သျှမ်းသံတော်ဆင့် |
RCSS တပ်စခန်းတခုအား အစိုးရတပ်မီးရှို့ - အောက်ခြေတပ်များမကျေနပ်၍ စစ်ရေးပြင် Posted: 06 May 2013 04:00 AM PDT လူပျောက်မှုကြောင့် တပ်စခန်းအတွင်းစစ်ဆေးခွင့်ပေးရန် အစိုးရတပ် တောင်းဆိုမှုကို RCSS/SSA က လိုက် လျော၍ ခေတ္တရှောင်ထွက်ပေးပြီးနောက် ၎င်းတို့စခန်းအား မြန်မာစစ်တပ်သိမ်းပိုက်ကာ မီးတင်ရှို့လိုက်သော ကြောင့် ရွှေလီမြစ်ဝှမ်းအခြေစိုက် RCSS အမှတ် ၇၀၁ လက်အောက်ခံ တပ်သားထုက မကျေ မနပ်ဖြစ်ကာ စစ်ရေး ပြင်ဆင်နေဟု ဒေသခံများက ပြောသည်။ မီးရှို့ခံရသည့် RCSS အမှတ် ၇၀၁ လက်အောက်ခံ တင်းခါးစခန်း "သူတို့လူပျောက်တယ်။ တပ်စခန်းအတွင်းဝင်ရှာချင်တယ်လို့ မူစယ်က အစိုးရစစ်အရာရှိပြောလာတယ်။ ဆိုတော့ ကျနော်လဲ ကျနော့် လူတွေကို ရှောင်ထွက်ပေးခိုင်းတယ်။ ဝင်လာတာနဲ့ စခန်းသိမ်းလိုက်တဲ့ အတိုင်း မွှေနှောက်တယ်။ ပြီးတော့ မီးရှို့လိုက်တယ်၊ ကျနော့်လူတွေတော်တော်စိတ်ဆိုးနေတယ်။ ကျနော်တို့က အပစ်ရပ်ထားတဲ့အတွက်ကြောင့်မို့လို့ စစ်ဆေးခွင့်ပြုတာလေ။ အခုတော့ မရတော့ဘူး၊ ထပ်ဝင်လာရင် ပစ်ဖို့အဆင့်သင့်ဘဲ" - ဟု RCSS/SSA အမှတ် ၇၀၁ တပ်မဟာမှူးက ပြောသည်။ ဗိုလ်ချုပ်အောင်ဆန်း၊ ဒေါ်အောင်ဆန်းစုကြည် နှင့် အခြား (ဓါတ်ပုံများ တစ်ပုံလျှင် ယွမ် ၅၀ တန်)၊ အထင် ကရ ပုဂ္ဂိုလ်များ၏ ဓါတ်ပုံများ လိုက်လံရောင်းချသည့် တပ်ထောက်လှမ်းရေး ၄ ဦး ဧပြီလ နှောင်းပိုင်းက ပျောက်ဆုံးသွားသဖြင့် ၎င်းတို့အားသျှမ်းပြည်တပ်မတော် RCSS/SSA ဖမ်းဆီးထားသည်ဟု စွပ်စွဲကာ ပြန်ပေး အပ်ရန် အစိုးရတပ်က တောင်းဆိုလာသည်။ ဖမ်းဆီးထားခြင်းမရှိသောကြောင့် ပြန်ပေးဖို့လူလည်း မရှိကြောင်း RCSS/SSA မှအကြောင်းပြန်သည်နှင့် ၎င်းတို့၏တင်းခါးတပ်စခန်းအား စစ်ဆေးခွင့်ပြုရန် မူစယ်ခရိုင်ရှိ လှုပ်ရှားစစ်ဗျူဟာမှူးက တောင်းဆိုလာ သည့်အပေါ် လိုက်လျောပေးရာမှ မေလ ၂ ရက်က စခန်း မီးရှို့ဖျက်ဆီးခံရသည်အထိ ဖြစ်ရကြောင်း ပြောကြသည်။ စခန်းမီးရှို့ခံရသဖြင့် မကျေမနပ်ဖြစ်နေသော RCSS တပ်သားထု "ပထမ အချက် လူမျိုးရေးပြဿနာဖြစ်အောင် ဖန်တီးချင်တယ်။ ဒုတိယ အချက် အပစ်ရပ်ကိစ္စကို အစိုးရ တပ်က လုံးဝ အရေးမထားဘူး၊ အဲဒီလိုမျိုး ထပ်ဖြစ်ရင် ပစ်ဖို့ပဲရှိတယ်လေ။ အခု ကျနော်တို့ လူတွေ တော်တော်စိတ်ဆိုးနေလို့ စစ်ရေးအသင့်ဖြစ်နေပြီ။ တခြားတပ်စခန်းတွေ အဲဒီလိုမျိုး ထပ်မဖြစ် အောင်။ ဒီအကြောင်း ဦးအောင်မင်းသိအောင် ပြောပြလိုက်ပြီးပါပြီ" - ဟု RCSS/SSA ပြောခွင့်ရ ဗိုလ်မှူးလောဝ်ဆိုင်က ပြောပါသည်။ သျှမ်းပြည်တောင်ပိုင်း မိုးနဲမြို့နယ်အတွင်းတွင်လည်း သတင်းပို့ခြင်းမရှိဘဲ အစိုးရတပ်စစ်ကြောင်းများ နယ်ကျွံလှုပ်ရှားသောကြောင့် ယခုလအစောပိုင်းက နှစ်ဘက်ရင်ဆိုင်တိုက်ပွဲဖြစ်ပွားခဲ့သေးသည်ဟု ဗိုလ်မှူးလောဝ်ဆိုင်က ပြောသည်။ |
သျှမ်း/အရှေ့ UWSA နယ်မြေထဲသို့ မြန်မာ့တပ်မတော်ခိုးဝင် Posted: 06 May 2013 03:58 AM PDT သျှမ်းပြည်အရှေ့ပိုင်း ဝ ပြည်သွေးစည်းညီညွတ်ရေးတပ်မတော်ထိန်းချုပ်နယ်မြေထဲသို့မြန်မာ့တပ်မတော်မှ စစ်ကြောင်း တကြောင်း ကျူးကျော်ဝင်ရောက်ခဲ့ကြောင်း ဒေသတွင်းသတင်းရပ်ကွက်ကဆိုပါသည်။ ကျိုင်းတုံခရိုင် မိုင်းယန်း နှင့် မိုင်းခတ်မြို့နယ်အကြားပြမြေပုံ " မေလ ၃ ရက်နေ့က ဝင်လာတာ။ မိုင်းခတ်အခြေစိုက် ခလရ ၂၈၁ က အင်အား ၁၃ ယောက်ပါတဲ့အဖွဲ့ပေါ့။ နမ့်လွေချောင်း ကူးလာပြီး ကျနော်တို့ UWSA ရဲ့ တပ်မဟာ ၄၆၈ ထဲကိုဝင်လာတယ်။ ကျနော်တို့ ချက်ချင်းသတင်းကြားတာနဲ့ သွားဝိုင်းတာ သူတို့ကို မမိလိုက်ဘူး။ သူတို့ချောင်းကူးပြီးထွက်ပြေးကြတယ်။ ဘာကြောင့်ဝင်လာတာလဲတော့ မသိသေးဘူး" ဟု ၀ ပြည်သွေးစည်းညီညွတ်ရေးတပ်မတော်မှ တပ်မှူးတဦးကပြောသည်။ ကျိုင်းတုံခရိုင် မိုင်းယန်း နှင့် မိုင်းခတ်မြို့နယ်အကြား ဝမ့်နမ့်ဟုတ်အထက်ပိုင်း အခြေစိုက်သော မြန်မာစစ်တပ် ခလရ ၂၈၁ ပန်ကေးတပ်စခန်းမှ တပ်သားများဖြစ်ကြောင်း ဒေသခံများပြောပြချက်အရသိရသည်။ ၎င်းတို့သည် မိုင်းယန်းမြို့အနောက်ဘက်ခြမ်း နမ့်လွေချောင်းတဘက်ခြမ်း တပ်မဟာ ၄၆၈ ထိန်းချုပ် ထမ့်မွန့်ဂူအထိ ရောက်ရှိလာခြင်းဖြစ်ကြောင်း မည်သည့်ရည်ရွယ်ချက်ဖြင့်လာသည်ကိုအတိအကျမသိရသော်လည်း - (၁) ဗျူဟာမှူး၏ စီမံကိန်းကြောင့် ၊ (၂)ရွာသားများ၏ အိမ်မွေးတိရိစ္ဆာန်များကို ရှာဖွေတောင်းယူလိုသောကြောင့်၊ (၃) ၀ တပ်ဖွဲ့၏ အခြေ စိုက်စခန်းများ တပ်များကိုလေ့လာလိုသောကြောင့် ဟု သုံးသပ်နိုင်ကြောင်း တပ်မဟာ ၄၆၈ မှ အရာရှိတဦးက သုံးသပ်ပြော ဆို ပါသည်။ သျှမ်းပြည်တပ်မတော် (မြောက်ပိုင်း) နယ်မြေမှတဆင့် ဝ ပြည်သွေးစည်းညီညွှတ်ရေးတပ်မတော်အားတိုက်ခိုက်ရန် မြန်မာ အစိုးရတပ် စစ်ရေးပြင်နေသည်ဟု သတင်းများထွက်ရှိသည့်အားလျော်စွာ မြန်မာအစိုးရတပ်အားခုခံကာကွယ်ရန် ဝ တပ်ဖွဲ့ကလည်း တရုတ်အစိုးရထံ စစ်တိုက်ရဟတ်ယာဉ် ၅ စင်း ရရှိထားသည်ဟု Jane's Intelligence မှ ဧပြီလ ၂၉ ရက်နေ့ တွင် သတင်းပေးပို့ခဲ့သည်။ |
You are subscribed to email updates from သျှမ်းသံတော်ဆင့် To stop receiving these emails, you may unsubscribe now. | Email delivery powered by Google |
Google Inc., 20 West Kinzie, Chicago IL USA 60610 |