ပန်းချီ သန်းဌေးမောင် - နှုတ်ခမ်းမွေးနဲ့ ကိုကိုကြီး
ဧပြီ ၈၊ ၂၀၁၃ (ပန်းချီဆရာကို ဒီကနေ ခွင့်တောင်းလိုက်ပါ၏၊ မိုးမခမှာ ဖော်ပြခွင့်)
Labels: Cartoon Box, Than Htay Maung
Ashin Dhammapiya - It is Time
ပျံလေတဲ့ငှက်ခါး နားမှသိမယ်
ဒေါက်တာဓမ္မပိယ (ITBMU)၊ ဧပြီ ၈၊ ၂၀၁၃
ဧပြီ (၆)ရက်နေ့က ရန်ကုန်ကို ပြန်ရောက်တယ်။ သိကြတဲ့အတိုင်းပဲ အေးတဲ့နိုင်ငံများကနေ မြန်မာ ပြည်ကို ပြန်လာသူတိုင်း ကြုံလေ့၊ ကြုံထရှိတဲ့ အတွေ့အကြုံလေးတစ်ခု။ လေယဉ်ပေါ်ကအထွက် လေဆိပ်ထဲကို တန်းမရောက်နိုင်ပဲ လှေခါးမှဆင်းပြီး စောင့်ကြိုနေတဲ့ ကားပေါ်ကို တက်ရတယ်။ ဒီအခါမှာ ပူလောင်လှတဲ့ ရာသီဥတုဒဏ်က ရုတ်တရက်ကြီးဆိုတော့ အတော်ကို ပူတယ်လို့ ခံစားရတယ်။ တချို့များဆို ရွှေလင်းပန်းနှင့် ချင်းဆေးထားတဲ့ ဘုရင့်သားလေးတွေ၊ သမီးလေးတွေပမာ ဆွေ့ဆွေ့ခုံပြီး သူတို့ပဲ အပူဒဏ်ကို ခံစားနေရသလို အမူအရာမျိုးနဲ့ပေါ့။ ဘယ်ပဲဖြစ်ဖြစ် တကယ်တမ်းပြောရမယ်ဆိုရင်တော့ - ပူနိုင်ရန်ကော မြန်မာပြည်ကြီး ရယ်ပေါ့ … ။
စာရေးသူအတွက်တော့ မြန်မာပြည်ကြီးကို သံယောဇဉ်ကြီးလွန်းသူမို့ အပူဒဏ်ကို မငြီးငြူလိုတော့ပါ။ ဒါပေမဲ့ ပြန်လာခါစပဲရှိသေးတာမို့ အပူအအေးမျှတလှတဲ့ ကာလီဖိုးနီးယားပြည်နယ်က ဖရီးမောင့်မြို့လေးကို ချက်ခြင်းဆိုသလိုပဲ ပြန်လည်သတိရမိတယ်။ ပြီးတော့ စိတ်ထဲမှာလည်း ဖရီးမောင့်မြို့လေးကို တိတ်တခိုးလေး လွမ်းမိတယ်။ ̏ဖရီးမောင့်မှာဆိုရင် ဒီအချိန်မှာ ဇိမ်ပဲပေါ့˝။ ဒါပေမဲ့ အသံထွက်အောင်တော့ မညီးညူခဲ့ပါ။ ညဉ်းညူးနေရမဲ့အချိန်အခါမျိုးလည်း မဟုတ်လို့ပါ။
လေယဉ်ပေါ်ကဆင်းလာတဲ့ ခရီးသည်တွေထဲမှာ ပြည်ပရောက် မြန်မာပြည်ဖွားတွေ အများကြီး ပါနေတာတွေ့ရလို့ ၀မ်းသာမိခြင်းပါ။ အသွင်ကူးပြောင်းဆဲကာလမှာ မြန်မာပြည်ကိုပြန်လာပြီး ဘာစီးပွားရေး လုပ်ရင် ကောင်းမလဲဆိုတဲ့ စီးပွားလုပ်လိုတဲ့စိတ်ထားနဲ့ ပြန်လာသူတိုင်းကို တကယ်ပဲ ကျေးဇူးတင်နေမိခြင်းပါ။ ယုတ်စွအဆုံး အလည်သက်သက်ပဲ ပြန်လာသူများကိုပင် ကျေးဇူးတင်နေမိခြင်းပါ။ ဘာကြောင့်လဲဆိုရင် တိုင်းပြည်ကို ဒီမိုကရေစီစနစ်နှင့် အသွင်ကူးပြောင်းဆဲကာလမှာ တိုင်းပြည်စီးပွားရေးအတွက် ရင်းနှီးမြှုပ်နှံလိုသူ နိုင်ငံခြားသားများနှင့် အိပ်က်စ်မြန်မာ (ex-Myanmar)များပါ တိုင်းပြည်ကို ရောက်လာကြတယ်ဆိုတော့ တိုင်းပြည်ကို ဖွံ့ဖြိုးတိုးတက်အောင် ကြိုးစားအားထုတ်နေကြတဲ့ နိုင်ငံတော်အကြီးအကဲများအတွက် အင်းအား သစ်များ ဖြစ်လာနိုင်ခြင်းပါ။ ဘာပဲဖြစ်ဖြစ် မြန်မာပြည်ကို အလည်ပြန်လာရင်း အခြေအနေကို သုံးသပ်မိလို့ မြန်မာပြည်မှာ ပြန်ပြီး စီးပွားးလုပ်ကိုင်လိုတဲ့ တချုိ့ ex-Myanmar များကို တွေ့ရတော့ ၀မ်းသာမိတယ်လို့ ပြောလိုက်ခြင်းပါ။
သို့သော် တစ်ခုတော့ ကြိုတင်ပြီးမှာထားပါရစေ။ မြန်မာပြည်ကို ပြန်လာတဲ့အခါ ယခုလောလောဆယ် အင်မီဂရေးရှင်း (immigration) ဌာနမှ ထတ်ပြန်ထားတဲ့မူအရ အိက်က်စ်မြန်မာ (ex-Myanmar) များအတွက် မြန်မာပြည်ကို ပြန်လာတဲ့အခါ (ယခုစာ ရေးသားနေချိန်အထိ) အရိုက်ဗယ်ဗီဇာ (Arrival Visa) ကို လေဆိပ်မှာ ထုတ်မပေးသေးကြောင်း၊ ဆိုလိုတာက လေဆိပ်မှာ အရိုက်ဗယ်ဗီဇာကို အိက်က်စ်မြန်မာများအတွက် မရနိုင်ကြောင်း သိထားစေလိုရင်းပါ။ ပြောချင်တာက မြန်မာပြည်ကို ပြန်မလာခင်တည်းက သက်ဆိုင်ရာသံရုံးမှ ပြည်ဝင်ခွင့်ဗီဇာကို ကြိုတင်လျှောက်ထားခဲ့ကြဖို့ပါ။ ဘာကြောင့် ဒီလိုကြိုတင်ပြောထားရသလဲဆိုရင် လေယဉ်ကွင်းရောက်မှ အရိုက်ဗယ်ဗီဇာကို ထုတ်မပေးရကောင်းလားလို့ ရွှေစိတ်တော်များ ညိုမှာစိုးလို့ပါ။
ရွှေစိတ်တော်ညိုရုံမျှလောက်ဆိုရင်တော့ မပြောလိုသေးပါ။ နိုင်ငံခြားသားတွေကိုတော့ အရိုက်ဗယ်ဗီဇာ ပေးပြီး၊ ex-Myanmar တွေကိုတော့ ဘာကြောင့် ဗီဇာမပေးနိုင်ရသလဲဆိုတဲ့ အမေးမျိုးတွေနဲ့ ကွန်ပလိန်းတွေ တက်ပြီး အများရှေ့မှာ ဒေါသတရားတွေ ပေါက်ကွဲသွားခဲ့ရင် နိုင်ငံကြီးသားဆိုတဲ့ ဂုဏ်သိက္ခာကို ထိခိုက်သွား နိုင်လို့ပါ။ ဗုဒ္ဓတရားတော်များမှာတော့ အာဏာဒေသနာတော်မျိုးဖြစ်နေခဲ့ရင် (ဥပမာ ၀ိနည်းဒေသနာတော် မျိုးမှာ) ဒီအတိုင်းပဲမှတ်ပါလို့ ဖြေဆိုလိုက်ခြင်းပါ။ ဒါကို ၀ါသနာဖြစ်နေလို့ အပြစ်တင်လိုတဲ့အမြင်နှင့် အပြစ် တင်မယ်ဆိုရင်လဲ တင်ရုံပါပဲ။ တို့က ရွှေမြန်မာပြည်ဖွားတွေပဲ ဘာပဲ၊ ညာပဲနဲ့ဆိုရင် အနည်းဆုံးတော့ စိတ်ပမ်း ကိုယ်ပမ်းဖြစ်သွားမှာ စိုးလို့ပါ။
စာရေးသူကတော့ အများတွေးသလို မတွေးချင်ပါ။ စာရေးသူ တွေးမိတာက မြန်မာတွေအတွက် ကိုယ့်နိုင်ငံကို ပြန်မလာခင်ကတည်းက ကိုယ့်တိုင်းပြည်ကို တစ်နည်းမဟုတ်၊ တစ်နည်းနည်းဖြင့် ကျေးဇူးပြု ခွင့်ရတာ ၀မ်းသာစရာတစ်မျိုးပဲလို့ ပြုံးပြုံးလေး တွေးမိမှာပါ။ ဂျွန်ကနေဒီရဲ့ စကားလေးကို ဒီနေရာမှာ ဆက်စပ်တွေးယူမယ်ဆိုရင်တော့ - "တိုင်းပြည်က ငါ့အတွက် ဘာလုပ်ပြီးပြီလဲ မမေးနဲ့ ငါက တိုင်းပြည်အတွက် ဘာလုပ်ပြီးပြီလဲ မေးပါ"ဆိုတဲ့ စကားလေးကို အမှတ်ရနေမိလို့ပါ။ အခုလို ကြည်ကြည်ဇြုဖြူနဲ့ (တချို့လည်း မကြည့်မဖြူနဲ့) မြန်မာပြည်ကို ပြန်မလာခင်ကတည်းက ဗီဇာလျှောက်ပြီး တိုင်းပြည်အတွက် အုဋ္ဌ်တစ်ချပ်၊ သဲတစ်ပွင့်အနေမျိုးနှင့် ပြန်လည်ကျေးဇူးပြုနိုင်တယ်ဆိုတာ နည်းတဲ့အခွင့်ထူးမျိုးမှမဟုတ်တာ။ ဘာပဲဖြစ် ဖြစ်လေ တကယ်လို့များ အခုလို စေတနာစကားနှင့်ရေးတဲ့ ဒီလိုအရေးအသားမျိုးကြောင့် သင့်ဒေါသကို နှိုးဆွပေးလိုက်သလို ဖြစ်နေခဲ့မိရင် စာရေးသူအား နားလည်ပေးနိုင်ဖို့ပါ။
လေဆိပ်ကအတွက် လေဆိပ်ရဲ့ ဘယ်ဘက်ခြမ်းမှာရှိတဲ့ အနည်းငယ်စိမ်းလန်းနေသေးတဲ့ သစ်ပင်များ ရှိရာသို့ ကားမှန်ပြူတင်းမှ လှမ်းမျှော်ကြည့်မိတယ်။ အဲဒီအခါမှာ တောစပ်ထဲရှိ သစ်ပင်တစ်ပင်ပေါ်မှ ပျံဝဲလာတဲ့ ငှက်ခါးတစ်ကောင်ကို အမှတ်မထင် တွေ့လိုက်ရတော့ … ။ စိတ်ထဲမှာ ပြုံးမိတယ်။ "ပျံလေတဲ့ငှက်ခါး နားမှသိမယ်" ဆိုတဲ့ မြန်မာတို့ ညွှန်ဆိုပြုထားတဲ့ ဆိုရိုးစကားလေးတစ်ခုကို အမှတ်မထင် သတိရမိလို့ပါ။ အပျံအနား ကျွမ်းကျင်လှတဲ့ ငှက်ခါးလို ငှက်မျိုးကို ငှက်မုဆိုးတို့ရဲ့ ကြုံးဝါးသံကို ပညာရှင်များက လောက ဖြစ်ပျက်ပုံနှင့် နှိုင်းခိုင်းပြီး ပြောဆိုထားတဲ့ စကားမျိုးပါ။ မိမိအပေါ်မှာ မလိမ်တစ်ပတ် လုပ်သွားတဲ့သူကို ရှာလို့မတွေ့နိုင်သေးတဲ့အခါမျုိးတွေ၊ ဖမ်းလို့မမိနိုင်သေးတဲ့အခါမျိုးတွေမှာ "ပျံလေတဲ့ငှက်ခါး နားမှသိမယ်" ရယ်လို့ ကြုံးဝါးတတ်ကြခြင်းပါ။
တစ်ချိန်က မြန်မာနိုင်ငံမှာ လူ့အခွင့်ရေးတွေ ပျောက်ဆုံးနေလို့ အုပ်ချုပ်သူ စစ်အစိုးရအပေါ်မှာ မကျေနပ်နိုင်လို့ ပြည်တွင်းပြည်ပ မြန်မာတွေစုပေါင်းပြီး ဒီမိုကရေစနစ်အတွက် တိုက်ပွဲဝင်ခဲ့ကြတာကို မှတ်မိ ကြမှာပါ။ စနစ်ဆိုးတစ်ခုကို ဖယ်ရှာပြီး ဒီမိုကရေစီစနစ်နှင့် အစားထိုးကျင့်သုံးနိုင်အောင် တိုက်ပွဲခေါ်သံတွေ၊ တိုက်ပွဲအော်သံတွေကို ကြားယောင်နေမိကြမှာပါ။ အဓိပ္ပါယ်ရှိတဲ့အချိန်မှာ အဓိပ္ပါယ်ရှိတဲ့အလုပ်တွေကို အတူပူပေါင်းပြီး လုပ်နိုင်ကြဖို့ ပြင်သင်တဲ့စိတ်တွေကို ပြင်ကြဖို့ လိုမယ်ထင်လို့ပါ။ သွေးစည်း ညီညွတ်တဲ့ ပြည်သူ၊ ပြည်သားတွေနှင့် တိုင်းပြည်အုပ်ချုပ်သူများရဲ့ လုပ်ရပ်တွေကို အတိုက်အခံသဘောမျိုးနှင့် ဆက်လက် ရပ်တည်မယ်ဆိုရင် ပေးဆက်ခဲ့ရတဲ့အချိန်တွေအတွက် နှမြောမိလို့ပါ။ တိုင်းပြည်အတွက်၊ ပြည်သူပြည်သား တွေအတွက်၊ အမျိုး ဘာသာ သာသနာတော်အတွက် တိုက်ပွဲဝင်ခဲ့တဲ့ အချိန် တွေကို ပြန်လည် တွက်ကြည့် မယ်ဆိုရင် ၁၉၆၂-ခုနှစ်ကစတင်ပြီး၊ ၂၀၁၂-ခုနှစ်၊ ဧပြီလရွေးကောက်ပွဲအထိ ရေတွက်ခဲ့မယ်ဆိုလျှင် နှစ်ပေါင်းငါးဆယ်ဆိုတာ နည်းတဲ့အချိန်တွေမှ မဟုတ်တာ။ အချိန်ဆိုတာ တန်းဖိုးထားတတ် သူတွေအတွက် ပြန်လည်ဝယ်ယူလို့ မရနိုင်လို့ပါ။
ဟိုခေတ်၊ ဟိုအချိန်အခါမျိုးက အတိုက်အခံပြုလုပ်ရတာဟာ သိပ်ကို အဓိပ္ပါယ်ရှိနေခြင်းပါ။ ပြည်တွင်း၊ ပြည်ပမှာရှိတဲ့ (ရဟန်းသံဃာတော်များပါအ၀င်) ပြည်
သူ၊ ပြည်သားတွေဟာ မိမိတို့က အတိုက်ခံတွေပါဆို တာကို ပေါ်လွင်ထင်ရှားနိုင်စေရန် ရဲရဲတောက် အားမာန်တွေနှင့် စစ်အစိုးရကို ဆန့်ကျင်တဲ့ စာတမ်းတွေကို မိမိတို့ရဲ့ ကျောပြင်တွေမှာဖြစ်စေ၊ သို့မဟုတ် ရင်ဘတ်မှာဖြစ်စေ ချိတ်ဆွဲပြကြခဲ့ကြတာတွေ၊ သို့မဟုတ် နဖူးမှာဖြစ်စေ တင်းကျပ်နေအောင် စည်းထားပြီး တိုက်ပွဲခေါ်သံတွေအနေနဲ့ ကျွေးကြော်ခဲ့ကြတဲ့အသံတွေကို တဖန်နားစွင့်ကြည့်မယ်ဆိုရင် ယခုအချိန်အထိ ကြားယောင်နေမိကြမှာပါ။ "စစ်အာဏာရှင်များ ကျရှုံးပါစေ၊ ဒီမိုကရေစီစနစ် ပေါ်ထွန်းပါစေ" တဲ့။ ဆန္ဒတွေ ပြင်းထန်စွာနှင့် ဒီမိုကရေစီစနစ်ကို ပြည်သူ၊ ပြည်သားတွေ ညီညီညွတ်ညွတ်နှင့် တစ်စိုက်စိုက်မတ်မတ်နှင့် တောင်းဆိုလာခဲ့ကြလို့ ယနေ့မြန်မာ နိုင်ငံတော်ကြီး၌ ဒီမိုကရေစီ တံခါးကြီးကို ဖွင့်ထားနိုင်ခဲ့သည်မှာ တစ်နှစ်နီးနီး ရှိခဲ့ပြီ။ ဒီမိုကရေစီတံခါးကြီးကို ဖွင့်ထားခြင်းဟာ ဒီမိုကရေစီ စနစ်ကို မြတ်နိုးသူတိုင်း ၀င်နိုင်ထွက်နိုင်စေဖို့ ပြည်သူများဆန္ဒနှင့် ပြည်သူတွေ ဖွင့်ထားခဲ့ကြတာပါ။
ဒီတော့ ဒီမိုကရေစီစနစ်ကို တောင်းဆိုခဲ့ကြတဲ့ ရဟန်းရှင်လူများကို သတိရစေချင်တာက အချိန် တွေဟာ ပြောင်းလဲခဲ့ပြီ။ အရွယ်တွေလည်း အိုမင်းခဲ့ပြီ။ အချိန်တွေ ပြောင်းလဲလာသည်နှင့်အမျှ၊ အရွယ်တွေ အိုမင်းလာသည်နှင့်အမျှ စိတ်နေစိတ်ထားမျာကိုလည်း ပြောင်းလဲသင့်ပြီ။ ပြောင်းလဲသင့်တဲ့ အရာမျိုးတွေ၌ွ ပြောင်းလဲနိုင်ခြင်းသည် အောင်မြင်မှုတစ်မျိုးဟု ဆိုနိုင်သည်။ သို့သော် ပြောင်းလဲသင့်တဲ့အရာကို (သို့မဟုတ်) သဘာဝတရားကို ဆန့်ကျင်ဘက်ပြုလျှက် မပြောင်းလဲပဲ ဆုပ်ကိုင်မြဲ ဆုပ်ကိုင်ထားကြမည်ဆိုလျှင် ဇာတ်တော် ထဲက လူတစ်ယောက်လို ပညာရှိများ ကဲ့ရဲ့ဖွယ် (သို့မဟုတ်) အများအတွက် ရယ်ဖွယ်ရာများ ဖြစ်သွားနိုင်ခြင်းပါ။
ဇာတ်တော်ထဲမှာ - တစ်ခါက ရွာတစ်ရွာမှာ သူငယ်ချင်းနှစ်ယောက်ဟာ စီးပွားရှာဖို့ ရွာကထွက်လာ ခဲ့ကြတယ်။ ခရီးအတော်အတန် သွားပြီးခြဲ့ကြတဲ့အခါမှာ ရွာပျက်ကြီးတစ်ရွာကို ရောက်သွားခဲ့ကြတယ်။ ရွာပျက် ကြီးထဲဝင်ပြီး ဟိုဟိုဒီဒီ ကြည့်ကြတော့ အ၀တ်ရက်လို့ ရနိုင်တဲ့ ချည်ထုပ်တွေကို တွေ့ကြရတယ်။ ဒီအခါမှာ သူငယ်ချင်းနှစ်ယောက်ဟာ ၀မ်းသာအားရနှင့် ချည်ထုပ်တွေကို ထမ်းပြီး ခရီးထွက်ခဲ့ကြတယ်။ ခရီးအတော် အတန် ခရီးဆက်ခဲ့ကြတဲ့အခါ နောက်ထပ်ရွာပျက်ကြီးတစ်ရွာကို ရောက်ခဲ့ကြပြန်တယ်။ အဲဒီရွာပျက်ကြီးထဲမှာ ချုပ်လုပ်ပြီး အ၀တ်အထည်တွေကို တွေ့ကြရပြန်တယ်။ သူငယ်ချင်းနှစ်ယောက်ထဲက ပထမလူဖြစ်တဲ့ တစ်ယောက်လူက ချည်ထုပ်တွေကို စွန့်ပစ်ခဲ့ပြီး၊ အ၀တ်အထည်တွေကို ထမ်းနိုင်သမျှ ထမ်းယူခဲ့တယ်။
သို့သော် သူ့သူငယ်ချင်းတဲ့ ဒုတိယလူကတော့ - ဟေ့လူ ငါကတော့ ဒီချည်ထုတ်တွေကို အဝေးကြီးကနေ ထမ်းပြီးလာရလာတာဖြစ်လို့ ဘယ်လိုအကြောင်းနဲ့မ ဒီချည်ထုတ်တွေကို ငါမစွန့်နိုင်ဘူးဆိုပြီး ချည်ထုပ်တွေကိုပဲ ဆက်လက်ထမ်းယူလာခဲ့တယ်။ သူငယ်ချင်းနှစ်ယောက် ခရီးဆက်ခဲ့ကြပြန်ရာ တစ်နေရာ ရောက်ပြန်တော့ နောက်ထပ် ရွာပျက်ကြီးတစ်ရွာကို တွေ့ကြရပြန်တယ်။ အဲဒီရွာပျက်ကြီးထဲကိုဝင်ပြီး ဟိုဟိုဒီဒီ ကြည့်ကြတဲ့အခါ ရတနာမျိုးစုံပါဝင်တဲ့ ပြန်ကျဲနေတဲ့ရွှေတွေကို တွေ့ကြရပြန်တယ်။ ပထမလူက အ၀တ်အထည် တွေကို စွန့်ပြီး ရတနာမျိုးစုံပါတဲ့ ရွှေထည်ပစ္စည်းတွေကို အထုတစ်ခုမှာထည့်ပြီး နိုင်သမျှထမ်းယူလာခဲ့တယ်။ သူ့သူငယ်ချင်းကိုလည်း ရွှေထည်ပစ္စည်းတွေကို နိုင်သမျှထမ်းယူလာဖို့ တိုက်တွန်းတယ်။ ဒါပေမဲ့ သူ့သူငယ် ချင်းက လမ်းတစ်လျှောက်လုံး ထမ်းလာပြီးမှ အခုကြမှတော့ မစွန့်လွတ်နိုင်ဘူးဆိုပြီး ရွှေထည်ပစ္စည်းတွေကို မယူပဲ ချည်ထုပ်ကြီးကိုပဲ ဆက်လက်ထမ်းယူလာခဲ့တယ်။ နောက်ဆုံးအိမ်ပြန်ရောက်ကြတဲ့အခါ ရွှေထည်ပစ္စည်း တွေကို ထမ်းလာတဲ့ပထမလူဟာ ချမ်းသားသွားပြီး၊ ချည်ထုပ်တွေကို ထမ်းယူလာတဲ့ ဒုတိယလူကိုတော့ သားမယားတွေရဲ့ ပြစ်တင်ကဲ့ရဲမှုကို များစွာခံရပြီး ဆက်လက်ပြီး ဆင်းရဲမြဲ ဆင်းရဲနေခဲ့တယ်။
မှားယွင်းတဲ့ အယူအစွဲမျိုးဆိုတာ ပြောင်းသင့်တဲ့အချိန်မှာ မပြောင်းလဲနိုင်ဘဲ ဆက်လက်ဆုပ်ကိုင် ထားမယ်ဆိုရင် တစ်ချိန်ချိန်မှာ နောင်တတရားများ ရမိတတ်ကြောင်း ဇာတ်တော်က ပြည်သူများအား သိစေလိုရင်းပါ။ ပညာရှိ သတိဖြစ်ခဲမို့ သတိတရားများ ထားနိုင်ကြဖို့ပါ။
တစ်ချိန်က မြန်မာနိုင်ငံတော်ကြီးကို ဒီမိုကရေစီအသွင်ကူးပြောင်းနိုင်ဖို့ ဒီမိုကရေစီခေါင်းဆောင် ဒေါ်အောင်ဆန်းစုကြည်၊ မင်းကိုနိုင်ဦးဆောင်တဲ့ (ဂဂ) မျိုးဆက်သစ်ကျောင်းသားခေါင်ဆောင်များ၊ ဒီမိုကရေစီ လိုလားတဲ့ ရဟန်းရှင်လူ ပြည်သူများအားလုံးဟာ အတူပူပေါင်းပြီး ဒီမိုကရေစီနိုင်ငံတော်ကြီးအတွက် မိုင်ပေါင်း များစွာ ရှည်လျှားလှတဲ့ ခရီးရှည်ကြီးကို ချီတက်ခဲ့ကြတယ်။ ဒီနေ့ဒီချိန်မှာ ပြည့်သူတွေရဲ့ ကြီးမားတဲ့ ဆန္ဒနှင့် အားထုတ်ခဲ့ကြလို့ မြန်မာနိုင်ငံတော်ကြီးဟာ ဒီမိုကရေစီ လမ်းကျောင်းပေါ်ကို ရောက်လာခဲ့ကြတယ်။ တချိန်က အတိုက်အခံဘက်မှာ ရပ်တည်ပြီး၊ အတိုက်အခံစကားတွေကို တစိုက်မတ်မတ် ပြောဆိုနေကြတဲ့ ဒီမိုကရေစီ ခေါင်းဆောင်တွေ၊ (၈၈)မျိုးဆက်ကျောင်းသားခေါင်းဆောင်တွေနှင့် ရဟန်းရှင်လူ ပြည်သူတွေဟာ ဒီမိုကရေစီ အလံတော်အောက်မှာ ဒီမိုကရေစီ သစ္စာဓိဋ္ဌာန်များကို သံပြိုင်ညီညာ ရွတ်ဆိုနေကြ တဲ့အချိန်မှာ … ။
တချို့တချို့သော အတိုက်အခံခေါင်းဆောင်များဟာ တန်ဖိုးကြီးလှတဲ့ မိမိတို့ရဲ့စွမ်းအားတွေကို တိုင်းကျိုး ပြည်ကျိုး၊ ပြည့်သူအကျိုးကို မျှဝေပေးခြင်းမပြုနိုင်ဘဲ စစ်အစိုးရကို အတိုက်အခံပြုခဲ့သကဲ့သို ဒီမိုကရေစီ အစိုးရကိုလည်း ဆက်လက်၍ အတိုက်အခံပြုနေခြင်းဟာ သင့်တော်၊ မတော်၊ နည်းလမ်းမှန် မမှန်၊ စဉ်းစားနိုင်ကြဖို့ပါ။ မိမိတို့တောင်းဆိုခဲ့သော ဒီမိုကရေစီစနစ်ကို ရှင်သန်နိုင်အောင်၊ တိုးတက်နိုင်အောင် ပြုလုပ်ကြရမဲ့အစား တဖက်စောင်းနင်းချည်း ဘယ်လို စနစ်ပဲလာလာ တို့ကတော့ အတိုက်အခံပြုမဲ့ဘက်မှာပဲ ရှိနေမှာပဲဆိုတဲ့ စွဲမြဲသောသန္နိဋ္ဌာန်များ ချမှတ်ထားခဲ့လေရော့သလားလို့ တွေထင်လာမိခြင်းပါ။
လျှောက်လှမ်းသင့်သော လမ်းကို မလျှောက်လှမ်းနိုင်ခြင်းဟာ မျက်စိလည် လှမ်းမှားသွားခြင်းမျိုးလော၊ သို့မဟုတ် ဇာတ်တော်ထဲက ချည်ထုတ်ကို ဆက်လက်ထမ်းလာသူရဲ့ အတွေးခေါ်ကို ကြိုက်နှစ်သက်၍ အတွေးအခေါ်ဟောင်းများကို ဆက်လက် ကျင့်သုံးနေခြင်းမျိုးလော ဝေခွဲ၍ မရနိုင်တော့ပါ။ ̏ပျံလေတဲ့ငှင်ခါး နားခါမှသိမယ်˝ ဆိုတာဟာ သူနားတဲ့အခါမှာ သူရဲ့သရုပ်သကန်များကို ပေါ်လွင်လာတာကြောင့် သူဘယ်လဲ ဆိုတာ သိလာရခြင်းမျိုးဟုလည်း ပြောဆိုနိုင် ခြင်းပါ။ ဘယ်အစိုးရပဲတက်တက် အတိုက်အခံချည်း ပြုလုပ်နေခြင်းဟာ သူတို့ရဲ့ပေါ်လစီများ ဖြစ်နေလေရော့ သလားဆိုတာ ခွဲခြားမသိနိုင်တော့ပါ။
ကံရဲ့နိယာမတရားသဘောတစ်ခုမှာ စေတနာမှန်ဖြင့် ပြုလုပ်ခဲ့တဲ့အမှုကိစ္စတိုင်းမှာ စစ်မှန်တဲ့ စေတနာရဲ့ အကျိုးတရားဆိုတာ မလွဲမသွေ ဖြစ်ပေါ်လာခြင်းပါ။ တိုင်းပြည်အတွက် စေတနာမှန်နှင့် တိုက်ပွဲဝင်ခဲ့သူတိုင်း အတွက် တိုင်းပြည်က ထိုသူများအား နွေးထွေးစွာဖြင့် လက်ကမ်းကြိုဆိုလျှက်ရှိနေခြင်းပါ။ စစ်မှန်တဲ့ ဒီမိုကရေစီ နိုင်ငံမျိုး ဖြစ်ပေါ်လာနိုင်ဖို့ စစ်မှန်တဲ့ ဒီမိုကရေစီစနည်းများကို မှန်မှန်ကန်ကန် ဖေါ်ထုတ်နိုင်ဖို့ဆိုတာဟာ တိုင်းပြည်တွင်းမှာ နေသူများ (ပြည်ပမှာနေသူများလည်းပါဝင်) အားလုံးရဲ့ တာဝန်ဆိုတာ သိနားလည် ထားနိုင်ကြဖို့ပါ။ ချမ်းသာစွာ အိပ်စက်နိုင်ကြပါစေ။
ဒေါက်တာဓမ္မပိယ (ITBMU)
Labels: Ashin Dhammapiya, Variety Article
7th April 2013 - MoeMaKa Radio
ဧပြီ ၇၊ ၂၀၁၃ - မိုးမခရေဒီယို ဆစ်ဒနီ
ဖန်တီးသူတို့ နှလုံးသားနဲ့ ကျနော့်ကျန်းမာရေးများ - ဦးပန်တျာ
သတင်းတိုထွာ၊ သီချင်းပဒေသာ
ဦးဘုန်း ဓာတုရဲ့ အကောင်းဆုံး တနာရီ စာပေဟောပြောပွဲ
စီစဉ်သူများ - ဦးပန်တျာ၊ နှင်းမြတ်ခိုင်
(မိုးမခပရိသတ်များက အသိပေးချင်တာက မိုးမခရေဒီယိုအစီအစဉ် တာဝန်ခံ ဦးပန်တျာနဲရဲ့ ကျန်းမာရေးအခြေအနေကြောင့် နောင်တွင် ရေဒီယိုအစီအစဉ်များ အပြောင်းအလဲ အလျော့အတင်း ရှိပါလိမ့်မယ်။ သတင်းတာဝန်ခံ နှင်းမြတ်ခိုင်က တာဝန်ယူဆောင်ရွက်မှုများ ရှိသလို အခြားပြင်ဆင်မှုများ ပြုလုပ်သွားမှာဖြစ်ပါတယ်။ မိုးမခရေဒီယိုရဲ့ တာဝန်ခံ ဦးပန်တျာ အမြန်ဆုံး ကျန်းမာလာစေဖို့ ဆုတောင်းပေးလိုက်ကြပါစုို့။ ။)
(မိုးမခမှတ်ချက် - မိုးမခရေဒီယို (ဆစ်ဒနီ)အစီအစဉ်တွင် သတင်းထည့်သွင်းခြင်း၊ ကြော်ငြာများ ထည့်သွင်းခြင်းတို့အတွက် ဦးပန်တျာတို့ မိုးမခရေဒီယိုအဖွဲ့သို့upantra@gmail.com အီးမေးဖြင့် ဆက်သွယ်နိုင်ပါကြောင်း)
Labels: Radio Program
Burmese Thagyan in Japan
ကိုထွန်းဝေ၊ (ဂျပန်)၊ ဧပြီ ၇၊ ၂၀၁၃
ယနေ့ တိုကျိုသင်္ကြန်ပွဲလုပ်ဖို့ ရုံးကလူတွေနဲ့ တိုကျိုသင်္ကြန်ပွဲကိုရောက်ခဲ့ ပါတယ်။တော်တော်လေး စည်ပါတယ်။ ကဲကြတဲ့သူတွေလည်း အများကြီးပဲ။ သောက်ကြ၊ ဆိုကြ၊ တီးကြ၊ကကြ နဲ့ပေါ့။ ပျော်ဖို့ကောင်းတယ်။
(၂၂)ကြိမ်မြောက် မြန်မာရိုးရာ တိုကျိုအတာသင်္ကြန်ပွဲတော်ကို ဧပြီလ(၇)ရက်နေ့ တိုကျိုမြို့HIBIYA ပန်းခြံမှာ နံနက် ၁၀း၃၀ နာရီ မှ ညနေ ၅း၀၀ နာရီအထိ မြန်မာ့ဒီမိုကရေစီအဖွဲ့ချုပ်(LDB) မှတာဝန်ယူ ဦးစီး၍ စည်းကား သိုက်မြိုက်စွာ ကျင်းပပြုလုပ်ခဲ့ပါတယ်။ အတာသင်္ကြန်ပွဲတော်ဖွင့်ပွဲအစီအစဉ်ကို ရိုးရာမပျက် မြန်မာများ တက်ရောက်ခဲ့တဲ့အပြင် ဂျပန်မှာရှိကြတဲ့တိုင်းရင်းသားတွေလည်း တွေ့ ခဲ့ရပါတယ်။ အခြားနိုင်ငံခြားသားများလည်း တွေ့ ခဲ့ရပါတယ်။တိုကျိုမှာတော့ သင်္ကြန်ပွဲကို မြန်မာ့ရိုးရာ အစားအစာတွေနဲ့  စုံစုံလင်လင် ရောင်းချပေးတာတွ့ရပါတယ်။
မြန်မာလူမျိုးတွေအများကြီး အခုလိုစုစည်းတဲ့ပွဲမျိုးကို ရောက်တော့ မြန်မာပြည်ကိုပြန်ချင်စိတ်တွေ၊ လွမ်းတဲ့စိတ်တွေပိုဖြစ်လာတယ်။ တေးဂီတအစီအစဉ်တွေမှာတော့အငြိမ့် ၊ မင်္ဂလာဒိုးသံချပ်နဲ့  အခြားတီးဝိုင်းတွေ တော်တော်စုံလင်ပြီး မိုးလင်းမှ မိုးချုပ်အထိဖျော်ဖြေခဲ့ကြပါတယ်။ဘ၀သရုပ်ဖေါ်တွေကို ထိထိမိမိ တင်ဆက် ဖျော်ဖြေသွားခဲ့ရာဂျပန်ရောက်ပရိတ်သတ်များ အထူးနှစ်ခြိက်အားပေးခဲ့ကြတာကို မျက်ဝါးထင်ထင်တွေ့ ရပါတယ်။အစားအစာများကတော့ စုံလင်တော့ ပုံမှာပြထားတဲ့အတိုင်းတွေ့ ရမှာပါ။ အစားအသောက်ဆိုင်များအားလုံးနီးပါး ရောင်းအားများ ကောင်းခဲ့ကြပါတယ်.ဂျပန်နိူင်ငံမှာ မြန်မာလူမျိုးများဦးစီးကျင်းပပြုလုပ်သည့် ပွဲတော်များအနက် အစည် ကားဆုံးပွဲ ဖြစ်ကြောင်းရေးသားလိုက်ရပါတယ်.။
ဗွီဒီယိုကြည့်ရန် http://www.youtube.com/user/zayyar20283?feature=watch
ဗွီဒီယိုကြည့်ရန် http://www.youtube.com/user/zayyar20283?feature=watch
ဓါတ်ပုံများကြည့်ရန် http://tunwai-states.blogspot.jp/2013/04/2013_7.html
သတင်း - ဓါတ်ပုံ ဗွီဒီယို ကိုထွန်းဝေ။ 7.4.2013
Labels: Local News Headlines
April 5th - 311 AI - Get on the Bus for Human Rights
AI ၏ ဧပြီ ၅၊ လူ့အခွင့်အရေးဘတ်စ်ကား လှုပ်ရှားမှု မြန်မာပြည်အတွက်လည်း ပါဝင်
မိုးမခဓာတ်ပုံသတင်း၊ ဧပြီ ၇၊ ၂၀၁၃
Get on the Bus for Human Right (GOTB) အမည်နဲ့ လူ့အခွင့်အရေးလှုပ်ရှားမှု နှစ်စဉ် ပညာပေးအစီအစဉ်ကို အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ကြီးရဲ့ အမေရိကန်ဌာနခွဲတခုဖြစ်တဲ့ http://www.amnesty133.org/ (Amnesty International Group 133) က ဧပြီ ၅ က လှုံဆော်ဆောင်ရွက်ခဲ့ပါတယ်။ ကျောင်းသား လူငယ်ပေါင်း ၁၂၀၀ ကျော် ပါဝင်ပြီး သည်နှစ်အတွက် ဦးတည်ချက်ကတော့ လူ့အခွင့်အရေးလွတ်လပ်မှုအတွက် အရေးပေါ်လုိုအပ်နေတဲ့ နို်င်ငံ ၅ နိုင်ငံအကြောင်းကို လှုံဆော် ဆန္ဒပြလှုပ်ရှားမှု ပြုကြတာဖြစ်ပါတယ်။
အာဖရိကတိုက်က တောင်အာဖရိက၊ ဆူဒန်၊ အာရှက တိဗက်၊ သီရိလင်္ကာနဲ့ မြန်မာပြည်တို့အရေးကို လှုံဆော်ခဲ့ကြတာ ဖြစ်ပါတယ်။ နယူးယောက်မြို့တော်၊ ၇ လမ်းက The Cooper Union မှာ စုဝေးကြပြီးနောက် နယူးယောက်မြို့တော်ရှိ ကုလရုံးချုပ်နှင့် ဆိုင်ရာသံရုံးများရှေ့သို့ ဘတ်စ်ကားများဖြင့် စုဝေးသွားရောက်၍ ဆန္ဒပြလှုံ့ဆော်မှုများ ပြုခဲ့တာကို တွေ့ရပါတယ်။
မြန်မာပြည်အရေးနဲ့ ပတ်သက်ပြီးတော့ speaker (ကိုယ်စားပြုစကားပြောသူ) အဖြစ် မြန်မာပြည်က နိုင်ငံရေးအကျဉ်းသားဟောင်း၊ အင်န်အယ်ဒီလူငယ်ခေါင်းဆောင်ဟောင်း၊ ကိုနေတင်မြင့်ကို ဆောင်ရွက်ခဲ့ပါတယ်။ မြန်မာပြည်တွင်းက အကျဉ်းထောင်တွေမှာ နိုင်ငံရေးအကျဉ်းသားများ နှိပ်စက်ညှင်းပန်းခံခဲ့ရပုံများကို ကိုယ်တွေ့အဖြစ်များနဲ့ ဟောပြောခဲ့ပါတယ်။ လက်ရှိ မြန်မာပြည်တွင်းက နိုင်ငံရေးအကျဉ်းသား ဦးရေ ၂၀၀ ကျော် ကျန်ရှိနေသေးတာအတွက် လွတ်မြောက်ရေး တောင်းဆိုမှုများ တိုးမြှင့်ကြဖို့ တိုက်တွန်းခဲ့ပါတယ်။
Labels: News in Photos
Than Win Hlaing - Articles
သမိုင်းတကွေ့မှ နိုင်ငံခြားသားများ
သန်းဝင်းလှိုင်
ဧပြီ ၇၊ ၂၀၁၃
● ဂျပန်ဘုန်းတော်ကြီး နာဂါအီစံ
ရဲဘော်သုံးကျိပ်ဟူသည် နယ်ချဲ့ဗြိတိသျှတို့၏ သူ့ကျွန်ဘ၀အောက်တွင် ပြားပြားမှောက်ဝပ်စင်းနေသော မြန်မာတမျိုးသားလုံး လွတ်လပ်ရေးအတွက် အသက်သွေးဖြင့် ရင်း၍ ဆောင်ရွက်ခဲ့ကြသော မျိုးချစ်မြန်မာလူငယ်တစ်စုဖြစ်သည်။ ဗိုလ်ချုပ် အောင်ဆန်းဦးဆောင်သော ရဲဘော်သုံးကျိပ်ဝင်များ ဂျပန်တို့ထံတွင် စစ်ပညာသင်ကြားရေးနှင့် လက်နက်အင်အား ရယူနိုင်ရန် အဓိကနေရာမှ စီမံခဲံ့သူမှာ ဂျပန်ဘုန်းတော်ကြီး နာဂါအီစံဖြစ်သည်။ နာဂါအီစံသည် ဂျပန်ဗုဒ္ဓဘာသာ ဒိုချိရင်းဂိုဏ်းဝင်ဖြစ်သည်။ နာဂါအီစံသည် အင်္ဂလိပ်လက်ထက်ကပင် မြန်မာနိုင်ငံသို့ ရောက်ရှိနေသူဖြစ်သည်။ ထိုစဉ်က ရွှေတိဂုံစေတီတော်ပေါ်တွင်ကြေးစည်ကလေးတီးတီးပြီး ၀တ်ပြုနေသူဖြစ်ကြောင်း ဆရာပါရဂူက ပြောပြဖူးသည်။ သူနှင့်အတော် ပင် ရင်းနှီးသည်ဟု ဆိုသည်။ အင်္ဂလိပ်လက်ထက်တွင် ဂျပန်အစိုးရသည် မြန်မာနိုင်ငံတွင် ဓာတ်ပုံဆရာအဖြစ်ဖြင့် လည်းကောင်း၊ ကုန်သည်အဖြစ်ဖြင့်လည်းကောင်း၊ သတင်းထောက်အဖြစ်ဖြင့်လည်းကောင်း၊ ကမ္ဘာလှည့်ခရီးသည်တစ်ဦး အဖြစ်ဖြင့် လည်းကောင်း၊ ဘုန်းကြီးအဖြစ်ဖြင့်လည်းကောင်း စပိုင်များစေလွှတ်ခဲ့သည်။ ယင်းစပိုင်များထဲတွင် နာဂါအီစံသည် ဘုန်းကြီးစပိုင်ဖြစ်သည်။
နာဂါအီစံကို ၁၉၀၇ ခုနှစ် ဖေဖော်ဝါရီလ ၂၈ ရက် ကြာသပတေးနေ့တွင် ဂျပန်နိုင်ငံ ကျိုရိုခရိုင်အာယားဘဲ့မြို့၏ မြောက်ဘက် ၈ ကီလိုမီတာခန့် ဝေးကွာသော မိုနိုဘဲ့ရွာကလေးတွင် အဖ တောစုတားရော နှင့် အမိ ရှောတောတို တို့မှ ဖွားမြင်သည့် ဒုတိယမြောက် သားဖြစ်သည်။ နာဂါအီစံ၏ ဖခင်မှာ ဆရာဝန်တစ်ဦးဖြစ်ပြီး အသက် ၄၀ အရွယ်တွင် ကွယ်လွန်သွားခဲ့သည်။
နာဂါအီစံသည် ၁၉၃၁ ခုနှစ်၌ ကျိုတိုမြို့ မြောရှင်းဂျီကျောင်းထိုင်ဘုန်းကြီးသင်ကျောင်းတွင် သင်တန်းတက်ရောက် ခွင့် ရသော်လည်း တစ်ဝက်တစ်ပျက်ဖြင့် ကျောင်းမှထွက်ခဲ့ရလေသည်။
၁၉၃၂ ခုနှစ်တွင် နာဂါအီစံသည် ကျိုတိုမြို့တွင် ၀ါအရင့်ဆုံးဖြစ်သော ဒိုင်းဟွန်းမြောကင်းဂျီဘုန်းတော်ကြီးကျောင်း ၏ ဂိုဏ်းအုပ် ကာဝအီနိရှင်းဂေးဆရာတော်၏ ထံပါးတွင် ချဉ်းကပ်၍ တရားဒေသနာများကို ထပ်လောင်းလေ့လာခဲ့ပြန်သည်။
နာဂါအီစံသည် ဆရာတော် ဖူဂျီအီစံ၏ အလယ်အလတ်ကျသော ကျင့်ကြံမှုကို အားကျသည့်အတွက် ဆရာတော်နှင့်အတူ ရှန်ဟိုင်း၊ စင်္ကာပူဒေသများသို့ လှည့်လည်ကာ ၁၉၃၃ ခုနှစ်၌ ပီနံ၊ သီဟိုဠ် (သီရိလင်္ကာ) စသည့် တိုင်းပြည်များအထိ ခြေဆန့်ခဲ့လေသည်။
၁၉၃၄ ခုနှစ် မေလ ၂၀ ရက်နေ့တွင် ဆရာတော် ဖူဂျီအိစံထံမှ 'ကောဂျီအင်နိကျိအောဂျောဂျင်"ဟူသော ဘွဲ့တံဆိပ် ကို ခံယူပြီးနောက် နာဂါအိစံသည် နိချိရင်းဗုဒ္ဓရုပ်ပွားတော်ကို ပင့်ဆောင်လျက် မြန်မာနိုင်ငံသို့ ရောက်ရှိခဲ့လေသည်။
နာဂါအီစံသည် ရန်ကုန်မြို့ ရန်ကုန်တိုင်း ကမာရွတ်မြို့နယ်တွင် ကျောင်သင်္ခမ်းတစ်ခု ဆောက်၍ သီတင်းသုံးသည်။ နာဂါအီစံ၏ ကျောင်းသင်္ခမ်းမှာ ရန်ကုန်တက္ကသိုလ်နှင့် မလှမ်းမကမ်းတွင် ရှိလေသည်။
၁၉၄၁ ခုနှစ် သြဂုတ်လ ၂၈ ရက်နေ့ ရောက်သောအခါ နာဂါအီစံသည် ရုတ်တရက် မြန်မာနိုင်ငံကာကွယ်ရေး အက်ဥပဒေပုဒ်မ ၂၆ အရ အဖမ်းခံရပြီး အင်းစိန်ထောင်တွင်း၌ အကျဉ်းကျခံခဲ့ရလေသည်။
နာဂါအီစံလည်း ချက်ချင်းပင် မြန်မာနိုင်ငံ ဘုရင်ခံ ဆာဒေါ်မန်စမစ်ထံသို့ မတရားဖမ်းဆီးချုပ်နှောင်မှုကို ကန့်ကွက်စာပေးပို့ခဲ့ပြီး ရက်ပေါင်း ၇၂ ရက်တိုင်တိုင် အစာအငတ်ခံဆန္ဒပြခဲ့သည်။ သို့သော်လည်း နာဂါအီစံ၏ နှာခေါင်းမှ တဆင့် ပိုက်ဖြင့် အစာသွတ်သွင်းခဲ့မှုကြောင့် အသက်မသေဘဲ ရှိခဲ့ရလေသည်။ သို့ဖြင့် နိုဝင်ဘာလ ၉ ရက်နေ့တွင် အင်္ဂလိပ်အစိုးရက နာဂါအီစံအား ပြည်နှင်ဒဏ်ခတ်ခဲ့သောကြောင့် နိကျိအဲဒမာရု သင်္ဘောဖြင့် မြန်မာနိုင်ငံမှ ထွက်ခွာလာခဲ့ရာ နိုဝင်ဘာလ ၂၁ ရက်နေ့တွင် ကိုဘိဆိပ်ကမ်းသို့ ဆိုက်ရောက်ခဲ့ရသည်။
မကြာမီမှာပင် ဒီဇင်ဘာလ ၈ ရက်နေ့၌ ဂျပန်ဗဟိုစစ်ဦးစီးဌာနချုပ်က အာရှတောင်ပိုင်းစစ်မျက်နှာတပ်မတော် စစ်သေနာပတိချုပ် ဗိုလ်ချုပ်ကြီးနေရာဥချိ (Field Marshall Hisaichi Terauchi) အား မြန်မာနိုင်ငံတောင်ပိုင်းရှိ ရန်သူစစ် လေယာဉ်ကွင်းများကို တိုက်ခိုက်သိမ်းပိုက်ရန် စစ်မိန့်ပေးခဲ့သောကြောင့် မြန်မာနိုင်ငံအား စတင်ထိုးစစ်ဆင် တိုက်ခိုက်ခဲ့လေ သည်။
ထိုအချိန်အတွင်း စစ်သင်တန်းအမျိုးမျိုးကို ခက်ခဲပင်ပန်းစွာသင်ယူပြီးနောက် မြန်မာနိုင်ငံ ရဲဘော်သုံးကျိပ်ဝင် များသည် ထိုင်းနိုင်ငံဘန်ကောက်မြို့တွင် စောင့်ဆိုင်းကာ မိမိတို့၏ နိုင်ငံသို့ ၀င်ရောက်နိုင်ရေးအတွက် ဂျပန်အစိုးရမှ ချမှတ်လာမည့် အမိန့်ကို ရင်တမမနှင့် စောင့်မျှော်နေခဲ့ကြရပေသည်။ သို့သော်လည်း ထိုအမိန့် ကျမလာမီ ဒီဇင်ဘာလ ၈ ရက်နေ့တွင် ပစိဖိတ်သမုဒ္ဒရာစစ်ပွဲကြီး စတင်ပေါ်ပေါက်လာသောကြောင့် အခြေအနေမှာ တမျိုးတဖုံပြောင်းလဲရ တော့သည်။
မီနာမီကီကန်အဖွဲ့ကြီး၏ မူဝါဒများသည်လည်း အကြီးအကျယ်ပြောင်လဲလာခဲ့တော့သည်။ ထို့နောက် ဒီဇင်ဘာလ ၂၃ ရက်နေ့တွင် မီနာမီကီကန် အဖွဲ့ကို တောင်ပိုင်းတပ်မတော်လက်အောက်မှ ဂျပန်အမှတ် ၁၅ တပ်မတော်၏ လက်အောက်သို့ လွှဲပြောင်းယူခဲ့သည်။
ယင်းနောက် ထိုင်းနိုင်ငံ ဘန်ကောက်မြို့သို့ ရောက်ရှိနေသော မြန်မာမျိုးချစ်လူငယ် ၂၀၀ ကျော်နှင့် ရဲဘော် သုံးကျိပ်ဝင်များကို ဗဟိုပြု၍ ၁၉၄၁ ခုနှစ် ဒီဇင်ဘာလ ၂၇ ရက်နေ့တွင် ဗမာ့လွတ်လပ်ရေးတပ်မတော် (B.I.A) ကို ဖွဲ့စည်းခဲ့ ပြီးနောက် ၁၉၄၂ ခုနှစ် ဇန်န၀ါရီလ မြန်မာနိုင်ငံတွင်းသို့ ရေကြောင်း၊ ကြည်းကြောင်းဖြင့် စတင်ဝင်ရောက်တိုက်ခိုက်ခဲ့သည်။ ဘုန်းတော်ကြီးနာဂါအီစံသည် ၁၉၄၂ ခုနှစ် ဇန်န၀ါရီလ ၁၆ ရက်နေ့တွင် ဂျပန်တပ်များနှင့်အတူ မြန်မာနိုင်ငံသို့ ဒုတိယအကြိမ် ရောက်ရှိလာခဲ့ပြန်သည်။
၁၉၄၂ ခုနှစ် ဇန်န၀ါရီလ ၂၂ ရက်တွင် အမှတ် ၅၅ ဂျပန်တပ်မသည် ယိုးဒယား မြန်မာနယ်စပ်ကို ဖြတ်ကျော်၍ ကော့ကရိတ်မြို့ကို သိမ်းပိုက်ခဲ့သည်။ ယင်းနောက် ၁၉၄၂ မတ်လ ၈ ရက်နေ့တွင် အမှတ် ၂၁၅ ဂျပန်ခြေလျင်တပ်မကြီးနှင့် ဗမာ့လွတ်လပ်ရေးတပ်မတော်တို့ နံနက် ၁၀း၀၀ နာရီတွင် ရန်ကုန်မြို့သို့ ၀င်ရောက်သိမ်းခဲ့ကြသည်။ ရန်ကုန်မြို့ကို ၀င်ရောက်သိမ်းပိုက်ပြီးနောက် တစ်နေ့၌ပင် အမှတ် ၁၅ ဂျပန်တပ်မတော်၏ စစ်သေနာပတိချုပ် ဒုတိယဗိုလ်ချုပ်ကြီး ရှိုဂျီရိုအီးဒါး (Lieut-Gen. Shajiro Iida) သည် ရန်ကုန်မြို့သို့ ရောက်ရှိလာခဲ့သည်။
နာဂါအီစံသည် ၁၉၄၁ ခုနှစ် နိုဝင်ဘာလတွင် မြန်မာနိုင်ငံမှ ဗြိတိသျှအစိုးရ၏ ပြည်နှင်ဒဏ်ခံခဲ့ရပြီးနောက် "မြန်မာ့ ငရဲခန်း မှတ်တမ်း" အမည်ပေးထားသော စာအုပ်တစ်အုပ်ကို ရေးသားခဲ့လေသည်။ ၁၉၄၂ ခုနှစ် ဖေဖော်ဝါရီလ ၂၀ ရက်နေ့တွင် ထုတ်ဝေခဲ့သောကြောင့် နာဂါအီစံ ဒုတိယအကြိမ် မြန်မာနိုင်ငံသို့ ပြန်သွားသည့် ၁၉၄၂ ခုနှစ် ဇန်န၀ါရီလ အလယ်ပိုင်းအကြား တိုတောင်းလှသော ၂လတာကာလအချိန်အတွင်း ရေးသားခဲ့ခြင်းဖြစ်သည်။ ဤစာအုပ်မှာ နာမည်ပေး ထားသည့်အတိုင်း အင်းစိန်ထောင်တွင်း၌ ၇၂ ရက်ကြာ အစာငတ်ခံဆန္ဒပြခဲ့သည့် ငရဲတမျှ အတွေ့အကြုံများကို အခြေခံ၍ မှတ်တမ်းတင်ထားခြင်းဖြစ်သည်။
ဤစာအုပ်ကို ဖတ်ကြည့်ခြင်းအားဖြင့် နာဂါအီစံသည် ရန်ကုန်မြို့မှ လားရှိုးမြို့အထိ မိုင်ပေါင်း ၆၇၀ ခန့်ကို ကုန်းကြောင်းလမ်းလျှောက်ရင်း မှတ်တမ်းတင်ခဲ့ရရှာပေသည်။
ဘုန်းတော်ကြီး နာဂါအီစံနှင့် ပတ်သက်၍ "အောတခုဆိုးအိကျိ" ရေးသားသော 'စီးဆင်းနေသော မီးတောက်များ' စာအုပ်ထဲတွင် -
"မြန်မာနိုင်ငံ၌ စစ်ကြီးမဖြစ်ပွားမီ နှစ်အတော်များများကပင် ဂျပန်နိုင်ငံ ဆန်းမြောဟောဂျီဘုရားကျောင်းမှ နာဂါအီစံ သည် ယပ်တောင်နှင့် စည်ကလေးတစ်လုံးကို တီးခတ်ကာ တစ်အိမ်တက်တစ်အိမ်ဆင်း ၀င်ထွက်သွားလာနေခဲ့ပေသည်။ တစ်ဖက်မှလည်း ကုန်သည်ယောင်၊ သတင်းထောက်ယောင်ဆောင်ထားကြသော ဂျပန်သူလျှိုများကို သတင်းစုဆောင်း၍ အကူအညီများစွာ ပေးခဲ့ပေသည်။ ယခုအခါ မြန်မာအမျိုးသားခေါင်းဆောင်ဖြစ်လာသော ဗိုလ်ချုပ်အောင်ဆန်းအပါအ၀င် ရဲဘော်သုံးကျိပ်ဝင်များအား ဂျပန်နိုင်ငံသို့ တိတ်တဆိတ်ပို့ဆောင်၍ စစ်ပညာသင်ကြားနိုင်ရန် စီမံပေးခဲ့သူမှာလည်း နာဂါအီစံပင် ဖြစ်ပေသည်" ဟူ၍ ရေးသားထားမှုကြောင့် သူသည် စပိုင်တစ်ဦးဖြစ်ကြောင်း အတိအကျ ပြောနိုင်ပေသည။်
ထို့အပြင် စစ်အတွင်း ဂျပန်ရုပ်သေးအစိုးရတွင် အဓိပတိတာဝန်ထမ်းဆောင်ခဲ့သော ဒေါက်တာဘမော် ရေးသားခဲ့ သည့် 'ရုန်းထွက်ခဲ့ရသော မြန်မာနိုင်ငံ' (Breakthrough in Burma) စာအုပ်ထဲတွင် နာဂါအီစံနှင့်ပတ်သက်၍-
"နာဂါအီစံသည် ဘုန်းတော်ကြီးဟန်ဆောင်လျက် ဂျပန်ထောက်လှမ်းရေးအဖွဲ့ကြီးနှင့် အတွင်းကျကျ ဆက်သွယ် နေသည်။ ရန်ကုန်တွင် သူ့ကို ခပ်ကြောင်ကြောင်ပုဂ္ဂိုလ်တစ်ဦးအဖြစ် နားလည်ထားကြသည်။ သို့သော်လည်း သူသည် လူသိများသည်။ ရန်ကုန်မြို့ရှိ ဘုရားပေါင်းစုံသို့ လှည့်လည်သွားလာနေပြီး သူ့ထံ ၀ိုင်းအုံလာသော လူအများကို ရွတ်ဖတ်သရဇ္ဈာယ်ရင်း ထူးထူးဆန်းဆန်း ခေါင်းလောင်းကလေးတစ်ခုကို တီးပြတတ်သည်။
သို့တိုင် ထိုသူကား ဂျပန်ထောက်လှမ်းရေးတစ်ဦးဖြစ်ပြီး ဒေါက်တာသိမ်းမောင်နှင့် ရင်းနှီးသူလည်း ဖြစ်သည်။ ကျွန်ုပ်တို့၏ ဇာတ်လမ်းတွင် နာဂါအီစံပါဝင်သည့်အခန်းမှာ သေးငယ်၍ လျှပ်တပြက်သာ ပါဝင်ခဲ့သော် လည်း နောက်ပိုင်း ဇာတ်အချိတ်အဆက်များအတွက် သူသည် အဓိကနေရာမှ ပါဝင်ခဲ့သည်။ သူ့အနေနှင့် ရဟန်တပါးဖြစ်သည့်အလျောက် မြန်မာအိမ်များတွင် ဆွမ်းခံနိုင်သည့်အတွက် မည်သူမျှ သူ့ကို သံသယမရှိကြပေ။ ထိုနည်းဖြင့် ဒေါက်တာသိန်းမောင်နှင့် ကာနယ် စူဆူကီးတို့အကြားတွင် ဆက်သွယ်ပေးခဲ့သည်။" ဟူ၍ ရေးသားဖော်ပြထားလေသည်။
အင်္ဂလန်ပြည်ရှိ အိန္ဒိယပိုင်းဆိုင်ရာ စာကြည့်တိုက်မှတ်တမ်းထဲ၌လည်း မြန်မာနိုင်ငံရှိ 'ဂျပန်လှုပ်ရှားမှုမှတ်တမ်း'
(၁၉၃၇-၁၉၄၀) ဟူသော အပိုင်းတွင် နာဂါအီစံသည် စပိုင်လုပ်ငန်းများကို တက်ကြွစွာ လှုပ်ရှားနေခဲ့သည်ဟု ဖော်ပြထားသည်။
ထို့နောက် ဘုန်းတော်ကြီးနာဂါအီစံသည် ၁၉၄၅ ခုနှစ် ဧပြီလကုန်အထိ မြန်မာနိုင်ငံတွင် နေထိုင်၍ ဂျပန်စစ်တပ် မြန်မာနိုင်ငံမှ ဆုတ်ခွာသည့်နောက်ဆုံးစစ်ကြောင်းနှင့်အတူ မြန်မာ-ထိုင်းနယ်စပ်ကို ဖြတ်ကျော်ကာ ဂျပန်နိုင်ငံသို့ ဘန်ကောက်မြို့မှတဆင့် ပြန်လည်ထွက်သွားသည်။
သို့ကလို နောင်တွင် ရဲဘော်သုံးကျိပ်ဝင်များဖြစ်လာမည့် မြန်မာ့မျိုးချစ်လူငယ်များအား ဟိုင်နန်ကျွန်းတွင် စစ်ပညာသင်ကြားရန် အဓိကနေရာမှ ပါဝင်စီမံပေးခဲ့သော နာဂါအီစံသည် အသက် ၆၇ နှစ် အရွယ် ၁၉၇၄ ခုနှစ် မတ်လ ၂၀ ရက်နေ့တွင် ကျိုတိုမြို့၌ ကွယ်လွန်အနိစ္စရောက်သွားခဲ့လေသည်။
Labels: သန်းဝင်းလှိုင်
Zaw Htet (Pyinmanar) - Poem
မြန်မာနွေဦး အလွမ်း
ဇော်ထက် (ပျဉ်းမနား)
ဧပြီ ၇၊ ၂၀၁၃
ပန်းတစ်ပွင့် နှစ်ပွင့်
နွမ်းလွင့်လွင့် ကြွေကာကျမှာစိုး
နန်းမြင့်မြင့်
တမ်းချင့်ချင့်နွေမှာတ ကဗျာမိုးနဲ့
အနမ်းဖြင့် သခင့်
လွမ်းတနင့်နင့်နှင့် တစ်ပြည်မှာ ညအခါနိုးခဲ့ရပြီ။ ။
(ပန်းကလေးတွေကြွေသလို အသက်တွေ မဆုံးရှုံးကြရပါစေနဲ့ဟု)
သရုပ်ဖော်ပန်းချီအား ဤနေရာမှ ယူပါသည်။
Labels: ဇော်ထက် (ပျဉ်းမနား)
Kyaw Thu - FFSS Yangon Activity,
ဟိတ်! ကိုယ့်တာဝန် . . . ကိုယ်ယူ
ကျော်သူ (နာရေးကူညီမှုအသင်း - ရန်ကုန်)
ဧပြီ ၇၊ ၂၀၁၃
"စည်းကမ်း" ဟူသည် နိုင်ငံတစ်နိုင်ငံ၊ လူမျိုးတစ်မျိုး၊ လူ့အဖွဲ့အစည်းတစ်ခု၏ စံပြုစရာ မှတ် ကျောက်တစ်ခုပင်ဖြစ်သည်။ နိုင်ငံတစ်ခု၏ လူ့နေမှုအဆင့်အတန်း၊ ယဉ်ကျေးမှုအဆင့်အတန်းနှင့် ဖွံ့ဖြိုးမှု တို့ကို သိလိုပါလျှင် ထိုနိုင်ငံ၏ သတ်မှတ်ထားသော စည်းမျဉ်း၊ စည်းကမ်းများကို တိုင်းသူပြည်သားများ မည်သို့မည်မျှ လိုက်နာကျင့်သုံးကြသည်ကို ကြည့်ရုံဖြင့် ယေဘူယျအားဖြင့် သိရှိနိုင်ကြပေသည်။ ထို့ ကြောင့်နိုင်ငံ၊ လူမျိုး၊ အသင်းအဖွဲ့များ ဖွံ့ဖြိုးတိုးတက်ရန်အတွက် အရေးကြီးဆုံးသောအရာများထဲတွင် စည်း ကမ်းသည်လည်း အဓိကအခန်းကဏ္ဍမှ ပါဝင်လျှက်ရှိသည်ကို မိဘပြည်သူများအားလုံး လက်ခံကြလိမ့်မည် ဟု ယုံကြည်ပါသည်။ ထို့ကြောင့်ကျွန်တော်တို့ နာရေးကူညီမှုအ သင်း(ရန်ကုန်)သည်လည်း အများပြည်သူ အား ကူညီနေသော၊ တိုင်းပြည်၏ တာဝန်တစ်စိတ်တစ်ပိုင်းအား မျှဝေထမ်းပိုးနေသော မိဘပြည်သူ အပေါင်းတို့၏ နေ့စဉ်ကြုံတွေ့နေရသော လူမှုဒုက္ခများကို မျှဝေခံစား ကူညီဖေးမနေသော အသင်းအဖွဲ့ တစ်ခုဖြစ်သည်နှင့်အညီ ထို "စည်းကမ်း" ဟူသော လူသားတိုင်း လိုက်နာကျင့်ကြံကြရမည့် "စံ" တစ်ခုအား လက်ကိုင်ပြုကာ ကူညီပေးဆပ်လာခဲ့သည်မှာ (၁၂) နှစ်ခရီးအား ကျော်လွန်လာခဲ့ပြီဖြစ်သည်။
၂ဝ၁၃ ခုနှစ်၊ ဧပြီလ (၆) ရက်နေ့တွင်လည်း ကျွန်တော်တို့ နာရေးကူညီမှုအသင်း(ရန်ကုန်)၏ အသင်းသူ/သားများနှင့် အများပြည်သူတို့အတွက် "စံ" ပြုစရာလေးစားအားကျ အတုယူဖွယ်ရာ စည်းကမ်း တစ်ခုအား မျက်ဝါးထင်ထင် တွေ့မြင်ခဲ့ရပါတော့သည်။ ယနေ့ နေ့လည် (၁၁းဝဝ) နာရီခန့်တွင် နာရေး ကူညီမှုအသင်း(ရန်ကုန်) အမှတ် ၁၃/က၊ ဗိုလ်မှူးဗထူးလမ်း၊ ၄၂ ရပ်ကွက်၊ မြောက်ဒဂုံမြို့နယ်သို့ အင်္ဂလန် နိုင်ငံ (Oxford University Student Union) မှ ကျောင်းသားသမဂ္ဂ ဥက္ကဌ (David J.Townsend) ဦးဆောင်၍ နိုင်ငံပေါင်းစုံမှ ကျောင်းသား/သူများ ပါဝင်သောအဖွဲ့သည် နာရေးကူညီမှုအသင်း(ရန်ကုန်)၏ နာရေးကူညီ လုပ်ကိုင်ဆောင်ရွက်နေမှုများ၊ သုခကုသိုလ်ဖြစ်ဆေးခန်းတွင် လူနာများအား ဆေးကုသ ကူညီဆောင်ရွက်နေမှုများ၊ သုခအလင်းစာကြည့်တိုက်နှင့် သုခအလင်းပညာဒါန သင်တန်းများတို့အား စိတ်ဝင်တစား လေ့လာကြည့်ရှု့ကာ သိလိုသည့်အချက်များအား စိတ်ဝင်တစားမေးမြန်း မှတ်သားနေခဲ့ကြ သည်။ ၄င်းကျောင်းသားများအဖွဲ့တွင် ကျောင်းသားသမဂ္ဂဥက္ကဌ၏ လက်ထဲတွင် ပီနံလက်ဆွဲအိတ် (၁) လုံး အားသွားလေရာတွင် လက်မှမချစတမ်း ဆွဲကိုင်ထားသည်ကို အမှတ်တမဲ့ တွေ့မြင်ခဲ့ရသည်။ ကျွန်တော်တို့ အနေဖြင့် ၄င်း၏ အသုံးအဆောင်ပစ္စည်းတစ်လုံးဖြစ်မည်ဟုသာ ထင်ခဲ့မိလေသည်။ ကျွန်တော်တို့အသင်းမှ တာဝန်ရှိသူများ အသင်းသူ/သားများမှ ၄င်းတို့အား လိုက်လံရှင်းပြ နေကြသောအချိန်တွင် ကျောင်းသား တစ်ဦးမှ ၄င်းသောက်နေသည့် လက်ထဲမှ ရေသန့်ဘူးခွံနှင့် အမှိုက်တစ်ရှုးစများအား ၄င်းအိတ်ထဲသို့ထည့် လိုက်သည်ကို မထင်မှတ်ဘဲ တွေ့မြင်ခဲ့ရသဖြင့် သိလိုသောစိတ်ဆန္ဒကြောင့် မေးမြန်းကြည့်ရာတွင် ၄င်းတို့ သွားလေရာတွင် အသုံးပြုသော ဘူးခွံ၊ ပုလင်းခွံနှင့် အမှိုက်များအားထည့်ရန်အတွက် ၄င်းတို့သွားလေရာ တွင် အမြဲတမ်းယူသွားလေ့ရှိကြောင်းကို ကျွန်တော်တို့အနေဖြင့် အတုယူဖွယ်ရာ တွေ့မြင်ခဲ့ရပါတော့သည်။
ထို့ကြောင့်ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် ကျွန်တော်တို့၏ အသင်းအဖွဲ့ အား ယခုကဲ့သို့ အင်္ဂလန်နိုင်ငံ (Oxford University Student Union)မှ ကျောင်းသူ/သားများ စိတ်ဝင် တစား လာရောက်လေ့လာခြင်းအတွက် ဂုဏ်ယူမိသလို ၄င်းတို့ထံမှ လေးစားအတုယူဖွယ်ရာ စည်းကမ်း တစ်ခုအား တွေ့မြင်ကြရသည့်အတွက်လည်း များစွာဂုဏ်ယူမိပါသည်။ ကျွန်တော်တို့ မြန်မာပြည်သူလူထု တို့အနေဖြင့်လည်း မိမိတို့၏အမှိုက်များ၊ မိမိတို့ အသုံးပြုနေသော စွန့်ပစ်ပစ္စည်းများအား ကိုယ့်တာဝန် ကိုယ်ယူ၍ နိုင်ငံကြီးသားပီသခဲ့ကြသော ကျောင်းသားလူငယ်လေးများအား အတုယူကာ နှစ်ပေါင်း (၆ဝ) ခန့် ဖွံ့ဖြိုးမှုနောက်ကျ ကျန်ရစ်ခဲ့သော ကျွန်တော်တို့ မြန်မာနိုင်ငံ၏ နိုင်ငံသူ/သားများ၊ လူ့အဖွဲ့အစည်းများ၊ လူမှုရေးအသင်းအဖွဲ့များ အနေဖြင့်လည်း ယခုကဲ့သို့ စံပြုစရာ အင်္ဂလန်နိုင်ငံ (Oxford University Student Union)ကျောင်းသား/သူများ၏ စည်းကမ်းလေးအား စံနမှုနာယူ၍ တိုင်းပြည်နိုင်ငံတိုးတက်ရေး၊ လူ့အဖွဲ့အစည်းများတိုးတက်ရေး၊ လူမှုအကျိုးပြုအဖွဲ့အစည်းများ တိုးတက်ရေးအတွက် "စည်းကမ်း" တစ်ခု အားစံပြု၍ ကိုယ့်တာဝန်ကိုယူနိုင်ကြရန် ရည်ရွယ်၍ ခေါင်းစဉ်လေးအား "ဟိတ်! ကိုယ့်တာဝန် … ကိုယ်ယူ" ဟူ၍ ကျွန်တော် ကင်ပွန်းတပ်မိပါတော့သည်။
Labels: Kyaw Thu - FFSS Yangon Activity
News and Media
ရွှေတွံတေးဆရာတော် မဟာချိုင် ယာဉ်တိုက်မှုကြီး ၂ နှစ်ပြည့်ပွဲကြွရောက်
မုိုးမခအထောက်တော်
ဧပြီ ၇၊ ၂၀၁၃
ထိုင်းနိုင်ငံရှိ ရွေှ့ပြောင်းမြန်မာအလုပ်သမားအများဆုံးနေထိုင်ရာ မဟာချိုင်မြို့ တလက်ကွန့် ဂုံးကျော်တံတားအနီးတွင် ၂၀၁၁ ဧပြီလ ၄ ရက်နေ့ က ယာဉ်တိုက်မှုကြီး ဖြစ်ပွါးခဲ့ရာ ၄ .၄. ၂၀၁၃ နေ့ တွင် ၂ နှစ်ပြည့်ကုသိုလ်ပွဲကို စုပေါင်းကျင်းပခဲ့ကြသည်။
ရွှေတွံတေးဆရာတော် ကြွရောက်ပြီး သေဆုံးသွားသူများအတွက် အမျှပေးဝေရေစက်ချခြင်းနှင့် ထိခိုက်ဒဏ်ရာရသူများအတွက် မေတာပို့ ခြင်းများကို စုပေါင်းဆောင်ရွက်ခဲ့သည်။
၁၁. ၄. ၂၀၁၁နေ့ ကလည်း ထိုင်းနှင့်မြန်မာ လာအို ကမောဒီယား ရွေှ့ပြောင်းအလုပ်သမားများ စုပေါင်းပြီး ရက်လည်ဆွမ်းကျွေး ကုသိုလ်ပွဲကို ကျင်းပခဲ့ရာ ရွှေတွံတေးဆရာတော်နှင့် ဒကာဒကာမများ ဗမာ မွန် ရခိုင် ထားဝယ် စသဖြင့်တိုင်းရင်းသား ပေါင်းစုံကုသိုလ်ပြုခဲ့ကြသည်။
၎. ၅. ၂၀၁၁ နေ့ မှာလည်း ၁လ ပြည့်ကုသိုလ်ပွဲနှင့် ဒဏ်ရာရနေသူများကို အားပေးနှစ်သိမ့်ခြင်းကိုလည်း ဆရာတော်နှင့် မဟာချိုင်မိသားစုတို့ ကျင်းပခဲ့ကြသည်။
ယခု ၂ နှစ်ပြည့်ပွဲတွင် ရွှေတွံတေးဆရာတော်က......" လူတိုင်းတနေ့ သေရမှာပဲလို့ သိထားပါ - ဒီသေမယ့်အသိကို မပြတ်ဆင်ခြင်နေရင် ကမဌာန်းဖြစ်ပြီ - သေသေချာချာမှာ ချင်တာက အစွဲအလန်းမထားကြဖို့ ပဲ ဒီလို့ ကြမာဆိုးနဲ့ သေရင် ဧကန်မုချ မကျွတ်ဘူး အစိမ်းသေတာ စသဖြင့် သူပြောငါပြော အရပ်ပြောတွေကို မယုံဖို့  စိတ်မဆင်းရဲကြဖို့ အရေးကြီးတယ် ဘယ်လိုနည်းနဲ့ သေသေ - သူကံအတိုင်းပဲသွားရမှာ သုဂတိ ဒုဂတိ လားကြရမှာ - ကြမာဆိုးနဲ့ ကြုံတဲ့ အရိယာတွေတောင်ရှိပါတယ် - ဗုဒတရားမှာ အထင်အရှားရှိတယ် - ဒါကြောင့် တထစ်ချမစွဲလန်းပဲ ကုသိုလ်တွေသာများများပြုကြပါ။
နောက်တခုက ကျန်ရစ်သူမိသားစုတွေ လျော်ကြေးငွေရဖို့ ကိစ္စကူညီဆောင်ရွက်ပေးနေကြတဲ့ အဖွဲ့ တွေကိုမေတာ ရပ်ခံချင်တယ် ထိရောက်အောင်လည်းလုပ်မြန်မြန်ဆန်ဆန်လည်း လုပ်ပေးကြပါ တိုက်တိုက်တွန်းတွန်းပေါ့ အခု ၂ နှစ်ကြာပြီ ဘာမှမရသေးဘူး = ကိုယ့်နိုင်ငံသားတွေ ပကတိအခြေအနေ ကိုကြည့်ပြီး နာမည်ရရုံ အလုပ်ဖြစ်ရုံ ငွေကုန် မခံစေချင်ဘူး .......... စသဖြင့်မိန့် ကြားခဲ့သည်။
Labels: Local News Headlines
SATURDAY, APRIL 6, 2013
Maung Paris - Learning French # 8
ပြင်သစ် ဘာသာ လေ့လာစရာ (အပိုင်း ၈)
ပါရီမောင်၊ ဧပြီ ၇ ၊ ၂၀၁၃ (အပတ်စဉ် တက်ဆက်မည်)
Lesson 8 ( Leçon 8 )
Adjectifs နာမဝိသေသနများ
VERBE " ETRE " နှင့် သက်ဆိုင်သော သုံးစွဲပုံများ
ယခင်ပြီးခဲ့တဲ့ သင်ခန်းစာမှာ အလွယ်ဆုံး စာကြောင်း များကို ရှိခြင်းပြ ပုံစံဖြင့် ရေးသားရန် ရေးခဲ့ပြီးပါပြီ ။ တဆင့်တက်ပြီး စာကြောင်းကို ဖြည့်စွက်ကြည့်ရအောင်။
J'ai une voiture . ရေ အယူးန်း ဗွားကျူး ။ ကျနော့်မှာ ၊ ကျမ မှာ ကားတစီး ရှိသည်။
J'ai une belle voiture. ( ဆိုတာကတော့ နာမဝိသေသန Adjectif ဖြစ်ပြီး နာမ်ရဲ့ ရှေ့(သို့) နောက် မှာထားရပါတယ်) ကျနော့်မှာ ၊ ကျမ မှာ လှသော ကားတစီး ရှိသည်။( အမနာမ် အတွက် နာမဝိသေသန)
Je regarde le ciel bleu. ရ ရဂါဒ် လ စီးယဲလ် ဘ လားလ် ( အသံထွက်မှန်ရေးမရပါ)ပြာသော ကောင်းကင်ကို ကျနော် ကြည့်သည်။
belle ဘဲလ် ( လှပသော) grande ဂရောင်းဒ် ( ကြီးသော) rapide ရားပိဒ် (မြန်သော)
verte ဗက်ထ် ( အစိမ်းရောင်ရှိသော) noire နွား ( အနက်ရောင်ရှိသော)
(အရောင်များသည်လည်း နာမဝိသေသန ဖြစ်သည်။ နာမ်ရဲ့ အနောက်မှာထား သုံးရမည်။)
နာမဝိသေသနများ၏ အထီး၊ အမ များကို သေချာစွာ သိရမည်။
ဥပမာ -- Une voiture noire. အယူးန်းဗွားကျူးနွား ၊ အနက်ရောင်ကားတစီး
Une grande maison. အယူးန်း ဂရောင်း ဒ် မေဇွန် ၊ ကြီးသောအိမ်တလုံး
Un film intéressant. အန် ဖင်းလ်မ် အန်တေရက် စွန့် ၊ စိတ်ဝင်စားစရာ ရုပ်ရှင်တကား
Un roman policier. အန် ရိုမောန် ပိုလီ စီယေး ၊ စုံထောက်ဝထ္တု တအုပ်
Un dessin coloré. အန် ဒေ စန်း ကို လို ရေး ၊ အရောင်ချယ်ထားသော ရုပ်ပုံတခု
Des grosses pommes. ဒေ ဂရိုး စ် ပေါင်းမ်း ၊ ကြီးသော ပန်းသီးများ
Les jolies roses. လေ ရိုး လီး ရို့ စ် ၊ လှပသော နှင်းဆီပန်းများ
နာမဝိသေသန များကို သက်ဆိုင်ရာ နာမ်နှင့်တွဲ သောအခါ အထီး ၊အမ မှန်ကန်အောင်ချိန်ညှိ ၊
ပြောင်းပေး ရမည့်အပြင် အနည်းကိန်း၊ အများကိန်း ကိုလည်း ချိန်ညှိပေးရပါမည်။
သာမန် အားဖြင့် နာမဝိသေသန Adjectif ရဲ့ အနောက်မှာ အမနာမ် အနည်းကိန်းဖြစ်လျင် "e"ထည့်ပေးခြင်း ၊ အမနာမ် အများကိန်းဖြစ်လျင် " es " ထည့်ပေး ခြင်း ကို လုပ်ပေးရပါမည်။(ပြောင်းနည်း ဝိသေသ များရှိသည်)
အသုံးများသော နာမဝိသေသန Adjectif တချို့ ကို အောက်က လင့်မှာ နားထောင်ပြီး လေ့ကျင့်ပါရန် ။
ပေးထားသောလင့်သည် နာမဝိသေသန Adjectif များကို အဖိုနာမ်၊ အမနာမ် ခွဲခြားပြီး ပေးမထားပါ ။
ပြီးခဲ့သော သင်ခန်းစာများတွင် ရှင်းပြခဲ့သလို နာမဝိသေသန Adjectif များကို အဖိုနာမ် မှ အမ နာမ် သို့ ပြောင်း ရန် အများစုမှာ " e " ထဲ့ပေး၍ ရသည်။ သို့သော်" e " ဖြင့်ဆုံးသော အချို့ကို ဘာမှ မပြောင်းရပါ ။ အချို့သည် လုံးဝ ကွဲ ပြားသွားသော စာလုံးများလည်း ဖြစ်သွားတတ်ကြပါသည် ။ ထို့ကြောင့် ပါရီမောင် မှ ဖြည့်စွက်၍ ပေးထားပါသည် ။ စာလုံး နောက် မှအနီရောင်ဖြင့် ဖေါ်ပြထားသော စာလုံး ကို ထပ်ထဲ့ပေး ခြင်း ဖြင့် အမနာမ် သို့ ပြောင်းလဲသုံးပါ ။ အနီရောင် စာလုံး အသစ်သည် လုံးဝ ကွဲပြားသော စာလုံး တခု ဖြစ်သွားသည်။ ဥပမာ -- beau မှ belle
( အလားတူစွာပင် အများကိန်းကို ပြောင်း ရာတွင်လည်း " s " ပေါင်းခြင်း ၊ မတူသော စာလုံးများသို့ ပြောင်းသွားခြင်းများရှိ ပါသည် ) အခန်းတခု အနေနှင့် ဖေါ်ပြပါမည်။
နမူနာ စာကြောင်း အချို့ကို လုပ်ပြထားပါသည် ။
affamé ဆာလောင်သော
beau လှပသော (အမ နာမ်နှင့် သုံးရန် belle ) Il est beau . Elle est belle
C'est beau. လှတယ် (အရာဝထ္တု ၊ ရာသီ ဥတုကို ပြောသည်) Il fait beau.ရာသီ ဥတုသာယာတယ်
étrange ထူးဆန်းသော၊ တစိမ်းဖြစ်သော
bruyante ဆူညံသော C'est bruyant . ဆူညံတယ်၊ နားငြီးတယ် C'est .... (ဖေါ်ပြပြီး )It is ...
chaud e ပူအိုက်သော Le café est chaud. Le riz est chaud.ထမင်းပူတယ်
célèbre ထင်ရှားကြော်ကြားသော Elle est célèbre. ( connu )
dangereux အန္တရာယ်ရှိသော dangereuse ( La route est dangereuse ) လမ်းကအန္တရာယ်များတယ်
difficile ခက်ခဲသော difficille C'est difficile à dire. ပြောဖို့ခက်တယ်
douloureux နာကျင်သော douloureuse
effrayante ကြောက်ရွံ့သော
en colère စိတ်ဆိုးသော Il est en colère. သူစိတ်ဆိုးနေတယ်။ Papa est en colère.
en forme ကျမ္မာသော၊ ခွန်အားပြည့်သော Je suis en forme.
endormie ငိုက်မြည်းသော Nous sommes endormies. ကျနော်တို့ ငိုက်နေကြတယ်
forte သန်မာသော Il est fort. သူ သန်မာသည်။
frais လတ်ဆတ်သော၊ အေးသောfraîche. Les poissons sont frais.ငါးများလတ်ဆတ်သည်။
( အဘိဓါန်တွင်ကြည့်လျင် frais, fraîche : adj ဟူ၍ ၂မျိုးကပ်လျက်ပေးထား မည်)
froide အေးသော Il fait froid. ရာသီဥတုကအေးတယ်
grand et petit မြင့်သော ၊ကြီးသော ၊ petit သေးငယ်သော grande , petite ( အသံများကိုd နှင့် t ထိ ထွက်ပါ)
grosse ဝသော Maman est grosse. အမေသည် ဝသည် (très grosse) အရမ်းဝသည်
ivre မူးရစ်သော Nous sommes ivres. ကျနော်တို့ အရက်မူး သည်။
lente နှေးကွေးသော Le bus est lent. ဘတ်စ် ကားသည် နှေးသည်။
lointaine ဝေးကွာ သော
lourde လေး သော La valise est trop lourde. အိတ်သည် လွန်စွာလေးသည် ( trop ) adv: လွန်စွာ
fiévreux ဖျားနာသော fiévreuse
jeune ငယ်ရွယ်သော
occupée အလုပ်များသော
pauvre ဆင်းရဲ သော Ils sont pauvres. သူတို့သည်ဆင်းရဲကြသည်
rassasiée ဗိုက်ပြည့်သော
rapide လျင်မြန်သော La ligne 5 est rapide. လိုင်းအမှတ် ၅ သည် မြန်သည်။
riche ချမ်းသာသော Vous êtes riches . ခင်ဗျား(တို့)က ချမ်းသာတယ်
vieux အိုသော ၊ ဟောင်းသော vieille Je suis vieux. La voiture est vieille.
VERBE " ETRE " နှင့် သက်ဆိုင်သော သုံးစွဲပုံများ
VERBE " ETRE " သည် ရှိသည်၊ ဖြစ်သည် ဟု အဓိပ္ပါယ် ရပြီး လောလောဆယ် အခြေအနေ တွင် ဖြစ်ခြင်းပြ စာကြောင်းများ တည်ဆောက် ရာတွင် သုံး ရပါသည်။
( အချိန်ကာလပြဆိုသော စာကြောင်းများအတွက် Auxiliaire အကူ ကြိယာအနေနှင့် လည်း သုံးရသဖြင့် အရေးကြီးပါသည်)
ပုံမှန် ပစ္စုပ္ပန် ကာလကို ပြဆိုသော စာကြောင်း များကို ပြုလုပ် ရန် အတွက် အောက်ပါ ပုံစံ အတိုင်း ရေးသားရပါမည်
ကတ္တား Subject + ကြိယာ Verb " ETRE " + နာမ် Noun သို့မဟုတ်Adjectif နာမဝိသေသန |
စာကြောင်းပုံစံ ( ၂ )
အောက်ပါစာကြောင်းတချို့ကို ကြည့်ပါ ။
Je suis médecin. ( + Noun ) ရ စွီ မေ ဒ ဆန် ။ ကျနော် ဆရာဝန် ဖြစ်သည်။
Je suis patient(e). ( + Adjectif ) ရ စွီ ပါ့ စီယွန့် ကျနော် သည် စိတ်ရှည်တတ်သည်။ ဒီနေရာမှာ အရေး ကြီးပါသည်။ Adjectif ကို သုံးစွဲ ပြောဆိုတိုင်းချိန်ညှိခြင်း Accord ပြုလုပ်ပေးရပါမည်။ ပြောသူသည် မိန်းကလေး ဖြစ်ပါက Je suis patiente. ရ စွီ ပါ့ စီယွန့် ထ်၊ ဟုပြောရပါမည်။ " t " သံထွက်ပါ
Elle est étudiante. ( + Noun ) အယ်လ် လေ အေတူ ဒီ ယွန့်ထ် ။ သူမကျောင်းသူ ဖြစ်သည်။ ဒီနေရာမှာတော့ ရှင်းပါသည်။ သူမ ဟုဆိုထားတာဖြစ်လို့ étudiante ဆိုပြီး ဖြစ်ရပါမယ်။ " t " သံထွက်ပါ
Nous sommes birmans. ( + Noun ) နူ စွမ်းမ် ဘီရက်ခ် မွန်းန် ၊ ကျနော်တို့၊ကျမတို့ ဗမာများ ဖြစ်ကြသည်။
Ils sont gentils. ( + Adjectif ) အီလ် စွန့်န် ရွန်းတီးရ်။ သူတို့ကြင်နာတတ်သည်( သဘောကောင်းသည်)။ အများကိန်းဖြစ်၍ Adjectif တွင် " s " လိုက်ပေးရမည်။
Tu es gentil(le) ကျူအေ ဂျောင်းန်တီးလ် ။ မင်းဟာ ကြင်နာတတ် တယ်။
(အပြောခံရသူ မိန်းကလေး ဖြစ်နေရင် gentille လို့ရေးရပြီး ရွန်းတီး ရ် အသံထွက်မည်။
" .... tille "သည် " ရ " သံ
Vous êtes ingénieur. ( + Noun ) ဗူဇက်ထ် အန် ဂျေနီယာ ၊ မင်း ခင်ဗျား အင်ဂျင်နီယာဖြစ်တယ်။
Elle est charmante. ( + Adjectif ) အယ်လ်လေ ရှားမော့န် ထ် ။ သူမသည် စွဲဆောင်မှုရှိသည်
Il est urgent. ( + Adjectif ) အီလေ အယူးရွန့် ။ သူ သည် အလျင်လိုနေသည်။
Elle est rapide. ( + Adjectif ) အယ်လ်လေ ရားပိဒ် ။ သူမသည် လျင်မြန်သည်။
Nous sommes pressés. ( + Adjectif ) နူ စွမ်းမ် ပရက်စေး။ ကျနော်တို့၊ကျမတို့ အလျင်လိုနေကြသည်။
Il est à la maison. သူ အိမ်မှာ ရှိသည်။
Elle est là. သူမ ဟိုမှာ ( သူမ အဲဒီမှာ)
VERBE " ETRE " ရဲ့ Conjugaison ကို ပြန်လည် နားထောင်၊ ရွတ်ဆို လေ့ကျင့်ရန် လင့်
အထက်ပါ လင့်များကို ကြည့်ပါ။ အများကိန်းတတိယ လူ နေရာဖြစ်သော Ils/ Elles တို့တွင် ပြောသောအခါ
VERBE " ETRE " နှင့် VERBE " AVOIR " တို့၏ ကွဲပြားသော အသံတို့ကို ဂရုမစိုက်မိပါလျင် မိမိ ပြောလိုသော အဓိပ္ပါယ်သည် လုံးဝ လွဲချော်သွားပါမည်။
VERBE " ETRE " အတွက်
Ils sont ...... အီလ် စွန့် ၊ သူတို့ သည် ... ဖြစ်ကြသည် ( " s " ၂ လုံး ထပ်သောနေရာ၏ အသံသည် " s " သံ ထွက်ရမည်။)
Elles sont ..... အလ် စွန့် ၊ သူမတို့ သည် ... ဖြစ်ကြသည် ( " s " ၂ လုံး ထပ်သောနေရာ၏ အသံသည် " s " သံ ထွက်ရမည်။)
VERBE " AVOIR " အတွက်
Ils ont .... အီလ် ဇွန့် ၊ သူတို့မှာ ... ရှိကြသည် ( " s " ၁ လုံး ထဲရှိသောနေရာ၏ အသံသည်" Z " သံ ထွက်ရမည်။)
Elles ont ...... အလ် ဇွန့် ၊ သူမတို့မှာ ... ရှိကြသည် ( " s " ၁ လုံး ထဲရှိသောနေရာ၏ အသံသည် " Z " သံ ထွက်ရမည်။)
( အထက်ပါ အတိုင်း ပြီးခဲ့သော သင်ခန်းစာများ တွင် ရှင်းလင်းပြီး သော်လည်း ထပ်ရှင်း ခြင်းဖြင့် ကြေညက်နေရန် ရည်ရွယ်ပါသည်။ လွန်စွာ အရေးကြီးပါသည်)
ယခု သိရှိပြီးဖြစ်သော VERBE " ETRE " နှင့် VERBE " AVOIR " တို့ကို သုံးပြီး လေ့ကျင့်ခန်းများများ လုပ်နိုင်လေလေ ပိုပြီး အခြေခံ ကျေညက်လေလေ ဖြစ်ပြီး အချိန်ကာလကို ပြဆိုသော ဝါကျ များ ပြုလုပ်သောအခါ
အကျိုး ရှိမည် ဖြစ်ပါသည်။ ပါရီမောင် ထံသို့ မိမိတို့ သိပြီးသမျှ စာလုံးများကို သုံး၍ လေ့ကျင့်ခန်း လုပ်ပြီး ပေးပို့ ပါလျှင် စစ်ဆေးပြီး ပြန်လည်ပေးပို့ပါမည်။ MS Word ဖြင့် ရေးသာပြီး Attached File ဖြင့် ပို့ပါရန်။ အမည် ၊ လိပ်စာ ၊ ဖုံးနံပါတ် တို့ကို ဖေါ်ပြရန် မလိုပါ ။ သို့သော် တည် နေရာသိရှိ နိုင်ရန် အတွက် မိမိရဲ့ အီးမေးလ် Profile တွင် ဖေါ်ပြရပါမည်။
parismg2013@gmail.com ဖြင့် ဆက်သွယ်နိုင်ပါသည်။
နှုတ်ဆက်ခြင်းများအတွက် ဖေါ်ပြခဲ့ပြီးပေမဲ့ ထပ်လေ့ကျင့်နိင်ရန် မတူသော လင့် ထပ်ပေးလိုက်ပါတယ်။
ပြီးခဲ့သည့် လေ့ကျင့်ခန်း (၁) အဖြေမှန်များ
1( une), 2 ( un ), 3 ( des) , 4( une), 5 ( un ) ,6 ( des ) , 7 ( un ), 8 ( un ) ,
9 ( une ) , 10 ( des )
A bientôt မကြာခင် ပြန်ဆုံကြမယ်
--
Send email to - editors@moemaka.com to contact and contribute with MoEmAKa
MoeMaKa on Facebook Page from here (For Burma / Myanmar User)
MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives
Send email to - editors@moemaka.com to contact and contribute with MoEmAKa
MoeMaKa on Facebook Page from here (For Burma / Myanmar User)
MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives