---------- Forwarded message ----------
From: Blogger <no-reply@blogger.com>
Date: 2013/4/1
Subject: [လူဗိုလ်ဟူသည် ...] အရူးလွယ်အိတ် (မှော်ပီဆရာသိန်း)
To: lubo601@gmail.com
--
Posted By Blogger to လူဗိုလ်ဟူသည် ... at 4/02/2013 08:12:00 AM
From: Blogger <no-reply@blogger.com>
Date: 2013/4/1
Subject: [လူဗိုလ်ဟူသည် ...] အရူးလွယ်အိတ် (မှော်ပီဆရာသိန်း)
To: lubo601@gmail.com
by Maung Maung Than (Notes) on Tuesday, September 13, 2011 at 3:08am
မောင်မြတ်ထင်သည် အက္ကပတ်မြင်းဝန် လွှတ်တော်ဝန်ဖြစ်လျှင် သင့်လျော် သောအခါ သမယတွင် မိမိသားမယားများကိုခေါ်၍ နန်းမြို့တော်အတွင်း အမိန့်တော် နှင့် ချထားသောနေရာနှိုက် ၀င်းအိမ်တော်နှင့်နေလေ၏။
တနေ့အခါ မောင်မြတ်ထင်သည် မြောက်ပြင်တံခါးဗိုလ်အိမ်သို့သွား၍ ၀န်ကြီးခန့်တော်မူသော စာချွန်တော်ကိုပြလေ၏။ တံခါးဗိုလ်ကကြောက်ရွံ့သော ကြောင့် ရှိခိုးလျက် မှန်ပါကျွန်တော်မျိုးအပေါ်နှိုက် အပြစ်ယှိသည်များကို ချမ်းသာ ပေးတော်မူပါ ဘုရားဟု လျှောက်ထား တောင်းပန်လေ၏။
ထင်။ ။ မကြောက်ပါနဲ့ ဗိုလ်မင်း၊ ဗိုလ်မင်းကျေးဇူးအလွန်ကြီးပါတယ်၊ ဗိုလ်မင်းအလိုရှိတဲ့ ရာထူးများကို ပြောပြပါ၊ ကျွန်တော်မစ ကြည့်ရှုပါမည်။
ဗိုလ်။ ။ မှန်ပါ့- ကျွန်တော်မျိုးသည် အသျှင်နှင့်နီးနီးဘုရင်မင်းမြတ်နဲ့ မပြတ်တွေ့ရတဲ့ နေရာက အမှုတော်ကိုထမ်းရန် အလိုရှိကြောင်းပါဘုရား။
ထင်။ ။ ကောင်းပီ- နက်ဖြန်လွှတ်တော်တက်ချိန် လွှတ်တော်ကြီးသို့လာ ခဲ့ ဗိုလ်မင်း၊ ယခင်က အဆောင်အယောင်ကိုင်၍ လွှတ်တော်သို့ လိုက်လှာသော လူများသည် ကျွန်တော်ထံနှိုက် အမှုထမ်းလိုက သူတို့၏ အရည်အချင်းကို ကြည့်ရှု၍ ချီးမြှောက်ပါမည်။ ၄င်းတို့ကို မေးမြန်း၍ ကျွန်တော်ထံသို့ ပို့ပါဗိုလ်မင်းဟုမှာထား၍ အိမ်တော်သို့ ပြန်လှာလေသည်။
နောက်တနေ့ကျသောအခါ လွှတ်တော်ကို တက်ချိန်ရောက်သဖြင့် ၀န်ကြီး ဦးမြတ်ထင်သည် လွှတ်တော်တက်၍ ဦးကျော်ရွေး၊ ဦးပေါ်ဦးတို့နှင့် အကျိုးအကြောင်း ရှေးဖြစ်နှောင်းဖြစ် စကားများကို နှီးနှောပြောဆို ဆွေးနွေးကြ၏။
ဦး။ ။ ဟေ့- မောင်မြတ်ထင်၊ ယခု လွှတ်တော်ဝန်မင်းဖြစ်လှာပြီကွဲ့၊ ၀န်ကြီးနဲ့တူအောင် စိတ်ကိုပြောင်းလိုက်ပါသူငယ်ချင်း၊ ဟိုစစ်ကိုင်းဘက်နေတုန်းကလို စိတ်မျိုး ထင်ပီးတော့ ဆဲလားဆိုလား မလုပ်ပါနဲ့ သူငယ်ချင်း၊ အဆောင်ကိုင်စသော စာရေးစာချီ ၀န်ထောက်သံတော်ဆင့် နာခံတော်တို့ ကြားယင်မတော်ဘူးကွဲ့၊ ရှက်စရာကြီးဖြစ်ပါမယ် သူငယ်ချင်း ဆင်ခြင်ပါနော်။
ထင်။ ။ ငါသိဘာတယ်ကွယ်၊ ဒါလောက် ငါမမိုက်ပါဘူးကွဲ့၊ ငါမတော်တာ ကို ပြုလုပ်ပြောဆိုမိသော် မင်းတို့ကငါ့ကို ပြောပြရမယ်ကွဲ့၊ ကျော်ရွေး မင်းလှေတော် နဲ့ရောက်လှာတုန်းက ငါပဲစည်ကလေးကိုထမ်းပီးတော့ လှေတော်နား သွားပီးရပ်လိုက် တယ်၊ ဒီတုန်းကမင်းငါ့ကိုတောင် နှုတ်မဆက်ဖူး။
ရွေး။ ။ မင်းကို ငါနှုတ်ဆက်ဝံ့ဘမလားကွဲ့ ငါနှုတ်ဆက်လိုက်ယင် မင်းငါ့ကို ဆဲမှာကြောက်တာနဲ့ ငါအမှတ်မဲ့မသိယောင်ဆောင်ပီး နေလိုက်တယ်၊ အဲ့ဒါ မင်းအမှတ်ထားပီး တော့ငါ့ငိုစိတ်ခုမနေနဲ့ကွဲ့။
ထင်။ ။ အေးပါကွယ် ငါအမှတ်မထားပါဘူး၊ စကားစပ်မိလို့ ပြောဒါဘာ၊ နို့ပီးတော့ မင်းတို့၂-ယောက် ဒီလွှတ်တော်ပေါ်မှာ စကားပြောသံကြားလို့ ငါပဲ စည်ကိုထမ်းပီးတော့ လှေကားတက်ပီး ရပ်နေတယ်၊ မင်းတို့ ငါ့ကိုမခေါ်ကြဘူး၊ ငါဆဲမှာကြောက်လို့ မခေါ်ကြတာပဲလို့ အောင်းမေ့ပီး ငါလွှတ်တော်ကဆင်းပီးတော့ နန်းတော် မယ်မယ်ကြီး အဆောင်ရောက်အောင် သွားရသကွဲ့။
ဦး။ ။ လွှတ်ပေါ် မင်းတက်လှာတုန်းက ကျော်ရွေးနဲ့ ငါမြင်ပါရဲ့ မင်းဆဲမှာ ကြောက်လို့ မခေါ်ပဲ မသိယောင်ဆောင်ကြသကွဲ့၊ မင်းကို တို့ကအမျက်ယှိ လို့ မဟုတ်ပါဘူး သူငယ်ချင်း။
ထင်။ ။ အမှတ်မထားပါဘူးကွယ်၊ ငါဆဲမှာ ကြောက်လို့ နေကြဒါသိပါရဲ့၊ ဒါထက်သူငယ်ချင်းတို့ရယ်၊ ဟိုကတက်လှာဒါ ငါ့ကျေးဇူးရှင်ပါကွယ်၊ မြောက်ပြင်တံခါး ဗိုလ်ဖြစ်ပါတယ်၊ ငါ့ကို ဖုန်းတော်ကြီးနှင့်မပြတ် တွေ့နိုင်တဲ့ ရာထူးအလုပ်မျိုးကို ခန့်ထား ချီးမြှောက်ချင်တယ်၊ မင်းတို့ကြည့်ရှု မစပါအုန်းကွယ်။
ဦး။ ။ မင်းတံခါးဗိုလ် စာရေးစာဖတ်များ တတ်ပါရဲ့လားကွဲ့။
ထင်။ ။ ငါတော့ မစမ်းရသေးဘူးကွဲ့၊ ခေါ်ပီးစုံစမ်းပါအုန်း သူငယ်ချင်း။
ဦး။ ။ အေး- မင်းလူကိုခေါ်လိုက်ပါကွယ်။
ထင်။ ။ ဗိုလ်မင်း သည်ကိုရောက်အောင်လာပါ ဟောဒီမှာထိုင်ပါ မကြောက်ပါနဲ့ဗျ ထိုင်သာထိုင်ပါ စာရေးစာဖတ်များတတ်ပါရဲ့လားဗျ ဗိုလ်မင်း။
ဗိုလ်။ ။ မှန်ပါအတော်အတန်လောက် သင်ကြားခဲ့ဘူးပါတယ် ဘုရား။
ထင်။ ။ ဘာတုန်နေသလဲ။ ဘုရားမထူးပါနဲ့ဗျ၊ ရဲရဲပြောပါမကြောက်ပါနဲ့။
ဦး။ ။ ရော့- ဗိုလ်မင်း သည်အမိန့်စာကိုဖယ်စမ်း။ တံခါးဗိုလ်ကကောင်း စွာဖတ်ပြလေ၏။
ရော့- သည်သံတော်ဦး တင်လွှာကိုဖတ်စမ်း။ ကောင်းစွာဖတ်ပြလေ၏။
ရော့- သည်အလှူတော်ဆုတောင်းစာကို ဖတ်စမ်း။ ကောင်းစွာဖတ်ပြလေ၏။
ဟောဒါက နာခံတော်တို့ဖတ်တဲ့ ဆုတောင်းစာဖတ်စမ်း၊ ကောင်းစွာကျကျနန သေသေချာချာ ဖတ်ပြလေ၏။
ရတု-ရကန်-အဲ-အဏ်း-လူးတား-သာချင်း-ဧးချင်း-ပျို့-မော်ကွန်း-များကို ဖတ်နိုင်ရဲ့လား။
ဗိုလ်။ ။ မှန်ပါ- ခိုင်းတော်မူရာ အသုံးခံနိုင်မည်ပါကြောင်းပါဘုရား။
ဦး။ ။ ဓမ္ပသတ် ရာဇသတ်များ ခေါက်မိရဲ့လား။
ဗိုလ်။ ။ မှန်ပါ မနုရင်း မနုကျယ် မနုသာရ ရွှေမျဉ်း ကိုင်းစားမနု မနုဝဏ္ဏနာ ဓမ္ပ၀ိလာသ ၀ိနိစ္ဆယ ပကာသနီမှစ၍ ဖြတ်ထုံးအစောင်စောင် ကောက်ချက်အမျုိးမျိုးများကို လေ့ကျက်ဖူးကြောင်းပါဘုရား။
ဗိုလ်။ ။ မှန်ပါ စာစီစာကုံး ရေးသားရန် စေခိုင်းတော်မူ၍ ရေးသားစီကုံး ရပါက သတ်ပုံမ်မှားခဲ့ရင် လက်ကိုအဖြတ်ခံဝံ့ပါကြောင်းပါဘုရား။
ထင်။ ။ ဒါဖြင့် ဗိုလ်မင်းကျွန်တော်ထက်တတ်နေပါပကော ကျွန်တော်လဲ လွှတ်တော်ဝန်ကြီးသာသူကောင်းပြု ခန့်တော်မူလို့ ဖြစ်နေတယ် ဘာမျှမတတ်သေး ဘူးဗျ ဗိုလ်မင်းထံဆည်းကပ်သင်ကြားရအုန်းမယ်၊ ကျွန်တော်ကို တဆိပ်သင်ပြပါနော် ဗိုလ်မင်း။
ဗိုလ်။ ။ ပြက်ရယ်ပြုတော် မမူပါနဲ့ ဘုရား၊ အရှင်များစေတော်မူရာ အမိန့်တော်ကိုနာခံ၍ အမှုတော်ကိုထမ်းရမည့် ကျွန်ဖြစ်ပါကြောင်းပါဘုရား။
ထင်။ ။ ဟုတ်တယ် ဗိုလ်မင်း၊ ရယ်စရာပြောတယ် မထင်နဲ့ ကျွန်တော်က ၀န်ကြီးဖြစ်ပေမဲ့ မသိဒါကို မသိဘူးပဲ၊ မတတ်တာကို မတတ်ဘူးပဲ၊ နားမလယ်ဒါကို နားမလယ်ဘူးပဲ၊ ၀န်ကြီးဂုဏ်နဲ့ ဟန်ကြီးပန်ကြီးလုပ်ပီးတော့ မာနကြီးနဲ့ တတ်ယောင် ကားဟန်လုပ်ပီးနေတဲ့ စိတ်မျိုးကို မသုံးချင်ဘူးဗျ၊ တတ်ယောင်ကား ဟန်ဆောင်ပီး မာနနဲ့ ဟန်ကြီးဂုဏ်မောက်နေတဲ့ အကောင်များကိုတော့ သင်းတို့အတွက် ရှက်ပီးတော့ ရွံ့သဗျာ၊ ကျွန်တော်တော့ ဗိုလ်မင်းလောက် အဟုတ်မတတ်ဖူးဗျ။
ဦး။ ။ အောင်မယ် မောင်မြတ်ထင်က ၀န်ကြီးဖြစ်လို့ ဂုဏ်ဖော်နေ လိုက်တာ တတ်တာတမျိုး လိမ္ပာဒါတမျိုး ၀န်ကြီးဖြစ်တာတမျိုး ဘ၀ပါရမီကွဲ့၊ လိုချင်တတ်ချင်လျှင် ပညာယှိကိုခေါ်၍ အိမ်ဦးကတင်ပီး ကိုးကွယ်ထား နေ့ညဉ့် ဆည်းကပ်၍ မေးမြန်းသင်ကြားပါလျှင် အထိုက်အလျှောက်တတ်မှာပေါ့ကွဲ့။
ထင်။ ။ အေးလေ ဒါကြောင့်ဗိုလ်မင်းထံ ဆည်းကပ်သင်ကြားရမည် အကြောင်းကို ပြောဒါ ဗိုလ်မင်းက လှောင်တယ်ထင်နေတယ်ကွဲ့။
ဦး။ ။ ဟေ့- မွန်းကျော်ရွေး၊ မောင်မြတ်ထင်ကျေးဇူးရှင်တဲ့ကွယ် ဘုရင်မင်းမြတ်နဲ့ နီးနီးအမှုတော်ထမ်းလိုသတဲ့ကွဲ့၊ သူ့ကိုငါစစ်ပီးတော့ ကြည့်စမ်း တယ်၊ အတွင်းဝန်လွှတ်တော်ဝန်ကြီးများ ဖြစ်ထိုက်ပေတယ်။
ရွေး။ ။ ဗိုလ်မင်းပညာ အရည်အချင်းပြည့်စုံလျက် ဘယ့်နှယ့်ကြောင့် ရာထူးတိုးတက်ကြီးမြင့်ခြင်း မဖြစ်သလဲ။
ဗိုလ်။ ။ မှန်ပါမစ သနားမည့်အရှင်ကောင်းကို မမှီခို မဆည်းကပ်ရတော့ တံခါးဗိုလ်အလုပ်နဲ့ပင် နေရပါကြောင်း ""ပြာမှေး မီးခဲ ရှိန်ဝါစဲသော် သဟဲထောက်ကူ လေညှင်းဟူသား မိတ်သူတော်ကောင်း အသင့်ချောင်းလျက် ရှည်ပေါင်းလေရာ မိုဃ်းမရွာ၍ ရံခါကောက်ညွန့် မိုဃ်းရေဆွန့်မူ စည်ပြန့်သို့သွန်း မညှိုးမြန်းအောင် ခင်ပွန်းမိတ်ကောင်း ဖွံ့ဖွံ့ဖြိုးလိမ့်""ဟု ရာဇ၀ဿတီခန်းနှိုက် စပ်ဆိုထားပါကြောင်း အမှီကောင်း သဟဲကောင်းကို မရတော့ မီးခဲပြာဖုံး ဖြစ်နေပါကြောင်းပါဘုရား။
ရွေး။ ။ ဗိုလ်မင်းအထက်က အရာယှိတို့က နှိပ်ထားသည်နှင့် တူတယ်၊ နှိပ်ထားခြင်းမှာလည်း သူတို့ထက်တတ်သိလိမ္ပာသောကြောင့် သူတို့အပေါ်ကို ကျော်လွန်လွှမ်းမိုးသွားမည်ကို စိုးသဖြင့် နှိပ်ခြင်းတပါး၊ သူတို့ကိုနှိမ့်ချပျပ်ဝပ်စွာ မခစားသူတို့ အထက်က ၀န်ကြီးများထံသို့ သွားရမလား စာပေးစာယူလုပ်ရမလားဟု စိတ်ခုသောကြောင့် နှိပ်ခြင်းတပါး၊ ၄င်းသုံးပါးတို့တွင် တပါးပါးနှင့် ဗိုလ်မင်းနှိုက် ထိခိုက်ခြင်းဖြစ်၍ မကြည့်မရှုပဲ နှိပ်ထားခြင်းလက္ခဏာနှင့် တူသည်ထင်ပေတယ်။
ဗိုလ်။ ။ မှန်ပါ အမှန်ကိုမလျှောက်ဝံ့ကြောင်းပါဘုရား။
ရွေး။ ။ ကောင်းပီ နက်ဖြန်လာခဲ့၊ ဘုရင်မင်းမြတ်၏ သံတော်ဆင့်ကြီး ရာထူးကို ခန့်ထား သူကောင်းပြုရန် သံတော်ဦးတင်ပေးပါမည် ဘာမျှမကြောက် လေနဲ့ သံတော်ဆင့်ကြီးရာထူးကိုရပြီဟု မှတ်သွားပေတော့။
ဗိုလ်။ ။ ကျေးဇူးရှင်ဘုရားအမိန့်ကို နာခံရသည်နှင့် တပြိုင်နက် မနောမယ ရတနာကျောက်မျက်ရွဲကြီးကိုရဘိ၏သို့ အလွန်ဝမ်းမြောက်ဝမ်းသာ ဖြစ်ရပါကြောင်း၊ တခါဖြင့် အမှီကောင်းကို ကံထူးလို့ မှီခိုရပါသဖြင့် စောင်းတော့မည်မဟုတ်ပါကြောင်း သို့ကျွန်တော်မျိုးဦးတင်ပါ၏။
ဦး။ ။ အင်း-အင်း- ကောင်းပီ ပြန်ပေအုန်းတော့၊ နက်ဖြန်တော့ ခန့်စာ စာချွန်တော်ကို လှာ၍ယူ အမှုတော်ကိုကြေပြန်အောင် ထမ်းပေတော့ ဗိုလ်မင်း။
ထင်။ ။ ပြန်ပေတော့နော် ဗိုလ်မင်း နက်ဖြန်တော့ ရှေ့တော်သို့ဝင်၍ ခစားရလိမ့်မယ်ထင်တယ်၊ နက်ဖြန်ဗိုလ်မင်းလာလျှင် ခုတင်ကဗိုလ်မင်းရွတ်ပြတဲ့ ပြာမှေးမီးခဲဆိုတဲ့ ဟာကလေးကို ရေးခဲ့ပါဗိုလ်မင်း မမေ့ပါနဲ့ ကျုပ်ကျက်ထားချင်လို့ ပါဗိုလ်မင်း။
ရွေး။ ။ မောင်မြတ်ထင်ကလဲ ခုမှပဲ တတ်ချင်နေပေါ့ကိုကွဲ့ တဖြေးဖြေး တော့ မင်းလုပ်ရင်းကိုင်ရင်း တက်လှာပါလိမ့်မယ်။ အတွေ့ရ အမြင်ရများ တော့ မတတ်ချင် ပေမဲ့မနေရဘူးဟေ့ ငါ့လက်အောက်က အကောင်တေပဲ ငါမသိဒါ မမေးပါဘူး ငါံဂုဏ်ပျက်လိမ့်မယ်ဟု ရာထူးကလေးနဲ့ဘုရားထူးခံရတဲ့ ဂုဏ်ကလေးနဲ့ မာနကြီးနေယင် နောင်အရေးယှိတော့ ခွေးအိုကြီးလက်ပေးသလို ဖြစ်နေမှာပေါ့ သူငယ်ချင်း။
ဦး။ ။ မွန်းကျော်ရွေး ပြောဒါဟုတ်တယ် မောင်မြတ်ထင် အတတ်ပညာ ဗဟုသုတ အလိုယှိသောသူသည် မာနတရားကိုနှိမ့်ချလျှင် မိမိဥာဏ်စွမ်းရှိသလောက် တတ်မြောက်ကြသည်ချည်းဖြစ်တယ် ၀န်ကြီးဆိုတော့ နိုင်ငံဝန်ထမ်းကြသဖြင့် မယိမ်း မယိုင်အောင် ဆောင်ရွက်နိုင်ကြမှ ပြည်သူပြည်သား ချမ်းသာကြမှ ၀န်ကြီးနဲ့တူကြမည် ၀န်ကြီးအင်္ဂါနဲ့ပြည့်စုံအောင် သင်ကြားတတ်မြောက် မှတော်ချေမည်။ ဥပဒေထုံးတမ်း ယှိသည်အတိုင်း စီမံဆောင်ရွက်ကြပါလျှင် ၀န်ကြီးနဲ့တူကြမှာဘဲကွဲ့ မိမိထင်ရာကို လုပ်ကိုင်စီမံလျှင် ၀န်ကြီးမဟုတ် ရွံပြီးအရှုပ်ဟယ သမုတ်ကြလိမ့်မည် အဲဒါများစွာ လိုသည် ၀န်ကြီးဖြစ်ရုံနှင့် မဟုတ်သေးဘူးနော်။
ထင်။ ။ ဟုတ်ပါပေတယ် ၀န်ကြီးနဲ့တူမှ ဆိုဒါမှန်ပေတယ် ဒါကြောင့် ၀န်ကြီးနဲ့တူအောင် ယခုအားထုတ်ရပေဒါပဲကွဲ့။ ၀မ်းသာလိုက်လေကွယ် သူငယ်ချင်း တို့ ငါ့ကျေးဇူးရှင်တံခါးဗိုလ် သူလေ့ကျက်ထားသောပညာနှင့် သူ့ကိုရာထူးချီးမြှင့်ခန့် ထားပုံ သင့်မြတ်ပါပေကွယ်။ သံတော်ဆင့်ကြီးကတက်၍ ရွှေတိုက်ဝန် အတွင်းဝန် ဗြဲတိုက်ဝန် လွှတ်တော်ဝန်ကြီးများတိုင် တိုးတက်ရာ ထူးကြီးမြင့်နိုင်ဒါပေပဲကွဲ့။
ဦး။ ။ ယခုလို ပညာဗဟုသုတများစွာ တတ်မြောက်တဲ့သူများ ယှိအုန်းမှာ ပဲကွဲ့၊ အမှီကောင်းကို မရတော့ ဆင်းရဲပီးနေကြမှာပဲ၊ ထောက်လှမ်းစုံစမ်း၍ အမိန့် တော်နှင့် ဆင့်ခေါ်ပြီးတော့ ၄င်းတို့၏ ပညာအရည်အချင်းကိုထောက်၍ သင့်လျော် သောရာထူးများနှင့် သူကောင်းပြုချီးမြင့်ရန် သတိပြုကြမှ တော်မည် မောင်မြတ်ထင်။
ရွေး။ ။ ဟုတ်သကွယ် ဗဟုသုတ ပညာရှိတယ် မယှိတယ်ကို ပညာရှိမှ သိတယ်ဟေ့၊ တို့မြန်မာပညာများကို မတိမ်မမြုပ်စေရန် တတ်မြောက် ကျွမ်းကျင် သောသူတို့ကို မိမိတို့ထက် ကျွမ်းကျင်နားလည်သည့် ဌာနက ဆိုင်ရာဆိုင်ရာ အမှုတော်ကို ထမ်းယွတ်စေရန် အမျိုးသားကို ဂုဏ်မနိမ့်အောင် စောင့်ရှောက်ကြမှ တော်မယ်ဟေ့။
ထင်။ ။ အေးပေါ့ကွယ် သည်လိုမှ မိမိအမျိုးသားတို့၏ဂုဏ်ကိုထင်ပေါ် အောင် မချီးမြင့် မစောင့်ရှောက်ယင် မင်းတို့ငါတို့ သင်္ဂဟတရား ပျက်ရာကျမှာပေါ့၊ ပရဟိတကို စောင့်ရှောက်သည့်အတွက် အတ္တဟိတဖြစ်သော မိမိအကျိုးသည် အလိုလို ပြည့်စုံ၍ လာဒါကလားကွယ်၊ နို့မွန်းကျော်ရွေးကော ဘယ်တော့်ရန်ကုန်ကိုစုန်မလဲကွဲ့။
ရွေး။ ။ ငါ၂-ရက် ၃-ရက်အတွင်း အမိန့်တော်ခံပီး စုန်တော့မယ်ကွယ် မွန်းပေါ်ဦးက မောင်မြတ်ထင် တံခါးဗိုလ်ကို သံတော်ဆင့်ကြီးခန့်ရန် အမိန့်တော်ခံ ပေးပါကွယ်၊ နက်ဖြန်တော့မင်း အတွင်းတော်ဝင်လိုက်ပါ၊ နေမျုိးသိဒ္ဓိကျော်ခေါင်ဘွဲ့ကို ပေးသနားရန် သံတော်ဥိးတင်ပါကွယ်။
ဦး။ ။ အေးကွယ် စိတ်ချပါ ငါဆောင်ယွက်ပမယ်၊ မင်းလဲမိမိအုပ်ချုပ် ရတဲ့ နယ်ပယ်အတွင်းက ဆင်းရဲသား ကျွန်တော်မျိုးကိုကြည့်ရှုပါကွယ်၊ မင်းတို့ငါတို့ မှာ သည်မင်းလက်ထက်တော်၌ ဘယ်တော့မှ ရာဇပြစ်နဲ့ သေကြရမည်မဟုတ် အရှင်အားကိုးနှင့် မတရားတဲ့အမှုကို ရှာကြံ၍ နှိပ်စက်ညှင်းပန်းခြင်းကို မပြုပါနဲ့ သူငယ်ချင်း။
ထင်။ ။ ဟုတ်တယ်ဟေ့ မိမိကြည့်ရှုနိုင်ခွင့်ရတဲ့အခါ ကြိုးစားပီးတော့ ကြည့်ရှုမစပါ သူငယ်ချင်းရယ်၊ မိမိကိုအမှီပြု၍ သူတပါးချမ်းသာပါစေ၊ မိမိကိုအမှီပြု၍ သူတပါးဆင်းရဲပင်ပန်းခြင်းကို မဖြစ်ပါစေနဲ့ကွယ်၊ ကြပ်ကြပ်သတိပြုပါ သူငယ်ချင်း။
ရွေး။ ။ လူအမျိုးမျိုး ယှိတယ်ကွဲ့၊ နှိပ်သင့်သောသူတို့ကိုတော့ အာဏာနဲ့ တန်လျှင် အာဏာနဲ့ ပြီးစေရဒါပဲကွဲ့၊ ပြည်အန္တရယ်ဖြစ်မည့် ပြည်လှေးပြည်မွှားများကို တော့ စပါးဖျင်းများလို အသုံးမကျ၍ တော်ရာသို့ ဖျောက်တန်ယင်ဖျောက်ရသကွဲ့၊ ဖြောင့်လို့ရမည့်သူတော့ ဖြောင့်ရသကွဲ့၊ သူခိုးဓားမြ လူဆိုးကို အလိုလိုက်ယင် မြို့နယ်ကျေးရွာ ဘယ်မှာအေးချမ်းတော့မလဲ အအုပ်အချုပ်ညံ့ဖျင်းရာသိုရောက်မှာ ပေါ့ကွဲ့၊ ချီးမြှင့်ထိုက်သူကိုလည်း အရည်အချင်းကိုထောက်၍ အထိုက်အလျောက် ချီးမြှောက်ရသကွဲ့၊ အသက်စည်းစိမ်တို့ကို ပျက်စီးသင့်သော သူတို့ကိုတော့ သူပြုကျင့်သော အမှုအတိုင်း သွားစေရမည်။ အချို့နေရာနှိုက် ကြောက်ရုံချမ်းရုံ ငြိမ်ဝပ်ပိပြားရုံဖြင့်သာ အာဏာထားလျက် စီမံအုပ်ချုပ်ရပေတယ်ကွဲ့။
ဤကဲ့သို့ အကျိုးအကြောင်း ပြောဆိုဆွေးနွေး တိုင်ပင်လျက် အတွင်းတော်မှ ရောက်လှာသော အမိန့်များကို နာခံဆောင်ရွက်ရန် ယှိသမျှကို စီမံပြီးစီးသော လွှတ်ချိန်ကုန်၍ ဆင်းကြပြီးလျှင် ၀င်းအိမ်တော်သို့ အသီးသီးပြန်ကြလေ၏။ နောက် ဦးကျော်ရွေးသည် အမိန့်တော်ခံ၍ ရန်ကုန်သို့စုန်သွားလေသည်။
--
Posted By Blogger to လူဗိုလ်ဟူသည် ... at 4/02/2013 08:12:00 AM
မှော်ဆရာအဖွဲ့မှ နေ့စဉ် Mail များရယူလိုပါက http://groups.google.com/group/mrsorcerer/subscribe?hl=en
Member များ မိမိတို.သိထားသည်များကို မျှဝေလိုပါက mrsorcerer@googlegroups.com သို့စာပို့နိုင်ပါသည်။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး စာပို့ပေးပါရန်။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en
အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
Facebook Page နှင့်ဆက်သွယ်လိုလျှင် www.facebook.com/mrsorcerergroup
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
ခင်မင်စွာဖြင့်
ဦးဦး မှော်ဆရာ
---
You received this message because you are subscribed to the Google Groups "မှော်ဆရာ အဖွဲ့  ( Ѧя Ƨσяcɛяɛя )" group.
Visit this group at http://groups.google.com/group/mrsorcerer?hl=en.
