၊ မူဝါဒ ရေးရာဆိုင်ရာကဏ္ဍစတဲ့ ထိုကဏ္ဍအသီးသီးအတွက် ဆင်ဆာဖြတ်တောက်မှုမျိုးဆိုတာ မလွဲမသွေ ရှိသင့် ခြင်းပါ။ ဂုဏ်နှင့်သိက္ခာ၊ တာဝန်နှင့်ဝတ္တရား၊ ဖြစ်ချင်တာနှင့်ဖြစ်သင့်တာ၊ သူ့အမြင် ကိုယ့်အမြင်၊ ပါဝင်မှုနှင့် ပတ်သက်မှု၊ မိသားစုတာဝန်နှင့် တိုင်းပြည်တာဝန်၊ ပြည့်သူဆန္ဒနှင့် တိုင်းပြည်ဆန္ဒ၊ သူ့စည်း ကိုယ့်စည်း၊ လွတ်လပ်ရေးနှင့် လွတ်လပ်ခွင့်၊ ဘာသာရေးလွတ်လပ်ခွင့်နှင့် လူ့အခွင့်အရေးကိုလေးစားလိုက်နာမှုစတဲ့ ဒါတွေအားလုံးကို ကွဲပြား ခြားနားအောင် မီဒီယာများက ဆက်တိုက်ဆိုသလို ထုတ်လွှင့်ပေးနေကြရမှာပါ။

အမျိုးသားရေးနှင့် အမျိုးသားယဉ်ကျေးမှု၊ ဘာသာတရားနှင့် ဘာသာယဉ်ကျေးမှု စတဲ့ ဒီအချက်တွေကို ပြည်သူ၊ ပြည်သားတွေ ကွဲပြားခြာနားစွာ သိမြင်နိုင်စေရန် မကြာခဏဆိုသလို အထူးအစီအစဉ်များ ပြုလုပ်၍ ထုတ်လွှင့်ပေးသင့်ခြင်းပါ။ မြန်မာယဉ်ကျေးမှုနှင့် မသင့်လျှော်တဲ့ မပေါ့တပေါ်၊ မလုံ့တလုံ ၀တ်စားဆင်ယင်မှု မျိုးကို (အခုခေတ်အခေါ် Free Style ကို) အထူးဦးစားပေး၍ TV ပရိုဂရမ်များမှ လွင့်ထုတ်နေမည့်အစား ပြည်သူတွေကို အက်သစ် (က်စ်) (Ethics) လို့ခေါ်တဲ့ ပြည်သူနီတိ အသိတရားများ ရှိလာနိုင်ဖို့၊ (ရှက်သင့်၊ ကြောက်သင့်သော နေရာများ၌) ဟိရီ သြတ္တပ္ပလို့ခေါ်တဲ့ အရှက်တရား၊ အကြောက်တရား (လောကပါလ တရား)များ ရှိလာနိုင်စေဖို့ မီဒီယာများမှတဆင့် တိုင်းပြည်ကို ကူညီပေးကြဖို့ပါ၊ ထိုကဲ့သို့ တိုင်းပြုပြည်ပြု လုပ်ငန်းများကို အစိုးရနှင့်ပြည်သူ အတူပူးပေါင်း၍ ပြုလုပ်မပေးနိုင်ခဲ့ဘူးဆိုလျှင် ပြည်သူတွေမျှော်မှန်းနေတဲ့ စည်းကမ်းပြည့်ဝသော ဒီမိုကရေစီနိုင်ငံကြီးဆိုတာ ဘယ်သောအခါမှ ဖြစ်လာနိုင်မည်မဟုတ်ပါ။

လွတ်လပ်စွာ ပြောဆိုခွင့်တို့၊ လွတ်လပ်စွာ ရေးသားခွင့်တို့၊ လွတ်လပ်စွာ ကိုးကွယ်ခွင့်တို့ဆိုတာ ဒီမိုကရေစနစ်နှင့်အတူ မွေးဖွားလာတဲ့ မွေးရာပါ လူ့အခွင့်အရေးများပါ။ သို့သော် ဒီမိုကရေစီ စနစ်ဆိုတာ ပြည်သူအများစုရဲ့ဆန္ဒနှင့် လိုက်လျောညီထွေဖြစ်အောင် ဆောင်ရွက်ပေးရတဲ့ စနစ်မျိုးဖြစ်လို့ ဘယ်နိုင်ငံ၊ ဘယ် ယဉ်ကျေးမှုမှာပဲဖြစ်ဖြစ် ကိုယ်ပိုင်ယဉ်ကျေးမှုကို ထိန်းသိမ်းစောင့်ရှောက်လိုတဲ့နိုင်ငံတိုင်းမှာ ဆင်ဆာဆိုတာ ရှိနေရစမြဲပါ။ ပြည်သှူ့ဆန္ဒများကို ထုတ်ဖေါ်ရမှာ ဆင်ဆာရှိနေခြင်းမျိုးအတွက် နိုင်ငံရေးရေးရာ မူဝါဒများ၌ အဟန့်အတားများ ဖြစ်ကောင်းဖြစ်နေနိုင်သော်လည်း ကိုယ့်ပိုင်ယဉ်ကျေးမှုကို ထိန်းသိမ်း ကာကွယ်စောင့် ရှောက်နိုင်ဖို့ ဆင်ဆာဆိုတာ မရှိမဖြစ် လိုအပ်နေခြင်းပါ။ ဥပမာ၊ အမေရိကန်နိုင်ငံမှာ သတင်းလွတ်လပ်ခွင့်၊ မီဒီယာလွတ်လပ်ခွင့်များ ရှိတယ်ဆိုပေမဲ့ ကလေးငယ်များ၊ အရွယ်မရောက်သေးတဲ့ တင်းနေဂျာ (ဆယ်ကျော် သက်)များ ကြည့်ရှုနိုင်တဲ့ ပပ်ဘလစ် တီဗီချန်နယ် (Public TV Channal)လို ချန်နယ်မျိုး၌ အတုယူ လွဲမှားစေနိုင်စေသော အစီအစဉ်များကို အထူးစိစစ်၍ ထုတ်လွှင့်ပေးနေရခြင်းမျိုးပါ။ မီဒီယာလွတ်လပ် ခွင့်ရှိ သော အမေရိကန်နိုင်ငံလို နိုင်ငံများမှာပင် မော်ရယ် အက်သစ်က်စ် (Moral Ethics)အတွက် ဆင်ဆာစနစ်ကို ဆက်လက်ကျင်းသုံးနေရဆဲဖြစ်လျှင် မြန်မာနိုင်ငံလို ဖွင့်ဖြိုးစနိုင်ငံနိုင်ငံမျိုး၌ မော်ရယ် အက်သစ်က်စ်အတွက် ဆင်ဆာစနစ်ကို ဆက်လက်ကျင့်သုံးရခြင်းသည် ပြည်သူ့ဆန္ဒနှင့်အညီ လိုက်လျောညီထွေ ရှိနေခြင်းပါ။

အမေရိကန်နိုင်ငံလို တိုးတက်ပြီးသော နိုင်ငံများ၌ ကလေးသူငယ်များအတွက် ပညာရေးဆိုင်ရာ (အင်္ဂလိပ်စာ၊ သင်္ချာ၊ သိပ္ပံစသည့် သင်ခန်းစာများ) ပရိုဂရမ်များကို စနစ်တကျ ထည့်သွင်းထုတ်လွှင့်ပေးနေ၍ အာရှမှ ပြောင်းရွှေ့လာသော ကလေးသူငယ်များ သည်ပင် ကျောင်းမနေရသေးမီ အရွယ်ကစ၍ အင်္ဂလိပ် စကားများ ပြောတတ်နေသည်ကို တွေ့ရှိရခြင်းဖြစ်တယ်။ သို့သော် မြန်မာပြည်၌ ထုတ်လွင့်ပြသနေသော TV ပရိုဂရမ်များ၌ ယခုအချိန်အထိ ကလေးငယ်များ၊ လူငယ်၊ လူရွယ်များအတွက် ကြည့်ရှုနိုင်ရန် ဘာ TV ပရိုဂရမ်မှ မယ်မယ်ရရ မရှိသေးသည်ကို တွေ့မြင်နေရဆဲပါ။ လူငယ်များ အတုခိုးမှားစေနိုင်သော ပရိုဂရမ်များကို ထုတ်လွင့်ပေးနေခြင်းမျိုးသည် ခေတ်ကို ရင်ဘောင်တန်းနိုင်အောင် ရည်ရွယ်၍ ထုတ်လွှင့်ပြသတာမျိုး ဖြစ်ကောင်းဖြစ်နိုင်သော်လည်း အမှန်မှာမူ လူငယ်များအား စိတ်ရိုင်းများဖြစ်ပွားအောင် နိုးဆွပေးနေခြင်းမျိုးဖြစ် ပြီး၊ လူငယ်များ၏စာရိတ္တမဏ္ဍိုင်နှင့် ယုံကြည်မှုပန်းတိုင်များကို စနစ်တကျ ဖျက်ဆီးပေးနေသလို ဖြစ်နေခြင်းပါ။ အမျိုးသားယဉ်ကျေးမှု၊ ဘာသာယဉ်ကျေးမှုအတွက် ကာကွယ်စောင့်ရောက်နိုင်ရန် လူတိုင်းမှာ တာဝန်ရှိနေ ခြင်းပါ။   

တိုင်းပြည်တွင်းရှိ ပြည်သူ၊ ပြည်သားများ၏ အသိတရားများ တိုးပွားလာနိုင်စေရန် မီဒီယာကို စနစ်တကျ အသုံးပြုရန် လိုအပ်နေဆဲဖြစ်တယ်။ ရုပ်ရှင်ဇာတ်လမ်းများ၊ အနုပညာရှင်များ၊ စာရေးဆရာများသည် မြန်မာ့ယဉ်ကျေးမှု (မြန်မာ့ယဉ်ကျေးမှုဆိုရာ၌ ရှမ်း၊ ကရင်၊ ကချင် စသော တိုင်းရင်းသားများ၏ ယဉ်ကျေးမှုများလည်း ပါဝင်သည်) ကို အခြေပြုသော ဇာတ်လမ်းများကို အထူးပုံဖေါ်၍ ရုပ်ရှင်ဇာတ်လမ်းများကို ရိုက်ကူးတင်ဆက် ပေးကြမည်ဆိုလျှင် ကိုးရီးယားဇာတ်လမ်းတွဲများကြောင့် ကိုးရီးယားယဉ်ကျေးမှုသည် မြန်မာ လူငယ်တို့အပေါ်၌ အကျိုးသက်ရောက်မှုများရှိလာနိုင်သလို၊ မြန်မာရုပ်ရှင်ဇာတ်လမ်းတွဲများ၊ ဗီဒီယိုဇာတ်လမ်း တွဲများသည်လည်း မြန်မာ လူငယ်၊ လူရွယ်များအပေါ်၌ စစ်မှန်သော မြန်မာယဉ်ကျေးမှု အမွေအနှစ်များသည် နိုင်ငံနှင့်လူမျိုးအတွက် မလွဲမသွေ အကျိုးသက်ရောက်မှုများ ရှိလာနိုင်ခြင်းပါ။

အများစုဖြစ်တဲ့ လူငယ်များဟာ ပညာရေး၌ စိတ်မ၀င်းစားနိုင်ကြပဲ လူငယ်တို့ရဲ့သဘာဝအတိုင်း အပျော် အပါး မက်မောလွန်းခြင်း၊ သူငယ်ချင်းအပေါင်းအသင်းကို တွယ်တာလွန်းခြင်း၊ ခေတ်ပေါ်အ၀တ်အစားများကို အားကျအတုယူခြင်းစတဲ့ မလိုအပ်သည့်အရာများ၌ အချိန်ကို ကုန်လွန်နေကြခြင်းဖြစ်၍ လူငယ်နှင့် အပျော် အပါး၊ လူငယ်နှင့်အရက်သေစာ၊ လူငယ်နှင့် မူးယစ်ဆေးဝါးဆိုတာ လူငယ်တို့ရဲ့ဘ၀ကို ပျက်စီးစေနိုင်တဲ့ အကြောင်းတရားများလို့ ဆိုရမှာပါ။ အရွယ်မရောက်ပဲ ဆေးလိပ်သောက်ခြင်း၊ အရွယ်နှင့်မမျှအောင် အရက် သောက်ခြင်းမျိုးသည် အညွှန့်လူနေတဲ့ လူငယ်၊ လူရွယ်တွေရဲ့ဘ၀ကို ရိုက်ချိုးပစ်နေခြင်းပါ။ ဘ၀ဆိုတာ မျှော်လင့်ချက်နှင့် ရှင်သန်နိုင်တယ်ဆိုပေမဲ့လို့ ယုံကြည်ချက်နှင့် ဘ၀ကို စနစ်တကျ မတည်ဆောက်နိုင်ဘူး ဆိုလျှင် ခါးကျိုးတဲ့မွေ၊ ခြေကျိုးတဲ့မြင်း၊ အတောင်ကျိုးတဲ့ငှက်များလို  ပျော်ရွှင်တဲ့ဘ၀မျိုးဆိုတာ ဘယ်သော အခါမှ ရှိလာနိုင်မည်မဟုတ်ပါ။   

̏ပျော်ပျော်နေ သေခဲ˝ဆိုတဲ့ အဆိုဟာ အမူးသမားတို့ ယုံကြည်ထားတဲ့ သီအိုရီတစ်ခုပါ။ ဘ၀ဆိုတာ ပျော်ရွင်စွာ နေရခြင်းထက် အပြစ်ကင်းစွာ နေရခြင်းမျိုးက သာလွန်ကောင်းမွန်ခြင်းပါ။ အပျော်အပါးများကြောင့် ငွေးကြေးဓနတွ မလိုအပ်ပဲ ကုန်းခမ်းသွားခြင်းမျိုးထက် တန်ဖိုးရှိတဲ့ ဘ၀တစ်ခုအတွက် လူ့သိက္ခာ၊ လူ့တန်ဖိုး တွေ မြှင့်တက်စေနိုင်ဖို့ ပညာရေးအတွက် ငွေးကြေးဓနများကို သုံးစွဲပေးခြင်းက အများအတွက် အကျိုးများစွာ ဖြစ်ထွန်းလာနိုင်ခြင်းပါ။ ထာဝရပျော်ရွှင်ခြင်းမျိုးနှင့် တဒင်္ဂပျော်ရွှင်ခြင်းမျိုးကို လူငယ်များ ခွဲခြားနားလည်နိုင် ကြဖို့ပါ။

အရွယ်မရောက်သေးသော ကလေးသူငယ်များ ကွမ်းစားခြင်း၊ ဆေးလိပ်သောက်ခြင်း၊ အရက် သောက်ခြင်း၊ မူးယစ်ဆေးဝါး သုံးစွဲခြင်းများကို တားမြစ်နိုင်ရန် တင်းကျပ်သော ဥပဒေများကို နိုင်ငံတော်မှ ထုတ်ပြန်ထားသင့်ခြင်းပါ။ တကယ်ဆိုလျှင် အရက်ရောင်းသူ၊ မူးယဇ်ဆေးဝါး ရောင်းသူများကိုသာ ဥပဒေအရ အရေးယူခြင်း ပြုတာမျိုးမဟုတ်ဘဲ ရောင်းသူ၊ ၀ယ်သူနှစ်ဦးစလုံးကို ထိုက်တန်သောအပြစ်ဒဏ်များ (ငွေဒဏ်၊ သို့မဟုတ် ထောင်ဒဏ်များ) ဖြင့် အပြစ်ပေးသင့်ခြင်းပါ။

ဘ၀ဆိုတာ ရှင်သန်ဖို့ လိုအပ်သလို အပြစ်ကင်းစင်တဲ့ ဘ၀မျိုးနှင့် ပျော်ရွှင်စွာ နေနိုင်ဖို့ဆိုတာကလည်း လူတိုင်းအတွက် လိုအပ်နေတဲ့အရာပါ။ တန်ဖိုးရှိတဲ့ဘ၀မျိုးဆိုတာ တန်ဖိုးညီတဲ့ဘ၀မျိုးနှင့် နေတတ်ဖို့ပါ။ ချမ်းသာစွာ အိပ်စက်နိုင်ကြပါစေ

Letter to Moemaka


ကလေးသူငယ် စားပွဲထုိုးအလုိုရှိသည်
ကလေးချစ်သူ
မတ်လ ၂၁၊ ၂၀၁၃


နိုင်ငံတကာမှာ အရွယ်မရောက်သေးတဲ့ ကလေးသူငယ်ကိုစေခိုင်းရင် ဥပဒေအရ ထိရောက်စွာ အရေးယူကြပါတယ်။ ပွင့်လင်းလာတဲ့ မြန်မာနိုင်ငံမှာလည်း ဒီလိုပါဘဲ ကလေးသူငယ်ကို စေခိုင်းတာဟာ ဥပဒေအရ ကာကွယ်ရပါ့မယ်။ဒီမိုကရေစီမို့ လုပ်ချင်တာ လုပ်တယ် ဘာဖြစ်လည်း ဆိုတာမျိုးတော့ မဖြစ်သင့်ပါဘူး။ ကျွန်တော်တို့မြ၀တီက နာမည်ကြီး ဘောဂိတ်မှာ ပုံပါအတိုင်း ကလေးအလုပ်သမားခေါ်တဲ့ ဆိုင်ဘုတ်ကို ချိတ်ဆွဲထားတာပါ။ ဒါပေမယ့် သက်ဆိုင်ရာ အာဏာပိုင်တွေကလည်း ကလေးအလုပ်သမားကို တရားဝင်သကဲ့သို့ ဆိုင်း ဘုတ်တင်ပြီး အလုပ်ခေါ်နေတာကို မသိတာလား မသိချင်ရောင်ဆောင်နေသလား မသိပါဘူး ဘာမှအရေးယူတာမျိုးမရှိပါဘူး။

ကျွန်တော်အမြင်မှာတော့ ကလေးအလုပ်သမားကို ဆိုင်ဘုတ်တင်ပြီးပြီး မခေါ်သင့်သလို ဒီလိုလူမြင်ကွင်းမှာ ဆိုင်ဘုတ်တင် ကလေးစားပွဲထိုး ခေါ်တာကို သက်ဆိုင်ရာအာဏာပိုင်ကလည်း တားသင့်တယ်လို့ ထင်ပါတယ်ဗျာ . . . 

Lai Lone - Cartoon

သတင်းလုိုက်နည်း
ကာတွန်း - လုိုင်လုဏ်
မတ်လ ၂၁၊ ၂၀၁၃


free hotel rooms for foreign visitors in Nay Pyi Daw

နေပြည်တော်ဟိုတယ်များတွင် နိုင်ငံခြားသား တည အခမဲ့ တည်းခွင့်ပြုမည်
မိုးမခအထောက်တော် အမှတ် ဝဝ၄
မတ် ၂၁၊ ၂ဝ၁၃



နေပြည်တော်သို့ရောက်လာသော ခရီးသည်များ သွားရောက် လည်ပတ်နိုင်သည့် နေရာ အနည်းငယ်ထဲတွင် ဆင်ဖြူတော်များကို ထိန်းချုပ်ထားသည့်နေရာလည်း ထိပ်တန်းက ပါဝင်သည် (ဓာတ်ပုံ - မိုးမခ)

နေပြည်တော်သို့ နိုင်ငံခြားဧည့်သည်များ လာရောက်ကြရန် မက်လုံးပေးသည့်အနေဖြင့် အခမဲ့ အစီအစဉ်အများအပြားကို ၃ လ ကြာ ဆောင်ရွက်မည် ဟု ဟိုတယ်နှင့်ခရီးသွားလာရေးလုပ်ငန်းဝန်ကြီးဌာန ပြည်ထောင်စုဝန်ကြီး ဦးဌေးအောင်က ပြောဆိုလိုက်ကြောင်း ဗုဒဟူးညပိုင်း ရုပ်သံသတင်းများတွင် ထုတ်လွှင့်သွားသည်။

ဧပြီ၊ မေ၊ ဇွန်လတို့တွင် နိုင်ငံခြားသား ခရီးသည်ကို လေဆိပ်မှ ဟိုတယ်အထိ အခမဲ့ ပို့ဆောင်ရေး၊ ဟိုတယ်တွင် နံနက်စာ အပါအ၀င် အခမဲ့ တစ်ညတည်းခွင့် ပြုရေး စသည့်အစီအစဉ်များ ဖြစ်သည်ဟု ဆိုသည်။

နေပြည်တော်ဟိုတယ်များမှ ပိုင်ရှင်များ၊ မန်နေဂျာများကို  ပြည်ထောင်စုဝန်ကြီး ဦးဌေးအောင်က ခေါ်ယူ ဆွေးနွေးပြီး အထက်ပါအတိုင်း ပြောကြားလိုက်ခြင်း ဖြစ်သည်။
ယခု နည်းလမ်းဖြင့် မက်လုံးပေးပါက နေပြည်တော်သို့ နိုင်ငံခြားသား ပိုမို လာရောက်မည်ဟု  ပြည်ထောင်စုဝန်ကြီး ဦးဌေးအောင်က ဆက်လက် ရှင်းပြသည်။

ထို မက်လုံးပေး အစီအစဉ်အတွက်  ဟိုတယ်တစ်လုံးလျှင် နေ့စဉ် အခန်း ၁၀ ခန်း သုံးရန် လျာထားကြောင်း၊ ဟိုတယ်ပေါင်း ၃၁ ခု ရှိသည့်အတွက် အခန်းပေါင်း ၃၁ဝ ပါဝင်မည်ဟု  ပြည်ထောင်စုဝန်ကြီး ဦးဌေးအောင်က ရှင်းပြသည်။

တည်းခိုခ နှုန်းထား ကန့်သတ်သည့် ၃ လ အစီအစဉ်ကိုလည်း  ပြည်ထောင်စုဝန်ကြီး ဦးဌေးအောင်က ရှင်းပြသည်။

ဇူလိုင်၊ သြဂုတ်၊ စက်တင်ဘာလများတွင် ဟိုတယ်အခန်းခကို တစ်ရက် ဒေါ်လာ ၃ဝ သတ်မှတ်သည်ဟု  ပြည်ထောင်စုဝန်ကြီး ဦးဌေးအောင်က ပြောသည်။

နေပြည်တော်လေဆိပ်ကို ပြည်ပဧည့်သည်တင်ဆောင်သည့် လေယာဉ်များ ပုံမှန် ဆင်းနိုင်ရေးအတွက် နိုင်ငံခြားဧည့်ရရှိရန် ဆောင်ရွက်နိုင်ခြင်း ဖြစ်သည်ဟု  ပြည်ထောင်စုဝန်ကြီး ဦးဌေးအောင်က  ရှင်းလင်း ပြောကြားသည်။



--
Send email to - editors@moemaka.com to contact and contribute with MoEmAKa

MoeMaKa on Facebook Page from here  (For Burma / Myanmar User)

MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives