[mrsorcerer:38150] Fwd: [လူဗိုလ်ဟူသည် ...] ''ကဗျာတစ်ပုဒ်ကို ယုံကြည်ခြင်း'' (ယုယ)

---------- Forwarded message ----------
From: Blogger <no-reply@blogger.com>
Date: 2013/5/4
Subject: [လူဗိုလ်ဟူသည် ...] ''ကဗျာတစ်ပုဒ်ကို ယုံကြည်ခြင်း'' (ယုယ)
To: lubo601@gmail.com

မင်းလူ၏ ၀တ္တုတိုများ

အောင်မြင်နေတဲ့ဘ၀တွေမှာ သူနဲ့အတူတူပေးဆပ်ခဲ့ရတဲ့ဘ၀တွေရှိတယ်။ တကယ်တော့ အဖေမရှိတဲ့
တဒင်္ဂကာလလေးမှာ ကိုယ်တို့မိသားစုနဲ့အတူပေးဆပ်ခဲ့သူတွေလည်း အများအပြားပါပဲ။

* * * * *

လူတွေလာခေါ်တယ်။ အဖေလိုက်သွားတယ်။ တိတ်တဆိတ်ပါပဲ။ ညဆိုတာ မကောင်းမှုကို ဖိတ်ခေါ်လေ့
ရှိတယ်လို့ ဆိုကြသေးတယ်ဆိုရင် ကိုယ်တို့မိသားစုအတွက် မကောင်းမှုကို ခေါ်လာပေးတဲ့ညကို မုန်းရမလိုလို။
ဘာမှပြောခွင့်မရလိုက်ဘဲ အဖေနဲ့အတူ အဖေ့ရဲ့ကုတ်အင်္ကျီအမည်းကြီးက ထပ်ကြပ်မကွာလိုက်ပါသွားခဲ့တယ်။
ကုတ်အင်္ကျီအမည်းကြီးဟာလည်း သူ့သခင်ရဲ့ယုံကြည်ချက်တွေကို အပြည့်အ၀ လက်ခံခဲ့ပါတယ်။

မနက်ကျတော့ အမေငိုနေမလားမသိခဲ့ပါဘူး။ ငယ်သေးတဲ့ ကိုယ်တို့ညီအမနှစ်ယောက် သိမှာစိုးလို့ထင်ပါရဲ့။
အဖေမရှိတဲ့ရက်တွေမှာ အမေငိုတာ တစ်ခါမှမမြင်ဖူးဘူး။ (အမေဟာ စိတ်ဓာတ်ခိုင်မာတာ ဖြစ်ကောင်းဖြစ်နိုင်သလို
ယောက်ျားလုပ်သူရဲ့လုပ်ရပ်တွေကို အပြည့်အ၀ ထောက်ခံတာကြောင့်လည်း ဖြစ်ကောင်းဖြစ်နိုင်ပါတယ်။)

ပထမဆုံးရင်ဆိုင်ရတာကတော့ ရပ်ကွက်ထဲက ကစားဖော်ကလေးတွေရဲ့ စကားသံတွေပါပဲ။
အဲဒီနေ့က အစ်မလုပ်သူ ငိုပြီးအိမ်ပေါ်ပြေးတက်လာတယ်။ ကိုယ်တို့ဦးလေးက အိမ်နီးနားချင်းတွေကို
စိတ်ဆိုးပြီးပြောတယ်။
''ကလေးကို မဟုတ်တာတွေ မပြောကြပါနဲ့''တဲ့။ နောက်နေ့ကျ အစ်မတစ်ယောက် ကလေးတွေရဲ့
သဘာဝအတိုင်း သူငိုခဲ့ရတာကိုမေ့သွားပြီး အဲဒီကလေးတွေနဲ့ ဆော့မြဲ၊ ကစားမြဲပါပဲ။ ကိုယ်ကတော့
ငယ်ငယ်ကတည်းက ခပ်စွာစွာမို့ ''ငါ့အဖေက နိုင်ငံခြားသွားနေတာဟဲ့''လို့ ကစားဖော်
ကစားဘက်တွေကို ပြန်လည်ချေပဖူးတယ်။

အဲဒီတုန်းက ကိုယ် တော်တော်ငယ်သေးတာ။ သုံးနှစ်ဆိုတဲ့အရွယ်ဟာ အဖေ့ရဲ့ချီပိုးတာကိုခံရမယ့်
အရွယ်ပဲရှိပါသေးတယ်။ ဒါပေမယ့် အသက်သုံးနှစ်ကနေ ငါးနှစ်အတွင်း အဖေ့ရဲ့ချီပိုးမှုကို ခဏတာ
ဆုံးရှုံးခဲ့ရတယ်။ အဖေ့ရဲ့အိပ်ရာဝင်ပုံပြင်တွေလည်း နားမထောင်ရတော့ဘူး။ အမေ့ခမျာတော့
နှစ်ယောက်စာပြောရလို့ တော်တော်မောခဲ့မယ် ထင်ပါရဲ့။ အမေပြောတဲ့ပုံပြင်တွေထဲမှာ အဖေ
ဘယ်တော့ပြန်လာမှာလဲဆိုတာ မပါတာ သေချာပါတယ်။ ဒါပေမယ့် အမေ့ပုံပြင်တွေထဲမှာ
အဖေက လေယာဉ်ပျံကြီးစီးလို့ပေ့ါ။

* * * * *

ဒီအကြောင်းပြောမယ်ဆိုရင် အဘွားရဲ့ကြွေပိုက်ဆံဗူးလေး မပါရင်မဖြစ်ဘူး။ အဘွားရဲ့ပိုက်ဆံဗူးလေးမှာ
ပိုက်ဆံတွေရှိတယ်။ ကုန်သွားရင် လာလာထည့်ပေးတဲ့ သူတွေလည်းရှိတယ်။ ဘ၀ရဲ့မှတ်တမ်းတင်ရမယ့်
ကျေးဇူးရှင်တွေပါပဲ။ အဖေ့ရဲ့သူငယ်ချင်းနဲ့ သူ့ရဲ့မိန်းမလုပ်သူက အဘွားရဲ့ပိုက်ဆံဗူးလေးထဲ ငွေဖြည့်ပေးရင်း
အဖေ့ရဲ့လုပ်ရပ်တွေအပေါ်မှာ အားပေးခဲ့တယ်။ အခြားအခြားသောကျေးဇူးရှင်တွေလည်း ရှိပါသေးတယ်။
အဖေ့စာမူတွေကို အခကြေးငွေအများကြီးပေးပြီး လာဝယ်တာမျိုး၊ အကြောင်းရှာပြီး စာမူခတွေပေးတာမျိုးပေါ့။
(လမ်းတွေ့ရင်တောင်ခေါ်ရမှာစိုးလို့ မျက်နှာလွဲခဲ့တဲ့သူတွေလည်း တစ်ပုံတပင်ပါ။)

အဲဒီတုန်းက ကိုယ်တို့အိပ်မှ အဖေ့အတွက် ငပိကြော်လေးတွေကို အမေထကြော်ခဲ့တယ်။ အမေဟာ
သမီးတွေရဲ့နုနယ်သေးတဲ့စိတ်ကလေးတွေ မနာကျင်စေဖို့ အပင်ပန်းခံခဲ့တယ်ဆိုတာ မလွဲနိုင်ပါဘူး။ (အခု
ကိုယ့်အသက် နှစ်ဆယ့်ငါးနှစ်ရောက်မှ အမေက သူအဲ့လိုလုပ်ခဲ့ကြောင်း ပြောပြခဲ့တာပါ။) အမေနဲ့အတူ
အမေ့ငပိကြော်လေးကလည်း အဖေ့ကိုထောက်ခံခဲ့ဖူးတယ်လေ။ တကယ်ဆို အဲဒီအချိန်တုန်းက အမေဟာ
ငယ်သေးတယ်လို့ပဲပြောရမယ်။ ပတ်ဝန်းကျင်ရဲ့ရိုက်ခတ်မှုကိုလည်း ခေါင်းမာသူပီပီ ခံနိုင်ရည်ရှိခဲ့ပုံရတယ်။
အမေ့ရဲ့ ကုသိုလ်ကံလေးနဲ့ အဖေ့ရဲ့မိတ်ကောင်းဆွေကောင်းတွေကြောင့်သာ ထမင်းတော့မငတ်ခဲ့တာ။

သူများတွေ အစာရေစာရှားပါးနေတဲ့အချိန်မှာတောင် ကိုယ်တို့ ၀၀လင်လင် စားခဲ့ရတယ်။ ဆေးဆိုလည်း
လိုအပ်သလိုသောက်ခွင့်၊ ကျန်းမာစွာ နေထိုင်ခွင့်ရခဲ့တယ်။ ဒီလိုဆို အဖေ့လုပ်ရပ်အပေါ် ကံကြမ္မာကပါ
အားပေးအားမြှောက်လုပ်ခဲ့တာများလားမသိ။ အဘွားဟာလည်း အဖေမရှိတဲ့အချိန်မှာ တံတိုင်းတစ်ခုပါပဲလေ။
သူဟာ ကျန်ရှိနေတဲ့ ကိုယ်တို့ မိသားစုသုံးယောက်ကို စောင့်ရှောက်ခဲ့တယ်။ ကာကွယ်ခဲ့တယ်။ အဘွားနဲ့
အမေတစ်ခါမှစကားများ၊ ရန်ဖြစ်တာ မတွေ့ဖူးတဲ့အတွက် သူတို့နှစ်ယောက် တစ်ယောက်ကိုတစ်ယောက်
ချစ်ခင်ကြတယ်ဆိုတာ ယုံမှားစရာမရှိပါဘူး။ (ကမ္ဘာပေါ်မှာ အချစ်ခင်ဆုံး သမီးယောက္ခမအဖြစ်
ဂင်းနစ်စံချိန်တောင်တင်နိုင်ပါတယ်။) အဘွားဟာ ကိုယ်တို့မိသားစုကို စောင့်ရှောက်ရင်းနဲ့
အဖေ့လုပ်ရပ်အပေါ် အပြည့်အ၀ထောက်ခံခဲ့တယ်။

* * * * *

မနက်တိုင်း ကိုယ့်ဘကြီးလက်ဖက်ရည်ဆိုင်ရှေ့ကဖြတ်ရတာ ရင်တခုန်ခုန်ပဲ။ဘာလို့လဲဆိုတော့ ဘကြီးက
ကိုယ်တို့ညီအစ်မနှစ်ယောက်ကို အဖေမရှိတဲ့နေ့ကစပြီး မနက်တိုင်း မနက်စာတာဝန်ယူခဲ့တယ်။
နေ့တိုင်းကျွေးတယ်ဆိုပေမယ့် သွားမယူရဲဘူး။ တစ်ခါတစ်လေ ဘကြီးကဆိုင်မှာလူကျနေလို့
ကိုယ်တို့ကိုမေ့ပြီးများ မခေါ်မိရင် အဲဒီနေ့တော့ ဆိုင်ရှေ့ကနေ ဘကြီးမမြင် မြင်အောင်
အခေါက်ခေါက်အခါခါဖြတ်ပြီသာမှတ်တော့။ အဖေ့အစ်ကိုတွေအားလုံး ညီဖြစ်သူရဲ့လုပ်ရပ်ပေါ်မှာ
သူတို့တတ်နိုင်တဲ့ နည်းလမ်းမျိုးစုံနဲ့ အားပေးထောက်ခံခဲ့ကြတယ်ဆိုတာ သေချာပါတယ်။

* * * * *

တစ်ခုသောအဖြစ်အပျက်တစ်ခုကိုတော့ အမေက အခုချိန်ထိမေ့မရနိုင်ခဲ့ဘူး။ အဲဒီနေ့က
အမေနဲ့ကိုယ်တို့ညီအစ်မနှစ်ယောက် ကားဂိတ်မှာ ကားစောင့်နေကြတယ်။ ဒဏ္ဍာရီရုပ်ရှင် ဇာတ်ကား
ခေတ်စားနေချိန်ဖြစ်တာကြောင့် အဲဒီကားကြည့်ဖို့ ကိုယ်တို့ပူဆာတာနဲ့ ဘတ်စ်ကားဂိတ်ကို ချီတက်ခဲ့ကြတယ်။
အမေက သမီးနှစ်ယောက်ကို လက်ဆွဲလို့ပေါ့။ (တကယ်ဆို အဖေကသမီးတစ်ယောက်ကိုလက်ဆွဲ၊ အမေကလည်း
သမီးတစ်ယောက်ကို လက်ဆွဲလို့ဆိုပြီး အမေစိတ်ကူးယဉ်ခဲ့သေးလား။ သတိရနေရှာမလားတော့မသိပါ။)

ကားစောင့်နေတုန်း ဦးလေးနဲ့သူ့မိန်းမ အပြင်သွားစရာရှိလို့ ကားနဲ့ထွက်လာရင်း ကိုယ်တို့ကိုမြင်တော့
ရုပ်ရှင်ရုံလိုက်ပို့ပေးဖို့ ကားပေါ်ခေါ်တင်သွားခဲ့တယ်။ ဒါပေမယ့် ဦးလေးရဲ့မိန်းမလုပ်သူက သူသွားစရာရှိတာ
နောက်ကျမယ်၊ တော်ပြီမသွားတော့ဘူးဆိုပြီး ပြောဆိုနေတာနဲ့ ကိုယ်တို့သားအမိသုံးယောက် တစ်ယောက်လက်
တစ်ယောက်ဆွဲလို့ တာမွေမှာပဲဆင်းနေခဲ့ရတယ်။ ကိုယ်တို့ကတော့ ကလေးပီပီ ဘာမှနားလည်တာမဟုတ်။
ဆင်းဆိုတော့လည်း ဆင်းလိုက်ကြတာပဲ။ အမေကတော့ အားငယ်သွားရှာမှာပေါ့။ အဲဒီအချိန်မှာ အဖေ့ကို
ပိုပြီးတောင် သတိရသွားအုံးမယ်ထင်တယ်။ အဲဒီတုန်းက ကိုယ်တို့ညီအစ်မက ငယ်သေးတာမို့ ဘာမှမသိဘူး။
အခုပြန်စဉ်းစားတော့ အမေ့မျက်နှာ ဘယ်လောက်ပျက်သွားမလဲ။ စိတ်အား
ဘယ်လောက်ငယ်သွားမလဲဆိုတာ တွေးကြည့်ရင်းတောင် ရင်ထဲမကောင်းဖြစ်မိတယ်။

အဲဒီနေ့က ဒဏ္ဍာရီရုပ်ရှင်ဇာတ်ကားကြည့်ဖြစ်ခဲ့တယ်။ ပင်ပန်းရကျိုးနပ်ပါတယ်။ ဇာတ်ကားကောင်းတစ်ခုမို့
ရင်ထဲစွဲကျန်လို့နေတယ်။ အဲဒီဇာတ်ကားနဲ့အတူ သူများကားပေါ်က ခပ်ကုတ်ကုတ်ဆင်းသွားခဲ့ရတဲ့
ကိုယ်တို့မိသားစုရဲ့အဖြစ်ပျက်ကလည်း ဒီနေ့ဒီအချိန်အထိ ရင်ထဲစွဲကျန်နေဆဲပါပဲ။ ဒဏ္ဍာရီဇာတ်ကား
တီဗွီကလာတိုင်း အမှတ်ရနေတော့တာပါပဲလေ။ အခုချိန်မှာ ကိုယ်တို့ ကိုယ်ပိုင်ကားစီးနိုင်နေပါပြီ။
ဒါပေမယ့်ဦးလေးရဲ့မိသားစုကို အတတ်နိုင်ဆုံးကိုယ်တို့ကားနဲ့ လိုရာခရီးတော်တော်များများကို
လိုက်ပို့ပေးခဲ့ပါတယ်။ ကိုယ်တို့ခံစားခဲ့ရသလို သူတို့မခံစားရအောင်ပါ။ ကိုယ်တို့
ကိုယ်ချင်းစာတတ်ရမယ်မဟုတ်လား။

အဖေယုံကြည်တဲ့လမ်းပေါ်မှာ ပန်းခင်းလမ်းတွေရှိသလို၊ လမ်းကြမ်းတွေကလည်း မနည်းမနောပဲ။
ဒါပေမယ့် အဘွားရယ်၊ အမေရယ်၊ ကိုယ်တို့ညီအစ်မနှစ်ယောက်ရယ် တစ်ယောက်လက်
တစ်ယောက်တွဲလို့ အဖေ့ကိုယုံကြည်တဲ့စိတ်နဲ့ အဲဒီလမ်းကို ရဲရဲဝံ့ဝံ့ လျှောက်လှမ်းခဲ့ကြတယ်။

* * * * *

ပထမအကြိမ် အဘိုးဆေးရုံတက်တုန်းကတော့ အဖေကိုယ်တိုင်ဆေးရုံစောင့်ခဲ့တယ်။ ပြုစုခဲ့တယ်။
ဒုတိယအကြိမ် ဆေးရုံတက်တဲ့အခေါက်မှာတော့ အဘိုးနားမှာ ကိုယ့်အဖေ နေမပေးနိုင်တော့ဘူးလေ။
နေမကောင်းတဲ့အချိန်မှာ လူတွေဟာ ပိုပြီးစိတ်အားငယ်တတ်တယ်။အားကိုးရှာချင်ကြတယ်ဆိုရင် အဘိုး
စိတ်ထဲ သူ့သားကို ဘယ်လောက်တောင်သတိရရှာမလဲ။ဘယ်လောက်တောင်တွေ့ချင်ရှာမလဲမသိ။

သူ့သားကိုတွေ့ရင်
''ငါလခွီးထဲမှ မင်းဘယ်ရောက်နေတာလဲကွ''
လို့ ပြောချလိုက်လေမလား။
''ငါ့မြေးတွေနဲ့ငါ့ချွေးမကို မင်းပစ်ထားတာ ဘယ်လောက်ကြာပြီလဲကွ''
လို့ ကရုဏာဒေါသောနဲ့ဆိုလေမလားမသိပါ။ အဘိုးဟာ နောက်ဆုံးထွက်သက်အထိ သူ့သားကိုမတွေ့၊
မမြင်လိုက်ရရှာဘူး။ သူ့သားကို သူပြောချင်တဲ့စကားတွေတော့ ဘယ်လောက်တောင်ရှိလိုက်မလဲ။
နောက်ပြီး အဖေယုံကြည်ခဲ့တဲ့လမ်းကို အဘိုး ယုံကြည်ခဲ့ရဲ့လားဆိုတာကိုတော့ အဘိုးကိုမေးမှသာ
အတိအကျသိပါလိမ့်မယ်။ သားတွေကို ကိုယ်ပိုင်ဆုံးဖြတ်ချက်အပြည့်အ၀ပေးခဲ့တဲ့၊ သားတွေလုပ်တဲ့
ကိစ္စတိုင်းကို လက်ခံခဲ့တဲ့ အဘိုးဟာ အဖေ့ကို အပြစ်တင်စကားတော့ ဆိုမယ်မထင်ပါဘူးလေ။

* * * * *

အဘိုးဆုံးတော့ အသုဘချတဲ့နေ့မှာပဲ ခြွေရံသင်းပင်းတွေနဲ့အတူ အဖေပြန်လာခဲ့တယ်။ အဖေ့ပေါင်ပေါ်မှာ
ထိုင်နေတဲ့ ကိုယ့်ပုံစံက တကယ့်ကိုဂုဏ်ယူဝံ့ကြွားနေတဲ့ပုံ။ ဒီမှာ ငါ့အဖေတွေ့လား ဆိုတဲ့ပုံ။ ဒါပေမယ့်
အဖေ့ပေါင်ပေါ်မှာ ထိုင်ရတာလေးက ခဏဆိုမှ တကယ့်ခဏလေးပါ။

သူတို့တွေ အဖေ့ကိုပြန်ခေါ်သွားကြတယ်။ အဖေ့ကိုနှုတ်ဆက်ဖို့ အမေ အင်အားအပြည့်ရှိခဲ့မှာပါ။
ကိုယ်တို့မိသားစုနဲ့အတူ အဖေ့သူငယ်ချင်းမိတ်ဆွေတွေလည်း လိုက်ပြန်ပို့ကြတယ်။ ကိုယ့်အစ်မက
နားလည်တတ်တဲ့ အရွယ်လည်းရောက်နေပြီဆိုတော့ သဘောပေါက်ပုံရတယ်။ လူကြီးတွေအဖြေရကျပ်မယ့်
မေးခွန်း တစ်ခုတစ်လေမှ မမေးရှာဘူး။ကိုယ်သာစပ်စပ်စုစု။ တံခါးကြီးတစ်ခုရှေ့ကို ကားရပ်လိုက်တဲ့အချိန်မှာပဲ
ကားပေါ်က ဆင်းသွားခါနီး အဖေ့ကို
''ဟင်....လေယာဉ်ကွင်းလည်းဆိုသေး လေယာဉ်လည်းတစ်စီးမှမရှိဘူး''
ဆိုတဲ့ စကားသံဟာ ပါလာသူအားလုံးကို နှုတ်ဆိတ်သွားစေတယ်။ ပါလာတဲ့ လူကြီးတွေက
ကလေးကိုရော သူတို့ရင်ထဲက စိတ်မကောင်းခြင်းတွေကိုပါ ဖုံးကွယ်ရင်း
''အဲဒီအုတ်နီနီတွေနောက်ထဲမှာ ရပ်ထားတာ။ မြင့်တော့ ဘယ်မြင်ရပါ့မလဲ''
လို့ ဖြေသိ့မ်လိုက်ကြတယ်။

တကယ်လည်း အဲဒီတံခါးအနောက်ဘက်မှာ အဖေပျံဝဲခဲ့ဖူးတဲ့ အတွေးလေယာဉ်ပျံတွေ
ဘယ်နှစ်စီးတောင်ရှိလိုက်မလဲမသိ။ တံတိုင်းတွေအပြည့်အ၀ တင်းတင်းကျပ်ကျပ် ကာရံထားတဲ့
အဲဒီနေရာကြီးမှာ အတွေးတွေသာ လွတ်လပ်ခွင့်ရကြတာမဟုတ်လား။ (ဒါပေမယ့် အဖေ
တကယ်နိုင်ငံခြားသွားနေတယ်လို့ပဲ ကိုယ်ထင်ခဲ့တာ။ ကိုယ်ယုံကြည်ခဲ့တာ။)
တစ်ခါတုန်းက အင်းစိန်ဟာ လေယာဉ်ကွင်းဖြစ်ခဲ့ဖူးတယ်ဆိုတာ ကိုယ်တို့ကလွဲလို့
ဘယ်သူမှမသိနိုင်ဘူးလေ။ အဖေနဲ့အတူပါသွားတဲ့ ကုတ်အင်္ကျီအမည်းကြီးလည်း နိုင်ငံခြား(ခေါ်)
အင်းစိန်ရဲ့ ဘယ်နေရာမှာ နေရရှာတယ်မသိ။

* * * * *

အဖေ မိသားစုဆီ အပြီးအပိုင် ပြန်လာတဲ့နေ့မှာတော့ ကိုယ်တစ်ယောက်လည်း ယောက်ယတ်ခတ်လို့။
ကိုယ် အဖေ့ကိုမေးတဲ့အထဲမှာ
''အဖေ....ချောကလက်ပါလား''
ဆိုတဲ့မေးခွန်းက အများဆုံးပဲ။ ဟုတ်တယ်လေ။ ကိုယ်သိတာက အဖေက အုတ်နီနီတွေရှိတဲ့
နေရာကနေလေယာဉ်ပျံကြီးစီးပြီး နိုင်ငံခြားကိုသွားနေတာ။ ပြန်လာရင် သူများအဖေတွေ
နိုင်ငံခြားကပြန်လာသလိုတော့ ချောကလက်တွေပါလာရမှာပေါ့။
''ချောကလက်ပါတဲ့အိတ်က လေယာဉ်ကွင်းမှာကျန်ခဲ့တယ်။ နောက်နေ့မှ သွားယူရမှာ''
ဆိုတဲ့စကားကိုသာ ယုံကြည်ရင်း ချောကလက်ပါတဲ့ အိတ်ကိုစောင့်မျှော်ခဲ့ရတာ အခုချိန်ထိပါပဲ။
အခုထိလည်း နိုင်ငံခြားသွားတဲ့သူတိုင်းကို
''ချောကလက်ဝယ်ခဲ့ပါနော်လို့''
မှာတတ်တာ အကျင့်လိုဖြစ်နေပြီ။ တစ်ချိန်တစ်ခါတုန်းက မပြည့်ဝခဲ့တဲ့ဆန္ဒတွေကို ဖြေသိမ့်တာထင်ပါရဲ့။

အဖေပြန်ရောက်လာတာမို့ အိမ်မှာအတူနေတဲ့အဘွားကို ကန်တော့ကြတယ်။ နောက်ပြီးရင် အမေ့ရဲ့အဖေနဲ့
အမေကိုသွားကန်တော့ဖို့အသွား လမ်းမှာစကားအလွန်များ၊ မေးခွန်းအမေးထူလွန်းတဲ့
ကိုယ်ဟာ
''သြော်.....ပျော်ရမယ့်နေ့မှာမှ မိုးကလည်းရွာသေးတယ်''
လို့ပြောလိုက်တာကြောင့် လူကြီးတွေခမျာ ရယ်ရအခက်ငိုရအခက်ပဲတဲ့။မိုးရွာရင်လူတွေဟာ
လွမ်းတတ်ကြတယ်မဟုတ်လား။ ကိုယ်ဟာ မိုးတွင်းနှစ်တွင်းလုံးမှာ မသိလိုက်မသိဘာသာ
အဖေ့ကိုလွမ်းခဲ့ဖူးတယ်ထင်ပါရဲ့။ အခုတော့မိုးရွာရင် မလွမ်းရတော့ပါဘူး။

ကိုယ်က ဟင်းစားကြီးတယ်။ ငါးကြော်ဆိုလည်း နှစ်တုံး၊ သုံးတုံးမှ။ အသားဆိုလည်း များများမှ။
အဲဒါကိုမြင်တော့ အဖေက ဆုံးမတယ်။ အဖေတို့ဆို အထဲမှာ တစ်ယောက်တစ်တုံးပဲ စားရတာ။
ဘာဖြစ်ဖြစ် 'ကိုယ်တာ'နဲ့စားရတာတဲ့။ အဲဒီတုန်းက ကိုယ်စဉ်းစားခဲ့ဖူးတယ်။သြော်သူများတွေအထင်ကြီးနေတဲ့
နိုင်ငံခြားဆိုတာ ဟင်းလည်း များများမစားရဘူးလို့။အဖေပြောတဲ့ နိုင်ငံခြားဆိုတာ မိသားစုသားချင်းတွေရဲ့
အဝေးကိုရောက်နေရတာချင်းတော့ တူပါရဲ့။ဒါပေမယ့် ချောကလက်တွေမရှိတာတော့ သေချာပါတယ်လေ။

* * * * *

''စာမေးပွဲဖြေရင် မလောနဲ့။ စာတွေကရပြီးသားပဲ။ ရေဗူးယူသွား။
ဓာတ်ဆားထုပ်နဲ့ မူးရင်သောက်ဖို့ဆေးကို ဗီဒိုလက်ကိုင်မှာ ချိတ်ထားတယ်။''
ဆိုတဲ့ စာရွက်ကလေးတွေက မနက်တိုင်းမြင်ရနေကျ။ အဖေက နောက်ကျအိပ်သူမို့ ကိုယ်တို့ကို မှာစရာရှိရင်
အဲဒီလို စာရွက်တွေနဲ့မှာလေ့ရှိတယ်။
''ကျောင်းသွားရင် မိုးကာ၊ ထီး ယူသွားဖို့မမေ့နဲ့။ ဒီနေ့မိုးရွာမယ်ပြောတယ်''
ဆိုပြီး တစ်နေ့တစ်နေ့ မိုးလေ၀သအခြေအနေနားထောင်ရင်း ကိုယ်တို့ကို မှာကြားချက်တွေ ပေးတတ်တယ်။

''မြို့ထဲမှာ လူရုတ်ရုတ် ရုတ်ရုတ်ဖြစ်နေတယ်။ အရေးကြီးကိစ္စမရှိရင် မြို့ထဲမသွားကြနဲ့''
ရေဒီယိုတွေနားထောင်ပြီး အဲဒီလိုလည်း အစိုးရိမ်ကြီးတတ်တယ်။
ကိုယ်တို့မိသားစုကို အစွမ်းကုန်ဂရုစိုက်ရင်း အဖေဟာ သူ့ယုံကြည်ချက်အတွက် ကိုယ်တို့လပ်ခဲ့တဲ့
ကွက်လပ်တွေကို အတတ်နိုင်ဆုံး ပြန်ဖြည့်ခဲ့ပါတယ်။ တကယ်တော့ အဖေပြန်ဖြည့်ပေးတဲ့ကွက်လပ်တွေက
အမှတ်တစ်ရာကျော်နေပါပြီလေ။

* * * * *

တကယ်တော့ ပြန်ပြောပြစရာ ဒုက္ခများများစားစားရယ်လို့ မရှိပါဘူး။ ဘာကြောင့်လဲ ဆိုတော့ ကြုံရတဲ့၊
ဆုံရတဲ့ဒုက္ခတွေအားလုံးကို အမေတစ်ယောက်တည်း သိမ်းကြုံးခံခဲ့လို့ပါပဲ။ကိုယ်တို့ညီအစ်မနှစ်ယောက်ကတော့
အဖေ့ရဲ့ပခုံးကို ခဏတာဆုံးရှုံးဖူးတာ၊ အဖေ့ရဲ့ဂရုစိုက်မှုနဲ့ ခဏတာဝေးကွာခဲ့ရတာကလွဲရင် ဘာမှမပြောပလောက်ပါဘူး။
ချောကလက်တွေထက် အဖေ့ရဲ့အိမ်ပြန်ချိန်ကို ပိုပျော်ရွှင်ခဲ့တယ်။ နိုင်ငံခြားသွားနေတယ်ဆိုတဲ့ အဖေ့ထက်
ကဗျာတစ်ပုဒ်ရေးခဲ့ဖူးတဲ့အဖေ့အတွက် ကိုယ်တို့ ပိုပြီးဂုဏ်ယူခဲ့တယ်။ အဖေ့သမီးဖြစ်ရခြင်းကတော့ ဘ၀မှာဂုဏ်အယူဆုံးပါပဲ။

တကယ်တော့ ကဗျာတစ်ပုဒ်ရဲ့နောက်ကွယ်မှာ ရေးသူနဲ့အတူတူချီတက်ခဲ့ကြတဲ့ နောက်ထပ်မိသားစု
နှစ်စုလည်း ရှိသေးတယ်။ သူတို့က အဖေ့အပေါ်ကို ကိုယ်တို့မိသားစုထက်ကို ပိုပြီးယုံကြည်မှု ပြင်းထန်ခဲ့တယ်။
သူတို့မိသားစုမှာလည်း သူတို့အဖေတွေ နိုင်ငံခြားသွားတယ်လို့ ထင်ကောင်းထင်ခဲ့နိုင်ပါတယ်။ နောက်ပြီး
ကိုယ့်လိုပဲ ချောကလက်တွေ မျှော်လင့်ခဲ့သေးသလား မသိ။ ကုတ်အင်္ကျီအမည်းကြီးလည်း အခုတော့
ကိုယ်တို့ဗီဒိုမှာ သက်သောင့်သက်သာနဲ့ နေသားတကျရှိပါပြီ။ အခုဆို အဖေ ဘယ်တော့မှ နိုင်ငံခြားမသွားတော့ဘူးလေ။



ယုယ
-------
ရွှေအမြုတေမဂ္ဂဇင်း၊
မေ၊ ၂၀၁၃။

19

--
Posted By Blogger to လူဗိုလ်ဟူသည် ... at 5/05/2013 08:55:00 AM

--
မှော်ဆရာအဖွဲ့မှ နေ့စဉ် Mail များရယူလိုပါက http://groups.google.com/group/mrsorcerer/subscribe?hl=en
Member များ မိမိတို.သိထားသည်များကို မျှဝေလိုပါက mrsorcerer@googlegroups.com သို့စာပို့နိုင်ပါသည်။
မှော်ဆရာအဖွဲ့ မှ နှုတ်ထွက်လိုလျှင် mrsorcerer+unsubscribe@googlegroups.com ကိုနှိပ်ပြီး စာပို့ပေးပါရန်။
စာလက်ခံလိုသည့်ပုံစံ ပြင်လိုလျှင် http://groups.google.com/group/mrsorcerer?hl=en
အဖွဲ့ ၏ စည်းကမ်းများကို သိလိုလျှင် http://groups.google.com/group/mrsorcerer/browse_thread/thread/af2f4a1d44d4d909?hl=en တွင် ဖတ်ရှုနိုင်ပါသည် ။
 
Facebook (FB) မှော်ဆရာအဖွဲ့သို့ Mail ပို့လိုလျှင် mrsorcerer2@groups.facebook.com
FB မှော်ဆရာအဖွဲ့သို့ ၀င်ရန် http://www.facebook.com/home.php?sk=group_173571176006981&ap=1
Facebook Page နှင့်ဆက်သွယ်လိုလျှင် www.facebook.com/mrsorcerergroup
 
မှော်ဆရာ အဖွဲ့ နှင့်ပက်သက်၍ ဝေဖန်အကြံပြုလိုပါက >>>
ဦးဦး မှော်ဆရာ ( mrsorcerer9@gmail.com, mrsorcerer27@gmail.com ) ထံသို.
ပေးပို.နိုင်ပါသည် ။
 
ခင်မင်စွာဖြင့်
ဦးဦး မှော်ဆရာ
---
You received this message because you are subscribed to the Google Groups "မှော်ဆရာ အဖွဲ့  ( Ѧя Ƨσяcɛяɛя )" group.
Visit this group at http://groups.google.com/group/mrsorcerer?hl=en.