Subject: [လူဗိုလ်ဟူသည် ...] သဘာဝရင်းမြစ်ကျိန်စာသင့်ခြင်း (Natural Resources Curse)
အပိုင်း ၁
နိဒါန်း။ ။ မြန်မာနိုင်ငံသည် ကျွန်းသစ်၊ သစ်မာ၊ သစ်မွှေး၊ ကျောက်သံပတ္တမြား၊ ကျောက်စိမ်း၊ ရေနံ၊ သဘာဝဓါတ်ငွေ့၊ သံ၊ ကြေးနီ၊ ဝူဖရမ် သို့မဟုတ် တန်စတင်၊ သွတ်၊ ရွှေ၊ ငွေတို့အပြင် ရေထွက် ပစ္စည်းများ ပေါကြွယ်ဝသောနိုင်ငံဖြစ်သည်။
ရန်ကုန်တက္ကသိုလ်ကျောင်းထွက်များသည်လည်း ကမ္ဘာ့နိုင်ငံရေး စီးပွါးရေး၊ ပညာရေး၊ လူမှုရေးတို့တွင် ဦးဆောင်နိုင်သည့် ပညာတတ်စာရင်းဝင်များ ဖြစ်ခဲ့ကြသည်။ မြန်မာနိုင်ငံသည်သဘာဝရင်းမြစ် (Natural Resources) နှင့် လူသားရင်းမြစ် (Human Resources) နှစ်ခုလုံး ကြွယ်ဝသည့်နိုင်ငံ ဖြစ်ခဲ့ဖူးသည်။
ရန်ကုန်တက္ကသိုလ်သည် အရှေ့တောင်အာရှနိုင်ငံအသီးသီးမှ ပညာတော်သင်များ အထင်တကြီးဂုဏ်ယူစွာ လာရောက်ပညာရှာမှီးရာ ထိပ်တန်းတက္ကသိုလ်ကြီးတစ်ခု ဖြစ်သလို၊ မင်္ဂလာဒုံလေဆိပ်သည်လည်း အရှေ့တောင်အာရှ၏ ခေတ်အမှီဆုံး လေဆိပ်ကြီးတစ်ခု ဖြစ်ခဲ့ဖူးသည်။ ကိုလိုနီစံနစ်အောက်မှမလွတ်မြောက်မီ ဗြိတိသျှတို့က အရှေ့တောင်အာရှ၏ အတိုးတက်ဆုံးနိုင်ငံဖြစ် လာရန် အလားအလာရှိသည့်နိုင်ငံအဖြစ် သူတို့၏ မှတ်တမ်းထဲတွင် ရေးမှတ်ထားခဲ့ဖူးသည်။ သို့ရာတွင် လူသားရင်းမြစ်နှင့် သဘာဝရင်းမြစ်ပေါ ကြွယ်ဝသောမြန်မာနိုင်ငံသည် ဗြိတိသျှတို့ ထင်သလို ဖြစ်မလာဘဲ ကမ္ဘာနှင့်မပြောနှင့် အိမ်နီးချင်းနိုင်ငံများနှင့်ပင်မယှဉ်နိုင်ဘဲ လူမွဲနိုင်ငံဘဝသို့ ရောက်ရှိလာခဲ့ရသည်မှာ အဘယ်ကြောင့်နည်း။ ဤဆောင်းပါးက အဖြေအချို့ကို ထုတ်ပေးနိုင်လိမ့်မည် ဖြစ်သည်။
ထွန်းအောင်ကျော် (ဒီဇင်ဘာလ ၂၅ရက်၊ ၂၀၁၂ ခုနှစ်)
ပြန်လည်ဖြည့်စွက်ခြင်း မတ်လ ၁၅ ရက်၊ ၂၀၁၃ ခုနှစ်။
"
ယနေ့ကနေ နောင် ၁၀ နှစ် အနှစ် ၂၀ ကြာတဲ့အခါ ရေနံ (
ဓါတ်ငွေ့)
ထွက်ခြင်းဟာ ကျွန်တော် တို့နိုင်ငံ ပျက်စီး ရေးလမ်းကို ခေါ်ဆောင်လာတယ် ဆိုတာကို အားလုံးကမြင်ရတော့မှာ ဖြစ်တယ်။"
ဝှမ်ပါဘလို ပီရက်စ် အယ်ဖွန်ဆို (JuanPablo Pe'rez Alfonzo)
(
ဗင်နီဇွဲလားနိုင်ငံရေးသမား နှင့် အိုပက် (OPEC)
ရေနံအဖွဲ့ကို စတင်တည်ထောင်ရာတွင် ပါဝင်ခဲ့သူ) စီးပွါးရေးပျက်ကပ်ထက် သဘာဝရင်းမြစ်ကျိန်စာသင့်ခြင်းက ပို၍ဆိုးဝါးသည်ဆိုသည့် အတွေးအခေါ်သည် ၁၉၈၀ ခုနှစ် ဝန်းကျင်တွင် ခေတ်စားလာခဲ့သည်။ ၁၉၉၃ ခုနှစ်တွင်
သဘာဝရင်းမြစ် ကျိန်စာသင့်ခြင်း ဆိုသည့်အသုံးအနှုန်းကို စတင်သုံးစွဲသူမှာ ရစ်ချတ်အော်တီ (Richard Auty) ဆိုသူဖြစ်သည်။ သူက သဘာဝရင်းမြစ်ကြွယ်ဝသောနိုင်ငံများသည် ထိုကြွယ်ဝမှုကို အသုံးချ၍ မိမိတိုင်းပြည်စီးပွါးရေးတိုးတက်မြင့်မားလာစေရေးကို မလုပ်နိုင်ဘဲ ဆန့်ကျင်ဖက် အကျိုးသက်ရောက်မှုကိုသာ ဖြစ်စေခဲ့သည်ဟုဆိုသည်။ သဘာဝရင်းမြစ်ချို့တဲ့သည့်နိုင်ငံများက ရင်းမြစ်ပေါကြွယ်ဝသည့် နိုင်ငံများထက် စီးပွါးရေးတိုးတက်ဖွံ့ဖြိုးမှု သာလွန်သည်ဟု သူက ဆိုသည်။
အမှန်စဉ်စစ် သဘာဝရင်းမြစ်ပေါကြွယ်ဝသည့်နိုင်ငံများက ရင်းမြစ်ချို့တဲ့သည့်နိုင်ငံများထက် စီးပွါးရေး ပိုမိုကောင်းမွန်ရမည့်အစား ပိုမိုနိမ့်ကျနေသည်မှာ အဖြေထုတ်ချင်စရာအချက်တစ်ခု ဖြစ်လာခဲ့သည်။ ထို့ကြောင့် ပညာရှင်များက လေ့လာမှုများစွာပြုလုပ်ခဲ့ကြပြီး ထိုအထဲမှ ပညာရှင် ဂျက်ဖရီရှက် (Jeffrey Sachs) နှင့် အင်ဒယူးဝါနာ (Andrew Warner) တို့က သဘာဝရင်းမြစ်ပေါကြွယ်ဝမှုနှင့် စီးပွါးရေးနှေးကွေးနိမ့်ကျရခြင်း၏ဆက်စပ်မှုကွင်းစက်ကို ရှာဖွေထောက်ပြနိုင်ခဲ့သည်။
သဘဝရင်းမြစ်ကျိန်စာသင့်ခြင်းကို ပေါကြွယ်ဝမှုနောက်ကွယ်မှ အမှန်တရား ဟုလည်းခေါ်ဝေါ်ကြသည်။ သောမတ်စ် အိုင်ပယ်လီ (Thomas I. Palley) က ၂၀၀၃ ခုနှစ် ဒီဇင်ဘာလထုတ် နိုင်ငံတကာဝန်ဆောင်မှုဂျာနယ် (Foreign Service Journal) တွင် သဘာဝရင်းမြစ်ကျိန်စာသင့်ခြင်းကို မည်သို့လွတ်အောင်လုပ်ရမည် (Lifting the Natural ResourseCurse) ဆောင်းပါးတွင် အောက်ပါအတိုင်း အဓိပ္ပါယ်ဖွင့်ဆိုခဲ့သည်။
"ကမ္ဘာ့အဆင်းရဲဆုံးနိုင်ငံအများစုသည် ထူးထူးခြားခြား ရေနံနှင့်အခြားသဘာဝရင်းမြစ်များ ပေါကြွယ်ဝသောနိုင်ငံများ ဖြစ်နေကြသည်။ ပညာရှင်များ သုတေသနပြုမှုအရ ကုလသမဂ္ဂလူသားတိုးတက်မှုအညွှန်းတွင် တိုင်းပြည်၏ဘဏ္ဍာရေးကို ရေနံနှင့် သဘာဝတွင်းထွက် ပေါကြွယ်ဝမှုအပေါ် အဓိကမှီခိုနေရသောနိုင်ငံများသည် အခြားနိုင်ငံများထက် များစွာနိမ့်ကျလျက် ရှိကြောင်း တွေ့ရှိရသည်။ ထို့ပြင် ထိုနိုင်ငံများတွင် အကျင့်ပျက်ခြစားမှု၊ ပြည်တွင်းပဋိပက္ခများ ငါးနှစ်တစ်ကြိမ်ခန့် ပေါ်ပေါက်နေမှု၊ ပြည်သူများ ဆင်းရဲနွံ့တွင်းကျရောက်နေမှု၊ တိုင်းပြည်ဝင်ငွေသုံးစွဲမှုအချိုးအစားတွင် စစ်ရေးသုံးစွဲမှုက အမြင့်မားဆုံးဖြစ်နေမှု၊ အုပ်ချုပ်သောအစိုးရ သည်အခြားသဘာဝရင်းမြစ်ချို့တဲ့သောနိုင်ငံများထက် အာဏာရှင်ဆန်သော အစိုးရများ ဖြစ်နေကြောင်းကိုလေ့လာတွေ့ရှိရသည်ဟု ဆိုသည်။ ထိုကဲ့သို့ဖြစ်ရခြင်းမှာ အကျင့်ပျက်ခေါင်းဆောင်များနှင့် အရာရှိများက သဘာဝရင်းမြစ်များကို အလွဲသုံးစားပြုလုပ်၍ တိုင်းပြည်တိုးတက် ဖွံ့ဖြိုးရေးထက် မိမိအတွက် ကိုယ်ကျိုးရှာခဲ့သောကြောင့်ပင်ဖြစ်သည်။ ထို့ထက်ပိုသည့်အချက်က သံယံဇာတများကို အချင်းချင်းလုကြရာမှ ပြည်တွင်းစစ်မီးတောက်လောင်ခြင်းကို ဖြစ်စေသည်မှာလည်း အကြောင်းရင်းတစ်ရပ်ဖြစ်သည်ဟု တင်ပြခဲ့သည်။"
သဘာဝရင်းမြစ်ကျိန်စာသင့်နေသောနိုင်ငံများတွင် အင်ဂိုလာ၊ နိုင်ဂျီးရီးယား၊ ကင်မရွမ်း၊ ကွန်ဂို၊ အီကွေဒို၊ အီရတ်နှင့် မြန်မာနုိုင်ငံတို့ ပါဝင်သည်။ ကမ္ဘာ့ဘဏ်အုပ်စု (The World Bank Group) ၏ ပုဂ္ဂလိကကဏ္ဍစာမှတ်စုအမှတ် ၂၉၁ တွင် ထောက်ပံ့မှုနှင့် သဘာဝရင်းမြစ်ကျိန်စာ စာတမ်းတွင် သုတေသနပြုမှုမှ တွေ့ရှိရသည့် အချက်အလက်များကို တင်ပြထားသည်။ ဖွံ့ဖြိုးတိုးတက်ရေး (Development) ပညာရှင်တချို့သည် နိုင်ငံခြားထောက်ပံ့ကူညီမှုသည်လည်း ကျိန်စာသင့်ခြင်း အမျိုးအစားထဲတွင် ပါဝင်သည်ဟုဆိုကြသည်။ သူတို့၏သုတေသနပြုမှုသည်ပြီးဆုံးမှုမရှိသေးသော်လည်း ဖြစ်နိုင်ချေရှိခြင်းကိုမူ မငြင်းပယ်နိုင်ဟုဆိုသည်။ သူတို့က ထိုကဲ့သို့ကျိန်စာမသင့်ရန် မည်သို့မည်ပုံ ရှောင်ရှားရမည်ကိုကြံစည်စဉ်းစားသလို ဤလေ့လာမှုကိုလေးလေးနက်နက်ထားပြီး လုပ်ဆောင်သင့်သည်ဟု ယူဆကြသည်။
စာမှတ်စုက
"စိန်တွေဟာ အင်ဂိုလာ ကိုချမ်းသာလာအောင်လုပ်မပေးနိုင်သလို ရေနံဟာလဲ ဘိုလီဗီးယားနိုင်ငံကို ဖွံ့ဖြိုးလာအောင်မလုပ်ပေးနိုင်ပါဘူး။ ကော်တင် (Coltan= မိုဘိုင်းဖုန်းတွင်အသုံးပြုသော သံယံဇာတပစ္စည်း) နှင့် စိန်ပေါကြွယ်ဝမှုဟာလဲ ကွန်ဂိုနိုင်ငံမှာ ပြည်တွင်းစစ်ကြီးဖြစ်အောင်ဖန်တီးသလိုဖြစ်နေပြန်ပါတယ်" ဂျက်ဖရီဒီရှက်စ (Jeffrey D. Sachs) က ပွင့်လင်းမြင်သာမှု (transparency) နှင့် တာဝန်ခံမှု (accountability) တို့သည်သာကျိန်စာသင့်ခြင်းမှကာကွယ်နိုင်မည့်ဆေး ဖြစ်သည်ဟုဆိုသည်။
အစိုးရနှင့်ပြည်သူတို့လွန်ဆွဲပွဲ (Tug of War between the people and government) အစိုးရကများပြားလှသောရင်းမြစ်များနှင့် ဝင်ငွေများကို အပိုင်စီးထားပြီး ပြည်သူတို့အတွက်ထက် သူတို့ဇိမ်ခံရန် သုံးဖြုန်းနေခြင်းကြောင့် ပြည်သူများက ဆန့်ကျင်လာပြီး သူတို့၏ရပိုင်ခွင့်များကို တောင်းဆိုရင်း အစိုးရနှင့်ထိပ်တိုက်ရင်ဆိုင်မှု ဖြစ်လာခဲ့သည်။ ထိုရင်းမြစ်များကြောင့် ပြည်သူတို့၏ လူမှုရေးဘဝမြင့်တက်လာရမည့်အစား ပိုမိုနိမ့်ကျသွားခဲ့ရသည်။ ထို့အတွက်ကြောင့် သဘာဝရင်းမြစ်များသည် ပြည်သူတို့အတွက် ကျိန်စာတိုက်ခံရသလိုဖြစ်လာခဲ့သည်။
အတွင်းပဋိပက္ခ (Internal conflict) ကော်လီယာ (Collier 2007) ၏ ၂၀၀၇ ခုနှစ်စာတမ်းတွင် သဘာဝရင်းမြစ်သည် လူ့ဘောင်အဖွဲ့အစည်းများအတွင်း မတူညီသောအဖွဲ့များ တစ်ဖွဲ့နှင့် တစ်ဖွဲ့၊ အုပ်စုများ တစ်စုနှင့် တစ်စုအတွင်း သူတို့၏ရှယ်ယာများ ဝေစုများအတွက် လုကြရင်း ပဋိပက္ခဖြစ်စေမှုကို ဖြစ်ပေါ်စေခဲ့ခြင်းနှင့် လှုံဆော်မှုများကိုလည်း သက်ရောက်စေခဲ့သည်ဟု ဆိုပါသည်။ တခါတရံ ထိုရင်းမြစ်ထုတ်ယူမှုနှင့်ပတ်သက်ပြီးဖြစ်ပေါ်နေသော ပဋိပက္ခသည် ဒေသတွင်း ထင်ရှားစွာပွင့်ထွက်လာပြီး ပြည်နယ်ခွဲထွက်လိုမှုအထိ ဖြစ်လာတတ်သည်ဟု ဆိုပါသည်။ သာဓကအားဖြင့် အင်ဂိုလာ၏ရေနံကြွယ်ဝသည့် ကာဘင်ဒါပြည်နယ် (Cabinda Province) တွင် ခွဲထွက်ရန် တောင်းဆိုမှု ပေါ်ပေါက်ခဲ့သည်။ များသောအားဖြင့် ထိုပဋိပက္ခသည် ပုန်းကွယ်နေသောအနေအထား အသွင်ပုံစံဖြင့် ရှိနေတတ်သည်။ သာဓကအားဖြင့် အစိုးရဝန်ကြီးဌာနများအချင်းချင်း သို့မဟုတ် ဌာနဆိုင်ရာများ အချင်းချင်း ဘတ်ဂျက်လျာထားမှု ဝင်ငွေများများ ပြသနိုင်ရန်အတွက် သဘာဝရင်းမြစ်လုပ်ကွက်ကို လုကြသည်များလည်းရှိသည်။ ထိုအချက်များသည် အစိုးရ၏စီမံခန့်ခွဲမှုအရည်အသွေးကို ထိခိုက်ကျဆင်းစေခဲ့သည်။
သဘာဝရင်းမြစ်ကြောင့် လက်နက်ကိုင်ပဋိပက္ခဖြစ်ရခြင်း အကြောင်းရင်းများလည်း ရှိသည်။
၁။ သဘာဝရင်းမြစ်ကျိန်စာသင့်ခြင်း၏ရိုက်ခတ်မှုသည် အစိုးရ၏အုပ်ချုပ်နိုင်မှုအရည်အချင်းနှင့် စီးပွားရေးစွမ်းဆောင်နိုင်မှုစွမ်းရည်ကို ကျဆင်းစေသည့်အပြင် ယင်းနိုင်ငံများအား အင်အားချိ့နဲ့နေမှုများကို တိုး၍ဖြစ်ပေါ်စေသည်။
၂။သဘာဝရင်းမြစ်လုစစ်ပွဲများ - ထိုစစ်ပွဲများသည် အုပ်စုတစ်ခုက လက်ဝါးကြီးအုပ်ပြီး သဘာဝရင်း မြစ်များကို ထိန်းချုပ်ထားခြင်းကြောင့် အခြားအုပ်စုများမှဝေစုတောင်းခြင်း သို့မဟုတ် အင်အားသုံးဝင်ရောက်လာခြင်းတို့ကြောင့် စစ်ပွဲများ ဖြစ်လာရသည်။
သုတေသီတစ်ဦး၏လေ့လာချက်အရ တိုင်းပြည်၏ ပြည်တွင်းစုစုပေါင်းထုတ်ကုန် (GDP: GrossDomestic Product) ၏၂၅ ရာနှုန်းကို ပြည်ပသို့တင်ပို့သောနိုင်ငံတွင်ပဋိက္ခဖြစ်နိုင်ချေ ၃၃ ရာနှုန်းရှိပြီး ပြည်တွင်းထွက်ကုန်၏ ၅ ရာနှုန်းကိုသာ တင်ပို့သောနိုင်ငံသည် ပဋိပက္ခ ဖြစ်နိုင်ချေ ၆ ရာနှုန်းအထိ ကျဆင်းသွားကြောင်း တွေ့ရှိရသည်ဟုဆိုသည်။
နိုင်ငံတကာစစ်ပွဲနှင့် ပဋိပက္ခ (Internationalwar and conflict) ရေနံကြွယ်ဝသောနိုင်ငံများတွင် နိုင်ငံတကာပဋိပက္ခများကို ပိုမို၍ရင်ဆိုင်ရသည်။ ထိုအချက်သည် ရေနံရလိုမှုကြောင့် ရေနံကြွယ်ဝသောနိုင်ငံများအပေါ် ပေါ်ပေါက်လာသည့်ရန်လိုမှုစစ်ပွဲဖြစ်သည်။ သာဓကများမှာ-အီရတ်နိုင်ငံမှ အီရန်နှင့် ကူဝိတ်နိုင်ငံများသို့ စစ်ရေးကျူးကျော်မှု၊ ၁၉၇၀-၁၉၈၀ ခုနှစ်များအတွင်း လစ်ဗျားနိုင်ငံမှ ချတ်နိုင်ငံတွင်းသို့ ကြိမ်ဖန်များစွာ ကျူးကျော်ဝင်ရောက်ခြင်း၊ ၂၀၀၈ ခုနှစ်တွင် ဗင်နီဇွဲလားမှ ကိုလံဘီယာနိုင်ငံအား စစ်ရေးအရလှုံဆော်တိုက်ခိုက်ခြင်း တို့သည် ရေနံကြောင့်ဖြစ်သည့်စစ်ပွဲများဖြစ်သည်။
နိုင်ငံတကာမှ ဖိအားပေးခြင်း (Internationalpressure) သဘဝရင်းမြစ်ကြွယ်ဝသည့်ဆင်းရဲသောတတိယနိုင်ငံများအပေါ် နိုင်ငံတကာမှ ထိုရင်းမြစ်မှရသောဝင်ငွေကို လူမှုပြန်လည်ထူထောင်ရေးလုပ်ငန်းများ၊ ပတ်ဝန်းကျင်ထိန်းသိမ်းရေးလုပ်ငန်းများ သို့မဟုတ် စီးပွားရေးနှင့် တိုင်းပြည်ဖွံ့ဖြိုးတိုးတက်ရေးတို့တွင် မျှတစွာအသုံးမပြုခဲ့လျှင် ဖိအားပေး၍ ပြုလုပ်စေခြင်းဖြစ်သည်။ ထိုဖိအားပေးမှုမျိုးကို အင်အားကြီးနိုင်ငံများဖြစ်သည့် အမေရိကနိုင်ငံ၊ ကမ္ဘာ့ရှေ့ဆောင်အနောက်ဥရောပနိုင်ငံများ၊ ကုလသမဂ္ဂနှင့် လွတ်လပ်မှုကိုလိုလားအားပေးသည့် အဖွဲ့အစည်းများဖြစ်သည့် ကမ္ဘာ့စီးပွါးရေးအဖွဲ့ (World Trade Organization) နှင့် နိုင်ငံတကာငွေကြေးရံပုံငွေအဖွဲ့(InternationalMonetary Fund) များက ပြုလုပ်လေ့ရှိကြသည်။
အခွန်ငွေကောက်ခံခြင်း(Taxation) သဘာဝရင်းမြစ်ပေါကြွယ်ဝမှုကို တိုင်းပြည်စီးပွါးရေးအရ မှီခိုမှုမရှိသောနိုင်ငံများတွင် အစိုးရကပြည်သူလူထုထံမှ အခွန်အကောက်ယူသည်။ ထိုပြည်သူများကလည်း ၎င်းတို့လိုအပ်ချက်များကိုစွမ်းဆောင်နိုင်ရန်နှင့် တာဝန်ခံနိုင်မှုကို အစိုးရက ထိရောက်စွာ ပြုလုပ်ပေးရန်တောင်းဆိုနိုင်ကြသည်။ ဤအပေးအယူလုပ်မှုသည် အုပ်ချုပ်သူနှင့် အုပ်ချုပ်ခံပြည်သူတို့ကြားရှိ နိုင်ငံရေးအရဆက်ဆံမှုပင်ဖြစ်သည်။
သဘာဝရင်းမြစ်ကို တိုင်းပြည်စီးပွါးရေးအရမှီခိုနေရသောနိုင်ငံများတွင်မူ အုပ်ချုပ်သူသည် ပြည်သူများထံမှ အခွန်ကောက်စရာ မလိုပေ။ သူတို့တွင် အာမခံနိုင်သည့်သဘာဝရင်းမြစ်များ ရှိနေခဲ့၍ ဖြစ်သည်။ ပြည်သူများကို အခွန်မကောက်ခံသည့်အတွက် ပြည်သူများမှ အစိုးရကိုရင်းမြစ်ရောင်းရငွေများကို မည်သို့သုံးစွဲနေသည်ကို တောင်းဆိုနိုင်မှုက နည်းပါးသွားသည်။ အစိုးရ၏တိုင်းပြည်သံယံဇာတများသုံးစွဲမှုအပေါ်စောင့်ကြည့်သည့်လွတ်လပ်သောလူ့ဘောင်အဖွဲ့အစည်း (Civil Society) များက အစိုးရဌာနများ၏ခြစားမှုများကို ဖေါ်ထုတ်နိုင်သည့်အတွက် ထိုအဖွဲ့အစည်းမျိုးသည် အုပ်ချုပ်သူတို့၏ ရင်းမြစ်အကျိုးအမြတ်များအပေါ် စည်းဇိမ်ယစ်နေမှုကို နှောက်ယှက်ဖေါ်ထုတ်နိုင်သဖြင့် ပိတ်ပင်နိုင်ပါက ပိတ်ပင်ပြစ်တတ်သည်။
ထိုအခြေအနေများကြောင့် ပြည်သူများကိုအစိုးရမှ ဂရုစိုက်မှုမရှိဘဲ နှိမ့်ချအလေးမထားတတ်ကြချေ။ ထိုအခါ ပြည်သူများကကန့်ကွက်မှုများဖြင့် တုံ့ပြန်လာလျှင် အစိုးရက ထိုရင်းမြစ်များမှရရှိသည့်ငွေကို လက်နက်ကိုင်အဖွဲ့အစည်းဖြစ်သည့် စစ်တပ်၊ ရဲတို့ကို ငွေကြေးထောက်ပံ့၍ ထိုကန့်ကွက်မှုများကို နှိမ်နင်းလေ့ရှိသည်။ထိုကဲ့သို့ သဘာဝရင်းမြစ်များကိုမှီခို၍ တိုင်းပြည်ဝင်ငွေကို အားထား နေရသောနိုင်ငံများတွင် ဖိနှိပ်ချုပ်ချယ်မှု၊အကျင့်ပျက်ခြစားမှုနှင့် စီမံခန့်ခွဲမှုညံ့ဖျင်းမှုတို့ ပိုမိုများပြားကြောင်း တွေ့ရသည်။
ဒါတ်ခ်ျရောဂါ (Dutchdisease) ဒါတ်ခ်ျရောဂါသည် စီးပွါးရေးအရဖြစ်ပေါ်လာသောထူးခြားသည့်သွင်ပြင်လက္ခာဏာတစ်ရပ် ဖြစ်သည်။ သဘာဝရင်းမြစ် တင်ပို့ရောင်းချခြင်းမှ ရသောဝင်ငွေကြောင့် ပြည်တွင်းရှိ ကုန်ထုတ်လုပ်သောစီးပွါးရေးလုပ်ငန်းများတွင် ပုံမှန်ငွေကြေးလဲလှယ်မှုနှုန်းများ မြင့်တက်လာခြင်းနှင့် လုပ်ခများတိုးမြင့်လာခြင်းတို့ကို ကြုံတွေ့လာရသည်။ထိုအခါ စိုက်ပျိုးရေးလုပ်ငန်းများနှင့် ပြည်တွင်းကုန်ထုတ်လုပ်ငန်းများမှ ထုတ်ကုန်များသည် ယခင်ကထက် ဈေးကြီးသွားသဖြင့်ကမ္ဘာ့ဈေးကွက်တွင်ဝယ်ယူသူလျော့နည်းသွားခဲ့ပြီး မယှဉ်ပြိုင်နိုင်ဘဲကျဆင်းသွားခဲ့သည်။ ထိုကဲ့သို့ဖြစ်ခြင်းကို ဒါတ်ခ်ျရောဂါဟု ခေါ်သည်။ ပြည်ပသွင်းကုန်များက ပြည်တွင်းထွက်ကုန်များထက် ဈေးသက်သာနေသဖြင့် ပြည်တွင်းလုပ်ငန်းရှင်များစီးပွားပျက်လာပြီး အလုပ်လက်မဲ့များ ပေါများလာခဲ့သည်။ ထိုမှတဆင့် တိုင်းပြည်၏ကုန်ထုတ်လုပ်မှုကျွမ်းကျင်သည့် အဆောက်အအုံကြီးတစ်ခုလုံး ထိခိုက်လာပြီး တိုင်းပြည်စီးပွားပျက် ကပ်ဆိုက်ခဲ့ရသည်။ထိုပြဿနာသည်
ရောမအင်ပါယာကြီး ရီပတ်ပလစ်အဖြစ်မှ ပြောင်းလဲစဉ်တွင်လည်းကောင်း၊ဗြိတိသျှအင်ပါယာကြီး အမြင့်မားဆုံးထွန်းတောက်နေစဉ်ကာလတွင်လည်းကောင်း ကြုံတွေ့ခဲ့ရဖူးသည်။ ဒါတ်ခ်ျရောဂါဆိုသည့် အသုံးအနှုန်း စတင်ဖြစ်လာသည်မှာ၁၉၅၉ ခုနှစ်တွင် ဂရော်နီဂင် (Groningen)
ဆိုသည့်အရပ်တွင် သဘာဝဓါတ်ငွေ့အမြောက်အများတွေ့ ရှိခဲ့ခြင်းမှ စတင်ခဲ့သည်။ နယ်သာလန် (
ဒါတ်ခ်ျ) များက ယင်းဓါတ်ငွေ့အမြောက်အများကို ထုတ်လုပ် ပြီးနိုင်ငံခြားသို့ တင်ပို့ရောင်းချ၍ အမြတ်ငွေရှာဖွေခဲ့သည်။ သို့ရာတွင် ဓါတ်ငွေ့များ တိုင်းပြည်မှထုတ်လုပ်သည့်တစ်ချိန်တည်းတွင် အခြားနိုင်ငံများနှင့် ပြည်ပပို့ကုန်များကို ယှဉ်
ပြိုင်ရသည်။ နယ်သာလန်
နိုင်ငံ၌ ဓါတ်ငွေ့ထုတ်လုပ်မှုကို အဓိကဇောင်းပေး၍ လုပ်နေချိန်တွင် တိုင်းပြည်ငွေကြေးတန်ဖိုးလျှင်မြန်စွာ မြင့်တက်လာခဲ့ပြီး တိုင်းပြည်၏နိုင်ငံခြားပို့ကုန်များ၏ ဈေးကွက်ကို ထိခိုက်လာစေခဲ့သည်။ ဓါတ်ငွေ့ဈေးကွက်ကြီးမားလာသည်နှင့်အမျှ နိုင်ငံခြားပို့ကုန်လုပ်ငန်းသည်ညှိုးကြုံသေးငယ်သွားခဲ့သည့်အခါ နယ်သာလန်နိုင်ငံသည် စီးပွါးပျက်ကပ်နှင့် ရင်ဆိုင်ရတော့သည်။ယင်းအဖြစ်အပျက်မျိုးကို ဗင်နီဇွဲလား (ရေနံ)၊ အင်ဂိုလာ(ရေနံ)၊ ကွန်ဂို (စိန်) နှင့် အခြားနိုင်ငံများတွင် တွေ့ရှိရသည်။ထိုအချက်ကို သဘာဝရင်းမြစ်များကျိန်စာသင့်နေခြင်းအဖြစ် သတ်မှတ်ကြသည်။
ဝင်ငွေအတက်အကျ အပြောင်းအလဲမြန်ခြင်း(Revenuevolatility) တချို့သဘာဝရင်းမြစ်များ၏ဈေးနှုန်းသည်မတည်ဘဲ အတက်အကျမြန်သည်။ သာဓကအားဖြင့် ရေနံစိမ်းဈေးနှုန်းသည်၁၉၇၃ ခုနှစ် ရေနံအရေးအခင်းပြီးနောက် တစ်စည်လျှင် ၃ ဒေါ်လာမှ ၁၂ဒေါ်လာသို့ ၁၉၇၄ ခုနှစ်တွင်မြင့်တက်သွားပြီးတဖန် ၁၉၈၆ ခုနှစ်တွင် ရေနံစိမ်း အလွန်အကျွံထုတ်လုပ်မှုကြောင့် ၂၇ ဒေါ်လာမှ ၁၀ေ ဒ်ါလာသို့ ပြန်ကျသွားပြန်သည်။ ၁၉၉၈ ခုနှစ်မှ ဆယ်စုနှစ်အတွင်းရေနံစိမ်းဈေးနှုန်းသည် တစ်စည်လျှင် ၁၀ ဒေါ်လာ မှ ၁၄၅ ဒေါ်လာသို့ တရားလွန် မြင့်တက်သွားခဲ့သည်။ ထိုသို့မဖြစ်ခင် လအနည်းငယ်အတွင်းက လက်ရှိပေါက်ဈေး၏တစ်ဝက်နီးပါး တစ်စည်လျှင် ၆၀ ဒေါ်လာသို့ ကျဆင်းခဲ့ဖူးသည်။ အစိုးရဘဏ္ဍာရေးဝင်ငွေသည် သဘာဝရင်းမြစ်များကို အဓိကမှီခိုအားထားနေရသော နိုင်ငံဖြစ်ပါက ထိုဝင်ငွေသည်ရင်းမြစ်ဈေးနှုန်းမတည်ငြိမ်မှုပေါ်တွင် မူတည်၍အစိုးရ၏စီမံကိန်းများကို ကမောက်ကမဖြစ်စေပြီးကြွေးမြီတင်ခြင်းကိုဖြစ်စေသည်။ သာဓကအားဖြင့် ၂၀၀၅ ခုနှစ်တွင် အင်ဂိုလာနိုင်ငံ၏ ပြည်ပပို့ကုန်၏ ၉၉.၃ ရာနှုန်းသည် ရေနံနှင့် စိန်ဖြစ်သည်။ တည်ရှိစဲ စီးပွားရေး အခြေအနေများ ရုတ်တရက် ပြောင်းလဲသွားခြင်းကြောင့် သဘောတူထားသည့် စာချုပ်များ၊ ပြည်သူ့ဖူလုံရေးအစီအစဉ်များကို ဖျက်သိမ်းခြင်းများ ဖြစ်လာခဲ့ကြသည်၊ တရားဥပဒေစိုးမိုးမှုပါ ယိုယွင်းလာပြီး ပြည်သူတို့၏ဆန့်ကျင်မှုကို ခံလာရသည်။
ဝင်ငွေများများဝင်လာနိုင်ချေရှိသည်ဟု ထင်ထားပါက အစိုးရက အကြွေးကို တိုး၍ယူသည်။ သို့ရာတွင် သဘာဝရင်းမြစ်တန်ဖိုးကျဆင်းလာပြီး တိုင်းပြည်ငွေကြေးလဲလှယ်နှုန်းတန်ဖိုးပါ ကျဆင်းလာပါက အကြွေးဝန်ထုတ်ဝင်ပိုးကြီးက လျှင်မြန်စွာ ဖိစီးလာတတ်သည်။ ထိုအခါ ရသည့်ဝင်ငွေထက် အတိုးနှုန်းက ကြီးမြင့်သွားတတ်သည်။ ရေနံကြွယ်ဝသည့် နိုင်ဂျီးရီးယားနှင့် ဗင်နီဇွဲလားနိုင်ငံတို့သည် ၁၉၇၀ လွန်နှစ်များအတွင်း ရေနံဈေးကွက်ကောင်းချိန်တွင် သူတို့၏ကြွေးမြီဝန်ထုတ်ဝန်ပိုးများ လျင်မြန်စွာ မြင့်တက်လာသည်ကို ကြုံတွေ့ခဲ့ကြရသည်။ ၁၉၈၀ ခုနှစ်များအတွင်း ရေနံဈေးနှုန်းများ ကျဆင်းသွားသည့်အခါဘဏ်များမှ ငွေထုတ်ချေးမှုကို ရပ်ဆိုင်းလိုက်သည့်အတွက်အတိုးမဆပ်နိုင်တော့ဘဲ တိုးရင်းပေါင်းတက်လာပြီး ကြွေးသံသရာလည်ခဲ့ကြပေသည်။
အကျင့်ပျက် ခြစားခြင်း(Corruption) သဘာဝရင်းမြစ်ပေါကြွယ်ဝသောနိုင်ငံများသည်တိုင်းပြည်စီးပွါးရေးကို တစ်ဆင့်ခြင်း ပြုစုပျိုးထောင်သော ဈေးကွက်စီးပွါးရေး ပေါ်လစီဖြင့်စနစ်တကျ လုပ်ဆောင်ခြင်းထက် ရင်းမြစ်များထွက်ရှိရာနယ်မြေတို့ကို ထိန်းချုပ်အသားပေးအုပ်ချုပ်ခြင်းမျိုးကိုဦးစားပေးပြုလုပ်ကြသည်။ ငွေကြေးမြောက်များစွာ သဘာဝရင်းမြစ်တင်ပို့ရောင်းချခြင်းမှဝင်လာမှုသည်နိုင်ငံရေးခြစားမှုကို ဖြစ်ပေါ်စေသည့် မီးထိုးပေးသည့်အကြောင်းအရာ ဖြစ်သည်။ အစိုးရသည်ကုန်ထုတ်လုပ်မှု စီးပွားရေးစနစ်အောက်မှ အကောက်အခွန်ကောက်ခံ၍ ဘဏ္ဍာငွေရှာခြင်းစနစ်အပေါ်အခြေခံ၍တည်ဆောက်ခြင်းကို ရင်းမြစ်ရောင်းချမှု၏အပြင်ဘက်တွင်ရှိသည့် လိုအပ်ချက်တစ်ခုအဖြစ် မရှုမြင်သည့်အတွက် တိုင်းပြည်စီးပွါးရေးသည်မတိုးတက်ဘဲ ရှိနေခဲ့သည်။
ယနေ့ကမ်းလွန်ရေနံတူးဖေါ်မှုကိုအခွန်ကင်းလွတ်ခွင့်ပေးထားခြင်းသည် အကျင့်ပျက်ချစားနေသည့် နိုင်ငံရေးသမားတို့ကို သူတို့၏စည်းစိမ်ချမ်းသာမှုများအား ကွယ်ဝှက်ရန်အတွက် ကျယ်ကျယ်ပြန့်ပြန့် လမ်းဖွင့်ပေးထားခြင်းဖြစ်သည်။များပြားလှစွာသောရင်းမြစ်များကို မြေတွင်းမှ ထုတ်ယူမှုများသည်တရားမဝင်လုပ်ဆောင်ချက်များဖြစ်ပြီး ထိုသို့လုပ်ဆောင်နေမှုတို့ကို နိုင်ငံတကာကော်ပိုရေးရှင်းကြီးများကနောက်ကွယ်မှနေပြီး အမျိုးသားအစိုးရများနှင့်တိတ်တဆိတ်ပူးပေါင်းကြံစည်ပြီး အားပေးနေခဲ့သည်။ဒေသခံပြည်သူများ၏ကန့်ကွက်မှုများသည် များသောအားဖြင့် အရေးစိုက်ခြင်းမရှိဘဲ ပစ်ပယ်ခြင်းခံကြရသည်။
အက်အေရဲစ် (EdAyres) ၏ ကမ္ဘာစောင့်ကြည့်ရေးအဖွဲ့အစည်း (WorldwatchInstitute) အစီရင်ခံစာအရထိုကဲ့သို့ တိတ်တဆိတ်ပူးပေါင်းကြံစည်မှုများကို ကမ္ဘာအနှံတွင်တွေ့ရှိရသည်ဟုဆိုသည်။
အမေရိကန်အထက်လွှတ်တော်နိုင်ငံခြားဆက်ဆံရေးကော်မီတီ(United Sates Senate Foreign Relations Committee) အစီရင်ခံစာ၏"ရေနံနှင့် ဆင်းရဲမွဲတေမှုအမှန်တရား" ခေါင်းစဉ်အောက်တွင် "များသောအားဖြင့် ဆင်းရဲသူ လူတန်းစားများအတွက် ပေးရမည့် ရေနံရောင်းရငွေသည် ချမ်းသာသူများ၏အိပ်ကပ်ထဲသို့သာ ဝင်ရောက်အဆုံးသတ်သွားခဲ့ခြင်းသို့မဟုတ်ထိုငွေများသည် ပြည်သူကို အကျိုးပြုသည့်ကုန်ထုတ်လုပ်သောစီးပွားရေးလုပ်ငန်းများတွင် ရင်းနှီးမြုပ်နှံခြင်းမလုပ်ဘဲ ကြီးကျယ်ခန်းနားသည့် အဆောက်အအုံကြီးများ၊ ဝင့်ကြွားရန်အတွက် ကြေညာသည့် စီမံကိန်းများ၌သာသုံးစွဲခြင်းတွေ့ရှိရသည်" ဟုဆိုသည်။
ထိုကဲ့သို့ အကျင့်ပျက်ခြစားမှုကို
ကမ္ဘာ့တစ်ဝှမ်းဖွံ့ဖြိုးတိုးတက်ရေစင်တာ(Center for Global Development) က မည်ကဲ့သို့ ကာကွယ်ရမည်ကို တင်ပြခဲ့သည်။သူတုို့၏အဆိုပြုချက်မှာအစိုးရသည် သဘာဝရင်းမြစ်ထုတ်ယူခြင်းမှရရှိသည့် ဝင်ငွေအချို့တစ်ဝက်သို့မဟုတ် အကုန်လုံးကို ပြည်သူများအား ညီမျှစွာနှင့် ပွင့်လင်းမြင်သာစွာ ပုံမှန်လစာအဖြစ် ခွဲဝေပေးအပ်ရမည်။ ပြည်သူများလက်ထဲသို့ သဘာဝရင်းမြစ်မှရသောဝင်ငွေကို ထည့်ပေးသည့်အတွက် ပြည်သူများထံမှ အခွန်အခကို ပြန်လည်ကောက်ယူခြင်းဖြင့် အစိုးရနှင့် ပြည်သူတို့၏ ပုံမှန်ဆက်ဆံရေးကို ထူထောင်ရမည်။ ပြည်သူများမှလည်း အစိုးရ၏သဘာဝရင်းမြစ်များအပေါ် စီမံခန့်ခွဲမှုကို ထင်သာမြင်သာရှိရန်နှင့် ပြည်သူ့အကျိုးပြုလုပ်ငန်းတို့ကို ထိရောက်စွာ လုပ်ဆောင်ရန် တောင်းဆိုနိုင်သည်။
လူသားရင်းမြစ် (Humanresources) ဆင်းရဲသောနိုင်ငံများစွာတို့တွင်သဘာဝရင်းမြစ်ထုတ်လုပ်ရယူသော စက်မှုလုပ်ငန်းများသည် တိုင်းပြည်တွင်းရှိ အခြားသောလုပ်ငန်းတို့ထက်ပိုမုိုမြင့်မားသောလစာကို ပေးကြသည်။ ထိုအချက်သည် ပုဂ္ဂလိကနှင့်အစိုးရဋ္ဌာနများတွင်ရှိသည့်အထက်မြက်ဆုံးလူတော်များကို ဆွဲဆောင်သိမ်းသွင်းနိုင်သဖြင့် အစိုးရဌာနများနှင့် ပုဂ္ဂလိကလုပ်ငန်းများသည်၎င်းတို့ဌာနရှိ လုပ်ငန်းကျွမ်းကျင်သည့်လူတော်များကို ဆုံးရှုံးလာပြီး ဌာနများကို ထိခိုက်လာစေသည်။ ကျိန်စာကြောင့်ဖြစ်ပေါ်လာသည့် နောက်အကျိုးဆက်တစ်ခုမှာလူသားရင်းမြစ်တိုးတက်အဆင့်မီရေးကို ပြစ်ပယ်ထားမှုပင်ဖြစ်သည်။ သဘာဝရင်းမြစ်များကိုပြည်ပသို့ အဓိကတင်ပို့နေရသော နိုင်ငံများသည် ပညာရေးကဏ္ဍကို လစ်လျူရှုတတ်ကြသည်။အကြောင်းမှာ သူတို့သည် လက်ရှိစီးပွားရေးအတွက် မလိုအပ်ဟု ယူဆထား၍ ဖြစ်သည်။
သဘာဝရင်းမြစ်ချို့တဲ့သောနိုင်ငံများဖြစ်သည့်စင်္ကာပူ၊ တိုင်ဝမ်နှင့် တောင်ကိုရီးယားတို့သည် ၎င်းတို့နိုင်ငံ၏ပညာရေးကို ပုံအောပြီးသုံးကြသည့်အတွက်အကျိုးဆက်အားဖြင့် ၎င်းနိုင်ငံများသည် စီးပွားရေးတွင် ခေါင်းထောင်လာပြီး အရှေ့တောင်အာရှ၏ကျားများဖြစ်လာခဲ့သည်။
လူ့အခွင့်အရေး (Human Rights) ရေနံထုတ်လုပ်သောနိုင်ငံများတွင်ရေနံစိမ်းဈေး အတက်အကျအလိုက် လူအခွင့်အရေး အကောင်အထည်ဖော်သည့် ဆောင်ရွက်ချက်များသည်လည်းအချိုးကျဖြစ်နေခဲ့သည်ဟု ဆိုသည်။ သဘာဝရင်းမြစ်ကျိန်စာသင့်နေသောနိုင်ငံများတွင် လူ့အခွင့်အရေးသည်စိတ်ပျက်ဖွယ်ကောင်းလောက်အောင် ချို့တဲ့နေတတ်၍သော်လည်းကောင်း၊ လုံးဝမရှိ၍ သော်လည်းကောင်းဖြစ်နေတတ်သည်။ ယေဘုယျအားဖြင့် သဘာဝရင်းမြစ်ကျိန်စာသင့်နေသောနိုင်ငံများတွင် အာဏာရှင်စံနစ်သို့မဟုတ် ဖိနှိပ်မှုပြင်းထန်သောအစိုးရများက အုပ်ချုပ်လေ့ရှိသည်။ ထိုအစိုးရများအာဏာဆက်လက် ရှင်သန်နေခြင်းမှာ ရွေးချယ်ထားသော လက်ရွေးစင်အပေါ်လွှာလူတန်းစားများနှင့်စစ်ခေါင်းဆောင်များက အားပေးကူညီထောက်ခံထားကြ၍ ဖြစ်သည်။ အစိုးရက ထိုလူနည်းစုလူတန်းစားတစ်စုကိုပျော်ရွှင်ကျေနပ်အောင် ထိန်းထားနိုင်သရွေ့ ၎င်းအစိုးရသည် အနှောင့်အယှက်မရှိဘဲ တိုင်းပြည်ကိုအုပ်ချုပ်သွားနိုင်သည်။
ထိုကဲ့သို့ စနစ်ကိုသတ်မှတ်ထားသဖြင့် အကူအညီ အထူးလိုအပ်နေသော သာမာန်လူများသည် အစိုးရစောင့်ရှောက်ကူညီမှုကိုမရရှိဘဲ ကိုယ့်အားကိုယ်ကိုးပြီး အသက်ရှင်ရပ်တည်ရေးအတွက် လှုပ်ရှားရုန်းကန်ကြရသည်။ကွန်ဂိုဒီမိုကရက်တစ်ရီပတ်ပလစ်နိုင်ငံတွင် လူ့အသက်သည် လုံးဝတန်ဖိုးမရှိဘဲ အဓမ္မလုပ်အားပေးခိုင်းစေခြင်းသည်လုပ်ရိုးလုပ်စဉ်တစ်ခုပင်ဖြစ်သည်။
ဗင်နီဇွဲလားနိုင်ငံသည်လည်း၎င်းတွင်ရှိသည့် ပေါကြွယ်ဝသောရေနံရင်းမြစ်ကြောင့် ဒုက္ခရောက်ပြီးကျိန်စာသင့်နေကြောင်းပြသနေခဲ့သည်။ ထိုနိုင်ငံတွင် လွယ်လင့်တကူရသောရေနံကြောင့်အခြားစီးပွါးရေးလုပ်ငန်းများ တိုးချဲ့လုပ်ကိုင်ရန် မလိုကြောင်းအကျိုးအမြတ်နှိုင်းယှဉ်ကြည့်ခြင်းဖြင့် ကြည့်သည်။ အကျိုးအမြတ်နှိုင်းယှဉ်ကြည့်ခြင်းဆိုသည်မှာ ဗင်နီဇွဲလားနိုင်ငံ၏ ရေနံအကျိုးအမြတ်သည် အခြားစီးပွါးရေးလုပ်ငန်းများထက် အကျိုးအမြတ်များပါကရေနံကိုသာ ထုတ်လုပ်ရမည်ဆိုသည့် ယူဆချက်ဖြစ်သည်။ မည်သို့ပင်ဆိုစေကာမူ ဗင်နီဇွဲလားနိုင်ငံ၏ရေနံကုမ္ဗဏီသည် နိုင်ငံပိုင်ဖြစ်ပြီး နောက်ပြန်ဆွဲကာ စွမ်းဆောင်နိုင်စွမ်း မရှိကြောင်း ဝေဖန်ခံနေရသည်။ ဗင်နီဇွဲလားနိုင်ငံ၌ သဘာဝရင်းမြစ် ကျိန်စာသင့်နေကြောင်း ထင်ရှားသည့်အချက်မှာဆင်းရဲချမ်းသာမှုအကြား ကွာဟမှု ကြီးမားစွာ ဖြစ်ပေါ်နေခြင်း ဖြစ်သည်။ ဗင်နီဇွဲလားနိုင်ငံသမိုင်းတွင်ရေနံအကျိုးအမြတ်များသည် ချမ်းသာသော အပေါ်လွှာလူတစ်စုဆီသို့သာ ရောက်ရှိသွားပြီး အောက်ခြေလူတန်းစားများအတွက်အနည်းငယ်သာ စီးဆင်းရောက်ရှိသွားကြောင်း တွေ့ရှိရသည်။
ကွန်ဂိုရီပတ်ပလစ်နိုင်ငံသည်ကမ္ဘာပေါ်တွင် အပြောင်းအလဲ အတက်အကျ အများဆုံးနိုင်ငံဖြစ်သည်။ သဘာဝရင်းမြစ် ကျိန်စာသင့်ခြင်း၊ရောဂါအန္တရာယ်ကပ်ဘေးကျရောက်ခြင်း၊ ပြည်တွင်းစစ်ပွဲများဖြစ်နေခြင်းတို့ကို ကြုံတွေ့နေရသည့် နိုင်ငံဖြစ်သည်။ မယ်မယ်ရရ အစိုးရဟူ၍ မရှိဘဲအုပ်စုအသီးသီး၊ ဂိုဏ်းပေါင်းစုံအသီးသီးဖြင့် ပြည်သူများကို ခေါင်းပုံဖြတ်၍ စိန်နှင့်အခြားရှားပါး သံယံဇာတများကို ထုတ်ယူကြသည်။ ကွန်ဂိုရီပတ်ပလစ်သည်ထူးခြားသည့် သွင်ပြင်လက္ခဏာ ဆောင်သော ကျိန်စာသင့် နိုင်ငံဖြစ်သည်။အဘယ်ကြောင့်ဆိုသော် နိုင်ငံရေးမတည်ငြိမ်မှုကြောင့် ဖြစ်သည်။ စိန်မှရသောပိုက်ဆံတို့ကိုအပေါ်လွှာလူချမ်းသာအုပ်စုအား ပေးရမည့်အစား ဆက်လက်ဖြစ်ပွားနေသောပြည်တွင်းစစ်ကို ထောက်ပံ့ရာတွင် သုံးစွဲနေသည့်အတွက်၎င်းစိန်တို့ကို သွေးစွန်းသောစိန် (Blood Diamond) ဟု တင်စားခေါ်ဝေါ်ကြသည်။
အထက်ပါအကြောင်းအရာများက သဘာဝရင်းမြစ်ကျိန်စာသင့်ခြင်းသည် မြန်မာနိင်ငံနှင့်မည်သည့်အချက်များက အကျုံးဝင်မှုရှိပြီး မည်မျှမှန်ကန်နေကြောင်း တိုက်ဆိုင်ကြည့်၍ ကိုယ်ပိုင်ဥာဏ်မျက်စိဖြင့် စဉ်းစားချင့်ချိန်နိုင်ရန် အရေးကြီးပါသည်။ မည်သူမဆို အုပ်ချုပ်သူအစိုးရခေါင်းဆောင်များအပါအဝင် လွှတ်တော်ကိုယ်စားလှယ်များ၊ တပ်မတော်ထိပ်တန်းဗိုလ်ချုပ်များနှင့်သာမန်အရပ်သူအရပ်သားများအများစုက ဖက်ရှုလေ့လာသင့်သောအချက်များ ပါဝင်ပါသည်။ နိုင်ငံရေး၊စီးပွါးရေးပညာရှင်များက သူတို့၏ကမ္ဘာအရပ်ရပ်မှ လေ့လာတွေ့ရှိချက်များကို စုစည်းတင်ပြထားသဖြင့်တိုင်းပြည်တိုးတက်လိုသော မျိုးချစ်စိတ်ရှိသူ မည်သူမဆို အမိမြန်မာပြည်ကြီးအမှန်တကယ် တိုးတက်ရေးအတွက် မည်သို့ လုပ်ရမည်၊ ကျိန်စာမသင့်ရန် မည်သို့ကာကွယ်ရမည်ကိုရှင်းလင်းစွာမြင်ကြမည်ဆိုလျှင် ဤဆောင်းပါးကို အပင်ပန်းခံရေးရကျိုးနပ်ပါသည်။ မြန်မာနိုင်ငံသည်၎င်းပညာရှင်များ သတ်မှတ်ချက်နှင့်မည်မျှအံဝင်မှုရှိကြောင်း ဒုတိယပိုင်းတွင် ပင်ကိုယ်ရေးသုံးသပ်ချက်ကို တင်ပြသွားပါမည်။
လေးစားစွာဖြင့်
ထွန်းအောင်ကျော်
ခေတ္တ အီသီကာမြို့၊နယူးယောက်ပြည်နယ်။
အမေရိကန်နိုင်ငံ။
