[mrsorcerer:37872] ဘာသာတရားများအပေါ် အမည်းစက်များ မစွန်းထင်းစေလို


ဘာသာတရားများအပေါ် အမည်းစက်များ မစွန်းထင်းစေလို
===========
ဧပြီ ၁၁ ၊ ၂၀၁၃
ရေးသူ-O'Laie Manzu

ဘာသာရေးအကြမ်းဖက်မှုများပေါ်ပေါက်လာစေရန်အတွက် တိုက်တွန်းနှိုးဆော်နေသော ဦးဝီရသူအား အတုအယောင် ဘာသာရေးခေါင်းဆောင်ဖြစ်ကြောင်းသုံးသပ်မှုများ ယခုရက်ပိုင်းများအတွင်း ထင်ထင်ပေါ်ပေါ်ထွက်ပေါ်လာခဲ့ပါသည်။ ဦးဝီရသူလျှောက်လမ်းနေသည့် လမ်းကြောင်းမှာ ဗုဒ္ဓဘာသာနှင့် ဆန့်ကျင်နေသည့်အပြင် ဗုဒ္ဓဘာသာ၏ သာသနာရေးအရှိုင်အဝါအားလည်း ငြိုးမှိန်စေပါသည်။ ဦးဝီရသူ၏ ဟောပြောချက်များသည် ဗုဒ္ဓမြတ်စွာဘုရား၏ သွန်သင်ဆုံးမမှုများနှင့် သွေဖီနေသောကြောင့် ဗုဒ္ဓဘာသာ အမှတ်တံဆိပ်ကပ်ရန်ပင် မထိုက်တန်။ ထိုကြောင့် ဗုဒ္ဓမြတ်စွာဘုရား၏ သွန်သင်ဆုံးမမှုများအား အခြေခံသည့် ထေရဝါဒ နှင့် ဦးဝီရသူ၏ လူမျိုးရေးနှင့် ဘာသာရေး မုန်းတီမှုများအပေါ် အခြေခံသည့် ဝီရသူဝါဒ တို့သည် မတူညီကြောင်း ကွဲကွဲပြားပြား ခွဲခြားရှု့မြင်ရပါလိမ့်မည်။ နှိုင်းယှဉ်၍ပင်မရနိုင်။

ဦးဝီရသူသည် လူမျိုးရေးအစွန်းရောက် လမ်းမှားပေါ်သို့ရောက်ရှိနေသည့်အတွက် ၎င်း၏ လုပ်ရပ်အားအခြေခံ၍ ဗုဒ္ဓဘာသာတစ်ရပ်လုံးအား အပြစ်တင် လက်ညိုးထိုး၍မရနိုင်ပေ။ ၎င်းသည်ဗုဒ္ဓဘာသာဝင် အားလုံးကို ကိုယ်စားပြု ဦးဆောင်နေသည့် ခေါင်းဆောင်မဟုတ်ကြောင်းလည်း သတိပြုသင့်သည်။ မမှန်မကန်ဟောပြောချက်များ၊ လုပ်ကြံဝါဒဖြန့်မှုများ၊ ပုံကြီးချဲ့မှုများမှာ မုသာဝါဒဖြစ်ပြီး သံဃာကျင့်ဝတ်နှင့်မကိုက်ညီကြောင်း ဗုဒ္ဓဘာသာဝင်တိုင်း သိကြပါသည်။ ထို့ကြောင့် ဦးဝီရသူအား ဗုဒ္ဓဘာသာဝင်အများစုမှ လက်မခံကြပေ။

ဘာသာရေးခေါင်းဆောင်များသည် မိမိတို့ယုံကြည်ကိုးကွယ်ကြသည့် ဘာသာတရားအား ပိုမိုထွန်းကားစေချင်ကြသည်။ ပြန့်ပွားလာစေချင်ကြသည်။ နှောင်ဘဝတွင် (သက်ရှိ သတ္တဝါ) အားလုံး နိဗ္ဗာန်ဘုံသို့ရောက်စေလိုသည့် စိတ်ရင်းစေတနာအပြည့်ရှိကြသည်။ ထို့ကြောင့် မကောင်းမှုရှောင်၊ ကောင်းမှုဆောင်ရန် တိုက်တွန်းနှိုးဆော်ကြသည်။ ကြိုးပမ်းဆောင်ရွက်ကြသည်။ သို့သော် အချို့သော ခေါင်းဆောင်များမှာ စေတနာလွန်ကဲ၍ အကုသိုလ်ပွားလာတက်ကြသည်။ မိမိနှင့် ယုံကြည်ချက်ချင်းမတူသူများအား ဆန့်ကျင်သည့် လုပ်ရပ်များ လုပ်ဆောင်လာကြသည်။ ဘာသာရေးခေါင်းဆောင်များအနက် အချို့သောအမြင်ကျဉ်းမြောင်းသူများသည် ဘာသာတရား၏ဆုံးမမှုများနှင့် မိမိကိုယ်ပိုင်ထင်မြင်ယူဆချက်များ ပေါင်းစပ်ကြသည်။ လူအများ၏ ကြည်ညိုမှုများရရှိလာပြီးနောက်ပိုင်း ဟောချင်တိုင်းဟော၊ ပြောချင်တိုင်းပြောနှင့် ဘာသာတရား၏ အနှစ်သာရအား ဦးဆောင်ဖျက်ဆီးသူများဖြစ်လာကြသည်။ ယင်းကဲ့သို့သော ခေါင်းဆောင်များ ဘာသာတိုင်းတွင် ရှိတက်ကြသည်။

ဦးဝီရသူသည် ဗုဒ္ဓဘာသာ၏ သာသနာနှစ် နှစ်ထောင်ငါးရာကျော်အတွင်း အစွန်းရောက်ဆုံးသော ဘာသာရေးခေါင်းဆောင်အဖြစ် စံချိန်တင်လောက်ပေသည်။ သင်္ဃန်းခြုံထား၍သာ ဘာသာရေးခေါင်းဆောင်ဟု ရည်ညွန်းရခြင်းဖြစ်သည်။ ဘာသာရေးလုပ်နေခြင်းမဟုတ်သောကြောင့် တချို့မှာ ဘာသာရေးခေါင်းဆောင်အဖြစ် အသိအမှတ်ပြုကြမည်မဟုတ်ပေ။ ၎င်းဟောပြောချက်များမှာ ငြိမ်းချမ်းရေးတရားမဟုတ်… အမုန်းပွား ရန်ငြိုးထားရန် လှုပ်ဆော်နေခြင်းသာဖြစ်သည်။ ဦးဝီရသူ၏ ဟောပြောချက်များကြောင့် နားယောင်ကာ အမုန်းပွားမှုများ၊ အကြမ်းဖက်မှုဖြစ်ပေါ်လာခဲ့သည်ကို သာဓကနေဖြင့်မှတ်ယူကာ ဦးဝီရသူကဲ့သို့ အစွန်းရောက်သည့် ခေါင်းဆောင်များ မည်သည့်ဘာသာအတွင်းမှ မပေါ်ပေါက်လာစေရန် ထိန်းသိမ်းကြရမည်။

အခြားနိုင်ငံ သို့မဟုတ် အခြားအရပ်ဒေသများတွင် ဖြစ်ပွားနေသော ဘာသာရေး-လူမျိုးရေး ပဋိပက္ခများအား လက်ညိုးထိုးကာ မိမိပတ်ဝန်းကျင်တွင်လည်း အလားသဏ္ဍာန်တူသည့် ပဋိပက္ခများဖန်တီးနေကြမယ်ဆိုလျင် ငြိမ်းချမ်းမှုဟူ၍ရှိလိမ့်မည်မဟုတ်။ လူတစ်စု၏ လုပ်ရပ်အား တုန့်ပြန်သည့်အနေဖြင့် ဘာသာတရားတစ်ရပ်လုံးအား ဆန့်ကျင်သည့် လုပ်ရပ်များ မလုပ်မိစေရန် သတိပြုကြရမည်။ လူသားတိုင်းသည် လွတ်လပ်စွာယုံကြည်ကိုးကွယ်ခွင့်ရှိစေရမည်ဖြစ်သော်လည်း အခြားဘာသာအား စော်ကားခြင်းမှာ အခွင့်အရေးတစ်ရပ်မဟုတ်။ လုပ်ပိုင်ခွင့်လည်းမရှိ။

လူသားတို့သည် မိမိ၏ ခံယူချက်၊ ယုံကြည်ချက်များအား ထိပါးစော်ကားမှုကို မခံချင်ကြ။ မိမိကိုယ်၌လည်း အခြားသူများ၏ ခံယူချက်၊ ယုံကြည်ချက်များအား ထိပါးစော်ကားမှုများမပြုလုပ်သင့်။ ဘာသာတရားသည် လူသားတို့အဖို့ အပြင်းထန်ဆုံးသော ယုံကြည်ချက်ဖြစ်သည်။ အခြားဘာသာများအား ဆန့်ကျင်စော်ကားမှသာလျှင် မိမိကိုးကွယ်ယုံကြည်သည့် ဘာသာတရား ပိုမိုထွန်းကားပြန့်ပွားမည် မဟုတ်ကြောင်း အမြဲသတိပြုသင့်သည်။

ဘာသာတရားများအား ဆန့်ကျင်စော်ကားကြလျှင်လည်း မည်သည့်ဘာသာမျှ ဤကမ္ဘာမြေပေါ်မှ ပပျောက်သွားမည်မဟုတ်။ ကမ္ဘာတစ်သက် ဘာသာတရားတစ်ခုတည်းအား လူသားတိုင်းအကြွင်းမဲ့လက်ခံသည့် ဘာသာတရား ဟူ၍လည်း ဖြစ်ပေါ်လာမည်မဟုတ်။ အပြန်အလှန်တိုက်ခိုက်နေကြလျှင် ဘာသာတရားများအပေါ် အမည်းစက်များစွန်းထင်းကာ သွေးစွန်းနေသည့်ဘာသာများအား နှောင်မျိုးဆက်သစ်များ စွန့်ပယ်လာကြလိမ့်မည်။ တစ်ခဏတာအသက်ရှင်နေထိုင်ကြရသည့် ဤလူ့လောကကြီးအား နိဗ္ဗာန်အကျိုးမျှော်ကိုး၍ ငရဲပြည်အသွင် ဖန်တီးနေကြသော ဘာသာရေးခေါင်းဆောင်များ၏ လုပ်ရပ်များကြောင့် ဘာသာတရားများအား ရွံ့ရှာမုန်းတီးလာကြလိမ့်မည်ကို သတိပြုသင့်ပေသည်။


မိတ္ထီလာမြို့နယ်တွင် အသားနှင့် ငါးများ လတ်ဆတ်မှုမရှိသောကြောင့် စားသုံးမိသူများ အဆိပ်သင့်မှုဖြစ်ပွား

မိတ္ထီလာဈေး (ဓာတ်ပုံ အင်တာနက်)

မန္တလေးတိုင်း၊ မိတ္ထီလာမြို့နယ်အတွင်းတွင် မိတ္ထီလာဈေးကြီး ပြန်ဖွင့်ပြီး မကြာမီ ရက်ပိုင်းများအတွင် သားငါးများ လတ်ဆတ်မှုမရှိခြင်းကြောင့် စားသုံးမိသူများ အစာအဆိပ်သင့်မှုများ ဖြစ်ပွားလျက်ရှိကြောင်း သတင်းများ ထွက်ပေါ်နေပါတယ်။

မိတ္ထီလာမြို့၊ ရွှေစစ်သည်ရွာတွင် နေထိုင်သူ ဒေါ်တင်မြသည် မတ်လ(၈)ရက်နေ့က မိတ္ထီလာဈေးအတွင်း ပျံကျဈေးတန်းမှ ၀ယ်လာသော ဂျပန်ငါးများကို မိသားစုဝင်သုံးဦးနှင့်အတူ ချက်ပြုတ်စားသောက်မိရာမှ
သားနှင့်သမီးဖြစ်သူတို့မှာ အော့အန်သဖြင့် မိတ္ထီလာဆေးရုံတွင် အတွင်းလူနာအဖြစ် ဆေးကုသမှုခံယူပြီး
ဧပြီ(၁၀)ရက်နေ့တွင် ဆေးရုံမှ ဆင်းသွားကြောင်းနှင့် မိတ္ထီလာမြို့နယ်၊ ဖက်တောကျေးရွာတွင်လည်း ဧပြီ(၉)ရက်နေ့တွင် နွားဇောင်းတဲကို ကူညီလုပ်ကိုင်ပေးသူများအားကျွေးမွေးရန် ဈေးမှဝယ်လာသော အမဲသားကို ချက်ပြုတ်၍ မြည်းကြည့်ရာမှ လျှာလေးလာပြီး ရင်ပူကာ အာခြောက်လာသောကြောင့် မိတ္ထီလာဆေးရုံသို့ အတွင်းလူနာ အဖြစ် တင်ပို့ခဲ့ရကြောင်းသတင်းများ အင်တာနက်ပေါ်တွင် ပျံ့နှံ့လျက်ရှိပါတယ်။

969 အကြမ်းဖက်ဂိုဏ်းခေါင်းဆောင် ၀ီရသူမှလည်း ၎င်း၏ Facebook စာမျက်နှာတွင်လည်း မိတ္ထီလာမြို့နယ်၊ ညောင်ပင်ချိုအုပ်စု၊ ဖက်တောရွာနေ ဒေါ်ကြင်ဌေး (၅၄)နှစ်၊ (ဘ) ဦးဖိုးသာသည် (၉-၄-၂၀၁၄)ရက်နေ့ ည(၇)နာရီတွင် အမဲသားမြည်းကြည့်သည့်အနေဖြင့် အမဲအရွတ်နှင့် အရေခွံကို စားကြည့်ရာမှ လျှာများပူထူသွားပြီး ဗိုက်ထဲတွင် ပူလောင်သွားကာ မနေနိုင်မထိုင်နိုင်လောက်အောင် ခံစားနေရသောကြောင့် ကျေးရွာရှိ ဆေးမှူးဦးစောလွင်ထံ အပြေးအလွှားသွားပြခဲ့ရကြောင်း၊ ဆေးမှူး၏ ညွှန်ကြားချက်အရ မိတ္ထီလာပြည်သူ့ဆေးရုံသို့ တက်ရောက်ကုသခိုင်းခဲ့ကြောင်းနှင့် လိုအပ်သည့် စစ်ဆေးမှုများအား ဆောင်ရွက်ထားပြီး ဆရာဝန်များမှ စောင့်ကြည့်ခိုင်းထားကြောင်း၊ အဆိုပါအမဲသားအား ဒေါ်ကြင်ဌေး၏အစ်ကို ဦးလှကျော် (ရာအိမ်မှူးဆိုသူ)မှ မိတ္ထီလာ၊ ပျံကျဈေး၊ ခေါင်းရွက်သည် ဒေါ်အမာတင် (မွတ်ဆလင်မ်) ထံမှ ဝယ်ယူခဲ့ခြင်းဖြစ်ကြောင်း၊ ဦးလှကျော်ကိုယ်တိုင်လည်း လျာဖြင့်တို့ကြည့်ရာ ဒေါ်ကြင်ဌေးခံစားရသလိုပင် လျာကြီးပူထူသွားသည်ဟု ဆိုကြောင်းနှင့် ဓာတ်ခွဲခန်းအဖြေကို ယနေ့ (၁၀-၄-၂၀၁၃)ရက်နေ့ ညနေ(၄း၃၀)နာရီတွင် သိရမည်ဟု ဆရာဝန်များက ပြောကြားကြောင်း၊ အမဲသားသည် ဒေါ်အမာတင်သည် ယင်းတော်ရွာမှ လာရောက်ရောင်းချခြင်း ဖြစ်ကြောင်း၊ ယနေ့ မိတ္ထီလာဈေးတွင် အမဲသားသည် တစ်ဆိုင်မျှ မရှိကြောင်း၊ စည်ပင်က တားမြစ်ထားသောကြောင့် ဖြစ်ကြောင်း အစရှိသည်တို့အား ရေးသားဖော်ပြထားပါသည်။

၎င်းဝီရသူဆိုသူမှ မည်သည့်ရည်ရွယ်ချက်ဖြင့် ရေးသားဖော်ပြထားသည်ကို မသိရသော်လည်း ယင်းဖြစ်စဉ်များ ပေါ်ပေါက်ရခြင်းအား မြန်မာနိုင်ငံ ဆေးဝါးနှင့် အစားအသောက် ကွပ်ကဲမှုဦးစီးဌာနမှ ဓာတ်ခွဲခန်းစစ်ဆေးစမ်းသပ်ပြီး အဖြေရရှိပြီးနောက် အစာဆိပ်သင့်မှုများတွင်ပါဝင်သော ငါးဟင်းနှင့် အမဲသားဟင်းတို့တွင် ဘေးဥပါဒ်ဖြစ်စေတတ်သော ပစ္စည်းများ ပါဝင်ခြင်းမရှိပဲ မလတ်ဆတ်သောကြောင့် သာလျင် ဖြစ်ကြောင်း ရောဂါနှိမ်နင်းရေး ညွှန်ကြားရေးမှုး ဒေါက်တာ ဦးသာထွန်းကျော်မှ ပြောကြားလိုက်ပါတယ်။

အင်တာနက်ပေါ်တွင် အကြမ်းဖက်သမား ၀ီရသူနှင့် အပေါင်းအပါများ ၀ါဒဖြန့်မှုကြောင့် ဖြစ်ပေါ်နေသော အမဲသားတွင် အစာအဆိပ်ခတ်ခဲ့သည်ဟူသော ကောလဟလမှာ မှားယွင်းပြီး သားငါးများကို ၀ယ်ယူရာတွင် လက်ကျန်များဖြစ်နေခဲ့ပြီး လတ်ဆတ်မှုမရှိခြင်းကြောင့်သာ ဖြစ်ကြောင်း အဆိုပါ ဒေါက်တာ ဦးသာထွန်းကျော်မှ ပြောကြားခဲ့ပါတယ်။

မတ်လ (၂၀)ရက်နေ့မှ စတင်၍ ပေါ်ပေါက်ခဲ့သော မိတ္ထီလာအကြမ်းဖက်မှုကြောင့် ကာလအတန်ကြာအောင် မိတ္ထီလာမြို့နှင့် အနီးတ၀ိုက်ကျေးရွာများတွင် စီးပွားရေးလုပ်ငန်းများ ရပ်ဆိုင်းသွားခဲ့ရပြီး မိတ္ထီလာမြို့ပေါ်ရှိ အမဲလိုင်စင်စီ လုပ်ငန်းများ လုပ်ကိုင်ရာ မင်္ဂလာဇေယျုံရပ်ကွက်တွင် ယခုအချိန်အထိ လုပ်ငန်းများ ပြန်လည် လုပ်ကိုင်နိုင်သည့် အခြေအနေများ မရှိသေးသည့်အပြင် တံငါသည် အများစု နေထိုင်ရာ ချမ်းအေးရပ်ကွက်မှာလည်း ပျက်ဆီးသွားခဲ့ရခြင်းကြောင့် ယင်းရပ်ကွက်များရှိ အမဲသားနှင့် ငါးရောင်းချသည့် လက်လုပ်လက်စား ပျံကျ ဈေးသည်အများစုမှာ ဒုက္ခသည်စခန်းများတွင် သွားရောက် ခိုလှုံနေကြရဆဲအခြေအနေတွင် ရှိပါကြောင်း အလင်းမျက်ဝန်းမှ စုံစမ်း သိရှိရပါတယ်။

`အရင်က အသားငါးတွေကို မွတ်စလင်မ်တွေရောင်းတယ်။ သူတို့ရောင်းတဲ့ အသားငါးတွေက လတ်ဆတ်တယ်။ သန့်ရှင်းတယ်လေ။ အခုတော့ အနီးနားက လာရောင်းတဲ့ သားသည် ငါးသည်တွေတော့ ရှိပါတယ်။ သူတို့ သားတွေ ငါးတွေကကျ မလတ်ဆတ်ပေမယ့် စားစရာမရှိတော့လဲ ၀ယ်စားနေရတာပေါ့။´ဟု မိတ္ထီလာမြို့ရှိ ဗုဒ္ဓဘာသာဝင် အိမ်ရှင်မတစ်ဦးမှ အလင်းမျက်ဝန်းသို့ ပြောကြားခြင်းဖြစ်ပါတယ်။

`အမြန်ဆုံး အရင်လို ဖြစ်လာပါစေလို့ ဆုတောင်းပါတယ်ရှင်။ ။ သူတို့လုပ်လိုက်မှ ဗုဒ္ဓဘာသာဆိုတာ ဒါမျိုးကြီးဖြစ်သွားရတာပါ။ အခုတော့ ကျမတို့ မြို့က ကျက်သရေ တုံးသွားပြီလေ။ အမျိုးသမီးကြီးမှပင် ပြောပြတာ ဖြစ်ပါတယ်။

ယခုအခါ ၀ီရသူရဲ့ 969 ကြောင့် ဗုဒ္ဓဘာသာရဲ့ ဂုဏ်သိက္ခာအား ထိခိုက် မှေးမှိန်ခဲ့ရသော်လည်း ၀ီရသူကတော့ အခုချိန်ထိ အကြမ်းဖက်မှုလှုံ့ဆော်ရေးများအား အင်တာနက်တွင် ဆက်လက် ပြုလုပ်လျက်ပင်ရှိနေဆဲ ဖြစ်ပါတယ်။

--

May Peace Be Upon You
Regards,
Ruby

--
မှော်ဆရာအဖွဲ့မှ နေ့စဉ် Mail များရယူလိုပါက http://groups.google.com/group/mrsorcerer/subscribe?hl=en
Member များ မိမိတို.သိထားသည်များကို မျှဝေလိုပါက mrsorcerer@googlegroups.com သို့စာပို့နိုင်ပါသည်။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး စာပို့ပေးပါရန်။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en
အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
 
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
Facebook Page နှင့်ဆက်သွယ်လိုလျှင် www.facebook.com/mrsorcerergroup
 
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
 
ခင်မင်စွာဖြင့်
ဦးဦး မှော်ဆရာ
---
You received this message because you are subscribed to the Google Groups "မှော်ဆရာ အဖွဲ့  ( Ѧя Ƨσяcɛяɛя )" group.
Visit this group at http://groups.google.com/group/mrsorcerer?hl=en.