http://www.scribd.com/doc/112411086/moemaka-daily-7th-nov-2012
Download from here !!!!
Obama Reelected Again for next 4 golden years of USA
(Obama Wins !!!! )
အမေရိကန်ပြည်ရဲ့သမ္မတ အိုဘားမား နောက် ၄နှစ်သက်တမ်း ပြန်လည်အရွေးခံရပြီ
မိုးမခ၊ နိုဝင်ဘာ ၇၊ ၂၀၁၂
နိုဝင်ဘာ ၆၊ ၂၀၁၂ ပစိဖိတ်ကမ်းခြေ စံတော်ချိန် ည ၈ နာရီ စီဘီအက်စ် သတင်းဌာနရဲ့ အကဲဖြတ်ချက်အရ လက်ရှိသမ္မတကြီး အိုဘားမား သမ္မတအဖြစ် ပြန်လည်အရွေးခံလိုက်ရပြီ ဖြစ်တယ်လို့ ကြားသိရပါတယ်။
သူဘာလို့ နိုင်တာလဲ … အမျိုးသမီးတွေရဲ့ မဲ၊ မျိုးဆက်သစ်လူငယ်တွေရဲ့ မဲတွေနဲ့ ပြည်သူတွေကို စာနာတဲ့သူ မို့လို့ပါတဲ့။
CNN Projection 8PM on 6th Nov 2012
Maung Luu Yae - Poem
လက်ပတောင်း
မောင်လူရေး
နိုဝင်ဘာ ၇၊ ၂၀၁၂
မောင်လူရေး
နိုဝင်ဘာ ၇၊ ၂၀၁၂
လက်ပတောင်းဟာ
ကြေးနီနဲ့ ဆေးမပီတော့ဘူး
သူ့သွေးတွေက သူ့မြေးတွေထိ
မစီးနိုင်တော့ဘူး
သူ့ခရီး ပြီးတော့မယ်
သူ့အလှ ကျတော့မယ်
သူ့အရိပ်က
သူ့ရွာကို စွန့်ပြီ….။
လက်ပတောင်း
တောင်ဖြစ်ပြီး ဝင်ကာနီးနေလုံးလို
တစ တစ
ကွယ်ပသွားတာ
ရင်နာနာနဲ့ငေး
ကြားဘူးလား "တောင်ငေးပွဲ"
လက်ပတောင်း
ဒီဝေါဟာရ
သေချာတယ်
မြန်မာအဘိဓာန်မှာ စကားလုံးသစ်ထွင်းတော့မယ်………။
Irrawaddy Farmers reported abuses by authority & businesses
ဒေသခံ နစ်နာသူများ၊ နိုဝင်ဘာ ၆၊ ၂၀၁၂
တိုက်ကြီးမြို့နယ် (ရန်ကုန်တိုင်း)နှင့် ဓနုဖြူမြို့နယ် (ဧရာဝတီတိုင်း) နယ်နမိတ်ရှိ အဆိုပါ အင်းကို ငါးဦးစီးဌာနက အင်းနယ်နမိတ်ထက် ကျော်လွန်ချဲ့ထွင်ခြင်း၊ အင်းလေလံနိုင်သူ အင်းသားကြီးများက ဒေသခံများ စားဝတ်နေရေးထိခိုက်အောင် ကန့်သတ်ပိတ်ဆို့မှုများ ပြုလုပ်နေခြင်းတို့ကို နိုင်ငံတော်သမ္မတကြီးထံ တိုင်ကြားလိုက်သည်ဟု ဖော်ပြထားသည်။
တိုင်ကြားသူ ဒေသခံများအနက်က ရုပ်သံဖြင့် ပြောကြားသည်ကိုလည်း တင်ပြလိုက်ပါသည်။
Nagani 75 Years Anniversary held in Rangoon
နဂါးနီစာအုပ်တိုက် ၇၅ နှစ်ပြည့် အထိမ်းအမှတ်ပွဲ အမျိုးသားဇာတ်ရုံမှာ ကျင်းပ
မိုးမခဓာတ်ပုံသတင်း၊ နိုဝင်ဘာ ၆၊ ၂၀၁၂
မြန်မာပြည်လွတ်လပ်ရေးလှုပ်ရှားမှု သမိုင်းရဲ့ အဓိကဉာဏ်အလင်းပွင့်မှု အခမ်းကဏ္ဍကြီးမှာ အရေးပါခဲ့တဲ့ စာအုပ်တိုက်ကြီးရဲ့ ၇၅ နှစ်ပြည့် (၁၉၃၇- ၂၀၁၂) အထ်ိမ်းအမှတ် အခမ်းအနားကြီးကို ရန်ကုန်မြို့၊ အမျိုးသားပြဇာတ်ရုံမှာ နိုဝင်ဘာ ၄ ရက်က ကျင်းပခဲ့ပါတယ်။ ၁၉၃၇ ခုနှစ်က နဂါးနီစာအုပ်တိုက်ကို သခင်သန်းထွန်းနဲ့ အတူ သခင်နုတို့ အတူပူးပေါင်း ထူထောင်ခဲ့ကြတာ ဖြစ်ပါတယ်။
ပွဲတော်မှာ နဂါးနီစာအုပ်တိုက်ကြီးရဲ့ သမိုင်းဖြတ်သန်းမှု မှတ်တမ်းများကို ပြသမှာ ဖြစ်သလို လက်ရှိမြန်မာပြည်တွင်းက စာအုပ်တိုက်ပေါင်း ၁၀၀ ကျော်ရဲ့ အထူးစာအုပ်ဈေးခင်း၊ ကာတွန်းဆရာများရဲ့ ကာတွန်းနဲ့ လက်ရာအမှတ်တရပြပွဲ၊ တေးဂီတဖျော်ဖြေပွဲ၊ စာပေဟောပြောပွဲ၊ စတဲ့ စာပေလှုပ်ရှားမှုမြင်ကွင်းကြီးတခုလုံးကို ခင်းကျင်းပြသသွားတာ တွေ့ရပါတယ်။ စာပေချစ်သူများစွာ လာရောက်ကြပြီး၊ စာပေနဲ့ စာနယ်ဇင်းသမားများစွာကိုလည်း တွေ့မြင်ကြရတဲ့ ပွဲတော် ဖြစ်ပါတယ်။
အဲသည်ပြဇာတ်ရုံမှာ စီးပွားရေးစီမံခန့်ခွဲမှု နှင့်နိုင်ငံရေး - ဒေါက်တာ အောင်ထွန်းသက်၊ နဂါးနီ စာပေလှုပ်ရှားမှု နှင့် နိုင်ငံရေး - မောင်ခင်မင်(ဓနုဖြူ)၊ ပညာရေးလောကနှင့်နိုင်ငံရေး - မောင်သာချို၊ မာခ်စ်ဝါဒနှင့် နိုင်ငံရေး - ဦးကိုကိုမောင်ကြီး(ခ)ဦးချစ်လှိုင်၊ ကာတွန်းနှင့်နိုင်ငံရေး - အော်ပီကျယ်၊ စာပေနှင့်နိုင်ငံရေး - မစန္ဒာ နဲ့ သမိုင်းနောက်ခံဝတ္တုနှင့် နိုင်ငံရေး -ချစ်ဦးညိုတို့က ဟောပြောခဲ့ကြတယ်လို့ ဆိုပါတယ်။
Shwe Nya War Sayadaw in Canada - Dhamma Talk
ကျော်ဟုန်း ၊ ၆၊ နိုဝင်ဘာ ၂၀၁၂
ရွှေညဝါဆရာတော်ဟာ ကနေဒါနိုင်ငံတွင်းမှာ ဓမ္မပူဇာပွဲများ ကျင်းပနိုင်ခဲ့ပါပြီ။ အမေရိကန်ပြည်ထောင်စု၊ ဆန်ဖရန်မှ ကနေဒါကို ကားဖြင့် ခရီးပြင်းနှင်ပြီး မနားမနေ ကြွချီတော်မူကာ ကနေဒါရှိ မြန်မမာနိုင်ငံသားများရဲ့ အာသီသကို ဖြည့်ဆည်းပေးခဲ့ပါတယ်။ ကနေဒါနိုင်ငံတွင်း ရွှေညဝါဆရာတော်ရဲ့ဓမ္မသဘင်များကျင်းပနိုင်ရန် အဓိကပံ့ပိုးစီစဉ်ခဲ့သူများကတော့ ဗန်ကူးဗားဘီစီ၊ ဗုဒ္ဓရံသီ ဘုန်းကြီးကျောင်းမှ ဂေါပကများဖြစ်ကြတဲ့ ကိုစိန်ထွန်း၊ ကိုကိုလေး၊ ကိုတင်နွယ်၊ကိုမြင့်ဦးတို့ ပဲ ဖြစ်ပါတယ်။ ဆရာတော်ကြွချီရာ လမ်းတလျှောက် အဆင်ပြေချောမွေ့ စေရန် ကူညီခဲ့ကြသူများကတော့ ကပ္ပိယကိုမောင်မောင်သိန်းနဲ့ ဇနီး၊ ကိုထွန်းထွန်းမိသားစု (အော်ရီဂွန်)နဲ့  ဗုဒ္ဓရံသီဂေါပက(ဗန်ကူးဗား)အဖွဲ့ ပါ။
ဆရာတော်ဟာ ထိုင်းဗီဇာထုတ်ပေးမှုကြန့် ကြာခြင်းကြောင့် နိုဝင်ဘာ (၁) ရက်မှာ ဗန်ကူးဗားကို မရောက်နိုင်ဘဲ နိုဝင်ဘာ(၃)အာရုဏ် ချိန်မှ ရောက်ဖြစ်ခဲ့ကြပါတယ်။ နိုဝင်ဘာ(၃)ရက်မှာ နေ့ ဆွမ်းကို ကိုတင်နွယ်မိသားစုက ကပ်လှူခဲ့ပြီး အနီးအနားရှိတဲ့ မိတ်ဆွေများလဲ လာရောက်ခဲ့ပါတယ်။ ထိုနေ့ ဆွမ်းကပ်ပွဲတွင်လဲ ရွှေညဝါဆရာတော်က လောကီ၊လောကုတ္တရာ ကျင့်ကြံနေထိုင်အပ်တဲ့ တရားများကို ဟောပြောဆုံးမတော်မူခဲ့ပါတယ်။ ဘုရားရှင်ရဲ့ ဆုံးမသြဝါဒများအတိုင်း နေထိုင်ပုံ၊ အများအကျိုး ဆောင်ရွက်ရပုံများကို တရားတော်နဲ့ ညီညွတ်လို့ လုပ်ဆောင်ခဲ့ကြောင်း၊ တိုင်းပြည်၊လူမျိုး၊ ဘာသာ သာသနာတိုးတက်ဖို့  သေသည့်အထိ ဆောင်ရွက်သွားမယ့်အကြောင်း မိန့် ခဲ့ပါတယ်။
ထို (နိုဝင်ဘာ၊၃၊ ၂၀၁၂) ရက် ညနေ (၆း၃၀) မှ (၁၀)နာရီခန့် အထိ 5175, Dumfrics street, Vancouver B.C ရှိ Kensinton Community Center GYM ခန်းမမှာ ကနေဒါနိုင်ငံမှာ ရွှေညဝါဆရာတော်ရဲ့ ပထမဦးဆုံးတရားပွဲကို ကျင်းပဖြစ်ခဲ့ပါတယ်။ ထို တရားပွဲကို ရွှေညဝါဆရာတော်၊ ဦးသူရိယ၊ ဗုဒ္ဓရံသီ ကျောင်းထိုင် အရှင်ဂေါသက၊ တို့ လဲ ကြွရောက်ခဲ့ကြပါတယ်။
စီစဉ်သူများနဲ့  တရားပွဲလာပိရိသတ်များက " ရွှေညဝါဆရာတော်၊ ကျန်းမာပါစေ၊ သက်တော်ရှည်ပါစေ" လို့  သံပြိုင်ဆုတောင်း ပြီး ကြေးစည်ထု၊ထီးဖြူမိုးကာ ခမ်းခမ်းနားနား ကြိုဆိုခဲ့ကြပါတယ်။ ဒီတရားပွဲမှာ အခြားကျင်းပခဲ့တဲ့တရားပွဲများနဲ့ မတူတဲ့ထူးခြား ချက်ကတော့ တရားပွဲမစမီ ရွှေညဝါဆရာတော်ရဲ့သမိုင်းအကျဉ်းချုပ်ကို ပရိသတ်များသိစေရန် ဖတ်ကြားခြင်း၊ တရားပွဲအပြီးမှာ မှော်ဘီ ရွှေညဝါတောရကျောင်းအတွက် လှူဒါန်းမည့်ငွေများ ဆော်သြ ကြေညာခြင်းပင်ဖြစ်ပါတယ်။ ရွှေညဝါဆရာတော်က တကယ့်လွတ်လပ်ရေးအမည်ရှိ တရားတော်ကို ဟောကြားခဲ့ပါတယ်။
ဗန်ကူးဗားဘီစီ တရားပွဲမှာ မြန်မာငွေ သိန်း (၂၀) ကျော်ရရှိခဲ့ကြောင်းသိရပါတယ်။ ရွှေညဝါတောရကျောင်းရဲ့ ပင်မဘွဲ့ နှင်းသဘင် စတုရန်းပေ (၁၂၀၀) ထဲမှ စတုရန်းပေ (၁၀၀) တကွက်စာ၊ နှစ်ထပ်စာသင်ဆောင် စတုရန်းပေ (၁၆၀၀၀) ထဲမှ စတုရန်းပေ(၁၀၀) တကွက်စာနဲ့ ဆွမ်းစားဆွမ်းချက်ဆောင် စတုရန်းပေ (၆၀၀၀) ထဲမှ စတုရန်းပေ (၁၀၀) တကွက်စာတို့ အတွက် စုစုပေါင်းကျသင့် ငွေသိန်း(၅၀)ဖိုးကို ဆရာတော်ပြန်လာမယ့်(နိုဝင်ဘာ၊၁၂၊၂၀၁၂)မှာ ဖြည့်လှူဒါန်းနိုင်ရန် စီစဉ်ထားကြောင်းသိရပါတယ်။ တရား ပွဲလာတဲ့ပိရိသတ်များကို ခေါက်ဆွဲကြော်၊ ကြာဇံချက်၊ လက်ဖက်ရည်ချို၊ ရွှေကြည်၊ ကျောက်ကျောမုံ့ ချိုများနဲ့ ဧည့်ခံပါတယ်။
ရွှေညဝါဆရာတော်ဟာ အစီအစဉ်အတိုင်း ဗန်ကူးဗားတရားပွဲအပြီး ည(၁၁)နာရီခွဲမှာ တိုရန်တိုမြို့ ကိုကြွချီခဲ့ပါတယ်။ တိုရန်တိုကို မနက်စောစောပိုင်းဆိုက်ရောက်ပြီး ထိုနေ့  (နိုဝင်ဘာ၊ ၄၊ ၂၀၁၂) ညနေမှာ12 High Meadow Place,ON, M9L မှာတည်ရှိတဲ့ မဟာဓမ္မိကကျောင်းတွင် တရားပွဲကျင်းပခဲ့ပါတယ်။ ဒီတရားပွဲမှာလဲ(တကယ့် လွတ်လပ်ရေး)တရားတော်ကို ထပ်ဟောခဲ့ပါတယ်။ တကယ့်လွတ်လပ်ရေးတရားတော်ဟာ နှုတ်ဆောင်လွတ်လပ်ရေး၊ သရုပ်ဆောင်လွတ်လပ်ရေးကို ယနေ့ ကြုံတွေ့ နေတဲ့ မြန်မာ၊ကမ္ဘာအရေးများနဲ့  ဘုရားရှင်ဖြစ်တော်မူခြင်း အောင်မြင်မှုအကြောင်းယှဉ်တွဲကာ ဟောကြားခဲ့တဲ့ တရားဖြစ်ပါတယ်။
ထိုတရားတော်ဟာ လေးသင်္ချေနဲ့ ကမ္ဘာတသိန်း ပါရမီဖြည့်ကျင့်ပြီး ကိလေသာ တဏှာကုန်ခမ်းကာ ဗုဒ္ဓဘုရားရှင်အဖြစ်ရောက်ခဲ့ပုံ၊ သံသရာမှလွတ်မြောက်ရ၍ တကယ့်လွတ်လပ်ရေးရကြောင်း ဝိနည်းအတိုင်းဟောခဲ့ပေမယ့်လဲ ပြည်တွင်း အာဏာပိုင်များ
က ရွှေညဝါဆရာတော်ကို တရားဟောခွင့်ပိတ်စေခဲ့တဲ့ တရားလဲဖြစ်ပါတယ်။ ။
Have Burmese in USA voted? for Who?
USက မြန်မာတွေ သမ္မတအတွက် မဲပေးပြီးပြီလား?
မိုးမခ၊ နိုဝင်ဘာ ၆၊ ၂၀၁၂
ယနေ့ အမေရိကန်စံတော်ချိန် နံနက်ခင်းက စပြီးတော့ ၂၀၁၂ အမေရိကန်အထွေထွေ ရွေးကောက်ပွဲနဲ့ သမ္မတရွေးချယ်ပွဲ စတင်ပြီ ဖြစ်ပါတယ်။
လက်ရှိ ဆိုရှယ်မီဒီယာတွေအပါအ၀င် သတင်းမီဒီယာပေါင်းစုံကနေပြီးတော့ အမေရိကန်ပြည်သူ မဲဆန္ဒရှင်တွေရဲ့ မဲရလဒ်တွေကို အချိန်နဲ့ တပြေးညီ တင်ဆက်ပေးနေတာကို တွေ့ရပါတယ။်
ဖေ့စ်ဘွတ်ဆိုရှယ် မီဒီယာက http://www.facebookstories.com/voteအဲသည်လင့်ခ်မှာ အမေရိကန်တွေ ဘယ်နှယောက် မဲအေးပြီးပြီဆိုတာကို တင်ဆက်ပေးနေတာ တွေ့ရပါတယ်။ ဂူးဂဲကလည်း http://www.google.com/elections သည်နေရာကနေ သတင်းတွေ အချက်အလက်တွေ စုဆောင်းတင်ပေး နေတာကို တွေ့ရပါတယ်။
အမေရိကန်အရှေ့ဖက်ကမ်း စံတော်ချိန် ညနေ ၆ နာရီလောက်ကစပြီးတော့ ပြည်နယ်အလိုက် မဲဆန္ဒ ရလဒ်တွေကို သတင်းဌာနတွေကနေ စတင်ကြေညာမှာ ဖြစ်ပါတယ်။ ရွေးကောက်ပွဲစောင့်ကြည့်ရေး အဖွဲ့အစည်းတွေကလည်း အဆိုပါ ရလဒ်တွေကို ကြေညာနေမှာ ဖြစ်ပါတယ်။ http://www.politico.com/2012-election/map/#/President/2012/
လူထုရဲ့ ပေါ်ပြူလာဗုတ် (အများစုမဲ) နဲ့ သမ္မတကို ဆန္ဒပေးတယ်ဆိုပေမယ့်၊ အမေရိကန်ရဲ့ လူဦးရေကို ကိုယ်စားပြုတဲ့ အထက်နဲ့ အောက် ပြည်သူ့လွှတ်တော်ကိုယ်စားလှယ်ဦးရေ ၅၃၈ ဦးနဲ့ ပြန်အချိုးချပြီးမှ သမ္မတကို ရွေးတာဖြစ်တာကြောင့် အဲသည် အချိုးချ ကိုယ်စားလှယ် (Electoral College Delegates) အများစု ၂၇၀ ရပြီဆိုတာနဲ့ သမ္မတအဖြစ် အရွေးခံရမှာ ဖြစ်ပါတယ်။ အဲသည် လူဦးရေအလိုက် ပြည်နယ်အချိုးချ ကိုယ်စားလှယ်ဆိုတာကတော့ ပြည်သူ့လွှတ်တော်အမတ်တွေမဟုတ်ဘဲ ပြည်နယ်အစိုးရတွေ၊ အုပ်ချုပ်ရေးကောင်စီတွေက သူတို့ဒေသအလိုက် သတ်မှတ်တဲ့ ပါတီလူကြီး၊ အရပ်လူကြီးတွေ ဖြစ်ပါတယ်။ သူတို့ကလည်း သူတို့ မြို့နယ်တွေက အများစုမဲကိုပဲ လိုက်နာပြီး သမ္မတကို ရွေးပေးတာဖြစ်တယ်လို့ အကြမ်းပြောနိုင်ပါတယ်။
အခုသည်နှစ် သမ္မတရွေးကောက်ပွဲမှာ အိုဘားမားနဲ့ မစ်ရော်နီတို့အတွက် အမာခံပြည်နယ်တွေအတွက် သူတို့ပါတီတွေက သိပ်ပြီး မစိုးရိမ်ပါဘူး။ ဥပမာ အားဖြင့် ကယ်လီဖိုးနီးယားပြည်နယ်ဆိုတာ အိုဘားမားနဲ့ ဒီမိုကရက်တွေအတွက် အမာခံပြည်နယ်ဖြစ်ပါတယ်။ နှစ်ဖက်သမ္မတရွေးချယ်ခံတွေ အဓိကစိုးရိမ်တာက ခြံစည်းရိုးခွထိုင်နေတဲ့ ပြည်နယ်တွေက မဲတွေဖြစ်ပါတယ်။ ပါတီ ၂ ဖက်စလုံးကို မလိုက်တဲ့ တသီးပုဂ္ဂလမဲဆန္ဒရှင်တွေရှိတဲ့ ပြည်နယ်တွေကို လူတွေအားလုံးက ရင်မပြီး စောင့်ကြည့်နေတာ ဖြစ်ပါတယ်။
အဲသည်လို တသီးပုဂ္ဂလတွေ၊ ၂ဖက်ခွတွေရှိတဲ့ ပြည်နယ်တွေထဲက အဆုံးအဖြတ်ပေးမယ့် ပြည်နယ်တွေကတော့ ဖလော်ရီဒါ (၂၉ ကိုယ်စားလှယ်)၊ ဗာဂျီးနီးယား (၁၃)၊ အိုဟိုင်းရိုး (၁၈)၊ ၀စ္စကွန်ဆင် (၁၀)၊ အိုင်အိုဝါ (၆)၊ ကိုလိုရာဒို (၉)၊ နဗားဒါး (၆) ဖြစ်ပါတယ်။ သူတို့အမှတ်တွေ အားသာတဲ့ဖက်က သမ္မတ အနိုင်ရမှာ ဖြစ်ပါတယ်။
လက်ရှိမှာ ပြည်နယ်အလိုက် အိုဘားမားက ၂၃၇ မှတ်၊ မစ်ရော်နီက ၂၀၆ မှတ် (မဲကိုယ်စားလှယ်အလိုက်) ရထားတယ်လို့ CNN က ပြောပါတယ်။
နယူးယောက်တိုင်းမ်ကတော့ အိုဘားမားက ၃၁၃ မှတ်နဲ့ နိုင်မယ်လို့ ဟောကိန်းထုတ်ထားပါတယ်။
ကဲ … အမေရိကန်က မဲပေးခွင့်ရှိတဲ့ မြန်မာတွေကကော ဘယ်သူကို မဲပေးခဲ့ပြီလဲ။ မိုးမခ၀က်ဆိုက် အပေါ်ထောင့်က မဲရုံကလေးမှာ ဆန္ဒပြခဲ့ကြပါဦး။
Mar Lu San - Articles
တူသောအကျိုး ပေးသင့်သလား
မာလုစံ
နိုဝင်ဘာ ၆၊ ၂၀၁၂
မာလုစံ
နိုဝင်ဘာ ၆၊ ၂၀၁၂
ကျွန်မ စာမရေးဖြစ်တာကြာပါပြီ။ ခေါင်းထဲမှာ တွေးနေမိပြီး၊ စိတ်ထဲမှာ ရေးချင်နေတာတွေကတော့ အများကြီးပါ။
ဘယ်သူကမှ ကိုယ့်ကိုတာဝန်မပေးပါပဲလျှက်၊ ကိုယ့်ဘာသာလုပ်ချင်လို့ လုပ်ခဲ့မိတဲ့ အလုပ်တခုက သြဂုတ်လကတည်းက အလုပ်များနေ လိုက်တာ အောက်တိုဘာလဆန်းအထိပေါ့။
အခုတော့ အားပြီဆိုကြပါစို့။ အချိန်လေး နည်းနည်းရလာပြီဆိုတော့ စာရေးဘို့ စဉ်းစားမိတယ်။ ရေးချင်နေတာတွေက အများကြီး။ ရေး လက်စ၀တ္ထုရှည်လေးကိုလည်း ဆက်ရေးချင်သေးတယ်။ အရင်ရက်ပိုင်းတွေကတည်းက ခေါင်းထဲတ၀ဲဝဲလည် ရေးနေမိတာတွေလဲ လက် က ချရေးချင်တယ်။
ဒါပေမယ့် မပြုမဖြစ် ပြုချင်တဲ့၊ ပြုရမယ့်ကိစ္စလေးတွေကလည်း ရှိပြန်သေးတယ်လေ။ တနယ်တကျေးကလာလည်တဲ့ ငယ်သူငယ်ချင်းကို တွေ့ဆုံဧည့်ခံဘို့၊ တပြည်တရွာက ကြွလာတဲ့ ရွှေည၀ါဆရာတော်တရားပွဲကို သွားဘို့၊ မွေးရပ်မြေကိုပြန်တော့မယ့် ကိုကျော်သူကို နှုတ်ဆက် ဘို့။
ဒါနဲ့ ကိုကျော်သူနှုတ်ဆက်ပွဲကို အောက်တိုဘာ ၁၂ ရက်၊ သောကြာနေ့ ညနေမှာရောက်သွားတယ်။
ချိုသင်းတို့ မေတ္တာရိပ်မြုံဂေဟာလေးကို ရောက်သွားတော့ ခြံထဲရော၊ လမ်းမပေါ်မှာပါ ကားရပ်စရာနေရာမရှိတော့။ ကားတွေက အပြည့်။ ဒါနဲ့ပဲ တပွဲထဲလာကြတဲ့လူအချင်းချင်း၊ ပြန်သူရှိမှ ကားဖယ်ပေးမယ်ဆိုပြီး အရင်ရောက်သူတွေကားအနောက်ကနေ ပိတ်ကာရပ်လိုက် ရ တယ်။
အိမ်ထဲမှာလည်း လူအပြည့်။ အိမ်တဘက်ခြမ်းမှာ အမျိုးသားတစု စကားကောင်းနေသလို၊ တဘက်ခြမ်းမှာတော့ ကျားကျား မမ အရွယ်စုံက ကာရာအိုကေ သံပြိုင်ဆိုနေကြတယ်။ ပျော်စရာကြီးပေါ့။
အိမ်အတွင်းထဲ ထမင်းစားခန်းဆီသွားပြီး ကိုကျော်သူနဲ့ နှုတ်ဆက်စကားပြော။ ဘိတ်ကပ်ကျေးကိုက် ခေါက်ဆွဲကြော်ကို သူလဲစား၊ ကိုယ် လဲစား။ ကိုကျော်သူခမြာမှာတော့ ခေါက်ဆွဲတပုဂံ ဖြောင့်ဖြောင့်မစားရ။ တယောက်ပြီးတယောက် လာနှုတ်ဆက်သူတွေနဲ့ စကားပြောရတာ မနားရအောင်ပါပဲ။
ကိုယ်ကလဲ ပူပူနွေးနွေးပြီးထားတဲ့ ပွဲအပြီးကတည်းက မဆုံရသေးတဲ့ပွဲ။ လုပ်ဘော်ကိုင်ဘက်တွေနဲ့ ပြန်တွေ့ရတော့ ပွဲအကြောင်းတွေ စမြုံ့ပြန်ကြ၊ ကောင်းကွက်ကလေးတွေ ပြန်ပြောကြ၊ ချွတ်ချော်သွားခဲ့တာတွေကို သင်္ခန်းစာယူနိုင်ဘို့ ပြန် သုံးသပ်ကြပေါ့။ အများစုကတော့ ကိုယ့်လိုပါပဲ၊ ဆယ်ရက်ကျော် ကြာနေတာတောင် ပျော်လို့ မ၀သေးပုံပဲ။ ပွဲအကြောင်း စကား စလိုက်တာနဲ့ အပြုံးတွေ ၀င်းလက်သွားတဲ့ မျက်နှာတွေပဲ မြင်ရတယ်။ ဒေါ်အောင်ဆန်းစုကြည်ကို ဖန်သားမျက်နှာပြင် အပေါ်မှာ မဟုတ်၊ ပုံနှိပ်စာရွက် အပေါ်မှာ မဟုတ်ပဲ လူကိုယ်တိုင် မြင်လိုက်ရတာကို ပြန်တွေး တွေးပြီး ပျော်နေကြဆဲ။ နှစ်သိမ့် ပီတိ ဖြစ်လို့ မ၀ကြသေး။ နှစ်ရှည်လများ ခွဲခွာနေခဲ့ရတဲ့၊ စိတ်ကူးနဲ့ လွမ်းနေ၊ တမ်းတနေရတဲ့ အမေ့ကို လူကိုယ်တိုင် မြင်ခွင့် တွေ့ခွင့် ရလိုက်တဲ့ သားသမီးတွေရဲ့ ၀မ်းသာမှု ခံစားချက်မျိုးဆိုတာ လူတိုင်းလိုလို ပြောသလို၊ ပြောသူကိုလဲ ငြင်းသူ နည်းပါတယ်။
ပွဲမှာ တင်စားပြောခဲ့သလို ဒါ ကျွန်မတို့ ကျွန်တော်တို့ရဲ့ အမေ။ ကွဲကွာနေခဲ့တဲ့ အမေ့ကို ပြန် တွေ့ရခြင်း။
xxxxxx
အချိန်နည်းနည်းကြာလာတော့ အိမ်တဘက်ခြမ်းက အမျိုးသားဝိုင်းကလဲ ရေချိန်တက်လာသလို၊ ကာရာအိုကေ ၀ိုင်းကလဲ အရှိန်တက်လာ ပါတယ်။
ကိုကျော်သူကတော့ အိမ်နောက်ဖေး အခန်းထဲမှာ ပြောဆိုနေဆဲ၊ အလုပ်များဆဲ။ သူ့ကို နှုတ်ဆက်သူတွေနဲ့ အလုပ်ရှုတ်ဆဲ ပဲ။ သူ့ခမြာ ဘယ်ဝိုင်းမှာမှ မပါနိုင်ရှာဘူး။
ကျွန်မတို့ စကားကောင်းနေတုန်း ဘယ်က ဘယ်လို စလာတယ် မသိ။ နယ်က လာတဲ့ မိတ်ဆွေဟောင်းတယောက်က ကျွန်မတို့ကို သီချင်းဆိုဘို့ အတင်း လာခေါ်တယ်။
မဆိုတတ်ပါဘူး ပြောလဲမရ။ တဦးချင်း မဆိုချင်ရင် စုံတွဲ ဆိုရမယ်တဲ့။
သွားပြီ လို့။ စုံလဲ မတွဲဘူး၊ တကိုယ်တော်လဲ မချဲဘူး။
အကိုတွေ မောင်တွေ သီချင်းဆိုကြ၊ တီးကြ ခတ်ကြတာတွေ၊ ဂီတလောက မျိုးရိုးရှိတယ်နဲ့၊ ဘာဘာညာညာ လာ ညောင် နေတော့ ကျွန်မက စာရေးတာပဲ ရတယ်။ အဲသည် ဂီတနဲ့ ကျွန်မက ပြဒါးတလမ်း သံတလမ်း ပေါ့။ ဘယ်လိုမှ မနီးစပ်တဲ့ အရာတွေပါ ဆိုပြီး မဆိုပါရစေနဲ့ တောင်းပန်။ ခေါ်သူက အမျိုးမျိုး ကုတ်ကပ် ခေါ်နေတာကို သည်ကလဲ အားမနာတမ်း အတင်းကို လှည့်ပတ် ညင်းတော့တာပဲ။
နောက်ဆုံးမှာတော့ မနေသာတဲ့ အိမ်ရှင် ကိုကျော်ဝဏ္ဏ ၀င်ကယ်ကာမှ ဈေးတည့်သွားတယ်။ ကျွန်မတို့ အကြိုက်ဆုံး သီချင်းကို ပြော၊ သူ (ကိုကျော်ဝဏ္ဏ) ဆိုပေးမယ် တဲ့။
အဲဒါမှ ခက်တော့တာပဲ။ လင်စုံမယားရယ်လို့ ကျွန်မတို့ အိမ်ထောင်ဘက်မှာ အကြိုက်ဆုံးသီချင်းက မရှိ။ သူ နှစ်သက်တဲ့ သီချင်း၊ ကျွန်မ သဘောကျတဲ့ သီချင်းတွေ အများကြီး ရှိပေမယ့် တပုဒ်ထဲ တူညီ သတ်သတ်မှတ်မှတ် မဟုတ်။ သည်တော့ ကျွန်မတို့ မင်္ဂလာဆောင်တုန်းက ဘာသီချင်းဖွင့်သလဲ တဲ့၊ မေးပြန်တယ်။ သွားပါပြီ။ သူနဲ့ ကျွန်မမှာ မင်္ဂလာမောင်မယ်သီချင်း ဆိုတာ မရှိ (မင်္ဂလာဆောင်မှ မရှိခဲ့တာ)။
ဒါပေမယ့် မရှိဘူး ပြောတာကို လက်မခံပဲ ဘယ် သီချင်းလဲ၊ ဘာ သီချင်းလဲ အတင်း ကပ်မေးနေတာမှာ ခေါင်းထဲ ဖြတ်ကနဲ ၀င်လာတဲ့ ခေါင်းစည်းကလေးကို ပြောလိုက်မိတယ်။
'ယုဇနပင်နဲ့ ဖဲကြိုးဝါ'
အကျိုးတော်ဆောင် ဆိုပေးမယ့်သူကလဲ အဲသည် သီချင်းရှိတယ်၊ ဆို တတ်တယ် ဆိုပြီး ဈေးတည့်သွားတယ်။
နဘေးက အသက် သုံးဆယ်လောက် မိန်းမငယ်လေး တယောက်က 'အော် အဲဒါ xxxx ရဲ့ သီချင်း' တဲ့။
သူ ပြောတဲ့ အဆိုတော်ကို ကျွန်မ မသိ။ ကျွန်မ စ ကြားဘူးတာက ကလေးဘ၀ ငါးတန်းလား၊ ခြောက်တန်းလားမှာ အဆိုတော် (အကိုကြီး) မင်းမင်းလတ် ဆိုတာ ကြားဘူးတယ်။ အရွယ်ရောက်လာချိန်မှာ မောင်ငယ် ဇော်ဝင်းထွဋ် ပြန်ဆိုတာ ကြားဘူးတယ်။ အခု နောက်ဆုံး ပြန်သီဆိုသူကို မသိသလို သူဆိုတာကိုလဲ မကြားဘူး ဘူး။ အချိန်တွေ ဘယ်လောက် ကြာညောင်းခဲ့ပြီး ကိုယ်တွေ ဘယ်လောက် အိုမင်းခဲ့ပြီဆိုတာ သတိပြုလိုက်မိပါတယ်။
ချိုသင်းက အိမ်ရှေ့မှာ သီဆိုနေသူတွေဆီမှာ သီချင်းစာရင်း သွားပေးတုန်း ထိုမိတ်ဆွေက အတူထိုင်နေကြတဲ့ လူငယ်တွေကို မေးတယ်။
"သည် သီချင်းရဲ့ မူလ လက်ဦး သီချင်းအမှန်ကို သိသလား" တဲ့။ လူငယ် လေး ငါးယောက်လောက် ရှိတာ တယောက်မှ မသိကြပါဘူး။ ဒါနဲ့ ကျွန်မက ၀င်ဖြေလိုက်မိတယ်။
"Dawn ဆိုတဲ့ အဖွဲ့က Tony Orlando ဆိုထားတဲ့ 'Tie A Yellow Ribbon' သီချင်း။ ကြာလှပြီ။ အဲသည် သီချင်း ပေါ်တုန်းက အန်တီတို့တောင် ကလေးဘ၀ ဆယ်ကျော်သက်လောက် ရှိသေးတာ။ 1970 လောက်က ထင်တယ်"
လူငယ်တွေ အားလုံး တယောက်မျက်နှာ တယောက်ကြည့် ပြုံးပြီး 'ဟာ ဒါဆို မမွေးသေးဘူး' ပြောကြတယ်။ ဟုတ်မှာပါ။ ကြာတော့ ကြာလှတာ သိပါတယ်။
ခဏနေတော့ ချိုသင်းက အမရေ လာ၊ လာ ဆိုပြီး အတင်းလှမ်းခေါ်လို့ အိမ်ရှေ့ဘက် ထွက်လာခဲ့တယ်။
ရုပ်မြင်သံကြား ဖန်သားပြင်ပေါ်မှာ ပန်းတွေနဲ့၊ ဖဲကြိုးဝါတွေနဲ့ သီချင်းတီးလုံးက စပါပြီ။
ကိုကျော်ဝဏ္ဏတယောက် အစပိုင်းလေးပဲ တယောက်တည်း ဆိုလိုက်ရတယ်။ အခန်းတခုလုံး ရှိသမျှ လူကုန်နီးပါးက လက်ခုတ်လက်ဝါးတီးပြီး အားရပါးရ လိုက်ဆိုကြတယ်။ တချို့ကလဲ လိုက်က နေကြတယ်။ ကျွန်မလဲ ပျော်မြူးစွာနဲ့ လက်ခုတ် တီး၊ အသံတိုးလေးနဲ့ လိုက်ဆိုနေမိတယ်။
လူ အများ ကြားဘူးကြမှာပါ။ မြူးကြွတဲ့ ဂီတ တီးလုံးနဲ့ သည်သီချင်းလေးကို။ အိမ်အပြန်မှာ သစ်ပင်ပေါ်မှာ ဖဲကြိုးဝါ ချည် ထားတာ တွေ့ရင် ချစ်တယ် အဖြေ ရမယ်ဆိုတာ။ ဗမာလို စာသားထည့် ဘာသာပြန်ထားတဲ့ စတီရီယို ကော်ပီ သီချင်းမှာ သီချင်းတေးသွားနဲ့ လိုက်ဘက်အောင် ချစ်ကြောင်း အဖြေတောင်းတာကို ထည့်စပ်ထားပေမယ့် တကယ့် မူရင်းသီချင်းကတော့ အဓိပ္ပါယ် နည်းနည်းလေး ကွာပါတယ်။ အဝေးကနေ အိမ်ပြန်လာတာကို လက်ခံဦးမှာလား မေးခဲ့တာပါ။
ဒါပေမယ့် စတီရီယို ကော်ပီသီချင်းရေးခဲ့တဲ့သူကလည်း အရည်အချင်းခေသူ မဟုတ်ပါဘူး။ စာသားပြည့်ရင် ပြီးရော ဆိုပြီး သီချင်းသွားနဲ့ လိုက်ဘက်အောင် စာသားတွေ အသလွတ် ထည့်ရေးထားခဲ့တာ မဟုတ်ပါဘူး။ ကျွန်မ အမှတ်မမှားရင်တော့ ပုသိမ် မောင်စိမ်းသူ ဖြစ်ပါလိမ့်မယ်။ (မှားခဲ့ရင်လဲ အမှန်သိသူများ ပြင်ပေးပါ။)
'အိမ်ပြန်အလာ တပေါင်းလ ချစ်စရာနွေ၊ ကြွေရွက်တွေ ၀ဲလို့ ဝေ့လည် နေကြတယ်' ဆိုတဲ့ အဖွင့်စာသားကတင် အဓိပ္ပါယ် အပြည့် ပါ ပါတယ်။
ကျွန်မတို့ တိုင်းပြည်မှာ နွေရာသီဆိုတာ အလွန် ပူပြင်းတဲ့ အချိန်။ သည်အထဲမှာမှ နွေရာသီ လေးလတာ မှာ မတ်လထဲ ကျတဲ့ တပေါင်းလ ဆိုတာ အပူဆုံးလ ပါ။ ဒါပေမယ့် အပူတောမှာ အိမ်ပြန်လာရချိန်ကို ချစ်စရာနွေလို့ ရေးစပ်ခဲ့ပုံက ရာသီတွေ ဘယ်လို ပူပြင်းပါစေ၊ မျှော်လင့်ချက်ရှိရင် ချစ်စရာအချိန် ဖြစ်နေတာကို တင်စား ရေးစပ်ထားတယ် ထင်ပါတယ်။
ဒဿနိကဆန်ဆန် ပြောရမယ် ဆိုရင် မျှော်လင့်ချက်တခုနဲ့ ရှင်သန်နေရတဲ့ လူတွေရဲ့ ဘ၀ပေါ့။ တချိန်ကျရင် ဆိုတဲ့ မိမိရဲ့ လိုအင်ဆန္ဒ ပြည့်ဝလိုတဲ့ စိတ်စောမှုတွေနဲ့ လူတွေဟာ အသက်ရှင်နေရတယ် ဆိုတာ။
မူရင်း အင်္ဂလိပ်လို စပ်ထားတာမှာတော့ "I'm comin' home, I've done my time" (ကျသင့်တဲ့ အချိန်ကို ပေးဆပ်ပြီး အိမ်ပြန်လာတယ်) လို့ ဆိုထားတယ်။ တတိယ စာကြောင်းမှာ 'I'd soon be free' (မကြာခင်မှာ လွတ်မြောက်မယ်) လို့ သီကုံးထားတော့ ထောင်က အပြန်လမ်းကို ဆိုလိုတာလား၊ စစ်ပွဲမှာ တာဝန်ထမ်းဆောင်ပြီး အိမ်ပြန်လာတာလား။ သေချာတာ ကတော့ အခြေအနေအရ ခွဲခွာချန်ထားခဲ့ရတဲ့ အချစ်ဟောင်းကို သူ့ကို ပြန်လက်ခံမယ် ဆိုရင် ဖဲကြိုးဝါလေးကို ၀က်သစ်ချပင်အို မှာ ချည်ထားပေးဘို့၊ တောင်းဆိုထားတဲ့ အဖြစ်ပါ။
သည်သီချင်းလေးထဲကလို သစ်ပင်တွေမှာ၊ ခြံစည်းရိုးတွေမှာ၊ အိမ်တိုင်တွေမှာ၊ ပြူတင်းပေါက်ဘောင်တွေမှာ ဖဲကြိုးဝါ ချည်တဲ့ ဓလေ့ အနောက်နိုင်ငံတွေမှာ လူသိများ၊ လုပ်ဆောင်သူ များခဲ့တာ ကြာပါပြီ။ အထူးသဖြင့် အမေရိကားမှာ ဆိုရင် ဗီယက်နာမ် စစ်ပွဲအပြီးမှာ နှစ်လရှည်ကြာစွာ ချစ်သူ ရည်းစား၊ ဇနီးမယားနဲ့ ခွဲခွာခဲ့ရသူတွေ အိမ်အပြန်မှာ သူတို့ရဲ့ ကြင်သူတွေ ရင်ခွင်သစ်တွေ့သွားတာတွေကို ရင်နာစွာ တွေ့တတ် ကြုံကြရလို့၊ အိမ်ရှေ့မှာ ဖဲကြိုးဝါမတွေ့ရလျှင် အိမ်ထဲ မ၀င်တော့ပဲ တိတ်တိတ် ဆိတ်ဆိတ် လမ်းထိပ်ကနေ လှည့်ရှောင်သွားတဲ့ အဖြစ်တွေ မရေမတွက်နိုင်အောင် ဖြစ်ခဲ့၊ ရှိခဲ့ပါတယ်။ တချို့က Dear John လို့ အစချီတဲ့ အဆက်ဖြတ်စာ၊ ကွဲကွာစာတွေ ကြိုတင် ရခဲ့ပေမယ့် တချို့ကတော့ စာမလာ၊ ဘာသတင်းမှ မကြားရ ပဲ မထင်မှတ်ထားတဲ့ အဖြစ်တွေကို မျက်မြင်ကိုယ်တွေ့ ရင်ဆိုင်တွေ့ကြရတာဟာ ရင်ဝကို ဆောင့် အကန် ခံလိုက်ရသလို အလွန် အထိနာကြပါတယ်။
ရက်လရှည်ကြာစွာ စစ်မြေပြင်မှာ လောကငရဲ ဆင်းရဲဒုက္ခမျိုးစုံ ခံစားကျော်ဖြတ်နေစဉ်မှာ သူတို့အတွက် အသက်ရှင်သန်ဘို့ မျှော်လင့်ချက်က အိမ်အပြန်လမ်း တခုပါပဲ။ အိမ်မှာ စောင့်ကြိုနေမယ့်သူပါ။ ကျန်ခဲ့ ချန်ထားခဲ့ရသူရဲ့ အပြုံးမျက်နှာပါ။ ဒါပေမယ့် ကံမကောင်း အကြောင်းမလှသူများ ခမြာမှာတော့ …. … .. ။
xxxxxxxx
ကျွန်မတို့ တိုင်းပြည်မှာလည်း အနောက်တိုင်းက နိုင်ငံတွေလို သည်လို ထုံးစံ လူသိမများခဲ့ပေမယ့် လွန်ခဲ့တဲ့ နှစ်ပေါင်း ငါးဆယ်၊ ၁၉၆၂ ကတည်းက သည်လို ဖဲကြိုးဝါ ချည်ပြီး ကြိုခွင့်ရရင် ကြိုချင်သူတွှေ အများကြီးရှိခဲ့မှာပါ။ အိမ်အပြန်လမ်း ကြိုချင် တွေ့ချင် တာတောင် မတွေ့ရနိုင်တော့တဲ့ အဖြစ်တွေလဲ ရှိကြမှာပါ။ နှစ်ပေါင်းများစွာ အကြိမ်ကြိမ် ခွဲကြရတာကို ရဲရင့်စွာ ရင်ဆိုင်ပြီး ချစ်သူ၊ ကြင်သူ အပြန်လမ်းကို စောင့်ခဲ့သူတွေ၊ အဖေအမေ ပြန်အလာကို မျှော်ခဲ့တဲ့ ကလေးတွေ၊ သားသမီး အပြန်လမ်းကို စောင့်ခဲ့တဲ့ မိဘတွေ အများကြီး ရှိခဲ့ပါတယ်။
အခု ကျွန်မတို့ တိုင်းပြည်မှာ ပြည်တွင်း အခြေအနေတွေ ပြောင်းလဲကုန်ပါပြီ။
ပြည်ပထွက်သွားသူတွေ အတော်များများ ပြန်ချင်လျှင် ပြန်လို့ ရသလို၊ ပြည်တွင်းကလူတွေလဲ ပြည်ပကို ထွက်ခွင့် ဟိုယခင်ကထက် ပို လွယ်ကူလာပါပြီ။
ပြန်ခွင့်ရဦးမယ် မထင်ထားသူတွေ သွားကြ ပြန်ကြတာ တွေ့ရသလို၊ ထွက်လာခွင့် ရဦးမယ် မထင်ထားသူတွေ ခရီးတွေ ထွက်ကြ သွားလာကြတာ တွေ့ရပါတယ်။
မနှစ်က သည်အချိန်မှာတောင် စိတ်ကူးမယဉ်ခဲ့ဘူးတဲ့ ပြည်သူ့ခေါင်းဆောင် ဒေါ်အောင်ဆန်းစုကြည်ကို ပြည်ပခရီးစဉ် တွေမှာ သောင်းသောင်းဖျဖျကြိုဆို နှုတ်ဆက်ခွင့်တွေ ရနေကြပါပြီ။
သူမကို တွေ့လိုက်ရသူတိုင်းလိုလို နီးပါးက ထုတ်ဖေါ်မပြောပြတတ်လောက်အောင် ၀မ်းသာကြည်နူးကြရတယ် ပြောကြပါတယ်။ ရပ်ဝေးကနေ နှစ်ရှည်လများ သူမနဲ့ သူမတို့ အဖွဲ့ကို အားပေးထောက်ခံခဲ့သူတွေထံ အရောက်လာပြီး ကျေးဇူးတင်စကား ပြောကြားတာပါဆိုတဲ့ ဒေါ်အောင်ဆန်းစုကြည်ကို လူကိုယ်တိုင် တွေ့လိုက်ရတာဟာ နှစ်ပေါင်းများစွာ ကွဲကွာနေတဲ့၊ အမျှော်ကြီး မျှော် စောင့်စားခဲ့ရသူကို တွေ့ရသလို ပီတိဖြစ်ကြ၊ ပျော်ရွှင်ကြရပါတယ်။
ရပ်ဝေးက သားသမီးတွေထံ အရောက်လာ နှုတ်ဆက်တဲ့ အမေလို့ တင်စား ပြောကြတယ်။
အမေနဲ့ သူမရဲ့ သားသမီးများ ပြန်ဆုံရတာ ပျော်စရာပါ။
ရပ်ဝေးကို ခဏလာပြီး အိမ်ပြန်သွားတဲ့ အမေ့ကို ပြည်မြန်မာမှာ ကျန်ရှိခဲ့သူတွေက အိမ်အပြန်လမ်းကို သောင်းသောင်းဖျဖျ ကြိုဆိုကြ ပြန်ပါတယ်။
ဒါပေမယ့် ပြည်မြန်မာမှာ အကြာကြီးခွဲခဲ့ရတဲ့ သားသမီးတွေနဲ့ ပြန်မဆုံနိုင်တော့မယ့် အမေတွေ အဖေတွေ အများကြီး ရှိနေပါတယ်။
လွန်ခဲ့တဲ့ ၂၄ နှစ်လောက်ကစပြီး တဖွဲဖွဲ တစစ အိမ်က ထွက်သွားကြတဲ့ သားတွေ သမီးတွေထံက စာမလာ သတင်းမကြား ရတာကို အခက်အခဲ အတားအဆီးတွေကြောင့်ပါ၊ အခြေအနေ မပေးလို့ သတင်း မကြားရတာပါ။ အခြေအနေပေးရင် သူတို့ ဆက်သွယ်လာမှာပါ၊ တနေ့တော့ သူတို့ ပြန်လာမှာပါ ဆိုပြီး မျှော်လင့်တကြီး စောင့်ခဲ့ရတဲ့ ယနေ့ချိန်ခါ မိအိုဘအိုတွေမှာ သတင်းစာတွေ စာစောင်တွေ အထဲမှာ သူများသားသမီးတွေ ပြန်လာတာ၊ သူများမိသားစုတွေ ပျော်နေကြတာကို ကြည့်ပြီး ဘယ်နှစ်ယောက် ကြိတ် မျက်ရည် သုတ် နေကြမလဲ။
ကိုယ့်သား ကိုယ့်သမီး၊ ကိုယ်ချစ်ခင်ရသူတွေ ဘာဖြစ်သွားတယ်၊ ဘယ်လို ဖြစ်သွားတယ် တိတိကျကျ မသိကြသေးပဲ တနေရာရာမှာ အသက် ရှင်သန်နေသလိုလို၊ တနေ့မှာ အိမ်ဝက ဘွားကနဲ ပေါ်လာမှာလေလားနဲ့ မရေမရာ မျှော်လင့်ရတာက ဘ၀မှာ အပင်ပန်းဆုံး အလုပ်။ ဘာမှန်းညာမှန်းမသိရတာက အဆိုးဝါးဆုံး ခံစားချက်ပါ။ ကြုံဘူးမှ သိကြမယ့် ဝေဒနာပေမယ့် သူများတွေ မကြုံစေချင်၊ မခံစားစေချင်ပါဘူး။
xxxxxxxx
'ယုဇနပင်ကိုင်းတွေ အကြားကို ကြည့်တယ် …
ယုံတောင် မယုံချင်ပါပြီကွယ် …
အား … ခေါင်းမှာ စည်းတဲ့ ဖဲကြိုးအ၀ါတွေ တပြုံကြီး၊ အများကြီး အများကြီး တွေ့တယ် …'
သီချင်းက အဆုံးသပ် နောက်ဆုံးအပိုဒ်ကို ရောက်ပြီမို့ အခန်းထဲ သီဆိုကခုန်နေသူတွေ အားလုံး သံပြိုင် ၀ိုင်းအော် ကြပါတယ်။ အားရပါးရ တဟေးဟေး အော်သံတွေ ပျော်မြူးစွာ ထွက်လာသလို လက်ခုတ်သံတွေက တဖြောင်းဖြောင်း။
ဒါပေမယ့် ကျွန်မ လက်ခုတ် မတီးနိုင်တော့ဘူး။ လက်ခုတ်တီးတာ ရပ်သွားမိတယ်။
ဖဲကြိုးဝါ ချည် ကြိုဆိုတာ ကျွန်မတို့ ဗမာ့ဓလေ့ ထုံးစံ မဟုတ်ပါဘူး။ ဒါပေမယ့် ရပ်ဝေးတနယ်ကို ထွက်သွားသူ၊ ကွဲကွာနေရသူကို ကြိုဆိုချင်တဲ့စိတ်ကတော့ လူမျိုးမရွေး၊ ဒေသမရွေး စိတ်ဆန္ဒ ပြင်းပျမှုက အတူတူ ဖြစ်ကြမှာပါ။
သူများတိုင်းပြည် နိုင်ငံမှာ ချစ်သူ၊ အိမ်ထောင်ဘက်ကို ဖဲကြိုးဝါချည်ပြီး စောင့်မျှော်ခဲ့သူတွေ၊ ဖဲကြိုးဝါ ဝေ့ယမ်းပြီး အဖေ အပြန်လမ်းကို စောင့်ခဲ့တဲ့ ကလေးတွေ၊ ဖဲကြိုးဝါ ကိုင်ပြီး သားသမီးအပြန်လမ်း ကြိတ်မျှော်နေတဲ့ အဖေတွေ အမေတွေ ရှိသလို ဖဲကြိုးဝါ ကူချည် ပေးရင်း စောင့်ခဲ့တဲ့ အမတွေ၊ ညီမတွေ၊ အကိုတွေ၊ ညီတွေ ရှိမှာပဲ။ ဦးလေးတွေ အဒေါ်တွေ အဖိုးအဖွားတွေနဲ့ ဆွေမျိုးတွေ၊ မိတ်ဆွေ သူငယ်ချင်းတွေလဲ ရှိမှာပဲ။ တကယ်တော့ ချစ်သူ ဇနီးမယား အိမ်ထောင်ဘက်တွေတင်မက တဆွေလုံး တမျိုးလုံး၊ သိကျွမ်းခင်မင်သူတွေက အိမ်ပြန်လာသူတွေကို ကြိုဆိုခဲ့တာပါ။ ၀မ်းပမ်းတသာ ကြိုဆိုကြတာပါ။
ကျွန်မတို့ တိုင်းပြည်မှာလဲ ဖဲကြိုးဝါ ပါပါ၊ မပါပါ၊ ကိုယ် သံယောဇဉ်ရှိသူကို ကြိုဆိုချင်ကြသူတွေ အများကြီး ရှိမှာပါ။
တခုပဲ ဖြစ်သင့်တာက၊ သည်လူတွေကို သိခွင့် ပေးသင့်တာက သူတို့ စောင့်မျှော်နေသူတွေကို ကြိုရမှာလား၊ မကြိုရ ဘူးလား။ ထွက်သွားသူတွေ ပြန်လာဦးမှာလား၊ ပြန် မလာတော့ဘူးလား။
ပြန်တွေ့ခွင့် ရှိဦးမှာလား၊ သည်ဘ၀မှာ မတွေ့ရတော့ဘူးလား။
ဒါတွေကို အကြောင်းမှန် သိသူများက တိတိကျကျ သတင်းပေးကြသင့်ပါတယ်။
အိမ်အပြန်လမ်း ရှိသူတွေ ပျော်ကြရပေမယ့် အိမ်အပြန်လမ်း မရှိတော့သူတွေကို စာနာပေးကြပါ။
ဘာ့ကြောင့် သူတို့ ပြန်မလာကြတော့တာလဲ သိသူများက ပြောပြကြပါ။
ခွဲချန်ထားခဲ့တဲ့ အမေ့ဆီ သူတို့ ပြန်မလာကြတော့ဘူးဆိုတာ စိတ်မကောင်းပေမယ့် အသိပေးကြပါ။ စောင့်နေသူတွေ သိသင့်ပါတယ်။
'ယုဇနပင်နဲ့ ဖဲကြိုးဝါ' သီချင်းကို ဆိုသွားဘူးတဲ့ ကိုထွန်းအောင်ကျော် ဖဲကြိုးဝါကို တွေ့ခွင့် မရတော့တာ စိတ် မကောင်းပါဘူး။
တခုပဲ သိချင်တာက တူသော အကျိုးဆိုတာ ပေးတတ်သလား။
(၁၉၆၂ ဇူလိုင် ၇ ရက်မှ စတင်ကာ မြန်မာပြည် အာဏာရှင်စနစ်ဆိုးအောက်မှာ လူမသိ၊ သူမသိ အိမ်ပြန်မလာနိုင်ကြသူများ၏ မိသားစုများ အတွက် ရည်ညွှန်းပါသည်။)
လေးစားစွာဖြင့်၊
အောက်တိုဘာလ ၁၈ ရက် ၂၀၁၂။
Tie A Yellow Ribbon lyrics
I'm comin' home, I've done my time
Now I've got to know what is and isn't mine
If you received my letter tellin' you I'd soon be free
Then you'll know just what to do if you still want me
If you still want me
CHORUS:
Tie a yellow ribbon 'round the old oak tree
It's been three long years
Do you still want me?
If I don't see a ribbon round the old oak tree
I'll stay on the bus
Forget about us
Put the blame on me
If I don't see a yellow ribbon round the old oak tree
Bus driver, please look for me
'Cause I couldn't bear to see what I might see
I'm really still in prison, and my love she holds the key
A simple yellow ribbon's what I need to set me free
I wrote and told her this:
REPEAT CHORUS
Now the whole damn bus is cheering
And I can't believe I see
A hundred yellow ribbons 'round the old oak tree
I'm comin' home
( From: http://www.elyrics.net/read/t/tony-orlando-lyrics/tie-a-yellow-ribbon-lyrics.html )
သရုပ်ဖော်ပုံအား ဤနေရာမှ ရယူပါသည်။
Moe Sal - Poem
စိမ်းလန်းရေးဆုတောင်း
မိုးစဲ
နိုဝင်ဘာ ၆၊ ၂၀၁၂
မိုးစဲ
နိုဝင်ဘာ ၆၊ ၂၀၁၂
ငှက်တွေက အုပ်ဖွဲ့ ပျံသန်းနိုင်ပြီး
ငါတို့က ဘာလို့ တယောက်ကျောကို
တယောက် ခုတ်ဖြတ် စားသောက်ချင်တာလဲ ...။
ရောင်နီတွေ ပြိုကျလာမဲ့လမ်းလေးမှာ
တယောက်လက်ကို တယောက်တင်းတင်းဆုတ်
ကိုယ့်အစာကို သူ့ကျွေး သူ့အနာကို ကိုယ်ကဖေး
စမ်းချောင်းလေးတွေ ပိုအေးပါစေတော့ ...။
မီးလောင်ပြင်ထဲမှာ အနာတရတွေကို မေ့နိုင်စွမ်းပေးတော်မူပါသခင် ....။
အာမင် ....။
သရုပ်ဖော်ပုံ ဤနေရာက ရယူပါသည်။
News and Media
ရွှေတွံတေးဆရာတော် ထိုင်းရေဘေးကပ်ဆယ်ရေး ၁ နှစ်ပြည့်ဓါတ်ပုံပြပွဲ
မိုးမခအထောက်တော်
နိုဝင်ဘာ ၆၊ ၂၀၁၂
မိုးမခအထောက်တော်
နိုဝင်ဘာ ၆၊ ၂၀၁၂
၂၀၁၁ ခုနှစ် ထိုင်းနိုင်ငံရေကြီးစဉ်က ဒုက္ခရောက်ကြသော နိုင်ငံသား တိုင်းရင်းသားရွှေ့ပြောင်းအလုပ်သမားကို ကယ်ဆယ်ရေးစခန်းဖွင့်ပြီး
ရွှေတွံတေးဆရာတော်က ကူညီစောင့်ရှောက်ပေးခဲ့သည့် ၁ နှစ်ပြည့်ဓါတ်ပုံပြပွဲကို မဟာချိုင် နှင်းတိကောရုံတွင် ၄. ၁၁. ၂၀၁၂ နေ့ လည်က
ကျင်းပခဲ့သည်။
ထိုင်းအစိုးရကပ်ဆယ်ရေးစခန်းနှင့် ရွှေတွံတေး ဆရာတော်ကယ်ဆယ်ရေးစခန်းဖွင့်လှစ်ခဲ့ရာ ဆရာတော်စခန်းတွင် ဒုက္ခသည်တထောင် ကျော်ကို ၂ လ ကယ်ဆယ်ပေးခဲ့သည်။
ရေဘေး ဒုက္ခသည် ၅၀၀ ကိုရွာအရောက်အခမဲ့ပြန်ပို့ပေးပြီး ၁ ဦးလျှင် ဘတ် ၂၀၀ စီနှင့် ကျပ် ၅၀၀၀ စီကူညီခဲ့သည်။ ၄၀၀ ခန့်ကို အလုပ် ရှာပေးခဲ့သည်။ မြန်မာနိုင်ငံသားများသာမက ထိုင်း - လာအို - ကမ္ဘောဒီယားများကိုပါ ရေနစ်ဒေသအရောက် လူ ၅၀၀၀ ခန့်အတွက် ရိက္ခာ များပေးပို့ခဲ့သည်။
ရွှေတွံတေးဆရာတော်က "အခုလို ကယ်ဆယ်ရေးကို ဘတ် ၃ သန်းလောက် ကူညီပေးနိုင်ခဲ့တာဟာ မြန်မာဝန်ကြီးအဖွဲ့၊ သံအမတ်ကြီးအဖွဲ့နဲ့ နိုင်ငံသား တိုင်းရင်းသားများသာမက ထိုင်းအာဏာပိုင်များ - DIVERSETHICS - FED - BAT စတဲ့အဖွဲ့ တွေ ၀ိုင်းဝန်းကူညီပံ့ပိုးခဲ့ကြလို့ ဖြစ် ပါတယ် " လို့ မိန့် ကြားပါသည်။
Send email to - editors@moemaka.com to contact and contribute with MoEmAKa
MoeMaKa on Facebook Page from here (For Burma / Myanmar User)
MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://MoeMaKa.Org - English Edition
http://MoeMaKa.Net - Audio & Video Archives
