[mrsorcerer:37637] Fwd: [လူဗိုလ်ဟူသည် ...] “ငှက်ကြည့်သမား၊ လက်ပံတောင်းနှင့် ရပ်ရွာအခြေ့ပု ဖွံ့ ဖြိုးမှု”



---------- Forwarded message ----------
From: Blogger <no-reply@blogger.com>
Date: 2013/3/20
Subject: [လူဗိုလ်ဟူသည် ...] "ငှက်ကြည့်သမား၊ လက်ပံတောင်းနှင့် ရပ်ရွာအခြေ့ပု ဖွံ့ ဖြိုးမှု"
To: lubo601@gmail.com


- တီဗွီ ၅ မှ အမေရိကန်ငှက်ကြည့်သမားတို့ ၏ ဇတ်လမ်းကိုကြည့်လိုက်ရ၏။ စံချိန်ချိုးနိုင်သည့် ငှက်ကြည့်သမားဖြစ်နိုင်ရန် မည်မျှပေးဆပ်ရသည်ကို ဖေါ်ပြလိုရင်းနှင့် သဘာဝပတ်ဝန်းကျင် ထိမ်းသိမ်းရေး ပညာပေးဇတ်လမ်းကို လှလှပပ ရင်ထဲရောက်အောင် ဖေါ်ထုတ်သွားခြင်းဖြစ်သည်ဟု နားလည်လိုက်မိ၏။ အများသူငှာတို့ အတွက် ဘာမျှမဟုတ်သည့် ငှက်မျိုးစိတ်တို့ နောက်သို့ အသဲ အသန်လိုက်၍ မှတ်တမ်းတင်ကြသော အနှီအမေရိကန်တို့ ၏ ဇွဲ၊ တန်ဖိုးထားမှုနှင့် လူသားဂုဏ်သိက္ခာ တို့ မှာ သြချလောက်စရာဖြစ်၏။

- သို့ ရာတွင် ဆင်းရဲလှသည့် တိုင်းပြည်တစ်ခုမှ ဆင်းရဲသားတို့ အဖို့ ၎င်းအမေရိကန်ငှက်ကြည့်သမား တို့ ကဲ့သို့ အချိန်၊ငွေနှင့် ပစ္စည်းပစ္စယများမည်မျှအသုံးပြုနိုင်မည်နည်းဟုလည်း ဆက်တွေး မိတော့၏။ သေချာသည်မှာတော့ အနှီအမေရိကန်တို့ အဖို့  နေ့ စဉ်ထမင်းတလုပ်အတွက် ပူပန်နေရသော ဒုက္ခလုံးဝမရှိ။ မြန်မာလယ်သမားတစ်ယောက်အဖို့ ကား ထင်းခုတ်မှ ထမင်းတစ်လုပ်စားရသော ဘ၀အတွင်းကျရောက်နေ၏။ တောကြက်တစ်ကောင်သည် အနှီအမေရိကန်တို့ အတွက် ရတနာတစ်ခုဖြစ်သော်လည်း မြန်မာဆင်းရဲသားတစ်ယောက်အဖို့ ထမင်းတစ်အိုးပင်။

- အမှန်တကယ်တော့ သဘာဝပတ်ဝန်းကျင်ဟူသည် ဇိမ်ခံကုန်စည်(luxury good)ဖြစ်၏။ ချမ်းသာသောနိုင်ငံတို့ အဖို့ နေ့ တဓူဝ စားရေးသောက်ရေးကိစ္စမပူရပေရာ ပိုလျှံနေသော ငွေကြေးများကို ပတ်ဝန်းကျင်ထိမ်းသိမ်းရေးအတွက်သုံးနိုင်၏။ လိုအပ်နေသော သဘာဝသယံဇာတများကိုလည်း ပြည်တွင်းမှ ထုတ်စရာမလို၊ မြန်မာနိုင်ငံကဲ့သို့ သောဆင်းရဲသော ကုန်ကြမ်းရောင်းနိုင်ငံများတွင်မြှုပ်နှံထားသော မိမိတို့ ၏ FDI များမှတဆင့် တင်သွင်းလိုက်ရုံသာ။ တဖက်တွင်လည်း ကမ္ဘာပေါ်တွင် ဖန်လုံအိမ်ဓါတ်ငွေ့ အများဆုံးထုတ်လုပ်သောနိုင်ငံတို့ မှာလည်း ဤချမ်းသာသည့်နိုင်ငံများဖြစ်လို့ နေပြန်၏။ တနည်းအားဖြင့် အမေရိကားအပါအ၀င် ပထမကမ္ဘာမှနိုင်ငံများ လှပသာယာဖို့ ရန်အတွက် ဒုတိယနှင့်တတိယ ကမ္ဘာမှ အရင်းအမြစ်များဖြင့် ပေးဆပ်နေရကြခြင်းဟုနားလည်နိုင်၏။ ထို့ ကြောင့်ပင် Neo-colonial theory နှင့် မဟာသီယာကဲ့သို့ သော ခေါင်းဆောင်များမှ ချမ်းသာသောနိုင်ငံများအား သဘာဝပတ်ဝန်းကျင်ကိစ္စနှင့်ပတ်သက်လာလျှင် ပြင်းပြင်းထန်ထန်ဝေဖန်ခြင်းဖြစ်၏။

- ဤနေရာနှိုက်သတိပြုစရာမှာ ၎င်းနိုင်ငံများ၏ နိုင်ငံရေးဘောဂဗေဒ စီမံခန့် ခွဲမှု ပင်ဖြစ်၏။ ၎င်းတို့ ၏အုပ်စိုးမှုကောင်း ( good governance) အောက်ရှိ စီးပွားရေးစီမံခန့် ခွဲမှုမှာ အတိုင်းထက်အလွန်ကောင်းမွန်ကြရာ သဘာဝပတ်ဝန်းကျင်ဆိုင်ရာကိစ္စတွင် ဈေးကွက်သည်အားကောင်းမောင်းသန်အလုပ်လုပ်နိုင်ပြန်၏။ တနည်းအားဖြင့် ညစ်ညမ်းပစ္စည်းများများထုတ်လုပ်လေ အခွန် (green tax) များများပေးဆောင်ရလေဖြစ်ရာ ထိမ်းသိမ်းစောင့်ရှောက်ရေးဥပဒေများ (regulations) သည် polluter pay principle ခေါ်သည့် ညစ်ညမ်းစေသူပေးစေဆိုသည့် စည်းမျဉ်းကို ထိရောက်စွာအကောင်အထည်ဖေါ်နိုင်တော့၏။ ရလဒ်အနေဖြင့် မည်သူမျှ စည်းမဲ့ကမ်းမဲ့ ညစ်ညမ်းပစ္စည်းမစွန့် ထုတ်ရဲတော့။ ဥပဒအရရော၊ စီးပွားရေးအကျိုးအမြတ်အရရော ကိုယ့်ကိုယ်ကို ကန့် သတ်လိုက်ခြင်း(Self control) ဖြစ်တော့၏။

- အခြားတဖက်တွင်လည်း ၎င်း ချမ်းသာသောနိုင်ငံများရှိ ရပ်ရွာ လူထု (COMMUNITY)မှာလည်း ပတ်ဝန်းကျင်ထိမ်းသိမ်းရေးအသိတရားမြင့်မားကြ၏။ ၎င်းတို့ နိုင်ငံတွင် ဓါတုပစ္စည်းများစွန့် ထုတ်သော စက်မှုလုပ်ငန်းများမဆိုထားနှင့် မြစ်ချောင်းများထဲသို့ ရေဆိုးထုတ်ပိုက်လုံးတစ်ခုချထားသည်ကိုပင်လျှင် ရပ်ရွာလူထုမှ ပြင်းပြင်းထန်ထန်ကန့် ကွက်ကြ၏။ ဖွံ့ ဖြိုးပြီးဖြစ်၍ စက်မှုလုပ်ငန်းများအတွက် သဘာဝပတ်ဝန်းကျင်ထိခိုက်ပြီး ရင်းနှီးမြှုပ်နှံစရာမလိုတော့သည့်အပြင် စက်မှုလုပ်ငန်းများလျော့ချခြင်း (de-industrialization) နှင့် လိုအပ်သောထုတ်ကုန်များအားလည်း လုပ်အားခသက်သာသည့် ပြည်ပရင်းနှီးမြှုပ်နှံမှုလုပ်ငန်းများ (outsourcing)မှ ရယူလာနိုင်တော့၏ ။ အာဏာပိုင်နှင့် စီးပွားရေးလုပ်ငန်းတို့ အနေဖြင့်လည်း ရပ်ရွာလူထု၏ (community) ဆန္ဒကို မထေမဲ့မြင်ပြု၍လုပ်လာပါက ခေါင်းနှင့် ဆင်းဖို့ သာပြင်ဆိုသည့် အနေအထားဖြစ်၏။ ဥပဒေအရရော၊ နိုင်ငံရေးအရရော ရပ်ရွာလူထု၏ သဘောထားသာ အဆုံးအဖြတ်ဖြစ်၏။ တနည်းအားဖြင့် ရပ်ရွာလူထုကို မည်သူမျှကျော်လွန်၍ မရ။ ရပ်ရွာကိုဗဟိုပြု ကြရ၏။ အကျိုးဆက်အနေဖြင့် ဒီမိုကရေစီအနှစ်သာရဖြစ်သည့် by the people, for the people, with the people ကို အောက်ခြေလူထု အမှန်တကယ် ခံစားသုံးဆောင်ခွင့်ရခြင်းပင်ဖြစ်တော့၏။ ဤသည်ပင် အောက်မှအထက်သို့  (bottom-up)ဆိုသည့် ပြည်သူ့ အသံကိုလေးစားစွာ နားထောင်သည့် စံနစ်တစ်ခုကို သက်ဆိုင်သူ (stakeholders) အသီးသီးမှအောင်မြင်စွာ တည်ဆောက်ခြင်းဖြစ်၏။

- သို့ ဆိုလျှင် အထက်ပါအခြေအနေများအလျင်းမရှိသော မြန်မာတို့ ၏ လက်ပံတောင်း ကိစ္စကားအသို့ နည်း။ ဖြေလျော့မှုကာလ (liberalization) အဆင့်သာရှိသေးသည့်မြန်မာတို့ အဖို့ ဒီမိုကရေစီဟူသည် ချိုသလား ချဉ်သလား ချိုကြီးနဲ့ လား မေးသည့်အဆင့်သာရှိသေး၏။ (Good Governance ) အုပ်စိုးမှုကောင်းဟူသည် စလုံးရေစ ကြွေးကြော်သံအဆင့်သာရှိသေး၏။ စစ်အစိုးရအမွေစားအမွေခံ အပြည်ပြည်ဆိုင်ရာ နိုင်ငံရေးဘောဂဗေဒ (International Political Economy) အခင်းအကျင်းတွင် သဘာဝပတ်ဝန်းကျင်ဆိုင်ရာ အုပ်စိုးမှု (Environmental Governance) ဟူသည် မကြားဝံ့မနာသာကိစ္စမျှ။ အာဏာရှင်အစိုးရအဆက်ဆက်အောက် နေသားတကျရှိခဲ့သော အကျင့်ဟောင်းတို့ လည်းမဖျောက်နိုင်။ ဆန့် ကျင်ဖက်အသံထွက်သူကို တံဆိပ်တစ်ခုခုကောက်တပ်လိုက်သည့် အစွဲမှာလည်း မြန်မာ့သဘာဝစိတ်လိုဖြစ်နေပြန်၏။ ကာလမ သုတ္တန်ကိုဟောကြားသည့် ဗုဒ္ဓဘာသာကို ကိုးကွယ်ကြသည်ဆိုသော်လည်း ပုဂ္ဂိုလ်ရေးကိုးကွယ်သည့်အစဉ်အလာမှာသမိုင်းစကတည်းကဆိုရမလိုဖြစ်နေ၏။ ယစ်ထုပ်၊ကြာကူလီပင်ဖြစ်စေဦးတော့ သူရဲကောင်းကြီးလို ကိုးကွယ်ကြသည့် ဓလေ့စရိုက်ကို ၃၇ မင်းနတ်များအကြောင်းလေ့လာရုံနှင့်သိနိုင်၏။ အားနဲသူ (Marginalized groups) ကိုဖိနှိပ်၍ တိုင်းပြည်တည်ဆောက်လိုသည့် လမ်းကြောင်းကိုလည်း လက်ပံတောင်းကိစ္စတွင်ထင်ရှားစွာမြင်လာနေရ၏။ မြန်မာ့ ဒီမိုကရေစီနွေဦးသည်ကား မဆလ၊န၀တ ခေတ်၏ ဗီဇများကိုလှစ်ဟပြနေသကဲ့သို့ ရှိတော့၏။

- အမှန်တကယ်တော့ အစီရင်ခံစာ မထုတ်ပြန်မှီကပင် ရပ်ရွာမှ ဤသို့ တုံ့ ပြန်မည်ကို ဒေါ်စုကိုယ်တိုင်သိပြီးဖြစ်မည်မှာအသေအချာပင်။ ၎င်းအနေနှင့်လည်း ဓါးခုတ်ရာလက်ဝင်လျှိုဆိုစေဦးတော့ လုပ်ရမည့်အလုပ်ကို လုပ်ခြင်းပင်ဖြစ်မည်။ ခေါင်းဆောင်မဖြစ်စေဦးတော့ ခေါင်းရှောင်မဟုတ်ကြောင်းပြခြင်းပင်ဖြစ်၏။ ၎င်းထုတ်ပေးသောအဖြေကား မည်မျှမှန်မည်မမှန်မည်ကို အချိန်ကအဖြေပေးသွားမည်သာဖြစ်၏။ သို့ ရာတွင် ၎င်း၏မြင်းထိန်းငတာတို့ ၏ အသံကား ဤအရေးတွင်ကျယ်လောင်စွာကြားလာနေရ၏။ ကွန်မြူနစ်တို့ ဆိုလေ့ရှိသည့် ဘူဇွာစီတ်ဓါတ်ကို အနှီ ငတာများတွင်ထင်ရှားစွာမြင်နိုင်၍ ဖွံ့ ဖြိုးတိုးတက်မှုအတွက် ကြီးမားသောအတားအဆီးများလည်းဖြစ်လို့ လာနေ၏။

- ရပ်ရွာလူထုသည် ပညာတတ်ဖြစ်ချင်မှဖြစ်မည်။ သို့ ရာတွင် ကိုယ့်ရေကိုယ့်မြေကိုချစ်နိုင်သည်။ သည့်အတွက် အမျှော်အမြင်မရှိအမြင်မကျယ် စာမတတ်ပေမတတ် စသည့် နှိမ်ချသည့်အမြင်၊အပြောအဆိုများကား အနှီဓနရှင်ပေါက်စ တို့ ၏ အကာပြဲ့ ပြဲ့  အနှစ်မဲ့မဲ့သရုပ်ပင်။ ခက်နေသည်မှာ ဤဒီမိုပေါက်ပန်းတို့ မှ စွမ်းအားမြှင့်တင်ခြင်း (EMPOWERMENT) ဟူသည်ကို နားမလည်ပဲ ဖွံ့ ဖြိုးမှုစကားကို လှိုင်လှိုင်သုံးလာခြင်းဖြစ်၏။ တက်ကြွလှုပ်ရှားသူ မိန်းကလေး၏ ပုဂ္ဂိုလ်ရေးကိစ္စများကို အမနာပ ပြောထွက်ကြသည်မှာလည်း အနှီ ပရိုဒေါ်စု ပေါက်ပန်းများပင်ဖြစ်နေပြန်၏။ တစ်ဦးတစ်ယောက်တည်းပင်ဖြစ်စေဦးတော့ ရပ်ရွာ၏ အသံကိုလေးစားစွာနားထောင်တတ်သည့် နားရှိမှ ပြည်သူ ကို မြှင့်တင်ပေးမှု PEOPLE EMPOWERMENT ဖြစ်၏။ အသံထွက်ခွင့်မရသူတို့ ၏ အသံကိုထွက်ခွင့်ပေး (VOICE OF THE VOICELESS) မှ အမှန်တကယ် ရပ်ရွာအခြေပြုဖွံ့ ဖြိုးမှုဖြစ်၏ (COMMUNITY BASED DEVELOPMENT)။ သို့ မဟုတ်လျှင်ကား အာဏာရှင်အစိုးရအဆက်ဆက်တို့ ၏လက်အောက်ကကဲ့သို့ ပင် အာဏာဆက်ဆံရေးတွင် (POWER RELATION) နင်းပြားတို့ (MARGINALIZED PEOPLE) တို့ မှာနေရာရစရာမရှိ။ ၎င်းတို့ ၏ စွမ်းဆောင်ရည် (CAPABILITIES) ကို ထ်ိမ်းချုပ်ခံလိုက်ရသဖြင့် ဖွ့ံဖြိုးမှုမရနိုင် (DEVELOPMENT AS FREEDOM).

- အောက်ခြေပိုင်းနင်းပြားတို့ အတွက်ကား ကိုယ့်ရေမြေကိုချစ်ယုံနဲ့ ပင် တိုင်းပြည်အတွက်လုံလောက်၏။ "ဖွံ့့ဖြိုးတိုးတက်မှု"၊ " FDI" ၊ "လူ့ အခွင့်အရေး" ၊ "သဘာဝပတ်ဝန်းကျင်ထိမ်းသိမ်းရေး" ၊ " အစီရင်ခံစာ" အစရှိသည့် ကြီးကြီးကျယ်ကျယ်စကားလုံးများမလိုအပ်။ လူ့ အဖွဲ့ အစည်း၏ ပိရမစ်တွင် အထက်ပိုင်းနေရာရသူတို့ မှ အနှီ နင်းပြားတို့ အား တိုင်းပြည်အကျိုးအတွက် စွန့် လွှတ်ကြ အနစ်နာခံကြဟု ဆိုနေကြခြင်းမှာ "တပည့်မရှား၊တပြားမရှိ၊ပီတိကိုစား၊အားရှိ" ကြဟုဆိုသည့် မဆလခေတ် ဦးနှောက်ဆေးခြင်း (brainwash)တမျိုးသာဖြစ်၏။ ရပ်ရွာအခြေပြု ဖွံ့ ဖြိုးရေးနှင့်လားလားမျှမဆိုင်။ ကြီးမားသည့်ဆန့် ကျင်ဘက်အတားအဆီးကြီးပင်ဖြစ်၏။ ကိုယ်လိုချင်သည် ဖြစ်ချင်သည်ကိုပဲတွင်တွင်ပြော၍ ရပ်ရွာ၏ အမြင်၊တန်ဖိုး၊ မျှော်မှန်းချက် ခံစားမှုကို ရင်ဘတ်နှင့်နားမလည်သောသူတို့ မှ ဖွံ့ ဖြိုးရေးစကားကို တခမ်းတနားပြောနေခြင်းမှာ ရပ်ရွာလူထုအတွက် မိကျောင်းမျက်ရည်ကျသည်ကိုမြင်ရသကဲ့သို့ ဖြစ်နေမည်မှာ အမှန်ပင်။ အထက်မှအအောက်သို့ သာစီးဆင်းသည့် မဆလ၊ န၀တ တို့ ၏ "ချပြ" ပေါ်လစီများနှင့်ထူးမခြားနားလှ။

- တောင်သူလယ်လုပ်ကိုပင် ခပ်တိမ်တိမ်အမြင်နှင့်ကြည့်၍ အကျိုးအမြတ်မများသည့် အသက်မွေးဝမ်းကြောင်းမှုဖြစ်သဖြင့် လယ်ယာမြေဟူသည်တွယ်ကပ်မနေသင့်သော အရာဖြစ်သည်ဟု ခပ်ပေါ့ပေါ့ အပေါ်ယံလျှပ်၍လည်း ဆိုကြပြန်၏။ လယ်ယာမြေဆုံးရှုံးသူတို့ ၏ ရင်တွင်းခံစားချက်နှင့်တန်ဖိုးထားမှုကိုအလျင်းနားမလည်သော.. ရပ်ရွာအခြေပြုဖွံ့့ဖြိုးမှုကို နကန်းတလုံးမျှမသိသော… အောက်ခြေလွတ်အဆံချောင်အမြင်များ၊အသံများပင်။ ဤသို့ သော သဘောထားအယူအဆများနှင့်ဖွံ့ ဖြိုးမှုလုပ်ငန်းများကို အကောင်အထည်ဖေါ်ခဲ့သော ကမ္ဘာ့ဘဏ် အစရှိသည့် နိုင်ငံတကာအထောက်အပံ့ပေးရေးအဖွဲ့ အစည်းများ၏ မူဝါဒ များကြောင့် အဆိုပါ နုင်းပြားတို့ ၏ ဘ၀များ ကြေကွဲဖွယ်ရာဖြစ်ရပ်များအဖြစ်သို့ ပြောင်းသွားခဲ့ကြရသည်ကို ဖွံ့ ဖြိုးရေးသီအိုရီသမိုင်းကြောင်းကိုလေ့လာကြည့်လျှင်ပင်သိနိုင်၏။ အဆုံးတနေ့ နှိုက် ငါသိငါတတ် အောက်ခြေလွတ် ဘူဇွာ စိတ်ဓါတ်ပိုင်ကယ်တင်ရှင်များသည် နင်းပြားတို့  ဆင်းရဲတွင်းသံသရာလည်ရခြင်း၏ အကြောင်းတရားတစ်ခုဖြစ်နေသည်ကိုတွေ့ လာပြီးလျှင် ဆင်းရဲသားများထံမှ သင်ယူကြ (LEARN FROM THE POOR) ဆိုသည့်သဘောထားသည်သာ ဖွံ့့ဖြိုးရေးလုပ်ငန်းများအတွက် လမ်းညွန်တစ်ခုဖြစ်နေသည်ကိုတွေ့ ရမည်ဖြစ်၏။

- အဘယ့်ကြောင့်နည်း။ ဖွံ့ ဖြိုးမှုဟူသည် ငွေကြေးကိစ္စမျှလောက်သာမဟုတ်၊ လူတို့ ၏တန်ဖိုးထားမှု၊ အစဉ်အလာ စသည့် ယဉ်ကျေးမှု အကြောင်းတရားများမှလည်းဖန်တီးတည်ဆောက်နေသည့် ဘာသာရပ်တစ်ခုဖြစ်ရာ…လူသားအချက်အလက် (human factor) ကိုထည့်သွင်းစဉ်းစားရမြဲဖြစ်သောကြောင့်ဖြစ်၏။ အထူးသဖြင့် သဘာဝပတ်ဝန်းကျင်ကိစ္စကဲ့သို့ သော "တန်ဖိုး" ထားမှုများ (value) ပါဝင်ပတ်သက်နေသော ဘာသာရပ်တွင် နောက်ကြောင်းပြန်လှည့်မည်စိုးသောကြောင့်ဟူသောအကြောင်းပြချက်ဖြင့် ရပ်ရွာ၏တုန့် ပြန်မှုအပေါ် လက်လွတ်စပယ်ပြောဆိုဝေဖန်နေသော ဒီမိုပေါက်ပန်းတို့ ကြောင့်ပင် ဖွံ့ ဖြိုးမှုဖြစ်စဉ်ရှေ့ ရောက်လိမ့် မည်မဟုတ်။ စစ်မှန်သော ဒီမိုကရေစီရလိမ့် မည်မဟုတ်..။ အောက်ခြေအဆင့် (grassroot level) နင်းပြားတို့ ၏ အသံကိုပင်လျှင် နားမထောင်လိုသူတို့  ပေါများလှသော လူ့ အဖွဲ့ အစည်းတွင် ကောင်းမွန်သောအုပ်စိုးမှု (good governance) ကိုမည်သို့ အကောင်အထည်ဖေါ်လို့ ရနိုင်အံ့နည်း။ ရပိုင်ခွင့်အခြေပြုဖွံ့ ဖြိုးမှု (RIGHTS BASED APPROACH TO DEVELOPMENT) မူဝေးလှစွာ၏။

- ဖွံ့ ဖြိုးမှုဟူသည် အနှီဒီမိုပေါက်ပန်းတို့ ကိုးကွယ်လိုကြသည့် FDI အကြောင်းအရာတစ်ရပ်မျှလောက်တင်မဟုတ်။ အမှန်တကယ်တော့ အကိုင်အတွယ်မတတ်လျှင် FDI သည်ပင်လျှင်ကိုယ့်လက်ထဲက အဆိပ်ခွက်ဖြစ်သွားတတ်သည်ကို မြစ်ဆုံကိစ္စကတည်းက သိသင့်ပြီဖြစ်၏။ အခြားသော အကြောင်းအချက်များ (other dimensions) များကိုပါထဲ့သွင်းစဉ်းစားနိုင်ပါမှ (all inclusive) အလုံးစုံဖွံ့ ဖြိုးမှု (Wholisitc Development) ကိုရရှိနိုင်၏။ သို့ မှသာ ရေရှည်တည်တံ့သောဖွံ့ ဖြိုးမှု (sustainable development) ဖြစ်နိုင်ပေလိမ့်မည်။ သို့ မဟုတ်လျှင်ကား ပဲနင်းဦးထောင်၊ ဦးနင်းပဲ့ထောင်ဖြင့် ဘေးထွက်ဆိုးကျိုးများဖြစ်ည့် နာဂစ်ကဲ့သို့ သော ဘသာဝဘေးအန္တရယ်များအား လက်ယပ်ခေါ်သကဲ့သို့ ဖြစ်လာပေလိမ့်မည်။

- "ဒီမိုကရေစီ"၊ "ဖွံ့ ဖြိုးမှု "၊ "အုပ်စိုးမှုကောင်း" စသည့် ဘာသာရပ်များကိုကောင်းစွာနားလည်၍ အကောင်အထည်ဖေါ်ရန်အတွက်မူ အဦးပထမ လုပ်ရမည့်အလုပ်ကား ရပ်ရွာလူထု၏ အသံကိုလေးစားစွာနားထောင်ခြင်းနှင့် ရပ်ရွာလူထု၏သဘောထားကို အလေးထားသည့် ဓလေ့စရိုက်များကို ဖွံ့ ဖြိုးစေခြင်းပင်ဖြစ်၏။ ဤကိစ္စကား အချိန်ယူရမည်မှာအမှန်ဖြစ်၏။ သို့ ရာတွင် ရေရှည်နှိုက် တည်ငြိမ်အေးချမ်းသော၊ လူမှုရေးတရားမျှတမှုရှိသော (SOCIAL JUSTICE) ဖွံ့ ဖြိုးမှုခိုင်မာသော လူ့ အဖွဲ့ အစည်းကိုဤနည်းအားဖြင့်သာ လျှင် တည်ဆောက်နိုင်ပေလိမ့် မည်။ လက်ဖက်ကောင်းစားချင်လျှင်ဖြင့် ပလောင်တောင်တက်နှေးရမည့်အပြင် ၎င်းပလောင်သည်လည်း အရည်အသွေးမှီလက်ဖက်ရွက်များအား မည်သို့ ခူးရမည်ဆိုသည့်ကျွမ်းကျင်မှုလည်းလိုအပ်ပေ၏။

- အမှန်တကယ်တော့ လက်ပံတောင်း အဖြစ်အပျက်သည် ဒီမိုကရေစီနှင့် ဖွံ့ ဖြိုးမှု (Democracy vs. Development) အကြောင်းအရာတွက် လက်တွေ့ သင်ယူရမည့် သင်္ခန်းစာကောင်းတစ်ခုပင်ဖြစ်၏။ ဖွံ့ ဖြိုးမုဆီသို့  ဒီမိုကရေစီလမ်းကြောင်းဖြင့်သွားခြင်းသည် အာဏာရှင်လမ်းကြောင်းဖြင့်သွားခြင်းထက် ပို၍သိမ်မွေ့ ပို၍ညဏ်ပညာနှင့်သတ္တိလိုအပ်သည်ကိုပြောပြနေခြင်းလည်းဖြစ်တော့၏။ အာရှကျား၊ နဂါးတို့ နှင့်မတူ ထူးကဲသော မြန်မာ့မော်ဒယ်ကို ဖန်တီးတည်ဆောက်ရန်အတွက်မူ မြန်မာတို့ အဖို့  သင်ယူစရာများစွာ ကျန်ရှိနေသေးသည်မှာ မြေကြီးလက်ခတ်မလွဲပင်…။


--
Posted By Blogger to လူဗိုလ်ဟူသည် ... at 3/21/2013 01:17:00 PM

--
မှော်ဆရာအဖွဲ့မှ နေ့စဉ် Mail များရယူလိုပါက http://groups.google.com/group/mrsorcerer/subscribe?hl=en
Member များ မိမိတို.သိထားသည်များကို မျှဝေလိုပါက mrsorcerer@googlegroups.com သို့စာပို့နိုင်ပါသည်။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး စာပို့ပေးပါရန်။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en
အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
 
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
Facebook Page နှင့်ဆက်သွယ်လိုလျှင် www.facebook.com/mrsorcerergroup
 
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
 
ခင်မင်စွာဖြင့်
ဦးဦး မှော်ဆရာ
---
You received this message because you are subscribed to the Google Groups "မှော်ဆရာ အဖွဲ့  ( Ѧя Ƨσяcɛяɛя )" group.
Visit this group at http://groups.google.com/group/mrsorcerer?hl=en.