[mrsorcerer:37826] ပျော်ရွှင်ခြင်း ဘယ်ဆီမှာ..?

ပျော်ရွှင်ခြင်း ဘယ်ဆီမှာ..?


အိုသွေးနဲ့ အေသွေးအမျိုးစားလူနှစ်ဦးရဲ့မီတာ ၅ဝဝဝ အပြေးပြိုင်ပွဲမှာ ပညာရှင်တချို့က စစ်တမ်းကောက်ယူခဲ့ကြတယ်။ စစ်တမ်းအရ လမ်းတစ်ဝက်မှာ အိုသွေးလူက "ကောင်းလိုက်တာ.. မီတာ ၃ဝဝဝ တောင် ငါပြေးခဲ့ပြီ" လို့ ပြောတယ်။ အေသွေးလူက "ဟင်း.. မီတာ၂ဝဝဝ တောင် လိုသေးတယ်" လို့ ပြောခဲ့တယ်။

တကယ်တော့ အကောင်းဖက်ကို တွေးတောခြင်း (Positive thinking) ကို တဖြေးဖြေး မွေးမြူလို့ရနိုင်ပါတယ်။

ကလေးတွေနဲ့ ညစာစားတိုင်း ကျွန်မဟာသတွေ အမြဲပြောခဲ့တယ်။ မိသားစု ထမင်းဝိုင်းလေး စိုစိုပြေပြေဖြစ်လာတဲ့အပြင် ထမင်းစားမြိန်ခဲ့ကြပြီး ကလေးတွေရဲ့ခန္ဓာဖွံ့ဖြိုးမှုအတွက်လည်း အထောက်အကူပြုခဲ့ပါတယ်။ ထမင်းဟင်းတွေ မတော်တဆမှောက်ခဲ့ရင်လည်း သူတို့ကို ကျွန်မ မဆူခဲ့ဘူး။ ဘယ်လိုကိုင်တွယ်ရင် မမှောက်နိုင်ဘူး၊ မှောက်ခဲ့ရင်လည်း ဘယ်လို သိမ်းကျူံးရမယ်ဆိုတာကိုပဲ ကျွန်မသင်ခဲ့တယ်။ ဒါမှ နောင်တစ်ချိန် သူတို့ဘာသာ လုပ်တတ်သွားလိမ့်မယ်။

တစ်ခါက ကလေးတွေ ထမင်းစားနေတုန်း ကျွန်မဟင်းရည်တစ်ခွက် သယ်လာတယ်။ ကံမကောင်းချင်တော့ ဟင်းရည်က စားပွဲပေါ်မှာ မှောက်သွားခဲ့တယ်။ (ကျွန်မက ဘာလုပ်လုပ် အသေးစိတ် ဂရုစိုက်တတ်တဲ့သူပါ) "ဟာ.. ဒီနေ့တော်တော် ထူးဆန်းတာပဲ။ မေမေ ဟင်းရည်တွေ မှောက်ချမိပြီ။ ထီသွားထိုးဦးမယ်" လို့ ကလေးတွေကို ကျွန်မပြောတော့ သူတို့လေးတွေရယ်ကြပြီး ကျွန်မကို ကူသိမ်းပေးကြတယ်။

"အာဟာရစွပ်ပြုပ်" ဆိုတဲ့ စာအုပ်တစ်အုပ်မှာ ကျွန်မဖတ်မိတဲ့ ပုံပြင်တစ်ပုဒ်က ဒီလိုဆိုထားပါတယ်။ မိခင်တစ်ဦးဟာ အလုပ်မှာ စိတ်မကျေနပ်မှုတွေနဲ့ ကြုံခဲ့ရတယ်။ အိမ်ပြန်ရောက်တော့ သားကလည်း ကျောင်းမှာ မကျေနပ်မှုတွေနဲ့ ကြုံခဲ့ရတယ်။ အဲဒီမှာ မိခင်က "သား လာကွာ.. စိတ်မကျေနပ်မှုတွေကို ဂုဏ်ပြုတဲ့အနေနဲ့ မေမေတို့ McDonalds သွားစားကြရအောင်" လို့ ပြောလိုက်တယ်။

ဒီလိုအမေမျိုးက ပြုစုပျိုးထောင်လိုက်တဲ့ ကလေးတစ်ယောက်ဟာ အမြဲတမ်း အကောင်းဘက်ကိုပဲတွေးမြင်နေမယ်လို့ ကျွန်မထင်တယ်။

ခွဲစိတ်ခန်းမကြာခဏဝင်ရတဲ့ကျွန်မ အိမ်ပြန်ရောက်တော့ လူနာသတင်းမေးဖို့ ရောက်လာကြတဲ့ မိတ်ဆွေတွေကို "ငါမသေနိုင်သေးပါဘူးကွာ.. လူ့ပြည်ကအိမ်စာတွေ ငါမပြီးသေးလို့ ဘုရားသခင်က ငါ့ကို ကောင်းကင်ဘုံပေါ်ပေးမတက်သေးဘူး" လို့ သူတို့ကို ကျွန်မစနောက်ခဲ့တယ်။

မနှစ်က နောက်တစ်ကြိမ် ထပ်ခွဲစိတ်ခံပြီးနောက် ကျွန်မရဲ့လှုပ်ရှားမှုတချို့ဆုံးရှုံးကုန်တယ်။ ကျွန်မအတွက် စိတ်မကောင်းကြတဲ့ မိတ်ဆွေတချို့ကို "ဒီလို မကြာခဏအဖျားနာတဲ့အတွေ့အကြုံက လူတွေကို ဘယ်လိုကူညီရမယ်၊ ဘယ်လို ကရုဏာထားရမယ်၊ ဘယ်လို ကိုယ်ချင်းစာရမယ်ဆိုတာကို ငါပိုနားလည်ခဲ့တယ်" လို့ နှစ်သိမ့်ခဲ့တယ်။

"ဘာဖြစ်လို့ မိုးရွာရတာလဲ"လို့ မကျေမနပ်ဖြစ်နေတဲ့ ကလေးတစ်ယောက်ကို "မိုးရွာမှ သစ်ပင်တွေရေအခမဲ့ချိုးရမယ်။ ပြီးတော့ ငါတို့လည်း သိပ်မပူတော့ဘူး။ မပူတော့ ပန်ကာဖွင့်စရာမလိုဘူး။ မီတာခ သက်သာတာပေါ့" လို့ ကျွန်မပြောပြလိုက်တယ်။ နောက်ပိုင်း အဲဒီကလေးဆီကနေ မိုးရွာတာကို မကျေနပ်တဲ့အသံ မကြားရတော့ဘူး။ ဟာသဉာဏ်ရွှင်တဲ့လူတစ်ယောက်က ကိုယ့်ကိုယ်ကို အမြဲပျော်ရွှင်အောင်နေတတ်သလို ကိုယ့်ဘေးက လူတွေကိုလည်း ပျော်ရွှင်အောင်ထားနိုင်တယ်။ မိတ်ဆွေသူငယ်ချင်းလည်း ပေါများနိုင်တယ်။ ဘာကြောင့် ကျွန်မတို့ မပျော်ရွှင်မှာလဲ?

နိုးစက်သံကြားရင် စောင်ကို ခေါင်းမြီးခြုံပြီး စိတ်အနှောင့်ယှက်ဖြစ်တတ်ပေမယ့် ကျွန်မမှာ ကြားနိုင်စွမ်းရှိသေးတဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ မကြားနိုင်တဲ့လူတွေ အများကြီး ရှိနေလို့ပါပဲ။

ကုတင်ပေါ်မှာမျက်စိမှိတ်ပြီး မနက်ခင်းမှာရာက်လာတဲ့ နေရောင်ခြည်ကို မုန်းမိပေမယ့် ကျွန်မမှာ မြင်နိုင်စွမ်းရှိသေးတဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ မျက်မမြင်တွေ အများကြီးရှိနေလို့ပါပဲ။

ကုတင်ပေါ်ကထရမှာ ပျင်းရိနေပေမယ့် ကျွန်မမှာ ခွန်အားနဲ့ ထရပ်နိုင်စွမ်းရှိသေးတဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ မလှုပ်မရှားနိုင်ဘဲ ကုတင်ပေါ်မှာပဲ ဘ၀ဆုံးသွားရတဲ့ လူတွေ အများကြီး ရှိနေလို့ပါပဲ။

နေ့တစ်နေ့စတာနဲ့ စိတ်ညစ်စရာတွေက တွဲပြီးလိုက်ပါလာတယ်။ ဟိုပစ္စည်းရှာမတွေ့ဘူး၊ ဟင်းအိုးဝေကျလို့ ညစ်ပတ်ကုန်ပြီ၊ ဟိုကလေးက ဒါယူမယ်၊ ဒီကလေးက ဒါစားမယ်နဲ့ မနက်ခင်းတစ်ခုက ဆူညံပွက်လောရိုက်နေပေမယ့် ကျွန်မမှာ အိမ်တစ်အိမ် ရှိသေးတဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ အိုးမဲ့အိမ်မဲ့တွေ အများကြီးရှိနေလို့ပါပဲ။

စားပွဲဝိုင်းပေါ်က စားသောက်စရာတွေ မဂ္ဂဇင်းတွေထဲကလောက်အဆင်းမလှပေမယ့် ကျွန်မတို့မှာ စားဖို့အစာတွေ ရှိသေးတဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ ငတ်မွတ်နေတဲ့လူတွေ အများကြီးရှိနေလို့ပါပဲ။

ဒီအလုပ်ကိုပဲ အထပ်ထပ်အခါခါလုပ်နေရလို့ ပျင်းရိငြီးငွေ့မိပေမယ့် အလုပ်လုပ်ဖို့ ကျွန်မအခွင့်အရေးရခဲ့တဲ့အတွက် ဘုရားသခင်ကို ကျေးဇူးတင်မိတယ်။ ဒီလောကမှာ အလုပ်လက်မဲ့တွေ အများကြီးရှိနေလို့ပါပဲ။

ဘဝကုသိုလ်ကံကဆိုးလိုက်တာလို့ မကြာခဏ ကျွန်မရေရွတ်တတ်ပေမယ့် အသက်ရှင်ခွင့်ရနေသေးတဲ့အတွက် ဘုရားသခင်ကို ကျေးဇူးတင်မိတယ်။

ကျွန်မနဲ့အလုပ်အတူတူ၊ လခအတူတူ မိတ်ဆွေတစ်ဦးက...
"ဘာကြောင့် လူတွေ ပိုပျော်ရွှင်ရတာလဲ?
ဘာကြောင့်သူတို့မှာ အားသစ်အမြဲရှိနေသလဲ?
တန်းတူမိသားစုတစ်စုမှာ ဘာကြောင့် သူတို့လင်မယားက တစ်ယောက်ကိုတစ်ယောက် ပိုချစ်ကြသလဲ?
ဘာကြောင့် မိဘနဲ့သားသမီး အပေးအယူမျှနေကြသလဲ?
ဘာကြောင့် သူတို့ကလေးရဲ့အပြုံးတွေက ငါတို့ကလေးထက် ပိုကြည်လင်နေရသလဲ?
ပျော်ရွှင်မှုကိန်းဟာ ဘာကြောင့် ဒီလောက်ခြားနားနေရသလဲ? လို့ မေးခဲ့တယ်။

အမေရိကား နာမည်ကြီး စာရေးဆရာ Dale Carnegie ရဲ့ စိုးရိမ်ပူပန်မှုနဲ့ ဖိအားကို ဘယ်လိုဖြေရှင်းမလဲဆိုတဲ့ အချက်(၃ဝ)ချက်ထဲမှာ အချက်တစ်ချက်က "ကိုယ့်ရဲ့ပျော်ရွှင်ခြင်း၊ ကံကောင်းခြင်းကို တွက်ချက်ကြည့်ပါ" တဲ့။ ကျွန်မတို့က ကိုယ်ရဲ့ကံကောင်းခြင်းအစား ကံမကောင်းတာကိုပဲ တွက်ချက်ခဲ့ကြတယ်။ စိတ်ပျက်အားငယ်မှုကို ခံရတဲ့အခါ၊ အခက်အခဲတွေနဲ့ ကြုံရတဲ့အခါ ထရပ်ကြည့်ပါ။ အဲဒီအခက်အခဲထဲကနေ ကံကောင်းတဲ့ အခွင့်အရေးတချို့ကို ကျွန်မတို့ မြင်ကောင်းမြင်ပါလိမ့်မယ်။

http://www.tstscc.org/info/essay/goodfriend.html

နိုင်းနိုင်းစနေ (Thursday, April 24, 2008)
--

Be Happy,

          Moe Moe.

--
မှော်ဆရာအဖွဲ့မှ နေ့စဉ် Mail များရယူလိုပါက http://groups.google.com/group/mrsorcerer/subscribe?hl=en
Member များ မိမိတို.သိထားသည်များကို မျှဝေလိုပါက mrsorcerer@googlegroups.com သို့စာပို့နိုင်ပါသည်။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး စာပို့ပေးပါရန်။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en
အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
 
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
Facebook Page နှင့်ဆက်သွယ်လိုလျှင် www.facebook.com/mrsorcerergroup
 
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
 
ခင်မင်စွာဖြင့်
ဦးဦး မှော်ဆရာ
---
You received this message because you are subscribed to the Google Groups "မှော်ဆရာ အဖွဲ့  ( Ѧя Ƨσяcɛяɛя )" group.
Visit this group at http://groups.google.com/group/mrsorcerer?hl=en.