မကွေးက ကြားဖြတ်အရှုပ်တော်ပုံ
မကွေးသား၊ မိုးမခပေးစာ၊ ဧပြီ ၁၄၊ ၂၀၁၂
''ဘယ်သူကအမှန် ဘယ်သူက တရားခံ အမှားအမှန်အဖြေညှိစရာမလိုတဲ့ 'ကြားဖြတ်ရွေးကောက်ပွဲမှာ မဲဆန္ဒမပြုလိုက်ရတဲ့ ပြည်သူများနဲ့ ကော်မရှင်လူကြီးတို့ရဲ့ ထိပ်တိုက်ရင်ဆိုင်ဖြေရှင်းမှုများ …"
ဧပြီလ (၁)ရက် ကြားဖြတ်ရွေးကောက်ပွဲအဖြကို အားလုံးသိရှိပြီးဖြစ်သော်လည်း မဲဆန္ဒနယ်မြေ တစ်ခုချင်းစီမှာ တွေ့ကြုံခဲ့ရသော အခက်အခဲပြဿနာတွေကတော့ ညံစီနေဆဲပါ။ တာဝန်ရှိသူတွေကလည်း မဲရုံမှာ တရားဝင်နှောက်ယှက်မှုနဲ့ ပြဿနာရှာချင်၊ နိုင်ငံရေးပါတီတွေကလည်း မဲမသမာမှုရှိတယ်ဆိုပြီး ကော်မရှင်နဲ့ မဲရုံမှူးတွေကို တိုင်ချင်၊ တစ်ယောက်နဲ့တစ်ယောက် ရင်ဆိုင်ဖြေရှင်းဖို့ ကြိုးစားအားထုတ်နေကြ ပါတယ်။
ပြည်သူကလည်း မိမိရဲ့အားနည်းမှုမရှိပါဘဲလျက် မဲစာရင်းမှာမပါလို့ ကော်မရှင်ကို အချိန်မီအကြောင်းကြားခဲ့သော်လည်း မသိကြိုးကျွံပြု မဲစာရင်းမှာချန်လို့ ကြိတ်မနိုင်ခဲမရ မိမိရဲ့တကယ့်ဆန္ဒအမှန် ဖော်ထုတ်ချင်ခါမှ ပျောက်ကွယ်နေရတဲ့ မဲစာရင်းကြောင့်လမ်းဘေးမှာငုတ်တုတ်ထိုင်ရင်း မဲပေးနေကြသူတွေကို ငေးကြည့်နေခဲ့ရတာပါ။
အဖြစ်က ဒီလိုပါ။ ၂၀၁၀ ရွေးကောက်ပွဲတုန်းက မဲပေးမယ့်သူစာရင်းမကျန်လစ်ရလေအောင် ရ.ယ.က တို့ ကြိုးပမ်းဆောင်ရွက်ခဲ့ပါတယ်။ အခုကြားဖြတ်ရွေးကောက်ပွဲမှာလဲ အုပ်ချုပ်ရေးမှူးများက ၂၀၁၀ စာရင်းအခြေခံလို့ မဲစာရင်းတွေ ထုတ်ပြန်ခဲ့ရတယ်။ နေထိုင်တာ ပြောင်းရွှေ့ရင်ဖြုတ်၊ နောက်တိုးကိုထပ်ပေါင်း၊ အသက်ပြည့်မှီသူတွေတိုးပွား။ ဒီလိုလုပ်ရမှာမဟုတ်လား။
အခုတော့ ယခင် ၂၀၁၀ ရွေးကောက်ပွဲတုန်းက မဲဆန္ဒရှင်စာရင်းမှာ မဲပါသူတွေလဲစာရင်းပျောက်။ အိမ်ထောင်ဦးစီး တစ်ယောက်လောက်သာ မဲစာရင်းပါဝင်ပြီး တစ်အိမ်သားလုံးစာရင်းပျောက်နေတာလည်းရှိရဲ့/ မိမိကိုယ်တိုင် ဆယ်အိမ်မှူး၊ မဲရုံမှူးဖြစ်နေရက်နဲ့ တစ်အိမ်ထောင်စုလုံး မဲမပေးရတာလည်း ရှိရဲ့ဗျာ။
ရပ်ကွက်ကော်မရှင် ဖြေရှင်းပုံတစ်ခုကတော့ထူးရဲ့။ နာမည်စာရင်းက မစန်း။ မဲစာရင်းမှာက မစန်းစန်းဌေးဖြစ်နေတယ်။ မှတ်ပုံတင်နံပါတ်ကလည်းလွဲ။ ဒါပေမဲ့ အဖေနာမည်အမှန်။ နေရပ်လိပ်စာအတိအကျ။ ဒါကိုအရေးဆိုတော့ လစ်လပ်နေရာမှာ အစားထိုးပေးစေခဲ့တာပါ။ တစ်ယောက်တည်းလားဆိုတော့ အခြားတစ်ယောက်ကျ အဖေနာမည်မတူလို့ ပေးရမယ့်မဲရုံမှာမပေးရဘဲ နောက်တိုးစာရင်းနဲ့ မဲရုံနေရာပြောင်းပေးရတယ်။ ဘာပဲဖြစ်ဖြစ် စာရင်းပျောက်လို့ တစ်အိမ်လုံး တစ်မိသားစုလုံး မဲမပေးရတာထက်စာရင် တော်သေးတယ်လို့ ပြောရမှာပေါ့။
''ဒါကျမအသိနဲ့ ကျမလုပ်တာ။ ဘယ်ပါတီဝင်မှမဟုတ်ဘူး၊ ကျမလို မဲဆန္ဒပြုချင်ရက်နဲ့ မဲမပေးရတဲ့သူ ဘယ်နှစ်ယောက်ရှိလဲ သိချင်လို့ စာရင်းပြုစုတာပါ။ (၈၊ ၉၊ ၁၀)လမ်း - (၃)လမ်းပဲ ကောက်နိုင်ပါသေးတယ်။ ကျမက ဈေးသည်ပါ။ ဈေးရောင်းရပါဦးမယ်။ ကျမနိုင်သလောက် လုပ်တာပါ။ အခုမဲစာရင်းမှာမပါတာ (၃)လမ်းမှာ စာရင်းကောက်တာ အယောက်(၇၀) ရှိသွားပြီ'' ဆိုသူကဆိုပေါ့ဗျာ။
ကျနော်လုပ်ရမှာက မဲဆန္ဒနယ်တွေမှာ ရသလောက် သတင်းယူရမှာ မဟုတ်လား။ အခုတော့ ရပ်ထဲရွာထဲ မဲစာရင်းပျောက်လို့ မဲမပေးရသူတွေနောက် လိုက်နေရတယ်ဗျာ။ ဒါဘာကြောင့်လဲ။ ဘယ်အတွက်မဲစာရင်းကျန်တာလဲ။ ရည်ရွယ်ချက်ရှိရှိနဲ့ ချန်တာလို့ ထင်စရာက …
''ရာခိုင်နှုန်း ကွာဟမှုမရှိပါစေနဲ့၊ ဘာပဲဖြစ်ဖြစ် နိုင်ကိုနိုင်ရမယ်။ ခင်ဗျားတို့ ကျုပ်တို့က ပါတီဝင်တွေ၊ ခင်ဗျားနေရာ ခင်ဗျားမြဲချင်တယ်မဟုတ်လား။ မဖြစ် ဖြစ်တဲ့နည်းနဲ့လုပ်လို့ ညွှန်ကြားသူကလည်း ညွှန်ကြားထားတယ်။ ဒီတော့ မကွေးမြို့နယ် စလံရွာမှာ ဖြစ်သွားတာကျတော့ နည်းစနစ် ဥပဒေဘောင်တွေ အကုန်ကျော်ကုန်တယ်ဗျို့"
သူက ရွာမှာ မိုက်တကာ့မိုက်တဲ့ကလေး၊ မဲဆန္ဒမတိုင်ခင်ရက်တွေမှာ ''ငါးမင်းဆွေ''ရေးတဲ့ ဒေါ်စုမကောင်းကြောင်းဆောင်းပါးတွေ ဖြန့်ဝေတယ်။ အမတ်လောင်း ဦးမြင့်သိန်း ကိုယ်ရေးအကျဉ်းတွေဝေတော့ တားမြစ်တယ်။ နောက်ဆုံး မဲရေတွက်တော့ ပြည်ခိုင်ဖြိုးနဲ့ NLD မဲအရေအတွက်ချင်းညီနေတယ်။ ၂၀၉ မဲ နဲ့ ၂၀၉ မဲ။ ဘသားချော ဘာလုပ်တယ် အောက်မေ့တယ်မှတ်လဲ။ ကြိုတင်မဲ ၅၆ မဲကို ''ကျုပ်တို့ နိုင်ကိုနိုင်မှရမယ်'… တဲ့။
"ကောင်းရောဗျာ။ ကြိုတင်မဲဆိုတာက မဲရုံဖွင့်ကတည်းက ရေတွက်ရတာမဟုတ်လား။ အခုတော့ မြို့နယ်အုပ်ချုပ်ရေးမှူးကြီး မှာတဲ့အတိုင်း အနိုင်ရမှတဲ့ဗျို့။"
ဒီမှာတင် အစာမကြေ ဖြစ်နေကြတော့ ဒီကိစ္စကို တရားဝင်ကိုင်တွယ်ဖြေရှင်းမယ် ဖြစ်နေတာပေါ့။ တစ်ခိျု့နေရာတွေမှာ အသေးအဖွဲပြဿနာလေးတွေ ရှိပေမယ့် NLDက မဲအသာရတော့ ငုတ်သျိူးခဲ့တာလဲ ရှိရဲ့။ အခု စလံကိစ္စကိုတော့ ကိုင်တွယ်ဖြေရှင်းမယ်လို့ အောင်နိုင်ရေးအဖွဲ့ဝင်တွေက တင်းတင်းမာမာ ပြောနေတာ ကြားတယ်ဗိျု့။
ကဲ … တစ်ဖက်ကလည်း မကြီးကန်ကိစ္စကို တရားစွဲမယ်လို့ ပြင်နေလေရဲ့။ မဲစာရင်းမှာ မပါလို့ လူ(၃၀၀)လောက်က မဲရုံက မပြန်ဘဲ ဖြစ်နေတာကို သွားရောက်ဖြေရှင်းရာမှာ စကားအခြေအတင် များကြတယ်ထင်ပါတယ်။ ဒီလောက်တောင် မဲစာရင်းမှာ လိမ်ညာမှုတွေ ရှိရက်နဲ့ ပြည်ခိုင်ဖြိုး မကွေးမှာ ဘာကြောင့် ရှုံးသလဲလို့ ၀ါရင့်ပုဂ္ဂိုလ်တွေကို ချဉ်းကပ်မေးကြည့်တော့ တစ်ခွန်းတည်းပဲ ပြန်ပြောခံရပါတယ်။
''သောက်ညင်ကပ်လို့ဟေ့၊ ပြည်သူက မုန်းလို့ '' တဲ့။
သေချာလေ့လာကြည့်တော့ ပြည်သူကို စည်းရုံးရေးဆင်းရာမှာ အထက်စီးလေသံနဲ့ပြောတာ ရပ်/ကျေးအုပ်ချုပ်ရေးမှူးတွေကို လက်ကိုင်ထား ညစ်မယ်ဆိုတာတွေ၊ ၀န်ထမ်းတွေကို ခြိမ်းခြောက် အနိုင်ယူတာတွေ၊ အဆိုးဆုံးက အာဏာနဲ့မဲရအောင်လုပ်မယ်ဆိုတာတွေက ပြည်ခိုင်ဖြိုးအထူးသဖြင့် မြို့နယ်အုပ်ချုပ်ရေးမှူးရဲ့ ထီမထင်တဲ့ အပြုအမူတွေက ပြည်သူရဲ့မျက်မုန်းကျိုးခြင်းကို ပိုခံရတာပါပဲ။ ရရှိထားတဲ့ အမိန့်အာဏာနဲ့ ယာမြေကွက်တွေကို အပိုင်ဝယ်သိမ်းတာကအစ မလိုအပ်ပဲ ၀န်ကြီးချုပ်အားရစေမယ့် လုပ်ရပ်မှန်သမျှ လုပ်ဆောင်ပေးတာက ပိုဆိုးပါတယ်။
ဝန်ကြီးချုပ်ကလည်း ဒီနေရာမှာ ငါဘုရင်၊ ငါထင်တာလုပ်မယ်။ ည (၁၀) နာရီဆို ဆိုင်တွေပိတ်။ မအိပ်ရင် မှောင်ရိပ်ခိုမှုနဲ့ဆွဲထည့်။ အနောက်ဖက်ကမ်းက ''စိန်လင်း" ဆိုတဲ့ လူမိုက်နဲ့ပေါင်း (စိန်လင်းကလည်း သူ့ကိုအပိုင်ကိုင်ထားတဲ့ movie ခွေရှိတယ်လေ - ဦးနဲ့သမီး ချစ်ရည်လူးနေတဲ့ movie ပါ)။
ပညာရေးကောလိပ်အရှေ့ဘက်မှာ ဧကအကျယ်ကြီး ယာပိုင်ရှင်ကို ဖိအားပေးပြီး မရောင်းရောင်းအောင် တစ်ဧက (၄)သိန်းနဲ့ ၀ယ်ထားတာ၊ သံပြားအပြာကြီးတွေကာထားတာ။ မကွေးကိုရောက်ဖူးတဲ့သူတိုင်း တွေ့မှာပါ။ ဒါကို ကောင်းမွန်စိန်ဌေးက ပဲပိုင်လေဟန် လေသံတွေ ပစ်ထားတာ ကြာပါပြီကော။ ဘယ်သူ့ဟာလဲ။ ဘာလုပ်မှာလဲ။ ဘာ ... ဘာ ... ဘာ တွေ ထပ်နေအောင် မေးရတဲ့ ခြံကြီးပါ။
တစ်ခါ စစ်ဆေးရေးစစ်တာ ဘီလျံ ၅၀ လောက် စာရင်းမပြနိုင်လို့ စိန်ဌေး (ကောင်းမွန်) အခက်တွေ့နေတာ။ တကယ်ဖြေရှင်းလိုက်တော့ နိုင်ငံတော်ကို သိန်းသုံးသောင်း ဒဏ်ရိုက်ခံလိုက်တာနဲ့ ပြီးသွားတယ်ဆိုလား။ ပျင်းတောင်ပျင်းသေးတယ်ဟေ့။ သိန်းသုံးသောင်းလောက်ကတော့။
လာပြန်ပြီ အခုတစ်ခါ။ တိုင်စာတွေ တစ်ပွေ့ကြီးနဲ့။ ကံဖယ်ရင် ကံဆည်တာတောင် မရဘူးနော်။ အခက်တွေ့တော့ ယတြာချေ။ သူ့အိမ်ရှင်မ မြသလွန်ဘုရား အင်္ဂါထောင့်မှာ တစ်ယောက်တည်း။ လုံခြုံရေးတွေချ။ ဆုတောင်းခဲ့တယ်။ ကန်သာကန်ကြီးကို ဘူဒိုဇာစက်ကြီးတွေနဲ့ တစ်ကန်လုံးရှင်းနေတာ။ ဆရာတော်တွေကတော့ သာသနာ့ဗိမာန်အတွက်ထင်လို့ ၀မ်းသာနေရဲ့။
အဟတ် ဟတ် ဟား ... ဟား ... ဘယ်ဟုတ်ပ့ါမလဲ။ ကံဆင့်တာတဲ့လေ။ သနားလိုက်ပါဘိ။
ကျွတ် ... ကျွတ် ... ကျွတ် ... သူမသိတာက ကံဆည်တယ် ဆိုတာ ကိုယ်တိုင်ကိုယ်ကျ တူး၊ ဆယ်၊ ဖို့ ရတာ။ သူ့ယတြာကပဲ စွမ်းလို့လားတော့ မသိဘူး။ အဲဒါလည်း လုပ်လိုက်ရော ဒေါ်စုတစ်ယောက် မကွေးကိုတောင် ရောက်မလာနိုင်တော့ဘူး။
ကောင်းလိုက်တဲ့ ယတြာအစွမ်း။ ညနေချမ်းမှာ ဂေါက်ကွင်းလာသမျှ ဘီယာချကြဟေ့ဆိုပြီး ဒကာခံကာ အောင်ပွဲကျင်းပတယ်တဲ့လေ။
ကဲ … ဒီတော့ အစတုန်းက ပြည်ခိုင်ဖြိုးကို မချစ်သော်လည်း အောင့်ကာနမ်း၊ ပိုက်ဆံချေးတာတွေ လမ်းဖောက်ပေးတာတွေ၊ ရှင်ပြုပွဲလုပ်ပေးတာတွေ (ဒါတွေကလည်း ပြည်သူတွေ မသိသေးတာပါ။ တကယ်တော့ ဒါတွေဟာ နိုင်ငံတော်က ငွေတွေနဲ့လုပ်နေတာပါ။) ရှိစေတော့ … အားနာပါနာ။ ဧပြီ(၁)ရက်လည်းရောက်ရော အစိမ်းရောင်က အနီရောင်ဖြစ်။ ခြစ်လိုက်ကြတဲ့ အမှန် ခွပ်ဒေါင်း ခွပ်ဒေါင်း ဖြစ်ကုန်တာပေါ့။
စေတနာစကားနဲ့ သေချာပါးလိုက်ရရင် ပြည်သူကို တကယ်စေတနာထား၊ အကောင်းအဆိုးကို အကြောင်းအကျိုးနဲ့ဆင်ခြင်၊ အမြင်မှန်သဘောပေါက်၊ စကောလောက်မှ စောက်မနက် အကြံပက်စက်တဲ့ ခွေးကောင် မဖြစ်စေနဲ့။ အရွေးချယ်ခံဘ၀ဆိုတာ အသွေးအမွေးလှမှ အရေးကောင်းချင်ရင် စိတ်ထား ပြောင်းဘို့လိုမယ်ဆိုတာ သေချာမှတ်ထားလိုက်ပါလို့ ။ ။
Phoe Htet - Articles
တစ်ထောင်တန်နှစ်ရွက်နှင့် ရွှေပြည်ကြီးမှအပြန်
ဖိုးထက်
ဧပြီ ၁၄၊ ၂၀၁၂
ဖိုးထက်
ဧပြီ ၁၄၊ ၂၀၁၂
နောက်တစ်လလောက် ထပ်စောင့်လိုက်လျှင် တစ်လခန့် ခွင့်ရက်အရှည်ကြီးရနိုင်ပေမယ့် ဧပြီ (၁) ရက်နေ့ကို ရင်ခုန်စွာ ကြုံကြိုက်ချင်သဖြင့် (၂) ပတ်ဆိုသော မလောက်မငှခွင့်ရက်ကိုဘဲ ရွေးချယ်မိခဲ့သည်။ ၁၉၉၀ ရွေးကောက်ပွဲမှာ ကျနော်က "မင်း ဆယ့်ရှစ်နှစ်ပြည့်ပြီလား" ဆိုသည့်မေးခွန်းကို မဖြေနိုင်သေးသောအရွယ်၊ ၂၀၁၀ ရွေးကောက်ပွဲကိုတော့ ကံကောင်းစွာဖြင့် အမိရွှေမြေကြီးမှ ဝေးရာသို့ရောက်ရှိနေခဲ့သည်။ အခု ကြားဖြတ်ရွေးကောက်ပွဲကို မဲပေးနိုင်သော မြို့နယ်အတွင်းမှာ ကျနော့်နာမည်ပေါက် အိမ်ထောင်စုဇယားမရှိသဖြင့် မဲပေးဖို့ အခွင့်အရေးမရှိပေမယ့် အင်တာနက်သတင်းတွေလောက်နှင့် ကျနော်မတင်းတိမ်နိုင်။ တစ်နှစ်မှ တစ်ခေါက်လောက်သာပြန်နိုင်သော ကျနော့်အတွက် တွေ့စရာလူတွေ၊ သွားစရာနေရာတွေ၊ လုပ်စရာအလုပ်တွေ အများကြီးရှိနေပေမယ့် ၁၄ ရက်ခန့် ခွင့်ရက်တိုလေးကိုဘဲ ကျနော် ကျေကျေနပ်နပ်ရွေးချယ်ကာ ပြန်သွားဖြစ်ခဲ့သည်။
ရွှေပြည်ကြီး အပြောင်းအလဲတွေကို အင်တာနက်ပေါ်မှသာ ကျနော်အရသာခံ အားရနေခဲ့ရသည်။ လက်တွေ့တွေမှာ ဘာတွေများပြောင်း လဲနေပြီလဲ။ မင်္ဂလာဒုံလေယာဉ်ကွင်းကို ရောက်ကတည်းက မွတ်သိပ်၊ ပြင်းပြသော အသိစိတ်နိုးကြားမှုများဖြင့် လိုက်လံကြည့်ရှုမိသည်။ လူဝင်မှုကြီးကြပ်ရေးကောင်တာတွေအ၀င်မှာ တရုတ်စာလုံးတွေပျောက်သွားတာကို သတိထားမိသည်။ ကျနော့်ရှေ့မှ ညီလေးတစ်ယောက် ကျောပိုးအိတ်မှာ NLD တံဆိပ် ရင်ထိုးအနီလေးကိုချိတ်ထားပြီး လူဝင်မှုကြီးကြပ်ရေးနှင့်၊ ဘယ်သူတွေမှန်းမသိရလောက် အောင် ရှုပ်ရှက်ခပ် နေသည့်လူတွေကြားထဲကို ဖြတ်လျှောက်သွားတာကိုလဲ သတိထားမိသည်။ သူ့ကို ဘယ်သူမှလဲ မလိုတမာမျက်လုံးများဖြင့် လိုက်ကြည့်နေ တာကိုလဲ မတွေ့ရ။ သူကိုယ်တိုင်ကလဲ မောက်မာဝင့်ကြွားသော ဟန်ပန်အမူအရာမရှိ။ နိုင်ငံသားတိုင်း နိုင်ငံရေးကို စိတ်ဝင်စားခွင့်ရှိသည် ဆိုသည့်အဆိုကို သတိတရဖြစ်ကာ ကျနော်ကျေနပ်အားရမိသည်။
လူဝင်မကီးကြပ်ရေး ပြည်သူ့ဝန်ထမ်းများ၊ အကောက်ခွန်ဝန်ထမ်းများကို ကျနော်ဖြတ်သန်းသောအခါ အရာအားလုံးက ရှောရှောရှူရှူ။ အ ရင်အခေါက်တွေတုံးကလို တစ်စုံတစ်ရာကို ငံ့လင့်ပြီးသော်လည်းကောင်း၊ မယုံသင်္ကာ ရစ်ချင်ကြသောလူများ လုံးဝမတွေ့ရတော့။ "အဆင် ပြေရင် တစ်ခုခုလုပ်ပေးခဲ့ကွာ" ဆိုသည့်စကားသံတွေ မကြားရသော ကျနော့်အတွက် တာဝန်မကျေသလိုမျိုးကြီးတောင် ခံစားရသည်။
နိုင်ငံခြား တိုင်းပြည်တွေမှာ နှစ်ရှည်လများ အလုပ်တွေအများကြီးလုပ်ပြီး အကြာကြီးနေခဲ့သူများအတွက် မြန်မာနိုင်ငံကြီးသည် တဆင့်နိမ့် ကြည့်စရာအများကြီးဘဲ ရှိမည်ထင်သည်။ သို့သော် ကျနော့်သဘောအရ ထိုသို့ကြည့်ချင်သောသူများကို အားမပေးချင်။ လေယာဉ်ကွင်းစ၀င်ကတည်းက စနစ်မကျ၊ မပြည့်မစုံဖြင့် အစစအရာရာမှာ သူများနိုင်ငံတွေနှင့် မနှိုင်းယှဉ်သာလောက်အောင် နောက်ကျကျန်နေခဲ့တာ သိသာပါသည်။ သို့သော် မင်္ဂလာဒုံလေယာဉ်ကွင်းကို လေယာဉ်ဘီးချပြီဆိုကတည်းက စိတ်လုံခြုံစိတ်ချမှုဆိုသည့် စိတ်ခံစားမှုတခုတည်းဖြင့်ပင် အရာရာကို ကျနော်ကဖြင့် ချစ်ခင်မြတ်နိုးစိတ်ဖြင့်ဘဲ ကြည့်မိ၊ ခံစားမိသည်။
အငှားကားကိုငှားကာ ကျနော့်အိမ်သို့အလာလမ်းမှာ လမ်းဘေးကွမ်းယာဆိုင်လေး တစ်ဆိုင်တွင်ရပ်ခိုင်းကာ ကွမ်းဆင်းဝယ်သည်။ အရေမရ အဖတ်မရ လတ်လတ်ဆတ်ဆတ်ကွမ်းယာကို အရသာခံဝါးရင်း ဆိုင်မှတောင်းလာခဲ့သော ပလပ်စတစ်အိတ်ထဲသို့ ကွမ်းထွေးသည်။ သို့သော် ကားရပ်တိုင်း လမ်းပေါ်သို့ ကွမ်းသွေး တပြစ်ပြစ်ထွေးထုတ်နေသောကားသမားကို အထက်စီးလေသံဖြင့် ကျနော်ဆရာမလုပ်ဖြစ်ခဲ့။ ဖြည်းဖြည်းချင်းတော့ ပြင်နေကြတာဘဲမဟုတ်လား။ ဒီလိုကိစ္စတွေက ဥပဒေဖြင့်၊ ပညာပေးခြင်းဖြင့်၊ အသိပေးခြင်းဖြင့် ပြင်ယူလို့ရသော ကိစ္စတွေလို့မြင်သည်။
အိမ်ကလူများကို ကျနော်ပြန်လာမည့်ရက်ကို အတိအကျမသိသေးသဖြင့် ကြိုတင်မပြောထားမိ။ ဘယ်အချိန်၊ ဘယ်နေ့ ပြန်လာ ပြန်လာ အိမ်ကလူများကဖြင့် ကျနော့်ကိုပျော်ရွှင်ကြည်နူးစွာ ကြိုကြသည်။ အိမ်တံခါးဝမှာ ကြယ်ဖြူကြီးတစ်လုံးနှင့် ခွပ်ဒေါင်းပုံပါသည့် အလံနီနီလေးကို တွေ့မိတော့ ကျနော်ပြုံးမိသည်။ "မင်းက အိမ်တောင်ပြန်မရောက်သေးဘူး ပါးစပ်မှာကွမ်းတွေက တရဲရဲနဲ့ပါလားကွဲ့" ဆိုသည့် အမေ့၏ ပြစ်တင်သံသည် ကျနော့်အတွက် နားဝင်ပီယံရှိလွန်းလှသည်။ ဒီလိုအဆူ၊ အပြောတွေ ကြားချင်နေတာ ကြာလှပြီအမေရဲ့ဆိုသည့် ကျနော့်စကားကို အမေကသဘောကျပြီး ရီသည်။
အိမ်သူ အိမ်သားများ၏ ကျနော့်အပေါ် ဆိုးနွဲ့သံများ၊ ပူဆာသံများ၊ ဖက်လှဲတကင်း ကြိုဆိုကြသည်များကိုတုန့်ပြန်ရင်း အိမ်ကို လေ့လာမိသည်။ နံရံပေါ်ရှိ ဒေါ်အောင်ဆန်းစုကြည်ပုံများ၊ ဗိုလ်ချုပ်ပုံများ၊ ဒေါ်အောင်ဆန်းစုကြည်ပုံပါသည့် ဖတ်လက်စဂျာနယ်များကို သတိထားမိသည်။ ဒေါ်စုထက် ဆယ်နှစ်ခန့်အသက်ငယ်သောအမေက "ငါ့အမကြီးပုံတွေ ကျက်သရေမရှိဘူးလားဟဲ့" ဆိုသည့်အမေးကို ကျနော် အပြုံးဖြင့် ထောက်ခံမိသည်။
"ပညာတတ်တဲ့သူများ၊ အများအတွက် ကိုယ်ကျိုးစွန့်တဲ့သူတွေများ ရုပ်ဆိုးပစေအုံးတော့ ကြည့်ရတာကို ကျက်သရေကိုရှိတာ ငါ့သားရဲ့" အမေ့၏ အထွန့်တက်ချီးကျူးသံများကို ကျနော်ကဖြင့်ကျေနပ်မိသည်။ ကျနော်က အမေ့ကို စချင်၊ နောက်ချင်သဖြင့် "အမေ့ အမကြီးက အများအတွက်သာ အလုပ်လုပ်နေတာ တစ်ရက်ကို တစ်စုံ အ၀တ်အစားတွေဝတ်လှပါလားအမေရဲ့" ဆိုပြီး စမိသည်။
ကျနော့်ကို ကြားထဲက၀င်ပြီး ကက်ကက်လန်ရန်တွေ့သည်က အမအကြီးဆုံး။ "ဟဲ့ မိန်းမဆိုတာ ဘယ်မိန်းမမဆို လှချင်ကြတာချည်းဘဲ။ မြန်မာဆန်ဆန်နဲ့ ဘယ်လောက် ကြည့်လို့လှသလဲ။ ပြီးတော့ သူဝတ်တဲ့အ၀တ်အစားဖိုးအတွက် ဘယ်သူ့ပိုက်ဆံနဲ့မှ၊ ဘယ်သူကန်တော့တာ မှ မဟုတ်ဘူး။ ကန်တော့တာ၊ လက်ဆောင်ပေးတာ ၀တ်တယ်ဆိုအုံးတော့ ပေးတဲ့သူ၊ ကန်တော့တဲ့သူတွေက အကျိုးလိုလို့ ပေးကြတာ မဟုတ်ဘူး။ ချစ်လို့ ခင်လို့ပေးတာ၊ ကန်တော့တာ။ ခိုးဝှက်ပြီးရထားတဲ့ပိုက်ဆံတွေနဲ့ ၀တ်စား၊ နေနေတာမှမဟုတ်တာ။ နင်လျှာမရှည်နဲ့" ဆိုသည့် သူ့ဝသီအတိုင်း အနှောင့်အသွားမလွတ်သော ရန်တွေ့သံကိုကြားရသည်။
ရွှေပြည်ကြီးကို ခဏတဖြုတ်အလည်ပြန်တုံးမှာ ကျနော့်မှာ နာရီနှင့်အမျှ လုပ်စရာအကြောင်းအရာတွေများလှသည်။ မုန့်ဟင်းခါး စားချင်သည်။ နန်းကြီးသုတ်စားချင်သည်။ ဖန်ရေကျကျ လ္ဘက်ရည်အခွက်ပေါင်းများစွာသောက်ရမည်။ သူငယ်ချင်းတွေနှင့် လေပေါရင်း မြန်မာဘီယာ အေးအေးလေးများကို မာလာဟင်းနှင့် မြည်းချင်သည်။ မန္တလေးကိုလဲသွားချင်သေးသည်။ အမယ်အစုံ၊ လုပ်စရာအများသားနှင့် အချိန်အားရသည် မရှိလှ။
သွားရင်းလာရင်း ကားမှန်တွေပေါ်မှာ၊ ဆိုင်တံခါးမှန်တွေပေါ်မှာ၊ နေရာစုံမှာ NLD အလံစတစ်ကာများကို တွေ့ရသည်။ ဘီယာဆိုင်မှာ ဘီယာသောက်ရင်း ရင်ဘတ်ပေါ်မှာ NLD အလံရင်ထိုးလေးထိုးထားသော အမူးသမားများ ကျယ်ကျယ်လောင်လောင် ငြင်းကြ၊ ခုံကြသံတွေကို ကြားရသည်။ Taxi ပေါ်ရှိ ဘုရားပုံတော် ကပ်နေကြနေရာမှာ NLD ခေါင်းစည်းနီနီလေးတွေကို တွေ့ရသည်။ NLD သရဏံ ဂစ္ဆာမိလုပ်ထားကြသည်။ ကြည်နူးစရာ။ ချမ်းမြေ့စရာ။ ဘတ်စ်ကားကြပ်၊ မီးပြတ်၊ အမှိုက်ပုံပွနေသော မပြောင်းမလဲအကြောင်းများအရာများထက် မတရား တာကို မတရားဘူးဟုပြောသံများကို ထူးထူးခြားခြား ကြားရသည်။
သူငယ်ချင်းတစ်ယောက် ခေါ်သွားသဖြင့် NLD ရုံးဖွင့်ပွဲတစ်ခုသို့ရောက်သွားသည်။ NLD အမှတ်တရ အရောင်းဆိုင်လေးတွေမှာ ဘုစုခရုလေးများမှအစ တုန်တုန်ချိချိ အမယ်ကြီးများအထိ အမှတ်တရပစ္စည်းလေးတွေကို တမြတ်တနိုးဝယ်နေတာကို တွေ့ရသည်။ နိုင်ငံရေးကောလဟလလေးများ ပြောလျှင်တောင် နှစ်ကိုယ်ကြားပြောရသောအခြေအနေမှ နိုင်ငံရေးကို တအုံးအုံး စိတ်ဝင်စားနေတာကိုဖြင့် ကျနော် သဘောတွေ အကျကြီးကျသည်။ ဦးတင်ဦး၊ ဦးဝင်းတင်၊ ဦးနိုင်းနိုင်းတို့ ဟောပြောချက်များကို အားရပါးရလက်ခုပ်တီးကာ အားပေးကြသည်။ ကျနော်လို သာမန်ပြည်သူများက နိုင်ငံအပြောင်းအလဲအတွက် လမ်းပြနိုင်မည့် NLD ကို အားရပါးရအားပေးနေစဉ်မှာ ပင်နီတိုက်ပုံဝတ်၊ ရင်ဘတ်တွင် NLD ရင်ထိုးများထိုးထားသော ပါတီကေဒါအဖွဲ့ဝင်တချို့က လူအုပ်ကြားထဲတွင် အရှေ့မှ အနောက်၊ တောင်မှမြောက်သို့ မျက်စိနောက်အောင် လမ်းလျှောက်သည်။ ထို့အပြင် ပါးစပ်က စီးကရက် မီးခိုးငွေ့များကို လူအုပ်ကြားထဲမှာ မွှန်ထူနေအောင် မှုတ်ထုတ်ကြသည်။ ကွမ်းသွေးများကို ဘေးလူတွေ စင်အောင်၊ သူများအိမ်ရှေ့တွေမှာ ပေပွနေအောင် ထွေးကြသည်။ စင်ပေါ်က ဦးဝင်းတင်တို့က စည်းကမ်း ရှိကြဖို့၊ စည်းလုံးကြဖို့ပြောနေချိန်မှာ အောက်က NLD အဖွဲ့ဝင်တစ်ချို့ကို ကျနော် ဒေါသမထွက်မလာခင် သူငယ်ချင်းကိုနှုတ်မဆက်ဘဲ ကျနော် ပြန်ထွက်ခဲ့သည်။
ဧပြီ ၁ ရက်နေ့မှာတော့ ကျနော် မန္တလေးသို့ရောက်နေခဲ့သည်။ ရွေးကောက်ပွဲသတင်းများကို ကျနော် အငမ်းမရသိချင်သည်။ ဘယ်သူတွေ နိုင်ကြသနည်။ ဘာတွေဖြစ်ကြသေးသနည်း။ နေပြည်တော်လေးနေရာကတော့ဖြင့် အခြေအနေဆိုးနိုင်သည်။ အင်တာနက်ဆိုင်ကို သွား တော့ အီးမေးလ်ဖွင့်ဖို့တောင် အတော်စိတ်ရှည်ရသည်။ သတင်းစုံနိုင်သော ဆိုဒ်တွေကို ဖွင့်ဖို့ ကြိုးစားတော့ ပိုဆိုးသည်။ စိတ်အရှုပ်မခံနိုင်သော ကျနော်က အင်တာနက်ဆိုင်မှ ထထွက်ခဲ့သည်။ ဧပြီ ၂ ရက်နေ့မနက်အစောကြီးမှာ လ္ဘက်ရည်ဆိုင်မှာထိုင်ရင်း ဂျာနယ်အတော်များများကို ၀ယ်ဖတ်မိသည်။ သတင်းတွေက မစုံမလင်။ မပြည့်မစုံ။ ဧပြီ ၃ ရက်နေ့ကျမှသာ နေပြည်တော် လေးနေရာအပါအ၀င် အကုန်နီးပါးလောက် နိုင်သည်ဆိုတာကို သိလာရသည်။ နိုင်ငံခြားမှသူငယ်ချင်းက ကျနော်ပြန်လာမည့်ရက်ကိုသေချာဖို့ ဖုန်းလှမ်းဆက်ချိန်ကြမှ သတင်းအစုံသိရ သည်။ ပြည်တွင်းမှာရှိသောသူက သတင်းအစုံမသိရ။ ပြည်ပနေသူက အတိအကျသိနေတာကို ကျနော်မခံချင်စိတ်ဖြစ်မိပေမယ့် နောင်တော့ တဖြည်းဖြည်းဖြစ်လာမှာပါဟုသာ ဖြေတွေးတွေးလိုက်ရသည်။
မန္တလေးမှာရှိနေစဉ် ကျနော်သွားချင်သည့် မန္တလေးပတ်ဝန်းကျင်များကို သွားသည်။ ဦးပိန်တံတားသွားသည်။ မန္တလေးတောင်ပေါ်မှ နေလုံး ကြီးဝင်ချိန်ကို သွားကြည့်သည်။ မင်းကွန်းသို့ရောက်သည်။ မင်းကွန်းမှာ ဧည့်သည်လိုက်ပို့လာသော သူငယ်ချင်းနိုင်ငံခြားသား ဧည့်လမ်းညွှန်နှင့် တွေ့သည်။ သူ့ဧည့်သည်များ ဈေးဝယ်နေတုံးမှာ လေပေါမိကြသည်။ "အခြေအနေ အတော်ကောင်းလာတယ်ဆို "ဟူသော ကျနော့်အမေးကို မချင့်မရဲအပြုံးဖြင့် အဖြေပေးသည်။ "ဘဏ်စနစ်တွေ၊ သယ်ယူပို့ဆောင်ရေးတွေ အကြီးကြီးတွေ လျှောက်မပြောတော့ပါဘူးဟယ်။ အခြေခံဖြစ်တဲ့ နိုင်ငံခြားသားဝင်လို့ရမယ့် သန့်သန့်ရှင်းရှင်းအိမ်သာတောင် ပြည့်စုံအောင်ရှိတာမှ မဟုတ်သေးတာ။ အခု ဒီမင်းကွန်းမှာဆို နိုင်ငံခြားသားတွေ တပိုတပါးသွားချင်ရင်တောင် အတော်ဒုက္ခရောက်တာဟဲ့" ဆိုသည့် သူ့ စကားသံသည် စိတ်အနှောင့်အယှက်ဖြစ်စရာ။ " နိုင်ငံခြားသားဆိုတိုင်း ချမ်းသာတယ်မထင်နဲ့ဟဲ့။ တချို့က ဘတ်ဂျက်ကန့်သတ်ပြီး လာချင်လွန်းလို့သာ လာရတာ။ အကန့်အသတ်နဲ့ သုံးရတာ။ ထိုင်းတို့၊ ဗီယက်နမ်တို့မှာက လမ်းဘေးဆိုင်လေးတွေဝင်စားလဲ သန့်သန့်ရှင်းရှင်း သပ်သပ်ရပ်ရပ်နဲ့။ ဟိုတယ်ဆိုရင်လဲ သူ့ဈေးနဲ့သူ ရွေးချယ်ပြီး တည်းလို့ရတယ်။ ဒီမှာကဟယ်" ဆိုသည့် သူ့စကားသံတွေကို ကျနော်နှုတ်ဆက်ပြီး ထွက်လာခဲ့သည်။
အချိန်နည်းသော ကျနော့်အတွက် သွားချင်သောနေရာ၊ တွေ့ချင်သောလူများကို အကုန်မရောက်၊ မတွေ့ရဘဲ ပြန်ဖို့ပြင်ရသည်။ လေယာဉ် ကွင်းကို လိုက်ပို့သော ကျနော့် ကိုယ်တစ်ခြမ်းကို ပိုက်ဆံအိတ်ထဲရှိ မြန်မာကျပ်ငွေများကို အကုန်ပြန်ပေးလိုက်သည်။ လူဝင်မှု ကြီးကြပ်ရေး ဖြတ်ပြီး ရှိသော ကော်ဖီဆိုင်လေးမှာ ကျနော် ဘာမှမစားချင်၊ မသောက်ချင်တော့။ မြန်မာငွေသုံးဖို့ မလိုတော့။
သို့သော် ကျနော် တစ်စုံတစ်ခုကိုအမှတ်ရကာ သူ့ဆီမှ တစ်ထောင်တန်နှစ်ရွက် ပြန်တောင်းလိုက်သည်။ သူ့ကို ရှည်ရှည်ဝေးဝေး ရှင်းပြမနေ။ နိုင်ငံခြားမှာ မြန်မာငွေ ဘာလုပ်လို့ရမှာလဲဆိုသည့် သူ့အမေးကို အဖြေမပေးခဲ့။ ကျနော့်အတွက် တစ်ထောင်တန်နှစ်ရွက်သည် အကျိုးရှိနိုင်သည်။ ပြည်သူတွေ၏ အကြောက်တရားကို ပြန်လည်အသက်သွင်းပြီး ရွှေပြည်ကြီးတိုးတက်ဖို့ ကန့်လန့်ခံနေသောသူများနှင့် နိုင်ငံရပ်ခြားတိုင်းပြည်တွေမှာ ကျနော်နှင့်မတွေ့ဘူးဟု မည်သူပြောနိုင်သနည်း။
ထိုသို့ တွေ့ခဲ့ပါက ကျနော့်ပိုက်ဆံအိတ်ထဲမှာရှိသော မြန်မာကျပ်ငွေနှစ်ထောက်ကိုအသုံးချကာ ပါးကိုခပ်စပ်စပ်လေး ဘယ်ပြန် ညာပြန် ရိုက်ပေးလိုက်ရအုံးမည်။
Cameron calls for Burma sanctions to be eased
ဒဏ်ခတ်ပိတ်ဆို့မှုများ ဆိုင်းငံ့သင့်ကြောင်း ဗြိတိန်နိုင်ငံ ၀န်ကြီးချုပ် ပြောဆို
မိုးမခအထောက်တော် အမှတ် ဝဝ၁
ဧပြီ ၁၃၊ ၂၀၁၂
ဒေါ်အောင်ဆန်းစုကြည်၏ နေအိမ်သို့ ယနေ့ ရောက်ရှိလာသော ဒေးဗစ်ကင်မရွန်း [ဓာတ်ပုံများ - ဗြိတိန်နိုင်ငံဝန်ကြီးချုပ်ရုံး ၀က်ဆိုက်]
ဧပြီ ၁၃၊ ၂၀၁၂
ဒေါ်အောင်ဆန်းစုကြည်၏ နေအိမ်သို့ ယနေ့ ရောက်ရှိလာသော ဒေးဗစ်ကင်မရွန်း [ဓာတ်ပုံများ - ဗြိတိန်နိုင်ငံဝန်ကြီးချုပ်ရုံး ၀က်ဆိုက်]မြန်မာနိုင်ငံအပေါ် ချမှတ်ထားသည့် ဥရောပနိုင်ငံတို့၏ ဒဏ်ခတ်ပိတ်ဆို့မှုများ ဆိုင်းငံ့သင့်ကြောင်း ဗြိတိန်နိုင်ငံဝန်ကြီးချုပ် ဒေးဗစ်ကင်မရွန်းက ယနေ့ နေ့ခင်းပိုင်း ရန်ကုန်တွင် ရောက်စဉ် ပြောကြားလိုက်သည်။
နံနက်ခင်းပိုင်းက နေပြည်တော်တွင် သမ္မတ ဦးသိန်းစိန်၊ ထို့နောက် ရန်ကုန်တွင် ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည်တို့နှင့် သီးခြားစီ တွေ့ဆုံအပြီး ယင်းသို့ ပြောဆိုလိုက်ခြင်း ဖြစ်သည်။
"မြန်မာပြည်အပေါ် ချမှတ်ထားတဲ့ ဒဏ်ခတ်ပိတ်ဆို့တာတွေကို ဆိုင်းငံ့ဖို့အချိန်ရောက်ပြီလို့ ကျနော်ယူဆပါတယ် ... ဆိုင်းငံ့ဖို့ ပြောတာနော်၊ အဆုံးသတ်ဖို့ပြောတာ မဟုတ်ပါဘူး" ဟု ဆိုသည်။
စစ်လက်နက်ပစ္စည်း ၀ယ်ယူမှု ပိတ်ပင်ခြင်းမှ အပ ကျန် ပိတ်ဆို့မှုများအား ဆိုင်းငံ့ထားသင့်သည်ဟု ဒေးဗစ်ကင်မရွန်းက ဆိုသည်။
"လက်ရှိအချိန်နဲ့ (ဦးသိန်းစိန်အစိုးရသက်တမ်းကုန်ဆုံးမယ့်) ၂၀၁၅ ကြားထဲမှာ ခရီးဆက်ရမှာ အရှည်ကြီး ကျန်နေသေးတယ်။ ပွင့်ပွင့်လင်းလင်း ပြောပါရစေ၊ လုပ်စရာတွေ အများကြီး အများကြီး ကျန်နေပါသေးတယ်" ဟု ဒေးဗစ်ကင်မရွန်းက ပြောဆိုကြောင်း သူ၏ မြန်မာ ခရီးစဉ် အကြောင်း တိုက်ရိုက် ရေးသား တင်ဆက်လျက် ရှိသည့် The Guardian သတင်းစာ အင်တာနက်စာမျက်နှာတွင် ရေးထားသည်။
နိုင်ငံတကာကလည်း မြန်မာပြည်က ပြုပြင်ပြောင်းလဲရေးအခြေအနေများနှင့် ပတ်သက်ပြီး တုံ့ပြန်ဆောင်ရွက်ရန် အချိန်ကောင်းဖြစ်သည်ဟု သူက ဆိုသည်။
မြန်မာနိုင်ငံ၏ ပြောင်းလဲတိုးတက်မှုများကို တုန့်ဆိုင်းခြင်း မရှိဘဲ အားပေးထောက်ခံသင့်သည်ဟု မြန်မာပြည် မရောက်ခင်ကပင် ဒေးဗစ်ကင်မရွန်းက ပြောဆိုခဲ့ပြီး ဖြစ်သည်။
သူ၏ ခရီးစဉ်အတွင်းမှာပင် ဗြိတိန်အခြေစိုက် Burma Campaign UK အဖွဲ့က ကြေညာချက် ထုတ်ပြန်ရာ မြန်မာအစိုးရ၏ လူ့အခွင့်အရေး၊ ဒီမိုကရေစီရေးဆိုင်ရာ ပြုပြင်ပြောင်းလဲမှုများ အားနည်းနေတာသည်ဟု ဆိုထားသည်။ ဒဏ်ခတ်ပိတ်ဆို့မှုများအား ရုပ်သိမ်းရန် အချိန်မတန်သေးကြောင်း တိုက်တွန်း ပြောကြားထားသည်။
သူ၏ မြန်မာပြည် အပါအ၀င် အာရှ ငါးနိုင်ငံခရီးစဉ်တွင် ကုန်သွယ် စီးပွားရေးဆိုင်ရာ ကိုယ်စားလှယ်အဖွဲ့ လိုက်ပါသွားကြောင်း သိရသည်။
နံနက် အစောပိုင်း နေပြည်တော်တွင် သမ္မတ ဦးသိန်းစိန်နှင့် တွေ့ဆုံ ဆွေးနွေးခဲ့သည်။
Maung Yit - Hand Written Notes by an Editor - American Football Burmese Way
အယ်ဒီတာ့လက်ရေး (၉ )
မောင်ရစ်၊ ဧပြီ ၁၃၊ ၂၀၁၂
မြန်မာနှစ်ကူး အမေရိကန်ဘောလုံးသမား၏ မေတ္တာစာ
ကြားဖြတ်အလွန် တိုင်းနဲ့ပြည်နယ်ပွဲ ပြီင်္းတော့ ကာကွယ်ရေးဦးစီးချုပ်ဖလားပွဲ လား
ဧပြီ ၁ မှာ ကြားဖြတ်ရွေးကောက်ပွဲပြီးသွားပြီပေါ့။ ကာတွန်းရေးတဲ့သူဆိုတော့ ဘောလုံးပွဲနဲ့ပဲ နှိုင်းပြီး တွေးမိတယ်။ အခုဟာက ခြေစစ်ပွဲအောင်သွားတာ။ နောက် ၃ နှစ်မှာ တိုင်းနဲ့ပြည်နယ် ဖလားပွဲကို ၀င်ကန်ကြတော့မယ်။ ဆရာဦးဝင်းတင်နဲ့ အင်တာဗျုးတော့ ရယ်စရာတခုအနေနဲ့ မေးကြည့်ဖုို့ ကြိုးစားမိသေးတယ်။ တိုင်းနဲ့ပြည်နယ် ဖလားပွဲကို ကန်နိုင်ပြီဆိုတော့ ဘယ်တော့ ကာကွယ်ရေးဦးစီးချုပ်ဖလားပွဲကို ၀င်ကန်နိုင်မလဲ … လို့။
အဝေးကြီးက လာရတာ၊ တနှစ်ကြာတယ်
ခြေစစ်ပွဲအောင်ပြီဆိုတော့ သုံးသပ်ဝေဖန်တာတွေ အများကြီးထွက်လာတယ်။ အနှစ် ၂၀ ကျော်ကို အကျအဆုံးတွေ အဆုံးအရှုံးတွေ စွန့်လွှတ်စွန့်စားမှုတွေနဲ့ ကြံ့ကြံ့ခံခဲ့ကြရတဲ့ ကန္တာရခရီးကြမ်းကြီးကနေ ၂၀၁၀ ဒီဇင်ဘာမှာ အကျယ်ချုပ်က လွတ်မြောက်တယ်။ နောက် တနှစ်ကျော်အကြာ ၂၀၁၂ ဧပြီမှာ အင်န်အယ်ဒီပါတီနဲ့ ဒေါ်အောင်ဆန်းစုကြည်တို့ လွှတ်တော်ထဲ ၀င်ရောက်ဖုို့ သေချာသွားပြီ။ (ထင်တာပဲနော်)
အဲသည်အတွက် လာရတဲ့ ခရီးမှာ မှတ်တိုင်တွေက အများကြီးပဲ။ လူမှုလုပ်ငန်းတွေနဲ့ မိတ်ဆွေ ကွန်ယက်တွေနဲ့ လှုပ်ရှားတာတွေ၊ လက်မှတ်ထိ်ုးကင်ပိန်းလုပ်ခဲ့တာတွေ၊ မီဒီယာတွေကနေ လူထုနဲ့ မေးခွန်းတွေ အဖြေတွေ လုပ်ခဲ့တာတွေ၊ နယ်မြို့အချို့ကို ခရီးတိုလေးတွေ ထွက်ခဲ့တာတွေနဲ့ တဖြေးဖြေး အလွတ်တန်းမှာ ခြေစွမ်းပြနေရာကနေ ၂၀၁၁ ဇူုလိုင် ၂၅ မှာ ဦးအောင်ကြည်နဲ့ ပြန်လည်တွေ့ဆုံနိုင်ချိန်ဟာ အချိုးအကွေ့ အစဖြစ်တယ်လို့ ပြောနိုင်မယ် ထင်ပါတယ်။
နောက်တော့ သြဂုတ်မှာ ဦးသိန်းစိန်နဲ့တွေ့၊ အောက်တိုဘာမှာ ဇာဂနာနဲ့ တွေ့၊ မင်းသားမင်းသမီး အနုပညာရှင်တွေနဲ့ တွေ့၊ မီဒီယာပေါင်းစုံက ၀န်းရံ၊ ရွေးကောက်ပွဲအကြို ခြေစမ်းပွဲကို ၀င်ကန်မယ်ဆိုပြီး လက်ရွေးစင် ၄၈ ဦး နဲ့ ပွဲဦးထွက်ဖို့ ပြင်ဆင်လိုက်တယ်။ အဲသည်နောက်မှာ ပြည်သူလူထုတရပ်လုံးရဲ့ အကြောက်တရားကနေ ရုန်းကန်ထကြွမှုကြီးဟာ ကမ္ဘာကြီး တုန်သွားတယ်။
ဘယ်လိုဘောလုံးပွဲ မျိူးလဲ၊ ဥရောပဘောလုံးလား၊ အမေရိကန် ဘောလုံးလား
အခုကန်တဲ့ ဘောလုံးပွဲက အမေရိကန်ဘောလုံးနဲ့ ဆင်တာပဲ။ Offense နဲ့Defense အသင်းတွေ တလှည့်စီ လူခွဲကန်တဲ့ စနစ်လုို့ မြင်မိတယ်။ အမေရိကန်ဘောလုံးက အာရှနဲ့ ဥရောပဘောလုံးလို အသင်းသား ၁၁ ဦးစီ အကုန်လုံး ကွင်းထဲဆင်းပြီး ဘောလုံးတလုံးထဲ ၀ိုင်းလု ၀ိုင်းကန်ကြတာမျိုးမဟုတ်ဘူး။ တိုက်စစ်တလှည့် ခံစစ်တလှည့် အသင်းလူခွဲပြီး ကစားတယ်လေ။ ဒီဖက်က တိုက်စစ်ကစားမယ်ဆိုရင် ဟိုဖက်က ခံစစ်အသင်းနဲ့ ထုတ်ပြီး ခံတယ်။ တလှည့်စီ တိုက်ခွင့်၊ ခံခွင့်ပေးတယ်။ တိုက်စစ်တဖွဲ့၊ ခံစစ်တဖွဲ့၊ တိုက်စစ်မှူး၊ ခံစစ်မှူး၊ တိုက်စစ် မန်နေဂျာ၊ ခံစစ်မန်နေဂျာ တဦးစီ တသင်းတည်းမှာ ရှိတယ်။ ဒါကို အချိန်ကုန်ခံပြီး ကစားတာကို ပရိသတ်က စိတ်ရှည်လက်ရှည် ကြည့်ရှုအားပေးတာပဲ။ မိနစ် ၉ ၀ နဲ့ ပြီးတဲ့ ပွဲမျိုးတွေ မဟုတ်ဘူးလေ။
ကြည့်လေ၊ အရင်ကဆို မြန်မာစစ်အာဏာရှင်တွေဆိုတာ တဥတည်းကပေါက်တဲ့ တသွေးတသံတပုံစံတည်းဆိုသလိုမျိုး မဟုတ်လား။ တပ်မတော်တဖွဲ့လုံးက တသဘောတည်းနဲ့ ကျောင်းသားတွေကို သတ်တယ်၊ လူတွေကို ထောင်ချတယ်။ တိုင်းရင်းသားတွေ စစ်ဆင်တယ်။ သံဃာတော်တွေကို နှိမ်နှင်းတယ်။ တကြိတ်တည်း၊ တဥာဏ်တည်း လို့ ဆိုကြတယ်။ လူခွဲပြီး လုပ်ကြတယ် မှ မရှိတာ။
အခုကျတော့ တပ်မတော်က တိုင်းရင်းသားတွေ စစ်ဆင်တယ်။ ကြံ့ဖွတ်က အတိုက်အခံနဲ့ ဆွေးနွေးတယ်။ အရင်အဖွဲ့က ဖမ်းထားသူတွေကို အခုအဖွဲ့က ပြန်လွှတ်ပေးတယ်။ ဟုိုတုန်းကသူတွေနဲ့ အခုလူတွေဆိုတာက နတ်ရေကန်ထဲကျသွားသလိုလို၊ မိုးကြိုးပဲ ပစ်လိုက်သလိုလို ပြောင်းလွယ် ပြင်လွယ် ဟုိုလိုလို ဒီလိုလိုတွေ ဖြစ်ကုန်တယ် မဟုတ်လား။ ဒါက ဟိုဖက်ကလည်း တိုက်စစ်အဖွဲ့၊ ခံစစ်အဖွဲ့ လူခွဲပြီး ကစားလာကြတယ်လို့ မြင်မ်ိတယ်။ သူတို့တွေ အချင်းချင်း ကွဲကုန်ပြီ၊ ပြဲကုန်ပြီ၊ ပျော့ကုန်ပြီ၊ ဆန်ပြုတ်ဖြစ်ပြီ၊ ဘာညာနဲ့ ချဲတွက်သလို ဖော်တဲ့ခေတ်က ကုန်ပြီနဲ့ တူပါတယ်။
ဒီဖက်ကလည်း လူခွဲပြီး ကန်နေကြရတာပဲလို့ ထင်ပါတယ်။ နိုင်ငံရေးပါတီကြီးမှာ စုစည်းညီညွတ်တဲ့ အင်အားကို တည်ဆောက်ပြီး ရင်ဆိုင်နေရသလို Rights Group, Social Support Groups, Civil Society, Associations & Unions, Media Watch Dogs စတဲ့ လူထုအခြေပြု အရပ်သားအဖွဲ့အစည်းတွေ အပြိုင်းအရိုင်း ထူထောင်ပြီး မြန်မာ့လူ့ဘောင်သစ်ကို ကျားကန်ကြဖို့ လူခွဲပြီး လက်တွဲပြီး လုပ်ကြရမယ့် အချိန်ရောက်နေပြီလို့ ထင်မိတယ်။ ဇာဂနာလို ဖြစ်ချင်တာနဲ့ ကတုံးတုံးပြလို့မရ၊ ကိုကျော်သူလိုဖြစ်ချင်တာနဲ့ မုတ်ဆိတ်မွေး အရှည်ထားတိုင်းလဲမဖြစ်၊ တမိုးလုံး ရဲတိုက်ဖြစ်ကုန်ရင်လည်း စစ်တုရင်ပွဲမှာ အရုပ်တွေ မစုံပဲ ဖြစ်ကုန်မှာပေါ့။
လုူခွဲပြီး တိုက်စစ်အဖွဲ့၊ ခံစစ်အဖွဲ့တွေ ရှိလာကြရင် ဘောလုံးတလုံးတည်းကို လုကန်တာမျုိးထက် တဖက်အသင်းက လူခွဲထားတဲ့ ဗျူဟာအဖွဲ့တွေကို ခွဲပြီး ရင်ဆိုင်တာ ပြန်လှန် ကန်ကျောက်နိုင်တာမျိုးတွေ မြင်ကြရလိမ့်မယ် ထင်ပါတယ်။
ရွာပြန်ပြီး အနားယူမယ်၊ ခြံစိုက်မယ် အချိန်မကျသေး
အမေရိကန်ဘောလုံးပွဲဆိုတာက အချိန်ယူပြီး ကန်ကြတာပဲ။ အားနဲ့ မာန်နဲ့ တွန်းတိုက် ကစားကြတာပဲ။ အမေရိကန်ဘေ့စ်ဘောလဲ ခံစစ် တိုက်စစ် တလှည့်စီပဲ။ တပွဲနိုင်ရုံနဲ့ ပြီးပြီ၊ အိမ်ပြန်လို့ ရပြီ ဆိုတာမျိုး မဟုတ်ဘူး။ တိုက်စစ်အသင်းက ယူထားသမျှ အမှတ်တွေကို ခံစစ်အသင်းက အားနည်းနေလို့ တဖက်အသင်းက အမှတ်အသာယူသွားတာမျိုးတွေ ရှိတတ်တယ်။
ဒီလောက် ကြားပွဲတွေ၊ ခြေစစ်ပွဲတွေ အောင်ရုံနဲ့ တက်ထောင်တာတွေ၊ ကျောက်ဆောင်ပေါ် အတင်းတက်တာတွေ၊ စိတ်ပျက် အားလျော့ပြီး လမ်းချော်တာတွေ၊ လမ်းဘေးဆင်းတာတွေ လုပ်ကြဖို့တော့ အချိန်မရောက်သေးဖူး ထင်မ်ိတယ်။ ရောက်နေတဲ့ နေရာတွေမှာ အခုလို အချိန်နဲ့ အခြေအနေလေး ရတုန်း ပိုပြီး အသာစီးရအောင် အင်အားရှိအောင် ပြင်ဆင် အားယူထားရမယ်လို့ မြင်မိတယ်။
နောက်တခုကတော့ အာရှဘောလုံးက မိနစ် ၉၀ ကျော်ရင် အချိန်ပို၊ အချိန်ပိုကျော်ရင် ပယ်နယ်တီနဲ့ ဆုံးဖြတ်ကြတာကလား၊ အင်း အမေရိကန်ဘောလုံးနဲ့ ဘေ့စ်ဘော (သူလည်း ဘောလုံးပဲ၊ သေးတာကွာတယ်)ကတော့ သက်လုံ၊ သမ္ဘာ၊ ကံ၊ အင်အား၊ ဥာဏ်တွေနဲ့ အသက်ကြီးသူ၊ ငယ်သူတွေ အတူတူ လက်တွဲပြီး ကစားကြရတာမျိုးဆိုတော့ ငယ်လို့ ကြီးလုို့ဆိုပြီး ခွဲခြားနေစရာ မလိုပါ။ ကိုယ်နဲ့သင့်တော်တဲ့ နယ်မြေနဲ့ ကျွမ်းကျင်မှုတွေမှာ အချင်းချင်းလက်တွဲပြီး ကစားနေကြဖို့ပဲ လိုပါတယ်။
ကြားဖြတ်ပွဲပြီးချိန်မှာ ပြည်သူလူထုဟာ အင်အားအပြည့်နဲ့ လန်းဆန်းတက်ကြွလို့ နေတာကို မြင်နေရတယ်။ သူတို့ရဲ့ လက်နက်က အသည်းကြားက မဲတပြားမဟုတ်လား။ ရန်သူတွေက သေနတ်လက်နက်အားကိုး မတော်မတရား အကြမ်းဖက်မှုတွေ မကျုးလွန်ရဲအောင် သူတို့ရဲ့ မဲလက်နက်တွေကို အဆင်သင့် တိုက်ချွတ် ပြင်ဆင် မောင်းတင်ထားကြပြီ။ နေရာ ဒေသ ထောင့်ပေါင်းစုံက ဒီမိုကရေစီလိုလားတဲ့ အင်အားစုတွေကလည်း ကျွမ်းကျင်ရာ လိမ္မာ လူခွဲပြီး ဆက်ကစားကြရဦးမယ်။ အကုန်လုံးတော့ ခေါင်းပေါင်းပဲ ပေါင်းကြမယ်လို့တော့ မဖြစ်ဘူး။ အဲသလိုဆိုရင် ကာတွန်းသမားတွေ ရေးစရာတွေ ရကုန်မှာပေါ့။
--
Send email to - editors@moemaka.com to contact and contribute with MoEmAKa
MoeMaKa on Facebook Page from here (For Burma / Myanmar User)
MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives
