သျှမ်းသံတော်ဆင့်

သျှမ်းသံတော်ဆင့်

ငလျင်သင့်ဒေသမှ ရွာသားများ ပျောက်ဆုံးနေမှု SNLD ကူညီစုံစမ်းပေးမည်ဟုဆို

Posted: 02 May 2013 02:55 AM PDT

ငလျင်ဒဏ်သင့် သျှမ်းပြည်အရှေ့ပိုင်း တာချီလိတ်ခရိုင် တာလေမြို့နယ်ခွဲမှ ရွာသား ၃၈ ဦး ပျောက် ဆုံးနေမှုအပေါ် SNLD မှ ကူညီစုံစမ်းရှာဖွေပေးမည်ဖြစ်ကြောင်း သိရှိရပါသည်။

IMG 0570 copyတာလေမြို့နယ်ခွဲ၌ ငလျင်လှုပ်ခတ်ခဲ့စဉ်က ပျက်စီးသွားသည့်အိမ်များ (Photo:SHAN)

"ဥက္ကဋ္ဌကြီး ခွန်ထွန်းဦး ကိုယ်တိုင် အစိုးရနဲ့ ရွာသားတွေကို ဖမ်းဆီးသွားတဲ့ အဖွဲ့ဆီကို စာရေးသားပေး ပို့မယ်။ ဒါပေမဲ့ အဲဒီအဖွဲ့က ဘယ်အဖွဲ့လဲဆိုတာ တိတိကျကျ မပြောနိုင်သေးဘူး" ဟု SNLD ပြောခွင့်ရ ပုဂ္ဂိုလ် စိုင်းလိတ် က ပြောပါသည်။

၂၀၁၁ မတ်ခ်ျလ ၂၄ ရက်နေ့က လှုပ်ခတ်ခဲ့သည့် ငလျင်ဒဏ်ကြောင့် ပျက်စီးသွားသော အိမ်များ ပြန် လည် ဆောက်လုပ်ရန် ပါလျောင်း-ကျိန်းလပ်မှ ရွာသားအယောက် ၅၀ တောထဲ၌ သစ်များခုတ်ယူနေ စဉ် အမည်မသိ လက်နက်ကိုင်တဖွဲ့၏ ဖမ်းဆီးခေါ်ဆောင်သွားခြင်း ခံရကြောင်း၊ ၂၀၁၁ နှစ်ကုန်ပိုင်းမှ စ၍ တယောက်စ နှစ်ယောက်စ ပြန်လည်ထွက်ပြေးလွတ်မြောက်လာရာ ယနေ့ထိ ၁၂ ယောက် ရှိကြောင်း ဆို၏။

"ကျနော်တို့ သစ်ခုတ်နေတဲ့အချိန် လက်နက်ကိုင်တဖွဲ့ ရောက်လာတယ်။ သူတို့ပြောတဲ့ စကားလည်း နားမလည်ဘူး။ သူတို့ဝတ်စုံတွေမှာလည်း ဘာတံဆိပ်မှ မတပ်ထားဘူး။ ကျနော်တို့အားလုံးကို ဖမ်းခေါ် သွားတယ်" ဟု ပြန်လည်လွတ်မြောက်လာသူတစ်ဦးက ပြောပါသည်။

ဖမ်းဆီးခံထားရဆဲဖြစ်သော ရွာသား ၃၈ ဦး၏ မိဘဆွေမျိုးများနှင့် ပြန်လည်လွတ်မြောက်လာသူများက ကျန်ရှိသူများ အမြန်ဆုံး လွတ်မြောက်လာနိုင်ရေးအတွက် သျှမ်းပြည်တပ်မတော် RCSS/SSA ထံ စာရေးတင်ပြကြောင်း၊ RCSS/SSA က သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ထံ တဆင့် ထပ်မံအကူအညီတောင်းခံခြင်းဖြစ်ကြောင်း သိရှိရပါသည်။

အခွန်ရှောင်လွဲမှုကြောင့် ပန်ဆန်းကုန်သည်များထံမှ မူးယစ်ဆေးဝါး ဖမ်းဆီးခဲ့သော စိုင်းနော်ခမ်းအား လက်စားချေ ရှင်းလင်းရန် တာလေမြို့နယ်ခွဲ၌ ငလျင်လှုပ်ခတ်စဉ်က ပန်ဆန်ဘက်မှ ဝ တပ်ဖွဲ့ အယောက် ၁၀၀ တောင်ပိုင်းသို့ ဆင်းလာကြောင်း၊ သတင်းရရှိသော မြန်မာစစ်တပ်၏ ဝိုင်းရံပိတ်ဆို့မှု ကြောင့် အဆိုပါ ဝ တပ်ဖွဲ့အား RCSS/SSA က ကူညီပေးခဲ့ဖူးကြောင်း သျှမ်းသံတော်ဆင့်မှ သတင်း ရေးသားတင်ပြခဲ့ဖူးသည်။

ကိုယ့်အားကိုယ်ကိုးမူးယစ်တိုက်ဖျက်ရေးအဖွဲ့များ ထပ်မံပေါ်ပေါက်- ထိရောက်အောင်မြင်မှုရှိ

Posted: 02 May 2013 02:54 AM PDT

အုပ်စုဥက္ကဌမှဦးဆောင်၍ ဒေသတွင်း ကိုယ့်အားကိုယ်ကိုး မူးယစ်ဆေးဝါး တိုက်ဖျက်နှိမ်နင်းရေးအဖွဲ့ သျှမ်းပြည် မြောက်ပိုင်း တန့်ယန်းမြို့နယ်၌ ထပ်မံပေါ်ပေါက်လာရာ တိုက်ဖျက်မှုမှာ ထိရောက်အောင်မြင်မှုရှိသည်ကိုတွေ့ ရကြောင်း သျှမ်းပြည် မြောက်ပိုင်းသတင်းရပ်ကွက်ကဆိုပါသည်။


" နောင်လျန်အုပ်စု ဥက္ကဌ စိုင်းအောင်စိုးက ကျေးရွာအုပ်ချုပ်ရေးမှူးတွေ လူကြီးမိဘတွေနဲ့လက်တွဲပြီး မူးယစ်ဆေးတိုက်ဖျက် ရေးလုပ်နေတယ်။ ဆေးသုံးသူ ဆေးရောင်းသူတွေကိုဖမ်းမိရင် ကျောက်တူးခိုင်းတယ်။ လမ်းပြင်ခိုင်းတယ်။ ထိရောက် အောင်မြင်မှု တွေ့ရပါတယ်။ အဲတာ ကျနော် တို့လို မိဘတွေအနေနဲ့ သိပ်ကျေးဇူးတင်မိတယ်။ တကယ့်ကိုအကျိုးရှိတဲ့ အလုပ်ဖြစ်တယ်။ အုပ်စုဥက္ကဌကိုလဲ ဆက်လုပ်သွား ဖို့အားပေးတယ်။ ကျနော်တို့ဘက်ကလဲ တတပ်တအား ပါဝင်လက် တွဲကူညီသွားမယ်" ဟု သားသည် ဖခင်တဦးဖြစ်သော ဦးလုံးဖစ် ကပြောသည်။

ယခုနှစ်ဆန်းကစ၍ တန့်ယန်းမြို့နယ် နောင်လျန်ကျေးရွာအုပ်စုအတွင်း (ကိုယ့်အားကိုယ်ကိုး) မူးယစ်ဆေးဝါးနှိမ်နင်းရေး လုပ်ငန်း စတင်လှုပ်ရှားလာခြင်းဖြစ်ကြောင်း၊ ထိုဒေသတွင် ဗိုလ်မွန်းဦးဆောင်သော မန့်ပန်ဌာနေပြည်သူ့စစ် လှုပ်ရှားသည့် ဒေသ ဖြစ်ကြောင်း တန့်ယန်းဒေသခံ စိုင်းနုကလည်းပြောပါသည်။

" ဒါ လူထုကောင်းကျိုးအတွက်ဘဲဗျာ။  ဘယ်သူ၊ ဘယ်ပုဂ္ဂိုလ်မဆို ကျနော်တို့နဲ့ လက်တွဲနိုင်ပါတယ်။ အမြဲတမ်းလက်ကမ်း ကြိုဆိုလျက်ပါ" ဟု ဦးလုံးဖစ်က ဆက်လက်ပြောပြသည်။

ထိုသို့သော ကိုယ့်အားကိုယ်ကိုး မူးယစ်တိုက်ဖျက်ရေးလုပ်နေသောအဖွဲ့ ၂၀၁၂- ၂၀၁၃ အတွင်း အများအပြား ပေါ်ပေါက် လာသည်ကို တွေ့ရသည်။

သျှမ်းပြည်မြောက်ပိုင်းတွင် မူစယ်ခရိုင် ပန်ဆိုင်းမြို့နယ်ခွဲ မုံးပေါ် ဒေသ၊ နမ့်ခမ်းမြို့နယ် မိုင်းဝီးဒေသ နှင့်  နမ္မတူမြို့နယ် မိုင်းယင် ဒေသနှင့်  လဲချားမြို့နယ် ကျေးလက်ဒေသတချို့ တို့ရှိ ဒေသခံမူးယစ်တိုက်ဖျက်ရေးအဖွဲ့များသည် ယခုနှစ်အတွင်း ပေါ်ပေါက်လာသော ကိုယ့်အားကိုယ်ကိုးအဖွဲ့အစည်းများဖြစ်ကြသည် ။

မုံးပေါ်ဒေသတွင် ဒေသခံအမျိုးသမီးအဖွဲ့က ဦးဆောင်၍ မိုင်းဝီးဒေသနှင့် မိုင်းယင်ဒေသတွင်မူ ဒေသခံလူငယ်များက တက်ကြွလှုပ်ရှားခြင်းဖြစ်သည်။ အာဏာရ အစိုးရဌာနဆိုင်ရာများက လက်တွဲခြင်း အကူအညီပေးခြင်းများ ပြုလုပ်ပါက ပိုမို ထိရောက်အောင်မြင်မည်ဟု မိုင်းဝီးဒေသခံ အိုက်ပီး ကပြောသည်။

" ကိုယ့်အားကိုယ်ကိုးမူးယစ်ဆေးဝါး ပေါ်ပေါက်လာတဲ့နေရာတွေကိုပြန်ကြည့်မယ်ဆိုရင် ပြည်သူ့စစ်ထိန်းချုပ်တဲ့ နယ်မြေ တွေမှာဖြစ်နေတယ်။ များသောအားဖြင့် အခုလို လက်တွေ့ထလုပ်နေမှုတွေဟာ အောင်မြင်မှုရှိတာတွေ့ရတယ်။ ၄၀ ရာခိုင် နှုန်းလျှော့ကျသွားတာတို့ဘာတို့ကြားနေရတယ်။ လဲချားမှာဆိုရင်လဲ RCSS က ထိန်းချုပ်နိုင်တဲ့ ကျေးလက်မှာ မူးယစ်ဆေး ဝါး ရောင်းဝယ်သုံးစွဲမှုတော်လေးလျှော့သွားတယ် ပြောတယ်။ ဒါပေမယ့် RCSS လက်လှမ်းမမှီနိုင်တဲ့ မြို့တွင်းပိုင်းမှာ ကျ တော့ မူးယစ်ဆေးက ပေါနေတုန်းမို့ ရွာကလူတွေ မြို့တက်ပြီး သုံးကြတယ်။ အဲလိုမျိုးတွေတွေ့နေရသေးတယ်။ ဒါကြောင့် မူးယစ်ဆေးကို တကယ်ပပျောက်စေချင်ရင် အားလုံးလက်တွဲ မှရမှာ" ဟုလည်း လဲချားမြို့နေ ရပ်မိရပ်ဖတဦးက သုံးသပ် ပြောဆို ပါသည်။

ဦးသိန်းစိန်အစိုးရ၏ မူးယစ်ဆေးဝါးဆန့်ကျင်တားဆီးရေးဆိုင် အမိန့်ကြေငြာစာ ၁၇/၂၀၁၁ အရ နိုင်ငံ တော်အကြီးအကဲ အဆင့်မှ ရပ်ကွက်ကျေးရွာအုပ်စု အဆင့်အထိ မူးယစ်ဆေးဝါးအန္တရယ်ကာကွယ်ရန် အဖွဲ့ အစည်း ဖွဲ့စည်းပိုင်ခွင့်ရှိသည်ဟု ထုတ်ပြန်ကြေငြာထားဖူးပါသည်။

မြန်မာတပ်မ အားလုံးနီးပါး တိုင်းရင်းသားနယ်မြေများသို့ ပို့လွှတ်ထားဟု စစ်ရေးလေ့လာသူပြော

Posted: 02 May 2013 02:53 AM PDT

လက်ရှိအချိန်တွင် မြန်မာတပ်မအားလုံးနီးပါးကို တိုင်းရင်းသား လက်နက်ကိုင်နယ်မြေများအတွင်း ပို့လွှတ်ဖြန့်ခွဲ ထားသဖြင့် ကကကြည်း၏ အရံတပ်အဖြစ် ထားရှိသည့် တပ်မ ၃၀ ကျော်ရှိသည့် အနက် တပ်မ ၂ ခုသာ ကျန်ရှိ တော့ကြောင်း တရုတ် နယ်စပ် စစ်ရေး ၊ နိုင်ငံရေး လေ့လာသူ ဦးအောင်ကျော်ဇောက ဆိုသည် ။

alt
"ဒီနေ့ ဗမာတပ်မှာ တပ်ရင်းပေါင်း ၅၀၀ ကျော်ရှိတယ်။ ကကကြည်းရဲ့အရံတပ်အနေနဲ့ထားတာကတပ်မ ၁၁ ကနေ ၁၀၁ အထိ စကခ ၁ ကနေ ၂၁ အထိ အားလုံး ၃၀ ကျော်ရှိတယ်။ အခုတပ်မ ၆၆ နဲ့ ၇၇ နှစ်ခုကလွဲလို့ ကျန် တပ်မ တွေအကုန်လုံး လူမျိုးစုနယ်မြေ တွေမှာနေရာ ဖြန့်ယူထားတယ်။ နောက်ထပ်လဲစရာတပ်မရှိဘူး" ဟု သူကဆိုသည် ။

KIO အဖွဲ့မှလွှဲ၍ ကျန်တိုင်းရင်းသားလက်နက်ကိုင်အဖွဲ့အားလုံးနီးပါးနှင့် မြန်မာအစိုးရတို့ အကြားအပစ်အခတ် ရပ်စဲရေး သဘောတူ လက်မှတ်ထိုးထားသော်လည်း  မြန်မာအစိုးရဘက်မှ တိုင်းရင်းသား လက်နက်ကိုင်များနှင့် စကား ပြောရာတွင် အပေါ်စီးရရေး အတွက် ထိုသို့ တပ်များတိုးချဲ့နေရာယူခြင်း ဖြစ်ကြောင်း ဆိုသည် ။

"အမှန်တော့ KIO ကလွှဲလို့ ကျန်အဖွဲ့အားလုံးနဲ့ ပဏာမအပစ်အခတ်ရပ်စဲရေးအဆင့်ပဲ။ ဘယ်အဖွဲ့နဲ့မှအခိုင် အမာအဆင့် လက်မှတ် မထိုးရသေးဘူး။ နောက်အခိုင်အမာ စကားပြောကြတဲ့ အခါ သူ့တပ်ကိုယ့်တပ် နယ်မြေ သတ်မှတ်ရေးတွေ လို လာတယ်။ အဲဒါတွေ လုပ်ရတော့မယ်ဆိုတော့ ဗမာတပ်က နေရာအများစု ရယူထားရေး ဆက်စပ်နယ်မြေ အားလုံး တပ်တိုး ချဲ့ထားရေးဆိုတဲ့ ပေါ်လစီအရ ရှိတဲ့တပ်တွေအားလုံးကို ထိုးထည့်ထားတာ ဖြစ်တယ် " ဟု ဆိုသည် ။

ထိုသို့ မြန်မာတပ်မတော်က ရည်ရွယ်လုပ်ဆောင်နေခြင်းမှာ လက်နက်ကိုင်အဖွဲ့များ အင်အားချည့်နဲ့သွားစေရန် ဖြစ်ပြီး အဆိုပါ လုပ်ရပ်ကြောင့် စစ်မှန်သည့် ပြည်တွင်းငြိမ်းချမ်းရေး ရရှိလာမည်ဟု မယုံကြည်ကြောင်း သူက ဆက်ပြောသည် ။

ဧပြီလကုန်ပိုင်းက သျှမ်းပြည် (မြောက်ပိုင်း) ကွတ်ခိုင်မြို့နယ်အတွင်း KIA နှင့် အစိုးရတပ်များ နေ့စဉ်လိုလို တိုက်ပွဲများ ဖြစ် ပွားခဲ့ပြီး သျှမ်းပြည်တပ်မတော် SSPP / SSA နယ်မြေဖြစ်သည့် တန့်ယန်းနှင့်မိုင်းရှူးမြို့နယ်များ တွင်လည်း အစိုးရ တပ်များ အင်အားတိုးချဲ့ချထားကြောင်း သိရသည် ။